پەیامی سەرۆکی حکومەتی هەرێمی کوردستان بە بۆنەی رۆژی جیهانیی کرێکاران
هەولێر، هەرێمی کوردستان، عێراق (GOV.KRD) – مەسرور بارزانی سەرۆكی حكومەتی ھەرێمی كوردستان رۆژی یەكی ئایاری ٢٠٢٠، لە پەیامێكدا رۆژی جیھانیی كرێكارانی لە كرێكارانی كوردستان و جیھان پیرۆز كرد.
دەقی پەیامی سەرۆكی حكومەت:
بە بۆنەی رۆژی جیهانیی کرێکاران، پیرۆزبایی لە کرێکارانی کوردستان و جیهان دەکەم و ستایشی ئەرك و ماندووبوونی كرێكارانی كوردستان دەكەم کە هەمیشە بەرگەی دۆخی سەختی ئابوورییان گرتووە و لە خزمەتكردنی وڵاتەكەشیان بەردەوامن.
هەروەها سوپاسی پابەندبوونیان بە رێکارەکانی خۆپارێزی لە ڤایرۆسی کۆرۆنا دەکەین، بەو هیوایەی كە لە ئایندەیەکی نزیکدا ژیانی رۆژانە ئاسایی ببێتەوە.
لەم بۆنەیەدا، پشتگیریی خۆمان بۆ ماف و تێكۆشانی كرێكاران بۆ بەدیهاتنی دادپەروەری و باشترکردنی دۆخی گوزەرانیان دووپات دەکەینەوە.
٢٠٢٠/٥/١
په‌يامى سه‌رۆكى هه‌رێمى كوردستان بۆ ڕۆژى جيهانيى كرێكاران
بە بۆنەی یادی یەكی ئایار، ڕۆژى جیهانیی كرێكارانەوە، گەرمترین پیرۆزبایی لە كرێكارانی كوردستان و سەندیكا و ڕێكخراوەكانیان، هەروەها پیرۆزبایی لە تێكڕای كرێكارانی عێراق و جیهان به‌گشتى دەكەم.
كرێكارانی كوردستان بازووی ماندوونەناس و كاران و ڕۆڵێكی ديارى بنیادنەرانە لە ئاوەدانكردنەوەی وڵاتدا ده‌گێڕن كه هەمیشە بەرچاو و جێی ڕێز و پێزانینە. لەم یادە پیرۆزەدا، ته‌واوى پشتیوانيی خۆمان بۆ ماف و داوا یاسایی و سەندیكاییيە ڕەواكانیان، گوزەرانی شایستە و هەلومەرجی لەباری كاركردنی كرێكاران و بەدیهێنانی خۆشگوزەرانی بۆ ئەو چینە زەحمەتكێشە و تەواوی خەڵكی كوردستان، دووپات دەكەینەوە.
هيوادارين وڵاتەكەمان و جیهان هەرچی زووترە لە قەیران و كێشه‌كانى ده‌رهاويشته‌ى په‌تاى كۆرۆنا دەرباز ببن كە بەداخەوە كاریگەریی خراپی لەسەر ڕەوشی ژیانی هەمووان و بەتایبەتى كرێكاران و ڕەنجدەران دروست كردوە، بەو ئومێدەی ساڵی داهاتوو لە دۆخێكی باشتردا ئەم یادە بكەینەوە.
ڕۆژى جيهانيى كرێكاران له هه‌موو لايه‌ك پيرۆز بێت.
نێچیرڤان بارزانی
سەرۆكی هەرێمی كوردستان
1/5/2020
قوباد تاڵەبانی پەیوەندییەكانی نێوان هەولێر و بەغدای لەگەڵ باڵیۆزی ئەمەریكا تاوتوێ كرد
• قوباد تاڵەبانی: لەپێكهێنانی كابینەی نوێی حكومەتی عێراق بەشێك دەبین لەچارەسەر لەپێناو بەرقەراربوونی سەقامگیری و چارەسەركردنی كێشەكان.
بەغدا، عێراق (GOV.KRD)- قوباد تاڵەبانی جێگری سەرۆك وەزیرانی هەرێمی كوردستان، لەبەغدا، پێشوازی لە ماتیۆ تولەر، باڵێوزی ئەمەریكا لە عێراق كرد و هەردوولا لەبارەی پێكهێنانی حكومەتی نوێی بەغدا و كێشە هەڵپەسێردراوەكانی نێوان حكومەتی ناوەندی و هەرێم گفتوگۆیان كرد.
لەمیانەی سەردانەكەیدا بۆ شاری بەغدا، قوباد تاڵەبانی سەرۆكی شاندی هەرێمی كوردستان رۆژی ٢٩ نیسانی ٢٠٢٠ لەبارەگای حەوانەی خۆی پێشوازی لە ماتیۆ تولەر باڵیۆزی ئەمەریكا لەعێراق كرد و هەردوولا لەبارەی بەرەنگاربوونەوەی مەترسییەكانی ڤایرۆسی كۆرۆنا و كێشە هەڵپەسێردراوەكانی نێوان حكومەتی ناوەند و هەرێمی كوردستان و پێكهێنانی كابینەی نوێی حكومەتی عێراق گفتوگۆیان كرد.
لە كۆبوونەوەكەدا قوباد تاڵەبانی رونیكردەوە بەمەبەستی كۆتاییهێنان بە ناكۆكییەكانی نێوان هەردوو حكومەتی هەرێم و ناوەند لەبەر رۆشنایی دەستووری هەمیشەیی عێراق و لێكگەیشتنەكانی پێشتری نێوان هەردوولا سەردانی بەغدایان كردووە.
