ئەمڕۆ شەممە ١٨ـی٧ـی٢٠١٥، لە دووەم ڕۆژی جەژنی ڕەمەزانی پیرۆزدا، بەڕێز مەسعود بارزانی سەرۆکی هەرێمی کوردستان، بەمەبەستی جەژنە پیرۆزە و ئاگاداربوون لە ڕەوشی بەرەکانی بەرەوڕووبوونەوەی تیرۆریستان، سەنگەرەکانی پێشمەرگەی لە میحوەری ڕۆژهەڵاتی دیجلە، میحوەری ڕۆژئاوای دیجلە، میحوەری باشیک، میحوەری خازر و بەنداوی موسڵ، بەسەر کردەوە.
لەو بەسەرکردنەوەیەدا سەرۆک بارزانی لەلایەن بەرپرسی میحوەرەکان و فەرماندە مەیدانییەکانی پێشمەرگەوە بە گەرمی پێشوازییان لێ کرا. سەرۆک بارزانی سەنگەرەکای پێشمەرگەی بەسەر کردەوە و پیرۆزبایی جەژنی لە فەرماندە و پێشمەرگەکان کرد و ڕایگەیاند کە هاتووم جەژنە پیرۆزەتان لێ بکەم و بە فەرزم زانی لە جەژندا لەگەڵ پێشمەرگە قارەمانەکان بم.
سەرۆک بارزانی هەروەها داوای لەهێزی پێشمەرگە کرد بەوریاییەوە ئەرکی خۆیان لە پاراستنی کوردستان جێبەجێ بکەن و نابێ ململانێی حزبەکان کاریگەریی لەسەر پێشمەرگە هەبێت، چونکە بوونی ململانێی سیاسی لەناو لایەنەکان ئاساییە و ئەو ململانییە هەرچۆنێک بێت قسەی کۆتایی بۆ گەل دەبێت.
سەرۆک بارزانی هەروەها ڕایگەیاند کە ئەوانەی باسی دووئیدارەیی دەکەن دیارە پەند لە مێژوو وەرناگرن، ئەو هەموو خەبات و قوربانیدانەی گەلەکەمان بۆ ئەوە نەبووە کوردستان دابەش بکرێت و نابێ بەخەیاڵیش بیری لێ بکرێتەوە و کەس ناتوانێ هەرێمی کوردستان لەت بکات و ئەوەی بە یەک ئیدارەیی و یەکگرتنەوەی کوردستان قایل نییە ئازادە لەوەی شوێنێکی تر بۆ ژیانی خۆی هەڵبژێرێت.
سەرۆک بارزانی ڕاشیگەیاند: زۆر سەیرە لەکاتێکدا دەرفەتی زێڕین بۆ کورد ڕەخساوە بۆ سەرکەوتن بەرەو لوتکە، کەسانێک هەبن باسی دوو ئیدارەیی بکەنەوە، دڵنیاشم خەڵکی کوردستان وەڵامی ئەوانە دەداتەوە.
سەرۆک بارزانی هەروەها تەئکیدی کردەوە کە مەینەتی و قوربانیدانی گەلەکەمان بە درێژایی مێژوو بۆ ئەوە نەبووە کورد پاشکۆ و ژێر دەستە بێت، دوژمنانی گەلەکەمان دەستیان لەهیچ تاوانێک نەپاراستووە و هەرچییان پێ کرابێت کردوویانە بەڵام نەیانتوانی ئیرادەی گەلەکەمان بشکێنن، بۆیە ناکرێت چیدیکە گەلی ئێمە لەو مەینەتییانەدا بژیت و بە ئاگری خەڵکی تر بسووتێت. دەبێ بڕوامان بەخۆمان بێت و گەلەکەمان لەو مەینەتییانە ڕزگار بکەن، نابێ غەدر لە قوربانیدانی گەلەکەمان بکەین، ئێمە لەنێوان سەربەخۆیی و پاشکۆبوونداین و هەرگیز پاشکۆبوون هەڵنابژێرین.
سەرۆک بارزانی هەروەها ڕایگەیاند: بەرلەوەی پرۆسەی ئازادکردنی موسڵ بەڕێوە بچێت پێویستە دڵنیایی بدرێتە پێکهاتە جیاوازەکانی ئەو پارێزگایە کە ڕۆڵیان لە بەڕێوەبردنی پارێزگاکەیاندا دەبێت و جارێکی تر تووشی نەهامەتی نەبنەوە و نەچەوسێندرێنەوە.
