نازم ده‌باغ ده‌ستێوه‌ردانی ئێران له هه‌ڵبژاردنی سه‌رۆک کۆماری عێراق ره‌تده‌کاته‌وه

 جام کوردی: نوێنه‌ری حکومه‌تی هه‌رێمی کوردستان له تاران ده‌ڵێت کۆماری ئیسلامی ئێران پشتیوانی له هیچ به‌ربژێرێکی تایبه‌ت بۆ سه‌رۆکایه‌تی کۆماری عێراق ناکات.

به پێی راپۆرتی جام کوردی، نازم ده‌باغ نوێنه‌ری حکومه‌تی هه‌رێمی کوردستان له تاران له وتووێژێکدا له‌گه‌ڵ ئاژانسێکی هه‌واڵی کوردی رایگه‌یاند کۆماری ئیسلامی ئێران ده‌ستی له ناساندن و به‌ربژێرکردنی کاندید بۆ پۆستی سه‌رۆک کۆماری نییه و پشتیوانی له‌و کاندیده ده‌کات که کورده‌کان هه‌ڵێده‌بژێرن.

ئه‌و هه‌روه‌ها ده‌ڵێت: کاندیدی کورده‌کان بۆ سه‌رۆکایه‌تی کۆماری عێراق له لایه‌ن کۆماری ئیسلامی ئێرانه‌وه پشتیوانی ده‌کرێت و لای ئێرانییه‌کان باشتر وایه که کورده‌کان خاوه‌ن یه‌ک کاندیدی یه‌کگرتوو بن بۆ پۆستی سه‌رۆکایه‌تی کۆمار.

 

Read کد خبر: 2131

هەواڵی زیاتر لە تویتەر

راپۆرتە پڕ بینەرەکان

حالت های رنگی