پێنج شەممە, 13 شوبات 2014

وتووێژی ڕۆژنامەی کوردستانی نوێ لەگەڵ مامۆستا نازم عومه ر دەباغ

 مامۆستا نازم عومه‌ر نوێنه‌ری‌‌ هه‌رێمی‌ كوردستان له ‌تاران له‌لێدوانێكدا بۆ كوردستانی نوێ ئه‌وه‌ی خسته‌ڕوو: به‌گوێره‌ی‌ ئه‌و پلانه‌ی‌ كه‌ تایبه‌ت به‌شۆڕشه‌كه‌ دانرابوو سه‌ركه‌وتنی‌ به‌ده‌ستهێنا‌.

سه‌رۆك بارزانی گه‌یشته‌وه‌ هه‌رێمی كوردستان

دوای گه‌شتێكی بۆ ئه‌وروپا و سه‌ردانی هه‌ریه‌ك له‌ وولاتانی نه‌مسا و به‌لجیكا و ئه‌لمانیا، و هه‌روه‌ها به‌شداریكردنی له‌ كۆربه‌ندی ئابووری جیهانی له‌ داڤۆسی سویسرا ، ئه‌مرۆ شه‌ممه‌ 2014/2/8 به‌ڕێز مسعود بارزانی سه‌رۆكی هه‌رێمی كوردستان گه‌یشته‌وه‌ هه‌رێمی كوردستان .

 

 

  • شەممە, 08 شوبات 2014

 

 

كۆسرەت رەسول عەلی جێگری سەرۆكی هەرێمی كوردستان رایگەیاند پێویستە كێشەكانی نێوان هەرێم و بەغدا بە پێی دەستوور چارەسەر بكرێ و هەموو لایەنەكان لەسەر مێزی گفتوگۆ كۆببنەوەو بگەنە چارەسەری كێشەكان.

ئەم قسانەی جێگری سەرۆكی هەرێمی كوردستان ئەمڕۆ پێنجشەممە 6/2/2014 لەمیانی پێشوازیكردنی لە سایمۆن كۆلیز باڵیۆزی بەریتانیا لە عێراق و كونسوڵی گشتی بەریتانیا لە هەولێر هات.

لە سەرەتای كۆبوونەوەكە كۆسرەت رەسول عەلی بەخێرهاتنی وەفدی میوانی كردو باسی لە پەیوەندی نێوان هەرێمی كوردستان و بەریتانیا كردو رایگەیاند گەلی كورد هەمیشە ویستوویەتی دۆستی هەموو لایەنێك بێ و پەیوەندییەكانی لەگەڵ وڵاتانی دنیا پەرە پێبدا.

لای خۆیەوە سایمۆن كۆلیز باڵیۆزی بەریتانیا لە عێراق سوپاسی ئەو پێشوازییە گەرمەی جێگری سەرۆكی هەرێمی كوردستانی كردو رایگەیاند لەمیانی ئەو گەشتەیدا سەردانی چەندین شار و شارۆچكەی هەرێمی كوردستانی كردووەو دڵخۆشە بەو پێشكەوتن و ئارامییەی لە هەرێمی كوردستان هەیەو هیواشی خواست كێشەكانی نێوان هەرێم و بەغدا بە گفتوگۆ و پاراستنی سەروەری یاسا چارەسەر بكرێن.

تەوەرێكی تری گفتوگۆكان قسەكردن بوو لەسەر رەوشی پەنابەرانی سوریا، بۆ ئەم مەبەستە كۆسرەت رەسول عەلی گوتی"ئێمە هەموو هەوڵێكمان خستۆتەگەڕ و بەردەوامیش دەبین بۆ ئەوەی بە باشترین شێوە خزمەتیان بكەین و ژیانێكی شیاویان بۆ دابین بكەین و پێویستیشە وڵاتانی مرۆڤدۆست هاوشانی ئێمە هاوكاری هاوكاریان بكەن".

لای خۆیەوە باڵیۆزی بەریتانیا لە عێراق گوتی: بە شێوەیەكی مەیدانی سەردانی كەمپی دۆمیز و كەمپی كەورگۆسكم كردووەو لە نزیكەوە ئاگاداری رەوشی پەنابەرانم و ئومێدەوارم بەردەوام بن لەسەر ئەو خزمەتكردنە".

