پەیامی سەرۆكی هەرێمی كوردستان لەبارەی پەلاماری تیرۆریستان بۆ سەر كۆبانێ
بەناوی خودای بەخشندە و میهرەبان
هێرشی دڕندانەی تیرۆریستانی داعش بۆ سەر خوشك و براكانمان لە كۆبانێ بەشێكە لە ئەو نەفیرعام و دوژمنكارییەی تیرۆریستان لەدژی گەلی كوردستان ئەنجامی دەدەن. وەحشیگەری و پەلاماری تیرۆریستانی داعش بۆسەر كۆبانێ و ڕۆژئاوای كوردستان هەڕەشەیە بۆ هەموو گەلی كوردستان و شەرەف و كەرامەت و مان و نەمانی گەلەكەمانی كردۆتە ئامانج.
داوا لە هەموو لایەنە كوردستانییەكان دەكەم هەموو ناكۆكییەكانیان وەلا بنێن و بەیەكەوە بەرگری له كەرامەت و خاك و ژیانی هاووڵاتیانی كۆبانێ بكەن. بەرگریكردن لە خاك و خەڵكی كوردستان ئەركێكە لەسەر شانی هەموومانە و لەسەرووی هەموو ئەركێكی دیكەیە.
داوا لە كۆمەڵگەی نێودەوڵەتییش دەكەم بە زووترین كات هەموو ڕێوشوێنێك بگرنەبەر بۆ پاراستنی كۆبانێ و خەڵكی ڕۆژئاوای كوردستان لە دەستی تیرۆریستان. چونكە تیرۆریستانی داعش لە هەر شوێنێك بن دەست لە تاوان و كارەسات ناپارێزن و دەبێ لە هەر شوێنێك بێت لێیان بدرێت و تێكبشكێندرێن.
مسعود بارزانی
سەرۆكی هەرێمی كوردستان
19ـی ئەیلوولی 2014
مهنسوور جیهانیـ فیلمی سینەمایی "مەردان" لە دەرهێنانی سینەماکاری کورد "بەتین قوبادی" لە سی و نۆیەمین خولی فیستیڤاڵی فیلمی تۆرێنتۆ لە وڵاتی کەنەدا نمایشکرا.
"مەردان" یەکەمین فیلمی بڵندی سینەماکاری لاوی کورد "بەتین قوبادی" دوای کورتە فیلمی "لە با بپرس"ـنە کە خەڵاتی ورچی بلۆرینی شەستەمین خولی فیستیڤاڵی نێودەوڵەتیی فیلمی بەڕڵین لە ساڵی 2010 بەدەستهێنا، لە یەکەمین بەشداری نێودەوڵەتیی خۆیدا لە بەشی "دۆزینەوەکان" Discovery بە ناونیشانی "داهاتووی سینەمای جیهان" لە 39یەمین خولی فیستیڤاڵی نێودەوڵەتیی فیلمی تۆرێنتۆ لە وڵاتی کەنەدا چووە سەر پەردەی سینەماکان.
"مەردان" کە چیرۆکی پێشمەرگەیەکی کورد بۆ بینەر دەگێڕێتەوە، ساڵی ڕابردوو لە هەرێمی کوردستان سازکراوە و تیایدا ئەکتەری ناوداری کورد "حوسێن حەسەن"، گۆرانیبێژی کورد "هێلانە عەبدوڵڵا" (هێلی لۆڤ)، "ئیسماعیل زاگڕۆس"، "فەیاز دۆمان"، "میر موراد بەدرخان"، "بێریتان ئیلدیزتان" و چەندین ئەکتری دیکە ڕۆڵیان بینیوە، لە سێ سانسی جیاوازدا لەوانە: لە ڕۆژانی 6، 8 و 14ی ئەیلوول / سەپتەمبەری 2014 لە فیستیڤاڵی نێودەوڵەتیی فیلمی تۆرێنتۆ نمایشکرا.
لە کۆنگرەی ڕۆژنامەوانیدا کە ڕۆژی 28ی ئاب / ئۆگۆستی 2014 لە شاری تۆرێنتۆ بەڕێوەچوو، لە لایەن بەرپرسانی فیستیڤاڵەوە بە ڕەسمی ڕاگەیاندرا کە "مەردان" دوایین بەرهەمی "بەتین قوبادی" لە نێوان فیلم گەلێک لە وڵاتانی ئەمەریکا، بەریتانیا، کەنەدا، فەڕەنسا، ئەڕژەنتین، نەمسا، نۆڕوێژ، ئوستوڕاڵیا، پاکیستان، هێندستان و چەندین وڵاتی دیکە لە بەشی "دۆزینەوەکان" بە ناونیشانی "داهاتووی سینەمای جیهان" وەرگیراوە.
