ئهمڕۆ شهممه 2023/4/8 بهڕێز نێچيرڤان بارزانى، سهرۆكى ههرێمى كوردستان له بهغدا لهگهڵ بهڕێز نوورى ئهلمالكى، سهرۆكى هاوپهيمانيى دهوڵهتى ياسا كۆبووهوه.
له كۆبوونهوهكهدا دوايين پێشهاتهكانى دۆخى سياسيى عێراق و ئاڵنگارييهكانى قۆناغهكه و ههنگاوهكانى جێبهجێكردنى كارنامهى حكوومهتى فيدراڵيى عێراقيان تاوتوێ كرد.
ههردوولا جهختيان له گرنگيى تهبايى و هاريكاريى هاوبهش لهنێوان هێز و لايهنه سياسييهكانى عێراقدا كردهوه بۆ تێپهڕاندنى سهختييهكان و دۆزينهوهى چارهسهر بۆ كێشهكانى وڵات به گيانێكى بهرپرسيارانهى نيشتمانى.
پهيوهندييهكانى ههولێر ـ بهغدا و تاوتوێكردنى دۆخى دوايين پێشهاتهكانى ناوچهكه بهگشتى، لايهنێكى ديكهى كۆبوونهوهكه بوو.
https://presidency.gov.krd/kurdistan-regional-government-president-barzani-has-met-with-the-leader-of-the-rule-of-law-coalition/
نێچیرڤان بارزانی: چارەسەری عێراقی، باشترین چارەسەرە
سەرلەبەیانیی ئەمڕۆ شەممە 8/4/2023 بەڕێز نێچیرڤان بارزانی، سەرۆكی هەرێمی كوردستان، لە بەغدا بەشدارى له ڕێوڕەسمی چل و دوو ساڵەی دامەزراندنی ڕێكخراوی بەدردا كرد كە هەریەك لە بەڕێزان سەركۆمار، سەرۆكی ئەنجومەنی نوێنەران، سەرۆك وەزیرانی عێراقی فیدراڵ و ژمارەیەك وەزیر و بەرپرسانی حكوومی و لایەنە سیاسییەكانی عێراق ئامادەى بوون.
لە ڕێوڕەسمەكەدا، سەرۆك نێچیرڤان بارزانی وتەیەكی پێشكەش كرد، ئەمە دەقەكەیەتی:
بە ناوی خوا،
ئامادەبووانی بەڕێز..
سەرەتا بەبۆنەی یادی چل و دوو ساڵەی دامەزراندنی ڕێکخراوی بەدر، پیرۆزبایی لە بەڕێز حاجی هادی عامری، ئەمینداری گشتیی ڕێکخراوی بەدر و ئەندامان و جەماوەری ڕێکخراوهكهيان دەکەم. هیوادارم ڕێکخراوی بەدر ڕۆڵێکی کاریگەر بگێڕێت لە پاراستنی سەقامگیری و چەسپاندنی دیموکراسیەت و فیدراڵی لە عێراق.
هەروەها ڕێگەم بدەن بە ناوی جەنابی سەرۆک مەسعوود بارزانییەوە پیرۆزبایيی یادی دامەزراندن لە سەرکردایەتيی ڕێکخراوی بەدر بکەم و جەنابیان ڕێز و پیرۆزبایی تایبەتی هەيه بۆ بەڕێز حاجی هادی عامری و هەموو ئەندامان و لایەنگرانی ڕێكخراوی بەدر.
بەڕێزان..
مێژووی بەدر دەگەڕێتەوە بۆ سەردەمی بەرەنگاربوونەوەی ڕژێمی دیکتاتۆری. لایەنەکانی ئۆپۆزیسیۆنی عێراق ئەوکات خەباتێکی زۆر سەختیان کرد بەرامبەر ڕژێمی پێشوو. هاوکاريی نێوان هێزە سیاسییەكانى عێراقی و کوردستان وایانکرد پێکهاتەکانی عێراق باوەڕیان بە سەرکەوتن بەهێز ببێت.
لەبەرئەوەش خەڵک ساڵی ١٩٩١ به باوەڕەوه دژی ڕژێم ڕاپەڕین و ئەو باوەڕە هەر بەردەوام بوو تاکو ڕووخانی ڕژێم لە ساڵی ٢٠٠٣. هەر ئەو پێکەوەبوونەش وایکرد لایەنەکان سەرکەوتوو بن لە قۆناغی گرنگی نووسینەوەی دەستووری هەمیشەیيی عێراق کە قۆناغێکی زۆر گرنگ بوو لە مێژووی هاوچەرخی وڵاتەكەماندا.
لەم ڕۆژەدا کاتێک یادی دامەزراندنی ڕێکخراوی بەدر و بەرەنگاربوونەوەی زوڵم و زۆرداری دەکەینەوە، پێویستە یادی سەرکردەی مقاومەی ئیسلامی و شەهیدی میحراب، سەید محەمەد باقر ئهلحەكیم، بەیاد بێنینەوە. ئەو سەرکردە شەهیدە، هەوڵێکی سەرکەوتووانەی دا، بۆ یەکخستنی مقاوەمەی ئیسلاميی شیعە و عێراق بەگشتی دژی زۆرداری.
هەروەها لەگەڵ باوکم و سەرۆک مەسعوود بارزانی و خوالێخۆشبوو مام جەلال، پەیوەنديی نێوان مقاوەمەی ئیسلامی و بزووتنەوەی ڕزگاریخوازيی کوردیان زیاتر پەرەپێدا. جگە لەوەی کە بەردەوام پەیوەندییەکی بەهێز هەبووە لەنێوان بنەماڵەی بارزان و بنەماڵەی ئهلحەکیم و مەرجعیەتی باڵای شیعە لە نەجەف، ئێستاش بە هەموو شێوەیەک دەمانەوێت ئەو پەیوەندییە لەگەڵ مەرجەعیەتدا، هەر بەهێز بمێنێتەوە.
ئامادەبووانی بەڕێز ..
سبەی ٩ی نیسانە و ٢٠ ساڵ بەسەر ڕووخانی ڕژێمى دیکتاتۆریدا تێدەپەڕێت. ئێستا کاتێکی گونجاوە بۆ ئەوەی بیر لەو سەرکەوتنانە بکەینەوە کە لە ئەنجامی یەکگرتوویی بەدیهاتوون. بیر لە هەردوو کۆنگرەی ئۆپۆزیسیۆنی عێراق لە لەندەن و سەلاحەدین بکەینەوە کە تێیاندا بەرنامە بۆ عێراقێکی دیموکراسی و فیدراڵی دانرا.