لە درێژەی سەردانەکەیدا سەرۆک بارزانی سەردانی هێزەکانی پێشمەرگەی لە بەنداوی موسڵ کرد و وێڕای جەژنە پیرۆزە و دەستخۆشیی لە پێشمەرگە قارەمانەکان بۆ پاراستنی ئەو بەنداوە، ڕێنماییشی دا بە فەرماندەکان کە ئاسانکاریی پێویست بۆ تیمەکانی چاککردنەوە و تیمە تەکنیکییەکان بکەن بۆ ئەوەی کاری چاککردنەوەی پێویست لە بەنداوەکە ئەنجام بدرێت.
لیژنەی لێكۆڵینەوەی سەر بە ئەنجوومەنی نوێنەرانی عێراق تایبەت بە كەوتنی شاری موسڵ لەسەر دەستی تیرۆریستانی داعشەوە لە حوزەیرانی 2014 زاینی، چەند پرسیارێكی ئاڕاستەی بەڕێز سەرۆكی هەرێمی كوردستان كردووە، پاش بینین و دیراسەتكردنی ناوەرۆكەكەی، لە بارەی پرسیارەكان و بەلاڕێدابردن و دووركەوتنەوە لە كرۆكی بابەتەكە و بنەماكانی، بە ڕای گشتی ڕادەگەیەنین:
یەكەم:
زۆربەی پرسیارەكان مینڕێژكراون و گومانی زۆر و تۆمەتباركردنی ژێربەژێریان تێدایە كە زۆر لە هۆكارە ڕاستەقینەكانی كەوتنی موسڵەوە دوورن، هیچ ڕاشكاویی و شەفافییەتێكیان تێدا نییە، بۆیە پێمان وانییە پێوەندیی بەئێمەوە هەبێت و كاریشمان بەسەرییەوە نییە.
دووەم:
پێویست بوو ئەو پرسیارانە لەو كەسانە بكرێت كە ڕێگرییان كرد لە هاریكاریی لەگەڵ پێشمەرگە و بگرە نەیانهێشت پێشمەرگە ڕووبەڕووی داعش ببێتەوە پێش گرتنی موسڵ و دوای گرتنیشی، هەروەها ئاراستەی ئەو سەركردە سەربازییانە بكرێت كە لە موسڵ هەڵاتن و موسڵ و چەكەكانیان تەسلیمی داعش كرد.
سێیەم:
هەرچی بابەتی چۆنێتی ئیدارەدانی شەڕ لە دژی داعش و وردەكاریی و لێكەوتەكانێتی لە هەرێمدا، ئەوە حەسرییەن تایبەتە بەدامودەزگاكانی هەرێم.
دیوانی سەرۆكایەتی هەرێمی كوردستان
11/6/2015
ئەمڕۆ یەكشەممە 15ـی 2ـی 2015 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە شاندێكی هاوبەشی سەربازی و سیاسی ئەمەریكا كرد كە پێكهاتبوو لە جەنەڕاڵ ژۆزێف ڤۆتێل فەرماندەی ئۆپڕاسیۆنە تایبەتەكانی سوپای ئەمەریكا و ستیوارت جۆنز باڵیۆزی ئەمەریكا لە عێراق و ژۆزێف پێنینگتۆن كونسوڵی ئەمەریكا لە هەولێر و ژمارەیەك ئەفسەر و ڕاوێژكاری سوپای ئەمەریكا.
لە دیدارەكەدا فەرماندەیئۆپڕاسیۆنەتایبەتەكانیسوپایئەمەریكاسوپاسی سەرۆك بارزانیی كرد بۆ ڕەخساندنی دیدارەكە و خۆشحاڵیی خۆی نیشاندا بە سەركەوتنەكانی هێزی پێشمەرگە و پێزانینی هەبوو بۆ ئازایەتی پێشمەرگە لە شەڕی دژی تیرۆریستانی داعش. هەروەها ئاماژەیشی بە هەماهەنگیی نێوان هێزی هاوپەیمانان و هێزی پێشمەرگە كرد كە ئەنجامی باشی لێ كەوتووەتەوە و بە بەردەوامیی ئەم هەماهەنگییە لە ئاییندەیشدا بەیەكەوە هەنگاوی باش دەنێن. فەرماندەیئۆپڕاسیۆنەتایبەتەكانیسوپایئەمەریكالە درێژەی قسەكانیدا وێڕای ئاماژەدان بەو بارە قورسەی لە شەڕی تیرۆردا لەسەر شانی پێشمەرگە و هەرێمی كوردستانە ئەوەی دووپات كردەوە كە سوپای ئەمەریكا ئەوەی لە توانای دابێت بۆ یارمەتیدانی پێشمەرگە دەیكات.
