هەواڵی رۆژ

كەنەدا نووسینگەی بازرگانی خۆی لە هەرێمی كوردستان دەكاتەوە

Print

 

ئەمڕۆ فەلاح مستەفا بەرپرسی پەیوەندیەكانی دەرەوەی حكومەت پێشوازی لە بڕۆنۆ ساكۆمانی باڵیۆزی نا نیشتەجێی كەنەدا لە عیراق و شاندێكی یاوەری كرد.

 
لە دیدارێكدا كە كاروان جەمال تاهیر جێگری بەرپرسی فەرمانگە ئامادەبوو، باڵیۆز ساكۆمانی خۆشحاڵی خۆی بۆ ئەم سەردانە دووپاتكردەوەو گووتی ئامانجی سەردانەكەم بۆ هەرێم بە مەبەستی ئاگاداربوونە لە دوایین پێشكەوتنەكانی ئەم ناوچەیە و رەوشی ئاوارەكانی سوریا لە هەرێم و دیراسەتكردنی ئەو دەرفەتانەی كە دەكرێ كەرتی تایبەت و كۆمپانیاكانی كەنەدا كاری تێدا بكەن لە هەرێمی كوردستان .

 
هەروەها گووتی كە هاوكاریەكانی وڵاتەكەی بۆ ئاوارەكانی سوریا بەردەوام دەبێت و پابەندبوونی وڵاتەكەی بۆ پتەوكردنی ئاستی پەیوەندیەكانیان لەگەڵ عیراق و هەرێمی كوردستان دووپاتكردەوە ئەویش بە كردنەوەی باڵیۆزخانەی وڵاتەكەیان لە بەغدا و نوێنەرایەتی لە هەرێمی كوردستان و رایگەیاند وەك هەنگاوی یەكەم وڵاتەكەی بە نیازە نوسینگەی بازرگانی لە هەرێمدا بكاتەوە.
 
ئاماژەی بەوەشدا لەكاتی گەڕانەوەی خۆی و تیمەكەی راپۆرتێكی تێر و تەسەل پێشكەشی حكومەتی وڵاتەكەی دەكات. هاوكات ئەوەشی خستەڕوو لە ماوەیەكی نزیكدا شاندێكی بازرگانی كەنەدی سەردانی هەرێم دەكات و هیوایشی خواست شاندێكی بازرگانی لە هەرێمەوە سەردانی وڵاتەكەیان بكەن بۆ ئاشناكردنی هەرێم بە كەرتی تایبەتی كەنەدا.
 
فەلاح مستەفا سوپاسی حكومەتی كەنەدای كرد بۆ پابەندبوونیان بەو بەڵێنەی دابوویان و پاڵپشتی حكومەتی هەرێمی بۆ هەوڵەكانیان لەپێناو دروستكردنی پەیوەندیەكی پتەو لە نێوان هەردوولا دووپاتكردەوە،هەر لەم رووەوە پێشوازی لە بڕیاری كردنەوەی نوێنەرایەتی كەنەدا كرد لە هەرێم.
 
هەروەها هیوای خواست ئاڵوگۆڕی سەردان و هاوكاری و هەماهەنگی نێوان هەردوولا بەردەوام بێت و كەرتی تایبەتی كەنەدا رۆڵی خۆی لە گەشەپێدانی هەرێم ببینێت و دووپاتیكردەوە حكومەتی هەرێم دەخوازێ‌ پەیوەندیەكانی لەگەڵ كەنەدا بباتە قۆناغێكی پێشكەوتوو.  

 

 

 

 

 

 

 

 

Read کد خبر: 270
Tagged under
back to top

هەواڵی زیاتر لە تویتەر

  • krg_irant

راپۆرتە پڕ بینەرەکان

حالت های رنگی

بازگردانی