فیستیڤاڵی فیلمی تۆرێنتۆ کە یەکێکە لە فیستیڤاڵە گرینگ و پلە یەکەکانی سینەمای جیهان و زۆربەی فیلمە بەرچاوەکانی سینەما لەم ڕێگایەوە چوونەتە ناو فیستیڤاڵە جۆراوجۆرە جیهانییەکان و ئاکادیمیای ئۆسکارەوە، لەم خولەی خۆیدا بە نمایشی 300 فیلم لە فیلمسازانی زیاتر لە 60 وڵاتی جیهان لە بەشەکانی چیرۆکی، دیکۆمێنتاری، ئەزموونی و ئەنیمەیشنی و بە ئامادەبوونی سینەماکارانی بەئەزموون و ئەستێرە ناودارەکانی سینەمای جیهان لە چەندین بەشی جۆراوجۆری پێشبڕکێی و دەرەوەی پێشبڕکێی لەوانە: بەشی "فیلمسازە سەربەخۆکان"، بەشی "دۆزینەوەکان"، بەشی "مامۆستایان"، "کەشفی بەهرەمەندان" و بەشی "دیکۆمێنتاری" لە ڕۆژانی 4 تا 14ی ئەیلوول / سەپتەمبەری 2014 لە شاری تۆرێنتۆ لە کەنەدا بەڕێوەچوو.
لە پوختەی سیناریۆی فیلمی "مەردان"دا هاتووە: پێشمەرگەیەکی کورد کە لە منداڵیدا چیرۆکێکی ناخۆشی بۆ دێتە پێشێ دەبێتە مرۆڤێکی دوورەخراو، تەنیا و دوورەپەرێز، ئەو لە سرووشتی کێویی و لە نێوان شاخەکانی کوردستاندا بە شوێن پیاوێکی ونبوودا دەگەڕێت.
"بەتین قوبادی" ساڵی 1979 لە شاری بانە لە دایک بووە. ساڵی 1995 بە شێوەکاری چووە دنیای هونەرەوە و ساڵی 1997 بە سازکردنی کورتە فیلمی "شێوەکاری" بۆ تەلەڤیزیۆنی سنە دەستی بە چالاکی فیلمسازی کرد.
ئەم هونەرمەندە تا ئێستا 6 کورتە فیلمی چیرۆکی سازکردووە، لەوانە: کورتە فیلمی "شێوەکاری"، کورتە فیلمی "حەتمەن ئەمڕۆ" لە ساڵی 1997، کورتە فیلمی "لێرە ئانتین نادات" لە ساڵی 1998، کورتە فیلمی "سەربازێک کە شکا" لە ساڵی 2000، کورتە فیلمی "ئامادە بۆ مردن" لە ساڵی 2008 و هەروەها کورتە فیلمی "لە با بپرسن" لە ساڵی 2009.
بەتین لە تەمەنی 23 ساڵیدا بۆ کامڵبوونی چالاکییە سینەماییەکانی خۆی بەرەو پاریس سەفەری کرد و ئەم شارەی وەکوو زانکۆیەک هەڵبژارد. ئەو چەندین کورتە فیلمی لە فەڕەنسا و وڵاتانی دیکەی ئەورووپا سازکرد. ساڵی 2010 بە کورتە فیلمی "لە با بپرس" توانی خەڵاتی ورچی بلۆرینی شەستەمین خولی فیستیڤاڵی نێودەوڵەتیی فیلمی بەڕڵین لە وڵاتی ئەڵمانیا بۆ خۆی مسۆگر بکات.
چین كونسلخانهى گشتى له ههولێر دهكاتهوه
نیوهڕۆى ئهمڕۆ پێنجشهممه 18ى ئهیلوولى 2014، بهڕێز نێچیرڤان بارزانى سهرۆك وهزیرانى ههرێمى كوردستان، پێشوازى له بهڕێز "تان بانگلین" نێردراوى وهزارهتى دهرهوهى كۆمارى چین كرد، كه وهك كونسلى گشتیى وڵاتهكهى له ههرێمى كوردستان دهستهبهكار دهبێت.
له دیدارێكدا بهڕێز "بانگلین" خۆشحاڵیى خۆى به سهردانى ههرێمى كوردستان دهربڕى و دووپاتى كردهوه كه حكوومهتى وڵاتهكهى، به تایبهتى لهم بارودۆخهدا ئهوى ڕهوانهى ههرێمى كوردستان كردووه، بۆ ئهوهى له نزیكهوه پشتگیریى چین بۆ ههرێمى كوردستان و هاوسۆزى لهگهڵ ئاواره و پهنابهراندا نیشان بدات و لهوه بكۆڵێتهوه ئاخۆ چین چۆن دهتوانێت لهم بارودۆخهدا، هاوكاریى ههرێمى كوردستان و ئاواره و پهنابهران بكات؟.
ههروهها ڕایگهیاند كه بۆ پتهوكردنى پهیوهندییهكانى نێوان ههرێمى كوردستان و عیراق لهگهڵ چین، له ماوهى دوو مانگى داهاتوودا كونسلخانهى گشتیى كۆمارى چین له ههولێر دهكرێتهوه و خۆى وهك یهكهم كونسلى گشتیى چین له ههرێمى كوردستان دهستبهكار دهبێت. جهختیشى لهوه كردهوه كه له ڕێگهى كردنهوهى كونسلخانه له ههولێر، ههوڵ دهدهن ببنه پردێكى پتهوى نێوان ههرێمى كوردستان و چین و، كۆمپانیا چینییهكان هان دهدهن بۆ ئهوهى بێن له ههرێمى كوردستان كار بكهن و بهشدارى له پرۆسهى ئاوهدانكردنهوه و بنیاتنان و پێشخستنى ههرێمى كوردستاندا بكهن.
