هەرێمی کوردستان
سه‌رۆك نێچيرڤان بارزانى و سه‌رۆك ئيلهام عه‌ليێڤ جه‌خت له بره‌ودان به په‌يوه‌ندييه‌كان ده‌كه‌نه‌وه
بعد وصوله في زيارة رسمية إلى العاصمة الأذربيجانية، باكو، استقبل فخامة رئيس إقليم كوردستان السيد نيجيرفان بارزاني، ظهر اليوم الثلاثاء 18 تموز 2023، بحفاوة من قبل فخامة الرئيس الأذربيجاني السيد إلهام علييف، وذلك في القصر الجمهوري.
وفي اجتماع ثنائي ودي، أكد الجانبان على تعزيز علاقات أذربيجان مع العراق وإقليم كوردستان في المجالات كافة، وخاصة في مجالات الاقتصاد والتجارة والسياحة والطاقة، وبحث الجانبان فرص الاستثمار وتشغيل رؤوس أموال الشركات الأذربيجانية في إقليم كوردستان وعموم العراق.
في هذا السياق، جرى التأكيد على أهمية افتتاح قنصلية عامة أذربيجانية بإقليم كوردستان، والتي كان قد تقرر افتتاحها في وقت سابق، وبحثت إجراءات افتتاحها في المستقبل القريب والعمل على تعزيز العلاقات والتعاون المشترك بين الجانبين.
كما بحثت الإجراءات والخطوات الأخيرة لتسيير رحلات جوية مباشرة بين أربيل وباكو وبين باكو وبغداد ومناطق أخرى من العراق وتقديم التسهيلات في منح تأشيرات السفر وتبادل الزيارات والوفود بين الجانبين.
بعد ذلك، وفي اجتماع آخر حضره وفدا الجانبين وشارك فيه السيد القائم بأعمال السفارة العراقية في باكو، بحثت قنوات التواصل وإجراءات متابعة المحاور التي تناولها اجتماع الرئيسين في سبيل توطيد العلاقات، واتخذت القرارات اللازمة بشأنها.
سه‌رۆک نێچیرڤان بارزانی سه‌ردانی باکو ده‌کات
به‌ڕێز نێچیرڤان بارزانی، سه‌رۆکی هه‌رێمی کوردستان به سه‌ردانێکی فه‌رمی ده‌چێته ئازه‌ربایجان و سبه‌ی سێشه‌ممه ٢٠٢٣/٧/١٨ له باکو له‌گه‌ڵ به‌ڕێز ئیلهام عه‌لیێڤ سه‌رۆکی ئازه‌ربایجان کۆده‌بێته‌وه.
به‌ڕێزان سه‌رۆکی هه‌رێمی کوردستان و سه‌رۆکی ئازه‌ربایجان په‌یوه‌ندییه‌کانی ئازه‌ربایجان له‌گه‌ڵ عێراق و هه‌رێمی کوردستان و بره‌ودان به هاریکاریی هاوبه‌ش له بواره جیاکاندا تاوتوێ ده‌که‌ن.
https://presidency.gov.krd/president-nechirvan-barzani-visits-baku/
سه‌رۆك نێچيرڤان بارزانى سكووڵه‌رشيب بۆ ده‌رچووانى ئه‌مساڵى يه‌كه‌م و دووه‌م و سێيه‌مى ئاماده‌يى دابين ده‌كات
نيوه‌ڕۆى ئه‌مڕۆ دووشه‌ممه 2023/7/10 به‌ڕێز نێچيرڤان بارزانى، سه‌رۆكى هه‌رێمى كوردستان پێشوازى له يه‌كه‌م و دووه‌م و سێيه‌مه‌كانى ده‌رچووى ئاماده‌يى له‌سه‌ر ئاستى هه‌رێمى كوردستان و دايكوباوك و كه‌سوكاريان كرد.
