نوێنەری حکومەتی هەرێمی کوردستان لە تاران رایدەگەیەنێت “داوای روونکردنەوەمان لە بەرپرسانی تاران کردووە لەبارەی ئەو فیلمەی لەسەر رووداوەکانی نیازی داعش بۆ کۆنترۆڵکردنی شاری هەولێر لە ساڵی 2014 بەرهەمهاتووە”.
بەپێی هەندێک میدیا، کۆمپانیای (مەصیر)ی ئێرانی بە هاوکاری تەلەفزیۆنی فەرمیی ئێران و سوپای پاسداران لەبارەی ڕۆڵی قاسم سلێمانی لە شەڕی داعش فیلمێکی دروستکردووە کە تیایدا مەسعود بارزانی سەرۆکی ئەو کاتەی هەرێمی کوردستان داوای هاوکاری لە قاسم سلێمانی فەرماندەی فەیلەقی قودسی ئێران دەکات.
نازم دەباغ نوێنەری حکومەتی هەرێمی کوردستان لە تاران بە SNNی راگەیاند “لەگەڵ بەرپرسانی ئێران لە پەیوەندیدان و چاوەڕێی روونکردنەوەیان دەکەین لەسەر چۆنێتیی بەرهەمهێنانی ئەو فیلمە”.
وتیشی: “سبەینێ کۆبوونەوەیان دەبێت و وەڵامی رسەمیی حکومەتی ئێران وەردەگیرێت لەسەر فیلمەکە کە ئایا کۆمپانیایەک بەرهەمی هێناوە یاخود لایەنێکی رەسمی حکومەت بەو کارە هەستاوە”.
زکری موسا، ڕاوێژکاری میدیایی مەسعود بارزانی لەمبارەیەوە دەڵێت: “ئێرانییەکان حەقی خۆیانە هەتا دەتوانن مەدحی قاسم سلێمانی بکەن، بەڵام بۆچی ئەوە دەبێ لەسەر حیسابی گەلی کوردستان و سووکایەتیکردن بێت بە کورد؟”.
وتیشی: “ئامانج لەو جۆرە فیلمانە تەحریفی تاریخ و نەهێشتنی قارەمانێتیی پێشمەرگەیە لە زەینی خەڵکی ناوچەکە”.
بەرهەمهێنانی ئەو فیلمە دەنگدانەوە و ناڕەزایەتیی زۆری بەدوای خۆیدا هێناوە و لە هەرێمی کوردستان لێکدانەوەی جیاوازی بۆ دەکرێت.
https://snnc.co/61790/
وتووێژی نازم دەباغ نوێنەری حکومەتی هەرێمی کوردستان لە تاران لەگەڵ کاناڵی NRT سەبارەت بە فیلمی "تەوەکول"
Media
میدیاکانی کۆماری ئیسلامی ئێران کورتە فیلمێکییان بڵاوکردەوە بەناوی (تەوەکول)کەتێیدا باس لەهاوکاری ئێران دەکات بەسەرۆکایەتی (قاسم سلێمانی) لەپاراستنی هەولێری پایتەختی هەڕێمی کوردستانی عیراق لەهێرشی داعش، بڵاوکردنەوەی ئەو فیلمە کاردانەوە و نیگەرانی لای بەشێک لەهەرێمی کوردستان و تەنانەت حکومەتی هەرێمی کوردستان لەڕێگەی فەرمانگەی پەیوەندییەکانی دەرەوەی هەرێمەوە دروستکردووە. نازم دەباغ نوێنەری حکومەتی هەرێمی کوردستان لەتاران لەم وتووێژەدا باس لەوەدەکات ئێران دڵنیایی کردونەتەوە ڕێوشوێن دەگرنەبەر دژی ئەو لایەنەی فیلمەکەی بەرهەمهێناوە وەدەیانەوێت دڵنیاببنەوە کێ لەپشتیەوەیەتی.
"ئێران دڵنیاییان دا کەئه‌مه سیاسه‌تی كۆماری ئیسلامی ئێرانی نیه "
لەسەرەتای وتووێژەکەدا نوێنەری حکومەتی هەرێمی کوردستان لە تاران وتی"دیاره بۆ به‌دواداچوون له‌گه‌ڵ به‌رپرسانی كۆماری ئیسلامی ئێرانی له‌وباره‌وه له‌گه‌ڵ سێ چوار له‌و كه‌ناڵانه‌ی كه‌په‌یوه‌ندیمان هه‌یە وە په‌یوه‌ندیمان كردووه دڵنیاییان دا کەئه‌مه سیاسه‌تی كۆماری ئیسلامی ئێرانی نیه و وه‌كو سیاسه‌تی كۆماری ئیسلامی ئێرانی ڕێزگرتنه له‌سه‌ركرده‌كانی كورد و به‌تایبه‌تی ئه‌وانه‌ی كه‌كاریزمایان هه‌یه، هه‌ر بۆ ئه‌و مه‌به‌سه‌ته‌ش داوایان له‌سه‌ركونسوڵی خۆیان كردووه له‌هه‌ولێر كه‌به‌زووترین كات كۆنفڕانسێكی هه‌واڵی ببه‌ستێت، له‌و كۆنفڕانسه‌دا ره‌تی بكاته‌وه كه ئه‌وه كاری كۆماری ئیسلامی ئێرانی بێت به‌ڵكو كه‌سانێك یان كۆمپانیایه‌ك ئه‌م كاره‌ی كردووه بۆ به‌رژه‌وه‌ندی خۆی وه به‌دوای ئه‌وه‌شدا ده‌گه‌ڕێن كه‌كێ له‌پشتی ئه‌م كاره‌دا بووبێت."
نازم دەباغ ئەوەشی وت" له‌ڕاستیدا من ده‌مه‌وێت بۆچوونی خۆم بڵێم له‌و بابه‌ته‌دا چونكه هه‌ندێك كێشه و هه‌ندێك شت هه‌یه له‌وانه‌یه به‌دووادانه‌چوونی زیاتر بێت له‌قازانج به‌ڵام له‌كاتی خۆشیدا پێویسته ئێمه وه‌كو كوردێك و وه‌كو نوێنه‌ری حكومه‌ت وه‌ڵاممان هه‌بێت، ئه‌م بابه‌تانه كه‌ده‌وروژێن بابه‌تێكن من وایده‌خوێنمه‌وه و پێم وانییه كه‌ئه‌مه كۆماری ئیسلامی ئێرانی بێت به‌ڵام ده‌كرێت بڵێن كه‌كه‌سانێك یان ئۆرگانێك بێت به‌مه‌ستێكی تایبه‌تی ئه‌م بابه‌تانه باس بكات."
