له‌ دیدارێكدا كه‌ په‌رله‌مانتار ئومێد خۆشناو ئاماده‌ی بوو وه‌فدی میوان خۆشحاڵیی خۆیان بۆ ئه‌و پێشوازییه‌ ‌و سه‌ردانیان بۆ هه‌رێمی كوردستان  ده‌ربڕی‌و مه‌به‌ستی سه‌ردانه‌كه‌شیان روونكرده‌وه‌ كه‌ بۆ به‌روپێشبردنی زیاتری په‌یوه‌ندییه‌كانیانه‌ له‌گه‌ڵ هه‌رێمی كوردستان به‌ گشتی ‌و په‌رله‌مانی كوردستان به‌ تایبه‌تی.

 سه‌رۆكی په‌رله‌مانی كوردستان، وێڕای به‌خێرهێنانیان ‌و ده‌ربرینی خۆشحاڵی خۆی به‌سه‌ردانیان بۆ هه‌رێم‌و په‌رله‌مانی كوردستان، تیشكى خسته‌ سه‌ر باردۆخى ئه‌مڕۆى هه‌رێمى كوردستان ‌و عیراق ‌و مه‌ترسییه‌كانى داعش له‌و ناوچه‌یه‌دا ‌و رایگه‌یاند: "مه‌ترسیى داعش ته‌نیا له‌ سنوورى هه‌رێمى كوردستان ‌و عیراق-دا نامێنێته‌وه‌ به‌ڵكو به‌ره‌و وڵاتانى ناوچه‌كه‌ ‌و جیهانیش په‌ل ده‌كێشێت  گه‌ر بێت ‌و به‌ زووترین كات هاوكاریى هه‌رێمى كوردستان ‌و هێزه‌كانى پێشمه‌رگه‌ نه‌كرێت له‌ به‌ره‌نگاربوونه‌وه‌ى گروپه‌ توندڕه‌وه‌كاندا". هه‌روه‌ك سه‌رۆكى په‌رله‌مان داواى له‌ كۆمه‌ڵگه‌ى نێوده‌وڵه‌تى و ولاتی  ژاپۆن ‌و كرد كه‌ به‌ هاناى كوردانى ئێزیدییه‌وه‌ بچن كه‌ به‌هۆى هێرشى گروپه‌ تیرۆریسته‌كانه‌وه‌ له‌ ماڵ ‌و زێدى خۆیان ئاواره‌بوون.

له‌به‌رامبه‌ردا وه‌فدى میوان وێڕاى هاوڕابوونیان له‌گه‌ڵ سه‌رۆكى په‌رله‌مان سه‌باره‌ت به‌ مه‌ترسیی گروپه‌ توندڕه‌وه‌ تیرۆریستییه‌كان، جه‌ختیان له‌سه‌ر پێویستیى به‌ره‌وپێشبردن ‌و پته‌وكردنى په‌یوه‌ندییه‌كانى نێوان هه‌رێمى كوردستان ‌و ژاپۆن كرده‌وه‌.