لەبەرانبەردا سەرۆك بارزانی وێڕای ئاماژەدان بە گیانفیدایی و قوربانیدانی پێشمەرگە كە توانی لەسەر ئەرز ئوستوورەی داعش تێكبشكێنێت، سوپاسی ئەمەریكا و هێزی هاوپەیمانانی كرد بۆ یارمەتیدانی پێشمەرگە و، پاڵپشتیی ئاسمانیی هێزی هاوپەیمانی بە كاریگەر وەسف كرد. سەرۆك بارزانی هێمای بە مەترسییەكانی تیرۆریستانی داعش دا و ئەوەی خستە ڕوو كە تیرۆر هەڕەشەیەكە بۆ سەر هەموو لایەك و هیچ كەس و لایەنێك ناتوانێ ئەم شەڕە لەخۆی دوور بكاتەوە و لە مەترسییەكانی بەدوور بێت. سەرۆك بارزانی لەبارەی ڕووبەڕووبوونەوەی تیرۆر جەختی لەوە كردەوە كە پێویستە لە تەك چارەسەری سەربازی شەڕی فكری داعش بكرێت و سەرچاوەی داهاتیان وشك بكرێت و ڕێگەی هاتوچوویان بگیرێت و ئازادیی هاتوچووی تیرۆریستان لە نێوان وڵاتان نابێ لەسەر حیسابی ئاساییشی جیهانی بێت.
هەر لەم كۆبوونەوەیەدا هەماهەنگی و هاوكاریی نێوان هەرێم و بەغدا لە شەڕی تیرۆریستان و بارودۆخی مەیدانیی بەرەكانی شەڕ و ئازادكردنی موسڵ و ناوچەكانی دیكەی عێراق و هەماهەنگیی هێزە عێراقییەكان لە شەڕی داعش باسی لەسەر كرا.
لە بەشێكی دیكەی ئەم كۆبوونەوەیەدا ئازادكردنی كۆبانێ و ڕۆڵی هێزی پێشمەرگە لە كۆبانێ خرایە بەر باس و گفتوگۆ و شاندی میوان ڕۆڵی پێشمەرگەی لە ئازادكردنی كۆبانێ و پاڵپشتیكردنی هێز كوردییەكانی كۆبانێی بەرز نرخاند و پاڵپشتیی خۆیان بۆ هێزی پێشمەرگە لە كۆبانێ دووپاتكردەوە.
جێگەی ئاماژەپێكردنە كە لەم كۆبوونەوەیەدا مەسرور بارزانی ڕاوێژكاری ئەنجوومەنی ئاساییش و مستەفا سەید قادر وەزیری پێشمەرگە و فەلاح مستەفا بەرپرسی فەرمانگەی پەیوەندییەكانی دەرەوە و ئەنوەر حاجی عوسمان بریكاری وەزارەتی پێشمەرگە و فەریق شێروان عەبدوڵڕەحمان و فەریق جەبار یاوەر ئەندامانی فەرماندەیی گشتیی هێزەكانی پاراستنی هەرێم ئامادە بوون.
هەولێر، هەرێمی کوردستان، عیراق (ماڵپەڕی حکومەتی هەرێم) - فەریق جەبار یاوەر، ئەمینداری گشتی وەزارەتی کاروباری پێشمەرگە وتەبێژی هێزە چەكدارەكانی هەرێمی كوردستان لەكۆنگرەیەكی رۆژنامەوانیدا رەتیكردەوە هەرێمی كوردستان مامەڵە لەگەڵ یاسای گاردی نیشتیمانی عیراقیدا بكات.
لەم بارەیەوە گوتی : هەرێمی كوردستان قەوارەیەكی حوكمڕانی تایبەتە لەنێو دەولەتی فیدرالی عیراقدا وبەپێی دەستووری فیدرالی، هەرێم پێشمەرگە وئاسایش وپۆلیسی خۆی هەیە وناكرێ وەكو پارێزگایەك مامەڵەی لەگەڵدا بكرێت. "ئەو یاسایەی كە لەلایەن ئەنجومەنی وەزیرانی عیراقیەوە دەنگی لەسەردرا بۆ پارێزگاكانە وهەرێمی كوردستانیش ئەو جۆرە مامەڵەیە رەت دەكاتەوە."
هاوكات جەختی لەسەر ئەوە کردەوە کە كەركووك بۆ قبووڵكردن ورەتكردنەوەی ئەم یاسایە سەرپشك كرابوو، ئەنجومەنی پارێزگای كەركووكیش بەراشكاوانە ئەم یاسایەی رەتكردەوە وبەشێوەیەكی فەرمی ئەم رەتكردنەوەیەی راگەیاند.