لاى خۆیهوه بهڕێز سهرۆك وهزیران به گهرمى بهخێرهاتنى كرد و به خۆشحاڵییهوه ستایش و پێشوازى لهم ههنگاوهى چین كرد، كه لهم بارودۆخهدا دهیهوێت كونسلخانهى گشتى له ههولێر بكاتهوه و پهیوهندییهكانى لهگهڵ ههرێمى كوردستان پتهو بكات. دووپاتیشى كردهوه كه ئهم ههنگاوهى چین لهم بارودۆخهى ئێستاى ههرێمى كوردستان و ناوچهكهدا، پشتگییرییهكى مهعنهویى گهورهیه و ههموو هاوكارییهكى بۆ كردنهوهى كونسولخانهكه، دووپات كردهوه.
له كۆتاییى دیدارهكهدا ههردوولا خواستى خۆیان بۆ پتهوكردنى پهیوهندییهكان له ههموو بوارهكانى ئابوورى و بازرگانى و سیاسى و كۆمهڵاتیدا دهربڕى و، جهختیان لهسهر پێویستیى هاوكاریكردنى حكوومهتى ههرێمى كوردستان بۆ ڕووبهڕووبوونهوهى تیرۆرستانى داعش، كردهوه.
به كردنهوهى كونسلخانهى كۆمارى چین له ههولێر، لهگهڵ ئهمهریكا، ڕووسیا، فهرهنسا و بهریتانیا، ئیتر ههر پێنج ئهندامى ههمیشهییى ئهنجومهنى ئاسایشى سهر به نهتهوه یهكگرتووهكان، نوێنهرایهتیى دیپلۆماسییان له ههرێمى كوردستان دهبێت.
لە ئەمریکا فەلاح مستەفا چەند دیدارو کۆبوونەوەى لەگەڵ بەرپرسانى ئەو ووڵاتە بۆ بەدەستهێنانى هاوکارى بۆ هەرێم ئەنجام دا
لە درێژەى سەردانە فەرمیەکەیدا بۆ ئەمریکا رۆژى چوارشەممە 17/9/2014 فەلاح مستەفا بەرپرسى پەیوەندیەکانى دەرەوەى حکومەتى هەرێم بەشدارى لە مێزگردێکدا کرد کە لە لایەن ئەنجومەنى پەیوەندیەکانى دەرەوە رێکخرابوو.
لە مێزگردەکەدا کە زیاتر لە 20 کەسایەتى ئەکادیمى و بەرپرسانى باڵاى پێشووى ئەمریکاو شارەزایانى کاروبارى دەرەوە کە کاریگەریان لەسەر بڕیارەکانى واشنتۆن هەیە ئامادەى بوون، بەرپرسى پەیوەندیەکانى دەرەوە پوختەیەکى پێشکەش کرد دەربارەى دوایین پەرەسەندنەکان و هێرشەکانى پێشمەرگە و هەماهەنگى و هێرشە ئاسمانیەکانى ئەمریکاوگفتوگۆ سیاسیەکان لەگەڵ حکومەتى نوێى فیدڕاڵى عێراق و هەروەها دەربارەى بارودۆخى مرۆیی ئاوارەو پەناهەندەکان لە ئەرزى واقعدا. هاوکات جەختى لە پابەندبوونى حکومەتى هەرێم بۆ تێکشاندنى گرووپى تیرۆرستى داعش کردەوە.
لە هەمان رۆژدا بەرپرسى پەیوەندیەکانى دەرەوە پێشوازى کرا لە لایەن سەرۆکى لیژنەى کاروبارى دەرەوەى کۆنگرێس، ئێد رۆیس، و ئیلیۆت ئێنگڵ بەرپرس لە هەمان لیژنە.
لە مێزگردێکدا کە نزیکەى دە لە ئەندامانى لیژنەکە لە هەردوو پارتى ئەمریکایی و ئەندام لە کۆنگرێس تێیدا بەشداربوون، فەلاح مستەفا چەند باسێکى دەربارەى بارودۆخى سیاسى و ئاسایش و پەرەسەندنە مرۆییەکان لە کوردستان و عێراق پێشکەش کرد، هاوکات وەڵامى چەند پرسیارێکى ئامادەبووانى سەبارەت بەو پرسانە دایەوە.
لە چەند دیدارێکى دیکەى جیاجیادا بەرپرسى پەیوەندیەکانى دەرەوە لەگەڵ سیناتۆر جەیمس ریچ لە لیژنەى پەیوەندیەکانى دەرەوەى سێنات و کونگرێسمان دەینا رۆراباکەر و پێتى کینگ کۆبووەوەو باسى لە دوایین پەرەسندنەکان لە هەرێمى کوردستان و هەماهەنگیەکانى نێوان ئەمریکاو هێزەکانى پێشمەرگەو حکومەتى هەرێم بۆ بەرەنگاربوونەوەى هێزەکانى تیرۆرستى داعش کرد.
