ئەنجومەنی وەزیران بە کۆی دەنگ بڕیاریدا کە بەرنامەی ئەنجومەنی وەزیران دابینکردنی مووچەی فەرمانبەرانی حکومەت و دەستکاری نەکردنیەتی

• ئەنجومەنی وەزیران جەختی لە گرنگیی جێبەجێکردنی یاسای چاکسازی کردەوە و بە کۆی دەنگ پەیڕەوی ئاسانکاریی جێبەجێکردنی یاسای چاکسازی پەسەند کرد.

• سەرۆکی حکومەت: کاری لە پێشینەی ئێستای حکومەتی هەرێم پاراستنی ژیان وسەلامەتیی خەڵکە لە ڤایرۆسی کۆرۆنا و دابینکردنی خۆراک و دەرمان و مووچەیە.

 

هەولێر، هەرێمی کوردستان، عێراق (GOV.KRD) – رۆژی چوارشەممە ٢٠٢٠/٤/١ ئەنجومەنی وەزیرانی هەرێمی کوردستان لە رێگەی ڤیدیۆ کۆنفرانسەوە بە سەرپەرشتی مەسرور بارزانی سەرۆکی حکومەتی هەرێمی کوردستان و بەشداربوونی قوباد تاڵەبانی جێگری سەرۆکی حکومەت کۆبووەوە.

لە سەرەتای کۆبوونەوەکەدا راپۆرتێک دەربارەی بارودۆخی دارایی هەرێمی کوردستان و لێکەوتە ئابوورییەکانی ڤایرۆسی کۆرۆنا و دابەزینی نرخی نەوت لە بازاڕەکانی جیهاندا و هەوڵەکانی ڕێکخستنەوەی داهات و خەرجییەکان لە هەرێمی کوردستان لە لایەن وەزیری دارایی و ئابووری و سەرۆکی دیوانی ئەنجومەنی وەزیران پێشکەشکرا.

سەرۆکی حکومەت جەختی لەوە کردەوە کە سەڕەڕای کەمبوونەوەی رێژەیەکی زۆری داهاتەکانی هەرێمی کوردستان، بەڵام حکومەت هەموو هەوڵی خۆی دەدات بۆ ئەوەی کەمترین زیان بە هاووڵاتییان بگات. گوتیشی کاری ئێستای حکومەتی هەرێم پاراستنی تەندروستی هاووڵاتییان و دابینکردنی خۆراک و دەرمان و مووچەیە .

سەرۆکی حکومەت ئاماژەی بەوەدا کە هەمەجۆرکردنی ئابووری و سەرچاوەکانی داهات و گرنگیدان بە سەرجەم کەرتەکانی ئابووری بەتایبەتی کشتوکاڵ، بەشێکی گرنگی کارنامەی کابینەی نۆیەمی حکومەتی هەرێمی کوردستان بووە. بۆیە ئێستاش زیاتر جەخت لە گرنگیدان بە کەرتی کشتوکاڵ دەکەینەوە و لەمبارەیەوە پشتیوانیی لە هەوڵەکانی وەزارەتی کشتوکاڵ و سەرچاوەکانی ئاو دەکەین.

ئەنجومەنی وەزیران بە کۆی دەنگ بڕیاریدا کە بەرنامەی ئەنجومەنی وەزیران دابینکردنی مووچەی فەرمانبەرانی حکومەت و دەستکاری نەکردنیەتی، هەروەها ئەندامانی ئەنجومەنی وەزیران بڕیاریاندا نیوەی مووچە و دەرماڵەی دوومانگی خۆیان ببەخشن بە گەنجینەی حکومەت بۆ ئەوەی بە سەر خەڵکانی کەمدەرامەت دابەش بکرێت.

لە بڕگەی دووەمی کۆبوونەوەکەدا رەشنووسی پەیڕەوی ئەنجومەنی وەزیران بۆ ئاسانکاریی جێبەجێکردنی یاسای چاکسازی ژمارە (٢) ی ساڵی ٢٠٢٠ خرایە روو. ئەنجومەنی وەزیران جەختی لە گرنگیی جێبەجێکردنی یاسای چاکسازی کردەوە بە ئاڕاستەی زامنکردنی شایستەداراییەکانی مووچەخۆری شایستە و لە دوای گفتوگۆ بە کۆی دەنگ پڕۆژەی پەیڕەوەکە پەسەند کرا بە چەند گۆڕانکارییەکەوە.

دواتر سکرتێری ئەنجومەنی وەزیران ڕەشنووسی بڕیارێکی خستەڕوو بۆ پشتگیریکردنی ئاسانکاریی بارگرانیی ئەو کاسبکارو کرێچییانەی بە هۆی رێکارەکانی خۆپارێزیی لە ڤایرۆسی کۆرۆنا تووشی زیان بوون. سەرۆکی حکومەت لیژنەیەکی یاسایی لە ئەنجومەنی وەزیران راسپارد بۆ ئەوەی میکانیزمی یاسایی بدۆزنەوە بۆ کەمکردنەوەی بارگرانیی لە سەر شانی ئەو خەڵکە کاسبکار وکرێچیانە کە بەهۆی رێکارەکانی خۆپارێزیی لە ڤایرۆسی کۆرۆنا زیانیان بەرکەوتووە.

ئەنجومەنی وەزیران بڕیاریدا پێشنیاری وەزیری دارایی وئابووری و سەرۆکی دیوانی ئەنجومەنی وەزیران پەسەند بکات کە خەرجی بەکاربردنی وەزارەتەکان و دامەزراوەکان بە شێوەیەکی بەرچاو کەمبکرێتەوە و ئەولەویەت بدرێ بە دابینکردنی مووچە و خزمەتگوزارییە گشتیە بنەڕەتییەکان و بڕیاریشدرا ھەرچی زووشە یاسای چاکسازیی بۆ کەمکردنەوەی خەرجی ناپێویست بخرێتە بواری جێبەجێکردن تا ئەنجامەکەی بخرێتەوە خزمەتی مووچەخۆرانی شایستە.

لە بڕگەیەکی دیکەی کۆبوونەوەکەدا هەردوو بەڕێزان وەزیری پەروەردە و خوێندنی باڵا وتوێژینەوەی زانستی پلانی تەواوکاری خوێندنی ساڵی خوێندنی ٢٠١٩ ـ ٢٠٢٠یان خستەروو سەبارەت بە پرۆسەی خوێندن و خشتەی تاقیکردنەوەکان. ئەنجومەنی وەزیران جەختی کردەوە کە نابێت خوێندنی ئەمساڵی قوتابیان بەفیڕۆبچێت و رەزامەندیدا لەسەر پێشنیاری فەراهەمکردنی خوێندن و فێربوون بەشێوازیی پاڵپشتیکار لە ڕێگای پرۆژەی خوێندنی ئەلیکترۆنی بۆ قوتابیان و خوێندکاران و بەردەوام بوونی پیادەکردنی شێوازی ئۆنلاین یان ئەلیکترۆنی لە ناوەندەکانی خوێندنی ناحکومی وەک شێوازی پاڵپشتیکار تاوەکو سەرجەم پێداویستی تەکنیکی وکارگێڕیی وقانونییەکانی خوێندنی ئۆنلاین لە هەرێمی کوردستان دابین دەکرێت.

