هەرێمی کوردستان
سه‌رۆكى هه‌رێمى كوردستان پێشوازى له باڵيۆزى پاكستان دەكات
پاشنيوه‌ڕۆى ئه‌مڕۆ دووشه‌ممه 2023/10/23 به‌ڕێز نێچيرڤان بارزانى، سه‌رۆكى هه‌رێمى كوردستان، بۆ ماڵئاوايى و كۆتاييهاتنى ئه‌ركه‌كه‌ى له عێراق، پێشوازى له به‌ڕێز ئه‌حمه‌د ئه‌مجه‌د عه‌لى، باڵيۆزى پاكستان كرد.
سه‌رۆك نێچيرڤان بارزانى، سوپاس و پێزانينى پێشكه‌ش به به‌ڕێز باڵيۆزى پاكستان كرد بۆ كار و هه‌وڵه‌كانى له‌پێناو بره‌ودان به په‌يوه‌ندييه‌كانى پاكستان له‌گه‌ڵ عێراق و هه‌رێمى كوردستاندا و هيواى سه‌ركه‌وتنى له ئه‌ركى نوێيدا بۆ خواست.
لاى خۆيه‌وه، به‌ڕێز باڵيۆزى پاكستان، وێڕاى سوپاسگوزارى بۆ هاوكارى و هه‌ماهه‌نگيى لايه‌نه په‌يوه‌نديداره‌كان له عێراق و هه‌رێمى كوردستان بۆ سه‌رخستنى كار و ئه‌ركه‌كانى، هيواى به‌ره‌وپێشچوونى زياترى په‌يوه‌ندييه‌كانى وڵاته‌كه‌ى له‌گه‌ڵ عێراق و هه‌رێمى كوردستان خواست.
له ته‌وه‌رێكى ديكه‌ى ديداره‌كه‌دا، باس له دوايين پێشهاته‌كانى دۆخى ناوچه‌كه كرا.
https://presidency.gov.krd/the-president-of-the-kurdistan-region-receives-the-pakistani-ambassador/
سه‌رۆك نێچيرڤان بارزانى له‌گه‌ڵ باڵيۆزى ئه‌مه‌ريكا كۆبووه‌وه
به‌يانيى ڕۆژی چوارشه‌ممه 2023/11/1 به‌ڕێز نێچيرڤان بارزانى، سه‌رۆكى هه‌رێمى كوردستان، پێشوازى له خاتوو ئالينا ڕۆمانۆوسكى، باڵيۆزى ئه‌مه‌ريكا له عێراق كرد.
له كۆبوونه‌وه‌يه‌كدا بره‌ودانى زياتر به په‌يوه‌ندييه‌كانى عێراق و هه‌رێمى كوردستان له‌گه‌ڵ ئه‌مه‌ريكا له چوارچێوه‌ى ڕێككه‌وتنى ستراتيژی ئه‌مه‌ريكى ـ عێراقيدا تاوتوێ كرا و هه‌ردوولا جه‌ختيان له به‌رده‌واميى هاريكاريى هاوبه‌ش و گرنگيى پاراستنى ئاسايش و سه‌لامه‌تيى هێزه‌كانى هاوپه‌يمانان و نێرده ديپلۆماسييه‌كان له ته‌واوى عيراق كرده‌وه.
له ته‌وه‌رێكى ديكه‌ى كۆبوونه‌وه‌كه‌دا كه به‌ڕێز كونسولى گشتيى ئه‌مه‌ريكا له هه‌رێمى كوردستان ئاماده‌ى بوو، دۆخى ناوخۆى هه‌رێمى كوردستان و دوايين پێشهاته‌كانى ناوچه‌كه به‌گشتى خرايه به‌ر باس.
https://presidency.gov.krd/president-nechirvan-barzani-meets-with-us-ambassador-to-iraq-3/
سه‌رۆك نێچيرڤان بارزانى سه‌ردانى فه‌ره‌نسا ده‌كات
به‌ڕێز نێچيرڤان بارزانى، سه‌رۆكى هه‌رێمى كوردستان، له‌سه‌ر بانگهێشتى فه‌رميى به‌ڕێز ئيمانوێل ماكرۆن سه‌رۆكى فه‌ره‌نسا، سه‌ردانى پاريس ده‌كات.
سه‌رۆك نێچيرڤان بارزانى ڕۆژى هه‌ينى 2023/11/3 له كۆشكى ئێليزێ له‌گه‌ڵ سه‌رۆك ماكرۆن كۆده‌بێته‌وه. هه‌ردوولا په‌يوه‌ندييه‌كانى فه‌ره‌نسا له‌گه‌ڵ عێراق و هه‌رێمى كوردستان و بره‌ودان به هاريكاريى هاوبه‌ش و دۆخى عێراق و ناوچه‌كه به‌گشتى تاوتوێ ده‌كه‌ن.
https://presidency.gov.krd/president-nechirvan-barzani-visits-france/
سەرۆكی هەرێمی كوردستان پێشوازی لە كونسولی نوێی چین كرد
پاشنیوەڕۆی ڕۆژی سێشەممە 2023/10/24 بەڕێز نێچیرڤان بارزانی، سەرۆكی هەرێمی كوردستان، لە دیدارێكدا لەگەڵ بەڕێز لیۆ جیۆن كونسولی گشتیی نوێی كۆماری چینی میللی، پیرۆزباییی دەستبەكاربوونی لێكرد و هیوای سەركەوتنی بۆ خواست، هەروەها هەموو پشتیوانییەكی لایەنە پەیوەندیدارەكانی هەرێمی كوردستانی بۆ سەرخستنی ئەركەكەی، دووپات كردەوە.
