نازم ده‌باغ له نوێنه‌رایه‌تى حکوومه‌تى هه‌رێمى کوردستان له‌گه‌ڵ مامۆستا عه‌لی باپیر دیداریی کرد
"نازم ده‌باغ" نوێنه‌رى حکوومه‌تى هه‌رێمى کوردستان له شاری تاران، له‌گه‌ڵ مامۆستا "عه‌لی باپیر" سکرتیری حیزبی کۆمەڵی دادگەری کوردستان کۆبۆوه.
مامۆستا "عه‌لی باپیر" سکرتیری حیزبی کۆمەڵی دادگەری کوردستان، پێش نیوه‌ڕۆی ئەمڕۆ شەمە ڕێکەوتی ١٧/0٧/20٢١ به هاوڕێیه‌تی لەگەڵ شاندی یاوەری سەردانی نووسینگەی نوێنەرایەتی حکوومەتی هەرێمی کوردستانی کرد و لە لایەن "نازم عومەر ده‌باغ" نوێنەری حکوومه‌تى هه‌رێمى کوردستان له شاری تاران و نوێنەرانی لایه‌نە سیاسییەکان و هه‌روه‌ها ستافی نوێنەرایەتی پێشوازی گەرمی لێکرا.
له‌م دیداره‌دا، مامۆستا "عه‌لی باپیر" بە گشتی باسی لە باروودۆخی عێراق و ناوچەکە و هه‌روه‌ها به تایبه‌تی باسی لە باروودۆخی هەرێمی کوردستان کرد.
له به‌شێکی دیکه‌ی ئه‌م دانیشتنه‌دا، سکرتیری حیزبی کۆمەڵی دادگەری کوردستان، هیوای سەرکەوتنی زیاتریی بۆ نوێنەرایەتی حکومەتی هەریمی کوردستان لە ئێران کرد له ڕاپه‌ڕاندنی ئه‌رک و کاره‌کانیان له شاری تاران و پێگەی نوێنەرایەتی حکوومەتی هه‌رێمى کوردستان لە وڵاتی ئێرانی بەرز نرخاند.
نوێنەری حكومەتی هەرێم لە تاران دەڵێت، عێراق رۆڵی هەیە لەسەر بازاڕی نەوت و ئاسایشی كەنداوو لەسەر پەیوەندییەكانی ئێران و توركیاو وڵاتانی عەرەبی، بۆیە من پێم وایە هەریەك لە ئێران و ئەمریكا دەیانەوێت عێراق رۆڵی خۆی ببینێت وە لە هەوڵدابن كە بێ لایەن بێت لە نێوان ئەمریكا و ئێراندا.
نازم دەباغ، نوێنەری حكومەتی هەرێم لە تاران بە پۆڵەتیك پرێسی راگەیاند: سەردانی هەریەك لە مەكگۆرك و وەزیری ئیتلاعاتی ئێران بۆ عێراق پەیوەندیدارنین پێكەوە تەنها رێكەوتە، چونكە بەپێی زانیارییەكانی من وەزیری ئیتلاعاتی ئێران دەبوو هەفتەی رابردوو سەردانی عێراقی بكردایەت، بەڵام سەردانەكەی دواكەوت لەبەر چەند هۆكارێكی تەكنیكی.
نوێنەری حكومەتی هەرێم لە تاران وتی: سەردانی ئەم دوو كەسە گرنگی خۆی هەیە بەوەی كە عێراق پێگەیەكی گرنگی هەیە بۆ دابینكردنی ئاسایشی ناوچەكە بە نیسبەت ئێران و ئەمریكاوە.
روونیشیكردەوە، عێراق رۆڵی هەیە لەسەر بازاڕی نەوت و ئاسایشی كەنداوو لەسەر پەیوەندییەكانی ئێران و توركیاو وڵاتانی عەرەبی، بۆیە من پێم وایە هەریەك لە ئێران و ئەمریكا دەیانەوێت عێراق رۆڵی خۆی ببینێت وە لە هەوڵدابن كە بێ لایەن بێت لە نێوان ئەمریكا و ئێراندا، عێراق تاچەندە دەتوانێت بێ لایەنی خۆی بپارێزێت ئەوە قسەیەكی ترە.
