"نازم دەباغ" نوێنەرى هەرێمى کوردستان لە تاران، لەگەڵ "پال فولی" باڵیۆزى وڵاتی ئوستڕالیا لە ئێران دیداری کرد.
"نازم عومەر دەباغ" نوێنەرى حکوومەتى هەرێمى کوردستان لە وڵاتی ئێران سەر لە بەیانى ئەمرۆ چوارشەمە (16/7/2014) لە نووسینگەى نوێنەرایەتى حکوومەتى هەرێمى کوردستان لە تاران، پێشوازى لە "پال فولی" باڵیۆزى وڵاتی ئوستڕالیا لە کۆمارى ئیسلامى ئێران کرد.
لە دانیشتنەکەدا هەر دوو لایەن باسیان لە بارودۆخى ئێستاى عێراق و ناوچەکە کرد و "پال فولی" باڵیۆزى ئوستڕالیا لە تاران پێی وابوو کە هەرێمى کوردستان هەڵوێستێکى باشیان نواندووە لە بەرامبەر تیرۆریستان و داعش بە پارێزگارى کردنى و داکۆکی ناوچەکانى خۆیان و لە لایەن "نازم دەباغ" نوێنەرى هەرێمى کوردستانەوە روونکردنەوەى پێویست لەسەر بارودۆخەکە خرایەڕوو.