جێگری سەرۆك وەزیرانی هەرێم، لەبارەی پێكهێنانی كابینەی نوێی حكومەتی عێراقەوە بەسەرۆكایەتی مستەفا كازمی سەرۆك وەزیرانی راسپێردراو، رایگەیاند كورد نابێتە لەمپەر و رێگر لەبەردەم پێكهێنانی حكومەتی عێراق و بەپێچەوانەوە بەشێك دەبن لەچارەسەر لەپێناو بەرقەراربوونی سەقامگیریی و ئۆقرەیی و رەخسانی دەرفەت بۆ چارەسەركردنی كێشە كەڵەكەبووەكانی عێراق و باشتركردنی پەیوەندییەكانی هەردوولا.
لەكۆبوونەوەكەدا، ئاوات شێخ جەناب وەزیری دارایی و ئومێد سەباح سەرۆکی دیوانی ئەنجومەنی وەزیران ئامادە بوون.
قوباد تاڵەبانی لەگەڵ یونامی و تەندروستی جیهانی رەوشی كۆرۆنایان تاوتوێ كرد
• قوباد تاڵەبانی سوپاسی هاوكاری نوێنەرایەتی نەتەوە یەكگرتووەكان و رێكخراوی تەندروستی جیهانی كرد بەرامبەر هاوكارییەكانیان بۆ بەرەنگاربوونەوەی كۆرۆنا.
• قوباد تاڵەبانی پابەندیی هەرێمی كوردستانی بە رێنماییە زانستی و تەندروستییەكان دووپات كردەوە تا گەیشتن بەدڵنیایی و كەناری ئارام.
هەولێر، هەرێمی کوردستان، عێراق (GOV.KRD)- قوباد تاڵەبانی جێگری سەرۆك وەزیرانی هەرێمی كوردستان لەگەڵ نوێنەرانی سكرتێری گشتی UN و نوێنەری رێكخراوی تەندروستی جیهانی WHO ڕەوشی تەندروستی هەرێمی كوردستان و دوا پێشهاتەكانی نەخۆشی كۆرۆنایان لە هەرێم و عێراق و جیهان تاوتوێ كرد.
لە كۆبوونەوەیەكدا لەگەڵ قوباد تاڵەبانی، رۆژی ٢٦ نیسانی ٢٠٢٠ هەر یەك لە؛ جنین بلاسخارت، نوێنەری تایبەتی سكرتێری گشتی نەتەوە یەكگرتووەكان بۆ عێراق و د. ئەدهەم ئیسماعیل، نوێنەری رێكخراوی تەندروستی جیهانی (WHO) رەزامەندی و ستایشی خۆیان نیشاندا بەرامبەر رێوشوێنەكانی بەرەنگاربوونەوەی پەتای كۆرۆنا لە هەرێمی كوردستان.
شاندی میوان ئەوەشیان بۆ جێگری سەرۆك وەزیران روونكردەوە کە ئەو دەنگۆیانەی لەبارەی جیاوازی جۆرەكانی ڤایرۆسی كۆرۆنا بڵاون لە عێراق و كوردستان و كیشوەری ئەوروپا، هیچ بنەمایەكی زانستی و بەڵگەداریان نییە. ئاماژەیان بەوەشدا جیاوازی بارودۆخی وڵاتان بەهۆی نەخۆشییەكەوە، تەنها پەیوەستە بە رێكارەكانی خۆپارێزی و خێرایی لە بەرەنگاربوونەوەی مەترسییەكان لە رێگای رێوشوێنەكانی كەرەنتین و دابڕینی كۆمەڵایەتی و پەیڕەوكردنی رێنماییە تەندروستییەكان.
شاندەكە ئامادەیی هەموو هاوكارییەكیان بۆ هەرێمی كوردستان خستەڕوو لە بەرەنگاربوونەوەی مەترسییەكانی كۆرۆنا. لە بەرامبەریشدا قوباد تاڵەبانی سوپاس و پێزانینی پێشكەش كردن بۆ هاوكارییەکانیان، هەروەها جەختیكردەوە لە سەرەتای گەیشتنی ڤایرۆسەكەوە بۆ كوردستان، پاراستنی گیانی هاوڵاتیان و تەندروستی خەڵك لە پێشەنگی گرنگیدانی حكومەتی هەرێم بووە، ئێستاش لەبەر رۆشنایی پێشهاتە زانستییەكان و بەپێی ستانداردە جیهانییەكان هەموو توانایەك دەخاتەگەڕ تا گەیشتن بەدڵنیایی و كەناری ئارام.
پەیامی سەرۆکی حکومەتی هەرێمی کوردستان بە بۆنەی رۆژی رۆژنامەگەریی کوردی و ساڵرۆژی دامەزراندنی سەندیکای رۆژنامەنووسانی کوردستان
هەولێر، هەرێمی کوردستان، عێراق (GOV.KRD)- مەسرور بارزانی سەرۆکی حکومەتی هەرێمی کوردستان رۆژی ٢١ نیسانی ٢٠٢٠ بە بۆنەی رۆژی رۆژنامەگەریی کوردی و ساڵرۆژی دامەزراندنی سەندیکای رۆژنامەنووسانی کوردستان پەیامێكی بڵاوكردەوە.
تێكستی پەیامی سەرۆكی حكومەت:
بەبۆنەی (١٢٢) مین ساڵرۆژی رۆژنامەگەریی کوردی و دەرچوونی یەکەم ژمارەی رۆژنامەی (کوردستان)، گەرمترین پیرۆزبایی لە رۆژنامەنووسان و راگەیاندنکارانی کوردستان دەکەم. هەروەها (٢٢) مین ساڵڕۆژی دامەزراندنی سەندیکای رۆژنامەنووسانی کوردستان لە رۆژنامەنووسانی هەرێمی کوردستان پیرۆز دەکەم و هیوای سەرکەوتنیان بۆ دەخوازم.