دەباغ دەشڵێت" ئێمه وه‌كو كورد له هه‌رێمی كوردستان، "به‌نده وه‌كو نوێنه‌ری حكومه‌ت چه‌ندین جار جه‌ختمان له‌سه‌ر ئه‌وه‌كردۆته‌وه كه كورد به‌وه‌فایه، وه چاكه و پیاوه‌تی و كۆمه‌كەكانی هیچ كه‌سێكی له‌بیرناچێت له‌وانه كۆماری ئیسلامی ئێرانی كه له‌قۆناغه سه‌خته‌كاندا هاوكاری خه‌ڵكی عێراق بووه به‌كورد و عەره‌ب و نه‌ته‌وه‌كانی تره‌وه، دیاره وه‌كو كوردیش زیاتر به‌ڵام ئه‌گه‌ر بێته سه‌رئه‌وه‌ی هاوكارییه‌كان به‌چاوی یه‌كدابده‌ینه‌وه، پێم وایه كوردیش كه‌می نه‌كردووه یه‌كێك له‌وانه خانه‌واده‌ی "ماڵی مه‌لا مسته‌فا" هه‌شت هه‌زار كه‌سیان ئه‌نفال كرا له‌سه‌ر ئه‌و كار و هاوكاریانه‌ی كه له‌كاتی خۆی هێزه‌كانی پێشمه‌رگه‌ی كوردستان له‌ناوچه‌ی حاجی هۆمه‌ران هاوكاری له‌گه‌ڵ كۆماری ئیسلامی ئێرانی كرد له‌شه‌ڕه‌كانی ئێران دژ به‌عێراق واته ئێمه ناكرێت هه‌موو جارێك بڵێین ئه‌گه‌ر پێشمه‌رگه نه‌بووایه له‌فڵانه خاڵی مه‌رزی یان له‌فڵانه شه‌ڕدا سوپای ئێران یان پاسدارانی ئێران ئه‌م شكسته‌یان ده‌كرد یان ئه‌م سه‌ركه‌وتنه‌یان مسۆگه‌ر نه‌ده‌كرد، بۆیه به‌درێژایی خه‌بات و تێكۆشان هه‌موو لایه‌ك منه‌تمان به‌سه‌ر یه‌كدا هه‌یه به‌ڵام ئه‌و منه‌ته له‌چوارچێوه‌ی واجب و ئه‌ركدا بووه."
"شه‌ڕی داعش شه‌ڕێك بووه هه‌م بۆ كورد هه‌م بۆ ئێران "
نازم دەباغ زیاتر وتی"ئێمه وه‌كو كورد پێویستیمان به‌هاوكاری ئێران بووه، وه كاتی خۆیشی بۆ ئه‌و مه‌به‌سته من خۆم یه‌كێك بووم له‌وانه له‌لایه‌ن چه‌ند به‌رپرسێكه‌وه به‌دوایاندا ناردووم له‌و بابه‌ته‌وه قسه‌مان كردووه، وه من خۆم بۆچوونم وابووه ئه‌گه‌ر هاتوو كۆماری ئیسلامی ئێرانی ئه‌و ڕۆژه‌ی كه‌داعش په‌لاماری هه‌ولێری-دا "جه‌نابی كاك مه‌سعود" و كورد داوای كۆمه‌كیان له‌كۆماری ئیسلامی ئێرانی كرد من پێم وایه ته‌نها بۆ ئه‌وه نه‌بوو كه‌ئێمه بپارێزن به‌ڵكو بۆ ئه‌وه‌بوو كه‌خۆشیان بپارێزن، له‌به‌رئه‌وه من ئه‌و ڕۆژه له‌گه‌ڵ چه‌ندین به‌رپرس له‌و باره‌وه ڕاوێژمان كردووه وتوومه ئه‌گه‌ر كۆماری ئیسلامی ئێرانی له هه‌ولێر و له‌ناوه‌وه شه‌ڕی داعش نه‌كات و ڕێگه بده‌ین داعش سه‌ربكه‌وێت پێم وایه ده‌بێت ئێران له‌ناو وڵاتی خۆی له‌سه‌ر مه‌رزه‌كانی شه‌ڕی داعش بكات جگه له‌وه‌ی جارێكی تر بۆی هه‌یه گه‌لی كورد ئاواره بێت، واته شه‌ڕی داعش شه‌ڕێك بووه هه‌م بۆ كورد هه‌م بۆ ئێران هه‌م بۆ هه‌موو ئه‌وانه‌ی كه‌دژی تیرۆریست بوون ئه‌مه منه‌تی ناوێت به‌ڵكو ئه‌وه هاوكاری ده‌وێت."
"ناكرێت مه‌رزێكی هه‌زار و په‌نجا كیلۆمه‌تری بپارێزیت له‌داعش ئه‌گه‌ر هێزی پێشمه‌رگه و خه‌ڵكی قاره‌مانی هه‌رێمی كوردستانیش نه‌بێت "
سەبارەت بەوەی مەبەست چیە لەبڵاوکردنەوەی ئەو فیلم و باسکردنی ئەو بابەتە لەمکاتەدا؟ لەوەڵامدا نازم دەباغ دەڵێت" له‌مكاته‌دا بۆی هه‌یه لایه‌نێك له‌وانه‌ی كه مه‌به‌ستیان بێت بۆ لاوازی كورد و بۆ شكاندنی كورد به‌شێوه‌یه‌ك كه‌هه‌میشه كوردیش بەرگری كردووه خۆ چه‌ندین ساڵه ته‌نها به‌هه‌ندێك كۆمه‌ك نه‌بووه، وه ئه‌و شه‌ڕانه‌ی كه‌كراوه ڕاسته له‌قۆناغی یه‌كه‌م له‌وانه‌یه هێزێك بشكێت به‌ڵام كه‌ڕاده‌وستێت و خۆی ده‌گرێته‌وه ،به‌دڵنیایی هێزی پێشمه‌رگه‌ش ڕۆڵی هه‌بووه له‌سه‌ركه‌وتنی له شه‌ڕه‌كاندا وه‌كو خۆشیان ده‌ڵێن به‌حه‌فتا كه‌س ناكرێت مه‌رزێكی هه‌زار و په‌نجا كیلۆمه‌تری بپارێزیت له‌داعش ئه‌گه‌ر هێزی پێشمه‌رگه و خه‌ڵكی قاره‌مانی هه‌رێمی كوردستانیش نه‌بێت به‌ڵام من جارێكی تر جه‌ختده‌كه‌مه‌وه كورد سوپاسی هه‌موو ئه‌و هاوكارییانه ده‌كات كه‌هه‌ركه‌سێك كردبێتی له‌وانه كۆماری ئیسلامی ئێران، وه نه‌ده‌بووایه به‌م شێوه‌یه سه‌ركرده‌یه‌كی كوردی پێ بشكێنن و به‌وشێوه‌یه به‌چاوی ئه‌و كه‌سانه‌یدا بده‌نه‌وه، به‌پێچه‌وانه ئێستا له‌هه‌رێمی كوردستان هێزی باڵا كه‌په‌یوه‌ندییه‌كانی له‌گه‌ڵ كۆماری ئیسلامی ئێران باش بێت له‌م قۆناغه‌ی ئێستا له‌هه‌موویان په‌یوه‌ندییه‌كان پته‌وتر پارتی دیموكراتی كوردستانه."