لەكۆتایی كۆبوونەوەكەدا كۆسرەت رەسول عەلی جێگری سەرۆكی هەرێمی كوردستان ئومێدی خواست ئەم جۆرە دیدار و گفتوگۆیانە لەنێوان هەردوولا بەردەوام بن بە ئامانجی زیاتر برەودان بە پەیوەندی نێوان حكومەتی هەرێمی كوردستان و حكومەتی بەریتانیا.

 

06/02/2014

 

 

 

 

 

ئیمارات و هەرێمی كوردستان پەرە بە پەیوەندی گەشتیاری نێوانیان دەدەن

 بۆ مەبەستی پەرەپێدانی پەیوەندی گەشتیاری وڵاتی ئیمارات لەگەڵا هەرێمی كوردستان، ئەمڕۆ راشد محمد ئەلمەنسورى كونسوڵی گشتی وڵاتی ئیمارات لە هەرێمی كوردستان سەردانی دەستەی گەشتوگوزاری كردوو لە لایەن سەرۆكی دەستە مەولەوی جەبار و ژمارەیەك بەڕێوەبەری دەستە پێشوازی كرا.

كونسوڵی گشتی ئیمارات ئامادەیی خۆی دەربڕی بۆ هاوكاری كردنی پەرەپێدانی گەشتوگوزار هەرێمی كوردستان بەپێی ئەو ئەزموونەی وڵاتی ئیمارات بە تایبەت دوبەی كە لە بواری گەشەسەندنی گەشتیاری هەیەتی.

سەرۆكی دەستەی گشتی گەشتوگوزار تیشكی خستە سەر بواری ماركێتینگ و ناساندنی گەشتوگوزاری هەرێمی كوردستان لە ڕێگەی وڵاتی ئیمارات بەو پێیەی ساڵانە گەشتیارێكی زۆر سەردانی ئیمارات دەكات.

سەرۆكی دەستە ئاماژەی بەوەدا كە لە ئایندەیەكی نزیك دەستەی گەشتوگوزار كۆنفرانسێكی گەشتیاری لە دوبەی ساز دەكات و بەشداریی پیشانگای ساڵانەی دوبەی دەكات، هەروەها لە ساڵی 2014 كۆنفرانسی كۆمپانیا گەشتیاریەكان لە كوردستان دەبەسترێت، كە دەكرێت كۆمپانیا گەشتیاریەكانی ئیمارات بانگهێشت بكرێن و بەشدار بن.

لە كۆتایدا رێوشوێنی پێویست بۆ جێبەجێكردنی كارەكان و بەردەوام بوونی پەیوەندیەكان دەستنیشانكرا.

 

 پێنج شەممە, 06 شوبات 2014

 

 

 

 

 

باڵیۆزی بەریتانیا لە عیراق ستایشی پێشكەوتنی سیاسی و ئابووری هەرێمی كوردستان دەكات

سایمۆن كۆڵێز باڵیۆزی بەریتانیا لە عیراق لە كۆنگرەیەكی رۆژنامەوانیدا كە لە هۆتێلی رۆتانا هەولێر ئەنجامیدا ، ستایشی پێشكەوتنی سیاسی و ئابووری هەرێمی كرد و نیشانیدا هەرێم لەم بوارانەدا توانیویەتی پێشكەوتنی بەرچاو بەدەستبهێنێت و هیوایشی خواست پێشكەوتنی زیاتر بەخۆیەوە ببینێت .

كۆلێزكە  لە كۆنگرە رۆژنامەوانیەكەدا یاوەری هیو ئیڤانز كونسوڵی گشتی بەریتانیا لە هەرێمی كوردستان ئاماژەی بەوەدا جگە لە هەولێر سەردانی سلێمانی و هەڵەبجە و پیشخاپووریشی كرد و لە هەولێر لەگەڵ سەرۆكی حكومەت و وەزیرانی ناوخۆ و سامانە سروشتیەكان و ناوخۆ و پارێزگارانی هەولێر و سلێمانی كەوت و نیشانیدا تەوەری سەرەكی دانیشتنەكانیان پێشخستنی پەیوەندی نێوان هەرێم و بەریتانیا و پێشخستنی ئەم پەیوەندیانە و پەرەپێدانی پرۆژەی حەیەوی لە هەرێم وەكو خزمەتگوزاری ئاسمانی و ئاو و خوێندن و خوێندنی باڵا بوو .