له ديدارێكدا كه به‌ڕێزان وه‌زيرى په‌روه‌رده‌ى هه‌رێمى كوردستان و ژماره‌يه‌ك له به‌رپرسانى وه‌زاره‌ت ئاماده‌ى بوون، سه‌رۆك نێچيرڤان بارزانى وته‌يه‌كى پێشكه‌ش كرد و تيايدا به گه‌رمى پيرۆزبايى له ده‌رچووان كرد و هيواى سه‌ركه‌وتنى بۆ خواستن.
به‌ڕێزيان دووپاتى كرده‌وه كه له‌گه‌ڵ خێزان و كه‌سوكاريان، هه‌رێمى كوردستان به‌گشتى شانازى به‌وانه‌وه ده‌كات و دڵنياى كردنه‌وه كه سكووڵه‌رشيب بۆ هه‌موو ده‌رچووانى ئه‌مساڵى يه‌كه‌م و دووه‌م و سێيه‌مى ئاماده‌يى له‌سه‌ر ئاستى هه‌رێمى كوردستان دابين ده‌كات تا له زانكۆكانى ناوخۆ و ده‌ره‌وه به‌رده‌وامى به خوێندن بده‌ن، بۆ ئه‌م مه‌به‌سته‌ش به‌ڕێز وه‌زيرى په‌روه‌رده‌ى هه‌رێمى كوردستانى ڕاسپارد بۆ كارى پێويست.
سه‌رۆك نێچيرڤان بارزانى سوپاس و پيرۆزبايى له كه‌سوكارى ده‌رچووان و مامۆستايانيان و له به‌ڕێزان وه‌زيرى په‌روه‌رده و ستافى وه‌زاره‌ت كرد و وه‌ك به‌شێكى ئه‌و سه‌ركه‌وتنه‌ى له قه‌ڵه‌م دان، جه‌ختيشى له‌وه كرده‌وه كه ده‌رچووانى ئاماده‌يى له‌و ئاسته به‌رزه‌دا سه‌ركرده‌ى داهاتووى وڵاتن و ده‌توانن خزمه‌ت به گه‌ل و وڵاته‌كه‌يان بكه‌ن. به‌ڕێزيان هه‌روه‌ها ڕێز و پێزانينى بۆ شه‌ونخوونى و ماندووبوونى ده‌رچووان ده‌ربڕى.
لاى خۆيه‌وه به‌ڕێز ئالان حه‌مه سه‌عيد وه‌زيرى په‌روه‌رده و ده‌رچووان و كه‌سوكاريان، سوپاس و پێزانينيان بۆ به‌ڕێز سه‌رۆكى هه‌رێمى كورستانيان ده‌ربڕى بۆ سكووڵه‌رشيب و پشتگيرى و هاندانيان.
له ديداره‌كه‌دا چه‌ند بيروڕا و سه‌رنج و تێبينييه‌ك ده‌رباره‌ى پرۆسه‌ى خوێندن و كێشه‌كانى به‌گشتى و ده‌رفه‌تى كار بۆ ده‌رچووانى زانكۆ و چه‌ند بابه‌تێكى ديكه‌ى په‌يوه‌نديدار به خوێندن و پرۆسه‌ى په‌روه‌رده‌وه، خرانه ڕوو.
سه‌رۆك نێچيرڤان بارزانى له سه‌ره‌تاى قسه‌كانيدا گوتى:
”هەموو لایەكتان بە خێر بێن. لە هەر شوێنێكی كوردستانەوە هاتوون، بەخێر بێن سەر چاوان. دەمەوێ پیرۆزباییەكی گەرم لە هەر هەمووتان بكەم، هيوادارم سەركەوتوو و سه‌رفراز بن. ئێوە قۆناغێكی زۆر گرنگی ژیانتان تەواو كرد بە سەركەوتوویی، هیوادارم قۆناغەكانی تری خوێندنیشتان هەروەك ئەوەی ئێستا بە سەركەوتوویی و بە خۆشی تەواو بكەن.”
