نوێنه‌ری‌ حكومه‌تی‌ هه‌رێم له‌تاران كاتی‌ ده‌ستپێكردنی‌ ترانزێتی‌ بازرگانی نێوان ئێران و عیراق له‌مه‌رزی‌ په‌روێزخانه‌وه‌ ئاشكراده‌كات و رایده‌گه‌یه‌نێت"پێشتر ته‌نها ترانزێتی‌ سوته‌مه‌نی‌ هه‌بووه‌".

نازم ده‌باغ نوێنه‌ری‌ حكومه‌تی‌ هه‌رێم له‌تاران به‌SNNی‌ راگه‌یاند"دوای‌ ئه‌وه‌ی‌ مانگی‌ رابردوو  بڕیاردرا به‌په‌سه‌ندكردنی ترانزێتی‌ بازرگانی له‌نێوان ئێران و عیراق له‌مه‌رزی‌ په‌روێزخانه‌وه‌، بڕیاره‌ی‌ هه‌فته‌ی‌ داهاتوو ئه‌و ترانزێته‌ نێوده‌وڵه‌تییه‌ ده‌ستپێبكات".

وتیشی‌"دوای‌ ده‌ستپێكردنی‌ ترانزێته‌كه‌ بازرگانانی‌ ئێران و عیراق ده‌توانن كاڵاكانیان هاورده‌و هه‌نارده‌ بكه‌ن، له‌كاتێكدا پێشتر ته‌نها ترانزێتی‌ سوته‌مه‌نی‌ هه‌بووه‌، به‌ڵام هه‌فته‌ی‌ داهاتوو ترانزێته‌كه‌ ده‌ستپێده‌كات".

 
 

SNN:

شادان حه‌سه‌ن

نازم دەباغ: تورکیا هێرشکردنی پ.ک.ک بۆ ناوچە سنوورییەکانی کردۆتە ئامرازێک بۆ بڵاوەپێکردنی هێزەکانی لە ناو خاکی عێراقدا

"نازم دەباغ" نوێنەری حکوومەتی هەرێمی کوردستان لە تاران گوتی: سوپای تورکیا لە ڕێکەوتنەکانی سەردەمی حکوومەتی سەدام بۆ دەستدرێژی کردنە سەر خاکی عێراق بە شێوەیەکی خراپ کەڵک وەردەگرێت.

گرووپی نێودەوڵەتی ئاژانسی ئانا ـ ناوچە سنوورییەکانی هەرێمی کوردستانی عێراق بۆتە گۆڕەپانی نێوان هێزی پ.ک.ک و سوپای تورکیا. دوای جمووجۆڵەکانی سوپای تورکیا لە ناو خاکی سووریا و کۆنترۆڵکردنی ناوچە گرینگەکان لە باکووری ئەم وڵاتە، بەرپرسە نیزامی و سیاسییەکانی ئەنکارا هەوکات لەگەڵ پرۆپاگاندای هەڵبژاردنەکان، لە تەپڵی درێژە پێدان بە شەڕ لەگەڵ پ.ک.ک و ئەم ڕێکخراوەیەیاندا لە دەرەوە سنوورەکانی خۆیان بە تایبەت لە عێراق و لەم پێناوەدا راپۆڕتەکانی دەزگاکانی راگەیاندن و وتەی بەرپرسانی تورک هەواڵیان لە چوونەناوەی سوپای تورکیا بە درێژایی 30 کیلۆمەتر بۆ ناو خاکی هەرێمی کوردستاندا.

نازم دەباغ" نوێنەری حکوومەتی هەرێمی کوردستان لە تاران لە وتووێژ لەگەڵ گرووپی نێودەوڵەتی ئاژانسی "ئانا" لەمبارەیەوە گوتی: بوونی سوپای تورکیا لە هەرێمی کوردستان و لە ناو خاکی عێراق بابەتێکی نوێی نییە. لە سەردەمی حکوومەتی سەدامدا ڕێکەوتنەکان بوونی هەبوو کە لە هەر باروودۆخێکدا ئەگەر تورکیا پێویستی بەوە هەبوو تاکوو سوپای خۆی ڕەوانەی خاکی عێراق بکات، ئەم کردەوەیە ئەنجامبدات. بەداخەوە سوپای عێراق لەم بوارەدا هیچ کردەوەیەکی ئەنجامنەداوە و تەنیا هەنگاوەکانی سوپای تورکیای بۆ ناو خاکی عێراقی مەحکووم کردووە.