لە لایەکى دیکەوە ماریو دیاز بالارت لە کۆنگرێس پێوازى لە فەلاح مستەفا کرد. لە دیدارەکەدا بەرپرسى پەیوەندیەکانى دەرەوە ئەوپەرى سوپاسگوزارى پێشکەش کرد بۆ هەوڵەکانى ئەمریکا لە چیاى شنگال و لە تەواوى هەرێم، وە داواى بەردەوامبوونى ئەمریکاى کرد بۆ پشتیوانى کردنى کوردستان لەڕووى ئابوورى بۆ تێکشان و رووخاندنى داعش. لە لایەکى دیکەشەوە داواى پێدانى هاوکارى مریی بۆ ئاوەرەکانى ناوخۆو پەناهەندەکان لە هەرێم کرد. لاى خۆشیەوە ماریو گووتى من سەرسامم بە خەڵکى کوردستان و جێگەى شانازیە کە لەگەڵیاندا لەشەڕى رێکخراوێکى دڕندە شەڕ دەکەین.
سەرۆكی هەرێمی كوردستان لەگەڵ بەرپرسی یەكە ئیدارییەكان و سەرۆكی زانكۆكان و بەڕێوبەرە گشتییەكانی پارێزگای دهۆك كۆبۆیەوە
بە مەبەستی ئاگاداربوون لە بارودۆخی كارگێڕیی پارێزگای دهۆك و وردەكاری و چۆنییەتی یارمەتیدان و حەواندنەوەی ئاوارەكان و هەروەها ئەو كێشە و گرفتانەی لە قەزا و ناحییەكان و یەكە كارگێڕییەكانی ئەم پارێزگایە، ئەمڕۆ سێشەمە 16ـی 9ـی 2014 بەڕێز مەسعود بارزانی لەگەڵ پارێزگاری دهۆك و قایمەقام و بەرپرسی یەكە ئیدارییەكان و سەرۆكی زانكۆكان و بەڕێوبەرە گشتییەكانی پارێزگای دهۆك كۆبۆیەوە.
لەم كۆبوونەوەیەدا وردەكاریی یارمەتیدانی ئاوارەكان و ئاماری ئەو ئاوارە و پەنابەرانەی لە پارێزگای دهۆك نیشتەجێن و كێشەكانی دابینكردنی خۆراك و تەندروستی و هەروەها كێشەی دەوامی قوتابخانەكان خرانەڕوو كە بەهۆی نیشتەجێبوونی ئاوارەكان هاتووەتە ئاراوە.
هەر لەم كۆبوونەوەیەدا سەرۆك بارزانی لە گوتەیەكدا سوپاسی ئەرك و ماندووبوونی هاووڵاتیان و ئیدارەی پارێزگا و یەكە ئیدارییەكانی سەر بە پارێزگای دهۆكی كرد كە هەموو توانایەكیان خستووەتەگەڕ بۆ یارمەتیدانی ئاوارەكان و هێمای بەوەدا كە بارێكی زۆر گران لەسەر شانی ئەم پارێزگایەیە و بە دەنگەوەهاتنی خەڵكی پارێزگای دهۆكیش جێگەی دەستخۆشی و شانازییە.
لە بەشێكی دیكەی قسەكانیدا سەرۆك بارزانی تیشكی خستە سەر بارودۆخی سیاسی و ئەمنی و هەروەها پەلاماری تیرۆریستان و لەوبارەیەوە بەرچاوڕوونیی پێویستی بۆ بەشداربووانی كۆبوونەوەكە خستە ڕوو. سەبارەت بە گرفتی ئاوارەكان سەرۆك بارزانی بە پێویستی زانی كە وێڕای گەیاندنی بەپەلەی هاوكارییە سەرەتاییەكان كار لەسەر ئەوەیش بكرێت ئاوارەكان بۆ سەر ماڵ و حاڵی خۆیان بگەڕێنەوە و بشپارێزرێن.
سەرۆك بارزانی لە درێژەی قسەكانیدا باسی خۆڕاگریی خەڵكی كوردستان و قارەمانێتیی پێشمەرگە و یارمەتیی دۆستانی گەلی كوردستانی كرد و ڕایگەیاند كە ئێستا دەستپێشخەریی لەدەستی هێزەكانی پێشمەرگە دایە و تیرۆریستان شكستی گەورەیان خواردووە و ئەوەیش شانازییەكی مەزنە بۆ گەلەكەمان كە تیرۆریستان لەسەر دەستی پێشمەرگە تووشی شكست و پاشەكشە بێن. سەرۆك بارزانی ئەوەیشی خستەڕوو كە یارمەتیدانی جیهانی ئازاد و بەدەنگەوەهاتنی لەبەر ئەو بەها بەرزانەیە كە گەلەكەمان بڕوای پێ هەیە وەك پێكەوەژیان و ئازادیخوازی و ئاشتی كە دەبێ بەهەموومان ئەم بەهایانە بپارێزین و گەشەی پێ بدەین. سەرۆك بارزانی بەشداربووانی كۆبوونەوەكەیشی لەوە دڵنیا كردەوە كە بە هەر نرخێك بێت ناوچە داگیركراوەكان لە دەستی تیرۆریستان ڕزگار دەكرێن و خەڵكی ئەم ناوچانە بە سەربەرزی دەگەڕێنەوە شوێنەكانیان.
