«نازم ده‌باغ» له‌گه‌ڵ «لویس رومرو دیاس» کۆنسولی باڵیۆزخانەی ئیسپانیا لە تاران دیداریی کرد
«نازم ده‌باغ» نوێنه‌رى حکومه‌تى هه‌رێمى کوردستان له شاری تاران، له‌گه‌ڵ «لویس رومرو دیاس» کۆنسولی باڵیۆزخانەی ئیسپانیا لە وڵاتی ئێران کۆبۆوه.
«لویس رومرو دیاس» کۆنسولی باڵیۆزخانەی ئیسپانیا لە تاران، کاتژمێر ١١ی پێش نیوه‌ڕۆی ئه‌مڕۆ سێشەمە ڕێکەوتی ٠٩/٠٨/٢٠٢٢ سه‌ردانی نووسینگەی نوێنەرایه‌تی حکومه‌تى هه‌رێمى کوردستان له شاری تارانی کرد و له لایه‌ن «نازم عومه‌رده‌باغ» نوێنه‌رى حکومه‌تى هه‌رێمى کوردستان له وڵاتی ئێران و هەروەها «سەلام عارف روشدی» جێگری نوێنەری حکومه‌تى هه‌رێمى کوردستان لە تاران، پێشوازی لێکرا.
له‌م دیداره‌دا، باسی باروودۆخی دواپێشهاتەکانی ناوچەکە و پەیوەندییەکانی نێوان حکومەتی هه‌رێمى کوردستان و عێراق و پێکهێنانی حکومەتی نوێ عێراق کرا.
له به‌شێکی دیکه‌ی ئه‌م کۆبوونه‌وه‌یه‌دا، دوو لایه‌ن باسیان له گرینگی یەک هەڵوێستی لایه‌نه‌کانی هه‌رێمى کوردستان سەبارەت بە هەڵبژاردنی پێشوەخت کرد.
له درێژه‌ی ئه‌م دیداره‌دا، «نازم ده‌باغ» نوێنه‌رى حکومه‌تى هه‌رێمى کوردستان له تاران، جەختی لە یەک هەڵوێستی لایه‌نە کوردییەکان کرد و خوازیاریی پتەوکردن و بەردەوامی پەیوەندییەکانی نێوان وڵاتی ئیسپانیا و حکومەتی هه‌رێمى کوردستان بوو.
سەرۆك نێچیرڤان بارزانی پێشوازی لە كونسولی ئەڵمانیا دەكات
ئەمڕۆ یەكشەممە 7/8/2022 بەڕێز نێچیرڤان بارزانی، سەرۆكی هەرێمی كوردستان، بە بۆنەی كۆتاییهاتنی كارەكانییەوە، پێشوازی لە بەڕێز کلێمنس زێمتنەر كونسولی گشتیی ئەڵمانیا لە هەرێمی كوردستان كرد.
لە دیدارێكدا سەرۆك نێچیرڤان بارزانی سوپاس و پێزانینی بۆ کار و هەوڵه‌کانی بەڕێز كونسولی گشتیی ئەڵمانیا بۆ برەودانی پەیوەندییەكانی وڵاتەكەی لەگەڵ هەرێمی كوردستان دەربڕی و هیوای سەركەوتنی لە ئەركی تازەیدا بۆ خواست.
لای خۆیەوە بەڕێز كونسولی گشتیی ئەڵمانیا خۆشحاڵیی خۆی بۆ كاركردنی لە هەرێمی كوردستان نیشان دا و سوپاس و پێزانینی بۆ هاوكاری و پشتگیریی لایەنە پەیوەندیدارەكانی هەرێمی كوردستان لە كار و چالاكییەكانی لە ماوەی كاركردنیدا دووپات كردەوە، هه‌روه‌ها ڕۆڵ و هەوڵەكانی سەرۆك نێچیرڤان بارزانی لەپێناو كۆكردنەوەی لایەنەكان و یەكخستنیاندا بەرز نرخاند.