باسی لەوەشكرد، بارودۆخی ناوخۆیی عێراق ئاوسە بە كۆمەڵێك ئەگەر و پێشبینی وەك ئەنجامدان یان دواخستنی هەڵبژاردن، دوای ئەوەی موقتەدا سەدر بڕیاریدا بكشێتەوە لە پرۆسەی هەڵبژاردن پێم وایە ئەو بڕیارە گرفتێكی دیكە بۆ عێراق دروستدەكات.
https://politicpress.com/59869/
پۆڵەتیك پرێس// نوێنەری حكومەتی هەرێم لە تاران دەڵێت، ئەمریكا هەركات بەرژەوەندی هەبێت لە هەر وڵاتێك دەچێتە ئەو وڵاتە، كە بەرژەوەندی نەما لێی دەكشێتەوە، بەبێ ئەوەی رەچاوی بەرژەوەندی ئەو وڵاتە بكات.
نازم دەباغ، نوێنەری حكومەتی هەرێم لە تاران بە پۆڵەتیك پرێسی راگەیاند: بوونی هێزەكانی ئەمریكا لە وڵاتانی ناوچەكە لەسەربنەمای حەز و ئارەزووی وڵاتانی ناوچەكە نەبووە و ناشبێت، هەمیشە لەسەر بنەمای بەرژەوەندییەكانی خۆیانە، بۆیە كاتێك پێویستیان بێت دێن كاتێكیش پێویستیان نەبێت دەگەڕێنەوە یان بڵێین كاتێك بیانەوێت شێوازی یاریەكە بگۆڕن جوڵە بە هێزەكانیان دەكەن.
نوێنەری حكومەتی هەرێم لە تاران وتی: كاتی خۆشی ئوسامە بن لادنیان نارد بۆ ئەفغانستان بەناوی موجاهیدین شەڕی یەكێتی سۆڤیەت و فراوانبوونی نفوزی كۆمۆنیستیان پێكرد، ئەمڕۆش ئەمریكا نایەوێت بۆپاراستنی بەرژەوەندییەكانی چین و ئێران و رووسیا هێزەكانی خەریكی شەڕكردن بێت لەگەڵ تالبان یان لەگەڵ داعش لە ئەفغانستان.
وتیشی: من وای بۆدەچم ئەمریكا لە ئەفغانستان ئەم شەڕەی جێهێشتووە بۆ ئەو وڵاتانەی دیكە خۆیان بیكەن وە دەیكات بە شەڕی بەوەكالەت ، وەئەمجۆرە سیاسەتە بۆ عێراق و ناوچەكەش پەیڕەودەكات ئەوەبوو لە سەردەمی نوری مالكیش جارێك هێزەكانی لە عێراق كشاندەوە و دواتر گەڕانەوە بۆ عێراق، وە ئێستا ئەمریكا ئەو هێزەی شەڕی داعشی پێدەكرد دەیهێنێتەوە بۆ عێراق.
باسی لەوەشكرد، وەك دەوترێت سیاسەت دایك و باوكی نیە، ئەو رۆژەی بەرژەوەندییان هەبێت لە ناوچەكەن ئەو رۆژانەشی بەرژەوەندییان هەبێت بكشێنەوە دەكشێنەوە و بە خەڵكی ناوچە شەڕەكانی خۆیان دەكەن.
https://politicpress.com/58804/
نازم دەباغ لەگەڵ "محه‌مه‌د حاجی مه‌حموود" کۆبۆوە
"نازم دەباغ" نوێنەری حکومەتی هەرێمی کوردستان لە ئێران، لەگەڵ "محه‌مه‌د حاجی مه‌حموود" سکرتیری حیزبی سۆسیالیست دیمۆکڕاتی کوردستان دیداریی کرد.
"محه‌مه‌د حاجی مه‌حموود" سکرتیری حیزبی سۆسیالیست دیمۆکڕاتی کوردستان، ڕۆژی شەمە ڕێکەوتی ٠٣/٠٧/٢٠٢١ سەردانی نووسینگەی نوێنەرایەتی حکومەتی هەرێمی کوردستان لە شاری تارانی کرد و لە لایەن "نازم عومەر دەباغ" نوێنەری حکومەتی هەرێمی کوردستان لە وڵاتی ئێران و "سەلام عارف روشدی" جێگری نوێنەری حکومەتی هەرێمی کوردستان لە تاران، پێشوازیی لێکرا.
