سێ شەممە, 30 حوزەیران 2020 18:25

نازم دەباغ دوای گرتنی کۆڕۆنا باریی تەندروستی ئێستاکە جێگیرە و چاکبۆتەوە

"نازم دەباغ" نوێنەری حکومەتی هەرێمی کوردستان لە وڵاتی ئێران، دوای گرتنی ڤایرۆسی کۆڕۆنا و دوو هەفتە مانەوە لە قەرەنتینە لە ماڵەکەی خۆی لە تاران، بە باشی چاکبۆتەوە.

 بە پێی ڕاپۆڕتی پەیامنێری بەشی ڕۆژئاوای ئاسیا و میحوەری خۆڕاگریی گرووپی نێودەوڵەتی ئاژانسی هەواڵنێری "ئانا"، "نازم دەباغ" نوێنەری حکومەتی هەرێمی کوردستان لە تاران، دوای گرتنی ڤایرۆسی کۆڕۆنا و دوو هەفتە مانەوە لە قەرەنتینە لە ماڵەکەی خۆی لە تاران، تەندروستی ئێستاکە جێگیرە.

 ئەو پێشتر لە هەواڵێکدا ڕایگەیاندبوو کە دوای دوو جار ئازمایشی کۆڕۆنا و پۆزێتیڤ بوونی دەرئەنجامەکەی، بۆ ماوەی دوو هەفتە لە ماڵەوە چۆتە قەره‌نتینەوە.

 نوێنەری حکومەتی هەرێمی کوردستان لە تاران ئاشکراشیکرد کە ڕۆژی دووشەمە وڵامی ئازمایشی کۆڕۆنای ئەو نێگەتیڤ بووە.

 

لینکی هەواڵ:

https://ana.press/fa/news/33/498732/بهبودی-رئیس-دفتر-اقلیم-کردستان-عراق-پس-از-ابتلا-به-کرونا

دوو شەممە, 29 حوزەیران 2020 14:01

بهبودی رئیس دفتر اقلیم کردستان عراق پس از ابتلا به کرونا

رئیس دفتر اقلیم کردستان عراق از بهبودی خود از ابتلا به کرونا پس از دو هفته قرنطینه خانگی خبر داد.

به گزارش خبرنگار حوزه غرب آسیا و محور مقاومت گروه بین‌الملل خبرگزاری آنا، ناظم دباغ پس از ابتلا به کرونا و دو هفته قرنطینه خانگی، سلامت خود را بازیافت.

وی پیش‌تر خبر داده بود که پس از دو آزمایش کرونا و مثبت اعلام شدن نتیجه آن، به قرنطینه خانگی رفته است.

رئیس دفتر اقلیم کردستان عراق خبر داد که روز گذشته (دوشنبه) نتیجه آزمایش کرونا وی منفی بوده است.

 

https://ana.press/fa/news/33/498732/%D8%A8%D9%87%D8%A8%D9%88%D8%AF%DB%8C-%D8%B1%D8%A6%DB%8C%D8%B3-%D8%AF%D9%81%D8%AA%D8%B1-%D8%A7%D9%82%D9%84%DB%8C%D9%85-%DA%A9%D8%B1%D8%AF%D8%B3%D8%AA%D8%A7%D9%86-%D8%B9%D8%B1%D8%A7%D9%82-%D9%BE%D8%B3-%D8%A7%D8%B2-%D8%A7%D8%A8%D8%AA%D9%84%D8%A7-%D8%A8%D9%87-%DA%A9%D8%B1%D9%88%D9%86%D8%A7

"سەلام عارف روشدی" بەشداریی لە ڤیدیۆ کۆنفڕانسی بەرپرسی فەرمانگەی پەیوەندییەکانی دەرەوە کرد

"سەلام عارف روشدی" جێگری نوێنەری حکومەتی هەرێمی کوردستان لە تاران بەشداریی کرد لە ڤیدیۆ کۆنفڕانسی "سەفین دزەیی" بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان لەگەڵ نوێنەرانی حکومەتی هەرێمی کوردستان لە دەرەوەی وڵات. 

