![هەرێم - ئێران](/components/com_k2/images/placeholder/category.png)
هەرێم - ئێران
"مهرزیه ئهفخهم" وتهبێژی وهزارهتی دهرهوهی ئێران گوتی: هاوکاریی بازرگانی و ئابووری نێوان ههرێمی کوردستان و کۆماری ئیسلامی ئێران له ئاستێکی بهرزدایه و پهیوهندییهکی قووڵ و مێژوویی له نێوان دوو لایهندا له ئارادایه و ئهمه بابهتێکی نوێ نییه.
"مهرزیه ئهفخهم" وتهبێژی وهزارهتی دهرهوهی کۆماری ئیسلامی ئێران له کۆنفڕانسێکی خهبهریدا ڕایگهیاند: پهیوهندی قووڵ و مێژوویی ههیه له نێوان ئێران و کوردهکانی عێراق و ئهمه بابهتێکی نوێ نییه.
وتهبێژی دهزگای دیپلۆماسی ئێران سهبارهت به پهیوهندی ئێران لهگهڵ کوردستانی عێراق گوتی: ئێمه ههمیشه پهیوهندی تۆکمهمان لهگهڵ کوردهکانی عێراق بووه و بهردهوام دهبین له پهیوهندی و هاوکاری لهگهڵ ههرێمی کوردستان له چوارچێوهی حاکمییهتی عێراقدا.
ئهفخهم سهبارهت به دانوستان لهگهڵ ههندێ وڵات هاوپهیوهند به قهیرانی عێراق گوتی: تاران لهگهڵ چهندین وڵات لهوانه رووسیا له بارهی عێراق گفتوگۆی کردووه.
زیادیشی کرد: پێویسته وڵاتانی ناوچهکه ڕوانگهی گشتییان له سهر پرسی تیرۆریزمی تهکفیری ببێت و ئهگهر لهگهڵ ئهم پرسهدا دووفاقی مامهڵه بکرێت بێ گومان له قۆناغێکدا ناچار دهبن ههڵوێست بگۆڕن.
جهختیشی: ئێران له پیناو یارمهتی دانی عێراق بۆ چارهسهریی کێشه و گرفته جیدییهکانی ئهو وڵاته ئامادهی هاوکاری و ههڵگرتنی ههنگاوی پێویسته.
ئهمرۆ چوارشهممه 30/7/2014 له سێیهم رۆژی جهژنی رهمهزانی پیرۆزدا بهڕێز مسعود بارزانی سهرۆكی ههرێمی كوردستان به یاوهری شاندێكی باڵای بهرپرسانی سهربازی و ئهمنی ههرێمی كوردستان، هێزهكانی پێشمهرگهی له بهرهكانی روبهڕووبوونهوه له میحوهری رۆژئاوای دیجله بهسهركردهوه، كه به مهبهستی جهژنه پیرۆزه و ئهحواڵ پرسین و ئاگاداربوونی سهرۆك بارزانی له بارودۆخی هێزهكانی پێشمهرگه ئهنجامدرا.
لهم بهسهركردنهوهیهدا، سهرۆك بارزانی له یهكێك له بارهگاكانی هێزی پێشمهرگه له میحوهری رۆژئاوای دیجله وتهیهكی پێشكهش كرد و له وتهكهیدا پیرۆزبایی جهژنی له پێشمهرگهكان كرد و سوپاسی خۆراگری و ماندووبوونی پێشمهرگهی كرد و رایگهیاند: ئێمه ههرگیز نهمانویستووه تهعهدا له كهس بكهین، له كاتی ههڕهشهكاندا پێشمهرگه ههموو كات ئاماده بووه بهرگری له وڵاتهكهی بكات.
له بهشێكی دیكهی وتهكهیدا، سهرۆك بارزانی ئاماژهی به رۆڵی قارهمانانهی هێزی پێشمهرگه كرد و ئهوهی خستهڕوو، كه پێشمهرگه ئهركێكی پیرۆزه و مێژوو و ئاینده بۆ گهلهكهی دروست دهكات. ئهوهی ببێته پێشمهرگه ههمیشه بیر لهوه دهكاتهوه، كه وڵاتهكهی خۆی بپارێزێ.