هەردوولا باسیان لە پەیوەندییەكانی چین لەگەڵ عێراق و هەرێمی كوردستان كرد و جەختیان لە ئامادەیی و خواستی دوولایەنە بۆ برەودان بە پەیوەندییەكان و فراوانكردنی بوارەكانی هاریكاریی هاوبەش كردەوە. هەر لەمبارەیەوە بەڕێز كونسولی گشتیی چین ئاماژەی بە پلانی داهاتوویان كرد بۆ كردنەوەی بەشی خزمەتگوزاریی ڤیزا و دروستكردنی بینای كونسولخانەیان لە هەولێر.
تاوتوێكردنی دوایین پێشهاتەكانی دۆخی ناوچەكە بەگشتی، لایەنێكی دیكەی دیدارەكە بوو.
https://presidency.gov.krd/kurdistan-regional-government-krg-president-barzani-received-the-new-chinese-consul-general/
سه‌رۆك نێچيرڤان بارزانى جه‌خت له مافی پێكهاته‌كان ده‌كاته‌وه
ئێواره‌ى ڕۆژی سێشه‌ممه 2023/10/24 به‌ڕێز نێچيرڤان بارزانى، سه‌رۆكى هه‌رێمى كوردستان، پێشوازى له به‌ڕێز ئايدن مه‌عرووف وه‌زيرى كاروبارى پێكهاته‌كان له حكوومه‌تى هه‌رێمى كوردستان كرد.
له ديدارێكدا هه‌ردوولا ده‌باره‌ى دۆخى پێكهاته‌كان و مافه‌كانيان له هه‌رێمى كوردستان، بيروڕايان گۆڕييه‌وه. له‌مباره‌وه به‌ڕێز ئايدن مه‌عرووف پوخته‌يه‌كى دەربارەی چه‌ند لايه‌نێكى په‌يوه‌نديدار به دۆخى پێكهاته نه‌ته‌وه‌يى و ئايينییه‌كان و ئاماده‌يى و ڕۆڵيان له ژيانى سياسى و كارگێڕيى وڵاتدا، خسته ڕوو.
لاى خۆيه‌وه سه‌رۆك نێچيرڤان بارزانى، وێڕاى ئاماژه‌دان به پێويستيى پاراستنى مافى پێكهاته‌كان و فراوانكردن و بره‌ودانى به‌رده‌وام به كولتوورى پێكه‌وه‌ژيان و يه‌كترقبووڵكردن و لێبورده‌يی، جه‌ختى له‌وه كرده‌وه كه هه‌رێمى كوردستان بۆ هه‌ميشه به وڵاتى هه‌مووان و لانه‌يه‌كى ئارام بۆ ته‌واوى پێكهاته ئايينى و نه‌ته‌وه‌يييه‌كانى دەمێنێته‌وه و به هه‌موو شێوەيه‌ك پارێزگارى له مۆزاييكى ئایین و نه‌ته‌وه‌کان ده‌كات.
https://presidency.gov.krd/president-nechirvan-barzani-stresses-the-rights-of-communities/
سه‌رۆك نێچیرڤان بارزانی به‌شداریی ڕێوڕه‌سمی ڕۆژی نیشتمانیی توركیا ده‌كات
ئێواره‌ی ڕۆژی یه‌كشه‌ممه 29/10/2023 به‌ڕێز نێچیرڤان بارزانی، سه‌رۆكی هه‌رێمی كوردستان، به‌شداری له ڕێوڕه‌سمی ڕۆژی نیشتمانیی توركیادا كرد كه له‌لایه‌ن كونسوڵخانه‌ی گشتیی توركیاوه له هه‌ولێر ڕێكخرا بوو.
له ڕێوڕه‌سمه‌كه‌دا به‌ڕێز نوێنه‌ری سه‌رۆک مه‌سعوود بارزانی و ژماره‌یه‌ك له به‌رپرسانی باڵای هه‌رێمی کوردستان و میوانان و دیپلۆماتكاران و نوێنه‌رانی وڵاتانی بیانی له هه‌رێمی كوردستان به‌شدار بوون.
https://presidency.gov.krd/president-nechirvan-barzani-attends-the-turkish-national-day-celebrations-in-erbil/
دوایین هەواڵەکان
- نوێنەری حکومەتی هەرێم لە ئێران: سەردانەکەی پزیشکیان ئاماژەیە بۆ گرنگیدانی ئێران بە هەرێمی کوردستان
- هه‌رێمى كوردستان و ئێران جه‌خت له بره‌ودان به پهيوهندييهكانيان دهكهنهوه
- سه‌رۆک نێچیرڤان بارزانی: سەردانی سەرۆک کۆماری ئێران مێژوویی بوو
- نازم دەباغ له وتووێژ له‌گه‌ڵ ئاژانسی ئیرنا: مەسعوود پزشکیان سەردانی هەولێر دەکات
- نازم دەباغ: کاتی سەردانی پزیشکیان بۆ عێراق دیار نییە
- «سەلام رشدی» له‌گه‌ڵ شاندی یهکێتی هاورده و ناردنکارانی لقی هه‌ولێر کۆبۆوه
- سه‌رۆك نێچيرڤان بارزانى: هه‌ميشه پشتيوانى و بهرگرى له مافهكانى ئێزدييان دهكهين
- سه‌رۆک نێچیرڤان بارزانی له‌گه‌ڵ باڵیۆزی یهکێتیی ئهورووپا کۆبووهوه
- سه‌رۆك نێچيرڤان بارزانى له‌گه‌ڵ باڵيۆزى نهمسا كۆبووه‌وه
- سه‌رۆك نێچيرڤان بارزانى سوپاسى جهنهرال ڤاول ده‌كات