 

"نازم عومەر دەباغ" نوێنەری حکومەتی هەرێمی کوردستان لە وڵاتی ئێران بە هۆی نەخۆشییەوە نەیتوانی لە ڤیدیۆ کۆنفڕانسی "سەفین دزەیی" بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان لەگەڵ نوێنەرانی حکومەتی هەرێمی کوردستان لە دەرەوە بەشداریی بکات و بە جیاتی بەڕێزیان "سەلام عارف روشدی" جێگری نوێنەری حکومەتی هەرێمی کوردستان لە شاری تاران، بەشداریی لەم ڤیدیۆ کۆنفڕانسە ئۆنلاینەدا کرد کە کاتژمێر 4 تا 6ی دوانیوەڕۆی ڕۆژی پێنجشەمە 25ی حوزەیرانی 2020 لە ڕێگای ئیسکایپەوە بەڕێوەچوو و نوێنەرانی حکومەتی هەرێمی کوردستان لە وڵاتانی دەرەوە، ڕاوێژکاران و پلە تایبەتەکان لە فەرمانگەی پەیوەندییەکانی دەرەوە و هەروەها "ئامانج حەسەن" بەڕێوەبەریی نووسینگەی تایبەتی فەرمانگەی پەیوەندییەکانی دەرەوە تیایدا بەشداربوون.  

 

ڤیدیۆ کۆنفڕانسی "سەفین دزەیی" بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان لەگەڵ نوێنەرانی حکومەتی هەرێمی کوردستان لە دەرەوە کە بە مەبەستی لە نزیکەوە ئاگاداربوون لە باروودرخی نوێنەرایەتییەکان وبەڕێوەچوو، بە گشتیی ئەم تەوەرانەی لە خۆگرتبوو: باروودۆخی گشتی هەرێمی کوردستان لە ڕووی سیاسی و ئابووری و کۆمەڵایەتی و تەندروستی، پەیوەندییەکانی حکومەتی هەرێمی کوردستان و حکومەتی عێراقی فیدڕال (پەیوەندییەکانی نێوان هەولێر و بەغداد)، گفتوگۆی نێوان عێراق و ویلایەتی یەکگرتووەکانی ئەمەریکا بە بەشداریی نوێنەری حکومەتی هەرێمی کوردستان، کاروباری ناوخۆی فەرمانگە و نوێنەرایەتییەکان

 

لە سەرەتای ئەم کۆبوونەوە ئۆنلاینەدا "سەفین دزەیی" بەرپرسی فەرمانگەی پەیوەندییەکانی دەرەوە لەگەڵ نوێنەرانی حکومەتی هەرێمی کوردستان وتەیەکی پێشکەش کرد و سەبارەت بە هەندێک بابەتی گرینگ سەبارەت بە حکومەتی هەرێمی کوردستان هاتە ئاخاوتن، لەوانە: باروودۆخی هەرێمی کوردستان و ناوچەکە و جیهان، باروودۆخی گشتی هەرێمی کوردستان لە ڕووی سیاسی و ئابووری و کۆمەڵایەتی و تەندروستی، پەیوەندییەکانی حکومەتی هەرێمی کوردستان و حکومەتی عێراقی فیدڕال، تیشک خستنە سەر گفتوگۆی نێوان عێراق و ئەمەریکا بە بەشداریی نوێنەری حکومەتی هەرێمی کوردستان، پەیوەندییەکانی نێوان حکومەتی هەرێمی کوردستان لەگەڵ نێردەی دیبلۆماسی ووڵاتان و ئاژانسەکانی UN لە هەرێم بە گشتی و کورتە باسێک لەسەر دوایین بڕیارەکانی ئەنجومەنی وەزیران لەسەر کەم کردنەوەی خەرجی و زیادکردنی داهات، پەیوەندیدار بە فەرمانگە و نوێنەرایەتییەکانەوە (هاوکاری و هەماهەنگی فەرمانگە و نوێنەرایەتییەکان بۆ باشترکردنی بەڕێوەبردنی ئیش و کارەکان لە ڕووی کارگێڕی و دارایی).

 

لە درێژەی ئەم کۆنفڕانسەدا نوێنەرانی حکومەتی هەرێمی کوردستان لە دەرەوە، هەر یەک بۆ ماوەی 3 تا 4 خولەک وتەکانی خۆیان پێشکەش کرد و کۆبوونەوەکە بە سەرکەوتوویی کۆتایی پێهات. 