گوتیشی: بەگشتیی، بوونی سوپای تورکیا بە هۆی رێگەگرتن لە چالاکییەکانی پارتی کریکارانی کوردستان (پ.ک.ک) بووە، بەڵام لە مێژوودا تا ئێستا زیاتر لە 28 یا 29 جار سوپای تورکیا لە ڕێگای ئەو پایەگایانەی کە لە هەرێمی کوردستان هەیەتی هێرشی کردۆتە سەر پ.ک.ک کە لە زۆربەیاندا سوپای تورکیا شکستی خواردووە و پاشەکشێی کردووە و نەیتوانیوە دەسەڵاتی خۆی بەسەر هەرێمی کوردستان و ناوچەکانی دیکەی خاک عێراقدا بسەپێنێت.

نازم دەباغ" سەبارەت بەوەی کە "ئایا تورکیا مەبەستی ئەنجامدانی ئۆپڕاسیۆنی سەربازی بەربڵاوی لە ناوچەکەدا نییە؟" گوتی: تورکیا نایەتە ناوچەیەکە بە بێ دەسەڵاتدارییەوە کە بیەوێت مانۆڕی تێدابدات. ئەوان لە چوارچێوەی ئەو ڕێکەوتنانەی کە لە ڕابردوودا بوویانە دەیان جار لەو هەلوومەرجەی کە بۆیان ڕەخساوە بە شێوەیەکی خراپ کەڵکیان وەرگرتووە و هاتوونەتە ناو خاکی هەرێمی کوردستانەوە و چەند ناوچەیەکیان بۆ ماوەیەک داگیرکردووە. 

نوێنەری حکوومەتی هەرێمی کوردستان لە تاران سەبارەت بە باروودۆخی سەقامگیری و ئارامی لە هەرێمی کوردستاندا گوتی: بە پێی وتەی هەندێک لە سەرچاوەکان سەبارەت بەوەی کە هەرێمی کوردستان ئاسایش و ئارامی تێدا سەقامگیرنییە، بە پێچەوانەوە ناوچەکە زۆر ئارام و سەقامگیرە، بەڵام لە هەندێک ناوچەی سنووری بە هۆی بوونی هێزەکانی پ.ک.ک و بۆردوومانی ئەم ناوچانە لە لایەن تورکیاوە، ئێمە کوژرا و بریندارمان داوە و باغ و زەوی و زاری کوردەکان سووتاون و ئاژەڵ و مەڕووماڵاتیش لەناوچوون. وادیارە کە ئۆپڕاسیۆنی سوپای تورکیا لە هەرێمی کوردستان بە بێ ئاگاداریی حکوومەتی عێراق ئەنجامدەدرێت و تەنانەت بەرپرسانی هەرێمی کوردستانیش لە بوونی ئەم جۆرە ئۆپڕاسیۆنانە ئاگادارنین. تا ئێستا جمووجۆڵ و هێرشەکانی سوپای تورکیا لە چوارچێوەی ڕێکەوتنەکانی ئەوان لەگەڵ  حکوومەتی سەردەمی سەدامدا بووە.

گوتیشی: حکوومەتی هەرێمی کوردستان لە چوارچێوەی پاراستنی بەرژەوەندییەکانی خۆیدا چەندین جار بە توندی ناڕەزایەتیی خۆی سەبارەت بەم جۆرە ڕێکەوتنانە دەربڕیوە. و گوتوویەتی کە نابێت هێچ هێزێک لە هەرێمەوە دژی وڵاتانی دراوسێ ببێتە مایەی نائارامی و ئەم جۆرە هێرشانە ئەنجامبدرێت، بەڵام تورکیا بە هێرشکردنی هێزەکانی پ.ک.ک بۆ سەر ناوچە سنوورییەکان ناڕازییە و ئەوەی کردۆتە ئامرازێک بۆ بڵاوەپێکردنی هێزەکانی خۆی لە ناو خاکی هەرێمی کوردستاندا.

 

لینکی هەواڵ: 

http://www.ana.ir/news/400736

نازم دەبا‌غ بەشداریی له ئاهەنگی رۆژی نیشتیمانی وڵاتی فیدڕاسیۆنی روسیای کرد

نازم دەبا‌غ بەشداریی له ئاهەنگی رۆژی نیشتیمانی وڵاتی فیدڕاسیۆنی روسیای کرد

"نازم دەبا‌غ" نوێنەری حکوومەتی هەرێمی كوردستان لە تاران، بەشداریی له ئاهەنگی رۆژی نیشتیمانی وڵاتی فیدڕاسیۆنی روسیای کرد.

"نازم دەباغ" نوێنەری حکوومەتی هەرێمی کوردستان لە تاران، رۆژی چوارشەممە 27/06/2018 لەسەر بانگهێشتی فەرمی "لێڤان دژاگاریان" Levan Dzhagaryan باڵیۆزی وڵاتی فیدڕاسیۆنی روسیای فیدراڵ لە تاران بەشداری ئاهەنگی رۆژی نیشتیمانی روسیای کرد. لەو ئاهەنگەدا ژمارەیەکی زۆر لە باڵیۆزی وڵاتانی جیهان لە تاران و بەرپرسانی باڵای کۆماری ئیسلامی ئێران تیایدا بەشداربوون.