لەم دەرفەتەدا بە پێویستی دەزانم سوپاسی دەزگاکانی راگەیاندنی هەرێمی کوردستان بکەم کە لە جێبەجێکردنی رێکارەکانی خۆپارێزیی لە ڤایرۆسی کۆرۆنا و بڵاوکردنەوەی رێنماییە تەندروستییەکان رۆڵێکی گرنگیان هەبوو.
رێز و پێزانین بۆ رووناکبیران و پێشەنگانی رۆژنامەگەریی کوردستان و ئەو رۆژنامەنووسانەی لە پێناو گەیاندنی دۆزی ڕەوای گەلی کوردستاندا خزمەتیان کرد و گیانی خۆیان بەخت کرد .
مەسرور بارزانی
سەرۆکی حکومەتی هەرێمی کوردستان
٢٠٢٠/٤/٢١
نازم دەباغ: هیچ بەڵگەیەک نییە کە مستەفا سەلیمی هاتبێتە ناو هەرێمی کوردستانەوە
"نازم دەباغ" نوێنەری حکومەتی هەرێمی کوردستان لە تاران لە وتووێژ لەگەڵ تەلەڤیزیۆنی "بی.بی.سی" BBC فارسی گوتی: هیچ بەڵگەیەک لەبەر دەستدا نییە کە "مستەفا سەلیمی" هاتبێتە ناو خاکی هەرێمی کوردستانەوە.
"نازم دەباغ" نوێنەری حکومەتی هەرێمی کوردستان لە ئێران لە وتووێژ لەگەڵ تەلەڤیزیۆنی "بی.بی.سی" BBC فارسی وێڕای بە درۆخستەوەی گرتنی "مستەفا سەلیمی" زیندانی بەندیخانەی سەقز لە ناو خاکی هەرێمی کوردستانی عێراق گوتی: هیچ بەڵگەیەک لەبەر دەستدا نییە کە "مستەفا سەلیمی" هاتبێتە ناو خاکی هەرێمی کوردستانەوە، بە پێچەوانەوە بەڵگە هەیە کە نیشان دەدات ئەو لە دەورووبەری شاری بانە لە پارێزگای کوردستانی ئێران گیراوە.
گوتیشی: کەسانێک هەن کە بۆ داڕشتنی ئەم پیلان و بوختانانە، بە شوێن کەمکردنەوەی متمەمانەی هەرێمی کوردستان، خەڵکی و هەروەها یەکێتی نیشتمانی کوردستانن، کە بەم کارەی ئەوان ئەو متمانەیە کەمنابێتەوە و لەم کارەشیاندا سەرکەوتوو نابن.
"نازم دەباغ" نوێنەری حکوومەتی هەرێمی کوردستان لە تاران بە ئاماژە بەوەی کە ئەگەر پشتیوانییەکانی ئێران لە کوردەکان نەبوایە شایەد کۆمەڵکوژی سەدام لە بیردەچۆوە، گوتی: ئەو چاوەڕانییە بوونی هەیە کە تاوانەکانی سەدام لە ناوەند و دادگا ناوخۆیی و نێودەوڵەتییەکان مەحکووم بکرێت و ئەو کەسانەی کە ئەنفالیان ئەنجامدا دادگایی بکرێن.
بە پێی ڕاپۆڕتی گرووپی نێودەوڵەتی ئاژانسی "ئانا"، ڕژێمی بەعسی عێراق لە ساڵی 1988 بە دەستووری ڕاستەخۆی سەدامی دیکتاتۆڕ و لە 8 قۆناغی جیاوازدا عەمەلیاتی کۆمەڵکوژی ناسراو بە "ئەنفال"ی دەست پێکرد؛ پڕۆسەیەکی بەربڵاو کە بە مەبەستی کۆمەڵکوژی کوردەکان ئەنجامدرا.
لەم جینایەتە دژە مرۆڤانەیەدا زیاتر لە 182 هەزار کەس لەو ناوچانەی کە دانیشتووانی کوردن بە شێوازێکی دڕندانە کوژران، لە گۆڕە بە کۆمەڵەکاندا شاردرانەوە و هەروەها لە چارەنووسی دەیان هەزار کەس لە قوربانیانی ئەم کۆمەڵکوژییە زانیارییەک لەبەر دەستدا نییە. بێجگە لەوە، بە هەزاران گوندی کوردستانی عێراق وێران کران و لە نەخشەی جوگرافی ناوچەکە سڕدرانەوە و تا ئێستا زۆربەی گۆڕە بە کۆمەڵەکان لە ناوچە جۆراوجۆرەکانی عێراق و هەرێمی کوردستان بیندراوەتەوە کە ئاسەواری تەرمی ئەنفالکراوەکانی تێدا بووە.
دەبێت ئەو کەسانەی کە ئەنفالیان ئەنجامدا دادگایی بکرێن
"نازم دەباغ" نوێنەری حکوومەتی هەرێمی کوردستان لە تاران لە وتووێژ لەگەڵ پەیامنێری بەشی ڕۆژئاوای ئاسیا و میحوەری خۆڕاگری گرووپی نێودەوڵەتی ئاژانسی هەواڵنێری "ئانا" گوتی: نزیکەی 32 ساڵ بەسەر کۆمەڵکوژی کوردەکان بە دەستی ڕژێمی بەعسی سەدام تێدەپەڕێت و ئەو چاوەڕانییە بوونی هەیە کە تاوانەکانی سەدام لە ناوەند و دادگا ناوخۆیی و نێودەوڵەتییەکان مەحکووم بکرێت و پاشان ئەو کەس و لایەنانەی کە تاوانی ئەنفالیان ئەنجامدا دادگایی بکرێن.