دواتر بەڕێز وەزیری تەندروستی ڕاپۆرتێکی پوختی لەسەر بارودۆخی پەتای ڤایرۆسی کۆرۆنای لە هەرێم خستەڕوو، ئەنجومەنی وەزیران سەرەڕای دەستخۆشی لە پزیشک و پەرستار و کارمەندانی تەندروستی و هێزەکانی ئاسایش و ئاسایشی ناوخۆ و کارمەندانی شارەوانی و گشت یەکە ئیدارییەکانی هەرێم، بڕیاریدا کە وەزارەتی تەندروستی پێداویستییەکان لە دەرمان و ئامێر و پێداویستیە پزیشکیيەکان بە هەماهەنگی لەگەڵ پارێزگارەکان و سەرۆکی ئیدارە سەربەخۆکان ئامادە بکات بۆ ڕووبەڕروبونەوەی قۆناخی ئێستا و پێشبینیکراویش.

ئەنجومەنی وەزیران سوپاسی خۆڕاگریی و پابەندبوونی خەلکیشی کرد لەمبارەیەوە و داوایکرد بەردەوام بن.

 

 

 

فەرمانگەى پەیوەندیەکانى دەرەوەى حکومەت پێشینەى گەڕاندنەوەى هاوڵاتیانى هەرێم لە دەرەوە دەداتە ئەو کەسانەى بۆ چارەسەری نەخۆشى و خوێندن و گەشتیاری لە دەرەوەى وڵاتن و ڕەوشیان لە ڕووی یاساییەوە نالەبارە

لەم قۆناغە سەختەدا، کە تەواوى کۆمەڵگاى نێودەوڵەتى دووچارى بووە، حکومەتی هەرێمی کوردستان هاوکاریکردنی گەڕاندنەوەی هاوڵاتیانی هەرێم لە دەرەوەی وڵات بە ئەرک و بەرپرسیارێتی خۆی دەزانێت.

 

سەرۆکى حکومەتى هەرێم لە چەندین بۆنەی جیا جیا لەگەڵ فەرمانگە و وەزارەت و لایەنە پەیوەندارەکان جەختى لەسەر ئەم پرسە کردۆتەوە و بە هەماهەنگى کردن لەگەڵ وەزارەتى دەرەوە و نێردە دیپلۆماسیەکانى عیراق و نوێنەرانى حکومەتى هەرێم لە دەرەوە هەوڵى بەرچاو دراوە و ئاکامى باش بەدەست هێنراوە.

 

دواى وەستانى گەشتە ئاسمانیەکان زۆر لەو هاوڵاتیانەی بە مەبەستی وەرگرتنی چارەسەری پزشکی یان بۆ خوێندن یان وەکو گەشتیار لەدەرەوەى وڵات بوون و بەهۆى نالەبارى ڕەوش ئێستا پێویستیان بە گەڕانەوە هەیە بۆ هەرێمى کوردستان، حکومەتى هەرێم لەچوارچێوەى پلانێکى تۆکمە و بە هەماهەنگى لەگەڵ حکومەتى فیدڕاڵ توانى ئاسانکاری پێشکەش بکات بۆ ژمارەیەکى بەرچاو لەو هاوڵاتیانەى کە لە دەرەوە بوون و پێویست بوو بگەڕێنەوە بۆ هەرێمى کوردستان. حکومەتی هەرێمی کوردستان لە هەوڵی بەردەوامی خۆیەتی بۆ پێشکەشکردنی ئاسانکاری بۆ ئەو کەسانەی پێویستە بگەڕێنەوە.

 

تەشەنەکردنى ڤایرۆسی کۆرۆنا بەردەوامى هەیە. سەرجەم ئەوانەى لەدەرەوە دەگەڕێنەوە رێکارى پزیشکى پێویستیان بۆ دەگیرێتە بەر، ئەمەش فشارێکى زۆر لەسەر وەزارەتى تەندروستى و کارمەندانى دروست دەکات، کە توانای لەو ڕووەوە سنووردارە. بۆیە بە هاوڵاتیانی بەڕێز ڕادەگەیەنین، لە ئێستادا تەنها ئەو داواکاریانە ڕەچاو دەکرێن کە زۆر پێویستیان بە گەڕانەوە هەیە، بە تایبەت ئەوانەى بۆ چارەسەر و گەشتیاری و خوێندن لە دەرەوەن و مانەوەیان گرفتی یاساییان بۆ درووست دەکات.

 

ئەو هاوڵاتیانەی دانیشتووى هەر وڵاتێکن لە دەرەوە و کێشەى دارایى و شوێنى مانەوەو کات بەسەرچوونى ڤیزایان نیە، داوایان لێ دەکرێت پشوودرێژ بن و لە دەرەوە بمێننەوە و تەواوى رێنماییەکانى تەندروستى ئەو وڵاتانە جێبەجێ بکەن.

 

هیواى سەلامەتى بۆ هاوڵاتیانمان دەخوازین و دووبارە جەخت لەسەر ئەوە دەکەینەوە، کە لە ئێستادا و بە ڕەچاوکردنی ئەم دۆخە نائاساییە ئەو کەسانەی کێشەی مانەوەیان نیە و مۆڵەتی نیشتەجێ بوونیان نیە یان ڕەگەزنامەی ئەو وڵاتانەیان هەیە، گەڕانەویان دوابخەن بۆ کاتێکی گونجاوتر و بەو شێوە هاوکاری وەزارەتی تەندروستی هەرێم و کارمەندانی دەبن، تا بتوانن بە شێوەیەکی کاراتر فریای تووشبووان بکەون و چارەسەری گونجاویان پێشکەش بکەن.

 

http://dfr.gov.krd/a/d.aspx?l=13&a=50283

پەیامی سەرۆکی هەرێمى كوردستان بە بۆنەی جەژنی ئەکیتۆوە

 بە بۆنەی هاتنەوەی جەژنی (ئەکیتۆ) سەری ساڵی نوێی بابليى ئاشووریيەوە، گەرمترین پیرۆزبایی لە ته‌واوى خوشک و برایانی کلدانی، ئاشووری و سریانی لە کوردستان و عێراق و جیهان دەکەم، هیوادارم ئەم بۆنەیە مایەی خێر و خۆشی و گەڕانەوەی ئومێد و ئارامی بێت بۆ کوردستانیيان و هه‌موو گەلانی جیهان کە بە هۆی پەتای کۆرۆناوە دووچاری دۆخێکی دژوار و نەخوازراو بوون.

هەر بەم بۆنەیەوە جەخت لە گرنگیی هەماهەنگی و هاوکاریی هەموو دامودەزگا فەرمییەکان و لایەن و پێکهاتەکانی کوردستان پێکەوە دەکەمەوە بۆ پابه‌ندى به‌ ڕێنماييه‌كانه‌وه‌ و گرتنەبەری ڕێگەی دروست و پێویست لە پێناو تێپەڕاندنی ئەم دۆخەدا بە سەرکەوتوویی.

کوردستان وەک هەمیشە لانكه‌ى پێکەوەژیان، لێبوردەیی، مرۆڤدۆستییە و ڕۆڵە کریستیانەکانیشی پێکهاتەی ڕەسەن و کۆڵەکەیەکی گرنگی ئەم کولتووره‌ن کە دەبێ بە هەموو شێوەیەک بیپارێزین و بەهێزتری بکەین.