 

"سەلام عارف روشدی" جێگری نوێنەری حکومەتی هەرێمی کوردستان لە تاران، لەم ڤیدیۆ کۆنفڕانسەدا وتەیەکی پێشکەش کرد کە تیایدا بە گشتیی سەبارەت بە پەیوەندیی نێوان هەرێمی کوردستان و ئێران، کێشەی سنوورەکانی نێوان دوو لایەن، باروودۆخی ئێستای ئێران و ڕۆژهەڵاتی کوردستان لە سەردەمی کۆڕۆنادا، چەندین بابەتی دیکە و هەروەها بە تایبەت، سەبارەت بە تەوەرەکانی ئەم کۆبوونەوەیە هاتە ئاخاوتن کە لە لایەن بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان و نوێنەرانی حکومەتی هەرێمی کوردستان لە دەرەوە بە گەرمی پێشوازیی لێکرا.

دوو شەممە, 22 حوزەیران 2020 10:38

ئاگاداری : نووسینگه‌ی نوێنه‌رایه‌تی حکومه‌تی هه‌رێمی کوردستان له تاران بۆ ماوه‌ی دوو هه‌فته داده‌خرێت

نووسینگه‌ی نوێنه‌رایه‌تی حکومه‌تی هه‌رێمی کوردستان له تاران بۆ ماوه‌ی دوو هه‌فته داده‌خرێت

بە هۆی بڵاوبوونه‌وه‌ی ڤایرۆسی کۆرۆناوه، نووسینگه‌ی نوێنه‌رایه‌تی حکومه‌تی هه‌رێمی کوردستان له تاران، بۆ ماوه‌ی دوو هه‌فته داده‌خرێت.

بۆ ئاگاداریی هەموو لایەک، بە هۆی پێشهاتی کێشەی ڤایرۆسی کۆرۆناوه، نووسینگه‌ی نوێنەرایەتی حکومەتی هەرێمی کوردستان لە شاری تارانی پایتە‌ختی کۆماری ئیسلامی ئێران، لە ڕۆژی یه‌کشه‌مه ٢٢/٦/٢٠٢٠ تاکوو ڕۆژی دووشه‌مه ٦/٧/٢٠٢٠ بۆ ماوەی دوو هەفتە دادەخرێت و پەیوەندیی کردن تەنیا لە رێگای ئیمیل و تەلەفۆنەوە دەبێت. هەر بۆیە داوا لە هاووڵاتیانی بەڕێز دەکەین بۆ بەڕێ کردنی ئیش و کارەکانیان تەنها لە رێگای تەلەفۆن و ئیمێڵ پەیوەندی بە نوێنەرایەتی حکومەتی هەرێم لە تاران بکەن و سەردانی بارەگای نوێنەرایەتی نەکەن. بە هیوای سەلامەتی و لەشساغی بۆ هەموو لایەک.

تەلەفۆن : 02188580830   - 02188580831

ئێمێڵ :  ئەم ئیمەیڵە پارێزراوە لە سپام, پێویستە جاڤا سکریپت چالاک بکەیت بۆ بینینی.

 

ئێواره‌ى ئه‌مڕۆ شه‌ممه‌ 20/6/2020 له‌ به‌غدا به‌ڕێز نێچيرڤان بارزانى، سه‌رۆكى هه‌رێمى كوردستان، له‌گه‌ڵ خاتوو جينين پلاسخارت، نوێنه‌رى سكرتێرى گشتيى نه‌ته‌وه‌ يه‌كگرتووه‌كان له‌ عێراق كۆبووه‌وه‌.

له‌ كۆبوونه‌وه‌كه‌دا هه‌ردوولا تيشكيان خسته‌ سه‌ر دۆخى سياسى و ئابووريى عێراق و لێكه‌وته‌كانى په‌تاى ڤايرۆسى كۆرۆنا و جه‌ختيان له‌ گرنگى و پێويستيى هاوكارى و هه‌ماهه‌نگيى هه‌موو لايه‌نه‌ عێراقييه‌كان بۆ تێپه‌ڕاندنى قه‌يرانه‌كان كرده‌وه‌.

ده‌ستبه‌كاربوونى كابينه‌ى تازه‌ى حكوومه‌تى عێراقى فيدراڵ به‌ سه‌رۆكايه‌تيى به‌ڕێز مسته‌فا كازمى و كێشه‌كانى هه‌رێمى كوردستان و حكوومه‌تى فيدراڵ و دياڵۆگ و هه‌وڵه‌كان بۆ چاره‌سه‌ركردنيان له‌سه‌ر بنه‌ماى ده‌ستوور، ته‌ورێكى ديكه‌ى كۆبوونه‌وه‌كه‌ بوو.