ئەو لە درێژەی قسەکانیدا ڕایگەیاند: تا ئێستا هیچ قەرەبوویەک لە لایەن دەوڵەتی عێراقەوە بە کوردەوکان نەدراوە و دەوڵەتە جۆراوجۆرەکان تەنیا وەعدی بەدواداچوونیان بۆ قەرەبووکردنەوە و دۆسیەی کۆمەڵکوژیان بە خەڵکی کورد داوە و بیرەوەریی جینایەتەی گەورەی سەدام لە دژی کوردەکان کە ئەنجامیدا، یەگجار دڵتەزێنە، بەڵام بەرپرسانی عێراقی زۆر جار لەسەر مافە ڕەواکانی کوردەکانی عێراق بە تایبەت لە بابەتی ئەنفالدا جەختیان کردۆتەوە.
"نازم دەباغ" لە بەشێکی دیکەی قسەکانیدا گوتی: کوردەکان بە شوێن وەرگرتنی غەرامەی ئابوورییەوە نین و پارە بۆیان گرینگ نییە. بابەتی سەرەکی ئەوەیە کە بۆ کوردەکان لە لایەنی نەتەوایەتییەوە گرینگە و بەغدا دەبێت ئاگای لە باروودۆخی بنەماڵەی ئەنفالکراوەکان بێت.
نوێنەری حکوومەتی هەرێمی کوردستان لە ئێران بە ئاماژە بەوەی کە لە تاوانی ئەنفالدا 185 هەزار ژن، پیاو، منداڵ و گەنج کوژران و لە بۆردوومانی کیمیابارانی هەڵەبجەشدا نزیکەی 5 هەزار کەس شەهید و 10 هەزار کەسیش بریندار بوون، گوتی: کۆماری ئێسلامی ئێران چ لە لایەنی ئابووری و چ لە لایەنی مەعنەوییەوە یارمەتییەکی زۆری کوردەکانی داوە و لە هیچ یارمەتییەک چاوپۆشی نەکردووە. ئێران لە حاڵێکدا کە کوردەکان ئاوارەبوون، پەنای بەواندا و پشتیوانی لێکردن.
گوتیشی: کۆماری ئێسلامی ئێران لە لایەنی ڕاگەیاندنەوە ڕێژە و بەربڵاویی کارەساتی کۆمەڵکوژی ئەنفالی ئاشکرا کرد و ئەگەر پشتیوانی دەزگاکانی ڕاگەیاندن نەبوایە شایەد کۆمەڵکوژی سەدام لە بیردەچۆوە و دەنگی کوردەکان بە گوێی خەڵکی جیهان نەدەگەیشت.
لینکی هەواڵ:
https://ana.ir/fa/news/33/483510/حمایت‌های-ایران-نبود-شاید-نسل‌کشی-صدام-فراموش-می‌شد-لزوم-محاکمه-مسببان-فاجعه-انفال
نازم دەباغ: کۆمیسیۆنی لێکۆڵینەوە بۆ مەسەلەی مستەفا سەلیمی لە هەرێمی کوردستان پێکهاتووە
"نازم دەباغ" نوێنەری حکوومەتی هەرێمی کوردستان لە ئێران گوتی: بە دەستووری حکوومەتی هەرێمی کوردستان؛ کۆمیسیۆنی لێکۆڵینەوە و بەدواداچوون بۆ مەسەلەی "مستەفا سەلیمی" پێکهاتووە و دەرئەنجامەکەشی لە ڕابردوودا ڕادەگەیەندرێت.
"نازم عومه‌ر دەباغ" نوێنەری حکوومەتی هەرێمی کوردستان لە ئێران لە وتووێژ لەگەڵ تەلەڤیزیۆنی "ئێران ئینترنەشناڵ" سەبارەت بە "مستەفا سەلیمی" زیندانی بەندیخانەی سەقز گوتی: ئەمڕۆکە بینەریی یارییەکی زۆر پیسی هەندێک کەس و لایەن هەین کە بە مەبەستی لێدانی شکۆ و نازناویی حکوومەتی هەرێمی کوردستانی عێراق و یەکێتی نیشتمانی کوردستان ئەنجامی دەدەن و بۆ گەیەشتن بە ئامانجەکەیان دەستیان بە لێدانی تۆمەت و بوختان کردووە. هەر بەم هۆیەوە، سەرۆک وەزیری و جێگری سەرۆک وەزیری حکوومەتی هەرێمی کوردستانی عێراق، بڕیاریاندا بۆ چارەسەرکردنی ئەم بوختانانە کۆمیسیۆنێکی لێکۆڵینەوە و بەدواداچوون لەم بوارەدا پێکبێت و دەرئەنجامەکەشی لە ڕابردوودا ڕادەگەیەندرێت.
گوتیشی: لەم کۆمیسیۆنەدا کەسانی گونجاو و کەسایەتی بەرچاو بوونیان دەبێت کە کاریی سەرەکیان لەم بوارەدایە و هیوادارم حەقیقەتی ئەم بابەتە ڕوونبێتەوە و دەرئەنجامەکەشی بۆ خەڵکی ڕابگەیەندرێت.