زیانەکان وباری هێزی پێشمەرگەی کوردستان
لە لایەکی ترەوە، سەبارەت بە زیانەکانی هێزی پێشمەرگەی کوردستان، فەریق جەبار یاوەر رایگەیاند لە 10ی حوزەیرانی 2014 تا 3ی شوباتی 2015 ، هێزەكانی پێشمەرگە 999 شەهیدو4596 برینداری هەیە وبریندارەكانیش لەنەخۆشخانەكانی نێو هەرێمی كوردستان ولەدەرەوەی وڵاتیش وەک توركیا وئێران وئەورووپا چارەسەریان بۆ كراوە.
لەبارەی یەكخستنی هێزی پێشمەرگەوە، جەبار یاوەر ئاماژەی بەوەدا کە وەزارەتی کاروباری پێشمەرگە بەفەرمی وەڵامی پرسیاری لیژنەی پێشمەرگەی پەرلەمانی داوەتەوە. وەزیری پێشمەرگە هەردوو فەرماندەی یەكەی 70 و 80 ی پێشمەرگە یەكخستنی پێشمەرگەی بەئەرك وفەرمانێك بەسەر وەزارەتەوە لەقەڵەمدا. لە هەمان کاتدا رونیشیكردەوە کە بەهۆی قەیرانی دارایی وشەڕی لەگەڵ رێکخراوی تێرۆرستی دەوڵەتی ئیسلامی، ناسراو بە داعش، ئەم پرۆسەیە بەباشی بەڕێوە نەچووە.
لەبارەی بڵاوبوونەوەی وێنەی بەدیلگرتنی ژمارەیەك لە پێشمەرگەی كوردستان لەلایەن چەكدارانی داعش، لێكۆڵینەوە دەكات وبڕیاری خۆی لەبارەی راستی وێنە وڤیدیۆیە بڵاوبووەكان دەدات.
فەریق جەبار یاوەر لەبارەی ئەم بابەتەوە مامەڵەكردنى هەرێمی كوردستانی لەگەڵ رێكخراوی تیرۆریستی داعش ڕەتكردەوە ونیشانیشیدا لەبەردەوامی لێكۆڵینەوەكان لەبارەی ئەم وێنە وڤیدیۆیانە ئەنجامی نەبووە بۆیە هیچ بڕیارێك لەبارەی ئەم پرسەوە نەدراوە.
جەبار یاوەر داوای لەكەناڵەكانی راگەیاندن كرد بەشێوەیەكی پیشەییانە مامەڵە لەگەڵ وێنەو ڤیدیۆ وهەواڵی هێزی پێشمەرگە وبەرەكانی شەڕ بكەن وبە وردی زانیاریەكان بڵاو بكەنەوە چونكە هەموو ئەو هەواڵانە بەئاسایشی نیشتیمانی كوردستان وسەلامەتی هێزەكانی پێشمەرگە پەیوەستە وزۆرجاریش ئەم هەواڵانە وبڵاوكردنەوەی وێنە وڤیدیۆ دەبێتە سەرچاوەی پێدانی زانیاری بێ بەرامبەر بۆ چەكدارانی داعش.
وێنەکانی مامەڵەكردن لەگەڵ لاشەی كوژراوانی داعش
جەبار یاوەر نیگەرانی خۆی دەربارەی بڵاوكردنەوەی چەند وێنەوگرتەیەكی ڤیدیۆ دەربڕی كە "مامەڵەیەكی (تاكە كەسی) چەند كەسانێك نیشان دەدەن لەبارەی مامەڵەكردن لەگەڵ لاشەی كوژراوانی داعش."
دووپاتیكردەوە کە ئەم رەفتارانە بەهیچ شێوەیەك لەگەڵ رەوشت وبنەماكانی هێزی پێشمەرگە یەك ناگرنەوە ولەمبارەیەوە وەزارەتی پێشمەرگە نووسراوی فەرمی داوەتە هەموو میحوەرەكانی شەڕ تیایدا داوا لەهەموو لایەك كراوە بەهیچ شێوەیەك مامەڵەی لەم جۆرە لەگەڵ لاشەی كوژراوانی داعش نەكرێت ورێز لەبنەماكانی یاسای نێودەوڵەتی بگیرێت لەمامەڵەكردن لەگەڵ دیل وكوژراوان. ئاماژەی بەوەشدا هەر رەفتارێكی لەمجۆرە لەلایەن هەر پێشمەرگە وكەسێكەوە بكرێت ئەو كەسە سزا دەدرێت.
ئاشكراشیكرد، رێكخراوی چاودێری مافی مرۆڤ لە نووسراوێكی فەرمی 10پرسیاری ئاراستەی حكومەتی هەرێمی كوردستان كردووە ووەزارەتی پێشمەرگەش بەوردی وەڵامی هەموو پرسیارەكانی داوەتەوە وبۆیان روونكراوەتەوە ئەم كردەوانە تاكە كەسی بوون.