كۆڵیز رایگەیاند لە چەند هەفتەی داهاتوودا یەكەمین لقی بانكی نێودەوڵەتی ستاندار چارەتەرد لە هەرێمی كوردستان لە هەولێر دەكرێتەوە كە لەمانگی 11ی ساڵی رابردوو لە بەغدا لقی لە بەغدا كردەوە و ئێستا ئامادەیی دەكەن بۆ كردنەوەی لقی دووەمی لە عیراق لە هەولێر بە مەبەستی پێشخستنی بواری ئابووری كە زۆر بۆ كاتی ئێستا پێویستە ئەمە جگە لە بانكی سیتی ئۆف لەندەن كە یەكێكە لە بانكە سەركردەكانی بواری بانكی لە جیهان بوونی دەبێت لە كوردستان بەمەبەستی بوون بە هاوبەشی ئارەزوومەندانە لە هەرێمی كوردستان.

هاوكات باڵیۆز ستایشی رۆڵی حكومەتی هەرێمی كوردستانی كرد بۆ یارمەتیدانی ئاوارەكانی سوریا لە كامپە تایبەتیەكانی هەرێم و ئاشكراشیكرد حكومەتی بەریتانیا وەكو دوەم وڵات لەسەر ئاستی جیهان بڕی یەك ملیار دۆلاری وەكو كۆمەك بۆ ئاوارەكانی سوریا لە وڵاتانی دراوسێی سوریا تەرخانكردووە .

هاوكات باڵیۆز سوپاسی حكومەتی بەریتانیای بە خەڵكی كوردستان گەیاند بە هۆی داڵدەدانی ئاوارەكانی ئەنبار كە بەهۆی بارودۆخی ئەم دواییە شوێنی خۆیان جێهێشتووە.

نیشانیشیدا تەوەری دیكەی دانیشتنەكان لەگەڵ بەرپرسانی حكومەت لەبارەی پرسی نەوت و گاز بوو كە وەكو پرسێكی هەڵواسراو لەنێوان هەرێم و بەغدا ماوەتەوە و خۆشحاڵی بە پێشكەوتنی پرسەكە لەنێوان هەردوولا نیشاندا  نیشانیشیدا هەبوون و نەبوونی كۆمپانیای بەریتانی لە هەرێم پەیوەندی بە حكومەتەوە نیە بەڵكو ئەو مەسەلەیە پەیوەندی بە كەرتی تایبەتەوە هەیە و حكومەت تەنها رۆڵی ئامۆژگاری دەبێت بۆ بەرچاو و رۆنی ئەم كۆمپانیایانە لە هەمانكاتیشدا دووپاتیكردەوە ژمارەیەكی زۆری كۆمپانیای بەریتانی و هاوڵاتی بەریتانی لە هەرێمی كوردستان بوونیان هەیە و بە شێوەیەكی چالاكانە كاردەكەن و سەرمایەی خۆیان تیایدا بەگەڕخستووە كە لە 40%ی سێكتەرەكانی ژیانی ئەم هەرێمەدا كاردەكەن .

هاوكات ئەوەی خستەڕوو باس لە پێكهێنانی كابینەی داهاتووی حكومەتی هەرێمی كوردستان كراوە و نیشانیدا ئەو مەسەلەیە كاتی پێویستیە و ئاماژەی بەوەشدا پێكهێنانی حكومەت دەبێتە هۆی پێشكەوتنی بواری ئابووری لە هەرێم و رێگە بە كۆمپانیاكان دەدات زیاتر كاری خۆیان رابپەڕێنن. دووپاتیشیكردەوە ئەوان هیچ كاریگەری و گوشاریان لەمبارەیەوە نیە و مەسەلەكە بە خودی هەرێمەوە پەیوەستە .

