ئێوارەی ئەمڕۆ پێنجشەممە 5ـی 3ـی 2015 لە شاری هەولێر بەڕێز مەسعود بارزانی سەرۆكی هەرێمی كوردستان بە مەبەستی هەواڵپرسین و دیداری لەگەڵ كەسایەتی و سیاسەتمەداری ناوداری كوردستان و عێراق مامۆستا عەزیز موحەمەد سەردانی ماڵی مامۆستا عەزیز موحەمەد كرد.

لەم سەردانەدا سەرۆك بارزانی وێڕای هەواڵپرسین، ڕۆڵی مامۆستا عەزیز موحەمەدی لە ژیانی سیاسیی گەلی كوردستان و عێراق لە قۆناغە جیاجیاكان بەرز نرخاند و هیوای تەندروستی و خۆشی بۆ خواست.