لە لایەن نوێنەرایەتی حکوومەتی هەرێمی کوردستانه‌وه دەستە گوڵێکی شایستە بەم بۆنەویەوە پێشکەشی باڵیۆزخانەی ڕووسیا کرا و هەروەها لە لایەن "لێڤان دژاگاریان" باڵیۆزی ڕووسیا و ستافی باڵیۆزخانەکه‌وه پێشوازی گەرم له "نازم دەباغ" نوێنەری حکوومەتی هەرێمی کوردستان لە تاران کرا.

"نازم دەباغ" له‌گه‌ڵ "راجح الموسه‌وی" باڵیۆزی عێراقی فیدراڵ لە تاران دیداری کرد

"نازم دەباغ" نوێنەری حکوومەتی هەرێمی کوردستان لە تاران له‌گه‌ڵ "راجح سابر عه‌بود الموسه‌وی" باڵیۆزی وڵاتی عێراقی فیدراڵ لە ئێران کۆبۆوه.

"نازم عومەر دەباغ" نوێنەری حکوومەتی ھەرێمی کوردستان لە تاران رۆژی چوارشەممە 27/06/2018 بە مەبەستی هاوکاریی و ئاگاداریی لە یەکتری سەردانی باڵیۆزخانەی عراق لە شاری تارانی پێته‌ختی ئێرانی کرد و له لایه‌ن "راجح سابر عه‌بود المووسه‌وی" باڵیۆزی عێراق لە وڵاتی ئێران پێشوازیی لێکرا.

له‌م کۆۆبوونه‌وه‌یه‌دا دوو له‌یه‌ن گفتوگۆیەکی تێر و تەسەلیان کرد و باڵیۆزی عێراق بەڵێنیدا وەکوو هەمیشە بەردەوام دەبین لە 

”خەباتی چەکداری ئەوەندەی خەباتی سیاسی خزمەت بە ئامانجەکانمان ناکات“

نوێنەری حکوومەتی ھەرێمی کوردستان لە ئێران کە لەسەر پشکی یەکێتیی نیشتمانیی کوردستانە، ئاماژە بەوە دەکات، کە چالاکییەکانی حزبە رۆژھەڵاتییەکان، تەنیا دڵی ناحەزانی ئێران خۆش دەکات و دەلێت ”پێویستە حزبە رۆژھەڵاتییەکان، چالاکییەکانیان سنووردار بکەن“.

 نازم دەباغ، نوێنەری حکوومەتی ھەرێمی کوردستان لە تاران، کە لە پشکی یەکێتیی نیشتمانییە، بە (باسنیوز)ی ڕاگەیاند: ”لە ئایندەی پەیوەندییەکانی نێوان ھەرێمی کوردستان و کۆماری ئیسلامی ئێران، بەشێوەیەکی گشتی ھەمیشە خۆشبین بوومە، چونکە ئێمە سنوورێک و جوگرافیایەکی ھاوبەشمان ھەیە، ئەوەش وا دەخوازێت لە ھەوڵی باشکردن و پتەوکردنی پەیوەندییەکانماندا بین، لەم ڕۆژانەی کۆتایشدا گوێبیست بووین کە گوتەبێژی حکوومەتی ھەرێمی کوردستان جەختی لەسەر ئەوە کردەوە، پێویستە پەیوەندییەکانمان و سنوورەکانمان پارێزراو بێت“.

 نوێنەرەکەی حکوومەتی ھەرێمی کوردستان لە تاران، ئەوەشی خستە روو، کە وەڵامدانەوەی ئەرێنی و نەرێنی بۆ پەیامەکانی حکوومەتی ھەرێمی کوردستان، بە پابەندبوون لە پاراستنی ئەمن و ئاسایشی سنوورەکان و ھەوڵنەدان بۆ تێکدان لە ڕێگای ھەرێمی کوردستانەوە، خۆی لە خۆیدا نیشانەی ئەوەیە کە ھێزەکان تا ڕادەیەک لە ھەوڵدان و پابەندبوون بەو ڕێسا و ڕێککەوتنانەی لە نێوان ھەرێمی کوردستان و کۆماری ئیسلامی.