"ئێران لێپێچینەوە دەکات و به‌دوای ئه‌وه‌شدا ده‌گه‌ڕێن كه‌كێ له‌پشتی ئه‌م كاره‌وه بووبێت"
لەوەڵامی ئەو پرسیارەی ئایا پێتان وایە کۆماری ئیسلامی ئێران لێپێچینەوە و لێکۆڵینەوە لەسەر بڵاوکردنەوەی ئەو ڤیدۆیە بکات لەوەڵامدا نازم دەباغ وتی "به‌پێی ئه‌زموونی خۆمان له‌وبارانه‌وه زۆرجار ئیجرائاتی خۆی كردووه به‌ڵام له‌چوارچێوه‌ی یاسایی خۆیاندا، له‌كۆماری ئیسلامی ئێرانیش زۆرجار ڕۆژنامه‌كان له‌نێوان خۆشیاندا یاخود باڵه‌كانی ناو كۆماری ئیسلامی ئێرانی، ئه‌وه‌ی ڕیفۆرم خوازه و ئه‌وه‌ی "موحافزكاران له‌ڕۆژنامه‌كان په‌لاماری یه‌كده‌ده‌ن بۆیه له‌چوارچێوه‌یه‌كدا ده‌توانن لێپرسینه‌وه‌ی ئه‌و كه‌سانه بكه‌ن، وه لێپێچینه‌وه‌یان لێ بكه‌ن كه‌به‌چ مه‌به‌ستێك ئه‌م كاره‌یان كردووه چونكه به‌دوای ئه‌وه‌شدا ده‌گه‌ڕێن كه‌كێ له‌پشتی ئه‌م كاره‌وه بووبێت. "
دەباغ باس لەوەشدەکات" من پێم وایه زۆرجار له‌م بابه‌تانه‌ی كه‌پێی ده‌وترێت دژایه‌تی و یان پێی ده‌وترێت شكاندن كراوه و باسكراوه چ له‌ڕاگه‌یاندنه‌كانی كۆماری ئیسلامی ئێرانی دژ به‌هه‌ندێك كه‌سی كورد وه‌كو له‌مڕۆژانه‌دا خه‌ڵك له‌سه‌ر جل و به‌رگی كوردی خه‌ڵك قسه‌ی كرد وه‌ڵامدانه‌وه‌یه‌كی باشی هه‌بوو له‌سۆشیال میدیاكاندا، وه‌هه‌روه‌ها له‌هه‌رێمی كوردستانیش له‌وانه‌یه ڕاگه‌یاندن و ڕاگه‌یاندكار ئه‌م بابه‌تانه‌ی هه‌بێت، كاری ئێمه وه‌كو نوێنه‌رایه‌تی حكومه‌تی هه‌رێمی كوردستان به‌دواداچوونه گه‌یاندنی گله‌ییه‌كانه، وه‌دۆزینه‌وه‌ی ڕێگه‌چاره‌سه‌ریشه چونكه ئێمه له‌هه‌موو قۆناغه‌كان پێویستمان به‌یه‌كتری هه‌یه به‌تایبه‌تی شه‌ڕی تیرۆر، چه‌ند ساڵ له‌مه‌وپێش له‌بیرمه كه‌وترا مه‌سه‌له‌ی ڕاگه‌یاندن له‌كۆماری ئیسلامی ئێرانیدا قۆناغێكی به‌خۆوه گرتووه زۆرجار ڕه‌خنه له‌ئیمام خومه‌ینیش گیراوه له‌ڕۆژنامه‌كان، زۆرجار قسه به‌یه‌كتریش ده‌ڵێن له‌به‌ر ئه‌وه ڕاگه‌یاندن قورسایی خۆی هه‌یه به‌ڵام به‌دڵنیاییه‌وه ئه‌و كه‌ناڵانه‌ی كه ته‌مسیلی سیاسه‌تی كۆماری ئیسلامی ئێرانی ده‌كه‌ن ڕێگایان پێنادرێت."
" له‌وانه‌یه كه‌سانێك هه‌بن بۆخۆی به‌سروشتی بزانن كه‌فیلمێكی دیكیومێنتاری بڵاو بكه‌نه‌وه "
نازم دەباغ دەڵێت" من پێم وایه له‌ئێران ئه‌وه‌نده بیروڕاو بۆچون وخه‌ت و ئه‌ملاو ئه‌ولا هه‌یه پێم وانیه كه‌ناڵی ڕه‌سمی به‌رپرس ئه‌م كاره‌ی كردبێت، له‌وانه‌یه كه‌سانێك هه‌بن بۆخۆی به‌سروشتی بزانن كه‌فیلمێكی دیكیومێنتاری بڵاو بكه‌نه‌وه، ئه‌وه‌ی خۆی زانیاری هه‌یه ئه‌گه‌رنا كوردیش ئه‌گه‌ر بیه‌وێت له‌زۆر قۆناغدا هاوكاری باشی سوپای ئێرانی وپاسدارانی كردووه له‌شه‌ڕه‌كانی دژ به‌عێراق به‌ڵام ده‌كرێت ئێمه ئه‌وانه بكه‌ینه منه‌ت ئێمه به‌منه‌تمان نه‌زانیووه ئێمه بەڕێكه‌وتنمان زانیووه."
