ئەمڕۆ کاروان جەمال جێگرى بەرپرسى فەرمانگەى پەیوەندیەکانى دەرەوەى حکومەت پێشوازى لە بەڕێز نیکۆلا بەزانى سکرتێرى یەکەم لە بەشى سیاسى نێردەى یەکێتى ئەوروپا لە عێراق کرد.
لەسەرەتاى کۆبوونەوەکەدا، جێگرى بەرپرسى پەیوەندیەکانى دەرەوەى حکومەت پوختەیەکى سەبارەت بە بارودۆخى سیاسى و ئابوورى و ڕەوشى مرۆیی و شەرى بەرەنگاربوونەوەى ڕێکخراوى داعش و پەیوەندیەکانى نێوان حکومەتى هەرێم و حکومەتى عێراقى فیدڕاڵ پێشکەش کرد.
پاشان، بەڕێز نیکۆڵاى مەبەستى سەردانەکەى بۆ هەرێمى کوردستان روون کردەوە کە ئەویش زیاتر پتەوکردنى پەیوەندیە دوولایەنەکان و لە نزیکەوە ئاگاداربوون سەبارەت بە بارودۆخى سیاسى هەرێم و رەوشى ئاوارەکانى ناوخۆ و پەنابەرانى سوریایە لە هەرێمى کوردستان دا.
هاوکات ئاماژەى بە برى (27) ملیۆن یۆرۆ دا کە سالى پار وەکو هاوکارى پیشکەشى بە ئاوارەکانى هەریم کردووە لە چوارچێوەى هاوکاریە مرۆیەکان لە هەریمى کوردستان و عیراق. هەروەها رایگەیاند یەکیتى ئەوروپا بەردەوام دەبیت لە هاوکارى کردنى زیاتر بۆ سالى داهاتوو ئەمەش بە تەرخانکردنى (27) ملیۆن یۆرۆ وەکو هاوکارى مرۆیى بۆ هەریمى کوردستان.
پاشان تیشکى خستە سەر بەرنامەکانى یەکێـتى ئەوروپا بۆ هەرێمى کوردستان و خواستى زیاتریان بۆ پەرەپێدانى پەیوەندى دوولایەنە ، ئەمەش پاش بڕیارى کردنەوەى نوێنەرایەتى یەکێتى ئەورپا لە هەرێمى کوردستان کە پێشتر بڕیارى لەسەر دراوە ، وە ڕایگەیاند کە نێردەى یەکێتى ئەورپا لە عێراق دەستى کردووە بە ئامادەکارەکانیان بۆ کردنەوەى نوێنەرایتى تایبەتى نێردەى یەکێتى ئەورپا لە هەرێمى کوردستان بۆ زیاتر بەرەوپێش بردنى پەیوەندیەکان و هەماهەنگى و هاوکارى لە نێوان هەردوولا لە بوارەکانى سیساسى و کەلتورى و پەروەردەو ووزە.
لە کۆتایى دیدارەکە هەردوولا جەختیان کردەوە لەسەر گفتوگۆى بەردەوام لەسەر پڕۆسەى سیاسى عێراق و ناوچەکە هاوکات هاوکارى و هەماهەنگى زیاتر لە نێوان هەردوولا ، جێگرى بەرپرسى فەرمانگە ئامادەیى فەرمانگەى پەیوەندیەکانى دەربڕى بۆ پێشکەش کردنى هاوکارى پێویست بە مەبەستى سەرخستنى زیاترى کارەکانى نێردەى یەکێتى ئەورپا لە عێراق وە ئامادەکاریەکانیان بۆ کردنەوەى نوسینگەى نێردەکە لە هەرێمى کوردستان.