پەیوەندییەكانی عێراق و هەرێمی كوردستان لەگەڵ ئەڵمانیا، پرۆسەی سیاسیی عێراق، دۆخی شەنگال و چەند بابەتێكی دیكە، لایەنێكی دیكەی دیدارەكە بوو.
https://presidency.gov.krd/president-nechirvan-barzani-receives-the-german-consul-general/
پەیامی سەرۆکی حکومەتی هەرێمی کوردستان بۆ ساڵیادی جێنۆسایدی بارزانییەکان
هەولێر، هەرێمی کوردستان، عێراق (GOV.KRD)- ئەمڕۆ یادی یەکێک لە تاوانە گەورە و لەبیرنەکراوەکانی ڕژێمی پێشووی عێراق دەکەینەوە کە کۆمەڵکوژیی و جێنۆسایدکردنی نزیکەی هەشت هەزار مرۆڤی بێتاوانی بارزانییە. یادکردنەوەی قوربانییانی ئەم تاوانە، ئەمسال زۆر خەمناکترە، چونکە هاوکاتە لە گەڵ هێنانەوەی ڕووفاتی سەد ئەنفالکراوی دیکەی بارزانی، لە بیابانەکانی باشووری عێراقەوە بۆ کوردستان و زێدی خۆیان لە بارزان.
دەڤەری بارزان، زیاتر لە سەدەیەکە مەڵبەندی کوردایەتیی و شۆڕش و ڕاپەڕین بووە لە دژی ستەم و زۆرداریی و داگیرکاری. پەناگەیەکی لێبوردە و ئارام بووە، بۆ هەموو ئەوانەی لە دژی بێدادی و ستەمکاری ڕوویان تێکردووە. بۆیە هەمیشە ئەو دەڤەرە، وەک هەموو ناوچەکانی دیکەی کوردستان، ڕووبەڕووی هێرش و پەلاماری سەربازی و وێرانکاری و بۆمباران و بەکارهێنانی چەکی قەدەخە بووەتەوە.
شاڵاوی جێنۆسایدی بارزانییەکانیش، بەشێکە لە زنجیرەیەک تاوان لە دژی ئەم دەڤەرە و هەموو ناوچەکانی دیکەی کوردستان، کە بووە دەستپێکیش بۆ ئەنجامدانی شاڵاوەکانی ئەنفال و کیمیابارانکردنی کوردستان .
لە یادی ئەم کۆمەڵکوژییە هۆڤانەدا، بە ڕێز و شکۆوە یادی شەهیدانی ئەنفالکراوی بارزانییەکان و سەرجەم شەهیدانی کوردستان دەکەینەوە، یادکردنەوەی جینۆسایدکردنی بارزانییەکان، لە هەمانکاتدا یادکردنەوەی هەموو ئەنفالکراوان و شەهیدانی کوردستانە لە گەرمیان و بادینان و بالیسان و شێخ وەسانان و کوردی فەیلی و شنگال .
هەروەها پێویستە بە پێزانینەوە، یادی قوربانیدان و خۆڕاگری دایکانی میهرەبان و کەسوکاری قوربانییەکان بکەینەوە، کە زۆر سەربەرزانە ڕووبەڕووی سەختییەکانی ژیان و لێکەوتەکانی ئەم تاوانە گەورەیە بوونەوە. هەروەها سوپاسی جوامێری و بەهاناوە چوون و هاریکاری و هاوسۆزی خەڵکی هەولێر و ناوچەکانی دیکەی کوردستان دەکەین بۆ کەسوکاری ئەنفالکراوان.
لەم یادەدا، جارێکی دیکەش پێداگری لە سەر قەرەبووکردنەوەی کەسوکاری قوربانییانی شاڵاوەکانی جێنۆساید و ئەنفال دەکەینەوە، کە دەبێ لەلایەن حکومەتی فیدراڵی، بە شێوەیەکی شایستە قەرەبوو بکرێنەوە هەروەک لە دەستووردا هاتووە، کە بەداخەوە ساڵانێکی زۆرە، وەک زۆر ماددەی دیکەی دەستوور، بابەتی قەرەبووکردنەوەی قوربانییەکانی دەستی ڕژێمی پێشوو، پشتگوێ خراوە و نابێ چیتر ئەم بابەتە فەرامۆش بکرێت.
پێویستە گەلی کوردستان، ئەم تاوانانەیان هەمیشە لە بیر بێت کە بەرامبەر بە خەڵکی کوردستان کراون و جارێکی دیکە، لە ژێر هیچ پاساوێک و بۆ هیچ مەرامێک، نابێت ئامادەبن ئازادی و حوکمڕانی و خۆبەڕێوەبەری خەڵکی کوردستان، بکەنە قوربانی و لە دەستی بدەن.