"من پێم وانییه ئه‌وه هه‌ڵوێستی فه‌رمی كۆماری ئیسلامی ئێرانی بێت "
"من پێم وانییه ئه‌وه هه‌ڵوێستی فه‌رمی كۆماری ئیسلامی ئێرانی بێت به‌ڵام ده‌كرێت ئۆرگانێك به‌باشی زانیبێت بۆخۆی و ئه‌م بڕیاره‌ی دابێت و ئه‌م كاره‌ی كردبێت،
ئه‌وان چه‌ندین جار شتی وای هاتۆته پێش، له‌سۆشیال میدیاكانی ئێران له‌ڕۆژنامه‌كانی ئێران جاری واهه‌یه په‌لاماری كه‌سایه‌تی سه‌ركرده كورده‌كانیان داوه به‌تایبه‌تی "جه‌نابی كاك مه‌سعود" پێمان ڕاگه‌یاندوون وه‌ڵامیان داوینه‌ته‌وه ئه‌وه‌ی سیاسه‌تی ڕه‌سمی بێت له‌ڕۆژنامه و له‌سایته‌كان و له‌ده‌زگا هه‌واڵیه‌كانی ڕه‌سمیه‌كانی كۆماری ئیسلامی ئێرانی له‌سه‌ر ئێران حسابه، ئه‌وانه‌ی ترده‌كرێت له‌چوارچێوه‌ی ئازادی ڕاگه‌یاندن حسابی بۆ بكرێت."نازم دەباغ نوێنەری حکومەتی هەرێم لەتاران وای وت"
واتە لە ئێراندا ئازادی ڕادەربڕین بەوشێوەیە ڕێگەی پێدەدرێت لەکاتێکدا بەپێی ڕاپۆرتی ڕێکخراوەنێودەوڵەتیەکان ئێران لەریزبەندی یەکەمەکانی پێشێلکاری ئازادی ڕادەربڕینە؟
لەوەڵامدا نازم دەباغ وتی" من پێم وانیه ئازادی به‌و شێوه‌یه بێت کەبەدڵی من و تۆ بێت، یا هه‌موو كه‌سێك ڕازی بكات به‌ڵام ڕۆژانه شت ده‌خوێنینه‌وه ڕه‌خنه له‌یه‌كتر و ڕه‌خنه‌ی باڵی چاكسازی ڕه‌خنه‌ی كه‌سانی ئیسڵاحی و ڕه‌خنه‌ی كه‌سانی پارێزگار زۆر به‌ڕاشكاوی هه‌یه و له زۆربه‌ی ڕۆژنامه‌كان ده‌بینرێت تەنانەت ڕەخنە لەحکومەت و لەسەرۆک کۆماریش لەئێراندا دەگرن. "
" ئێمه له‌چاوماندایه كه هاوكارمان بوون، وه‌هاوكاریان بووین دژی حكومه‌تی عێراقی به‌عسی فاشیست "
هەروەها ئاماژەی بەوەشکرد " له‌هه‌موو قۆناغه‌كان له‌و ڕۆژه‌وه كۆماری ئیسلامی ئێرانی هه‌یه و سه‌ره‌تا پێش یه‌كێتی پارتی له‌په‌یوه‌ندیدا هه‌بووه، وه له‌شه‌ڕه‌كانی كۆدۆ و حاجی هۆمه‌ران و زۆر شوێنی تر هاوكار بوون و به‌شداربوون دوای ئه‌وه‌ش له‌عه‌مه‌لیه‌تی فه‌تحی یه‌كه‌وه یه‌كێتی نیشتیمانی كوردستان به‌شدار بووه، به‌نده‌ش كه‌سێك بووم به‌رپرس بووم له‌كۆمه‌ڵێك هه‌ماهه‌نگی بۆ فه‌تحی یه‌ك و دوو وسێ، ئێمه له‌چاوماندایه كه هاوكارمان بوون، وه‌هاوكاریان بووین دژی حكومه‌تی عێراقی به‌عسی فاشیست، وه ئه‌م شته‌مان نه به‌منه‌ت زانیووه بۆ سه‌ر كۆماری ئیسلامی ئێران وه ئه‌وانه‌ی ئه‌وانیش تاڕاده‌یه‌ك له‌به‌رئه‌وه‌ی ئێمه میلله‌تێكی مه‌زڵوم و هێزێكی به‌رامبه‌ر عێراق تاڕاده‌یه‌ك لاواز بووین چاویشمان له‌وه‌بێت كۆماری ئیسلامی ئێرانی هاوكاری كردووین بۆیه ئه‌م هاوكارییانە له‌و چوارچێوه‌یه‌دا بووه کەهاوكاربین له‌گه‌ڵ یه‌كدا."
"كه‌سێكی وه‌كو كاك مه‌سعود ، وه‌كو سه‌رۆك بارزانی بۆته كاریزمایه‌ك كه ڕووی تێكراوه"
باشە هۆکاری چیە ئەوە چەندین جارە ئێران بەمشێوازە بەتایبەت پارتی دیموکراتی کوردستان و خودی (کاک مەسعود) بارزانی دەکاتە ئامانج لەو فیلمانەدا لەکاتێکدا وەک خۆت ئاماژەتپێکرد ئێران هاوکاری یەکێتیش بووە وە هەولێر پایتەختی هەرێمی کوردستانە کە یەکێتی و حیزبەکانی تریشی لێیە؟
نازم دەباغ بەمشێوەیە وەڵامی دایەوە و دەڵێت" له‌وانه‌یه یه‌كێك له‌هۆكاره‌كان ئه‌وه‌بێت ئه‌مڕۆ له‌گۆڕه‌پانی هه‌رێمی كوردستان نازم پێی خۆش بێت یان پێی ناخۆش نه‌بێت كه‌سێكی وه‌كو كاك مه‌سعود، وه‌كو سه‌رۆك بارزانی بۆته كاریزمایه‌ك كه‌ڕووی تێكراوه، وه یه‌كێتی نیشتیمانی كوردستانیش به‌شێكه له‌و حكومه‌ته‌ی هه‌رێمی كوردستان كه‌ئێستا له هه‌ولێره، ئه‌سڵی كاره‌كه په‌یوه‌ندیه‌كه هه‌ولێر بووه له‌هه‌ولێریش په‌یوه‌ندیه‌كه "جه‌نابی كاك مه‌سعود" بووه، "جه‌نابی كاك نێچیرڤان" بووه ئه‌مانه به‌تایبه‌تی له‌گه‌ڵ به‌رپرسانی كۆماری ئیسلامی ئێرانی ئه‌و شه‌وه په‌یوه‌ندییان كردووه كه‌بارودۆخی هه‌ولێر وایه، وه داعش په‌لاماری داوه و پێویستمان به‌هاوكاری ئێوه هه‌یه، هه‌روه‌كو خۆشیان باسیان كردووه په‌یوه‌ندیان به ئه‌مه‌ریكاشه‌وه كردووه، به‌توركیاشه‌وه كردووه به‌ڵام ئه‌وه‌ی زوو هاتۆته ده‌ست بۆ هاوكارییه‌كه كۆماری ئیسلامی ئێرانی بووه."
دەباغ زیاتر وتی" به‌ڵام ئه‌وان دێن فیلمێك ده‌رده‌كه‌ن و هه‌ندێك ته‌عبیر و شتی تر به‌ناوی "جه‌نابی كاك مه‌سعود" ده‌وترێت جێگای "نەقدە"، وه جێگای گله‌ییه ده‌بێت چاك بكرێت ئه‌مه كه‌س له‌گه‌ڵ ئه‌وه نییه، واته مه‌سه‌له‌كه ناكرێت كاك قوبادی تێدانه‌بێت و كاك قوبادیش بخرێته ناو بابه‌ته‌كه‌وه یان كاك بافڵ و كاك لاهوری تێدا نه‌بێت.ئه‌وه‌ی كه كاره‌كته‌ری وتوێژو هاوكارییه‌كان بوون ئه‌م دووكه‌سه بوون "جه‌نابی كاك مه‌سعود جه‌نابی كاك نێچیر."