رۆلی پێشمەرگە لە شەڕی کۆبانێ
وتەبێژی فەرمی هێزە چەكدارەكانی هەرێمی كوردستان تیشكی خستە سەر بارودۆخی كۆبانێ وگوتی لە 28 ی تشرینی دووەمی رابردوو یەكەمین كاروانی هێزی پێشمەرگە لەسەر داوای شەڕڤانانی ئەم دەڤەرە وەكو هێزی پاڵپشت چوونە کۆبانێ و 38 رۆژ لەوێ مایەوە. لەو كاتەدا 80 لەسەدی ئەم ناوچەیە لەبەردەستی تیرۆریستانی داعش بوو. كاروانی دووەمیش لە 2ی کانوونی یەکەمی رابردوو رەوانەکرا. لەو ماوەیەی دوای ناردنی كاروانی یەكەم ودووەم زیاتر لە 75 لەسەدی ئەم خاکە لە تیرۆریستان رزگاركرا. لە 15ی کانوونی دووەمی ئەم ساڵ كاروانی سێیەمی ئەم هێزانە چوونە كۆبانێ وئێستاش هەر لەوێن وكۆبانیش بەیەكجارەكی رزگاركرا. بەپێی زانیاریەكانیش ئێستا داعش زیاتر لە 25 كیلۆمەتر دوورخراونەتەوە وزیاتر لە 50 گوندی ناوچەكە ئازادكراوە.
لەبارەی گەڕانەوەی ئەم هێزانەش جەبار یاوەر گوتی هەر كاتێك ئەم هێزانە داواكاری فەرمیان بۆ گەڕانەوەی پێشكەشكرد وسەرۆكی هەرێمی كوردستان فەرمانی لەسەردا ئەوكاتە ئەو هێزانە دەگەڕێنەوە.
شەڕی چیای شنگاڵ وپرسی ئازادکردنی موسڵ
لەلایەکی تری کۆنگرە رۆژنامەوانییەکەدا جەبار یاوەر گوتی پرۆسەی ئازادكردنی چیای شنگال بووە هۆی پێشڕەوی زیاتری پێشمەرگە بۆ ناوچەكانی نزیك لەسنووری سوریا كە وایكرد هاتوچۆی تیرۆریستانی داعش گرفتی تێبكەوێت. "ئێستا تەنها نێو شاری شنگار ماوە وپرۆسەی ئازادكردنیشی ئاسان نیە لەبەرئەوەی دەورووبەری ناوچەكە هەمووی بۆمبڕێژ كراوە وپێشمەرگە دەیەوێ بەكەمترین زەرەری گیانی وشەهیدەوە ئەم پرۆسەیە ئەنجامبدات بەهەبوونی ئامێری تایبەتی دۆزینەوەی مین وبۆمب."
ئاماژەی بەوەشدا هێزەكانی پێشمەرگە بەتەنیا ناتوانن بچنە ناو موسڵ ودەبێ پلان وهێزی تایبەت بە ئازادكردنی ئەم شارەوە هەبێت. "ئێستاش حكومەتی عیراق خەریكی ئامادەكردنی هێزە بۆ ئازادكردنی سەڵاحەددین ورومادی بۆ ئەوەی رێگەی پیادە هەبێت تا هێزەكانی عیراق لەباشوور ورۆژئاواوە بگەنە موسڵ تا پێشمەرگە لە باكوور ورۆژهەڵاتەوە یارمەتیان بدات وئەمەش لەسەر خودی حكومەتی عیراق وفەرمانی سەرۆكی هەرێمی كوردستانە".
هه‌ولێر : معد فیاز
هه‌ر كه‌سێك كه زیاره‌تی هه‌ولێری پایته‌ختی كوردستانی عێراق و پارێزگاكانی دهۆك و سلێمانی ده‌كات تووشی شۆك ده‌بێت ، چۆن ژیان به‌ڕێوه ده‌چێت به شێوه‌یه‌كی ئارام و پارێزراو سه‌ره‌ڕای هه‌ره‌شه‌كانی نزیكی داعش بۆ سه‌ر ئاسایشی هه‌رێم.
