ئێوارەي رۆژي هەيني 26/9/2014 لە نيويۆرك شاندي هەرێمي كوردستان، كە پێكهاتبوو لە دكتۆر فوئاد حسێن سەرۆكي ديواني سەرۆكايەتي هەرێمي كوردستان و فەلاح مستەفا بەرپرسي پەيوەنديەكاني دەرەوەى حكومه ت، لە چوارچێوەي شاندي عێراقي و لە پەراوێزي كۆبوونەوەكاني خولي 69يەميني كۆمەڵەي گشتي نەتەوە يەكگرتووەكان، ئامادەي دانيشتني پێشكەش كردني ووتاري دكتۆر فوئاد مەعسوم سەرۆك كۆماري عێراقي فيدڕاڵ بوون.
لەسەرەتاي ووتارەكەيدا سەرۆك كۆماري عێراق باسي لە هەوڵەكاني 14 ساڵ بەر لە ئێستا كرد بۆ گەشەپێداني كۆمەڵايەتي و ئابوري و هەروەها پاراستني سەقامگيري و ئاسايشي نێودەوڵەتي و وەستاندني خۆپڕچەك كردن و داماڵيني چەكە كۆمەڵكوژەكان و لەناوبردني تيرۆرو هاوكات دەستەبەر كردني مافەكاني مرۆڤ و پاڵپشتي دادپەروەري و ياسا نێودەوڵەتيەكان لە جيهان. لەم چوارچێوەيەشدا باسي لە قورباني و تاواني كيميابارن كردني هەڵەبجە بە چەكي كيميايي كۆمەڵ كوژ لە لايەن رژێمي پێشووي عێراق لە ساڵي 1988 كرد.
سەرۆك كۆماري عێراق جەختي لەسەر دەستبەري ئاسايش و لەناوبردني گرووپي تيرۆرستي داعش كردەوە. لەم رووەوە وێڕاي ئاماژە كردن بۆ بووني پلانێك بۆ لەناوبردني ئەو گرووپە تيرۆرستيە، داواي دروستكردني بەرەيەكي جيهاني بۆ كۆتايي پێ هێنانيان بۆ پاراستني ناوچەكەو جيهان كرد.
هەروەها باسي لە گرينگي پێكهێناني حكومەتي نوێي عێراق كردو بە وەڵامێكي كاريگەري بۆ ئەو مەترسيەي لەسەر عێراق هەبوو بەهۆي ئەو گرووپە توندڕەوەوە وەسف كرد. هاوكات كاريگەري رۆڵي هێزەكاني پێشمەرگەي كوردستان لەڕووبەڕووبوونەوەو راوەستاندني هێرشەكاني داعش كرد، ئەمەش وێڕاي هەوڵەكاني هێزە چەكدارەكاني ديكەي عێراق بۆ هەمان مەبەست. سوپاسي نەتەوە يەكگرتووەكان و ئەو ووڵاتاني ئازادي خواز كرد كە لەم باردوخەدا هاوكاري عێراقيان كردووە.
سەرۆك كۆماري عێراقي فيدڕاڵ جەختي كردەوە بەسەر ئەوەي كە ووڵاتەكەي موكوڕە لەسەر لەناوبردن و پاكردنەوەي عێراق لە تيرۆرستان. جەختيشي كردووە كە سەركەتن بەسەر تيرۆر لە عێراق هەنگاوێكي گرنگ دەبێ بۆ پاراستني ناوچەكەو رزگاربووني جيهان لەم مەترسيە. لەم رووەشەوە ئاماژەي بە بڕياري 2170ي ئەنجومەني ئاسايشي نەتەوە يەكگرتووەكان لەمانگي ئابي رابردوو سەبارەت بە گرووپە تيرۆرستيەكاني جەبهەي نەسرەو داعش و ئەواني ديكە كرد.