پۆڵەتیك پرێس: "نازم دەباغ" نوێنەری حكومەتی هەرێمی کوردستان لە تاران دەڵێت، بە دووری دەبینم ئەمریكا هێرش بكاتە سەر ئێران و نە ئەمریكا و نە ئێران لەگەڵ شەڕ نین.
"نازم عومه‌ر دەباغ" نوێنەری حكومەتی هەرێمی کوردستان لە وڵاتی ئێران بە پۆڵەتیك پرێسی Politic Press راگەیاند: پێم وایە نە ئەمریكا و نە ئێران لەگەڵ پەیامی شەر سازان نین و بە هەر دولاش دەیانەوێت ئەوانە ئاقڵ بكەن ئەگەر هەوڵی پەلكێشی ئەو دوو وڵاتە بدەن بۆ شەڕ.
وتیشی: بۆیە زۆر بە دوری دەبینم ئەمریكا هێرش بكاتە سەر ئێران.
لە بەرامبەر كوژرانی سێ سەربازی ئەمریكیدا، فڕۆكە جەنگییەكانی ئەمریكا لە دوایین ساتەكانی شەوی هەینی، لە نێو عێراق و سووریا هێرشیان كردە سەر پێگەی سوپای پاسدارانی ئێران و گرووپە چەكدارەكانی لایەنگری ئەو وڵاتە.
فەرماندەیی ناوەندیی ئەمریكا (سێنتكۆم) رایگەیاند: 85 ئامانجیان لە نێو عێراق و سووریا بۆردوومان كردووە كە لە لایەن فەیلەقی قودسی سوپای پاسدارانی ئێران و گرووپە چەكدارەكانی نزیك لێی، بۆ هێرشكردنە سەر هێزەكانی ئەمریكا و هاوپەیمانیی نێودەوڵەتی بەكارهێنراون.
لینکی هه‌واڵ:
https://politicpress.com/139629/