لە بەشێكی دیكەی ئەم كۆبوونەوەیەدا قایمەقام و بەرپرسی یەكە ئیداریی و سەرۆكی زانكۆ و بەڕێوبەرە گشتییەكانی سنووری پارێزگای دهۆك لەبارەی باشتر بوونی گوزەرانی ئاوارەكان و دۆخی كارگێڕیی پارێزگای دهۆك تێبینی و پێشنیارەكانیان بۆ سەرۆك بارزانی خستەڕوو و سەرۆك بارزانیش ڕێنوێنی و بەرچاوڕوونیی پێویستی لەبارەی پێشنیار و تێبینییەكان بۆ ئامادەبووان شی كردەوە.
سەرۆک بارزانی پێشوازیی لە قاسم شەشۆ کرد
ئەمڕۆ دووشەممە ١٥ـی ئەیلوولی ٢٠١٤ بەڕێز مەسعود بارزانی سەرۆکی هەرێمی کوردستان پێشوازیی لە بەڕێز قاسم شەشۆ، بەرپرسی مەیدانیی هێزی پێشمەرگە لە چیای شنگال کرد.
لە دیدارەکەدا سەرەتا سەرۆک بارزانی بەخێرهاتنی کردن و سوپاسی خۆڕاگریی هەموو ئەو پێشمەرگانەی کرد کە زۆر ئازایانە بەرگرییان لە چیای شنگال کردووە و وێڕای گوشار و هەوڵی زۆری تیرۆریستان بەڵام پێشمەرگە قارەمانەکان نەیانهێشتووە چیای شنگال بکەوێتە دەست دوژمن.
سەرۆک بارزانی تەئکیدی کردەوە کە ئەو تاوانانەی تیرۆریستان و هاوکارانیان لە شنگال ئەنجامیان داوە تووشی سزای قورسیان دەکات و دڵنیاشی کردنەوە کە شنگال و هەموو ئەو ناوچانەی لەلایەن تیرۆریستانەوە داگیر کراون ئازاد دەکرێنەوە و خەڵکی شنگالیش بەسەربەرزی دەگەڕێنەوە ناو ماڵی خۆیان.
لە بەرانبەردا، بەڕێز قاسم شەشۆ بەرپرسی مەیدانیی هێزی پێشمەرگە لە چیای شنگال سوپاسی سەرۆک بارزانی کرد بۆ ڕەخساندنی دەرفەتی دیدارەکە و بە وردی سەرنج و تێبییەکانی خۆی لەسەر ڕەوشی شنگال بەگشتی و چیای شنگال بەتایبەتی خستەڕوو و تەئکیدیشی کردەوە کە هێزی پێشمەرگەی کوردستان لە چیای شنگال ئامادەیی تەواویان هەیە و نەک هەر ناهێڵن دەستی تیرۆریستان بگاتە سەر چیای شنگال بەڵکو بۆ ئازادکردنی شنگال چاوەڕێی فەرمانی سەرۆک بارزانی دەکەن.
مەنسوور جیهانی ـ سینەماکاری کورد "مەمەد ئەکتاش" بە سیناریۆی فیلمی سینەمایی "نامەیەک بۆ پاشا" گەورەترین خەڵاتی نۆڕوێژی بە ناونیشانی "ئاماندا"ی بەدەستهێنا و خەڵاتەکەی پێشکەش بە منداڵانی کوردی ئیزەدی کرد کە لە چیای شنگاڵ گیانی خۆیان بەخت کرد.
سینەماکارانی کورد "مەمەد ئەکتاش" و "هیشام زەمان" بە سیناریۆی فیلمی سینەمایی "نامەیەک بۆ پاشا" Letter to the king لە فیستیڤاڵی نێودەوڵەتیی فیلمی "ئاماندا" AMANDA لە شاری هاوگسۆن Hevgusan لە وڵاتی نۆڕوێژ بەشدارییان کرد و لە لایەن ئەندامانی لێژنەی دادوەرانی ئەم فیستیڤاڵەوە گەورەترین خەڵاتی نۆڕوێژ بە ناونیشانی "ئاماندا" بەم هونەرمەندە کوردانە بەخشرا.
لە ڕێوڕەسمی کۆتایی ئەم خەڵاتە ساڵانەیەدا "مەمەد ئەکتاش" سیناریۆنووس و هەروەها "هیشام زەمان" دەرهێنەری فیلمی سینەمایی "نامەیەک بۆ پاشا" ئامادەبوون و لە بەشە جۆراوجۆرەکاندا لەوانە: بەشەکانی باشترین فیلمی سینەمایی، باشترین ئەکتەری ئافرەت و پیاو، باشترین فیلمی نۆڕوێژی، باشترین دەرهێنان، باشترین فیلمی منداڵان، باشترین دیکۆمێناری، باشترین کورتە فیلم، باشترین سیناریۆ، باشترین وێنەگرتن، باشترین دیمەنە تایبەتەکان، باشترین موزیک، باشترین دیزاینی دەنگ، باشترین دیزاینی سەحنە و باشترین فیلمی بیانی، خەڵات بەسەر هونەرمەندانی سەرکەوتوو دابەشکرا.