لە ساڵیادی جێنۆسایدکردنی بارزانییەکان، سڵاو لە گیانی پاکی سەرجەم شەهیدان و ئەنفالکراوانی کوردستان .
هەمیشە لە یادمانن و بە شکۆوە یادیان دەکەینەوە .
مەسرور بارزانی
سەرۆکی حکومەتی هەرێمی کوردستان
31ی تەمموزی 2022
په‌يامى سه‌رۆك نێچيرڤان بارزانى له يادى ئه‌نفالى بارزانيياندا
ئه‌مڕۆ له سى و نۆ ساڵه‌ى يادى جينۆسايد و ئه‌نفالكردنى هه‌شت هه‌زار مێردمنداڵ و گه‌نج و پياوى سڤيلى بارزانيدا، سه‌رى ڕێز و نه‌وازش له‌به‌رده‌م گيانى پاكى ئه‌نفالكراواندا داده‌نوێنين، به‌وپه‌ڕى شكۆوه ياديان ده‌كه‌ينه‌وه.
سڵاو و ڕێز بۆ خێزان و كه‌سوكاريان ده‌نێرين كه دواى ئه‌و تاوان و مه‌رگه‌ساته، به‌رگه‌ى ژيانێكى زۆر سه‌خت و تاڵيان گرت و هه‌زاران دايكى سه‌ربه‌رز، به ته‌نيا و بێچاره ئه‌ركى بژێو و په‌‌روه‌رده‌كردنى منداڵانيان كه‌وته ئه‌ستۆ و نه‌وه‌يه‌كى دڵسۆزيان پێگه‌ياند. ئه‌و دايكانه مايه‌ى شانازين و ده‌ستيان ماچ ده‌كه‌م.
وه‌ك چۆن هه‌موو ئه‌و تاوان و مه‌رگه‌ساتانه‌ى مێژوو نه‌يانتوانى ئيراده‌ى گه‌لى كوردستان بۆ ژيان و مانه‌وه بشكێنن، بێسه‌روشوێنكردن و ئه‌نفالى بارزانييه‌كانيش هێزێكى گه‌وره‌ترى به‌خشيه به‌رخودانى گه‌لى كوردستان و تێكۆشانى له‌پێناو ئازاديدا و تاوانبارانى ئه‌نفال نابوود بوون.
ئه‌مڕۆ له‌م ياده‌دا كه ڕوفاتى سه‌د ئه‌نفالكراوى بارزانى به خاكى پيرۆزى نيشتمان ده‌سپێرين، دڵ و هۆش و خه‌ياڵم لاى دايك و هاوسه‌ر و خوشكانى جگه‌رسووتاوى ئه‌نفالكراوان و منداڵ و كه‌سوكاريانه، هاوسۆز و هاوخه‌ميانم. سوپاس و پێزانين بۆ خه‌ڵكى جوامێر‌ى هه‌ولێر و هه‌موو ئه‌وانه‌ى يارمه‌تيى كه‌سوكارى ئه‌نفالكراوانيان دا.
سڵاو و دروود بۆ گيانى پاكى شه‌هيدان، ياديان هه‌ميشه به خێر.
نێچيرڤان بارزانى
سه‌رۆكى هه‌رێمى كوردستان
2022/7/31
https://presidency.gov.krd/message-of-president-nechirvan-barzani-on-the-occasion-of-the-barzani-anfal/
سه‌رۆكى هه‌رێمى كوردستان به‌شدارى له ڕێوڕه‌سمى پێشوازيى ڕوفاتى ئه‌نفالكراوانى بارزانيدا ده‌كات
ئێواره‌ى ئه‌مڕۆ شه‌ممه 2022/7/30 به‌ڕێز نێچيرڤان بارزانى، سه‌رۆكى هه‌رێمى كوردستان، به ئاماده‌بوونى به‌ڕێز سه‌رۆك مه‌سعوود بارزانى، به‌شدارى له ڕێوڕه‌سمى پێشوازيكردن له گه‌ڕاندنه‌وه‌ى ڕوفاتى سه‌د ئه‌نفالكراوى بارزانيدا كرد كه له فڕۆكه‌خانه‌ى نێوده‌وڵه‌تيى هه‌ولێر به‌ڕێوه چوو.