لە سه‌ره‌تای ئه‌م دیداره‌دا کە نوێنەرانی لایه‌نە سیاسییەکانی هەرێمی کوردستان له نوێنەرایه‌تی حکومەتی هەرێمی کوردستان لە شاری تاران تیایدا ئامادەبوون، به تایبه‌ت باس لە باروودۆخی هەڕێمی کوردستان و عێراق و هه‌روه‌ها بە گشتی باس لە باروودۆخی ناوچەکە کرا.
له درێژه‌ی ئه‌م کۆبوونەوەیه‌دا، نوێنەری حکومەتی هەرێمی کوردستان لە ئێران، باسی باروودۆخی هەرێمی کوردستان و عێراقی کرد و له‌م باره‌یه‌وه بیرووڕای خۆی سەبارەت بە باروودۆخی ناوچه‌کە خستەروو.
گاڤ نیوز – تایبەت // نوینەرێ حکومەتا هەرێما کوردستانێ ل کۆمارا ئیسلامى یا ئیرانێ بۆ گاڤ بەحس ل سیاسەتا نوى یا ئیرانێ پشتى هەلبژارتنا سەرۆککۆمارێ نوى دكه‌ت و رادگەهینیت، سیاسەتا ئیرانێ نەگۆڕە.
هەفتیا بوورى هەلبژارتنێن ئیرانێ هاتنە کرن و ئیبراهیم رەئیسى وەک سەرۆکێ نوى هاتە هەلبژارتن و ب کەسەک نێزیکى رابەرێ شۆڕشا ئیسلامى دهێتە ناسکرن.
نازم دەباغ، نوینەرێ حکومەتا هەرێما کوردستانێ ل ئیرانێ بۆ گاڤ نیوز گۆت: پەیوەندیێن هەرێم و ئیرانێ دیرۆکى نە و د هەر گوهۆڕینەکێ دا بزاڤا باشترکرنا پەیوەندیان دهێتەکرن، بەرنامەیێ ئیرانێ د چارچۆڤێ ئیراقێ دا نەگوهۆڕى یە و د خوازیت ئیراق و هەرێم د چارچۆڤێ ئیراقەکا فیدرال دا بن.
هەروەسا گۆت ژى، گوهۆڕینا سەرۆککۆمار و هەلبژارتنا سەرۆکەکێ نوى بتنێ گوهۆڕینا سەروچاڤانە و ئیرانێ ستراتیژیەتا خۆ یا دوورمەودا هەیە و هەر کى بهێت و ببیتە سەرۆک وێ سیاسەتێ پەیرەو دکەت.
ل دۆر سەرەدانێن نێزیک یێن سەرکردەیێن هەرێمێ بۆ ئیرانێ گۆت: هەمى دەمان دەرگەهێن سەرەدانان بۆ هەردو ئالیان ڤەکرینە و هەردەما بهێتە خواستن ل گۆرى پێدڤیێ سەرەدان دهێنە کرن.
https://gavnews.net/2021-06-25-%D9%86%D9%88%DB%8C%D9%86%DB%95%D8%B1%DB%8E_%D9%87%DB%95%D8%B1%DB%8E%D9%85%DB%8E_%D9%84_%D8%A6%DB%8C%D8%B1%D8%A7%D9%86%DB%8E_%D8%A8%DB%86_%DA%AF%D8%A7%DA%A4:_%D8%B3%DB%8C%D8%A7%D8%B3%DB%95%D8%AA%D8%A7_%D8%A6%DB%8C%D8%B1%D8%A7%D9%86%DB%8E_%D9%84_%D9%87%D9%87%E2%80%8C%D9%85%D8%A8%D9%87%E2%80%8C%D8%B1%D9%89_%D9%87%D9%87%E2%80%8C%D8%B1%DB%8E%D9%85%DB%8E_%DB%8C%D8%A7_%D9%86%DB%95%DA%AF%DB%86%DA%95%DB%95/
رووداو دیجیتاڵ // مەسرور بارزانی، سەرۆکوەزیرانی حکومەتی هەرێمی کوردستان لە تویتێکدا پیرۆزبایی لە ئیبراهیم رەئیسی دەکات بەبۆنەی بوونە سەرۆککۆماری هەڵبژێردراوی ئێران.