"من نوێنه‌ری حكومه‌تی هەرێمی کوردستانم، كه‌نوێنه‌ری حكومه‌تم له‌چوارچێوه‌ی ئه‌و سیاسه‌ته‌ی كه‌ڕێگه‌م پێده‌درێت قسه له‌سه‌ر ئێران ده‌كه‌م "
نوێنەری حکومەتی هەرێمی کوردستان ڕەخنەی ئەوەشی گرت کەهەندێکجار بیروبۆچونەکانی لەسەر کۆماری ئیسلامی ئێران حساب دەکرێت لەکاتێکدا ئەو نوێنەری حکومەتی هەرێمی کوردستانە، لەو ڕووەوە دەڵێت" من نازمم هه‌ندێك كه‌س شیكردنه‌وه‌ی دژی من كردووه كه‌ئه‌مه نوێنه‌ری كۆماری ئیسلامیه، من نوێنه‌ری حكومه‌تی هەرێمی کوردستانم، كه‌نوێنه‌ری حكومه‌تم له‌چوارچێوه‌ی ئه‌و سیاسه‌ته‌ی كه‌ڕێگه‌م پێده‌درێت قسه له‌سه‌ر ئێران ده‌كه‌م به‌ڵام له‌هه‌موو حاڵه‌ته‌كان ناوی من دێت له‌به‌رئه‌وه‌ی نوێنه‌ری حكومه‌تم به‌ڵام یه‌كێتیم . حكومه‌تی هه‌رێمی كوردستان،به‌تایبه‌تی ئه‌وه‌ی كه‌به‌رپرسیارێتی یه‌كه‌می هه‌بووه و هاواری كردووه و داوای كۆمه‌كی كردووه دوو كاراكته‌ر بوون كاراكته‌ری یه‌كه‌م "جه‌نابی كاك مه‌سعود" بووه، كاراكته‌ری دووه‌م "جه‌نابی كاك نێچیرڤان" بووه ، وای لێهاتووه خه‌ڵك له‌سه‌ر پارتی ده‌یان خوێنێته‌وه به‌رله‌وه‌ی له‌سه‌ر كورد بخوێنرێته‌وه ئه‌مانه كاراكته‌ری ئەساسی بوون له‌داواكاری كۆمه‌ك و یارمه‌تی بۆیه خه‌ڵكانێك به مه‌به‌ستی تایبه‌تی ده‌توانێت وه‌كو خۆی باسی بكات، وه‌كو ئێستا باره‌گای بارزانی كه وه‌زیرێك دێت بۆ هه‌رێمی كوردستان ده‌چێت له پێشه‌وه ئه‌ویش ده‌بینێت، ئه‌مه به‌ناوی پارتی قسه‌ی له‌سه‌ر ده‌كرێت جا له‌شوێنێكدا له‌به‌رژه‌وه‌ندیدابێت پارتییه و له‌شوێنێكدا له به‌رژه‌وه‌ندیدا نه‌بێت زیاتر چوارچێوه‌یه‌كی گشتی به‌خۆ وه بگرێت ده‌گوترێت حكومه‌تی هه‌رێمی كوردستان."
https://www.dengiamerika.com/a/iran/5750487.html
SNN // نوێنەری حکومەتی هەرێمی کوردستان لە تاران رایدەگەیەنێت “داوای روونکردنەوەمان لە بەرپرسانی تاران کردووە لەبارەی ئەو فیلمەی لەسەر رووداوەکانی نیازی داعش بۆ کۆنترۆڵکردنی شاری هەولێر لە ساڵی 2014 بەرهەمهاتووە”.
بەپێی هەندێک میدیا، کۆمپانیای (مەصیر)ی ئێرانی بە هاوکاری تەلەفزیۆنی فەرمیی ئێران و سوپای پاسداران لەبارەی ڕۆڵی قاسم سلێمانی لە شەڕی داعش فیلمێکی دروستکردووە کە تیایدا مەسعود بارزانی سەرۆکی ئەو کاتەی هەرێمی کوردستان داوای هاوکاری لە قاسم سلێمانی فەرماندەی فەیلەقی قودسی ئێران دەکات.
نازم دەباغ نوێنەری حکومەتی هەرێمی کوردستان لە تاران بە SNNی راگەیاند “لەگەڵ بەرپرسانی ئێران لە پەیوەندیدان و چاوەڕێی روونکردنەوەیان دەکەین لەسەر چۆنێتیی بەرهەمهێنانی ئەو فیلمە”.
وتیشی: “سبەینێ کۆبوونەوەیان دەبێت و وەڵامی رسەمیی حکومەتی ئێران وەردەگیرێت لەسەر فیلمەکە کە ئایا کۆمپانیایەک بەرهەمی هێناوە یاخود لایەنێکی رەسمی حکومەت بەو کارە هەستاوە”.
زکری موسا، ڕاوێژکاری میدیایی مەسعود بارزانی لەمبارەیەوە دەڵێت: “ئێرانییەکان حەقی خۆیانە هەتا دەتوانن مەدحی قاسم سلێمانی بکەن، بەڵام بۆچی ئەوە دەبێ لەسەر حیسابی گەلی کوردستان و سووکایەتیکردن بێت بە کورد؟”.
وتیشی: “ئامانج لەو جۆرە فیلمانە تەحریفی تاریخ و نەهێشتنی قارەمانێتیی پێشمەرگەیە لە زەینی خەڵکی ناوچەکە”.
بەرهەمهێنانی ئەو فیلمە دەنگدانەوە و ناڕەزایەتیی زۆری بەدوای خۆیدا هێناوە و لە هەرێمی کوردستان لێکدانەوەی جیاوازی بۆ دەکرێت.
https://snnc.co/61790/
نوێنەری حكومەتی هەرێمی كوردستان لە تاران لە بارەی بڵاوبوونەوەی كورتە فیلمێكەوە لەئێران لەسەر هەرێمی كوردستان رونكردنەوەی دا.
بڵاوبوونەوەی فیلیمێك لە ئێران كە باس لە هاوكاری ئێران بۆ هەرێمی كوردستان دەكات لە شەڕی داعشدا نیگەرانی حكومەتی هەرێمی كوردستانی لێكەوتەوە و یاداشتی ناڕەزایەتی گەیەنرایە كونسوڵخانەی ئێران لە هەولێر لەلایەن سەفین دزەیی بەرپرسی فەرمانگەی پەیوەندییەكانی دەرەوەی هەرێمی كوردستان.
نازم دەباغ نوێنەری هەرێمی كوردستان لە تاران بۆ دەنگی ئەمریكا دەڵێت: ئێمە وەكو كورد پێویستیمان بەهاوكاری ئێران بووە، كاتی خۆیشی خۆم یەكێك بووم لەوانە لەلایەن چەند بەرپرسێكەوە بەدوایاندا ناردووم لەو بابەتەوە قسەمان كردووە.