هەروەها ئەوەی نیشاندا لە میانەی سەردانەكەیدا بۆ هەڵەبجە سەردانی مۆنۆمێنت و گڵكۆی شەهیدانی هەڵەبجەی كردووە و نیشانیدا هەموو ئەوانەی لەو سەردەمەدا ژیاون هەڵەبجەیان لەیاد نەكردووە و بە پێویستی زانی نەوەكانی ئایندە ئەم رووداوە دڵتەزێنە لەیاد نەكەن بەتایبەتی كە هەمان سیناریۆ لە سوریا لە ساڵی رابردوو دووبارە بووەوە .

هاوكات خۆشحاڵی خۆی بە بڕیاری ئەنجومەنی ئاسایشی نێودەوڵەتی نیشانیدا بە داماڵینی چەكی كۆكوژی رژێمی سوریا بەڵام دووپاتیكردەوە پێویستە رژێم بەشێوەیەكی كرداری ئەم بڕیارە جێبەجێبكات .

 

 پێنج شەممە, 06 شوبات 2014

 

سەرۆك بارزانی لە تەندروستیی سەرۆك مام جەلال دەپرسێت

ئەمرۆ سێشەممە 4ـی 2ـی 2014 لە بەرلینی پایتەختی ئەڵمانیا بەرێز مەسعود بارزانی سەرۆكی ھەرێمی كوردستان لە نزیكەوە ھەواڵی ڕەوشی تەندروستیی سەرۆك مام جەلالی پرسی و، ھیوای سەلامەتی و چاكبوونەوەی بۆ خواست.

 

 

 

 

نێچیرڤان بارزانى پێشوازى له‌ باڵیۆزى به‌ریتانیا له‌ عیراق كرد

 ئێواره‌ى ئه‌مڕۆ سێشه‌ممه‌ 4ى شوباتى 2014، نێچیرڤان بارزانى سه‌رۆك وه‌زیرانى هه‌رێمى كوردستان پێشوازى له‌ سایمۆن كۆلیز باڵیۆزى به‌ریتانیا له‌ عیراق و كونسولى گشتیى به‌ریتانیا له‌ هه‌ولێر كرد.

له‌ دیدارێكدا ڕه‌وشى سیاسى و ئه‌منیى ئێستاى عیراق به‌گشتى و پێشهاته‌ ئه‌منى و سه‌ربازییه‌كانى پارێزگاى ئه‌نبار به‌تایبه‌تى خرانه‌ به‌ر باس و باڵیۆزى به‌ریتانیا سوپاس و پێزانینى وڵاته‌كه‌ى پێشكه‌ش به‌ حكوومه‌تى هه‌رێمى كوردستان كرد بۆ یارمه‌تیدان و حه‌واندنه‌وه‌ى ئه‌و هاووڵاتیانه‌ى پارێزگاكه‌ كه‌ له‌ ئه‌نجامى پێكدادانه‌كان و ئۆپه‌راسیۆنه‌ ئه‌منى و سه‌ربازییه‌كان ئاواره‌ بوون و ماڵ و حاڵى خۆیان جێ هێشتووه‌. لاى خۆیه‌وه‌ نێچیرڤان بارزانى وێڕاى پشتگیریى حكوومه‌تى هه‌رێم بۆ به‌ره‌نگاربوونه‌وه‌ى تیرۆر، هه‌روه‌ها جه‌ختى له‌سه‌ر پێویستیى به‌ده‌نگه‌وه‌چوونى داواكارییه‌ یاسایى و ده‌ستوورییه ڕه‌وا‌كانى دانیشتوانى پارێزگاكه‌ له‌ لایه‌ن حكوومه‌تى عیراقه‌وه‌ كرده‌وه‌.