له ڕێوڕه‌سمه‌كه‌دا كه به‌ڕێزان نوێنه‌رى سكرتێرى گشتيى نه‌ته‌وه يه‌كگرتووه‌كان، سه‌رۆكى په‌رله‌مانى كوردستان، جێگرانى سه‌رۆكى هه‌رێمى كورستان، جێگرى سه‌رۆك وه‌زيرانى هه‌رێمى كوردستان، نوێنه‌رى سه‌رۆك وه‌زيرانى عێراق، جێگرى سه‌رۆكى ئه‌نجومه‌نى نوێنه‌رانى عێراق و ژماره‌يه‌ك له به‌رپرسانى باڵاى هه‌رێمى كوردستان و عێراق و نوێنه‌رانى لايه‌نه سياسييه‌كان و پێكهاته‌كان و نوێنه‌رانى وڵاتان و ديپلۆماتكاران ئاماده‌ى بوون، وتارى هه‌ر يه‌ك له به‌ڕێزان سه‌رۆك مه‌سعوود بارزانى، نوێنه‌رى سه‌رۆك وه‌زيرانى عێراق، وه‌زيرى كاروبارى شه‌هيدان و ئه‌نفالكراوانى حكوومه‌تى هه‌رێمى كوردستان و نوێنه‌رى تايبه‌تى سكرتێرى گشتيى نه‌ته‌وه يه‌كگرتووه‌كان له عێراق، پێشكه‌ش كران.
دواتر فيلمێكى به‌ڵگه‌نامه‌يى ده‌رباره‌ى ئه‌نفالكردنى هه‌شت هه‌زار مێردمنداڵ و گه‌نج و پياوى بارزانى نمايش كرا كه سى و نۆ ساڵ پێشتر وه‌ك ئه‌مڕۆ هاوينى ساڵى 1983 له‌سه‌ر ده‌ستى ڕژێمى ئه‌وساى عێراق ئه‌نجام درا، ئينجا تاجه‌گوڵينه‌ى به‌شدارانى ڕێوڕه‌سمه‌كه له‌سه‌ر ڕوفاته‌كان دانران.
بڕيار وايه سبه‌ى يه‌كشه‌ممه 2022/7/31 ڕوفاتى ئه‌و سه‌د ئه‌نفالكراوه بارزانييه له ڕێوڕه‌سمێكى ديكه‌دا له مۆنۆمێنتى ئه‌نفالكراوه بارزانييه‌كان له ناوچه‌ى بارزان به خاك بسپێردرێن.
https://presidency.gov.krd/the-president-of-the-kurdistan-region-participates-in-the-ceremony-to-receive-the-remains-of-the-barzani-anfal/
سەرۆكی هەرێمی کوردستان پێشوازی لە هەردوو كونسولی و ڕووسیا و كوێت دەكات
ئەمڕۆ پێنجشەممە 28/7/2022 بەڕێز نێچیرڤان بارزانی سەرۆكی هەرێمی كوردستان، بە جیا پێشوازی لە هەریەك لە بەڕێزان ئۆلێگ لڤین كونسولی گشتیی ڕووسیای فیدرال و عومەر ئەلکندەری كونسولی گشتیی كوێت لە هەرێمی كوردستان كرد كە بەمەبەستی كۆتاییهاتنی كارەكانیان لە هەرێمی كوردستان و بۆ ماڵئاوایی سەردانی بەڕێز سەرۆكی هەرێمی كوردستانیان كردبوو.
لە دیدارەكاندا سەرۆك نێچیرڤان بارزانی سوپاسی كردن بۆ پشتیوانی و ڕۆڵیان لە پتەوكردنی پەیوەندییەكانی وڵاتەكانیان لەگەڵ هەرێمی كوردستان لەماوەی كاركردنیاندا و هیوای سەركەوتنی لە كاری داهاتوودا بۆ خواستن. دووپاتیشی كردەوە كە هەرێمی كوردستان و عێراق خوازیاری پەرەپێدانی پەیوەندییەكانن لەگەڵ هەریەك لە ڕووسیای فیدرال و كوێت و جەختی لە پەیوەندییە دێرینەكانی نێوان هەرێمی كوردستان لەگەڵ رووسیا و كوێت كردەوە، هەروەها هاوكاریی وڵاتەكانیانی لە بوارە جیاوازەكاندا بۆ هەرێمی كوردستان، بەرز نرخاند.