دەشڵێت: ئەو ڕۆژەی داعش پەلاماری هەولێریدا‌و مەسعود بارزانی و كورد داوای كۆمەكیان لەكۆماری ئیسلامی ئێرانی كرد، تەنها بۆ ئەوە نەبوو ئێمە بپارێزن، بەڵكو بۆ ئەوەبوو خۆشیان بپارێزن.
نازم دەباغ دەڵێت: من ئەو ڕۆژە لەگەڵ چەندین بەرپرس لەو بارەوە ڕاوێژمان كردووە وتوومە كۆماری ئیسلامی ئێرانی لە هەولێر و لەناوەوە شەڕی داعش نەكات و ڕێگە بدەین داعش سەربكەوێت دەبێت ئێران لەناو وڵاتی خۆی لەسەر مەرزەكانی شەڕی داعش بكات جگە لەوەی جارێكی تر بۆی هەیە گەلی كورد ئاوارە بێت.
راشیگەیاند، شەڕی داعش شەڕێك بووە هەم بۆ كورد هەم بۆ ئێران هەم بۆ هەموو ئەوانەی دژی تیرۆریست بوون.
ئاماژەی بەوەشكرد فیلمەكە لەلایەن دەسەڵاتدارانی فەڕمی ئێرانەوە بەرهەمنەهێنراوە و بەدواداچوونیش دەكەن لەوبارەیەوە.
خەڵك- بەشی هەواڵ
سەرچاوە/ VOA
https://xelk.org/slider/268572/
ناس کورد- // نوێنەری حکومەتی هەرێم لە تاران ڕایگەیاند، کۆماری ئیسلامی ئێران دڵنیایى کردوونەتەوە کە فیلمی "تەوەکول" بۆچوونی فەرمیی حکومەتی ئێران نییە و بەدوای ئەو کەسانەشدا دەگەڕێن کە فیلمەکەیان بڵاوکردووەتەوە، دەشڵێت، داواشیان لە کونسوڵی خۆیان لە هەولێر کردووە لە کۆنفرانسێکدا ڕوونکردنەوە لەو بارەیەوە بدەن.
نازم دەباغ، نوێنەری حکومەتی هەرێم لە ئێران (دووشەممە، 25ی کانوونی دووەمی 2021) بە "دەنگی ئەمەریکا"ی ڕاگەیاند "لەبارەی فیلمی (تەوەکول) کە کاردانەوەیەکی زۆری لە هەرێمی کوردستان لێکەوتەوە، بۆ به‌دواداچوون له‌گه‌ڵ به‌رپرسانی كۆماری ئیسلامی ئێرانی له‌و بارەیەوە له‌گه‌ڵ سێ بۆ چوار له‌و كه‌ناڵانه‌ی كه‌په‌یوه‌ندیمان هه‌یە په‌یوه‌ندیمان كردووه دڵنیاییان دا کە ئه‌وه سیاسه‌تی كۆماری ئیسلامی ئێرانی نیه و وه‌كو سیاسه‌تی كۆماری ئیسلامی ئێرانی ڕێزگرتنه له سه‌ركرده‌كانی كورد و به‌تایبه‌تی ئه‌وانه‌ی كه كاریزمایان هه‌یه".
ئاماژەی بەوەشکردووە "هه‌ر بۆ ئه‌و مه‌به‌سه‌ته‌ش ئێران داوایان له سه‌ركونسوڵی خۆیان كردووه له هه‌ولێر كه‌به‌زووترین كات كۆنفڕانسێكی هه‌واڵی ببه‌ستێت، له‌و كۆنفڕانسه‌دا ڕه‌تی بكاته‌وه كه ئه‌وه كاری كۆماری ئیسلامی ئێرانی بێت، به‌ڵكو كه‌سانێك یان كۆمپانیایه‌ك ئه‌و كاره‌ی كردووه بۆ به‌رژه‌وه‌ندی خۆی و به‌دوای ئه‌وه‌شدا ده‌گه‌ڕێن كه كێ له‌پشتی ئه‌م كاره‌دا بووبێت".
نازم دەباغ باسی لەوەشکرد "من پێم وایه له ئێران ئه‌وه‌نده بیروڕاو بۆچون و خه‌ت و ئه‌ملاو ئه‌ولا هه‌یه، پێم وانیه كه‌ناڵی ڕه‌سمی به‌رپرس ئه‌م كاره‌ی كردبێت و هه‌ڵوێستی فه‌رمی كۆماری ئیسلامی ئێرانی بێت، له‌وانه‌یه كه‌سانێك هه‌بن بۆخۆی به‌سروشتی بزانن كه فیلمێكی دیكیومێنتاری بڵاو بكه‌نه‌وه، ئه‌وه‌ی خۆی زانیاری هه‌یه ئه‌گه‌رنا كوردیش ئه‌گه‌ر بیه‌وێت له‌زۆر قۆناغدا هاوكاری باشی سوپای ئێرانی وپاسدارانی كردووه له‌شه‌ڕه‌كانی دژ به‌عێراق، به‌ڵام ده‌كرێت ئێمه ئه‌وانه بكه‌ینه منه‌ت ئێمه به‌منه‌تمان نه‌زانیووه ئێمه بەڕێكه‌وتنمان زانیووه".
https://www.nasnews.com/kurd/view.php?cat=22612
"نازم دەباغ" لەگەڵ "محه‌مه‌دی حاجی مه‌حمود" دیداریی کرد
"نازم دەباغ" نوێنەری حکومەتی هەرێمی کوردستان لە ئێران لەگەڵ "محه‌مه‌دی حاجی مه‌حمود" سكرتێری حزبی سۆسیالیست دیموکراتی کوردستان کۆبووە.
"محه‌مه‌دی حاجی مه‌حمود" سكرتێری حزبی سۆسیالیست دیموکراتی کوردستان، ئەمرۆ شەمە رێکەوتی ٢٣/٠١/٢٠٢١ سەردانی نووسینگەی نوێنەرایەتی حکومەتی هەرێمی کوردستان لە شاری تارانی پێتەختی وڵاتی ئێڕانی کرد و لە لایەن "نازم عومەر دەباغ" نوێنەری حکومەتی هەرێمی کوردستان لە ئێران و "ئەمجەد باباحاجی"، "هیوا رەسول رەشید"، "لوقمان لەتیف محمد" و "فخرالدین عەزیز ساڵح" ئەندامانی نووسینگەی نوێنەرایەتی هەرێمی کوردستان پێشوازی گەرمیان لێکرا.