لە ماوەی ٢٠ ساڵی ڕابردوودا، هەڵبژاردن بووەتە بەشێکی ژیانی سیاسی، ئەويش پێشکەوتنێکی گرنگە، چونکە لە هەموو شوێن و وڵاتێکدا هەڵبژاردنی ئازاد ڕووحی دیموکراسییە. هەروەها نوێنەرایەتيی پێکهاتەکان لە پەرلەمان دابین کراوە و عێراق چیدیکە هەڕەشە نییە بۆ سەر دراوسێیەکانی. عێراق بووەتە خاوەنی دەستوورێکی دیموکراسی و فیدراڵیی هەمیشەیيی قبووڵكراو.
ئەمانە هەموویان خاڵی گرنگ و سەرەکین لە گۆڕانی سیستەمی حوکمڕانی لە عێراقدا. بێگومان لەم ٢٠ ساڵەدا هەڵەی زۆریش كراون کە پێویستە ڕاستیان بکەینەوە. هەر بەو شێوەیەش دابەزینی بەشداريی دەنگدەران لە پرۆسەی هەڵبژاردندا، دەبێت چارەسەر بكرێت.
هەموومان بەشدار بووین لە سەرکەوتندا، هەروەها هەمووشمان بەپێی ئاستی هاوبەشیمان، بەرپرسیاريهتيی هەڵە و کەموکوڕییەكانمان دەخەینە سەر شان. تا ئێستا زۆر لەو یاسایانە دانەنراون کە بەپێی دەستوور دەبێ دابنرێن، چونکە ئەم یاسایانە دەبنە میکانیزمی سەرکەوتنی عێراقی نوێ و جێگیربوونی سیستەمی فیدراڵی لە عێراق.
ئێمە لە عێراق زۆر پێویستە هەمیشە ئەو ڕاستییەمان لەبەرچاو بێت کە تاکڕهوی و جیاکاريی نەتەوەیی و مەزهەبی، هەمیشە مایەی شەڕ و وێرانی بووە بۆ وڵات. لەبەرئەوەش هەبوونی سیستەمێکی تەواو فیدراڵ و یەکسان لەنێوان نەتەوەکاندا، تاکە ڕێگەی سەقامگیری و پێشکەوتنی عێراقە. ئەزموونە تاڵەکانی ڕابردوو زۆر زیانی بە خەڵکی عێراق گەیاندووە. لەپێناو هەموو پێکهاتەکانی عێراقدا، دەبێ پەند لەو ئەزموونانە وەربگرین.
عێراقێك سەقامگیر و سەرکەوتوو دەبێت کە شیعە و سوننە و کورد و مەسیحی و تورکمان و پێکهاتەکانی دیکە، خۆیان تێدا به هاوبەش و سەرکەوتوو بزانن. عێراقی هەمەڕەنگ سەردەکەوێت، عێراقی یەکڕەنگ سەرناکەوێت. مێژووی ١٠٢ ساڵەی ڕابردوو، بە ڕوونی ئەوەمان پێدەڵێت كە دهبێت هەموومان پێكهوه بەشدار بین.
بەڕێزان..
زۆر دڵخۆشم کە دەبینم برای بەڕێزم محەممەد شیاع سوودانی، سەرۆک وەزیرانی عێراقى فيدراڵ، هەوڵی جددی دەدات و كار دەكات بۆ جێبەجێكردنی كارنامەی حكوومەت، ئەوەش مایەی پشتیوانيی هەموو لایەکە. ئێمە لە هەرێمی کوردستان بە هەموو شێوەیەک بەردەوام دەبین لە پشتیوانیکردن لەو ئاراستەیەی سەرۆک وەزیران، ئەوەشمان بە هەموو دۆست و هاوبەشانمان ڕاگەیاندووە.
ڕێککەوتنی هەناردەکردنى نەوتی هەرێمی کوردستان، هەنگاوێکی گەورەیە بە ئاراستەی چارەسەرێکی فراواندا. لێرەدا دەستخۆشی لە سەرۆک وەزیرانی عێراقى فیدراڵ و سەرۆک وەزیرانی هەرێمی کوردستان کاک مەسروور بارزانی و تیمی هەردوولای حکوومەت و لایەنەکانی هاوپەیمانيی بهڕێوهبردنى دەوڵەت دەکەم.
ئێمە هەر لە سەرەتاوە گوتوومانە “چارەسەری عێراقی” باشترین چارەسەرە. ئەگەر هەموومان بگەڕێینەوە بۆ ئهو چارەسەره، دەتوانین گشت کێشەکان چارەسەر بکەین. هەموو لایەک دەمانتوانی بەدوای ڕێگەی دیکەدا بگەڕێین، بەڵام ڕێگەی ڕاست بۆ هەموو لایەک ڕێگهى ناوخۆی عێراقە.
چارەسەری عێراقی، سەروەری و پێشکەوتنی عێراق بەهێز دەکات. متمانەی خەڵک بە دەسەڵات بەهێز دەکات، متمانەی نێوان پێکهاتەکانی عێراق بەهێز دەکات.
ئەگەر چارەسەری عێراقیانە بکەینە نیاز و ئامانج، دەتوانین دڵنیا بین لە سەقامگیريی ئێستا و لە سەرکەوتنی داهاتوومان. چارەسەری عێراقی، بە هاوبەشی و گفتوگۆ سەردەکەوێت، چونکە ئێمە ڕووحی ئەم هاوبەشییەمان هەیە کە ئەویش دەستووری عێراقە.
بەر لە ١٠ ساڵ، سەرۆک بارزانی، بە نیازێکی پاک و ڕوانگەیەکی ستراتیژی، داوای لە هەموو لایەنە عێراقییەکان کرد پێکەوە دابنیشین بۆ ڕێگرتن لە ڕووداو و کارەساتی گەورە و داوای كرد بگەڕێینەوە بۆ دەستوور.
بەداخەوە ئەوە نەکرا، ڕووداو و کارەساتی زۆر ناخۆش ڕوویان لە عێراق و ناوچەکە کرد. ئەمڕۆ دۆخێکی تازەی دڵخۆشکەر لە عێراق دروستبووە، لەو باوەڕەداین ئێستا زەمینەی گفتوگۆ لەسەر هەموو کێشەکان هەیە. بۆیە گرنگە بە دڵێکی پاک و ڕوانگە و چارەسەرێکی نيشتمانييانه دەستی پێبکەین.