جەژنی ئەکیتۆ لە خوشک و برایانی کریستیانمان پیرۆز بێت و هیوادارم پێکەوە جەژن و بۆنەکانی داهاتوومان لە دۆخێکی باشتردا، لە سایەی پێکەوەژیان و ئاشتی و ئارامیدا بکەینەوە.

خوای مه‌زن کوردستان و کوردستانییان و تەواوی گەلانی جیهان بپارێزێت.

نێچیرڤان بارزانی

سەرۆکی هەرێمی کوردستان

31/3/2020

 https://president.gov.krd/congratulations-to-the-president-of-the-kurdistan-region-on-the-occasion-of-akito-day/

پەیامی سەرۆکی حکومەتی هەرێمی کوردستان بەبۆنەی سەری ساڵی بابلی و جەژنەکانی ئەکیتۆ

 هەولێر، هەرێمی کوردستان، عێراق (GOV.KRD) – مەسرور بارزانی سەرۆكی حكومەتی ھەرێمی كوردستان لە پەیامێكدا، سەری ساڵی بابلی (ئاشووری- کلدانی) و جەژنەکانی ئەکیتۆ لە ھاووڵاتییانی کلدانی و ئاشووری و سریانی پیرۆز دەكات و پێداگیریشی لەسەر پێكەوەژیانی ئاشتیانەی ئایین و نەتەوەکان لە ھەرێمی كوردستان دەكات.

تێكستی پەیامی سەرۆكی حكومەت:

بەبۆنەی سەری ساڵی بابلی( ئاشووری- کلدانی) و جەژنەکانی ئەکیتۆ ، پیرۆزبایی لە خوشک و برایانی کلدانی و ئاشووری و سریانی لە هەرێمی کوردستان و جیهان دەکەین . هیوادارین ساڵی خێر و خۆشی و تێپەڕاندنی ئەو دۆخە سەختە بێت کە هەرێمی کوردستان و جیهانی گرتووەتەوە بە هۆی بڵاوبوونەوەی ڤایرۆسی کۆرۆنا و لێکەوتە ئابوورییە نەرێنییەکانی.

داوا لە هەموو لایەک دەکەم پابەندی رێکار و رێنماییە تەندروستییەکان بن بۆ ئەوەی بە هاوکاری هەموولایەک بتوانین ئەم دۆخە دژوارە تێپەڕێنین.

هەرێمی کوردستان نموونەیەکی گەشی بەیەکەوەژیانی ئاشتیانەی ئایین و نەتەوەکانە کە مایەی شانازیمانە. حکومەتی هەرێمی کوردستان جەخت لە پابەندبوونی خۆی بە داکۆکیکردن لە مافی گشت پێکهاتەکانی هەرێمی کوردستان و قووڵکردنەوەی کولتووری بەیەکەوەژیانی ئاشتیانە دەکاتەوە.

مەسرور بارزانی
سەرۆکی حکومەتی هەرێمی کوردستان
٢٠٢٠/٣/٣١

 https://gov.krd/government/the-prime-minister/activities/posts/2020/march/%D9%BE%DB%95%DB%8C%D8%A7%D9%85%DB%8C-%D8%B3%DB%95%D8%B1%DB%86%DA%A9%DB%8C-%D8%AD%DA%A9%D9%88%D9%85%DB%95%D8%AA%DB%8C-%D9%87%DB%95%D8%B1%DB%8E%D9%85%DB%8C-%DA%A9%D9%88%D8%B1%D8%AF%D8%B3%D8%AA%D8%A7%D9%86-%D8%A8%DB%95%D8%A8%DB%86%D9%86%DB%95%DB%8C-%D8%B3%DB%95%D8%B1%DB%8C-%D8%B3%D8%A7%DA%B5%DB%8C-%D8%A8%D8%A7%D8%A8%D9%84%DB%8C-%D9%88-%D8%AC%DB%95%DA%98%D9%86%DB%95%DA%A9%D8%A7%D9%86%DB%8C-%D8%A6%DB%95%DA%A9%DB%8C%D8%AA%DB%86/

 

پێنج شەممە, 26 ئازار 2020 01:02

نامەی کۆمەڵێک لە هونەرمەندانی کورد و ئێرانی بۆ هونەرمەندانی جیهان

کۆمەڵێک لە هونەرمەندانی کورد و ئێرانی لە نامەیەکدا بۆ هونەرمەندانی جیهان نووسیویانە: خه‌ڵکی ئێران ئه‌مڕۆکه‌ به‌ره‌وڕووی دوو قه‌یران بوونه‌‌ته‌وه‌: قه‌یرانێکی هاوبه‌ش به‌ ناوی "کۆڕۆنا" که‌ ئێوه‌ ده‌یناسن و قه‌یرانی "ئابڵۆقه‌ی ئابووری‌" که‌ خۆزگه‌ هه‌رگیز نه‌تانده‌ناسی. بۆ ئێمه‌ی هونه‌رمه‌ندانی ئێرانی، ئێستا گرنگ ئه‌وه‌یه‌ که‌ بزانین ئێوه‌ی - هونه‌رمه‌ندانی جیهان - سه‌باره‌ت به بارودۆخی نه‌خۆشه‌کانی کۆڕۆنایی، منداڵان و پیر و به‌ساڵاچووان له‌ به‌ره‌به‌ری توشبوون به‌م نه‌خۆشییه‌ و که‌م و کۆڕیی زیانباری پێداویستییه‌کانی کۆمه‌ڵگای‌ پزیشکانی ئێران له‌م قه‌یرانه‌دا، چۆن بیر ده‌که‌نه‌وه‌؟ له‌م باره‌یه‌وه‌ چی ده‌ڵێن و چی ده‌که‌ن؟ 

 

لە دەقی ئەم نامەیەدا، کە بە واژۆی هونەرمەندانی دیار و هه‌ڵکه‌وته‌ی کورد، لەوانە: کەیهان کەڵهوڕ، هووشەنگ کامکار، ئەردەشیر کامکار، بێهرووز غەریب پوور، سەعید ئاقاخانی، کەیخەسرەو پوورنازری، تەهموورس پوورنازری، سۆهراب پوورنازری، مەهناز ئەفزەلی، کوروش سلێمانی، عەبدولجەبار کاکایی، ئیلهام پاوەنیژاد، شادمێهر ڕاستین و هەروەها کۆمەڵێک لە هونەرمەندانی ناوداری ئێرانی لە به‌شه‌ جۆراوجۆرەکانی هونەری گەیشتووە و واژۆکانی ئه‌و نامه‌یه‌ش هەر بەردەوامە، هاتووە: هه‌موو ئێمه‌ له‌ هه‌ر نه‌ته‌وه و وڵاتێکه‌وه‌ که‌ بین، خاوه‌نی نیشته‌جێ‌بوون و سه‌ر به‌ نیشتمانێکی بێسنوور و ئامانجێک به‌ ناوی "هونه‌ر" و له‌ جیهانێکیشداین به‌ ناوی "که‌لتوور"؛ هیچ هێزێکیش ناتوانێت ئێمه‌ له‌ هه‌بوونی ئه‌م مافی نیشته‌جێ‌بوون و خاوه‌ندارێتییه‌ دوور بکاته‌وه‌. 