له درێژهی وتهكهیدا، سهرۆك بارزانی ئاماژهی بهوه دا، كه ئهم بارودۆخهی ئێستا له ئارادایه كاتیه و كۆتایی دێت، بهڵام لهگهڵ ئهوهشدا پێویسته هێزی پێشمهرگه له ئامادهیی تهواو دابێت، بۆ ئهم مهبهستهش به ههموو شێوهیهك پاڵپشتی هێزهكانی پێشمهرگه دهبین.
سهرۆك بارزانی ههر له وتهكهیدا داوای له هێزی پێشمهرگه كرد، ههروهك چۆن خهڵكی ههرێمی كوردستان دهپارێزن، بهمشێوهیهش خوشك و براكانیان له رۆژئاوای كوردستانیش بپارێزن و هاوكاریان بكهن.
له كۆتایی وتهكهیدا سهرۆك بارزانی داوای له خوای گهوره كرد شههیدانی پێشمهرگه به بهههشتی بهرین شاد بكات و بریندارهكانیش به زووترین كات چاك ببنهوه و هیوای سهركهوتنیشی بۆ پێشمهرگه قارهمانهكان خواست.
له دوای وتهكهی سهرۆك بارزانی، له لایهن بهرپرسه مهیدانیهكان ئامادهیی هێزی پێشمهرگه و بارودۆخی مهیدانی بهرهكانی روبهڕووبوونهوه بۆ سهرۆك بارزانی شیكرایهوه.
شایهنی باسه سهرۆك بارزانی لهم بهسهركردنهوهیدا پارێزگای دهۆكی راسپارد بهبێ جیاوازی ئایینی و مهزههبی و نهتهوهیی خزمهت و هاوكاری پێشكهشی خهڵكی ناوچهكانی رۆژئاوای دیجله بكات، كه ماوەیەك لەدۆخێكی نالەباردان و له لایهن تیرۆریستهكانهوه ئاو، كارهبا و خزمهتگوزارییان لێ بڕدراوه.
دكتۆر "حهسهن رۆحانی" سهرۆك كۆماری ئێران پهیامێكی پیرۆزبایی ئاڕاستهی دكتۆر "فوئاد مهعسوم" سهرۆك كۆماری نوێی عیراق دهكات و هیوای سهركهوتنی بۆ دهخوازێت.
دهقی پهیامهكه:
بهناوی خوای بهخشندهو میهرهبان
بهڕێز فوئاد مهعسوم
سهرۆك كۆماری بهڕێزی عیراق
وێڕای سڵاو
پیرۆزباییتان لێدهكهم به بۆنهی متمانهی نوێنهرانی گهلی عیراق له پهرلهمان و ههڵبژاردنی جهنابتان وهكو سهرۆك كۆماری عیراق، له بارودۆخی ههستیاری ئێستادا، گرنگیی هاوكاتی بهرپرسان و گهلی عیراق بۆ روبهڕوبوونهوهی تیرۆریسم و درێژهپێدانی پرۆسهی گهشهی سیاسی و پتهوكردنی دیمۆكراسی روانگهیهكی پڕبایهخ و جێگای رێزه.
یارمهتیدان به ئاسایش و هێمنی، گهشهو خوشگوزهرانی خهڵكی شهریفی عیراق، روانگهی ستراتجیكی كۆماری ئیسلامی ئێرانه بۆ عیراق و خهڵك و حكومهتی ئێران وهكو ههمیشه درێژه به رۆڵی خۆی دهدات له پشتیوانیكردنی عیراقێكی یهكگرتوو و هێمن و به بهشداری ههموو لایهنهكانی ئهو وڵاته له پرۆسهی سیاسیدا.
بهنده وێڕای هیوای سهركهوتن بۆ جهنابتان، حكومهت و گهلی عیراق، هیوادارم له درێژهی ههوڵهكانی دوو وڵات بۆ گهشهی پهیوهندییهكان، ههنگاوی گرنگتر له هاوكارییهكانی نێوان دوو وڵات له ئاست پهیوهندییه دوولایهنییهكان و ناوچهییهكاندا ببینین.
حهسهن رۆحانی
سهرۆك كۆماری ئیسلامی ئێران
ئەمڕۆ سێشەممە 15ـی 7ـی 2014 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە دكتۆر ڕەزا ئەمیری موقەدەم یاریدەدەری سكرتێری ئەنجوومەنی ئاساییشی نەتەوەیی كۆماری ئیسلامیی ئێران و شاندێكی یاوەری كرد.