عێراق ڕووبهڕووى زۆر ئاڵنگاريی تازەی ناوخۆ و ناوچهكە دهبێتهوه، بۆیە پێویستە چیتر کێشەکان بە هەڵواسراوی نەهێڵینەوە بۆ ئەوەی بتوانین بە سەر کێشەکاندا زاڵ ببین. یەکێک لەو کێشانە، مەترسیی گۆڕانی کەشوهەوایە. عێراق یەكێکە لەو پێنج وڵاتەی کە گۆڕانی کەشوهەوا لە جیهاندا، زۆرترین کاریگەری لەسەر دەبێت، ئەمەش پێویستی بە پڕۆژەی ستراتیژی و گەورە هەیە لەلایەن حکوومەت و پەرلەمانی عێراقەوە.
جارێکی دیکە پیرۆزبایی لە ڕێکخراوی بەدر و هەموو ئەندامان و لایەنگرانیان دەكەم دەکەم، داوا لە هەموو سەرکردە و لایەنە سیاسییەکان دەکەم لەم ڕەمەزانەدا بە دڵێکی پاکەوە گفتوگۆ بکەن لەپێناو چارەسەری هەموو کێشەکان و ژیانێکی باشتر بۆ هەموو گەلی عێراق كە شایستەیەتی.
زۆر سوپاستان دهكهم، هيواى كاتێكى خۆشتان بۆ دهخوازم. زۆر سوپاس بۆ بانگهێشتهكهتان.
https://presidency.gov.krd/nechirvan-barzani-the-iraqi-solution-is-the-best-solution/
ئهمڕۆ سێشەممە 4/4 سەرۆکی حکومەتی هەرێمی کوردستان مەسرور بارزانى، لە چوارچێوەی سەردانەکەیدا بۆ بەغدا، لهگهڵ عەبدوللەتیف ڕەشید سەرۆک کۆماری عێراق کۆبووەوە.
لە کۆبوونەوەکەدا ستایشی ڕێککەوتنی نێوان حکومەتی هەرێمی کوردستان و حکومەتی فیدرال کرا بۆ هەناردەکردنەوەی نەوتی هەرێمی کوردستان و ڕۆڵی شاندی هەردوولا لە گەیشتن بەم ڕێککەوتنە، بەرز نرخێنرا.
لە تەوەرێکی دیکەی کۆبوونەوەکەدا ، جەخت لە گرنگیی پەسەندکردنی یاسای بودجەی فیدراڵی لە ئەنجومەنی نوێنەران و ئامادەکردنی پڕۆژە یاسای نەوت و گازی فیدراڵ کرا.
https://gov.krd/government/the-prime-minister/activities/posts/2023/april/%D8%B3%D9%87-%D8%B1%DB%86%D9%83%DB%8C-%D8%AD%DA%A9%D9%88%D9%85%DB%95%D8%AA%DB%8C-%D9%87%DB%95%D8%B1%DB%8E%D9%85%DB%8C-%DA%A9%D9%88%D8%B1%D8%AF%D8%B3%D8%AA%D8%A7%D9%86-%D9%84%D9%87-%DA%AF%D9%87-%DA%B5-%D8%B3%DB%95%D8%B1%DB%86%DA%A9-%DA%A9%DB%86%D9%85%D8%A7%D8%B1%DB%8C-%D8%B9%DB%8E%D8%B1%D8%A7%D9%82-%D9%83%DB%86%D8%A8%D9%88%D9%88%D9%87-%D9%88%D9%87/
پهيامى سهرۆك نێچيرڤان بارزانى، له يادى جينۆسايدى كوردانى فهيليدا
ئەمڕۆ لە چل و سێيەمین ساڵیادی تاوانەکانی جینۆساید و بێسەروشوێنکردن و وڵاتبەدەرکردنی خوشک و برایانی کوردی فەیلیدا، بە ڕێز و شکۆوە یادی شەهیدان و قوربانييانى ئەو تاوانانە دەکەینەوە.
ئەوهى دەرهەق بە کوردانی فەیلی کرا، پاکتاوێکی نەژادیی ڕەگەزپەرستانە بوو. تيایدا وێڕای بێسەروشوێنکردنی دەیان هەزار هاووڵاتیی بێتاوان، سەتان هەزاریشیان دووچاری ڕاگواستن و وڵاتبەدەرکردن و زەوتکردنی ماڵ و موڵکیان و لێسەندنەوەی ڕەگەزنامە بوونهوه تەنها لەبەر کوردبوون و داکۆکیکردنیان لە ناسنامە و مافە ڕەواکانی میللەتەکەیان.
ناساندنی ئەو تاوانە بە جینۆساید لەلایەن دادگای باڵای تاوانەکانی عیراقەوە، حکوومەت و دەوڵەتی عیراق ڕووبەڕووی ئەرک و بەرپرسیاریەتیی یاسایی و مرۆیی دەکاتەوە بۆ قەرەبۆکردنەوەی قوربانييان. لەم یادەدا داوا لە حکوومەتی فیدراڵی عیراق دەکەین ئەرکى خۆى بەجێ بگەیەنێت به قەرەبۆکردنەوە و گێڕانەوەی سەرجەم مافە مەدەنی و ماددییەکانی کوردانی فەیلی.
دروود و سڵاو بۆ گیانی پاکی شەهیدانی کوردی فەیلی. سڵاو و ڕێز بۆ خانەوادە سەربەرزەکانیان. قوربانیدان و دڵسۆزیی خوشک و برایانی کوردی فەیليمان، جێی شانازیی گەلەکەمانە و هەمیشە لە یادمانن.
نێچيرڤان بارزانى
سهرۆكى ههرێمى كوردستان
2023/4/4
https://presidency.gov.krd/message-of-president-nechirvan-barzani-on-the-commemoration-of-the-genocide-of-the-faili-kurds/
بە ئامادەبوونی سەرۆكی حكوومەتی هەرێمی كوردستان و سەرۆك وەزیرانی فیدرال ڕێككەوتنی دەستپێكردنەوەی هەناردەكردنی نەوت واژۆ کرا
ئەمڕۆ سێشەممە 4ی نیسانی 2023، سەرۆكی حكومەتی هەرێمی كوردستان مەسرور بارزانی، لە بەغدا لەگەڵ سەرۆك وەزیرانی فیدرال محەمەد شیاع سوودانی كۆبووەوە.