به‌ڕێزيان هه‌روه‌ها ستايشى خێزانى ده‌رچووانى كرد و گوتى: “بەبێ پشتگیریی خێزانەكانتان، دایكوباوك و كەسوكارتان، دڵنیام نەتاندەتوانی ئەمڕۆ ئەو سەركەوتنە بەدەست بهێنن. پیرۆزبایی و دەستخۆشی و سوپاسێكی گەرم لە ماڵباتی ئێوە دەكەم، هيوادارم ئەوانیش سه‌رفراز و سەركەوتوو بن.”
به‌ڕێزيان هه‌روه‌ها به ده‌رچووانى گوت: “ئێوە لەم قۆناغەی كە ئێستا بەجێتان هێشت و پێتان خستە قوناغێكی نوێ لە خوێندندا، بە دڵنیاییەوە ئەزیەتی زۆرتان كێشاوە تا ئەمەتان بەدەستهێناوە. بە ڕاستی ئێمە شانازیتان پێوە دەكەین، ئەمڕۆ كوردستان پێویستی بە ئێوه‌یە، قۆناغی ئەمڕۆی كوردستان پێویستیی بەوە هەیە ئێوە بە چەكی قەڵەم و بە چەكی زانست خۆتان پڕچەك بەكەن.”
له به‌شێكى ديكه‌ى قسه‌كانيدا، به‌ڕێز سه‌رۆكى هه‌رێمى كوردستان گوتى: “ئێوە ئایندەی ئەم وڵاتەن، ئایندەی ئەم وڵاتە بەدەست ئێوەیە و ئەمەی ئەمڕۆ جێگەی خۆشحاڵیييه سەیرم كرد كە دەهاتنە ژوورەوە تا حەدێكی زۆر ئافرەت و كچ لەناو ئەو سەركەوتووانەدا دیارن، ئەمەش خۆی جێگەی شانازییە. ئایندەی ئەم مللەتە بە دەست ئێوەیە و ئایندەی ئەم مللەتە لەم قۆناغەدا زانستە، خوێندنە، خۆپێگەیاندنە بۆ ئەوەی ئێمەش بگەین بە كاروانی ئەو وڵاتانەی كە پێشكەوتوون. ئەو ئاڵایە هەڵگرن و كوردستان سەربەرز بكەن، بەرەو پێشەوە و بەرەو قۆناغی نوێى ببەن و ئایندە هی ئێوەیە.”
سه‌رۆك نێچيرڤان بارزانى هه‌روه‌ها سوپاسی وەزارەت و ستافی وەزارەتى كرد و گوتى: “سوپاسی جەنابی وەزیر و جێگری وەزیر و هەموو ئەو بەڕێزانە دەكەم كە هەر یەكێك بە شێوەیەك ماندوو بوون لەگەڵ ئێوە، بەڵام سوپاسێكی تایبەتیم بۆ مامۆستایانی ئێوە هەیە. لێرەوە دەمەوێ دەنگی خۆم بگەیەنم بە وان و سوپاسیان بكەم و پێیان بڵێم سوپاستان دەكەین بۆ ئەو ماندوبوونە، سوپاستان دەكەین كە ئێوە بە هەموو ئەو دۆخە ناخۆشەی هەبووە قەت نەتانهێشتووە پرۆسەی خوێندن لە كوردستان ڕابگیرێ و بەردەوام بوون.
له كۆتاييدا به‌ڕێزيان ڕوو له ده‌رچووان گوتى: “دڵنیا بن ئێوە جێی شانازین بۆ كوردستان بە هەموو پێكهاتەكانییەوە. ئەم ئەمانەتە لەدەست ئێوەدایە و بە هەموو هێز و توانا ئەم ئەمانەتە وەربگرن و بەرەو پێشەوەی ببەن. هيوادارم هەمووتان تەمەندرێژ دەبن و لە ژیانی خۆتان سەركەوتوو دەبن. جارێكی دیكە بە خێر بێن.”