لە دیدارێكدا یاریدەدەری سكرتێری ئەنجوومەنی ئاساییشی نەتەوەیی كۆماری ئیسلامیی ئێران سوپاس و خۆشحاڵیی خۆی بۆ ڕەخساندنی ئەم دیدارە نیشان دا و ئاماژەی بەوەدا كە پەیوەندییەكانی نێوان كۆماری ئیسلامیی ئێران و هەرێمی كوردستان پەیوەندیی مێژوویین و نیگای كۆماری ئیسلامیی بەرانبەر هەرێمی كوردستان نیگایەكی ڕوون و دۆستانەیە و هیوایشی خواست كە قسەی لابەلا و ئەو كەشوهەوایەی لەنێو ڕاگەیاندنەكاندا لەدوای ڕووداوەكانی موسڵ دروست بووە كاریگەری لەسەر پەیوەندیی برایانەی نێوان هەرێمی كوردستان و كۆماری ئیسلامیی ئێراندا نەبێت.
هەر لەم دانیشتنەدا یاریدەدەری سكرتێری ئەنجوومەنی ئاساییشی نەتەوەیی كۆماری ئیسلامیی ئێران لەبارەی بارودۆخی سیاسی و ئەمنی و پڕۆسەی سیاسیی عێراق و پێكهێنانی حكوومەتی تازەی عێراقی وێڕای ئاماژەدان بە ڕۆڵی سەرۆك بارزانی و هەرێمی كوردستان لە پڕۆسەی سیاسیی عێراق هیوای خواست كە بە زووترین كات كۆتایی بە گرفتەكان بهێندرێت و ئارامی بۆ خەڵكی عێراق بگەڕێتەوە.
لەبەرانبەردا سەرۆك بارزانی بەخێرهاتنی شاندی میوانی كرد و ئاماژەی بە پەیوەندییە مێژوویی و سیاسییەكانی نێوان كۆماری ئیسلامی و هەرێمی كوردستان دا و ڕایگەیاند كە هەرێمی كوردستان هەردەم لەگەڵ برایەتی و ئاشتەوایی نێوان پێكهاتەكان و گەلان بووە و سەبارەت بە پڕۆسەی سیاسیی عێراق و ڕووداوەكانی موسڵ و ئەو واقیعەی ئێستا لە عێراقدا هاتووەتە كایەوە بە ڕاشكاوی بۆچوونی هەرێمی كوردستانی خستەڕوو و هۆكاری هەموو ئەو قەیرانەكانی عێراق بۆ بوونی فەرهەنگی خۆسەپاندن و تاكڕەوی و ئیدارەدانی هەڵەی كاروبارەكان گەڕاندەوە.
لە درێژەی قسەكانیدا سەرۆك بارزانی وێڕای ئاماژەدان بە هەڕەشە و مەترسییەكانی تیرۆر لەسەر عێراق و كوردستان و ناوچەكە ئەوەیشی بۆ شاندی میوان ڕوون كردەوە كە شەش مانگ بەر لە كەوتنی شاری موسڵ، لەبارەی بوونی هەڕەشەی تیرۆر لەم شارە هۆشداری داوەتە دەستەڵاتدارانی بەغدا بەڵام بە جدییان وەرنەگرت و لە دوای شكستیشیان هەوڵیاندا شكستی خۆیان بە تۆمەتباركردنی هەرێمی كوردستان پەردەپۆش بكەن. لە بەشێكی دیكەی وتەكانیدا سەرۆك بارزانی هێمای بەوەدا كە هەرێمی كوردستان ناتوانێ تاهەتایە لەنێو ئاگری توندڕۆیی مەزهەبی و ئیدارەدانی هەڵە و پێشێلكردنی دەستوور و خۆسەپاندنی دەستەڵاتدارانی بەغدادا بمێنێتەوە.