له‌گه‌ل بوونی زیاتر له یه‌ك ملیۆن و نیو ئاواره كه زۆربه‌یان عه‌ره‌بن ، و خه‌رابی بارودۆخی ئابووری به‌هۆی سزادانی حكومه‌تی سه‌رۆك وه‌زیرانی ماوه ته‌واو بوو و بڕینی بودجه‌كه‌یان و بێبه‌ش كردنی فه‌رمانبه‌ران له مووچه‌كانیان ، باروودۆخ به ئاسایی ده‌بینرێ ، و سه‌ركردایه‌تی كورد كه پێكدێت له سه‌رۆكی هه‌رێم مسعود بارزانی ، و سه‌رۆكی حكومه‌ت نێچیرڤان بارزانی ، و به‌رپرسانی ئه‌منی و حكومی زیاتر له دوو كاتژمێر ناخه‌ون به‌هۆی كۆبوونه‌وه‌كان و سه‌رپه‌رشتیكردنی به‌ره‌كانی شه‌ڕ ، هه‌روه‌كو دكتور فۆئاد حسێن سه‌رۆكی دیوانی سه‌رۆكایه‌تی هه‌رێم ئه‌وه‌ی دووپات كردوه.
حسێن له ووته‌كانی بۆ شه‌رقولئه‌وسه‌ت دوێنی له نووسینگه‌ی خۆی له هه‌ولێر زۆر له نهێنیه‌كانی ئاشكرا كرد ، له‌گه‌ڵ ئه‌وه‌ی كه به‌دی هاتووه له پێشكه‌وتنه‌كانی مه‌یدانی و سیاسی ، ئاماژه‌ی به‌وه كرد كه هه‌ره‌شه‌كانی رێكخراوی داعش له‌سه‌ر ئاسایشی هه‌رێم تا ئه‌م كاته به‌رده‌وامه ، به‌ڵام له هه‌مان كاتدا به‌رگری هه‌یه ، سه‌ره‌ڕای ئه‌و پاشه‌كشه‌كانی كه روویدا له ئه‌نجامی گرفتی رێكخستن ، هێزه‌كانی پێشمه‌رگه رێكخرانه‌وه و ئێستا موباده‌ره‌كه له ده‌ستی هێزه‌كانی هه‌رێمدایه به‌ڵام هێزه‌كانی داعشی ئێرهابی له پاشه‌كشه‌دان .
و روونیكرده‌وه ((سنووری به‌رگریمان له‌گه‌ڵ داعش به درێژایی نزیكه‌ی 1500 كیلۆمه‌تره له ده‌وروبه‌ری موسڵ تا باشووری خانه‌قین ، و به‌ره‌نگاربوونه‌وه‌كان ئه‌مرۆ له ده‌وروبه‌ری موسڵ دان له‌دوای ئازادكردن و ده‌ستبه‌سه‌رداگرتنی به‌نداوی موسڵ ، و هه‌روه‌ها پێكدادان له ده‌وروبه‌ری كه‌ركوك و جه‌له‌ولادا هه‌یه)) هه‌روه‌ها ووتی ((داعش هه‌ولی دا بگاته ده‌وروبه‌ری هه‌ولێر و له شه‌وی حه‌وته‌می ئه‌م مانگه گه‌یشته نزیك پایته‌ختی هه‌رێم به‌لام له‌دوای دوو رۆژ رووخا و پاشه‌كشه‌ی كرد .
حسێن ئه‌وه‌ی روونكرده‌وه و ووتی ((هاوسه‌نگی هێزه سه‌ربازیه‌كان له به‌رژه‌وه‌ندی داعش دابوو له‌دوای ئه‌وه‌ی ده‌ستی به‌سه‌ر چه‌ك و ته‌قه‌مه‌نی شه‌ش فیرقه‌ی سوپا و پۆلیسی عێراقیدا گرت كاتێك ده‌ستی به‌سه‌ر موسڵدا گرت ، كه باسی چه‌كی شه‌ش فیرقه ده‌كه‌ین له سوپای عێراقی مانای ده‌ستبه‌سه‌رداگرتنی هه‌زار ئۆتۆمبێلی درع و هه‌زاران تۆپی مه‌ودای جیاوازه، هه‌روه‌ها كۆگاكانی گه‌وره‌ی چه‌كی قورس و سووك و عیتاد له موسڵ و ده‌وروبه‌ری سه‌لاحه‌ددین له ده‌ستیدایه .