 

له‌م نیشتمانه‌‌ هاوبه‌شه‌ خه‌یاڵاوییه‌دا، ‌چ ئاسیایی یا ئه‌وروپایی بین و چ ئه‌مه‌ریکی یا ئه‌فریقی بین، خاوه‌نی توانایی لێکتێگه‌یشتنی که‌لتووریی، به‌هره‌یه‌کی کاریگه‌ری دانه‌ر له‌سه‌ر بیر و هزری خه‌ڵکین و توانایی شیکردنه‌وه و گوڕانکاریی بارودۆخه‌کانمان هه‌یه‌. 

 

هه‌موومان، به‌ به‌رهه‌مه‌کانمان ئیمان و کوفر، ئه‌وین و نه‌فره‌ت، ئاشتی و جه‌نگ، زانست و نه‌زانین، کاری باش و خراپه‌ و ناحه‌زییه‌کان و رزگاربوون ـ به‌ چێژ و تایبه‌تمه‌ندییه‌کانی کولتووریی خۆمان ـ گێڕاومانته‌وه‌ و ئه‌وانه‌مان ده‌رخستووه‌؛ هه‌ر بۆیه‌ کۆمه‌ڵگایه‌که‌ی گه‌وره‌تر له‌و وڵاته‌ی که‌ تێیدا ده‌ژین، له‌ رێگای به‌رهه‌مه‌کانی یه‌کترییه‌وه‌ ناسیومانه‌ و ناساندوومانه‌. 

 

هه‌رچه‌نده‌ ده‌سه‌ڵاته‌کان و سیاسه‌ته‌کان ‌به‌ هۆی دووبه‌ره‌کییه‌کانیان، له‌ نێوان ئێمه‌دا مه‌ودا و ‌ و دووره‌په‌رێزی و قه‌ده‌غه‌یان دروست کردبێت، به‌ڵام ئێمه‌ له‌ گوازتنه‌وه‌ و ده‌ربڕینی په‌یامه‌کانی‌ هاوبه‌ش و مرۆڤانه‌ بۆ گشت جیهان، شێلگیرانه‌‌تر، ئازایانه‌تر، به‌تواناتر و کاریگه‌ری دانه‌رتر بووینه‌. 

 

ئێستاکه‌، هه‌موومان - که‌ له‌ هه‌ر پێگه‌یه‌کی جوگرافی و سیاسیدا بین - له‌گه‌ڵ دوژمنێکی کوشنده‌ و هاوبه‌ش به‌ره‌وڕوو بووینه‌ته‌وه‌ که‌ گرنگ نییه‌ له‌ کوێوه‌ هاتووه‌، به‌ڵام گرنگ ئه‌وه‌یه‌ که‌ خه‌ریکه‌ به‌ ئازادی‌ و به‌ خێرایی بۆ هه‌موو جێگایه‌ک ده‌ڕوات؛ و ئێمه‌ له‌ به‌رامبه‌ر ئه‌م دوژمنه‌ وردیله‌ و نه‌بینراوه‌دا، هه‌موومان به‌ یه‌ک ڕاده‌ زیان پێگه‌یشتوو بووینه‌ و له ‌مه‌ترسیداین و ڕزگاربوونی هه‌ر یه‌ک له‌ ئێمه‌، به‌ستراوه‌ به‌ ڕزگاربوونی ئه‌وه‌ی دیکه‌مان‌. 

 

کۆرۆنا ته‌نیا یه‌ک ڤایرۆس نییه،‌ به‌ڵکوو پرسیارێکی ساکار و مێژووییه‌ که‌ خه‌ریکی وه‌رگرتنی  

وڵامه‌ دژوار و ئاڵۆزه‌کانه‌ له‌ میلله‌ته‌کان و ده‌وڵه‌ته‌کانی جیهان. 

 

ئایا وڵامی نه‌ته‌وه‌ی ئێران بۆ ئه‌م پرسیاره‌ مێژوویه‌ - له‌ بارودۆخێکدا که‌ ڕێگای هه‌ناسه‌دانی به‌ چنگی ئابڵۆقه‌یه‌کی جیهانییه‌وه به‌ستراوه ‌- ده‌توانێت له‌ شێوه‌ی و‌ڵامی نه‌ته‌وه‌کانی دیکه‌ ده‌بێت؟ 

 

ئایا ئه‌مه‌ چاوه‌ڕوانییه‌کی مه‌نتقی و گونجاو‌ نییه‌ که‌ وڵامی هونه‌رمه‌ندانی سه‌ربه‌ستی جیهان بۆ پرسیاری "کۆرۆنا"ش - له‌ بارودۆخێکدا که‌ ئه‌م مه‌ترسییه‌ تا به‌رده‌م ده‌رگای ماڵه‌کانیان هاتووه‌ - و‌ڵامێکی جیاوازتر و کاریگه‌ری دانه‌رتر بێت له‌ وڵامی سیاسه‌تمه‌داران و ده‌سه‌ڵاتداران؟

ئه‌م قه‌یرانه‌، سه‌ره‌ڕای زیانه‌ که‌م و زۆره‌کانی تێده‌په‌ڕێت، به‌ڵام چیرۆکه‌ هاوبه‌ش و جیاوازه‌کانی ده‌مێنێته‌وه‌. چیرۆکی ئه‌و په‌ره‌ستاره‌ ماندووانه‌ی که‌ بۆ به‌هێزکردنی وره‌ی نه‌خۆشه‌کان و هاوکاره‌کانیان له‌ که‌شوهه‌وای ئاڵۆزاوی نه‌خۆشخانه‌کاندا سه‌مایان ده‌کرد و په‌رۆشیی خۆیان له‌ که‌مبوونی که‌رسته‌ و پێداویستییه‌کان و ده‌وا و ده‌رمان له‌ پشتی ئه‌م خۆشییه‌وه‌ ده‌شاره‌ده‌وه‌، ده‌مێنێته‌وه‌؛ چیرۆکی ئه‌و پزیشک و دکتۆرانه‌ی که‌ چه‌ندین هه‌فته‌یه‌ نه‌ڕۆیشتوونه‌ته‌وه‌ بۆ ماڵه‌وه‌ و به‌بێ ده‌مامک و ده‌سته‌وانه‌ و پێداویستییه‌کانی خۆپارێزی، به‌ نێو نه‌خۆشه‌کاندا ده‌گه‌ڕان که‌ هه‌ندێک له‌وان له‌ ڕێڕه‌وه‌کانی نه‌خۆشخانه‌کان و له‌سه‌ر زه‌وی خه‌وێنرابوون‌؛ ده‌مێنێته‌وه‌؛ ئه‌مانه‌ هه‌ر هه‌موویان له‌ یاده‌وه‌ریی مێژوویی جیهاندا ده‌مێنێته‌وه‌ و دره‌نگ یا زوو ده‌گێڕدرێته‌وه؛ له‌ لایه‌ن ئێوه‌ یان ئێمه‌وه‌. 

 

خوزگه‌ ئه‌وه‌نده‌ دره‌نگ نه‌بێت که‌ هونه‌رمه‌ندانی به‌رپرسیار و کاریگه‌ری دانه‌ر له‌سه‌ر بێر و ڕای گشتیی جیهان و ده‌سه‌ڵاتداران، به‌ر له‌وه‌ی که چیرۆکی ئه‌و زوڵمه‌ی که‌ له‌ خه‌ڵکی ئێران له‌م قه‌یرانه‌دا ده‌کرێت، به‌ گوێی ده‌سه‌ڵاتداران و سیاسه‌تمه‌داراندا بگه‌یه‌نن، هه‌ناسه‌کانی خۆیان به‌هۆی توشبوون به‌م نه‌هامه‌تییه‌وه، بوه‌ستێت و بکه‌وێته‌ ژماره‌وه‌. 