لە دانیشتنەکەدا باس لە بارودۆخی عێراق بە گشتی و هەرێمی کوردستان بەتایبەتی کرا و تیشک خرایە سەر مەسەلەی بەشە بودجەی هەرێمی کوردستان و موچەی فەرمانبەران، و هەروەها ناردنی شاندی هەرێمی کوردستان بۆ بەغداد، بە مەبەستی چارەسەر کردنی قەیرانی دارایی و چۆنێتی دابینکردنی موچەی فەرمانبەران لە لایەن حکومەتی فیدڕاڵی عێراقەوە.
به توندی سه‌رکۆنه‌ی ئه‌و هێرشه تیرۆرستییه خۆکوژییانه ده‌که‌ين که ئه‌مڕۆ له به‌غدا به شێوه‌يه‌كى زۆر دڕندانه هاووڵاتیانی کرده ئامانج و ژماره‌یه‌کی زۆریان شه‌هید و بریندار بوون. پرسه و سه‌ره‌خۆشی له خانه‌واده‌کانیان ده‌که‌ين و هاوسۆز و هاوخه‌میانين، هیوای سه‌لامه‌تی و زووچاکبوونه‌وه بۆ برینداران ده‌خوازين. هه‌رێمى كوردستان به هه‌موو شێوه‌يه‌ك ئاماده‌يه له نه‌خۆشخانه‌كانى پێشوازى له برينداران و به‌ركه‌وتووانى هێرشه‌كان بكات و هه‌موو خزمه‌تگوزارييه‌كى پزيشكيى پێويستيان پێشكه‌ش بكات.
ئه‌م هێرشه تيرۆرستيانه نيشانده‌رى قه‌باره‌ى مه‌ترسييه‌كانى تيرۆرن و لايه‌نه په‌يوه‌نداره‌كان و ته‌واوى هێزه سياسييه‌كانى وڵات ده‌خه‌نه به‌رده‌م به‌رپرسياريه‌تيى نيشتمانى بۆ ته‌بايى و يه‌كڕيزى و هاوبه‌شى و پێكه‌وه‌كاركردن له‌پێناو به‌ره‌نگاربوونه‌وه‌ى ته‌حه‌دييه‌كان و ده‌ربازكردنى وڵات له مه‌ترسى و ئاڵۆزى و كێشه و قه‌يرانه‌كان.
سه‌رۆكايه‌تيى هه‌رێمى كوردستان
2021/1/21
سەرۆکى هەرێمى کوردستان لەگەڵ وەزیرى بەرگریى تورکیا کۆبووەوە
نیوەڕۆى ئەمڕۆ سێشەممە 19/1/2021 بەڕێز نێچیرڤان بارزانى، سەرۆکى هەرێمى کوردستان، پێشوازى لە بەڕێز خلووسى ئاکار، وەزیرى بەرگریى تورکیا و شاندێکى یاوەرى کرد.
لە کۆبوونەوەیەکدا کە بەڕێزان جێگرانى سەرۆک، وەزیرى پێشمەرگە، سوپاسالارى هەرێمى کوردستان و بەرپرسى فەرمانگەى پەیوەندییەکانى دەرەوەى هەرێمى کوردستان، ئامادەى بوون، باس لە سەردان و دیدارەکانى بەڕێز وەزیرى بەرگریى تورکیا لە بەغدا و هەولێر کرا و هەردوولا جەختیان لە پاراستنى ئارامى و سەقامگیرى لە ناوچەکە و گرنگیى هاوکارى و هەماهەنگیى عێراق و هەرێمى کوردستان لەگەڵ تورکیا بۆ پارستنى سەقامگیریى ناوچەکە کردەوە.
سەرۆک نێچیرڤان بارزانی وێڕاى سوپاسکردنى تورکیا بۆ هاوکارییەکانى لە شەڕى دژى داعشدا بۆ عێراق و هەرێمى کوردستان، دووپاتى کردەوە کە ناکرێت خاکى عێراق و هەرێمى کوردستان وەک پێگەیەک بۆ هەڕەشەکردن لە تورکیا و وڵاتانى دراوسێ بەکار بهێنرێت و هیواى خواست لەمبارەیەوە عێراق ئەرکى خۆى جێبەجێ بکات، هەروەها شاندى میوانى دڵنیا کردەوە کە هەرێمى کوردستان وەک هەمیشە فاکتەرێکى ئارامى و سەقامگیریى ناوچەکە دەبێت.
پەرەپێدان بە پەیوەندییەکانى عێراق و هەرێمى کوردستان لەگەڵ تورکیا لە هەموو بوارەکاندا، پەیوەندییەکانی ھەولێر ـ بەغدا و کێشەکانی بەردەم پرۆسەی سیاسی و شەڕی داعش، بوارەکانى هاریکارى و هەماهەنگیى نێوان هەردوولا، دۆخى ناوچەکە بەگشتى، ڕێککەوتنى شەنگال و گرنگیى جێبەجێکردنى، گرنگیى پاراستنى سنوورەکان و ئاسایشیان، پەیوەندییەکانى عێراق و هەرێمى کوردستان لەگەڵ تورکیا، چەند تەوەرێکى دیکەى کۆبوونەوەکە بوون.
راپۆرتی كۆمپانیای (دیلۆیت)ی جیهانی سەبارەت بە وردبینی كەرتی نەوت و گاز لە هەرێمی كوردستان-عێراق (١ی کانونی دووەمی ٢٠٢٠ تا ٣٠ی ئەیلولی ٢٠٢٠)
راپۆرتی پشتڕاستکراوی تایبەت بە داتا و زانیاریی نوێ دەربارەی هەناردەكردن، بەكاربردن، خەرجی و داهاتەكانی نەوت لە (١ی کانونی دووەمی ٢٠٢٠ تا ٣٠ی ئەیلولی ٢٠٢٠) لەلایەن ئەنجومەنی هەرێمی بۆ كاروباری نەوت و گاز لە هەرێمـی كوردستان لە پێگەی ڕەسمی حكومەتی هەرێمی كوردستان بڵاوكرایەوە.
• راپۆرتەکە بە زمانەکانی کوردی و عەرەبی و ئینگلیـزی بەردەستە، شیکردنەوەیەکی چارەکە ساڵانە پێشکەش دەکات دەربارەی زانیارییەکانی هەناردەکردنی نەوت و ڕێژەی نرخەکان.
• پشتڕاستکردنەوەی زانیارییەکان لەلایەن کۆمپانیای (دیلۆیت)ەوە ئەنجام دراوە.