كێشه‌كانى نێوان هه‌ولێر و به‌غدا و پرسه‌كانى بودجه‌ و نه‌وت و پێشمه‌رگه‌ و ناوچه‌كانى مادده‌ى 140 و گفتوگۆكانى نێوان هه‌ردوو حكوومه‌تى هه‌رێمى كوردستان و حكوومه‌تى فیدرال؛ لایه‌نێكى دیكه‌ى دیداره‌كه‌ بوون. له‌مباره‌یه‌وه‌ نێچیرڤان بارزانى دووپاتى كرده‌وه‌ كه‌ حكوومه‌تى هه‌رێمى كوردستان له‌گه‌ڵ ئه‌وه‌دایه‌ هه‌موو كێشه‌كان له‌ ڕێگه‌ى دیالۆگ و لێكگه‌یشتنه‌وه‌ و له‌سه‌ر بنه‌ماى گه‌ڕانه‌وه‌ بۆ ده‌ستوور و له‌به‌رچاوگرتنى به‌رژوه‌ندییه‌كانى عیراق به‌گشتى چاره‌سه‌ر بكرێن.

لاى خۆیه‌وه‌ باڵیۆزى به‌ریتانیاش پشتگیریى وڵاته‌كه‌ى بۆ چاره‌سه‌ركردنى كێشه‌كان له‌ ڕێگه‌ى دیالۆگ و هه‌ر هاوكارییه‌كى له‌مباره‌وه ڕاگه‌یاند و هیواى خواست كێشه‌كان له‌ ڕێگه‌ى دانوستانه‌وه‌ چاره‌سه‌ر بكرێن.

له‌ كۆتاییى دیداره‌كه‌دا تیشك خرایه‌ سه‌ر چۆنیه‌تیى په‌ره‌پێدانى په‌یوه‌ندییه‌كانى هه‌رێمى كوردستان و به‌ریتانیا و هه‌ردوولا جه‌ختیان له‌سه‌ر بره‌ودان به‌ په‌یوه‌ندییه دووقۆڵیه‌كان له‌ بواره‌ جیاكاندا كرده‌وه‌. هه‌ر له‌م چوارچێوه‌یه‌دا و بۆ هاوكاریكردنى هه‌رێمى كوردستان له‌ بوارى سیسته‌مى بانكى و بانكداریدا، باڵیۆزى به‌ریتانیا له‌ عیراق ڕایگه‌یاند كه‌ دواى كردنه‌وه‌ى لقى سه‌ره‌كیى بانكى ستاندارد چارته‌رد ـ ى نێوده‌وڵه‌تیى به‌ریتانى له‌ به‌غدا، ڕۆژى 3ى ئازارى داهاتوو له‌ هه‌ولێریش لقێكى ئه‌و بانكه‌ ده‌كه‌نه‌وه‌، سه‌رۆك وه‌زیرانیش خۆشحاڵیى خۆى به‌م هه‌نگاوه‌ ده‌ربڕى و ڕایگه‌یاند كه‌ هه‌رێمى كوردستان به‌گه‌رمى پێشوازى له‌ هه‌نگاوى له‌م جۆره‌ ده‌كات و هه‌موو ئاسانكارییه‌ك پێشكه‌ش ده‌كات.

 

 

 

 

 

 

 

سەرۆكی هەرێمی كوردستان و وەزیری دەرەوەی ئەڵمانیا كۆبوونەوە

ئەمڕۆ سێشەممە 4ـی 2ـی 2014 لە بەرلینی پایتەختی ئەڵمانیا فڕانك واڵتەر شتاینمایەر وەزیری دەرەوەی ئەڵمانیا بە گەرمی پێشوازی لە بەرێز مەسعود بارزانی سەرۆكی ھەرێمی كوردستان و شاندی یاوەری كرد كە لە بەڕێزان فواد حوسێن سەرۆكی دیوانی سەرۆكایەتیی ھەرێمی كوردستان، فەلاح مستەفا بەرپرسی فەرمانگەی پەیوەندیەكانی دەرەوەی حكوومەتی ھەرێمی كوردستان و دلشاد بارزانی نوێنەری حكوومەتی ھەرێمی كوردستان لە ئەڵمانیا پێكهاتبوو.