لە كۆبوونەوەكەدا گفتوگۆ لەبارەی چارەسەركردنی كێشەكانی نێوان هەرێمی كوردستان و حكومەتی فیدرال كرا، هەروەها ڕێككەوتن لەسەر دەستپێكردنەوەی هەناردەكردنی نەوتی هەرێمی کوردستان کرا ، كە رێككەوتنێكی كاتییە تا پەسەندكردنی یاسای بودجەی گشتیی فیدرال یان یاسای نەوت و غاز.
لە كۆبوونەوەكەدا، سەرۆكی حكومەتی هەرێمی كوردستان ، جەختی لە جێبەجێكردنی ڕێككەوتنەكە وەك خۆی و لە نزیكترین دەرفەتدا کردەوە تاوەكوو ببێتە بنەمایەك لەپێناو پتەوكردنی گیانی هاوبەشی و قووڵكردنەوەی متمانە لەنێوان هەردوو لادا.
سەرۆك وەزیرانی فیدرال، هیوای خواست كە ڕێككەوتنەكە ببێتە سەرەتایەك بۆ چارەسەركردنی تەواوی كێشەكان و گوتی: ”بەرژەوەندیمان لە جێبەجێكردنی دەستوور و پاراستنی بەرژەوەندیی سەرجەم عێراقییەكانە“.
هەروەها ڕوونیكردەوە كە ئەم ڕێككەوتنە ، دەبێتە بنەمایەك بۆ جێبەجێكردنی هەردوو یاسای بودجەی گشتیی فیدرال و یاسای نەوت و غازی فیدرال بە گیانێكی هاوبەش، پاش پەسەندکردنیان.
دواتر بە ئامادەبوونی سەرۆكی حكومەتی هەرێمی كوردستان و سەرۆک وەزیرانی فیدرال، لە ڕێوڕەسمێکدا ، ڕێككەوتنی دەستپێكردنەوەی هەناردەكردنی نەوتی هەرێمی كوردستان بە شێوەیەكی هاوبەش واژۆکرا .
پاشان هەردوولا کۆنفرانسێکی ڕۆژنامەوانیی هاوبەشیان ئەنجامدا و تێیدا باسیان لە وردەكاریی ڕێككەوتنەكە كرد و وەڵامی پرسیاری ژمارەیەك لە ڕۆژنامەنووسانیشیان دایەوە.
بڕیارە بەپێی ڕێککەوتنەکە ، هەناردەکردنی نەوتی هەرێمی کوردستان لە ڕێگەی بەندەری جەیهانی تورکییەوە دەست پێ بکاتەوە.
سهرۆك نێچيرڤان بارزانى: دهبێ پێشمهرگه بكهينه هێزێكى يهكگرتووى نيشتمانى
ئەمڕۆ سێشەممە 4/4/2023 بە ئامادەبوونی بەڕێز نێچیرڤان بارزانی، سەرۆكی هەرێمی كوردستان و فەرماندەی گشتيی هێزی پێشمەرگە، بەڕێزان جهنهراڵ ماتيوو ماركفارلن فهرماندهى گشتيى هێزهكانى هاوپهيمانان له عێراق و سووريا، ژمارەیەك لە وەزیران و بەرپرسانی باڵاى سەربازی و پەرلەمانتار و بەرپرسانی حكوومەتی هەرێمی كوردستان و نوێنەر و كونسوڵی وڵاتان لە هەرێمی كوردستان، ڕێوڕەسمی دەستبەكاربوونی هەردوو فیرقەی (1) و (2)ی هێزی پێشمەرگەی کوردستان ڕاگەیەنرا كه له چوارچێوهى پرۆسهى چاكسازيى وهزارهتى پێشمهرگهدا، يهكخراونهتهوه.
لە ڕێوڕەسمەكەدا سهرۆك نێچیرڤان بارزانی وتارێكی پێشكەش كرد، ئەمە دەقەكەیەتی:
میوانە بەڕێزەکان،
پێشمەرگە قارەمانەکان،
ڕۆژتان باش…
بهخێرهاتنان دهكهم بۆ ڕێوڕهسمى ڕاگەیاندنی هەنگاوێکی گرنگ لە پرۆسەی يهكخستن و ڕێکخستنەوەی پێشمەرگە. ڕێگەم بدەن بە گەرمی بهخێرهاتنێكى گهرم له بهڕێز جهنهراڵ ماتيوو ماركفارلن، فهرماندهى گشتيى هێزهكانى هاوپهيمانان له عێراق و سووريا بكهم كه لێره لهگهڵمان بەشدارە. بەخێرهاتنی كونسوڵی وڵاتانی دەرەوە دەكەم لە هەرێمی كوردستان، بەخێربێن بۆ ئەم ڕێوڕهسمه.
ئەمڕۆ لێرە زۆر بە خۆشحاڵييهوه دروستبوونی هەردوو فیرقەی (1) و (2)ی هێزی پێشمەرگەی کوردستان ڕادەگەیهنین. پیرۆزبایی و دەستخۆشی لە وەزارەتی پێشمەرگە و هەموو فەرماندە و پێشمەرگە قارەمانەکان دەکەم.
هەریەک لەم دوو فیرقەیە لە (4) لیوا و (1,200) پێشمەرگە پێکهاتوون، ئەمانەش بریتین لە لیوای هاوبەش و لیواکانی هێزی (70) و (80) کە پرۆسەی گواستنەوەیان بۆ سەر وەزارەتی پێشمەرگە دەستیپێکردووە. چاوەڕێین هەموو ڕێكارهكان زوو تەواو بکرێن.
ساڵی ڕابردوو لە ڕێوڕەسمی دەرچوونی ئەفسەرانی کۆلێژی سەربازیی زاخۆدا، تەنیا یەک ئەفسەری مەسیحی هەبوو، داوام کرد کە دەبێ ڕێگە خۆش بکرێت بۆ بەشداريی هەموو پێکهاتەکانی گەلی کوردستان لە هێزی پێشمەرگەدا.