له‌دوای ده‌ستبه‌سه‌رداگرتنی ئه‌و چه‌كانه هێزه‌كانی داعش ده‌ستیان كرد به هێرشێكی رێكخراو بۆ سه‌ر باره‌گاكانی هندێك له فیرقه‌كان و لیوا و سه‌ربازگه‌كانی سوپای سوری له‌ناو خاكی سوریا و ده‌ستی به‌سه‌ر چه‌كی پێشكه‌وتوودا گرت له نێویدا سارۆخی مه‌ودای ناوه‌ند . به‌مانای ئه‌وه‌ی داعش توانی چه‌كی پێشكه‌وتووتر و نوێتر و به‌هێزتر له سوپای عێراق و سوریا به‌ده‌ست بهێنێ . و له به‌رامبه‌ردا چه‌كی هێزه‌كانی پێشمه‌رگه ساده بوو و زۆربه‌یان سووك و بۆ به‌رگریكردن بوون ، و ئه‌وه‌شی خسته روو كه له‌دوای ده‌ستبه‌سه‌رداگرتنی موسڵ و ناوچه‌كانی فراوانی تر له‌لایه‌ن داعش ، هێزه‌كانی پێشمه‌رگه دابه‌شكران له شنگار تا خانه‌قین به مانانی ئه‌وه‌ی ئێمه باسی رووبه‌ری زۆر فراوان ده‌كه‌ین كه ئه‌وه‌ش بووه هۆی دروستبوونی گرفت له هاوسه‌نگی هێزه‌كان له كاتیكَدا كه هێزه‌كانی داعش ده‌جولێته‌وه و خاوه‌نی چه‌كی هێرشی پێشكه‌وتووه به‌ڵام هێزه‌كانی ئێمه جێگیرن و خاوه‌نی چه‌كی به‌رگری سووكن .
سه‌رۆكی دیوان ئه‌وه‌شی خسته‌روو و ووتی (( زیادتر له هه‌موو ئه‌وانه‌ش ده‌ستبه‌سه‌رداگرتنی قه‌زای ته‌له‌عفه‌ر بوو له‌لایه‌ن داعش پێش كه‌وتنی قه‌زای شنگار پێش دوو هه‌فته و ئه‌وه‌ش باروودۆخێكی تایبه‌تی دروست كرد له به‌رژه‌وه‌ندی هێزه تیرۆریستیه‌كان به‌هۆی ئه‌وه‌ی زۆربه‌ی خه‌لكی ته‌له‌عفه‌ر و به تایبه‌ت شیعه‌ی توركمان له شاره‌كه‌یان ئاواره بوون به‌ره‌و شنگار كه شارێكی هه‌ژاره و نزیكه‌ی سه‌د كیلۆمه‌تر له هه‌رێم دووره و له ده‌روبه‌ری رێگای شنگار به‌نزیكه‌ی 70 كیلۆمه‌تر عه‌شیره‌ته عه‌ره‌بیه‌كانی سووننه بڵاو بوونه‌ته‌وه .و گه‌یشتن به شنگار پێویستی به رێگایه ، و ئه‌گه‌ر ئه‌و رێگایه له‌ده‌ستی هاوپه‌یمان و دۆستان بێت بۆمان ئاسانه كه بگه‌ینه شنگار و هاوكاری خه‌لكه‌كه‌ی بكه‌ین .به‌ڵام به داخه‌وه ئه‌م عه‌شیره‌تانه لێمان هه‌لگه‌رانه‌وه و بوونه پشتیوانی داعش و ئه‌و رێگایه بووه دوژمنمان . و ئه‌وه‌ش گرفتێگی گه‌وره‌بوو بۆ رێكخستنه‌كانی پێشمه‌رگه له شنگار و ئیداره‌ی ئۆپه‌راسیۆنی سه‌ربازی له‌وێ بۆیه هێزه‌كانی داعش توانیان ده‌ستبه‌سه‌ر شنگاردا بگرن به پشتیوانی عه‌شیره‌ته‌كانی عه‌ره‌بی سوننه، و ئه‌وه‌ش بووه هۆی كه‌وتنی ناوچه‌كانی تری ده‌وروبه‌ری شنگار له‌به‌ر ئه‌وه‌ی خه‌لكه‌كه گوێی لێبوو له تاوانه‌كان و كاره قێزه‌ونه‌كانی داعش له‌سه‌ر دانیشتوانی ئه‌و ناوچانه‌ی كه ده‌ستیان به‌سه‌ردا گرتبوو .