سه‌رۆكى هه‌رێمى كوردستان ماڵئاوايى له كونسولى فه‌ره‌نسا ده‌كات
ئه‌مڕۆ يه‌كشه‌ممه 2023/7/2 به‌ڕێز نێچيرڤان بارزانى، سه‌رۆكى هه‌رێمى كوردستان، پێشوازى له به‌ڕێز ئۆليڤيێ ديكۆتينى، كونسولى گشتيى فه‌ره‌نسا له هه‌رێمى كوردستان كرد كە بۆ ماڵئاوايى و به‌بۆنه‌ى كۆتاييهاتنى ئه‌ركييه‌وه، سەردانی بەڕێز سەرۆكی هەرێمی كردبوو.
له ديدارێكدا سه‌رۆك نێچيرڤان بارزانى سوپاس و پێزانينى بۆ ئه‌رك و هه‌وڵه‌كانى به‌ڕێز ديكۆتينى بۆ بره‌ودان به په‌يوه‌ندييه‌كانى هه‌رێمى كوردستان و فه‌ره‌نسا دووپات كرده‌وه و هيواى سه‌ركه‌وتنى له پۆست و ئه‌ركى تازه‌يدا بۆ خواست.
لاى خۆيەوه به‌ڕێز كونسولى گشتيى فه‌ره‌نسا سوپاس و پێزانينى پێشكه‌ش به سه‌رۆك نێچيرڤان بارزانى و لايه‌نه په‌يوه‌نديداره‌كانى هه‌رێمى كوردستان كرد بۆ هاوكارى و پشتگيرييان له ئه‌ركەكانى و هيواى خواست به هه‌مان شێوه له‌گه‌ڵ جێگره‌وه‌كه‌ى به‌رده‌وام بن، هه‌روه‌ها به پێزانينه‌وه باسى له ڕۆڵى به‌ڕێز سه‌رۆكى هه‌رێمى كوردستان كرد له به‌ره‌وپێشبردنى په‌يوه‌ندييه‌كانى هه‌رێمى كوردستان و فه‌ره‌نسا.
بره‌ودان به په‌يوه‌ندييه‌كانى فه‌ره‌نسا له‌گه‌ڵ هه‌رێمى كوردستان و چه‌ند پرسێكى جێى بايه‌خى هاوبه‌ش، ته‌وه‌رێكى ديكه‌ى ديداره‌كه بوو.
https://presidency.gov.krd/president-of-the-kurdistan-region-he-says-goodbye-to-the-french-consul/
په‌یامی سه‌رۆک نێچیرڤان بارزانی به‌بۆنه جه‌ژنی پیرۆزی قوربانه‌وه
به گه‌رمی جه‌ژنی قوربان له ته‌واوی موسڵمانان له کوردستان، عێراق و جیهان پیرۆز ده‌که‌م. هیوادارم هه‌مووان جه‌ژن و پشوویه‌کی خۆش و ئارام و ئاسووده به‌سه‌ر به‌رن.
با هه‌موومان په‌یام و ماناکانی جه‌ژن له گه‌ردنئازادی و پێکهاتنه‌وه و ئاشته‌وایی، بکه‌ینه ده‌رفه‌تێکی تازه‌ی نوێکردنه‌وه‌ی په‌یوه‌ندیمان و لاپه‌ڕه‌یه‌کی تازه له‌گه‌ڵ یه‌کتردا بکه‌ینه‌وه.
گه‌لی کوردستان له هه‌موو شتێک زیاتر چاوه‌ڕوانیی ئه‌وه‌ی له هێز و لایه‌نه سیاسییه‌کان هه‌‌یه جه‌ژن بکه‌نه ده‌رفه‌تی یه‌کڕیزی و ته‌بایی و پێکه‌وه‌یی، تا هه‌موومان پێکه‌وه بتوانین به‌ره‌و داهاتوویه‌کی باشتر هه‌نگاو بنێین. با هه‌موو لایه‌ک به‌پیر ئه‌و چاوه‌ڕوانییه‌وه بچین.
جه‌ژنی هه‌مووتان پیرۆز بێت، هه‌موو ساڵێک به خۆشی.
