"سەلام رشدی" جێگری نوێنه‌رایه‌تی حکوومەتی هەرێمی کوردستان لە ئێران، لەگەڵ شاندی یه‌کێتی هاورده و ناردنکارانی لقی هه‌ولێر دیداری کرد.
شاندی یه‌کێتی هاورده و ناردنکارانی هەرێمی کوردستان – لقی هه‌ولێر، ئه‌مڕۆ شه‌ممه ١٠ی ئابی ٢٠٢٤ سه‌ردانی نوێنەرایه‌تی حکوومەتی هەرێمی کوردستان لە وڵاتی ئێرانیان کرد و له لایه‌ن "سەلام عارف رشدی" جێگری نوێنەرایه‌تی حکوومەتی هەرێمی کوردستان لە تاران به گه‌رمی پێشوازیان لێکرا.
له‌م دیداره‌دا، شاندی یه‌کێتی هاورده و ناردنکارانی لقی هه‌ولێر، باسی به‌شداریان له شازده‌یه‌مین خولی پێشانگای نێوده‌وڵه‌تی پیشه‌سازی ماڵی ئێران (بوورس، بانک، بیمه) کرد و خۆشحاڵی خۆیان بۆ سه‌ردانی نوێنەرایه‌تی حکوومەتی هەرێمی کوردستان لە تاران ده‌ربڕی.
له درێژه‌ی ئه‌م کۆبوونه‌وه‌یه‌دا، "سەلام رشدی" دوای به‌خێرهاتنی شاندی یه‌کێتی هاورده و ناردنکارانی لقی هه‌ولێر بو وڵاتی ئێران و به‌شداریان له شازده‌یه‌مین خولی پێشانگای نێوده‌وڵه‌تی پیشه‌سازی ماڵی ئێران؛ خۆشحاڵ خۆی ده‌ربڕی به سه‌ردانی ئه‌م شانده ئابووریی و بازرگانییه بۆ نوێنەرایه‌تی حکوومەتی هەرێمی کوردستان لە شاری تاران.
شاندی یه‌کێتی هاورده و ناردنکارانی لقی هه‌ولێر، له‌سه‌ر بانگهێشتی ئه‌نجوومه‌نی پیشه‌سازی که‌ره‌سته‌کانی ناوماڵی ئێران و به مه‌به‌ستی به‌شداری له شازده‌یه‌مین خولی پێشانگای نێوده‌وڵه‌تی پیشه‌سازی ماڵی ئێران (بوورس، بانک، بیمه) سه‌ردانی وڵاتی ئێرانیان کردووه که له ڕۆژانی ٩ تا ١٢ی ئابی ٢٠٢٤ له شوێنی هه‌میشه‌یی پێشانگای نێوده‌وڵه‌تی تاران به‌ڕێوه‌ده‌چێت.
پێشانگای نێوده‌وڵه‌تی پیشه‌سازی ماڵی ئێران، به گه‌وره‌ترین و کۆنترین ڕووداویی بواری ماڵی، دانانی سه‌رمایه و ته‌کنۆلۆژیای ئابووریی له ٢٠ ساڵی ڕابردووی وڵاتی ئێران دێته ئه‌ژمار و له‌م ساڵانه‌ی دواییدا بۆته یه‌کێک له گرینگترین و پڕبینه‌رترین ڕووداوی ئابووری له ڕۆژهه‌ڵاتی ناوه‌ڕاستدا.