ئەمڕۆ زانیم ژمارهيهك پێشمەرگەی مەسیحی و عەرەب و ئێزدی لهناو ئهم هێزانهدا ههن كه مايهى خۆشحاڵييه، بهڵام هێشتا کەمە. دەبێ ههوڵ بدهين و زياتر ڕێگە خۆش بکەین بۆ هەموو نەتەوە و پێکهاتەکان تا لە هێزی پێشمەرگەی کوردستاندا بەشدار بن. لێرەدا جارێکی ديكه پێداگری لەسەر ئەوە دەکەینەوە کە پێشمەرگە وەک هەمیشە هێزی هەموو گەلی کوردستانە بە هەموو نەتەوە و ئایینەکانەوە.
بۆيه ههموو تواناكمان دهخهينه گهڕ بۆ ئهوهى پێشمهرگه و توانا سهربازييهكانى له ههموو ڕوويهكهوه بههێزتر بكهين. ههموو پێدويستييهكانيان دابين بكرێن و باشترين مهشق و ڕاهێنانيان ههبێت. لهڕووى پهروهرده و پرهنسيپهوه، به گيانى نيشتمانپهروهرى و سهربازيى سهردهميانهوه، وهك هێزێكى نيشتمانى، گۆش بكرێن.
ئامادەبووانی بەڕێز،
ڕاگەیاندنی ئەم دوو فیرقە هاوبەشە، بەشێکە لە پرۆسەی یەکخستن و ڕێكخستنهوهى پێشمەرگە لە هەیکەلییەتێکی سەردەمیانەدا. یەکێکە لە ئامانجەکانی سەرۆکایەتيی هەرێمی کوردستان و بەشێکی هەرە گرنگە لە پرۆسەی چاکسازیی كابینەی نۆیەمی حکوومەتی هەرێمی کوردستان.
ئێمه له سهرۆكايهتيى ههرێمى كوردستان بهردهوامين له ههوڵدان بۆ چارهسهركردنى كێشه و ناكۆكييه سياسييهكان. جێگەی دڵخۆشییە كه وێڕاى ناکۆکيی سیاسی، پرۆسەی يهكخستن و ڕێکخستنەوهى پێشمەرگە، نەوەستاوە. ههندێ ههنگاوى باش چووهته پێشهوه، بهڵام بێگومان چاوەڕێی زیاترین و بهردهوام دەبێ كارى لهسهر بكهين.
تا ئێستا هەردوو هێزی پشتیوانيی (1) و پشتیوانیی (2)، هەروەها (20) لیوای هەردوو یەکەی (70) و (80) بە تەواوهتی خراونەتهوە سەر وەزارەتی پێشمەرگە. (2) لیوای هاوبەش لەگەڵ سوپای عێراق دروستکراون بۆ ناوچە كێشهلەسەرەکان و بودجەی پێویستیان لە پرۆژەياسای بودجەی فیدراڵیی عێراقدا بۆ تەرخان کراوە. دوای پەسەندکردنی، ئەوانیش دەستبەکار دەبن.
ئەوەی جێگەی دڵخۆشییەکی زۆرە، هۆشیارییەکی بەرز لەلای پێشمەرگە و ئەفسەر و فەرماندەکانی پێشمەرگە دروست بووە، بۆ پێویستيی یەکبوونی پێشمەرگە. ئهوان نایانەوێت پرۆسەی يهكخستن و ڕێکخستنەوەی پێشمەرگە بوەستێت، چونکە نایانەوێت هیچ ناوێکی سیاسی و حزبايهتییان لەسەر بێت. دەیانەوێت پێشمەرگەی کوردستان بن، نەک پێشمەرگەی حزب، ئەمەش باوەڕی ڕەسەن و ڕاستەقینەی پێشمەرگەیە.
پێشمەرگە لە ڕۆژی يهكهمهوه بۆ پاراستنی کوردستان و بەدیهێنانی ئازادی دروست بووە. عەقیدەی پێشمەرگە بریتی بووە لە کوردستان و ئازادی. باوەڕی پێشمەرگە پاراستنی کوردستان و بهديهێنانى ئازادی بووە بۆ گەلی کوردستان و هەموو پێكهاتەكانی.
پێشمەرگە قارەمانەکان،
کوردستانیانی خۆشەویست…
ههموو گەلی کوردستان و هاوپەیمانان پشتیوانییەکی زۆر گەورە له پرۆسەی يهكخستن و ڕێکخستنەوەی پێشمەرگە دهكهن، ئەوەش زۆر گرنگە. ساڵی ڕابردوو یاداشتی لێکگەیشتنی نێوان وەزارەتی پێشمەرگە و وەزارەتی بەرگریی ئەمهریکا بۆ ماوەی چوار ساڵی دیکە نوێ کرایەوە. هەروەها پشتیوانيی بەردەوامی ئەمهریکا و هێزەكانی هاوپەیمانان بۆ پێشمەرگە لە ڕابردوودا زۆر گرنگ بووە، لە داهاتووشدا زۆر پێویستە.
بە سوپاسێکی یەكجار زۆرەوە، بەڕێز لۆید ئۆستن وەزیری بەرگریی ئەمهریکا لە کاتی سەردانى مانگى ڕابردوويدا بۆ بهغدا و ههولێر، زۆر بە ڕوونی نیاز و بڕیاری ئەمهریکای پێڕاگەیاندین بۆ درێژەدان لە پشتیوانیی پێشمەرگە وەک هاوبەشێکی سهرهكيى هاوپەیمانان لە بەرەنگاربوونەوەی داعشدا. هەروەها وەزارەتی بەرگریی ئەمهریکا یارمەتيی پرۆسەی چاکسازی و یەکخستنی پێشمەرگە دەدات.
زۆر سوپاسی پشتیوانيی ئەمهریکا و هاوپەیمانيی نێودهوڵهتيى بەرەنگاربوونەوەی داعش دەکەین بۆ پشتیوانيی بەردەوامیان لە پێشمەرگە و پێیان دەڵێین: تيرۆر هێشتا مهترسييهكى ڕاستهقينهيه لە عێراق، بۆيه پێشمەرگە پێویستی بە پشتیوانيی ئێوەیە بۆ لهناوبردنى يهكجارهكيى داعش. لەم ڕێگەیەدا پێكهوه دەستمان پێكردووە و دەبێت پێكهوه تەواوی بكەین. ئێمه هێشتا لهگهڵ هاوپهيمانيى نێودهوڵهتيى دژى داعش، ئهركمان تهواو نهبووه و كارى هاوبهشمان ماوه پێكهوه بيكهين.