نێچیرڤان بارزانی
سه‌رۆکی هه‌رێمی کوردستان
٢٠٢٣/٦/٢٧
https://presidency.gov.krd/president-nechirvan-barzanis-message-on-eid-al-adha/
سه‌رۆكى هه‌رێمى كوردستان و سكرتێرى ده‌وڵه‌ت له وه‌زاره‌تى ئابووريى ئه‌ڵمانيا، هاريكاريى هاوبه‌ش تاوتوێ ده‌كه‌ن
به‌ڕێز نێچيرڤان بارزانى، سه‌رۆكى هه‌رێمى كوردستان، نيوه‌ڕۆى ئه‌مڕۆ دووشه‌ممه 2023/6/26 له به‌رلين له‌گه‌ڵ خاتوو فرانسيسكا برانتنه‌ر، سكرتێرى ده‌وڵه‌ت له وه‌زاره‌تى ئابووريى ئه‌ڵمانيا كۆبووه‌وه.
له كۆبوونه‌وه‌كه‌دا که به ئامابوونی به‌ڕێزان باڵیۆزی عێراق و نوێنه‌ری حكوومه‌تی هه‌رێمی كوردستان له به‌رلین به‌ڕێوه چوو، هه‌ردوولا باسيان له ئاڵنگارییه‌کانی به‌رده‌م عێراق كرد بە تایبەتی له گۆڕینى كه‌شوهه‌وا و كه‌مبوونه‌وه‌ى ئاو و وشه‌كه‌ساڵى و به‌بیابان بوون كه هه‌موو ئه‌وانه وا ده‌كه‌ن عێراق پێويستييان به پشتيوانى و يارمه‌تى و شاره‌زاییی ده‌ره‌کی هه‌بێت.
هه‌ردوولا هاوڕا بوون له‌سه‌ر گرنگيى هه‌بوونى به‌رنامه‌يه‌كى تۆكمه بۆ ڕووبه‌ڕووبوونه‌وه‌ى ئه‌و ئاڵنگارییانه له عێراق و له‌مباره‌يه‌وه جه‌ختيان له پێويستى و گرنگيى يارمه‌تيدانى عێراق كرده‌وه به‌تایبه‌تی له بواری وزه‌ی نوێ و که‌مکردنه‌وه‌ی پشتبه‌ستن به نه‌وت و هاندانی که‌رتی تایبه‌ت و وه‌به‌رهێنانی ئه‌ڵمانی له عێراق و هه‌رێمی کوردستان.
دوایین هەواڵەکان
- «سەلام رشدی» له‌گه‌ڵ «سەفین دزەیى» بەرپرسى پەیوەندییەکانى دەرەوە کۆبووه
- پهيامى سه‌رۆك نێچيرڤان بارزانى بۆ ساڵى نوێ
- پەیامی سەرۆکی حکومەتی هەرێمی کوردستان بە بۆنەی سەری ساڵی نوێی زایینی2025
- سه‌رۆكى هه‌رێمى كوردستان، پێشوازيى له كونسوڵی گشتيى نوێى ئێران كرد
- عەباس غەزالی: کۆچی مامۆستا مهنسوور یاقووتی وهک لهدهست چونی یاقووتێکی گرانبههایه
- سه‌رۆک نێچیرڤان بارزانی له‌گه‌ڵ وهزیری بهرگریی هۆڵهندا کۆبووهوه
- سه‌رۆك نێچيرڤان بارزانى پێشوازيى له ئيسماعيل بهشيكچى كرد
- سه‌رۆك نێچيرڤان بارزانى و وه‌زيرى بهرگريى ئيتاڵيا كۆبوونهوه
- سه‌رۆك نێچيرڤان بارزانى له‌گه‌ڵ فەرماندەی هێزەکانی هاوپەیمانيی نێودەوڵەتی كۆبووه‌وه
- سه‌رۆك نێچيرڤان بارزانى پێشوازیی له باڵيۆزى نوێى چيك كرد