 

خه‌ڵکی ئێران ئه‌مڕۆکه‌ به‌ره‌وڕووی دوو قه‌یران بوونه‌‌ته‌وه‌: قه‌یرانێکی هاوبه‌ش به‌ ناوی "کۆڕۆنا" که‌ ئێوه‌ ده‌یناسن و قه‌یرانی "ئابڵۆقه‌ی ئابووری‌" که‌ خۆزگه‌ هه‌رگیز نه‌تانده‌ناسی. 

 

بۆ ئێمه‌ی هونه‌رمه‌ندانی ئێرانی، ئێستا گرنگ ئه‌وه‌یه‌ که‌ بزانین ئێوه‌ی - هونه‌رمه‌ندانی جیهان - سه‌باره‌ت به بارودۆخی نه‌خۆشه‌کانی کۆڕۆنایی، منداڵان و پیره‌کان و به‌ساڵاچووان له‌ به‌ره‌به‌ری توشبوون به‌م نه‌خۆشییه‌ و که‌م و کۆڕیی زیانباری پێداویستییه‌کانی کۆمه‌ڵگای‌ پزیشکانی ئێران له‌م قه‌یرانه‌دا، چۆن بیر ده‌که‌نه‌وه‌؟ له‌م باره‌یه‌وه‌ چی ده‌ڵێن و چی ده‌که‌ن؟ 

 

ناوه‌کانی ته‌واوی ئه‌و که‌سانه‌ی که نامەی "هونەرمەندانی کورد و ئێرانی بۆ هونەرمەندانی جیهان" واژۆیان له‌سه‌ر کردووە لەم لینکەی خوارەوەدا به‌پێی ریزبه‌ندی پیته‌کانی ئه‌لف و بێ هاتووە:  

 

لینک:

 

http://www.fcf.ir/news/public/2225

"نازم دەباغ" نوێنەری حکوومەتی هەرێمی کوردستان لە ئێران گوتی: سەردار سلێمانی شارەزاییەکی تەواویی بە سەر دانووستان و پەیوەندییەکانی نیوان ئێران و کوردەکان هەبوو و بە هۆی لایەنگریی بوێرانەی "جەلال تاڵەبانی" لە ئێران لە بەرانبەر ئەمەریکا هۆگرییەکی تایبەتی هەبوو.

  

"نازم دەباغ" نوێنەری حکوومەتی هەرێمی کوردستان لە تاران لە وتووێژ لەگەڵ پەیامنێری بەشی ڕۆژئاوای ئاسیا و میحوەری خۆڕاگریی گرووپی نێودەوڵەتی ئاژانسی "ئانا" گوتی: گۆڕانکارییەکانی وەکوو سڕکردنی ڕیفڕاندۆمی سەربەخۆیی هەرێمی کوردستان و هەروەها چوونەدەرەوەی هێزە کوردییەکان لە کەرکووک، بووە هۆی ئەوەی کە پەیوەندییەکانی نێوان هەرێمی کوردستان و ئێران بەرەو زیادبوون بڕوات. لە سەرەتادا دانیشتنی نێوان پارتی دیموکراتی کوردستان و ئێران بەڕێوەچوو کە سەردار سپەهبود شەهید حاجی قاسم سلێمانی لە چەندین دانیشتندا بەشداربوو و هەوڵیدا بێجگە لە پاراستنی ئاسایش و سەقامگیری هەرێمی کوردستان، پەیوەندیی نێوان تاران و هەولێر بەهێزتر بکرێت.

 

گوتیشی: لەو لایەنەوە کە کۆماری ئیسلامی ئێران بڕوای بە لاوازکردنی پەیوەندییەکانی لەگەڵ کوردەکان نییە، هەوڵیدا هاوپەیمانی نێوان کوردەکان و هاوسەنگی نێوان هەولێر و بەغدا بپارێزێت. من ئاگاداریی وردەکارییەکانی پەیوەندیی نێوان پارتی دیموکرات و ئێران نیم، بەڵام بە بڕوای من پەیوەندیی ئێران لەگەڵ ئەم حیزبە باشترە لە پەیوەندیی لەگەڵ بەرەکانی دیکە.

 

دەباغ ئەوەشی خستەڕوو: پێش کۆچی دوایی "جەلال تاڵەبانی" سکرتێری کۆچکردووی یەکێتی نیشتمانی کوردستان، فڕۆکەی سەردار سلێمانی لە فڕۆکەخانە سلێمانی دەنیشتەوە، بەڵام دوای نەخۆشی ئەو، فڕۆکەخانەی هەولێر شوێنی نیشتنەوەی فڕۆکەی سەردار بوو.

 

گوتیشی: حاجی قاسم "مەسعوود بارزانی" بە پیاوێکی ڕاستگو وەسف دەکرد و ئەویی بە یەکێک لە ڕێبەران و کەسایەتییە سەرنجڕاکێشەکان دەزانی. حاجی قاسم، نێچیرڤان بارزانیشی خۆش دەویست.

 

بیرەوەیی دیدار لەگەڵ سەردار سلێمانی 

نوێنەری حکوومەتی هەرێمی کوردستان لە ئێران لە درێژەی قسەکانیدا گوتی: من لە زۆربەی کۆبوونەوەکانی نێوان سەردار قاسم سلێمانی و نێچیرڤان بارزانی ئامادەبووم و لەگەڵ یەکتریی لەسەر مێزێک نانمان دەخوارد. بە گشتیی ئەگەر بارزانی سەردانی تارانی بکردایە، لە بەرپرسی پەیوەندییەکانی حکوومەتی هەرێمی کوردستان و ئێران سەبارەت بە ئاستی ئامادەبوونی پرسیارم دەکرد کە ئایا وەکوو سەرۆک وەزیری هەرێمی کوردستان یا خود جێگری ڕێبەری پارتی دیموکرات سەردانی تاران دەکات؟ ئەگەر وەکوو سەرۆک وەزیری هەرێمی کوردستان ئامادە دەبوو، تەنانەت ئەگەر بانگهێشتی کۆبوونەوەکەش نەکرابام، دیسانەوە بەشدارییم دەکرد، چونکە نوێنەری حکوومەتی هەرێمی کوردستان لە تاران بووم.

 

گوتیشی: هەندێک جار بە بێ ئەوی کە مام جەلال داوای لێکردبام، لە کۆبوونەوەی نێوان ئەو و سەردار سلێمانی ئامادە دەبووم. هەندێک جار لە کۆبوونەوەکە دەهاتمە دەرێی و لە وڵامی پرسیاریی مام جەلال سەبارەت بە هۆی چوونەدەرەوەم لە کۆبوونەوەکە جەختم دەکردەوە کە دانیشتن و وتووێژی تایبەتە و پەیوەندیی بە خۆیانەوە هەیە و بە ئیزنی بەشداربووان لە شوێنی کۆبوونەوەکە داهاتمە دەرێی.

