"مەسعود بارزانی" له په‌یامێکی پرسەنامەییدا به بۆنه‌ی کۆچی دوایی شاعیری ناوداریی کورد "جەلال مەلەکشا" سەرەخۆشی لە خانەوادەی خوالێخۆشبوو و ڕۆشنبیر و ئەدەبدۆست و نووسەرانی هەموو کوردستان کرد.
ده‌قی په‌یامه‌که‌ی سەرۆک "مەسعود بارزانی" له خواره‌وه‌دا هاتووه:
بەناوی خودای بەخشندە و میهرەبان
بە داخێکی زۆرەوە هەواڵی کۆچی دوایی شاعیری ناوداری گەلی کورد "جەلال مەلەکشا"م پێی گەییشت.
"جەلال مەلەکشا" نووسەر و شاعیرێکی نیشتیمانپەروەر بوو کە جێی دەستی لە بەرەوپێشبردنی فەرهەنگ و ئەدەبی کوردستان دیارە.
سەرەخۆشی لە خانەوادە و کەسوکاری خوالێخۆشبوو جەلالی مەلەکشا و ڕۆشنبیر و ئەدەبدۆست و نووسەرانی شاری سنە و هەموو کوردستان دەکەم و خۆم بە هاوبەشی خەمیان دەزانم.
لە خودای گەورە داواکارم خوالێخۆشبوو بە بەهەشتی بەرین شاد بکات و سەبر و ئارامیش بە هەموو لایەک ببەخشێت.
انا لله و انا الیە راجعون
مەسعود بارزانی