نوێنەری حکوومەتی هەرێمی کوردستان لە شاری تاران سەبارەت بە پێکهێنانی کۆمیسیۆنی لێکۆڵینەوە و بەدواداچوون بۆ مەسەلەی "مستەفا سەلیمی" گوتی: ئەم کۆمیسیۆنە بە دەستووری "قوباد تاڵەبانی" جێگری سەرۆک وەزیری حکوومەتی هەرێمی کوردستان ڕاگەیێندراوە و سەرۆک وەزیری حکوومەتی هەرێمی کوردستانیش ئاگاداریی ئەم کارەیە و چاوەڕوانن کە ئەم کۆمیسیۆنە دەرئەنجامی لێکۆڵینەوە و بەدواداچوونی خۆی بە حکوومەتی هەرێمی کوردستان ڕابگەیەنێت و کاتێک کە ئەم دەرئەنجامانە ڕاگەیێندرا، تەواوی ئەو کەسانەی کە ناڕازین لەم مەسەلە و بابەتە ئاگاداردەبن.
گوتیشی: لە لایەکی دیکەوە بەداخەوە ئەم ڕۆژانەدا یارییەکی زۆر پیسی سیاسی لە لایەن هەندێک گرووپ و کەس بە نییەتی خراپەوە دەستی پێکردووە و دەیانەوێت کە لە ئاویی لێڵ ماسی بگرن و بابەتەکە پێچەڵاوپێچ بکەن. هەر کەسێکیش بە پێی بەرژەوەندیی و مەبەستی خۆی، سەبارەت بە بڵاوکردنەوەی هەواڵی ئەم ڕووداوە هەوڵ دەدات. لە لایەکی دیکەشەوە، هەندێک گرووپ، ڕێکخراوە و ئەنجوومەنەکانی لایەنگری مافی مرۆڤ داوایان لە حکوومەتی هەرێمی کوردستان کردووە کە ئەم کۆمیسیۆنی لێکۆڵینەوە و بەدواداچوونە پێکبێنێت و بینیمان کە ئەم کۆمیسیۆنە، لە لایەن حکوومەتی هەرێمی کوردستان دامەزرا.
"نازم دەباغ" نوێنەری حکوومەتی هەرێمی کوردستان لە ئێران لە کۆتایی قسەکانیدا ڕایگەیاند: لێرەدا جەخت دەکەمەوە بۆ مەسەلەی لە سێدارەدانی "مستەفا سەلیمی" بەداخم، چونکە مرۆڤێک گیانی لە دەستداوە، بەڵام باشتر وابوو دەزگاکانی ڕاگەیاندن بە شوێن دۆزینەوەی حەقیقەتی ئەم کەسەدا بگەڕایەن کە 15 ساڵ لە زیندادا بووە و حوکمی لەسێدارەدانی بۆ دەرچووبوو، نەوەکوو ئەو لە ڕیز و هاوشانی کەسایەتییە بەرچاو، سیاسەتمەداران، چالاکڤانانی مافی مرۆڤ و هەروەها چالاکڤانانی کۆمەڵایەتی دابنێن و بە شێوەیەک دەریبخەن کە کوردەکان بێجگە لە "مستەفا سەلیمی" هیچ کەسێکیان لەم ڕێگایەدا لە دەست نەداوە.
نازم ده‌باغ نوێنه‌ری حكومه‌تی هه‌رێمی كوردستان له تاران ده‌ڵێت" من به‌بێ به‌ڵگه قسه ناكه‌م و له‌خۆمه‌وه نیه مسته‌فای سه‌لیمی نه‌چۆته هه‌رێمی كوردستان به‌ڵكو له‌ناو ئێران ده‌ستگیركراوه‌ته‌وه له‌نزیك شاری بانه، به‌ڵام من ده‌توانم بۆتان بنێرم كه ئه‌م پیاوه ڕابردووی چی بووه و له ئێران چی كردووه، وه مه‌سه‌له‌كانی هه‌ر سیاسی نه‌بووه كه زیندانی بووه دۆسیه‌كانی تێكه‌ڵ بووه، ئومێد ده‌كه‌م لێكۆڵینه‌وه بكرێت و ڕاستیه‌كان ڕونبكرێته‌وه و ڕاستیه‌كه‌ش ده‌ربكه‌وێت، ده‌باغ ده‌شڵێت" من شاهێدی ئه‌وه ده‌ده‌م به‌بڕیاری سیاسی و بڕیاری حكومه‌ت" ئیمكان نیه" نه حكومه‌تی هه‌رێم وه نه‌یه‌كێتی نیشتمانی كوردستانیش كاری له‌وجۆره‌ی ئه‌نجام دابێت و وه ئه‌نجامیشی بدات ، له‌وه‌ڵامی ئه‌و پرسیاره‌ی تۆ قسه‌ت له‌گه‌ڵ كه‌سوكاره‌كه‌ی كردووه له‌كاتێكدا ئه‌وان ده‌ڵێن له پێنجوێن ڕاده‌ستكراوه‌ته‌وه، نازم ده‌باغ ده‌ڵێت" من بۆچی قسه‌یان له‌گه‌ڵ بكه‌م ئه‌گه‌ر پێویست بكات بۆ نایكه‌م، به‌ڵام كاری من نیه من نوێنه‌ری حكومه‌تی هه‌رێمی كوردستانم نوێنه‌ری خه‌ڵكی كوردستانی ئێران و هه‌موو كوردی دنیا نیم "مومكینه" هه‌ندێك لایه‌نی سیاسیش هه‌یه له‌هه‌رێمی كوردستان منی به نوێنه‌ر قبوڵ نه‌بێت."
" به‌ڵام ئه‌و تاوانانه‌ی كه‌باسی لێوه‌ده‌كرێت له‌هه‌ندێك سایت و فه‌زای ئێرانی، ئه‌م پیاوه دوای چونه‌وه‌ی كه‌پێشتر پێشمه‌رگه‌ی دیموكرات بووه و خۆی ڕاده‌ست كردووه له‌و ماوه‌یه‌دا چه‌ندین كرده‌وه‌ی ئه‌نجامداوه."