 لەبارەی پێکدادانەکەی چەند ڕۆژی ڕابردووی پێشمەرگەکانی حزبی دیموکراتی کوردستانی ئێران (حدکا) لە پیرانشاری ڕۆژھەڵاتی کوردستان لەگەڵ هێزەکانی پاسداران، ئاشکرای کرد، کە تائێستا زانیاری لەسەر ئەو شەڕە نییە، پێشی وایە بە گشتی ئەزموونەکانی ساڵانی ڕابردوو دەری خستووە، کە ”ھەموو چالاکییەکان تەنیا کێشە و گرفتە بۆ ناوچەکە و بۆ ھەرێمی کوردستان دروست کردووە، ئەگەر نا نەیانتوانیوە ئەو ئامانجانە بپێکن کە ئەوان مەبەستیان بووە“. گوتیشی: ”جگە لەوەی ناحەزانی کورد و ھەرێمی کوردستان و کۆماری ئیسلامی ئێرانیان بۆ کاتێکی کورت دڵخۆش کردووە، لەھەمان کاتیشدا زۆرجار گوێبیست بووە ئەم جۆرە چالاکییانە ڕەت کراونەتەوە بەوەی کە لەلایەن ئەو حزب و لایەنە سیاسییانە ئەنجام دراون، کە لە ھەرێمی کوردستانن“.

 نازم دەباغ، نوێنەری حکوومەتی ھەرێمی کوردستان لە تاران، ئومێد دەکات، کە ئەو لایەنانەی لە ھەرێمی کوردستان دەژین، چالاکییەکانیان لە بوارەکانی سیاسی، کۆمەڵایەتی و ڕۆشنبیری وەک خۆی بێت و دوور بکەونەوە لەوەی ئاسایشی ھەرێمی کوردستان لەگەڵ ئێران تێکبچێت، گوتیشی: ”لێرە وەک نوێنەری حکوومەتی ھەرێمی کوردسان قسە دەکەم نەک وەک نازم دەباغ، چونکە ئەگەر نوێنەر نەبام بۆی ھەبوو بۆچوونێکی دیکەم ھەبوایە، بۆیە بەشێوەیەکی گشتی سیاسەت و حزبایەتیکردن و خەبات و تێکۆشان تایبەتمەندی خۆی ھەیە، بەڵام ئەزموون دەری خست ئەوەندەی ڕێگای سیاسی و دیپلۆماسی دەتوانێت لە ئامانجمان نزیک بکاتەوە، ئەوەندە خەباتی چەکداری بۆی ئاسان ناکات”.

 سەبارەت بەوەی، کە ئاخۆ حزبە کوردستانییەکانی رۆژھەڵات، ھۆکاری دروستبوونی پشێوین و ھەروەھا گرتنی چالاکوانان و لەسێدارەدانییان لە لایەن کۆماری ئیسلامیی ئێرانەوە چۆن دەبینێت؟ نوێنەرەکەی حکوومەتی ھەرێمی کوردستان کە سەر بە یەکێتیی نیشتمانیی کوردستانە، بۆ (باسنیوز) گوتی: ”من دڵنیات دەکەمەوە  کە ئەو بابەتە تەنیا تایبەت نییە بە ئێران، تایبەتە بە ھەموو دونیا  بە ھەرێمی کوردستانیشەوە، بۆ نموونە ئەگەر ھەرێمی کوردستان ھەست بکات، کە چالاکییەک دەکرێ و زیان بە ئەمن و ئاسایشی ھەرێمی کوردستان دەگەیەنێت، کەسانێک بەو گوناھ و تۆمەتەوە بگیرێن، بە بۆچوونی تۆ ھەڵوێستی ھەرێمی کوردستان چی دەبێت؟ دیارە لە کۆماری ئیسلامیی ئێرانیش ھەر کەسێک چالاکی ئەنجام بدات، سبەی بناسرێ کە بەشداری ئەو جۆرە چالاکییانەیە، بەدڵنیاییەوە مەترسی لەسەر ژیانیان پەیدا دەبێت“.

وێستگه‌ نیوز- پشتیوان جه‌مال
نوێنه‌ری حكومه‌تی هه‌رێمی كوردستان رایده‌گه‌یه‌نێت، ئێران رۆڵی هه‌یه‌ له‌ ناردنی په‌یام بۆ لایه‌نه‌كان تا هه‌رچی زووتره‌ حكومه‌تی نوێی عیراق دروست ببێت، چونكه‌ له‌ رێككه‌وتنی نێوان هاوپه‌یمانی سائیرون و فه‌تحیشدا رۆڵی بینیوه‌.