لای خۆیانەوە هەردوو كونسولی گشتیی رووسیا و كوێت، سوپاسی هاوكاری و پشتگیرییەكانی بەڕێز سەرۆكی هەرێمی كوردستان و لایه‌نه په‌یوه‌نداره‌کانی حكوومەتی هەرێمی كوردستانیان لە كار و چالاكییەكانیان کرد لەو ماوەیەی كە لە هەرێمی كوردستان كاریان كردووە، پوختەیەكیشیان دەربارەی كار و چالاكییەكانی ماوەی كاركردنیان لە هەرێمی كوردستان خستە ڕوو.
تاوتوێكردنی پەرەسەندنە سیاسی و ئەمنییەكانی عێراق و ناوچەكە و جیهان و چەند بابەتێكی جێگەی بایەخی هاوبەش، لایەنێكی دیكەی دیدارەكان بوون.
https://presidency.gov.krd/the-president-of-kurdistan-region-receives-the-russian-and-kuwaiti-consuls/
هەولێر، هەرێمی کوردستان، عێراق (GOV.KRD)- سەرۆکی حکومەتی هەرێمی کوردستان مەسرور بارزانی ئەمڕۆ شەممە 23 ی تەمموز، لە پەیامێکدا بۆ سەرۆک کۆماری ئیسلامی ئێران ئيبراهيم ڕەئیسی ، هاوخەمی خۆی لە گەڵ زیانلێکەوتووان و لێقەوماوانی لافاوەکانی شاری ئیستهبانی سەر بە پارێزگای فارس-ی کۆماری ئیسلامی ئێران دەربڕی کە بووە هۆی گیان لە دەستدانی چەندین کەس .
لە پەیامەکەیدا، سەرۆکی حکومەت، پرسە و هاوخەمی خۆی بە سەرۆک کۆماری ئیسلامی ئێران و خەڵکی ئێران بەگشتی گەیاند بۆ ئەم ڕووداوە دڵتەزێنە و هیوای خواست، خوای مەزن گیانیان بەبەهەشت شاد بكات و سەبرو ئارامییش بە کەسوکاریان ببەخشێت.
هەولێر، هەرێمی کوردستان، عێراق (GOV.KRD)- ئه‌مڕۆ شەممە 23 ی تەمموز ، مەسرور بارزانی سەرۆکی حکومەتی هەرێمی کوردستان ، له کۆشکی حکومی لە به‌غدا لە گەڵ سەرۆک وەزیرانی فیدرال مستەفا کازمی کۆبووەوە. له میانه‌ی دیداره‌كه‌دا،گفتوگۆ له‌باره‌ی ته‌واوی دۆسییه نیشتمانییه‌كان و ئەو پرسانه کرا کە بۆ ژیانی هاووڵاتیان گرنگن ، هەروەها پێشكه‌شكردنی خزمه‌تگوزارییەکان و ڕێگه‌كانی به‌رده‌وامیدان به كاری هاوبه‌ش له نێوان هه‌ولێر و به‌غدا تاووتوێ کران، به‌و ئاراسته‌یه‌ی كه ئاسایشی خۆراك بۆ ته‌واوی عێراقییه‌كان ده‌سته‌به‌ر بكات و به‌رده‌وامی به دابینكردنی شایستەکانیان بدات و ژیانێكی سەربەرزانەیان بۆ گه‌ره‌نتی بكرێت.
هه‌ردوولا به توندی ده‌ستدرێژییه‌كانی توركیایان بۆ سه‌ر خاكی عێراق سەرکۆنە و ئیدانه كرد، به‌تایبه‌ت هێرشی ئه‌م دواییه، كه به‌هۆیه‌وه ژماره‌یه‌ك هاووڵاتی بێتاوان بوونه قوربانی، جه‌ختیش له گرنگیی ڕێككه‌وتن له‌سه‌ر دیدگایه‌كی یه‌كگرتوو بۆ مامەڵەکردن لەگەڵ ئەو ده‌ستدرێژییه و لێكۆڵینه‌وه له هۆكارەکانی كرایه‌وه، به‌و ئاراسته‌یه‌ی كه سه‌روه‌ری عێراق بپارێزرێت و كار له‌سه‌ر ئه‌وه بكرێت، له ئاینده‌دا پێشێل نه‌كرێت.