نوێنه‌ری حكومه‌تی هه‌رێمی كوردستان ده‌ڵێت" له‌ڕووی مرۆڤایه‌تیه‌وه هه‌ر مرۆڤێك كه بكوژرێث مرۆڤ دڵی بۆ ده‌سوتێت و پێی ناخۆشه به‌ڵام ڕووداوێكی له‌وجۆره كه ڕووده‌دات به‌داخه‌وه كۆمه‌ڵێك خه‌ڵكی "زوڕناژه‌ن" هه‌ن كه به‌پاره بۆ مه‌رامی تایبه‌ت بۆ شكاندنی حكومه‌تی هه‌رێمی كوردستان و یه‌كێتی نیشتمانی كوردستان یا هه‌رلایه‌نێكی تر ده‌كه‌ونه درۆ هۆنینه‌وه ئێمه له‌گه‌ڵ ئه‌وه‌نین هه‌ندێك ڕووداوی نه‌خوازراو كه ڕووده‌دات به‌بێ به‌ڵگه قسه‌ی له‌سه‌رده‌كرێت وه چه‌نده‌ها ساڵه هه‌زاره‌ها هاوڵاتی كوردستانی ئێران ژیانی ئارامیان له‌هه‌رێمی كوردستان به‌ڕێكردووه، ڕووداوێكی وا كه ڕووده‌دات دیاره ئه‌م پیاوه( مسته‌فای سه‌لیمی ) چه‌ندین ساڵه كه ده‌ستگیركراوه و ئازاد بووه، دیاره ئه‌و قسه‌یه‌ی من به‌به‌ڵگه‌یه له‌خۆمه‌وه نیه وه‌ك ئه‌وانه‌ی كه به‌بێ به‌ڵگه قسه‌ده‌كه‌ن كه ده‌ڵێن له‌گه‌رمك ده‌ستگیركراوه و ڕاده‌ستكراوه‌ته‌وه، به‌یانه‌كه‌ی حیزبی دیموكراتی ئێرانیش شاهێدی ئه‌وه ده‌ده‌ن كه ئه‌و پیاوه له‌ناو ئێران ده‌ستگیركراوه‌ته‌وه و دواتر له‌سێداره دراوه به‌داخه‌وه ئه‌وه بابه‌تێكی تره ده‌كرێت له‌گه‌ڵ ئێرانیه‌كان باسی بكه‌یت كه ئه‌وه یاساییه یا نایاساییه؟"
نازم ده‌باغ ده‌شڵێت" به‌ڵام ئه‌و تاوانانه‌ی كه له‌هه‌ندێك سایت و فه‌زای ئێرانی كه باسی ده‌كات ئه‌م پیاوه دوای چونه‌وه‌ی كه‌پێشتر پێشمه‌رگه‌ی دیموكرات بووه و خۆی ڕاده‌ست كردووه له‌و ماوه‌یه‌دا چه‌ندین كرده‌وه‌ی ئه‌نجامداوه، ئێمه هه‌موو شتێكی دژ به‌مافی مرۆڤ مه‌حكوم ده‌كه‌ین وه هه‌روه‌ها دژ به سه‌روه‌رییه‌كانی هه‌رێمی كوردستان و یه‌كێتی نیشتمانی كوردستان ئومێد ده‌كه‌م ئه‌و كه‌سانه‌ی كه بێ به‌ڵگه ده‌كه‌ونه ڕشاندنی تۆمه‌ت بۆیان وه بۆ گه‌لی خۆیان ڕۆژێك بێت دادگایی بكرێن و به‌سزای خۆیان بگه‌ن ."
"حیزبی دیموكرات خۆی به‌یاننامه ده‌رده‌كات به‌ڵام لایه‌نێكی تر خۆی ده‌كات به ساحێبی بۆ ئه‌وكاسته‌ی كه زیندان بوو خاوه‌نی نه‌بوون؟ "
له‌وه‌ڵامی ئه‌و پرسیاره‌ی كه هاوكاتی به‌یاننامه‌كه‌ی حیزبی دیموكرات به‌یاننامه‌ی حیزبی كۆمه‌ڵه-ش هه‌یه كه‌به‌هه‌مان شێوه حیزبێكی كوردی ئێرانیه وه وته‌ی كه‌سه‌كاره‌كه‌شی هه‌یه له‌وانه سایتی (دره میدیا) ی هه‌رێمی كوردستانی عیراق كه له‌زاری كه‌سوكاره‌كه‌یه‌وه ئاماژه به‌وه‌ده‌كه‌ن (مسته‌فا سه‌لیمی) چۆته هه‌رێمی كوردستانی عیراق و له‌وێوه ڕاده‌ستی ئێران كراوه‌ته‌وه؟ ئایا هیچ به‌دواداچونتان بۆ ئه‌وه‌كردووه؟
نازم ده‌باغ ده‌ڵێت" به‌یاننامه‌كه‌ی حیزبی كۆمه‌ڵه ده‌ڵێت" ده‌ڵێن"، من دژی ئه‌وه‌م ئه‌گه‌ر له‌ڕووی مافی مرۆڤیشه‌وه بێت هیچ كه‌سێك ئه‌گه‌ر تاوانی گه‌وره‌ی نه‌كردبێت یاسا نێوده‌وڵه‌تیه‌كان و گۆڕینه‌وه‌ی تاوانبار نابێت كه‌سێك ڕاده‌ستی لایه‌ك بكرێته‌وه و ببێته هۆی له‌سێداره‌دانی، به‌ڵام به‌داخه‌وه ئه‌وه‌ی تۆ باسی ده‌كه‌یت، ئه‌م ململانێ سیاسیه ناشه‌ریفانه‌ی كه ئه‌مڕۆ له‌گۆڕه‌پانی نه‌ك هه‌رێمی كوردستان له‌وگۆڕه‌پانی كوردستانی هه‌یه هه‌ركه‌سێك ده‌ڕوات ئه‌و شته به‌كاردێنێت كه دژی ئه‌و لایه‌نه‌یه كه خۆی خۆشی ناوێت، كاتێك ئه‌م پیاوه پێشمه‌رگه‌ی حیزبی دیموكرات بووه وه حیزبی دیموكرات ئه‌م به‌یاننه ده‌رده‌كات به‌ڵام لایه‌نێكی تر خۆی ده‌كات به ساحێبی بۆ ئه‌وكاسته‌ی كه زیندان بوو خاوه‌نی نه‌بوون؟ من له‌هه‌موو بابه‌ته‌كاندا به‌ڵگه‌ی ئه‌وتۆم نیه كه به‌ڵگه بێت بۆ ڕاده‌ستكردنه‌وه‌ی مسته‌فا سه‌لیمی، وه‌هه‌موو ئه‌و جۆره كارانه‌ش مه‌حكوم ده‌كه‌م، به‌ڵام ئه‌وه‌ی له‌لامه ڕونكردنه‌وه‌ی حكومه‌تی هه‌رێمی كوردستانه وه به‌یانی یه‌كێتی نیشتمانی و حیزبی دیموكراتی كوردستانه."