نازم ده‌باغ، نوێنه‌ری حكومه‌تی هه‌رێمی كوردستان له‌ كۆماری ئیسلامی ئێران به‌ وێستگه‌ نیوزی وت: "رێككه‌وتنه‌ی هاوپه‌یمانی سائیرون و فه‌تح ئێران رۆڵی تێدا بینیوه‌، به‌ڵام له‌ كۆتایی دۆسیه‌كه‌دا مه‌رجه‌عیه‌تی شیعه‌ به‌هاوكاری مه‌رجه‌عیه‌تی ئێرانی رۆڵیان له‌ یه‌كلاییكردنه‌وه‌ی شیعه‌كاندا ده‌بێت، نه‌ك ئێران".

وتیشی: "مه‌رجه‌عیه‌تی شیعه‌ له‌عیراق له‌پێناو پاراستنی به‌رژه‌وه‌ندییه‌كانی شیعه‌ له‌عیراق و ده‌وڵه‌تیشدا به‌دڵنیاییه‌وه‌ ته‌داخول له‌لێكنزیككردنه‌وه‌ی شیعه‌كان ده‌كات".
 

ئه‌وه‌شی‌ خسته‌ڕوو كه‌ "مه‌رجه‌عیه‌ت هاوكاری ئێران ده‌كات، چونكه‌ ئێران وه‌كو ده‌وڵه‌ت دێته‌ نێو مه‌سه‌له‌كه‌وه‌، به‌ڵام مه‌رجه‌عیه‌ت وه‌كو مه‌زهه‌ب دێت".

سه‌باره‌ت به‌ داواكردنی ئێرانیش له‌ لایه‌نه‌ كوردییه‌كان بۆ به‌شداریكردن له‌ حكومه‌تی نوێ، نازم ده‌باغ رایگه‌یاند كه‌ "ئه‌وه‌ی هه‌ستی پێبكه‌م ئێران رۆڵی هه‌یه‌ له‌ ناردنی په‌یام بۆ لایه‌نه‌كان تا هه‌رچی زووتره‌ حكومه‌تی نوێی عیراق دروست ببێت و یه‌كڕیزی ماڵی كورد بپارێزرێت، به‌ڵام ئه‌وه‌ی ده‌مێنێته‌وه‌ سه‌ر به‌رژه‌وه‌ندی لایه‌ن و كه‌سایه‌تییه‌كان ئایا هه‌موویان په‌یوه‌ستن به‌ ئامۆژگارییه‌كانی ئێران؟".

ماوه‌ی زیاتر له‌ مانگێكه‌ هه‌ڵبژاردنی په‌رله‌مانی عیراق به‌ڕێوه‌چووه‌، هه‌فته‌ی رابردوو هاوپه‌یمانی سائیرون به‌ سه‌رۆكایه‌تی موقته‌دا سه‌در و فه‌تح به‌ سه‌رۆكایه‌تی هادی عامری هاوپه‌یمانییه‌كی نوێیان راگه‌یاند.

به‌پێی زانیارییه‌كانی وێستگه‌ نیوزیش، بڕیاره‌ سه‌ره‌تای هه‌فته‌ی داهاتوو شاندی باڵای پارتی دیموكراتی كوردستان و یه‌كێتی نیشتمانی كوردستان به‌ سه‌رۆكایه‌تی فازڵ میرانی، سكرتێری مه‌كته‌بی سیاسی پارتی و مه‌لا به‌ختیار، به‌رپرسی ده‌سته‌ی كارگێڕی مه‌كته‌بی سیاسی یه‌كێتی سه‌ردانی شاری به‌غدا بكه‌ن بۆ گفتوگۆ له‌گه‌ڵ هاوپه‌یمانی شیعه‌كان به‌مه‌به‌ستی دروستكردنی حكومه‌تی نوێ.

هه‌ر به‌پێی زانیارییه‌كان، هۆكاری دره‌نگ رۆیشتنی شانده‌كه‌ی پارتی و یه‌كێتی ئه‌وه‌یه‌ چاوه‌ڕێن لایه‌نه‌كان شیعه‌ له‌نێو خۆیاندا بگه‌نه‌ رێككه‌وتن، هه‌روه‌ها دادگای فیدراڵیش ئه‌نجامه‌كانی هه‌ڵبژاردنی 12ی ئایاری 2018 په‌سه‌ند بكات.

رووداو- سلێمانی 

نوێنەری حكومەتی هەرێمی كوردستان لە تاران رایگەیاند، ئێران بەپێی یاسا نێودەوڵەتییەكان و بەپێی عورف و رەچاوكردنی پێداویستی هەرێمی كوردستان بە ئاو، نەرمیی نواندووە و بەشێك لە ئاوی زێی بچووكی بەرداوەتەوە. دەشڵێت: "دەبێ ئێمەش تێبگەین كە ئێران بەنداوی بۆ گلدانەوەی ئاو دروستكردووە".

