ئێوارەی دوێنێ دووشەممە ٢ـی ١١ـی ٢٠١٥ بەڕێز مەسعود بارزانی سەرۆكی هەرێمی كوردستان لەڕێی تەلەفۆنەوە پەیوەندی بە ڕەجەب تەییب ئەردۆگان سەرۆك كۆماری توركیا كرد.
لەم پەیوەندییەدا سەرۆك بارزانی بە بۆنەی سەرکەوتنی پڕۆسەی هەلبژاردنەکانی تورکیا، پیرۆزبایی لە سەرۆك كۆماری توركیا كرد و هیوای ئەوەیشی خواست كە ئەنجامی هەڵبژاردنەکان ببێتە هۆی سەقامگیریی تورکیا و ناوچەکە و بەرەوپێشچوونی توركیا لە گشت بوارەكاندا و بەدی هاتنی ئارامی و ئاسوودەیی بۆ هاووڵاتییان و سەرجەم پێکهاتەکانی ئەو وڵاتە.