 

سه‌رۆك نێچيرڤان بارزانى، جه‌ختى له‌ ئاماده‌ييى هه‌رێمى كوردستان بۆ چاره‌سه‌ركردنى كێشه‌كان له‌گه‌ڵ حكوومه‌تى فيدراڵ له‌ چوارچێوه‌ى ده‌ستووردا كرده‌وه‌ و ئاماژه‌ى به‌ گرنگيى ڕۆڵى نه‌ته‌وه‌ يه‌كگرتووه‌كان له‌ عێراق و چاره‌سه‌ركردنى كێشه‌كان كرد.

 

 

 

https://president.gov.krd/kurdistan-region-president-meets-with-the-representative-of-the-secretary-general-of-the-united-nations/

پاشنيوه‌ڕۆى ئه‌مڕۆ 20/6/2020 له‌ به‌غدا به‌ڕێز محەمەد حەلبووسی، سەرۆكی ئەنجومەنی نوێنەرانى عێراق، پێشوازى لە بەڕێز نێچیرڤان بارزانی، سەرۆكی هەرێمی كوردستان كرد.

لە دیدارێكدا كه‌ به‌ڕێزان جێگرانى سه‌رۆكى هه‌رێمى كوردستان ئاماده‌ى بوون، كێشه‌كانى نێوان حكوومەتی فیدراڵ و حكوومەتی هەرێمى كوردستان تاوتوێ كران و تيشك خرايه‌ سه‌ر قه‌يرانى دارايى و لێكه‌وته‌كانى په‌تاى ڤايرۆسى كۆرۆنا و چۆنييه‌تى ڕووبه‌ڕووبوونه‌وه‌ى.

 

هەر لە دیدارەكه‌داجه‌خت لەسەر گرنگيی هاریكاری و هه‌ماهه‌نگيى هەمووان بۆ تێپەڕاندنی سه‌ختييه‌ هه‌نووكه‌ييه‌كان و كاركردن بۆ تێپه‌ڕاندنى دۆخه‌كه‌ و چارەسەركردنی كێشه‌كان به‌پێى ده‌ستوور كرايه‌وه‌.

https://president.gov.krd/the-president-of-the-kurdistan-region-discusses-the-situation-of-the-country-with-the-speaker-of-parliament/

رۆژی شه‌ممه‌ 20/6/2020 له‌ به‌غدا به‌ڕێز د. به‌رهه‌م ساڵح سه‌ركۆماری عێراقی فیدراڵ، پێشوازی له‌ به‌ڕێز نێچیرڤان بارزانی، سه‌رۆكی هه‌رێمی كوردستان كرد.

له‌ کۆبوونه‌وه‌یه‌کدا كه‌ به‌ڕێزان جێگرانى سه‌رۆكى هه‌رێمى كوردستان ئاماده‌ى بوون، گرنگیی چاره‌سه‌ركردنی كێشه‌ هه‌ڵواسراوه‌كانی نێوان حكوومه‌تی فیدراڵ و حكوومه‌تی هه‌رێمی كوردستان به‌پێی ده‌ستوور و له‌ ڕێگه‌ی هاوكاری و هه‌ماهه‌نگیی هاوبه‌شه‌وه‌ دووپات كرایه‌وه‌ به ‌شێوه‌یه‌ك كه‌ مافی ته‌واوی عێراقییه‌كان پارێزراو بێت و دادوه‌ریی كۆمه‌ڵایه‌تی به‌دی بهێنێت.

 

له‌ به‌شێكی دیكه‌ی كۆبوونه‌وه‌كه‌دا چاره‌سه‌ره‌ خوازراوه‌كان بۆ ده‌رچوون له‌ قه‌یرانی ئابووریی عێراق خرانه‌ ڕوو، هه‌روه‌ها هه‌ماهه‌نگی و هاوكاریی هه‌موو لایه‌ك بۆ ڕووبه‌ڕووبوونه‌وه‌ی ڤایرۆسی كۆرۆنا و ڕێگریكردن له‌ بڵاوبوونه‌وه‌ی، جه‌ختی له‌سه‌ر كرایه‌وه‌.

https://president.gov.krd/the-president-of-the-kurdistan-region-and-the-president-of-the-republic-of-iraq-meet/

ئه‌مڕۆ شه‌ممه‌ 20/6/2020 له‌ به‌غدا به‌ڕێز مسته‌فا كازمی سه‌رۆك وه‌زیرانی عێراق پێشوازی له‌ به‌ڕێز نێچیرڤان بارزانی، سه‌رۆكی هه‌رێمی كوردستان كرد.

