جه‌ژنی پیرۆزى ڕه‌مه‌زان به گه‌رمى و له دڵه‌وه له ته‌واوى موسڵمانانی هه‌رێمی كوردستان و جیهان به گشتى و له خانه‌واده‌ى سه‌ربه‌رزى شه‌هیدان و پێشمه‌رگه قاره‌مانه‌كان كه له به‌ره‌كانى پاراستنى خاك و خه‌ڵكى كوردستاندان؛ به تایبه‌تى پیرۆز ده‌كه‌ین. هیوادارین ئه‌م جه‌ژنه ببێته مایه‌ی خۆشی و به‌خته‌وه‌رى بۆ هه‌موو لایه‌ك و هه‌رێمى كوردستانیش به ته‌بایى و یه‌كڕیزیى هه‌موو لایه‌نه كوردستانییه‌كان و له سایه‌ى خۆڕاگریى پێشمه‌رگه قاره‌مانه‌كان، له هه‌ڵنانى هه‌نگاوى باشتر بۆ ئارامى و ئاسووده‌یى و خۆشگوزه‌رانیى كوردستانیان به‌رده‌وام بێت.
دووپاتى ده‌كه‌ینه‌وه كه له كاتێكدا هێشتا كێشه و ئاسته‌نگى زۆر له‌به‌رده‌م ئارامى و پێشكه‌وتنه‌كانى هه‌رێمى كوردستاندا هه‌ن، ئه‌مڕۆ له هه‌موو كاتێك زیاتر پێویستیمان به یه‌كڕیزى و ته‌بایی و پێكه‌وه‌ژیان و لێبورده‌یى هه‌یه؛ بۆ ئه‌وه‌ى ڕێگه له مه‌ترسییه‌كانى تیرۆر بگرین و كوردستانێكى ئاوه‌دان و كۆمه‌ڵگایه‌كى به‌خته‌وه‌رى پێشكه‌وتوو بنیات بنێین.
سوپاسى جه‌ماوه‌ر و هه‌موو لایه‌نه په‌یوه‌نداره‌كانیش ده‌كه‌ین كه ڕێزى مانگی ڕه‌مه‌زانى پیرۆزیان پاراست و پڕ به‌دڵ پیرۆزبایى و ده‌ستخۆشى له پێشمه‌رگه قاره‌مانه‌كان و كارمه‌ندانى ئاسایش و پۆلیس و پۆلیسى هاتوچۆ و ته‌ندروستى و هه‌موو ئه‌وانه ده‌كه‌ین كه ڕۆژانى جه‌ژن دوور له خانه‌واده و كه‌سوكاریان، بۆ خزمه‌ت و پاراستنى ئارامیى هه‌رێمى كوردستان؛ خۆیان ته‌رخان ده‌كه‌ن و له ئه‌ركدا ده‌بن.
دووباره جه‌ژن له هه‌موو لایه‌ك پیرۆز بێت و پشوویه‌كى خۆش و ئارام بۆ هه‌مووان ده‌خوازین.
ئه‌نجومه‌نى وه‌زیرانى هه‌رێمى كوردستان.
27ى ته‌ممووزى 2014
دوایین هەواڵەکان
- پهيامى سه‌رۆك نێچيرڤان بارزانى بۆ ساڵى نوێ
- پەیامی سەرۆکی حکومەتی هەرێمی کوردستان بە بۆنەی سەری ساڵی نوێی زایینی2025
- سه‌رۆكى هه‌رێمى كوردستان، پێشوازيى له كونسوڵی گشتيى نوێى ئێران كرد
- عەباس غەزالی: کۆچی مامۆستا مهنسوور یاقووتی وهک لهدهست چونی یاقووتێکی گرانبههایه
- سهرۆک نێچیرڤان بارزانی له‌گه‌ڵ وهزیری بهرگریی هۆڵهندا کۆبووهوه
- سه‌رۆك نێچيرڤان بارزانى پێشوازيى له ئيسماعيل بهشيكچى كرد
- سه‌رۆك نێچيرڤان بارزانى و وهزيرى بهرگريى ئيتاڵيا كۆبوونهوه
- سه‌رۆك نێچيرڤان بارزانى له‌گه‌ڵ فەرماندەی هێزەکانی هاوپەیمانيی نێودەوڵەتی كۆبووه‌وه
- سه‌رۆك نێچيرڤان بارزانى پێشوازیی له باڵيۆزى نوێى چيك كرد
- سەرۆک نێچیرڤان بارزانی پێشوازیی لە سوپاسالاری بەریتانیا کرد