لە چوارچێوەی پڕۆژەی وردبینی سەربەخۆی كەرتی نەوت و گاز لە هەرێمی كوردستان و وەك بەشێك لە دەستپێشخەری تایبەت بە شەفافییەت لە بەرنامەی کاری ئەنجومەنی وەزیران، حکومەتی هەرێمی کوردستان بە بەردەوامی هەڵسەنگاندن بۆ ئاشکراکردنی زانیاری سەربار دەکات بۆ پەرەپێدانی شەفافییەت لە بواری کەرتی نەوت و گاز. بەمجۆرە، حکومەتی هەرێمی کوردستان لە ساڵی ٢٠١٧ەوە بە بەردەوامی راپۆرتەکانی وردبینیکردنی کەرتی نەوت و گاز لە هەرێمی کوردستان پشتڕاستکراوە لەلایەن کۆمپانیای (دیلۆیت)ەوە بۆ رای گشتی بڵاو دەکاتەوە. وە لە ساڵی (٢٠١٩)ەشەوە داتا و زانیاری پێشکەش کردووە دەربارەی ڕەسیدی پێشەکیدراو بە هەرێمی کوردستان کە قەرزاری کڕیارەکانی نەوتە. لە ساڵی ٢٠٢٠دا ئاشکراکردنی زانیارییەکان فراوان کران و هاوتاکردنی داتاکانی نێوان بەرهەمهێنان و هەناردەکان و بەکاربردنی ناوخۆشی گرتەوە.
ئەنجومەنی هەرێمی بۆ كاروباری نەوت و گاز بەردەوام دەبێت لەسەر كاركردن بۆ برەودان و دەوڵەمەندكردنی ڕاپۆرتەكانی وردبینی و پێداچوونەوە بە پشتبەستن بە سەرنج و پێشنیازی لایەنە پەیوەندیدارەكان، لەناویشیاندا كۆمەڵگەی نێودەوڵەتی، سەرەڕای کارکردن بە هاوبەشی لەگەڵ دامەزراوەکانی چاودێری و وردبینی هەرێمی کوردستان بۆ پەرەپێدانی توانا مرۆییە ناوخۆییەکانی بواری وردبینیی کەرتی نەوت و گاز، و حكومەتی هەرێمی كوردستان دووپاتی پابەندبوونی خۆی دەكاتەوە لە بەرامبەر هاووڵاتییانی هەرێمی كوردستان كە بەردەوام دەبێت لەسەر وردبینی و پێداچوونەوەی سەربەخۆ بۆ سێكتەری نەوت و گاز بە هەموو پرۆسە و بەشەكانییەوە.
دەتوانن دەقی راپۆرتی دیلۆیت بە ئیمزاكراوی بە فۆرمی (PDF) داتاکانی پشتڕاستكراوی نەوتی خاوی هه‌رێمی كوردستان بۆ (١ی کانونی دووەمی ٢٠٢٠ تا ٣٠ی ئەیلولی ٢٠٢٠) بە هەر سێ زمانی كوردی، عەرەبی و ئینگلیزی دەستبخەن. لە چوارچێوەی راپۆرتی دیلۆیت، پرسیار و وه‌ڵامه‌كانی سه‌باره‌ت به پرۆسه‌ی هه‌نارده كردنی نه‌وتی هه‌رێم بە هەر سێ زمانی كوردی، عەرەبی و ئینگلیزی بخوێننەوە كه بۆ روونكردنەوەی پێویست و تێگەیشتنی باشتر لە بڕگە جياوازەکانی راپۆرتی پرۆسه‌ی هه‌نارده‌كردنی نه‌وت خراوه‌ته‌ڕوو.
https://gov.krd/news-and-announcements/posts/2021/january/%D8%B1%D8%A7%D9%BE%DB%86%D8%B1%D8%AA%DB%8C-%D9%83%DB%86%D9%85%D9%BE%D8%A7%D9%86%DB%8C%D8%A7%DB%8C-%D8%AF%DB%8C%D9%84%DB%86%DB%8C%D8%AA-%DB%8C-%D8%AC%DB%8C%D9%87%D8%A7%D9%86%DB%8C-%D8%B3%DB%95%D8%A8%D8%A7%D8%B1%DB%95%D8%AA-%D8%A8%DB%95-%D9%88%D8%B1%D8%AF%D8%A8%DB%8C%D9%86%DB%8C-%D9%83%DB%95%D8%B1%D8%AA%DB%8C-%D9%86%DB%95%D9%88%D8%AA-%D9%88-%DA%AF%D8%A7%D8%B2-%D9%84%DB%95-%D9%87%DB%95%D8%B1%DB%8E%D9%85%DB%8C-%D9%83%D9%88%D8%B1%D8%AF%D8%B3%D8%AA%D8%A7%D9%86-%D8%B9%DB%8E%D8%B1%D8%A7%D9%82-%D9%A1%DB%8C-%DA%A9%D8%A7%D9%86%D9%88%D9%86%DB%8C-%D8%AF%D9%88%D9%88%DB%95%D9%85%DB%8C-%D9%A2%D9%A0%D9%A2%D9%A0-%D8%AA%D8%A7-%D9%A3%D9%A0%DB%8C-%D8%A6%DB%95%DB%8C%D9%84%D9%88%D9%84%DB%8C-%D9%A2%D9%A0%D9%A2%D9%A0/
More...
سەلام عارف روشدی بەشداریی لە کۆبوونەوە‌ی سەفین دزەیى لەگەڵ نێردە دیپلۆماسییەکان کرد
نازم دەباغ: شەڕەقسەی پارتی دیموکراتی کوردستان لەگەڵ پەکەکە سەرکەوتنی بەدواوەنییە
ئەنجومەنی باڵای ئابووریی هەرێمی کوردستان ئامادەکارییەکانی پڕۆژە یاسای بودجەی 2021 تاووتوێ دەکات
دوایین هەواڵەکان
- پهيامى سه‌رۆك نێچيرڤان بارزانى بۆ ساڵى نوێ
- پەیامی سەرۆکی حکومەتی هەرێمی کوردستان بە بۆنەی سەری ساڵی نوێی زایینی2025
- سه‌رۆكى هه‌رێمى كوردستان، پێشوازيى له كونسوڵی گشتيى نوێى ئێران كرد
- عەباس غەزالی: کۆچی مامۆستا مهنسوور یاقووتی وهک لهدهست چونی یاقووتێکی گرانبههایه
- سهرۆک نێچیرڤان بارزانی له‌گه‌ڵ وهزیری بهرگریی هۆڵهندا کۆبووهوه
- سه‌رۆك نێچيرڤان بارزانى پێشوازيى له ئيسماعيل بهشيكچى كرد
- سه‌رۆك نێچيرڤان بارزانى و وهزيرى بهرگريى ئيتاڵيا كۆبوونهوه
- سه‌رۆك نێچيرڤان بارزانى له‌گه‌ڵ فەرماندەی هێزەکانی هاوپەیمانيی نێودەوڵەتی كۆبووهوه
- سه‌رۆك نێچيرڤان بارزانى پێشوازیی له باڵيۆزى نوێى چيك كرد
- سەرۆک نێچیرڤان بارزانی پێشوازیی لە سوپاسالاری بەریتانیا کرد