هه‌روه‌ها گفتوگۆ له‌باره‌ی هه‌ماهه‌نگیی ئه‌منیی له نێوان هێزه ئه‌منییه‌كانی فیدراڵ و هێزه‌كانی پێشمه‌رگه و گرنگی به‌رده‌وامیدان به ڕووبه‌ڕووبوونه‌وه‌ی هه‌ڕه‌شه‌كانی داعش و ڕێكخراوه تیرۆریستییه‌كانی دیكه کرا، ئه‌مه‌ش له‌پێناو دڵنیابوونه‌وه له‌وه‌ی جارێكی دیكه نه‌بنه هه‌ڕه‌شه بۆ سه‌ر ئاسایشی عێراق.
له دیدارەکەدا ڕێگه چاره‌كان بۆ لێکەوتەکانی ته‌حه‌دیاتی ئابووری تاووتوێ كران، كه جیهان و ناوچه‌كه پێیدا تێ دەپەڕن ، هه‌روه‌ها گرنگیی ڕه‌خساندنی دۆخێكی گونجاو بۆ گه‌شه‌پێدانی ئابووری، له‌مباره‌شه‌وه جه‌خت له گرنگی به‌هێزكردنی میكانیزمه‌كانی هاوكاری و هه‌ماهه‌نگیی هاوبه‌ش له نێوان حكومه‌تی فیدراڵ و حكومه‌تی هه‌رێمی كوردستان كرایه‌وه، له‌پێناو باشكردنی ژینگه‌ی كار، ڕاكێشانی وه‌به‌رهێنەران و فراوانكردن و زیاترکردنی سه‌رچاوه‌كانی داهات.
هه‌ر له‌و چوارچێوه‌یه‌دا، ڕێککەوتن كرا له‌سه‌ر قووڵكردنه‌وه‌ی دانوستانه‌كانی نێوان وه‌زاره‌تی نه‌وتی فیدراڵ و وه‌زاره‌تی سامانه سرووشتییه‌كانی هه‌رێمی كوردستان و به‌رده‌وامیدان و درێژەدان به كاركردن له‌پێناو گه‌یشتن به چاره‌سه‌رێکی هاوبه‌ش و گەیشتن بە حاڵه‌تێكی یەکگرتوو لە بەڕێوەبردنی دۆسیه‌ی نەوتدا، بە شێوەیەك کە بەرژەوەندی باڵای گەلی عێراق بەدەست بهێنێت.
له كۆتایی دیداره‌كه‌دا، سه‌رۆك وه‌زیرانی فیدرال، جه‌ختی له‌سه‌ر گرنگیی كاركردن به گیانی یه‌ك تیمی و گرنگیدان به شتە هاوبه‌شەکان کردەوە به‌و شێوه‌یه‌ی كه ئاسایش و سه‌قامگیری و به‌ره‌وپێشچوون بۆ گه‌لی عێراق به هه‌موو پێكهاته‌كانییه‌وه دابین بكات.
سەرۆکی حکومەت پێشوازی لە کونسولی گشتی کوەیت دەکات
هەولێر، هەرێمی کوردستان، عێراق (GOV.KRD)- ئەمڕۆ پێنجشەممە 21 ی تەمموزی 2022 مەسرور بارزانی سەرۆکی حکومەتی هەرێمی کوردستان پێشوازی لە عومەر ئەلکەندەری کونسولی گشتیی دەوڵەتی کوەیت لە هەرێمی کوردستان کرد کە بە بۆنەی کۆتاییهاتنی ئەرکەکەی سەردانی کردبوو.
سەرۆکی حکومەت وێڕای ئاماژەدان بە پەیوەندی دۆستانەی نێوان هەرێمی کوردستان و کوەیت ،سوپاسی هەوڵ و کۆششی کونسولی گشتی کوەیتی کرد بۆ ئەو ماوەیەی کاری لە پێناو پەرەپێدانی پەیوەندی دوولایەنە کردووە ، هیوای سەرکەوتنیشی بۆ خواست لە ئەرکەکانی داهاتوویدا.