ئێواره‌ى ئه‌مڕۆ دووشه‌ممه 21/6/2021 به‌ڕێز نێچيرڤان بارزانى، سه‌رۆكى هه‌رێمى كوردستان و به‌ڕێز ئيبراهيم ڕه‌ئيسى، سه‌رۆكى نوێى كۆمارى ئيسلاميى ئێران، په‌يوه‌ندييه‌كى ته‌له‌فۆنييان ئه‌نجام دا.
له په‌يوه‌ندييه‌كه‌دا سه‌رۆك نێچيرڤان بارزانى پيرۆزبايى له سه‌رۆك ڕه‌ئيسى كرد كه له‌لايه‌ن گه‌لانى ئێرانه‌وه به سه‌رۆك كۆمارى نوێی وڵات هه‌ڵبژێردرا و هيواى سه‌ركه‌وتنى بۆ خواست.
سه‌رۆك نێچيرڤان بارزانى، وێڕاى دووپاتكردنه‌وه‌ى سوپاس و پێزانين بۆ هاوكارى و پشتگيرييه‌كانى ئێران بۆ هه‌رێمى كوردستان له ڕۆژه سه‌خته‌كاندا، هيواى خواست له سه‌رده‌مى سه‌رۆكايه‌تيى سه‌رۆك ڕه‌ئيسيدا، په‌يوه‌ندييه مێژوويييه‌كانى هه‌رێمى كوردستان له‌گه‌ڵ كۆمارى ئيسلامى له‌سه‌ر بنه‌ماى به‌رژوه‌نديى هاوبه‌ش و دراوسێيه‌تيى باش، زياتر به‌ره‌وپێش بچن و بواره‌كانى هاريكارى و هاوبه‌شيى نێوان هه‌ردوولا فراوانتر ببن.
لاى خۆيه‌وه سه‌رۆك ئيبراهيم ڕه‌ئيسى، خۆشحاڵى و سوپاسيى خۆيانى بۆ په‌يوه‌ندى و پيرۆزباييى سه‌رۆك نێچيرڤان بارزانى ده‌ربڕى و هيواى به‌ره‌وپێشچوونى زياترى په‌يوه‌ندييه‌كان و هاريكاريى كۆمارى ئيسلاميى ئێرانى له‌گه‌ڵ عيراق و هه‌رێمى كوردستان خواست.
نوێنەری حكومەتی هەرێم لە تاران دەڵێت، هەڵبژاردنی سەرۆكی نوێی ئێران كاریگەری نابێت لەسەر سیاسەتی ئەو وڵاتە بەوپێیەی سیاسەتی ئێران لەلایەن رابەری باڵای كۆماری ئیسلامی ئێرانەوە داڕێژراوە و ستراتیجی و نەگۆڕە.
نازم دەباغ، نوێنەری حكومەتی هەرێم لە تاران بە پۆڵەتیك پرێسی راگەیاند: هەڵبژاردنی سەرۆكایەتی كۆماری ئیسلامی ئێران كە چوار ساڵ جارێك ئەنجام دەدرێت تەنها گۆڕانكارییە لە كەسەكاندا ئەگینا پێم وانیە گۆڕینی سەرۆككۆمار لە ئێران ببێتە هۆی گۆڕانكاری لە سیاسەت و پەیوەندییەكانی لەگەڵ عێراق یان هەرێمی كوردستان و دنیای دەرەوە.
نوێنەری حكومەتی هەرێم لە تاران وتی:ئەو سیاسەتەی كۆماری ئیسلامی ئێران هەیەتی ستراتیجییە و داڕێژراوە بە سەرپەرشتی رابەری كۆماری ئیسلامی ئێران، چونكە رابەر لە ناو ئێراندا خاوەنی دەسەڵاتی سەرەتا و كۆتاییە، بۆیە پێم وانیە گۆڕانكاری لە پۆستی سەرۆككۆماردا گۆڕینێكی ئەوتۆبێت.