 

"نازم دەباغ" سەبارەت بە تیڕۆرکردنی سەردار سلێمانی لە بەغدا و ئەوەی کە "ئایا ئەم بابەتە کاریگەریی لەسەر پەیوەندییەکانی نێوان ئێران و عێراق دەبێت؟" ڕایگەیاند: من کاتێک قسە لەسەر تیڕۆڕی حاجی قاسم دەکەم، نامهەوێت لە وشەی کوشتن کەڵک وەربگرم و ئەو بە شەهید دەزانم، لەبەر ئەوەی کە ئەم پیاوەی بەرخۆدان، بۆ وڵاتەکەی خۆی شەڕیی دەکرد و کاریگەریی چالاکییەکانی ئەو بەڕێزە و ئەو هەوڵانەی کە بۆ دوو نەتەوەی ئێران و عێراق ئەنجامیدا چاوپۆشی لێناکرێت. ئەو شارەزاییەکی تەواویی بە سەر دانووستانەکان و پەیوەندییەکانی نیوان ئێران و کوردەکان هەبوو.

 

لینکی چاوپێکەوتن:

https://ana.ir/fa/news/33/478849/سردار-سلیمانی-بر-روابط-میان-ایران-و-کردها-اشراف-داشتدفاع-تمام‌قد-جلال-طالبانی-از-جمهوری-اسلامی-در-برابر-آمریکا

 نماینده اقلیم کردستان عراق در تهران گفت: سردار سلیمانی بر تمام تعاملات و روابط ایران و کردها اشراف کامل داشت و به جلال طالبانی به دلیل دفاع تمام‌قد از ایران در برابر آمریکا علاقه‌مند بود.

ناظم دباغ، نماینده اقلیم کردستان عراق در تهران در گفتگو با خبرنگار حوزه غرب آسیا و محور مقاومت گروه بین‌الملل خبرگزاری آنا گفت: تحولاتی همچون لغو شدن برگزاری همه‌پرسی استقلال اقلیم کردستان و نیز خروج نیروهای کُرد از کرکوک باعث شد تا پیوندهای میان اقلیم کردستان و ایران افزایش یابد. در ابتدا نشست میان حزب دموکرات کردستان و ایران برگزار شد که سردار سپهبد شهید حاج قاسم سلیمانی در چند نشست حضور داشت و تلاش کرد تا علاوه بر حفظ آرامش و ثبات اقلیم، روابط میان تهران و اربیل تقویت شود. 

ناظم دباغ

وی افزود: از آن جهت که جمهوری اسلامی ایران  به گسستن روابط با کردها اعتقادی ندارد، تلاش کرد هم‌پیمانی میان کردها و تعادل و توازن میان اربیل و بغداد حفظ شود. من از جزئیات روابط حزب دموکرات و ایران اطلاع کاملی ندارم، اما به نظرم روابط ایران با این حزب بهتر از روابط با سایر جریان‌هاست.

حاج قاسم، جلال طالبانی را فردی جوانمرد و میهن‌پرست می‌دانست و مام جلال را به این دلیل دوست داشت که در مقابل آمریکایی‌ها تمام قد از ایرانی‌ها دفاع می‌کرد. 

پیش از درگذشت جلال طالبانی، دبیرکل فقید اتحادیه میهنی کردستان، هواپیمای سردار سلیمانی در فرودگاه سلیمانیه بر زمین می‌نشست، اما پس از بیماری وی، فرودگاه اربیل مقصد هواپیمای سردار شد.

حاج قاسم مسعود بارزانی را نیز مردی راستگو توصیف می‌کرد و وی را یکی از رهبران و شخصیت‌های با جذبه می‌دانست. حاج قاسم، نیچروان بارزانی را نیز دوست داشت.

خاطره ملاقات با سردار سلیمانی

نماینده اقلیم کردستان عراق در تهران افزود: من در برخی نشست‌های میان سردار قاسم سلیمانی و نیچروان بارزانی حضور داشتم و به همراه یکدیگر بر سر یک میز غذا صرف می‌کردیم. معمولاً اگر بارزانی تهران می‌آمد، از  مسئول روابط دولت اقلیم کردستان و ایران درباره سطح حضورش می‌پرسیدم که آیا به‌عنوان نخست وزیر اقلیم کردستان یا به عنوان معاون رهبر حزب دموکرات به تهران می‌آید. اگر به‌عنوان نخست وزیر حضور می‌یافت، حتی اگر به نشست دعوت نمی‌شدم، باز هم حضور می یافتم، زیرا نماینده دولت اقلیم در تهران بودم.

وی افزود: گاهی بدون اینکه مام جلال از من خواسته باشد، در جلسه میان وی و سردار سلیمانی حضور می‌یافتم. برخی مواقع جلسه را ترک می‌کردم و در پاسخ به پرسش مام جلال درباره علت خروجم از جلسه تأکید داشتم که نشست و گفتگویی خصوصی و مربوط به خود آنان است و با اجازه حاضران از محل نشست بیرون آمدم.

من وقتی از ترور حاج قاسم صحبت می‌کنم،  او را شهید می‌دانم، زیرا این مرد مقاومت برای میهن خود جنگید و تأثیر فعالیت‌های وی  انکارناپذیر است. وی بر تمام تعاملات و روابط ایران و کردها اشراف کامل داشت.

ناظم دباغ درباره ترور سردار سلیمانی در بغداد و اینکه  «آیا این موضوع بر روابط میان ایران و عراق تأثیر می‌گذارد»؟ عنوان کرد: من وقتی از ترور حاج قاسم صحبت می کنم، عادت ندارم از لفظ کشته شدن استفاده کنم و او را شهید می‌دانم، زیرا این مرد مقاومت برای میهن خود جنگید و تأثیر فعالیت‌های وی و اقداماتی که برای دو ملت ایران و عراق انجام داد، انکارناپذیر است. وی بر تمام تعاملات و روابط ایران و کردها اشراف کامل داشت. وی افزود: گاهی بدون اینکه مام جلال از من خواسته باشد، در جلسه میان وی و سردار سلیمانی حضور می‌یافتم. برخی مواقع جلسه را ترک می‌کردم و در پاسخ به پرسش مام جلال درباره علت خروجم از جلسه تأکید داشتم  که نشست و گفتگویی خصوصی و مربوط به خود آنان است و با اجازه حاضران از محل نشست بیرون آمدم.

انتهای پیام/۴۰۳۳/پ

 

https://ana.ir/fa/news/33/478849/%D8%B3%D8%B1%D8%AF%D8%A7%D8%B1-%D8%B3%D9%84%DB%8C%D9%85%D8%A7%D9%86%DB%8C-%D8%A8%D8%B1-%D8%B1%D9%88%D8%A7%D8%A8%D8%B7-%D9%85%DB%8C%D8%A7%D9%86-%D8%A7%DB%8C%D8%B1%D8%A7%D9%86-%D9%88-%DA%A9%D8%B1%D8%AF%D9%87%D8%A7-%D8%A7%D8%B4%D8%B1%D8%A7%D9%81-%D8%AF%D8%A7%D8%B4%D8%AA%D8%AF%D9%81%D8%A7%D8%B9-%D8%AA%D9%85%D8%A7%D9%85%E2%80%8C%D9%82%D8%AF-%D8%AC%D9%84%D8%A7%D9%84-%D8%B7%D8%A7%D9%84%D8%A8%D8%A7%D9%86%DB%8C-%D8%A7%D8%B2-%D8%AC%D9%85%D9%87%D9%88%D8%B1%DB%8C-%D8%A7%D8%B3%D9%84%D8%A7%D9%85%DB%8C-%D8%AF%D8%B1-%D8%A8%D8%B1%D8%A7%D8%A8%D8%B1-%D8%A2%D9%85%D8%B1%DB%8C%DA%A9%D8%A7

 

پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی نەورۆز

 بەبۆنەی جەژنی نەورۆز و سەری ساڵی نوێی کوردییەوە ، پیرۆزباییەکی گەرم ئاراستەی گەلی کوردستان و بەتایبەتی پێشمەرگە قارەمانەکان و بنەماڵەی سەربەرزی شەهیدان دەکەم. هیوادارم مایەی خێر و خۆشی بێت بۆ خەڵکی کوردستان.