لەم دیدارەدا وەزیری دەرەوەی ئەڵمانیا باسی سەردانەكەی پێشووی خۆی بۆ كوردستان كرد و خۆشحاڵی و سەرسووڕمانی خۆیشی نیشان دا بەرانبەر ئەو پێشكەوتنانەی لە هەرێمی كوردستاندا هاتوونەتەئاراوە.

لە بەشێكی قسەكانیدا وەزیری دەرەوەی ئەڵمانیا لەبارەی ڕەوشی عێراق بە گشتی و پارێزگای ئەنبار بە تایبەتی و ھەڵبژاردنەكانی داھاتووی عێراق و پێشبینیەكانی بۆ نەخشەی سیاسیی عێراق لەدوای هەڵبژاردن چەند پرسیارێكی ئاڕاستەی سەرۆك بارزانی كرد.

لەبەرانبەردا سەرۆك بارزانی خۆشحاڵیی خۆی دەربڕی بۆ ڕەخساندنی ئەم دیدارە و ھیوای خواست كە وەزیری دەرەوەی ئەڵمانیا جارێكیتر سەردانی كوردستان بكات بۆ ئەوەی زیاتر بە پێشكەوتنەكانی كوردستان ئاشنا ببێت. ھەروەھا سەرۆك بارزانی پەیوەندیەكانی نێوان ئەڵمانیا و ھەرێمی كوردستانی بە گرنگ نرخاند و لە وەڵامی پرسیارەكانی وەزیری دەرەوەی ئەڵمانیادا رۆشنایی خستەسەر ڕەوشی ئاساییشی عێراق و پارێزگای ئەنبار بە تایبەتی و بە پێویستی زانی ئەم بارودۆخە بە زووترین كات چارەسەر بكرێت و گوتی: "چارەسەری گشتی ئەوەیە كە عێراق پابەندبێت بە سیستەمی فیدڕاڵی چونكە ئەمە بنەمایەكی سەرەكییە لە دەستوری عێراق". لە درێژەی قسەكانیدا سەرۆكی ھەرێمی كوردستان هێمای بەوەدا كە پێویستە ھەموو لایەك ھاوكار بن بۆ بەرەنگاربوونەوەی تیرۆریستان چونكە ئێستا ئەوان بەھێزترن و بوونەتە هەڕەشە لەسەر هەموو ناوچەكە. پەیوەست بە هەڵبژاردنی ئەنجوومەنی نوێنەرانی عێراق سەرۆك بارزانی جەختی لەوە كردەوە كە پێویستە ھەمو لایەك پابەند بن بە ئەنجامدانی هەڵبژاردن لە كاتی دیاریكراوی خۆیدا.

لەبارەی پەیوەندیەكانی ھەرێمی كوردستان و توركیا سەرۆك بارزانی بە ڕوونی باسی لەوە كرد كە ئەو پەیوەندیانە لە بەرژەوەندی ھەردولا و لە ھەمانكاتدا لە بەرژەوەندی عێراقیشدایە. سەبارەت بە ڕەوشی ناوخۆی هەرێمی كوردستان سەرۆك بارزانی باسی هەڵبژاردنەكانی پارلەمانی كوردستان و ھەوڵەكانی پێكھێنانی حكوومەتی نوێی ھەرێمی كوردستانی كرد و گوتی: "ئەولەویاتی حكوومەتی تازەی ھەرێمی كوردستان، بەردەوامیی ئاساییش و سەقامگیری لە هەرێمی كوردستان و هەروەها بەرەوەپێشەوەبردنی هەمەلایەنەی ژێرخانی ھەرێمی كوردستانە".

لەم دانیشتنەدا پەیوەندییەكانی نێوان هەرێمی كوردستان و ئەڵمانیا و بارودۆخی ڕەوەندی كورد لە ئەوڕووپا و ڕۆڵی لە ئاوەدانكردنەوەی هەرێمی كوردستان خرایە بەر باس و گفتوگۆ. شایانی باسە پەیوەندییەكانی نێوان هەولێر و بەغدا و سیاسەتی نەوتیی هەرێمی كوردستان و هەروەها بارودۆخی سیاسیی ناوچەكە و سووریا تەوەرێكی دیكەی ئەم دانیشتنە بوون.