هەروەها دەمەوێ سوپاسیان بكەم بۆ پشوودرێژيی وڵاتانی دۆست و هاوپەیمان و بهردهواميى هاوکارییان بۆ پرۆسەی چاکسازی و یەکخستنی پێشمەرگە. پشتیوانيی هەموو ئەو وڵاتانە كە لەم پرۆسەیەدا لەگەڵ ئێمە بەشدارن بێ ئەوەی ناویان بهێنم، جێگەی سوپاسێکی زۆرە لەلایەن هەموو گەلی کوردستانەوە.
ئەم پشتیوانییە نێودەوڵەتییە زۆر گرنگە بۆ پێشمەرگە و هەرێمی کوردستان كه به ئازايهتى و به قارەمانیهتيی پێشمەرگه، بەدەست هاتووە. پێشمەرگە بە ئازایەتی و به ڕاگرتنی هێرشی دڕندانە و بەربڵاوی داعش و تێکشکاندنی ئەفسانهكهى، ئەو پشتیوانیيە نێودەوڵەتییەی بەدەستهێناوە.
پێشمەرگە بە هاوکاريی هاوپەیمانان و بەشداريی سوپای عێراق و حهشدى شهعبى، مەترسيی داعشيان نەهێشت كه گەورەترین هەڕەشە بوو لەسەر ژیانی هاوچەرخ و ئازاد لە ناوچەکە و هەموو جیهاندا. پێشمەرگە بە قارەمانیهتيی خۆی، سەلماندی كه شایانی خۆشەیستيی گەلانی جیهان و شايستهى ههموو پشتیوانييهكه.
ئامادەبووانی بەڕێز..
ئەم هەنگاوەی ئەمڕۆ، نیشانهى ئهوهيه کە پێداگیرییەکی زۆر هەیە لەسەر بەردەوامبوونی پرۆسەی چاکسازی و يهكخستن و ڕێکخستنەوەی پێشمەرگە. ئەوە داوا و ئامانجێکی زۆر ڕەوای خەڵکی کوردستانە و دهبێ جێبهجێ بكرێت.
بۆ ئەوەی بتوانین دەسەڵاتی دامەزراوەیی بچەسپێنین و پرۆسەی دیموکراسی لە هەرێمی کوردستان بەهێز بکەین، بۆ ئەوەی ئازادییە گشتییەکان و ئەو سەقامگیريیە ئەمنییەی لە هەرێمی کوردستان هەیە بپارێزین، بۆ ئەوەی دڵنیایيى تەواو بدەینە هاووڵاتيان، بۆ ئەوەی پشتیوانيی نێودەوڵەتی بۆ پێشمەرگە بەردەوام بێت، دەبێ پێشمەرگە بکەینە هێزێکی یەکگرتووی نیشتمانی.
پێشمەرگە شیرنترین ناوە لەلای گەلی کوردستان. لەڕووی زمان و واتاوه، وشەیەکە، پڕ لە جوانی و گەورەیى. مێژووی هاوچەرخی ئێمە و دەستکەوتەکانمان، بەرهەمی خەبات و خۆڕاگریی پێشمەرگەیە. لە هەموو قۆناغەكاندا، پێشمەرگە ئەگەر لە چەند سەنگەری جیاوازیشدا بووبن، يهك ئامانجی هاوبەشیان ههبووه، ئهويش ڕزگاريی کوردستان و ئازاديی کوردستانە. پێشمهرگه ئهگهر له پێكهاتهى ئيداريشدا جيا بووبێت، له خهبات و ئامانجدا هاوبهشه، وهك چۆن له شهڕى دژى داعشدا ئهم ڕاستييه بۆ هەموو گەلی كوردستان سەلمێنرا.
بە دامەزراوەییکردن و یەکخستنەوەيان، باشترین ڕێزگرتنە لە ناوبانگ و قارەمانیهتيی پێشمەرگە و دەبێت ئەوە جێبەجێ بكرێت. دەبێ بەرگی حزبایەتی بە تەواوهتی لەسەر پێشمەرگە لابدرێت بۆ ئەوەی باوەڕ و ناسنامەی ڕاستەقینەی، بە تەواوهتی دەربکەوێت کە ناسنامەی نیشتمانییە.
یەکخستن و پێشکەوتنی پێشمەرگە سوودێکی زۆری هەیە بۆ عێراق بەگشتی. لە پرۆسهى ئازاديى عێراقدا، ئەمە بە تەواوی دەرکەوت. هەروەها لە کاتی شەڕی داعشيشدا، جارێکی دیکە ئەو ڕاستییە دەرکەوتەوە، بەتایبەتی کە پێشمەرگە پارێزگای کەرکووک و بەشێکی زۆری پارێزگای دیالە و سەلاحەدینی لە هێرش و وێرانکاریی داعش پاراست، ههروهها هاوبەش و هاوکاری سەرەکى بوو له ڕزگارکردنی مووسڵدا.
سەروەريی عێراق هاوبەشە و پێشمەرگە دەتوانێت بەشدارێکی سەرەکی بێت لە پاراستنيدا، چونکە پێشمەرگە بەشێکە لە سیستەمی بەرگریی عێراق. بۆيه دهبێ عێراق له پشتگيرى و گرنگيدان به توانا سهربازييهكانى پێشمهرگه و دابينكردنى پێداويستييهكانى، ئهركى خۆى بە تەواوەتی جێبهجێ بكات.
ئامادەبووانی بەڕێز..
دواى لێكهوتهكانى بڕيارى دهستهى ناوبژيوانى له پاريس دهربارهى نهوتى ههرێمى كوردستان، ئەمڕۆ ئێمە پێمان وايه ئەو بڕیارە دەرفەتێکى باشە بۆ ئەوەی ههولێر و بهغدا چارەسەرێکی یەکجارەکی بۆ کێشەی نەوت دابنێن. بڕيارهكه مافى دهستووريى ههرێمى كوردستانى له دۆسيهى نهوتدا سهلماندووه، بۆیە ئێستا هەموومان دەتوانین باشتر بگهينه چارەسەرێك كه ههمووان تيايدا براوه بن.