دوای بەدەستهێنانی ئەم خەڵاتە گرینگ و گەورەیە کە بە خەڵاتی ئۆسکاری وڵاتی نۆڕوێژ ناسراوە، "مەمەد ئەکتاش" سیناریۆنووسی فیلمی سینەمایی "نامەیەک بۆ پاشا" هاتە ئاخاوتن و گوتی: ئەم خەڵاتە پێشکەش بە منداڵانی کوردی ئیزەدی دەکەم کە لە چیای شنگاڵ گیانی خۆیان بەخت کرد. هیوادارم ئەوانیش وەکوو کوڕی من "چیا"کە لە نۆڕوێژ دەژی لە وڵاتی خۆیان لە کوردستاندا لە ناو ئازادی و ئاشتیدا بژین.
فیستیڤاڵی نێودەوڵەتیی فیلمی "ئاماندا" بە نمایشی کۆمەڵێک فیلم لە چەندین بەشی پێشبڕکێی لە ڕۆژانی 16 تا 22ی ئاب / ئۆگۆستی 2014 لە شاری هاوگسۆن لە وڵاتی نۆڕوێژ بەڕێوەچوو.
هەر لەم فیستیڤاڵەدا "ژۆلیت بینووش" Juliette Binoche ئەکتەری ناوداری سینەمای جیهان و هەڵگری خەڵاتەکانی ئۆسکار و چڵەبەڕووی کان، بە فیلمی سینەمایی "هەزار جار شەو خۆش" A thousand times good night لە دەرهێنانی "ئێریک پۆپ" توانی خەڵاتی گەورەی باشترین ئەکتەری ئافرەت بەدەستبێنێت.
فیلمی سینەمایی "نامەیەک بۆ پاشا" لە دەرهێنانی هیشام زەمان ساڵی پار لە فیستیڤاڵی فیلمی یۆتۆبری Göteborg لە وڵاتی سوید گەورەترین خەڵاتی باشترین فیلمی باکووری ئەورووپای بەدەستهێنابوو.
سەرۆک بارزانی لەگەڵ ئەنجوومەنی پارێزگای دهۆک کۆبۆوە
ئەمڕۆ سێشەممە ١٦ـی ئەیلوولی ٢٠١٤ بەڕێز مەسعود بارزانی سەرۆکی هەرێمی کوردستان لەگەڵ ئەنجوومەنی پارێزگای دهۆک کۆبۆوە.
لە دیدارەکەدا کە بەڕێزان مەسروور بارزانی ڕاوێژکاری ئەنجوومەنی ئاسایشی هەرێمی کوردستان و فەرهاد ئەترووشی پارێزگاری دهۆک ئامادی بوون، سەرەتا بەڕێز فەهیم عەبدوڵڵا سەرۆکی ئەنجوومەنی پارێزگا وتەیەکی بەخێرهێنانی پێشکەش کرد و وێڕای ناساندنی ئەندامانی ئەنجوومەن، کورتەیەکی لەسەر پێکهاتەی ئەنجوومەنی پارێزگا خستەڕوو.
دوای ئەوە، سەرۆک بارزانی لە وتەیەکدا خۆشحاڵیی خۆی بۆ کۆبوونەوە لەگەڵ ئەندامانی ئەنجوومەنی پارێزگای دهۆک دەربڕی و ڕایگەیاند: خۆشحاڵم کە هەموو پێکهاتە سیاسی و کۆمەڵایەتی و ئاینییەکان پێکەوە وەک یەک تیم کار دەکەن، ئێمە هەموومان خەڵکی یەک وڵاتین کە کوردستانە و دەبێ هەموومان بڕیارمان ئەوە بێت کە یان بە سەربەرزی پێکەوە بژین یان پێکەوە بمرین.
سەرۆک بارزانی تەئکیدی کردەوە کە گەلی کوردستان بەهایەکی پیرۆزی پێشانی هەموو دنیا دا کە ئەویش بڕوابوونیەتی بە ئازادیی گشتی، ئازادیی سیاسی و ئایینی و لێبووردەیی و پێکەوەژیانی ئاشتییانە، هەر ئەو بەها بەرزانەش بوون کە ئەو پاڵپشتییە نێودەوڵەتییەی بۆ کوردستان دەستەبەر کرد لە شەڕی گەلەکەمان بەرانبەر تیرۆریستان.
لە بەشێکی دیکەی وتەکەیدا سەرۆک بارزانی ڕایگەیاند: تیرۆریستان سووپای پڕچەکی دوو وڵاتیان شکاند و بەو چەکانە پەلاماری کوردستانیان دا و تاوانێکی نامرۆڤانەیان لە شنگال ئەنجام دا، بەڵام ئێستا پێشمەرگە قارەمانەکان ڕۆژ لەدوای ڕۆژ سەرکەوتنی گەورە تۆمار دەکەن و تیرۆریستان ناتوانن خۆیان لە بەرانبەر هێرشی پێشمەرگە ڕابگرن، بۆیە دڵنیاتان دەکەمەوە ئەو تیررۆریستان و هاوکارانیان سزای تاوانەکەیان وەردەگرن و شنگال و ناوچەکانی تریش ئازاد دەکرێنەوە و خەڵکی ئەو ناوچانە بە سەربەرزی دەگەڕێنەوە شوێنەکانی خۆیان.
