ئێواره‌ی ئه‌مڕۆ شه‌ممه 14/2/2015 به‌ڕێز مسعود بارزانی سه‌رۆكی هه‌رێمی كوردستان كۆتایی به سه‌ردانه‌كه‌ی بۆ ئه‌ورووپا هێنا و له‌ڕێی فڕۆكه‌خانه‌ی نێوده‌وڵه‌تیی هه‌ولێر گه‌یشته‌وه پایته‌ختی هه‌رێمی كوردستان.
جێگەی ئاماژەپێكردنە سه‌رۆك بارزانی لەسەر بانگهێشتێكی فەرمی بۆ به‌شداریكردن له كۆنفرانسی ئاساییشی جیهانی له میونیخ سه‌ردانی ئه‌ورووپای كرد و لە پەراوێزی كۆنفڕانسەكەیش چاوی بە ژمارەیەك بەرپرسی و سیاسەتەمەداری وڵاتانی جیهان كەوت و دوای ته‌واوبوونی كۆنفرانسه‌كه‌یش سه‌ردانی وڵاتی فه‌ڕه‌نسای كرد و له‌گه‌ڵ سه‌رۆك و گه‌وره به‌رپرسانی فه‌ڕه‌نسا كۆبۆوه. هەروەها وڵاتی نەمسا دوایین وێستگەی سەردانەكەی سەرۆك بارزانی بوو و لەوێ لەگەڵ سه‌رۆكی نه‌مسا كۆبۆوه.