دوای پهسهندكردنى دەستوور، ئێمە بهردهوام داوای دەرچوونی یاسای نەوت و گازمان كردووه، چونکە تەنیا ئەم یاسایە دەتوانێت مادەی (١١٢)ی دەستوور بە باشی ڕێکبخات. ئێستاش داوا دەکەین ئەو فیدراڵییەی لە دەستووری عێراقدا ههيه، بخرێتە ناو یاساکانی وەزارەت و دامەزراوەکانی عێراق، بۆ ئەوەی بەڕێوەبردنی وڵات لە ناوەندییەوە بە کردەوە ببێتە فیدراڵی.
ئێمە بەشێکی سەرەکین لە حکوومەتی ئێستای عێراق. بەپێى ڕێككهوتنى هاوپهيمانيى بهڕێوهبردنى دهوڵهت بۆ پێكهێنانى حكوومهتى فيدراڵى، ئێمە ههموو پشتگيرييهك لە سەرۆک وەزیران بەڕێز محەمەد شیاع سوودانی و كارنامهى حكوومهتەكەی دەکەین. لە گفتوگۆی نێوانماندا واقعبینی و ويستى زۆرى بۆ چارەسەر نیشانداوە. ئەم تێڕوانینەی ئهو، وایکردووە ئێمە لە هەرێمی کوردستان پشتیوانیی بەڕێزیان بكەین.
لهگهڵ بهڕێز مەسروور بارزانی سەرۆک وەزیرانی هەرێمی کوردستان، لێکگەیشتنی باشیان هەیە، هاتووچۆیەکی باشی شاندەکان هەیە بۆ چارەسەركردنی کێشەکان. هەروەها وەزیرانی کوردستان لە حکوومەتی فیدراڵ كاراترن و لەسەر کێشەی نەوتیش توانیویانە گفتوگۆی زۆر باش پێکەوە بکەن.
ئێستاش گفتوگۆکان لەسەر ڕێگەیەکی ڕاستن، بەڕێز سەرۆك وەزیران ئەمڕۆ سەردانی بەغدا دەكات بۆ ئەوەی چارەسەرێکی باش هەبێت بۆ کێشەی نەوت. پێمان وايه باشترين چارەسەر، چارەسەری ناوخۆى عێراقيانهيه. گەشبینم کە بگەینە ڕێککەوتن. ئەگەر ئەم کێشەیە چارەسەر بکەین، دەرگا بۆ چارەسەركردنی زۆر کێشەی دیکە دەکاتەوە، ئەوەش لە بەرژەوەنديی وڵات و هەموو پێکهاتەکانيدايه.
هیوادارین لە مانگی پیرۆزی ڕەمەزاندا هەموو لایەک بە دڵێکی پاکەوە بەدوای چارەسەردا بگەڕێن بۆ هەموو کێشەکان. ئێمە ئامادەین بۆ هەموو هاوکاری و لێکگەیشتن لەسەر بنەمای دەستووری عێراق. چارەسەری کێشەی نەوت و پەسەندکردنی بودجە، هەواڵێکی زۆر خۆش دەبێت بۆ هەموو پێکهاتەکانی عێراق.
دووبارە پێکهێنانی هەردوو فیرقەی (1) و (2) لە هەموو پێشمەرگە قارەمانەكان و گەلی کوردستان پیرۆز دەکەم، بە هیوای یەکخستنی هەموو پێشمەرگەی کوردستان لە داهاتوودا و زۆر سوپاس بۆ بەشداریی هەموولایەكتان.
بەخێر بێن.
https://presidency.gov.krd/president-nechirvan-barzani-we-must-make-the-peshmerga-a-unified-national-force/
سهرۆك نێچيرڤان بارزانى، جهژنى ئهكيتۆ پيرۆز دهكات
سەری ساڵی نويێ بابلیى ئاشووری و جهژنى ئەکیتۆ، به گهرمى لە خوشک و برایانی کلدانی، ئاشوورى و سریانی لە ههرێمى كوردستان و عێراق و له ههر كوێى جیهان بن پیرۆز دەكهم. هيواى سهركهوتن و جهژن و پشوويهكى شاد و ئاراميان بۆ دهخوازم.
لهم يادهدا داكۆكى له پاراستنى يهكسانى و ماف و ئازادييهكان و برهودان به كولتوورى پێكهوهژيان و يهكترقبووڵكردن و لێبوردهيى لهنێو ههموو پێكهاته ئايينى و نهتهوهيييهكانى كوردستاندا دهكهين، ههروهها خوشك و برايانى كريستيان و ههموو پێكهاتهكان دڵنيا دهكهينهوه كه ههرێمى كوردستان وهك ههميشه به نيشتمانى ههمووان دهمێنێتهوه.
جهژنى ئهكيتۆ له ههمووان پيرۆز بێت، ههموو ساڵێك به خۆشى.
نێچيرڤان بارزانى
سهرۆكى ههرێمى كوردستان
2023/4/1
https://presidency.gov.krd/president-nechirvan-barzani-congratulates-akitu-holiday/
«سەلام رشدی» لهگهڵ «سەفین دزەیى» بەرپرسى پەیوەندییەکانى دەرەوە کۆبۆوه
"سەلام رشدی" جێگری نوێنەری حکوومەتی هەرێمی کوردستان لە ئێران، لەگەڵ "سەفین دزەیى" بەرپرسى پەیوەندییەکانى دەرەوەی حکوومەتی هەرێمی کوردستان دیداری کرد.
"سەلام عارف رشدی" جێگری نوێنەری حکوومەتی هەرێمی کوردستان لە تاران، ڕۆژی دووشهمه ٢٧ی ماڕچی ٢٠٢٣ سهردانی فهرمانگهی پەیوەندییەکانى دەرەوەی حکومەتی هەرێمی کوردستانی کرد و لە لایهن "سەفین دزەیى" بەرپرسى فهرمانگهی پەیوەندییەکانى دەرەوەی حکوومەتی هەرێمی کوردستان به گهرمی پێشوازیی لێکرا و سهبارهت به باروودۆخی ناوچهکه، عێراق و هەرێمی کوردستان و ههروهها پەیوەندییەکانى نێوان ئێران و هەرێمی کوردستان دیدار و چاوپێکهوتنیان کرد.