نازم عومەر، نوێنەری حكومەتی هەرێمی كوردستان، رەتیكردەوە گفتوگۆكان لەگەڵ ئێران بۆ چارەسەری كێشەی ئاو بەرهەمدار نەبووبن و دەڵێ بە پێچەوانەی توركیاوە، ئێران عورف و مافی دراوسێیەتی لەبەرچاو گرت و بەشێك لە ئاوەكەی بەردایەوە بۆ زێی بچووك، بەڵام دەشڵێ "نابێ چاوەڕێی ئەوە بكرێت ئێران وەك جاران هەموو ئاوەكە بەربداتەوە، چونكە ئەو ماوەی 10 ساڵە كار بۆ دروستكردنی ئەو بەنداوە دەكات و پارەی تێدا خەرج دەكات، خۆ نایەوێ هەوای تێبكات".

بەهۆی گرتنەوەی ئاوی زێی بچووك لەلایەن ئێرانەوە، قەڵادزێ تووشی كەمئاوی هات و حكوومەتی هەرێمی كوردستانیش لەو بارەیەوە روونكردنەوەیەكی بڵاوكردەوە و رایگەیاند "گرتنەوەی ئاوی زێی بچووك لە كاتێكدایە یەكی حوزەیران كاتی بەردانەوەی ئاوە نەك گرتنەوەی".

ئەوە یەكەمجار نییە كە ئێران بە گرتنەوەی ئاوی زێی بچووك چەند ناوچەیەكی باشووری كوردستان  تینوو بكات. ساڵی رابردووش لە رۆژی 10ی تەموزدا ئاوی زێی بچووكی وشك كرد و بووە هۆی لەنێوچوونی سامانی ماسی لەو ناوچەیە و زیانی زۆر بە بەرهەمی كشتوكاڵی گەیشت، سەرباری دروستبوونی كێشەی ئاوی خواردنەوە بۆ چەند ناوچەیەك بە تایبەتی سەنتەری شارۆچكەی قەڵادزێ‌.

نازم عومەر، نوێنەری حكومەتی هەرێمی كوردستان لە تاران، دەڵێ "ئێران ساڵانێك لەمەوبەر دەستی بە دروستكردنی ئەو بەنداوە كردووە "دەبوو لەوكاتەوە حكومەتی هەرێمی كوردستان تێبگەیشتایە لەوەی ئێران بەتەمای چییە و مشووری خۆی بخوات".

بە گرتنەوەی ئاوی زێی بچووك، بەنداوی دووكان رووبەڕووی كێشەی دابەزینی ئاستی ئاو بووەوە و رۆژانەش چەند مەترێك ئاوی بەنداوەكە دادەبەزێت. نازم عومەر، لەو بڕوایەدایە كە ئێران جاری دیكەش ئاوی زێی بچووك دەگرێتەوە لە داهاتوودا "بەڵام بەڕێژەی 100% ئاوەكە ناگرێتەوە و دەیەوێ ئەو بەنداوە پڕبكاتەوە كە دروستی كردووە".

لەوەتەی ئێران دەستی بە گلدانەوەی ئاو كردووە، بەرپرسانی هەرێمی كوردستان لە هەوڵدان بۆ ئەوەی هەرنەبێ بڕی گرتنەوەی ئاو كەمتر بكەنەوە تاوەكو ئەوكاتەی دەتوانن بەنداوی زیاتر دروستبكەن. نوێنەری حكومەتی هەرێمی كوردستان لە تاران، داوا دەكات حكومەتی هەرێمی كوردستان بیر لە چارەسەری درێژخایەن بكاتەوە بۆ كێشەی ئاو: "ئێران بەنداوەكانی خۆی پڕدەكاتەوە و بۆ ئەوەش دروستیكردوون، بۆیە دەبێت حكومەتی هەرێمی كوردستان بیر لە چارەیەك بكاتەوە".

بەڕێوەبەری بەنداوەكانی هەرێمی كوردستان دەڵێت بەپێچەوانەی گوتەی بەرپرسانی ئێران ئاستی ئاوی زێی بچووك لە هەرێمی كوردستان بەردەوام كەمدەكات. ئەكرەم ئەحمەد، بە (رووداو)ی راگەیاند "بەرپرسانی ئێران باس لەوە دەكەن كە ئاوی زێی بچووكیان بەڕێژەیەكی زۆر نەگرتووەتەوە، بەڵام ئاستی ئاوی زێی بچووك لە هەرێمی كوردستان رۆژانە كەم دەكات".

ئەكرەم ئەحمەد دەشڵێت: "لەسەرەتای گرتنەوەی ئاوی زێی بچووك لە 2ی ئەم مانگەدا رێژەی گرتنەوەی ئاوەكە بە نزیكەی 50% بوو، بەڵام ئێستا بۆ نزیكەی 70% بەرزبووەتەوە، واتە رۆژ لە دوای رۆژ ئاستی گرتنەوەی ئاوەكە لەلایەن ئێرانەوە زیاد دەبێت".