وەک دەزانن ئەمساڵ بە هۆی بڵاوبوونەوەی پەتای ڤایرۆسی کۆرۆنا و لێکەوتە ئابوورییەکانی، لە دۆخێکی سەختدا یادی ئەم جەژنە نیشتمانییە دەکەینەوە . سوپاستان دەکەم بۆ پابەندبوونتان بە رێنماییە تەندروستییەکان و ئەو رێکارانەی بۆ سەلامەتی و پاراستنی ئێوەی خۆشەویست گرتوومانەتەبەر لەوانەش سنووردارکردنی هاتووچۆ . دڵنیاین بە هاوکاری یەکتر ئەم قەیرانەش تێدەپەڕێنین وەک چۆن لە رابردوودا بە خۆڕاگرییەوە بەسەر زۆر باردۆخی سەختدا زاڵ بووین.

هیوادارم ئەم ئاستەنگیانەی هاتوونەتە پێشمان، ببنە دەرفەتێک بۆ بەخۆداچوونەوە و خۆپارێزیی زیاتر لە داهاتوودا و، لە ئاستی ئابووریش زیاتر هانمان دەدات بۆ بەردەوامبوون لە سەر جێبەجێکردنی پرۆسەی چاکسازی دارایی و کارگێڕی کە یەکێک لە کارە لە پێشینەکانی کابینەی نۆیەمی حکومەتی هەرێمی کوردستانە. بە تایبەتی کە ئێمە هەر لە سەرەتای دەستبەکاربوونمانەوە جەختمان لە سەر سیاسەتی هەمەچەشەنکردنی ئابووری هەرێمی کوردستان و پشت نەبەستن بە تاکە سەرچاوەیەکی داهات کردووەتەوە و، ئەم دۆخەی ئێستاش، سوورترمان دەکات لە سەر بەردەوامبوون لەم چاکسازیانەدا.

نەورۆزتان پیرۆز بێت و ئومێدەوارم کوردستانیش بەهێزتر و ئاوەدانتر بێت .


مەسرور بارزانی
سەرۆکی حکومەتی هەرێمی کوردستان
2020/3/20

 https://dfr.gov.krd/a/d.aspx?l=13&a=50258

سەرۆكی حكومەتی هەرێمی كوردستان سەرپەرشتی كۆبوونەوەیەكی تایبەت بە جێبەجێكردنی رێنماییەكانی رووبەڕووبوونەوەی ڤایرۆسی كۆرۆنا و هەڵسەنگاندنی دۆخی ئابووری دەكات

• لە چوارچێوەی جێبەجێكردنی یاسای چاكسازی، بڕیاردرا دارایی گشتی هەرێم بە ئاراستەی خزمەتكردنی هاووڵاتییان و کەمکردنەوەی خەرجییە گشتییەكان رێكبخرێتەوە.

• پەیوەندی و هەماهەنگی لەگەڵ حكومەتی فیدراڵی بەردەوام لە پێناو دابینكردنی شایستەی دارایی و مافە دەستوورییەكانی هەرێمی كوردستان دەبێت.

مەسرور بارزانی:
• سوپاسی هەموو ئەو خاوەن موڵك و سەرمایەدارانە دەكەم كە ئامادەییان دەربڕیوە بۆ پێشكەشكردنی ئاسانكاریی پێویست بۆ هاووڵاتییانی هەرێمی كوردستان لە رووبەڕووبوونەوەی ڤایرۆسی كۆرۆنادا.

هەولێر: رۆژی سێشەممە 2020/3/17، مەسرور بارزانی سەرۆكی حكومەتی هەرێمی كوردستان سەرپەرشتی كۆبوونەوەیەكی تایبەت بە هەڵسەنگاندنی جێبەجێكردنی ڕێكارەكانی ڕووبەڕووبوونەوەی ڤایرۆسی كۆرۆنا، و پلانی حكومەت بۆ دابینكردنی پێداویستییە سەرەكییەكانی خەڵك لە خۆراك و دەرمان و سووتەمەنی و شمەكی ڕۆژانە و هەروەها دۆخی ئابووری هەرێمی كوردستان بە گشتی کرد.

لە چوارچێوەی جێبەجێكردنی رێنماییە تەندروستییەکانیش، كۆبوونەوەكە لە ڕێگەی ڤیدیۆ كۆنفرانسەوە ئەنجامدرا.

لە سەرەتای كۆبوونەوەكەدا كە قوباد تاڵەبانی جێگری سەرۆكی حكومەت و ژمارەیەك لە وەزیرەکان بەشدار بوون، سەرۆكی حكومەتی هەرێمی كوردستان بە ناوی ئەنجومەنی وەزیرانەوە سوپاسی خۆڕاگریی خەڵكی هەرێمی كوردستانی كرد و داواشی لێكردن كە بۆ پاراستنی ژیان و سەلامەتیی خۆیان بەردەوام بن لە هاوكاریی و پابەندبوون بە ڕێكار و ڕێنماییەكان.

هەروەها سوپاسی هەموو وەزارەت و لایەنە پەیوەندیدارەكانی حكومەتیشی كرد و رۆڵی هێزەكانی پۆلیس و ئاسایش و پێشمەرگە و پزیشك و كارمەند و فەرمانبەرانی تەندروستی لە ڕووبەڕووبونەوەی كۆرۆنا بەرز نرخاند. هەروەها سوپاسی هەموو ئەو خاوەن موڵك و سەرمایەدارانەی كرد كە بە دەنگ بانگەوازی سەرۆكی حكومەتەوە هاتوون و ئامادەییان دەربڕیوە بۆ پێشكەشكردنی ئاسانكاریی پێویست بۆ سووككردنی بارگرانی ئەو كەسانەی كە زەرەمەند بوون لە ئەنجامی جێبەجێكردنی ڕێكارەكانی خۆپارێزی و هەروەها پێشكەشكردنی هاوكاریی دارایی بۆ خەڵكی هەرێمی كوردستان بۆ ڕووبەڕووبوونەوەی ڤایرۆسی كۆرۆنا.

لە كۆبوونەوەكەدا بڕیاردرا كە هەڵمەتی كۆكردنەوەی پیتاك و هاوكاریی دارایی هەڵمەتێكی نیشتمانی بێت و لە ژێر سەرپەرشتی راستەوخۆی ئەنجومەنی وەزیران بێت و دواتر داهاتەكەی بە شێوەیەكی روون و دادپەروەرانە لەسەر ئاستی پارێزگا و قەزا و ناحیەكان لە پێناو پڕۆژەكانی ڕووبەڕووبوونەوەی ڤایرۆسی كۆرۆنا خەرج بکرێت. بۆ ئەم مەبەستەش، سەرجەم ئەو هەوڵانەی دەستپێكراون، لەم هەڵمەتە نیشتمانییەدا كۆدەكرێنەوە، هەروەها داواشی لە حكومەتی فیدراڵی عێراق و كۆمەڵگەی نێودەوڵەتی كرد لەمبارەیەوە هاوكاری هەرێمی كوردستان بكەن.