کونسولی گشتیی کوەیت ، سوپاسی حکومەتی هەرێمی کوردستانی کرد بۆ هاریکاری و هەماهەنگیی بەردەوامیان لە گەڵ کونسوڵخانەی وڵاتەکەی.
پەیامێک لە سەرۆکی حکومەتی ھەرێمی کوردستانەوە
هەولێر، هەرێمی کوردستان، عێراق (GOV.KRD)- سەرۆکی حکومه‌تی هه‌رێمی كوردستان مەسرور بارزانی ، له‌باره‌ی تۆپبارانكردنی ئه‌مڕۆی زاخۆ، پەیامێکی بڵاوكرده‌وه کە ئەمە دەقەکەیەتی؛ تۆپبارانکردنی سەرەڕۆییانەی هاوینەهەوارێکی زاخۆ لە لایەن هێزەکانی تورکیا کە چەندین کەسی سیڤل بوونە قوربانی، بە توندترین شێوە سەرکۆنە دەکەم.
وەزیری تەندروستی د.سامان بەرزنجیم بۆ شوێنی تۆپبارانەکە ناردووە و لەگەڵ سەرپەرشتیاری ئیدارەی سەربەخۆی زاخۆ گوهدار شێخۆ قسەم کردووە بۆ ئەوەی هەرچی پێویست بێت بۆ بریندارەکان و ئەو خێزانانەی ئازیزەکانیان لەدەستداوە، ئەنجام بدەن.
هێرشکردنە سەر خەڵکی سیڤل، هیچ پاساوێک هەڵناگرێت. ئەم جۆرە ڕووداوانە چەندین جارە دووبارە دەبنەوە ، بۆیە دەبێت ئەم هێرشانە بوەستێت. ئێمە لەگەڵ حکومەتی فیدراڵی لە هەماهەنگیداین بۆ ئەنجامدانی لێکۆڵینەوەیەکی ورد و بەرفراوان.
هەرێمی کوردستان، بەردەوام ڕاکێشراوەتە ناو شەڕی نێوان تورکیا و پەکەکە. کە زیان و ئازارێکی زۆری بە هاووڵاتیانمان گەیاندووە و دەبێت کۆتایی پێبێت.
هاوخەمم لە گەڵ کەسوکاری قوربانییەکان.
More...
سه‌رۆك نێچيرڤان بارزانى به‌شداريى ڕێوڕه‌سمى پێشوازى له ته‌رمى عه‌لى قازى ده‌كات
سەرۆکی حکومەتی هەرێمی کوردستان پێشوازی لە باڵیۆزی فەرەنسا لە عێراق دەکات
دوایین هەواڵەکان
- په‌يامى سه‌رۆك نێچيرڤان بارزانى بۆ ساڵى نوێ
- پەیامی سەرۆکی حکومەتی هەرێمی کوردستان بە بۆنەی سەری ساڵی نوێی زایینی2025
- سه‌رۆكى هه‌رێمى كوردستان، پێشوازيى له كونسوڵی گشتيى نوێى ئێران كرد
- عەباس غەزالی: کۆچی مامۆستا مهنسوور یاقووتی وهک لهدهست چونی یاقووتێکی گرانبههایه
- سهرۆک نێچیرڤان بارزانی له‌گه‌ڵ وهزیری بهرگریی هۆڵهندا کۆبووهوه
- سه‌رۆك نێچيرڤان بارزانى پێشوازيى له ئيسماعيل بهشيكچى كرد
- سه‌رۆك نێچيرڤان بارزانى و وه‌زيرى بهرگريى ئيتاڵيا كۆبوونهوه
- سه‌رۆك نێچيرڤان بارزانى له‌گه‌ڵ فەرماندەی هێزەکانی هاوپەیمانيی نێودەوڵەتی كۆبووهوه
- سه‌رۆك نێچيرڤان بارزانى پێشوازیی له باڵيۆزى نوێى چيك كرد
- سەرۆک نێچیرڤان بارزانی پێشوازیی لە سوپاسالاری بەریتانیا کرد