"نازم عومەر دەباغ" نوێنەری هەرێمی کوردستان لە ئێران، لە گۆڤاری مانگانەی "نەسیم بێداری" ژمارەی تایبەتی نەورۆز، وتارێکی بە ناونیشانی "پێشبێنی خاتەمی" نووسیوە کە دەقی ئەم بیرەوەرییە لە خوارەوە دەخوێننتەوە:
تاران..حكومەتی هەرێمی كوردستان بەشداریی لە كۆبوونەوەیەكی نێودەوڵەتی سەبارەت بە سەرچاوەكانی ئاودا كرد
لە رۆژانی 12 تا 15 ی/ 1 / 2014 لە تارانی پایتەختی كۆماری ئیسلامی ئێران كۆبوونەوەیەكی فەرمی لە نێوان شاندی حكومەتی هەرێمی كوردستان و حكومەتی عێراق و ئەو وڵاتە بەسترا، محەمەدەمین پێندرۆیی بە نوێنەرایەتی حكومەتی هەرێمی كوردستان لە لیژنەی باڵای دانوستان ئامادەبوو و لەلایەن حكومەتی عێراقی فیدرالیشەوە شاندێك بەسەرۆكایەتیی محەمەد ئەلحاج راوێژكاری وەزیری دەرەوەی عێراق و ئەندامێتیی راوێژكاری سەرۆك وەزیران و ژمارەیەك بەڕێوەبەری گشتی لە وەزارەتەكانی سەرچاوەكانی ئاو و وەزارەتی دەرەوەو وەزارەتی ناوخۆ بەشداربوو، شاندی كۆماری ئیسلامی ئێرانیش لە كۆبوونەوەكەدا بەسەرۆكایەتی بەڕێز عەلی رەزا جەهانگیری یاریدەدەری وەزیری دەرەوەی ئێران بوو.چەندین تەوەر لە میانی كۆبوونەوەكان باس كران.
لە تەوەری یەكەمدا باس لەرێكەوتننامەی ساڵی 1975ی جەزائیرو هێڵی تالوك و چۆنێتیی دیاركردنی لە شەتولعەرەب كرا، تەوەری دووەمیش بریتی بوو لە دابەش كردنی پشكی ئاوی رووبارەكان وچۆنێتیی دابەش كردن و رێكخستنی سەرچاوەكانی ئاو كە نزیكەی 40 رووباری هاوبەش لە نێوان هەردوو وڵات هەن و ژمارەیەكیشیان هاوبەشن لەگەڵ سنوری هەرێمی كوردستان.
هەروەها گۆڕینەوەی زانیاریی دەربارەی سەرچاوەكانی ئاو و پێكهێنانی لیژنەی هونەریی هاوبەش، لە دوا تەوەریشدا باس لەو خاڵە سنووریانە كرا كە تا ئێستا یەكلایی نەبوونەتەوە لە نێوان هەردوو وڵات كە بەشێكیان لەسنووری هەرێمی كوردستانن، هەروەها چۆنێتیی دیاركردنی ئەو خاڵانە كە بەو هۆیەوە سنووری نێوان هەردوو وڵات لەو شوێنانە دیاری دەكرێت.
بڕیاریشدرا، كە پاش ئەوەی لیژنەكانی هونەری كارەكانیان تەواو دەكەن، كۆبوونەوەی داهاتوو لە بەغدا ببەسترێت.
دوایین هەواڵەکان
- نازم دەباغ: کاتی سەردانی پزیشکیان بۆ عێراق دیار نییە
- «سەلام رشدی» لهگهڵ شاندی یهکێتی هاورده و ناردنکارانی لقی ههولێر کۆبۆوه
- سهرۆك نێچيرڤان بارزانى: ههميشه پشتيوانى و بهرگرى له مافهكانى ئێزدييان دهكهين
- سهرۆک نێچیرڤان بارزانی لهگهڵ باڵیۆزی یهکێتیی ئهورووپا کۆبووهوه
- سهرۆك نێچيرڤان بارزانى لهگهڵ باڵيۆزى نهمسا كۆبووهوه
- سهرۆك نێچيرڤان بارزانى سوپاسى جهنهرال ڤاول دهكات
- نازم دەباغ: "ناحەزان حەز دەکەن کورد تێوەبگلێنن" لە کوژرانی سەرۆکی حەماس
- نازم دەباغ: "ناحەزان حەز دەکەن کورد تێوەگلێنن" لە کوژرانی سەرۆکی حەماس
- پهيامى سهرۆك نێچيرڤان بارزانى بۆ يادى ئهنفالى بارزانييان
- ڕاگهيهنراوێك له سهرۆكايهتيى ههرێمى كوردستانهوه