هەر لە كۆبوونەوەكەدا وەزارەتەكانی دارایی و ئابووری و ناوخۆ و كاروباری پێشمەرگە و دەزگای ئاسایش ڕاسپێردران لە نزیكترین دەرفەتدا میكانیزمی گونجاو بدۆزنەوە بۆ خەرجكردنی مووچە و بە تایبەتی مووچەی هێزەكانی پێشمەرگە و پۆلیس و ئاسایشی ناوخۆ بە مەرجێك ڕەچاوی رێكارەكانی خۆپارێزی لە ڤایرۆسی كۆرۆنا بكرێت.

كۆبوونەوەكە جەختی لەوەش كردەوە كە لە چوارچێوەی جێبەجێكردنی یاسای چاكسازی، دارایی گشتی ڕێكدەخرێتەوە بە ئاڕاستەی خزمەتکردنی هاووڵاتییان و دابینكردنی بژێوییان و خەرجییە گشتییەكانیش كەم دەكرێنەوە، كە ئەمەش بەشێكە لە كارنامەی كابینەی نۆیەمی حكومەتی هەرێمی كوردستان.

هەروەها بڕیاردرا كە پەیوەندی و هەماهەنگی لەگەڵ حكومەتی فیدراڵی بەردەوام بێت لە پێناو دابینكردنی شایستەی دارایی و مافە دەستوورییەكانی هەرێمی كوردستان.

هەر لە كۆبونەوەكەدا بڕیاردرا بەم زووانە كۆبوونەوەیەكی تایبەت بە نەوت و گاز ئەنجام بدرێت بە مەبەستی تاوتوێكردنی دەرفەتەكانی ڕێكخستنەوەی داهات و خەرجییەكانی نەوت وگاز بە ڕەچاوكردنی بارودۆخی دارایی و لێکەوتە داراییە نەرێنییەکانی ڤایرۆسی كۆرۆنا و دابەزینی نرخی نەوت لە بازاڕە جیهانییەكان.

 

 

 

 

https://dfr.gov.krd/a/d.aspx?l=13&a=50252

"نازم دەباغ" نوێنەری حکوومەتی هەرێمی کوردستان لە ئێران لە تەنیشت جەخت کردنەوەی سەرۆکی پارتی دیموکراتی کوردستانی عێراق لە خستەڕویی دووبارەی ئەم بابەتە گوتی: ئەگەر مەسەلەی کیمیابارانکردنی هەڵەبجە بەدواداچوونی یاسایی بۆ نەکرێت، ئەم بابەتە دووبارە دووپات دەبێتەوە.

 

"نازم دەباغ" نوێنەری حکوومەتی هەرێمی کوردستان لە ئێران، لە وڵامی دواکاریی مەسعوود بارزانی لە دەوڵەتی عێراق بەلەبەرچاوگرتنی قەرەبووکردنەوەی خەسارەی هێرشی کیمیایی هەڵەبجە بە پەیامنێری سیاسی ئاژانسی بۆڕنای ڕاگەیاند: ئەرکی بەرپرسانی کورد ئەوەیە کە وەبیری دەوڵەتی عێراق بهێننەوە کە لە حکومەتەکانی پێشوودا و بە تایبەت لە سەردەمی سەدام حسێندا چ نەهامەتییەک بەسەر کوردەکان هاتووە.

 

ئەو لە درێژەی قسەکانیدا گوتی: لە پەیوەندیی وڵاتەکاندا مەسەلە سیاسی و مێژووییەکان بوونی هەیە و بۆ نموونە مەسەلەی یەگجار زۆر لە پەیوەندیی نێوان ئێران و عێراق و یا وڵاتانی دیکەدا بوونی هەیە کە ئەم مەسەلە و گیروگرفتانە دەبێت لە بۆنە جۆراوجۆرەکاندا بخرێتەڕوو. هەر لەم پێناوەدا پێدانی قەرەبووکردنەوەی کیمیابارانکردنی هەڵەبجە، غەرامەیەکە کە هەمیشە دەبێت وەبیر بهێندرێتەوە وەکوو کوشتنی ئەرمەنییەکان لە تورکیا کە بابەتێکی بڕەودار و ئابڕوومەندایە.

 

نوێنەری حکوومەتی هەرێمی کوردستان لە تاران دەربارەی بە هۆی درێژبوونەوەی ناساندنی سەرۆک وەزیری نوێی لە عێراق ڕایگەیاند: بە لەبەرچاوگرتنی یاسای بنەڕەتی عێراق، سەرۆک وەزیر دەبێت لە نێوان شیعەکانی ئەم وڵاتە دەستنیشان بکرێت، ئەم ڕەوتە هێشتا ڕێکنەکەوتوون و تا ئەمڕۆ کە دوایین مۆڵەتە هیچ ڕێکارێک لەم پێناوە نابینرێت. لەڕاستیدا هەواهەنگی، ڕێککەوتن و هاوڕایی لە نێوان گرووپە شیعەکاندا لە عێراق بۆتە هۆی درێژبوونەوەی ناساندنی سەرۆک وەزیری نوێی لە عێراقدا.

 

دەباغ سەبارەت بە هەڵوێستی کوردەکان لە بەرانبەر سەرۆک وەزیری نوێیدا گوتی: یەکێک لەو مەرجانەی کە فڕاکسیۆنی کورد وەکوو بەشێک لە ڕێکخراوەی پەڕڵەمانی عێراق بۆ سەرۆک وەزیری داهاتوو لەبەرچاوگیراوە ئەوەیە کە هەر کەس دەبێتە سەرۆک وەزیر، دەبێت لە چوارچێوەی یاسای بنەڕەتی عێراقدا پابەند بە داواکاری و مافەکانی کوردەکان بێت.

  

"نازم دەباغ" نوێنەری حکوومەتی هەرێمی کوردستان لە تاران سەبارەت بە هەڵسەنگاندی هاوپەیمانی شیعەکان لەگەڵ کوردەکان بۆ ناساندنی سەرۆک وەزیری نوێی گوتی: ئەم هاوپەیمانییە دەبێت پێکبێت و هیوادارم کە پێکبێین، بەڵام تا ئەم کاتە هێمایەک لە پێکهێنانی ئەم هاوپەیمانییە بوونی نییە.

 

پەیامنێر: فرشتە سائمی

 

لێنکی هەواڵ:

https://www.borna.news/بخش-سیاسی-3/978487-طرح-ادعای-جبران-خسارت-ناشی-از-شیمیایی-کردن-حلبچه-مسئله-حیثتی-ردها-است-اختلاف-نظر-شیعیان-عراقی-منجر-به-طولانی-شدن-معرفی-نخست-وزیر-شد

پەڕەى 1 لەکۆى 144 پەڕەدا

دوایین هەواڵەکان

هەواڵی زیاتر لە تویتەر

راپۆرتە پڕ بینەرەکان

حالت های رنگی