له‌ کۆبوونه‌وه‌یه‌کدا که‌ به‌ڕێزان جێگرانی سه‌رۆکی هه‌رێمی کوردستان ئاماده‌ی بوون، سه‌رۆک نێچیرڤان بارزانی، پیرۆزبایی ده‌ستبه‌کاربوونی له‌ به‌ڕێزیان کرد، ئینجا کێشه‌کانی نێوان حكوومه‌تی فیدراڵ و حكوومه‌تی هه‌رێمی كوردستان و کارکردن بۆ چاره‌سه‌ركردنیان به‌پێی ده‌ستووری عێراق و چۆنیه‌تیی به‌ره‌نگاربوونه‌وه‌ی ته‌حه‌دیياته‌ هه‌نووكه‌ییه‌كان كه‌ ڕووبه‌ڕووی وڵات بوونه‌ته‌وه‌، تاوتوێ کران.

هه‌ردوولا گرنگیی هاوكاری و هه‌ماهه‌نگیی حکوومه‌تی فیدراڵ و هه‌رێمی کوردستانیان به‌مه‌به‌ستی تێپه‌ڕاندنی ته‌حه‌دییه‌کان دووپات كرده‌وه‌ به‌تایبه‌تی قه‌یرانی ئابووری كه‌ له‌ ئه‌نجامی دابه‌زینی نرخی نه‌وت و لێکه‌وته‌کانی په‌‌تای ڤایرۆسی کۆرۆناوه‌، به‌رۆکی عێراقی گرتووه‌.

 

هه‌ردوولا هه‌روه‌ها جه‌ختیان له‌وه‌ كرده‌وه‌ که‌ تێپه‌راندنى قه‌یرانه‌کان و به‌ره‌نگاربوونه‌وه‌ی دۆخی سه‌ختی وڵات و گێڕانه‌وه‌ی ئارامی و سه‌قامگیری، پێویستی به‌ هه‌ماهه‌نگی و هاوكاریی هه‌مووانه‌.

https://president.gov.krd/nechirvan-barzani-and-mustafa-al-kazemi-meet/

قوباد تاڵەبانی سەرپەرشتی كۆبوونەوەی لیژنەی دانوستانكاری لەگەڵ بەغدا كرد

 ھەولێر، ھەرێمی كوردستان، عێراق (gov.krd)- حكومەتی هەرێمی كوردستان لە‌بارە‌ی ئامادەكارییەكان و دەستپێكردنەوەی گفتوگۆی لەگەڵ حكومەتی عێراقی، كۆبووە‌.

قوباد تاڵەبانی جێگری سەرۆكی ئە‌نجومە‌نی وەزیران، رۆژی سێشەممە ٩ حوزەیرانی ٢٠٢٠ سەرپەرشتی كۆبوونەوەی شاندی باڵای دانوستانكاری حكومەتی هەرێمی كوردستانی لەگەڵ حكومەتی عێراق كرد و دوا قۆناغی ئامادەكارییەكان بۆ گفتوگۆكردن خرانە‌ بە‌رباس.

لە كۆبوونەوەكەدا كار و ر‌اپۆرتی لیژنە تایبەتمەندەكانی شاندی حكومەتی هەرێم بۆ دەستپێكردنەوەی گفتوگۆكان خرانە بەرباس.

شاندی حكومە‌تی ھە‌رێم لە‌كۆبوونە‌وە‌كە‌دا جە‌ختی كردە‌وە‌ كە‌ ئامادە‌‌ن بۆ دە‌ستپێكردنە‌وە‌ی گفتوگۆكان لە‌گە‌ڵ بە‌غدا و رێككە‌وتن لە‌سە‌ر پرسە‌ ھە‌ڵپە‌سێردراوە‌كان.

پێشتر شاندی حكومەتی هەرێم لەكۆتاییەكانی مانگی نیسان و سەرەتای ئایاری ٢٠٢٠، دووجار سەردانی بەغدایان كردووە، لەو سەردانانەش زنجیرەك كۆبوونەوە لەگەڵ لیژنەی باڵای گفتوگۆی عێراق ئەنجامدران. لە گفتوگۆكانیشدا بناغەیەك بۆ بەرێوەچوونی دانوستانەكانی هەولێر و بەغدا دانران كە بڕیارە لە چەند رۆژی داهاتوو دەست پێ بكەنەوە.