"من ده‌ڵێم ڕاده‌ست نه‌كراوه‌ته‌وه، به‌ڵام ده‌توانرێت ماوه‌یه‌كی تر له‌حكومه‌ت و وه‌زاره‌تی ناوخۆی هه‌رێم بپرسرێت بڵێی ئه‌نجامی لێكۆڵینه‌وه‌كه چی بوو؟"
به‌ڵام حكومه‌تی هه‌رێمی كوردستان ده‌ڵێت به‌دواداچوون ده‌كه‌م نه‌یوتووه وایه یا نا؟
له‌وه‌ڵامدا نازم ده‌باغ ده‌ڵێت" ئه‌وه تاوانێكه خراوه‌ته پاڵ حكومه‌ت و حكومه‌تی هه‌رێمیش ده‌ڵێت لێكۆڵینه‌وه ده‌كه‌م، ده‌توانرێت ماوه‌یه‌كی تر له‌حكومه‌ت و وه‌زاره‌تی ناوخۆی هه‌رێم بپرسرێت بڵێی ئه‌نجامی لێكۆڵینه‌وه‌كه چی بوو؟ به‌ڵام له‌كاتێكدا كه حیزبی دیموكراتی كوردستان دێت به‌یاننامه ده‌رده‌كات كه‌چی پێی بوترێت تۆ ڕاست ناكه‌ی من ڕاست ده‌كه‌م، له‌هه‌موو بارێكدا ئه‌وه‌ی ده‌وترێت ڕاده‌ستكراوه‌ته‌وه، كه من ده‌ڵێم ڕاده‌ست نه‌كراوه‌ته‌وه به‌ڵگه‌ش ئه‌وه‌یه به‌سه‌دان هه‌زار خه‌ڵك چه‌ندین ساڵه له‌چوارچێوه‌ی یاسای مافی پاراستنی په‌نابه‌ر له‌هه‌رێمی كوردستانی عیراق ده‌ژین، ئومێد ده‌كه‌م لێكۆڵینه‌وه بكرێت و ڕاستیه‌كان ڕونبكرێته‌وه و ڕاستیه‌كه‌ش ده‌ركه‌وێت من له‌سه‌ر ئه‌وه‌ی كه "تۆ". پێم ده‌ڵێی نزیكیت و وه‌ك نوێنه‌ری حكومه‌تی هه‌رێم و كادرێكی یه‌كێتی من شاهێدی ئه‌وه ده‌ده‌م به‌بڕیاری سیاسی و بڕیاری حكومه‌ت" ئیمكان نیه" نه حكومه‌تی هه‌رێم وه نه‌یه‌كێتی نیشتمانی كوردستانیش كاری له‌وجۆره‌ی ئه‌نجام دابێت و وه ئه‌نجامیشی بدات."
"من ده‌توانم بۆتان بنێرم كه ئه‌م پیاوه ڕابردووی چی بووه و له ئێران چی كردووه، وه مه‌سه‌له‌كانی هه‌ر سیاسی نه‌بووه كه زیندانی بووه"
به‌ڵام ده‌نگۆ هه‌یه نه‌ك وه‌ك زانیاری دروست كه گوایه ئه‌و مه‌فره‌زه‌یه. بێ ئاگاداری ئاسایشی گشتی و یه‌كێتی و حكومه‌ت كاری ڕاده‌ست كردنه‌وه‌كه‌یان ئه‌نجام دابێت؟ ئایا ئێوه به‌دواداچونتان بۆ ئه‌وه‌كردووه؟
نوێنه‌ری حكومه‌تی هه‌رێمی كوردستان له تاران ده‌ڵێت" نه‌خێر ئه‌م بابه‌ته‌ی تۆ پرسیاری له‌باره‌وه ده‌كه‌یت شتێكی یاساییه ده‌بێت كه‌سی یاسایی و ده‌زگایی یاسایی ئه‌م كارانه بكات."
نازم ده‌باغ وتی" من ده‌توانم بۆتان بنێرم كه ئه‌م پیاوه ڕابردووی چی بووه و له ئێران چی كردووه، وه مه‌سه‌له‌كانی هه‌ر سیاسی نه‌بووه كه زیندانی بووه چونكه ئه‌م پیاوه سیاسی بووه پێشمه‌رگه‌ی حیزبی دیموكرات بووه دوای سێ ساڵ خۆی ته‌سلیم كردۆته‌وه به كۆماری ئیسلامی ئێرانی به‌ڵام ده‌كرێت به‌دواداچوون بكرێت دوای ئه‌و سێ ساڵه‌ی كه‌هاتۆته‌وه په‌یوه‌ندی به چ لایه‌نێكی سیاسیه‌وه كردووه و چی كردووه؟."