سەرۆک بارزانی سوپاسی هاووڵاتیان و ئیدارەی پارێزگای دهۆکی کرد کە بە دڵئاواییەوە باوەشیان بۆ ئەو ژمارە زۆرەی لێقەوماوان کردۆتەوە و حەواندنەوە و خزمەتکردنی ئاوارە و لێقەوماوانی بە ئەرکێکی پیرۆز لەقەڵەم دا و جەختیشی کردەوە کە چارەسەر ئەوەیە ئەو ئاوارانە بە سەربەرزی بگەڕێنینەوە ناو ماڵی خۆیان.
سەرۆک بارزانی تەئکیدیشی کردەوە ئەگەر دوژمنان خەیاڵیان وا بووبێت کە بە پەلاماردانی کوردستان دەتوانن گەلەکەمان ناچار بکەن دەست لە مافە ڕەواکانی هەڵ بگرێت و لە پرۆسەی دیاریکردنی چارەنووسی خۆی بکشێتەوە ئەوا با باش بزانن هیچ هێزێک ناتوانێ ئیرادەی گەلەکەمان زەوت بکات و هەرگیز بۆ دواوە ناکشێنەوە و دەستبەرداری مافی بڕیاردان لەسەر چارەنووسی خۆمان نابین.
لە کۆتاییشدا دەرگای گفتوگۆ و پرسیار بۆ ئەندامانی ئەنجوومەن کرایەوە و سەرۆکی لیستی پێکهاتە سیاسی و ئاینییەکان ڕا و سەرنجی خۆیان خستەڕوو و سەرۆک بارزانی وەڵامی پرسیارەکانی دایەوە.
سەرۆكی هەرێمی كوردستان پێشوازی لە وەزیری دەرەوەی بیلا ڕووسیا دەكات
ئەمڕۆ چوارشەمە 17ـی ئەیلوولی 2014 لە شاری دهۆك بەڕێز مەسعود بارزانی پێشوازی لە ڤلادیمیر ماكای وەزیری دەرەوەی بیلا ڕووسیا و شاندێكی یاوەری كرد.
لە دیدارێكدا وەزیری دەرەوەی بیلا ڕووسیا سوپاسی ڕەخساندنی ئەم دیدارەی كرد و سڵاوی سەرۆكی وڵاتەكەیشی بە سەرۆك بارزانی گەیاند و ئەوەیشی خستەڕوو كە هاتووە هەتا لە نزیكەوە ئاگاداری ڕەوشی كوردستان بێت بۆ ئەوەی بزانن كە چۆن یارمەتی و هاوكاری پێشكەشی هەرێمی كوردستان بكەن. وەزیری دەرەوەی بیلا ڕووسیا وێڕای ئاماژەدان بە هەڕەشەی تیرۆریستان ڕۆڵی هێزەكانی پێشمەرگەی لە جەنگی دژی تیرۆریستان بە جوامێرانە و قارەمانانە وەسف كرد. لە درێژەی قسەكانیدا وەزیری دەرەوەی بیلا ڕووسیا هێمای بەوەدا كە ئاگاداری خەبات و قوربانیدانی گەلی كوردستانن و خاڵی هاوبەشی وڵاتەكەی و كوردستان قوربانیدان و خەبات بووە لە پێناو ئازادیدا و ڕایگەیاند كە لەوە دڵنیایە گەلی كوردستان بە ئازادی و ئاواتەكانی دەگات.
وەزیری دەرەوەی بیلا ڕووسیا ئامادەیی تەواوی وڵاتەكەیشی نیشاندا بۆ هاوكاریكردنی كوردستان لە بوارەكانی سەربازی و پیشەسازی و كشتوكاڵ و پەروەردە و دیپلۆماسی.
لە بەرانبەردا سەرۆك بارزانی بەگەرمی بەخێرهاتنی وەزیری دەرەوە و شاندە یاوەرەكەی كرد و سوپاسی سەرۆكی بیلا ڕووسیای كرد و هیوای خواست كە هاتنی ئەم شاندە دەستپێكێكی باش بێت بۆ كردنەوەی پەیوەندیی هەمەلایەنە و پێشوازیشی لە هاوكاریی نێوان هەردولا كرد لە بوارە جۆراوجۆرەكان. سەرۆك بارزانی ئاماژەیشی بەوەدا كە كوردستان وڵاتێكی دەوڵەمەندە و سامانی نەوتی هەیە بەڵام دەبێ بایەخێكی زۆر بە كشتوكاڵ بدات و بۆ ئەو مەبەستەیش كاری هاوبەشی نێوان هەرێمی كوردستان و بیلا ڕووسیای بە پێویست زانی.
لە درێژەی قسەكانیدا سەرۆك بارزانی جەختی لەوە كردەوە كە مەزنیی وڵاتێك تەنیا بە ڕووبەر و سامانەكەی نییە بەڵكو مەزنی بۆ ئەو پابەندبوونە دەگەڕێتەوە كە وڵاتێك بۆ بەهای ئازادی و مرۆڤدۆستی هەیەتی. سەرۆك بارزانی وێڕای ئاماژەدان بە خەبات و قوربانیدانی گەلی كورد ئەوەی دووپات كردەوە كە كوردستان هیچ كات لەگەڵ شەڕدا نەبووە و هەمیشە شەڕی بەسەر سەپێندراوە و نموونەیشی ئەو شەڕە زاڵمانەیەیە كە بە بێ هیچ پاساوێك لە لایەن تیرۆریستان بەسەر گەلی كوردستان سەپێندراوە.