 

https://gov.krd/government/deputy-prime-minister/activities/posts/2020/june/%D9%82%D9%88%D8%A8%D8%A7%D8%AF-%D8%AA%D8%A7%DA%B5%DB%95%D8%A8%D8%A7%D9%86%DB%8C-%D8%B3%DB%95%D8%B1%D9%BE%DB%95%D8%B1%D8%B4%D8%AA%DB%8C-%D9%83%DB%86%D8%A8%D9%88%D9%88%D9%86%DB%95%D9%88%DB%95%DB%8C-%D9%84%DB%8C%DA%98%D9%86%DB%95%DB%8C-%D8%AF%D8%A7%D9%86%D9%88%D8%B3%D8%AA%D8%A7%D9%86%D9%83%D8%A7%D8%B1%DB%8C-%D9%84%DB%95%DA%AF%DB%95%DA%B5-%D8%A8%DB%95%D8%BA%D8%AF%D8%A7-%D9%83%D8%B1%D8%AF/

 

پەیامی پیرۆزبایی سەرۆکی حکومەتی هەرێمی کوردستان بە بۆنەی ساڵیادی دامەزراندنی یەکێتی نیشتمانی کوردستان

هەولێر، هەرێمی کوردستان، عێراق (GOV.KRD) -- مەسرور بارزانی سەرۆكی حكومەتی ھەرێمی كوردستان رۆژی یەكشەممە ٣١ ئایاڕی ٢٠٢٠ لە پەیامێكدا، چل و پێنجەمین ساڵیادی دامەزراندنی یەکێتیی نیشتمانیی کوردستان لە سەرکردایەتی و ئەندامان و لایەنگرانی ئەم حزبە پیرۆز دەكات، ئەمەش دەقی پەیامەكەیەتی:

بە بۆنەی چل و پێنجەمین ساڵیادی دامەزراندنی یەکێتیی نیشتمانیی کوردستان، پیرۆزبایی لە سەرکردایەتی و سەرجەم ئەندامان و لایەنگرانی یەکێتی دەکەم و هیوای سەرکەوتنیان بۆ دەخوازم.

یەکێتی نیشتمانیی کوردستان هاوبەشێکی گرنگ و سەرەکییە لە حکومەتی هەرێمی کوردستاندا و ئومێدەوارم بەیەکەوە لەگەڵ بزووتنەوەی گۆڕان و تەواوی لایەنە سیاسی و پێکهاتەکانی هەرێمی کوردستان، هەماهەنگ و هاوکار بین بۆ داکۆکیکردن لە مافە دەستوورییەکانی هەرێمی کوردستان و تێپەڕاندنی ئەم دۆخە سەختەی ئێستا، لە رێگەی پشتیوانیکردن لە کارنامەی حکومەتی هەرێم و ئەنجامدانی پرۆسەی چاکسازی کە داوا و خواستی گشت لایەنەکان و هاووڵاتییانە.

مەسرور بارزانی
سەرۆکی حکومەتی هەرێمی کوردستان
٢٠٢٠/٥/٣١

 

https://gov.krd/government/the-prime-minister/activities/posts/2020/may/%D9%BE%DB%95%DB%8C%D8%A7%D9%85%DB%8C-%D9%BE%DB%8C%D8%B1%DB%86%D8%B2%D8%A8%D8%A7%DB%8C%DB%8C-%D8%B3%DB%95%D8%B1%DB%86%DA%A9%DB%8C-%D8%AD%DA%A9%D9%88%D9%85%DB%95%D8%AA%DB%8C-%D9%87%DB%95%D8%B1%DB%8E%D9%85%DB%8C-%DA%A9%D9%88%D8%B1%D8%AF%D8%B3%D8%AA%D8%A7%D9%86-%D8%A8%DB%95-%D8%A8%DB%86%D9%86%DB%95%DB%8C-%D8%B3%D8%A7%DA%B5%DB%8C%D8%A7%D8%AF%DB%8C-%D8%AF%D8%A7%D9%85%DB%95%D8%B2%D8%B1%D8%A7%D9%86%D8%AF%D9%86%DB%8C-%DB%8C%DB%95%DA%A9%DB%8E%D8%AA%DB%8C-%D9%86%DB%8C%D8%B4%D8%AA%D9%85%D8%A7%D9%86%DB%8C-%DA%A9%D9%88%D8%B1%D8%AF%D8%B3%D8%AA%D8%A7%D9%86/

 

پەڕەى 3 لەکۆى 148 پەڕەدا

هەواڵی زیاتر لە تویتەر

راپۆرتە پڕ بینەرەکان

حالت های رنگی