هەروەها محەممەد حەسەن، لێپرسراوی فەرمانگەی ئاوی قەڵادزێ بە (رووداو)ی راگەیاند، لەبەر كەمبوونەوەی ئاستی ئاوەكە ناچار دەبن رووبەری زێیەكە بەرتەسك بكەنەوە. دەشڵێت "لەپێناوی نەوەستانی پڕۆژەی ئاوی قەڵادزێ‌، دەبێت رۆژانە رووبەری زێیەكە بەرتەسك بكەینەوە، بەو جۆرەش ئاوەكە كۆدەكەینەوە".

"نازم ده‌باغ" نوێنه‌رى حکوومه‌تى هه‌رێمى کوردستان له‌ تاران گوتی: گه‌شتی ئاسمانی ئیران له سبه‌ینێوه بۆ فڕۆکه‌خانه‌ی سلێمانی ده‌ستپێده‌کات.

"نازم عومه‌ر ده‌باغ" نوێنه‌رى حکوومه‌تى هه‌رێمى کوردستان له‌ شاری تاران، به تۆڕی میدیایی "ڕووداو"ی ڕاگه‌یاند: حکوومه‌تی ئێران گه‌شتی ئاسمانی بۆ فڕۆکه‌خانه‌ی سلێمانی ده‌ستپێده‌کاته‌وه و له‌ سبه‌ینێوه واته یه‌کشه‌مه ٢٠١٨/٦/١٠یه‌که‌مین گه‌شتی ئاسمانی له شاری تارانه‌وه بۆ شاری سلێمانی ئه‌نجامده‌درێت.

لەسەر گرتنەوەی ئاوی زێی بچوك لەلایەن ئێرانەوە، نوێنەری حکوومه‌تى هه‌رێمى کوردستان لەو وڵاتە، رەخنە لە حکوومه‌تى هه‌رێمى کوردستان دەگرێت بە هۆی نەبوونی هیچ ئامادەكارییەك كە بەر بە دروستبوونی كێشەی كەمئاوی بگرێت، داواشدەكات هەرێم بەهەماهەنگی لەگەڵ عیراق، ڕێكەوتنی بنەڕەتی لەگەڵ ئێران بكەن بۆ چارەسەركردنی كێشەكە. 

 "نازم دەباغ" نوێنەری حکوومه‌تى هه‌رێمى کوردستان لە تاران، بە تۆڕی هه‌واڵی سلێمانی SNNی ڕاگەیاند: پێشوەخت حكومەتی هەرێم لە دروستكردنی بەنداو لە لایەن كۆماری ئیسلامی ئێران و گرتنەوەی ئاوی زێی بچوك ئاگاداربووە، بەڵام هیچ ئامادەكارییەكی نەكردووە، ئێستاش دەبێت لەگەڵ حكوومەتی عیراق ڕێكەوتن لەگەڵ كۆماری ئیسلامی بكەن، تا بڕێك لە ئاوەكە بەربدرێتەوە و هاوڵاتیان دوچاری كێشەی كەمئاوی نەبنەوە.

ئاماژە بەوەشدەكات كە وەك نوێنەرایەتی حکوومه‌تى هه‌رێمى کوردستان، هەوڵەكانیان خستۆتەگەڕ بۆ گفتوگۆكردن لەگەڵ بەرپرسانی ئێران و دەشڵێت: "قسەكردنی ئێمە لەگەڵ كۆماری ئیسلامی ئێران، لە چوارچێوەی داواكاری دەبێت نەك ڕێكەوتن، ئەوەی مافی هەیە بە ڕەسمی قسە لەگەڵ ئێران بكات، حكوومەتی عیراقە، چونكە ئەو بابەتە سیادییە".

بەوتەی "نازم دەباغ"، كۆماری ئیسلامی ئێران بەنداوی دروستكردووە بۆئەوەی سود لە ئاوەكەی وەربگرێت لە ناوخۆی وڵاتەكەی، داواشی لە حکوومه‌تى هه‌رێمى کوردستان كرد، چاوەڕوانی پڕبوونی بەنداوەكە نەكات بۆ دۆزینه‌وه‌ی ڕێگه‌چاره‌ی کیشه‌کان.