ڕوونكردنەوەیەك لە گوتەبێژی فەرمیی سەرۆكایەتیی هەرێمی كوردستان سەبارەت بە دواكەوتنی سەردانی بەڕێز سەرۆكی هەرێمی كوردستان بۆ وڵاتە یەكگرتووەكانی ئەمەریكا

لەم چەند ڕۆژەدا لەبارەی هۆكاری دواكەوتنی سەردانی سەرۆك بارزانی بۆ ئەمەریكا لە ژمارەیەك میدیا و دەزگەی ڕاگەیاندن هەواڵی ناڕاست بڵاو بووەتەوە، لە ڕاستیدا هەموو ئامادەكارییەك لە لایەن ئیدارەی ئەمەریكاوە بۆ ئەم سەردانە و وادەكەی و دیدار لەگەڵ گەورەبەرپرسانی ئەمەریكا و سەرۆككۆماری ئەمەریكا ئەنجام درابوو بەڵام سەرۆك بارزانی خۆی بڕیاری داوە ئەم سەردانە بۆ كاتێكی گونجاوتر دوابخرێت و ئەم بابەتەش لە پەیوەندییە تەلەفۆنییەكەی نێوان جێگری سەرۆكی ئەمەریكا و سەرۆكی هەرێمی كوردستان باس كراوە.

د. ئومێد سەباح
گوتەبێژی فەرمیی سەرۆكایەتیی هەرێمی كوردستان
1ـی 2ـی 2014

 

 

 

 

عیماد ئەحمەد پێشوازی لە وەفدێكی پەرلەمانی ئۆكرانیا كرد

پێش نیوەرۆی ئەمرۆ عیماد ئەحمەد جێگری سەرۆكی حكومەتی هەرێمی كوردستان لە دیوانی پارێزگای سلێمانی و بە ئامادە بونی بەهرۆز محەمەد ساڵح پارێزگاری سلێمانی پێشوازیكرد لە وەفدێكی پەرلەمانتارانی وڵاتی ئۆكرانیا كە پێك هاتبون لە نوێنەری فراكسیۆنەكانی پەرلەمانی ئۆكرانیا .

لە دیدارێكدا گفتوگۆ لەبارەی بەتەو كردنی پەیوەندییە سیاسی و ئابوری و فەرهەنگیەكانی نێوان هەرێمی كوردستان و وڵاتی ئۆكرانیا كرا .

جێگری سەرۆكی حكومەت لە وتەیەكدا ئاماژەی بە هەوڵەكانی حكومەتی هەرێمی كوردستاندا لە بواری ئاوەدانی و بنیات نانەوەی ژێرخانی ئابوری هەرێم كرد و وتیشی پێویستیمان بە ئەزمون و هاوكاری وڵاتانی پێشكەوتو هەیە و ئۆكرانیاش وەك وڵاتێكی خاوەن پیشەسازی دەتوانێت هاوكارو پشتیوانیمان بێت  لە پرۆسەی دروستكردنی ژێرخانی ئابوریمان .

عیماد ئەحمەد رونیشیكردەوە لە هەرێمی كوردستان یاسای تایبەت بە وەبەرهێنانمان هەیە بە یاسا پشتیوانی و هاوكاری لە وەبەرهێنانەری بیانی دەكەین و داواشی كرد كۆمپانیا كانی ئۆكرانیا بەشداربن لە پرۆسەی ئاوەدانی هەرێمی كوردستان و بە تایبەت لە  بوارەكانی  پیشەسازی و وزە و كارەبا و دانانی كارگەی گەورە وەبەرهێنان بكەن .

جێگری سەرۆكی حكومەت ئاماژەی بەسەقامگیری ئەمن و ئاسایش لە هەرێمی كوردستان داو ,  ووتیشی ئارامی لە هەرێمی كوردستان , لە گەڵیشیدا دەوڵەمەندی بە كانزای سروشتی ,   بۆتە دەروازیەك بۆ ئاوەدانی لە عێراق , هاتنی وەبەرهێنەرانی بیانی و خستنەگەری سەرمایەكانیان لە هەرێم ئەمەش وای كردووە ژمارەیەك لە كونسولگەری و نوێنەرایەتی وڵاتان لە كوردستان بكرێنەوە  , بۆ قوڵكردنەوەی ئەو پەیوەندیانەو زیاتر لێك تێگەیشتن لە نێوان هەردوولا ، پێمان باشە  وڵاتی ئۆكرانیاش بەهەمان شێوە نوێنەرایەتی خۆیی لە كوردستان بكاتەوە و وەك حكومەتی هەرێمی كوردستان هاوكارو پشتیوانیان دەبین .