"من ده‌ڵێم هه‌ر كوردێك له‌هه‌رشوێنێك به‌هه‌ر هۆكارێك بێ هۆكاری یاسایی وه به‌بێ به‌ڵگه‌ی تاوان له‌زیندان بكرێت و له سێداره بدرێت به‌تاوانی ده‌زانم و مه‌حكومی ده‌كه‌م."
واته (مسته‌فای سه‌لیمی" له‌سه‌ر بابه‌تی سیاسی ده‌ستگیرنه‌كراوه؟ تۆ ده‌ته‌وێت ئه‌وه بڵێی؟
له‌وه‌ڵامدا نازم ده‌باغ وتی" هه‌مووی تێكه‌ڵ بووه، ئه‌م پیاوه پێشمه‌گه بووه، تێكۆشاوه له‌ناو ڕیزه‌كانی حیزبی دیموكرات، پاشان هاتۆته‌وه به‌ڵام بۆ به‌دواداچوون ناكه‌ن كه له‌دوای گه‌ڕانه‌وه‌ی چی كردووه و له‌سه‌ر چیتر گیراوه؟ بۆ له‌خه‌ڵكی سه‌قز و بۆكان ناپرسن كه چۆن "ته‌حویل" ییان داوه‌ته‌وه، خۆ لێره‌دا دوو "ئۆردوگا" هه‌یه، ئۆردوگایه‌ك هه‌یه ڕاستیه‌كانی لایه ئۆردوگایه‌كیش هه‌یه چه‌واشه‌كاری ده‌كات و بۆ به‌رژه‌وه‌ندی قسه ده‌كات، من نامه‌وێت به‌هه‌ست و سۆزه‌وه قسه‌بكه‌م به‌ڵگه‌م لانیه له‌سه‌ر كه‌یسه‌كه‌ی سیاسی بووه یا نا، من ده‌ڵێم هه‌ر كوردێك له‌هه‌رشوێنێك به‌هه‌ر هۆكارێك بێ هۆكاری یاسایی وه به‌بێ به‌ڵگه‌ی تاوان له‌زیندان بكرێت و له سێداره بدرێت به‌تاوانی ده‌زانم و مه‌حكومی ده‌كه‌م."
به‌ڵام ئه‌مه به‌شێوه‌یه‌كی گشتیه، بابه‌ت و ته‌وه‌ری ئێمه له‌سه‌ر "كاك مسته‌فای سه‌لیمی"یه؟
له‌وه‌ڵامدا نازم ده‌باغ ده‌ڵێت" من جارێكی تر ده‌یڵێمه‌وه (مسته‌فای سه‌لیمی) ناناسم كه‌سوكاری من نیه به‌ڵام چونكه كورده خزمی منه كه‌سوكاری منه، به‌ڵام من به‌ڵگه و زانیاریمان نیه كه ئه‌م پیاوه تۆمه‌تبار بكه‌ین وه له‌غه‌یری ئه‌وه‌ش به‌ڵگه و زانیاریمان لانیه كه‌ڕوونی ده‌كاته‌وه به‌غه‌یری ئه‌وه‌ی كه ڕونی ده‌كاته‌وه ئه‌م پیاوه نه‌چۆته هه‌رێمی كوردستان، دواتر زۆر جار ئێمه شتمان بینیووه كه‌سوكاری یا یه‌كێكی ده‌گیرێت یا ده‌كوژرێت یه‌كێك له‌كه‌سوكاره‌كه‌ی له په‌رۆشی خۆی یا له‌نه‌زانینی خۆی یاخود له‌هاندانی له‌لایه‌ن لایه‌نێكه‌وه قسه‌كانی خۆی ده‌كات به‌تایبه‌تی له‌و شوێنه‌ی كه‌باجی له‌سه‌ر نیه ئه‌وه‌ی كه گرنگه به‌ڵگه موهیمه."
" كاری من نیه قسه له‌گه‌ڵ كه‌سوكاره‌كه‌ی بكه‌م، من نوێنه‌ری حكومه‌تی هه‌رێمی كوردستانم نوێنه‌ری خه‌ڵكی كوردستانی ئێران و هه‌موو كوردی دنیا نیم "
باشه تۆ خۆت. به‌نیازی قسه له‌گه‌ڵ كه‌سوكاری (مسته‌فا سه‌لیمی) بكه‌یت؟ تا بگه‌یته ڕاستیه‌كان؟
نازم ده‌باغ له‌وه‌ڵامدا وتی" من بۆچی قسه‌یان له‌گه‌ڵ بكه‌م ئه‌گه‌ر پێویست بكات بۆ نایكه‌م، به‌ڵام كاری من نیه من نوێنه‌ری حكومه‌تی هه‌رێمی كوردستانم نوێنه‌ری خه‌ڵكی كوردستانی ئێران و هه‌موو كوردی دنیا نیم "مومكینه" هه‌ندێك لایه‌نی سیاسیش هه‌یه له‌هه‌رێمی كوردستان منی به نوێنه‌ر قبوڵ نه‌بێت."
More...
دەباغ: پڕوپاگەندەی دۆسیەی سەلیمی بۆ لەكەدار كردنی هەرێم ویەكێـتیی بەكار هێنراوە
ڕاگەیەندراوێک لە گوتەبێژی حکومەتی هەرێمی کوردستانەوە