وتیشی: پێم وایە گرنگی عێراق و هەرێمی كوردستان بۆ كۆماری ئیسلامی ئێران جێگای خۆی هەیە بە ئاسانی ئەم پەیوەندییانە ناگۆڕدرێن بەڵكو لە هەوڵدا دەبن بۆ باشكردنی.
نازم دەباغ، باسی لەوەكرد دەربارەی پەیوەندی سەرۆككۆماری نوێ لەگەڵ كورد دیارە پەیوەندی و ناسینی و ئاشنایەتییەكی راستەوخۆی نەبووە لەگەڵ كورد بەڵام ئەو دەزگا و ئۆرگانانەی ئەو پەیوەندی پێوە هەبووە وەكو كەسێكی كاریزما لە ناو سوپای كۆماری ئیسلامی ئێرانی لە رابردوو ئێستادا ئاگاداری هەیە وە ئەو شتەی لە رابردوودا هەبووە لەلای كۆماری ئیسلامی ئێران هەمان ئەوشتە رادەستی حكومەتی نوێی ئێران دەكرێت.
روونیشیكردەوە ئەوەی گرنگە باسی بكەین بۆیەكەمجارە لە كۆماری ئیسلامی ئێران دەزگای جێبەجێكار و دەزگای چاودێری واتە پەرلەمان لەگەڵ یەك بن بە واتای ئەوەی زۆرینەی پەرلەمان یەك دەنگ و یەك دەستن لەگەڵ سەرۆكایەتی حكومەتی نوێی ئێران ئەمەش یارمەتیدەرە بۆ حكومەت تا كارێكیان بوێت لە رێگای پەرلەمانەوە ئەنجامی بدەن.
رۆژی 18_6_2021 سیانزە هەمین خولی هەڵبژاردنی سەرۆكایەتی ئێران بەڕێوەچوو، سەیید ئیبراهیم رەئیسی وەك سەرۆككۆماری نوێی ئەو وڵاتە هەڵبژێردرا.
https://politicpress.com/55469/
سه‌رۆكى هه‌رێمى كوردستان، پيرۆزبايى له سه‌رۆكى تازه‌ى ئێران ده‌كات
ئه‌مڕۆ شه‌ممه 2021/6/19 به‌ڕێز نێچيرڤان بارزانى، سه‌رۆكى هه‌رێمى كوردستان، پيرۆزباييى سه‌ركه‌وتنى له به‌ڕێز ئيبراهيم ڕه‌ئيسى، سه‌رۆكى تازه‌ى كۆمارى ئيسلاميى ئێران كرد كه له هه‌ڵبژاردنه‌كانى دوێنێدا، به سه‌ركۆمارى تازه‌ى ئێران هه‌ڵبژێردرا.
له نامه‌يه‌كدا كه به‌و بۆنه‌يه‌وه سه‌رۆك نێچيرڤان بارزانى ئاراسته‌ى سه‌رۆك ڕه‌ئيسى كردووده، وێڕاى پيرۆزبايى و هيواى سه‌ركه‌وتن له پۆست و ئه‌ركى تازه‌يدا، هيواى خواستووه له سه‌رده‌مى سه‌رۆكاتيى به‌ڕێزياندا په‌يوه‌ندييه‌كانى هه‌رێمى كوردستان و عيراق له‌گه‌ڵ كۆمارى ئيسلاميى ئێران له‌سه‌ر بنه‌ماى دراوسێيه‌تيى باش و به‌رژه‌وه‌نديى هاوبه‌ش زياتر په‌ره‌يان پێبدرێت و بواره‌كانى هاريكاريى هه‌ولێر و به‌غدا له‌گه‌ڵ تاران له‌پێناو ئارامى و سه‌قامگيريى هه‌ردوولا و ناوچه‌كه‌دا، فراوانتر بكرێن.
https://presidency.gov.krd/the-president-of-kurdistan-region-congratulates-the-new-iranian-president/
More...
نازم دەباغ: هەڵبژاردن كاریگەری لەسەر سیاسەتە گشتیەكانی ئێران نابێت