رود گۆڤسكی میكۆلا  بەناوی وەفدی میوانەوە خۆشحاڵی بە سەردانەكەیان بۆ هەرێمی كوردستان و ئەو پێشوازیە گەرمەی لێیان كراوە نیشاندا و سوپاسی سەرۆك مام جەلالی كرد كە لە یەكەم سەردانی وەزیری دەرەوەی وڵاتەكەی پشتیوانی كردن بۆ هاتنە كوردستان و دروستكردنی پەیوەندی لەگەڵ حكومەتی هەرێم و ، راشیگەیاند وەك نوێنەری فراكسیۆنەكانی پەرلەمانی ئۆكرانیا پاش گەرانەوەیان بۆ وڵاتەكەیان بەجدی كار لەسەر جێنۆسایدی گەلی كورد دەكەن و هەوڵی زیاتر دەدەن بۆ گەشەكردنی پەیوەندیەكانی نێوان وڵاتەكەیان و هەرێمی كوردستان .

نیكۆلای تەئكیدیشی كردەوە هەرێمی كوردستان گەشەی ئاوەدانی و ئابوری گەورەی بەخۆیەوە بینیەوەو ئەمەش هۆكارێكی گرنگە بۆ ئەوەی كۆمپانیای بیانی روی لێبكەن و وتیشی ئێمە هانی كۆمپانیا گەورەكانی وڵاتەكەمان دەدەین لە هەرێمی كوردستان كاری وەبەرهێنان و بكەن و ئەو پشتیوانی و كارئاسانیانەشی بە هەنگاوێكی گرنگ وەسف كرد بۆ هاتنی كۆمپانیاكانی وڵاتەكەی و ئاماژەی بەوەشدا وڵاتی ئۆكرانیا خاوەنی پیشەسازی گەورەیە بەتایبەت لە بواری دەرهێنان و هاوردە كردنی وزە و كارەبا و دروستكردنی هێڵی ئاسنین و دامەزراندنی جۆرەها كارەگە ، كە دەتوانێت رۆڵیان هەبێت لە دروستكردنی ژێرخانی ئابوری هەرێمی كوردستان .

هەر لەو دیدارەدا پارێزگاری سلێمانی ئاماژەی بەوە دا پارێزگاكان دەسەڵاتی ئەوەیان هەیە رەزامەندی بدەنە كۆمپانیای بیانی بۆ دروستكردنی كارگە و لە سلێمانی هەموو كار ئاسانیەك بۆ دانانی كارگە كراوە و ئێستە كێبركێ یەكی بەرچاو هەیە لە هاتنی كۆمپانیای بیانی و داواشی كرد كۆمپانیاكانی ئۆكرانیا پەلە بكەن لە هاتنیان بۆ هەرێمی كوردستان و شاری سلێمانی بەتایبەت .

لە بەرانبەر ئەو پێشوازیە گەرمەی لێیان كراوە وەفدی میوان بانگێشتی  حكومەتی هەرێمی كوردستانیان  كرد بۆ سەردانی وڵاتەكەیان لە پێناو زیاتر پتەو كردنی پەیوەندیەكانیان و راشیان گەیاند دروستكردنی پەیوەندی بتەوی ئابوری دەبێتە هۆی دروستكردنی پەیوەندییەكی هەمە لایەنەی لە نێوان وڵاتی ئۆكرانیا و هەرێمی كوردستان .

 

 

 

 

 

 

 

پەڕەى 136 لەکۆى 146 پەڕەدا

هەواڵی زیاتر لە تویتەر

راپۆرتە پڕ بینەرەکان

حالت های رنگی