لهم دیدارهدا، جێگری نوێنەری حکوومەتی هەرێمی کوردستان لە ئێران و بەرپرسى فهرمانگهی پەیوەندییەکانى دەرەوەی حکوومەتی هەرێمی کوردستان، سهبارهت به کار و چالاکییەکانی نوێنەرایەتی حکومەتی هەرێمی کوردستان لە تاران، باروودۆخی ناوچهکه و عێراق و ههروهها به گشتیی سهبارهت به پهیوهندییهکانی نێوان کۆماری ئیسلامی ئێران و هەرێمی کوردستان و به تایبهتی سهبارهت به پهیوهندییهکانی دەرەوهی ههرێمی کوردستان ئاخاوتنیان کرد.
نازم دەباغ نوێنەری حکومەتی هەرێم لە ئێران لەبارەی مەترسی ستراتیژییەتی کاری نێودەوڵەتی بۆ هەرێم قسە دەکات
نوێنەری حکومەتی هەرێمی کوردستان لە تاران ڕایدەگەیەنێت، لە دوای سەردانی شاندی هاوبەشی هەرێمی کوردستان و ئەنجومەنی ئاسایشی عێراق بۆ تاران، وەکو نوێنەرایەتی حکومەتی هەرێم ئاگاداری ڕووداو و پەیامەکان نین و دابڕاوین.
نازم دەباغ نوێنەری حکومەتی هەرێم لە تاران، له بارەی پەیوەندی نێوان ئێران و هەرێمی کوردستان دەڵێت"ماوەیەکە ئێران کارەکانی لە چوارچێوەی دەستوری و یاسایی عێراقدا بەرێوەدەبات، شتەکان لە ڕێگەی بەغداوە ئەنجام دەدرێن، بە تایبەت دواین جار کە شاندی هەرێم بە هاوبەشی لەگەڵ شاندی ئەنجومەنی ئاسایشی عێراق هاتنە تاران، ئێمە وەکو نوێنەرایەتی حکومەت ئاگاداری ڕووداو و پەیامەکان نین."
نوێنەری حکومەتی هەرێم لە تاران پێیوایە، ئەو دۆخەی ئێستا بەسەر هەرێمی کوردستاندا هاتووە، هاوشێوەی رێککەوتنامەی جەزائیری ساڵی 1975 ی نێوان عێراق و ئێرانە، دەڵێت"ڕەنگە رێککەوتنەکە ئەم جارە لە نێوان چوار وڵات بێت، ڕەنگە پشتگیری وڵاتە زلهێزەکانیشی هەبێت، بۆیە ئێستا ئیران بڕیاریداوە کێشەکانی لە چوارچێوەی عێراق لەگەڵ هەرێم چارەسەر بکات."
ئەو وتیشی"عێراق و ئێران ئێستا کەوتوونەتە نێو رێککەوتننامەی جەزائیر، تەنانەت رێککەوتنی ئێران و سعودیە کە بەغداشی تێدایە و وردەکارییەکەیم لانییە، ڕەنگە بەشێکی گەڕانەوە بێت بۆ بەندەکانی رێککەوتنامەی جەزائیر، تورکیاش بووەتە بەشێک لەم رێککەوتنە و ڕوونە، ئەمەی ئێستا بەڵگەیە عێراق و ئێران و تورکیا پێکەوە، کەوتوونەتە دانانی بەرنامەیەک بۆ دانانی سنوورێک بۆ دۆخی ئێستای عێراق و هەرێم."
نوێنەری حکومەتی هەرێم لە تاران ئاشکراشیکرد، چوار ساڵ لەمەوبەر کاتێک باسی دەروازە سنوورییەکانیان کردووە، ئێران هەوڵیداوە ڕێککەوتنەکانی حکومەتی هەرێم ببەستێتەوە بە ڕێککەوتننامەی جەزائیرەوە، وتی" بەڵام ئەو کات حکومەتی هەرێم توانای هەبوو، ئەمە قەبوڵ نەکات، یاخود ئێرانیش بەهۆی مام جەلال و کاک مەسعودەوە بێدەنگی دەکرد بۆ دواخستنی ئەم دۆخە، ڕەنگە ئێستا دۆخێک هاتبێتە پێشەوە، ڕێگە خۆشکەر بێت تا جارێکی تر باسبکرێتەوە."
بەشێک لە بەرپرسانی حزبە کوردییە ئۆپۆزسیۆنەکانی ئێران کە بنکە و بارەگایان لە هەرێمی کوردستان هەیە، مەترسی خۆیان نیشانداوە لە هەوڵەکانی ئێران بۆ چەککردن و کۆکردنەوەیان لەکەمپەکانی نیشتەجێکردندا.
لەو بارەیەوە نازم دەباغ دەڵێت"نازانم ئەم پلانە سەردەگرێت یان نا، بەڵام هەنگاوی بۆ دەنرێت، بەپێی رێککەوتنامەی جەزائیریش ئێران دەستبەرداری کورد دەبێت، عێراقیش دەستبەرداری حزبە کوردییەکان دەبێت کە بە ناوی ئیرانەوە کاردەکەن و لە عێراقن."
نازم دەباغ نوێنەری حکومەتی هەرێم لە تاران، هۆشداری دا لە مەترسی لە قاڵبدانی زیاتری هەرێمی کوردستان، گەر حکومەت بەخۆداچوونەوە نەکات و ناوماڵی خۆی یەکنەخات، ڕەنگە زەمینە لەبارتربێت بۆ ئابڵوقەدانی هەرێم.
https://www.dengiamerika.com/a/7025348.html
More...
دوایین هەواڵەکان
- سهركۆمارى توركيا بهردهواميى پشتگيريى وڵاتهكهى بۆ عێراق و ههرێمى كوردستان دووپات كردهوه
- پەیامی سەرۆک نێچیرڤان بارزانی لە ساڵیادی ڕۆژنامەگەریی کوردیدا
- نێچيرڤان بارزانى: دهبێ نيشتمان كۆكهرهوهى ههموومان بێت
- سهرۆك نێچيرڤان بارزانى لهگهڵ باڵيۆزى يهكێتيى ئهورووپا كۆبووهوه
- سهرۆكى ههرێمى كوردستان پێشوازى له باڵيۆزى فهرهنسا كرد
- سهرۆك نێچيرڤان بارزانى پێشوازى له باڵيۆزى بهريتانيا كرد
- سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات
- عەباس غەزالی: نووسین و چاپکردنی "فەرھەنگیی زارەکیی موکریان" شانازییەکی بێ پایانە
- پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی نەورۆز
- سهرۆكى ههرێمى كوردستان نامهيهكى پيرۆزبايى له وهزيرى دهرهوەى توركياوه پێدهگات