 

SNN: ڕەنج تاڵیب

 

لینکی هه‌واڵ: 

http://snnc.co/News.aspx?id=28080&MapID=1

 ماوه‌ی دوو ڕۆژه‌ ئێران ئاوی "زێی بچوكی" به‌ڕوی هه‌رێمی كوردستاندا گرتۆته‌وه‌و نوێنه‌ری حكوومه‌تی هه‌رێمی کوردستانیش له‌و وڵاته‌ ئاشكرایده‌كات: ده‌ستیان به‌گفتوگۆ كردوه‌ له‌ ئاستی باڵادا بۆ چاره‌سه‌كردنی كێشه‌كه‌، ڕاشیده‌گه‌یه‌نێت، "پێویسته‌ له‌سه‌ر حكوومه‌تی‌ هه‌رێمیش بیر له‌ چاره‌سه‌رێكی بنه‌ڕه‌تی له‌گه‌ڵ ئێران بكاته‌وه‌".

"نازم ده‌باغ" نوێنه‌ری حكوومه‌تی‌ هه‌رێمی کوردستان له ‌ئێران به تۆڕی هه‌واڵی سلێمانی ‌SNNی ڕاگه‌یاند: پێویسته حكوومه‌تی‌ هه‌رێمی کوردستان به دوای چاره‌سه‌رێکی بنه‌ڕه‌تی بێت، چونکه ئه‌م کێشه‌یه ده‌کرێت له هه‌موو ساڵه‌کاندا چه‌ندباره بێته‌وه، کێشه‌ی ئاو په‌یوه‌ندیی به هه‌رێمی کوردستان و عێراقه‌وه‌ هه‌یه نه‌ک هه‌رێمی کوردستان، ئه‌رکی به‌غدایه به پێی یاسا نێوده‌وڵه‌تییه‌کان له‌گه‌ڵ کۆماری ئیسلامی ئێران چاره‌سه‌رێکی بنه‌ڕه‌تی بۆ بدۆزێته‌وه. دیاره حكوومه‌تی‌ هه‌رێمی کوردستان و جێگری ئه‌نجوومه‌نی وه‌زیران به‌ڕێز کاک "قوباد تاڵه‌بانی" و وه‌زیری کشتووکاڵیش له هه‌ولێره‌ له ڕێگای سه‌رقونسوولی کۆماری ئیسلامی ئێران به‌دواداچوونیان بۆ ئه‌م کێشه‌یه کردووه.

وتیشی‌: "ئه‌وه‌ی‌ ئێران ده‌یكات له‌پێناو دابینكردنی به‌رژه‌وه‌ندیی میلله‌ته‌كه‌یدایه ‌و ساڵانه‌ له ‌سه‌ره‌تای ده‌ستپێكردنی وه‌رزی هاویندا ئاوی ڕووباری "زێی بچوك" كه‌ به‌ هه‌رێمدا ده‌ڕوات ده‌گرێته‌وه‌".

"نازم ده‌باغ" ڕاشیگه‌یاند: "ساڵانی پێشوو له‌دوای گرتنه‌وه‌ی ئاوی ڕوباری "زێی بچوك"، چه‌ند هه‌فته‌یه‌كی ویستووه‌ تاوه‌كوو له‌گه‌ڵ به‌رپرسانی ئێران به‌ده‌رئه‌نجامێك گه‌یشتوین بۆ به‌ردانه‌وه‌ی ئاوه‌كه‌، بۆیه‌ ئه‌مساڵیش به‌هه‌مانشێوه‌ ده‌ستمان به‌گفتوگۆ كردوه‌ له‌ئاستی باڵادا بۆ چاره‌سه‌كردنی كێشه‌كه‌".

نوێنه‌ری‌ حكوومه‌تی‌ هه‌رێمی کوردستان له تاران به‌پێویستی‌ ده‌زانێت، به‌و پێیه‌ی‌ ساڵانه‌ ئه‌و كێشه‌یه‌ دوباره‌ ده‌بێته‌وه‌، "پێویسته‌ له‌سه‌ر حكوومه‌تی‌ هه‌رێمی کوردستان بیر له‌ چاره‌سه‌رێكی بنه‌ڕه‌تی له‌گه‌ڵ ئێران بكاته‌وه‌، چونكه‌ به‌گوێره‌ی یاسا نێوده‌وڵه‌تیه‌كانیش سه‌رچاوه‌ی ئاو له‌هه‌ر وڵاتێك بێت، ڕێڕه‌وی ئه‌و ئاوه‌ به‌هه‌رشوێنێكدا بڕوات ماف و ژیانی ئه‌و ناوچه‌یه‌ی له‌سه‌ربوه‌".

 

SNN: خێڵان ڕه‌ئوف

 

لینکی هه‌واڵ: 

http://snnc.co/news.aspx?id=28013&mapid=1

 

پەڕەى 6 لەکۆى 133 پەڕەدا

دوایین هەواڵەکان

بە دوا چوون لە تۆڕە کۆمەڵایەتییە کان

راپۆرتە پڕ بینەرەکان

حالت های رنگی