پەیوەست بەم باسەوە سەرۆك بارزانی هێمای بەوەدا كە گەلی كوردستان لە ناوچەیەكدا دەژییت كە بەردەوام هەڕەشەی لێ دەكرێت و سرووشتی ناوچەكە بە جۆرێكە كە بەردەوام شەڕ و هەڕەشە بەسەر گەلی كوردستان دەسەپێندرێت. بۆیە بۆ بەرپەرچدانەوەی زوڵم و داگیركاری پێویستە كوردستان لە هەموو بوارەكان بەهێز بێت بۆ ئەوەی بتوانێ بەرگری لە خۆی بكات. سەرۆك بارزانی لەو بارەیەوە زیاتر دوا و ئەوەی خستەڕوو كە لەدوای شەڕی جیهانیی یەكەم زوڵم لە دانیشتوانی ناوچەكەمان كرا و بە زۆر دابەشكران بەڵام گەلی كوردستان بە خوێن و قوربانیدان ڕێگەی نەدا ئەم زوڵمە ببێتە ئەمری واقع.
قسەكردن لەسەر هەڕەشەی تیرۆریستان و سەركەوتنەكانی پێشمەرگە لە جەنگی دژی تیرۆریستان و ڕەوشی ئاوارەكان تەوەرێكی دیكەی دانیشتنەكە بوو.
وەزیری دەرەوەی بیلاروسیا گەیشتە هەرێمی كوردستان
لەچوارچێوەی بایەخدانی كۆمەڵگای نێودەوڵەتی بە بارودۆخی هەرێمی كوردستان و دەربڕینی پشتیوانی بۆ سەقامگیری و پێشكەوتنەكانی هەرێمی كوردستان لە بەرامبەر هەر هێرش و پەلامارێكی تیرۆرستان، دوای نیوەڕۆی ئەمڕۆ بەڕێز ڤیلادمیر ماكای وەزیری دەرەوەی بیلاروسیا بە یاوەری شاندێكی باڵای وەزارەتی دەرەوەی بیلاروسیا گەیشتە هەرێمی كوردستان و لەلایەن د. عەلی سندی وەزیری پلاندانان و كاروان جەمال جێگری بەرپرسی فەرمانگەی پەیوەندیەكانی دەرەوەی حكومەت و باڵیۆزی بیلاروسیا لە عیراق و كونسولی فەخری ئەو وڵاتە لە هەرێم پێشوازیان لێكرا.
لەگەڵ گەیشتنی بۆ هەولێری پایتەخت، وەزیری دەرەوەی بیلاروسیا گووتی خۆشحاڵم بەم سەردانەو هاتووم پەیامی پشتیوانی حكومەتی بیلاروسیا بە هەرێمی كوردستان رابگەیەنم و دەخوازین هەرێمی كوردستان لە ئارامی ئاسایش و خۆشگوزەرانی بەردەوام بێت.
د. عەلی سندی بە ناوی حكومەتی هەرێمی كوردستان بەخێرهاتنی بەڕێزیانی كردو هیوای خواست سەردانەكەی هاندەرێك بێت بۆ زیاتر پتەوكردنی پەیوەندیەكان و یەكخستنی دەنگی كۆمەڵگای نێودەوڵەتی دژی گروپی تیرۆرستی داعش كە مەترسیەكی گەورەن لەسەر كۆمەڵگای مرۆڤایەتی.
ئەمەو بڕیار وایە وەزیری دەرەوەی بیلاروسیا دیدارو كۆبوونەوە لەگەڵ گەورە بەرپرسانی هەرێمی كوردستان ئەنجام بدات و سەردانی چەند وەزارەتێك بكات.
More...
نێچیرڤان بارزانی بهرهكانی جهنگ بهسهر دهكاتهوه
دوایین هەواڵەکان
- سهرۆك نێچيرڤان بارزانى پێشوازى له باڵيۆزى بهريتانيا كرد
- عەباس غەزالی: نووسین و چاپکردنی "فەرھەنگیی زارەکیی موکریان" شانازییەکی بێ پایانە
- سهرۆكى ههرێمى كوردستان نامهيهكى پيرۆزبايى له وهزيرى دهرهوەى توركياوه پێدهگات
- سهرۆك نێچيرڤان بارزانى لهگهڵ خاوهنشكۆ شاى ئوردن كۆبووهوه
- كارنامهى سهرۆك نێچيرڤان بارزانى له كۆنفرانسى ئاساييشى ميونشن تهواو بوو
- سهرۆك نێچيرڤان بارزانى: عێراق و ههرێمى كوردستان، پێويستييان به يهكێتيى ئهورووپايه
- سهرۆك نێچيرڤان بارزانى و سهرۆك ئيلهام ئهلييێڤ كۆبوونهوه
- سهرۆك نێچيرڤان بارزانى لهگهڵ وهزيرى دهرهوهى ڤاتيكان كۆبووهوه
- سهرۆك نێچيرڤان بارزانى لهگهڵ وهزيرى دهرهوهى بهحرێن، دۆخى ناوچهكه تاوتوێ دهكات
- سهرۆك نێچيرڤان بارزانى سوپاسى ئهڵمانيا دهكات