خاڵی سنووری "شێخ سله" له کرماشان کرایه‌وه

 سادق خودادادی قایم‌مه‌قامی سولاسی باوه‌جانی له وتووێژێکدا له‌گه‌ڵ په‌یامنێری ئاژانسی ایسنای ئێرانی وێڕای ئاماژه به داخستنی خاڵی سنووری شیخ سله له زستانی رابردوودا وتی: به‌رپرسانی عێراقی ساڵی رابردوو یه‌کلایه‌نه و به هۆی کۆمه‌ڵێک کێشه‌ی ناوخۆییه‌وه ئه‌م خاڵه سنوورییه‌یان داخست و به هه‌وڵ و کۆشش و دانوستانه‌کانی پارێزگار و جێگری پارێزگاری کرماشان له رێگای وه‌زاره‌تی ناوخۆ و ده‌ره‌وه‌، حکومه‌تی عێراق ره‌زامه‌ندی خۆی له‌سه‌ر کردنه‌وه‌ی ئه‌م خاڵه سنوورییه‌ راگه‌یاند.

 قایم‌مه‌قامی سولاسی باوه‌جانی وێڕای ئاماژه به‌وه‌ی که حکومه‌تی عێراق له رۆژی ٢٣/٥ه‌وه کردنه‌وه‌ی ئه‌م سنووره‌ی راگه‌یاندووه وتی: ئاڵوگۆڕی بازرگانی له رۆژی ٢٤/٥ه‌وه ده‌ستی پێکردووه.

به وته‌ی ئه‌م به‌رپرسه موبه‌ڕیده، چیپس و شتومه‌کی پلاستیکی گرنگترینی ئه‌و شتومه‌کانه‌ن که له‌م خاڵه سنوورییه‌دا له رۆژی یه‌که‌مدا هه‌نارده کراوه.

 

Read کد خبر: 2082

هەواڵی زیاتر لە تویتەر

راپۆرتە پڕ بینەرەکان

حالت های رنگی