كۆنفرانسەكە دابەشی چەند پانێلێكی گفتوگۆكردن كرابوو كەتیایدا باسی لە پێناسەی نیشتیمانی و تایەفەگەری و هەروەها پرسی هاوڵاتی بوون كۆمەڵگای مەدەنیش گفتوگۆی لەسەر كرا. لەم پانێلانەدا چەندین پرۆفیسۆر و شارەزا لە سیاسەتی رۆژهەڵاتی ناوەڕاست و عیراقدا بەشداربوون و گفتوگۆیان لەسەر ئەو بوارانەكرد كە دوای دە ساڵ لە حكوم لە عیراق و داهاتووی عیراق و پرسی سیاسەتی عیراق بەرەو كوێ چووە تا ئیستا و سیاسەتی هاوبەشكردن لە دەسەڵات لەگەڵ هەموو پێكهاتەكانی عیراقی و بەتایبەتی رۆڵی كورد و عیراق دوای پرۆسەی ئازادی.
بەرپرسی پەیوەندیەكانی دەرەوە باسی حكومەتی هەرێمی كوردستانی كرد و ئەزمونی هەرێمی وەك نمونەیەكی باشی سەركەوتوو بۆ هەموو عیراق لەقەڵەمدا وئاماژەی بەوەدا بەگوێرەی رێكەوتنەكان كورد دەبوایە هاوبەشی سەرەكی بێت لە پرۆسەی سیاسی عیراق و جەختی لەسەر ئەوەش كردەوە پێویستە سوود لە ئەزموونی كوردستان وەربگرێت لە رووی سەقامگیری ئاسایش و پێشكەوتنی ئابووری و لەخۆگرتنی هەموو پێكهاتە نەتەوەیەكان لە هەرێم و دابینكردنی خزمەتگوزاری بۆ هەموو شوێنێك