سەرۆكی هەرێمی كوردستان پێشوازی لە دكتۆر ئەیاد عەلاوی و شاندی یاوەری دەكات

  • سێ شەممە, 15 نیسان 2014

ئەمڕۆ سێشەممە 15ـی 4ـی 2014 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە دكتۆر ئەیاد عەلاوی و شاندێكی یاوەری كرد.


لە دیدارێكدا بارودۆخی سیاسی ناوچەكە و دۆخی نالەباری ئەمنی و سیاسیی ناوخۆی عێراق بە گشتی خرایە بەر باس و گفتوگۆ و هەروەها بارودۆخی ناهەمواری پارێزگای ئەنباریش تاوتوێ كرا. كێشەكانی نێوان هەرێم و بەغدا و هەڵبژاردنی ئەنجوومەنی نوێنەرانی عێراق تەوەرێكی دیكەی ئەم دانیشتنە بوو و هەردوولا جەختیان لەوە كردەوە كە پڕۆسەی سیاسیی عێراق گەییشتووەتە بنبەست و پێویستە گۆڕانێكی ڕیشەیی لە سیمای سیاسیی عێراق ڕوو بدات.

هەر لەم كۆبوونەوەیەدا شاندی میوان داوای لە سەرۆك بارزانی كرد كە ڕۆڵی خۆی لە گۆڕانكارییەكانی داهاتووی عێراق و ڕاستكردنەوەی پڕۆسەی سیاسیدا بگێڕێت.

 

 سێ شەممە, 15 نیسان 2014

 

 

Read کد خبر: 482

هەواڵی زیاتر لە تویتەر

راپۆرتە پڕ بینەرەکان

حالت های رنگی