حسێن ئاماژه‌ی به‌وه‌كرد كه (( داعش به دو شێواز له یه‌ك كاتدا شه‌ڕی ده‌كرد ، هێرشی چه‌كداری و راگه‌یاندنی تۆقێنه‌ر كه ده‌ری ده‌كرد كه توانی 60 له‌سه‌دی سه‌ركه‌وتنه‌كانی داعش به‌ده‌ست بهێنی و جۆرێك له شێوازی تۆقاندنی دروست كرد له نێوان منداڵ و ژنان ، كه ئه‌وان شه‌ڕی سوپا ناكه‌ن به‌لكو سه‌ره‌تا شه‌ری دانیشتوان ده‌كه‌ن ، كۆی ئه‌و هۆكارانه جۆرێك له هه‌ره‌سهێنانی دروست كرد لێره وله‌وی ، به‌ڵام له‌دوای چه‌ند رۆژ هێزه ئاسمانیه‌كانی ئه‌مریكا هاتنه مه‌یدان)) . حسێن ووتی ( ئێمه له رۆژه‌كانی یه‌كه‌م له‌گه‌ڵ ئیداره‌ی ئه‌مریكا بووین و ئاگادارمان كرده‌وه له‌سه‌ر رێڕه‌وی پرۆسه‌كان و قولی مه‌ترسیه‌كان و گرنگی ده‌ستێوه‌ردانیان بۆ گۆرینی هاوسه‌نگی هێزه‌كان)
حسێن به‌رپرسیاره‌تی كشانه‌وه‌ی هێزه‌كانی عێراقی له موسڵ و رێگه‌دان به ده‌ستبه‌سه‌رداگرتنی له‌لایه‌ن داعش ده‌خاته ئه‌ستۆی نوری مالكی به‌و پێیه‌ی سه‌رۆك وه‌زیران و فه‌رمانده‌ی گشتی هێزه چه‌كداره‌كان بووه (له‌و كاته‌دا) . و ئاماژه‌ی دا به‌وه‌ی (سه‌رۆكی هه‌رێم مسعود بارزانی پێش چه‌ند مانگێك په‌یوه‌ندی به مالكی كرد و ئاگاداری كرده‌وه له‌وه‌ی داعش به هێزه‌وه له ناو موسڵه و داوای هه‌ماهه‌نگی كرد بۆ له‌ناوبردنی داعش ئه‌و كاته ، و مالكی له‌وه‌لامدا ووتی ( ئێوه كاروباره‌كانی خۆتان له هه‌رێم به‌ڕێوه ببه‌ن و ئێمه ناوچه‌كانی تر به‌ڕێوه ده‌به‌ین) و ئه‌نجامدانی هه‌مانه‌نگی ره‌تكرده‌وه . و ئه‌وه‌شی خسته روو كه (مالكی كه كورده‌كان هاوكاریان كرد بۆ جێگیربوون له پۆسته‌كه‌ی بۆ خزمه‌تكردنی پرۆسه‌ی سیاسی هیچ رۆژێك متمانه‌ی به ئێمه نه‌كرد ، مالكی گۆڕا بۆ دوژمنی مالكی و له‌جیاتی ئه‌وه‌ی دوژمنه‌كان بكاته بێلایه‌ن و بێلایه‌نه‌كان بخاته خانه‌ی دۆسته‌كان ، دۆسته‌كان و بێلایه‌نه‌كانی گواستنه‌وه بۆ خانه‌ی دوژمنه‌كان .
حسێن ده‌لێ (( ده‌بێ شته‌كان له مێژوودا جێگیر بكرێت ، پێش ده‌ستبه‌سه‌رداگرتنی داعش به چه‌ند رۆژێكی كه‌م سه‌رۆك بارزانی له ده‌ره‌وه‌ی عێراق بوو ، و له‌سه‌ر راسپارده‌ی به‌ڕێزیان و برای به‌ڕێز نێچیرڤان بارزانی ، سه‌رۆكی حكومه‌تی هه‌رێم ، په‌یوه‌ندیم كرد به به‌ڕێوه‌به‌ری نووسینگه‌ی مالكی تاریق نجم ، پێش چه‌ند رۆژێك له كه‌وتنی موسڵ ، ئه‌و دۆستی مالكییه و ده‌زانم كه به ئاسانی ده‌توانی بیگاتێ ، پێم ووت پێشنیار ده‌كه‌م كه خۆی و به‌رپرسانی سه‌ربازی و ئه‌منی بێنه هه‌ولێر بۆ كۆبوونه‌وه بۆ گۆرینه‌وه‌ی زانیاری و بڕیاردانێكی به په‌له له‌به‌ر ئه‌وه‌ی بارودۆخه‌كان زۆر به‌ره‌و سه‌ختی ده‌چێت و ره‌نگه ده‌ستبه‌سه‌رداگرتنی موسڵ له‌لایه‌ن داعش ببێته راستی ، و ئه‌و ، كه دۆستی منه ، له نێوان جیددیه‌ت و گالته‌دا پێی ووتم، سوێند ده‌خۆم كه ئه‌گه‌ر ئێوه بچنه ناو موسڵ له‌پاش ئاسایی بوونه‌وه‌ی باروودۆخه‌كه لێی ناكشێنه‌وه . من ده‌زانم ئه‌وه بیرۆكه‌ی مالكی یه له كۆبوونه‌وه‌كانی پێشتر ووتی ئه‌گه‌ر هێزه‌كانی پێشمه‌رگه بچنه ناو موسڵ لێی ناكشێنه‌وه ، پێم ووت من په‌یوه‌ندیم پێت كردووه بۆ ئاگاداركردنه‌وه‌ی سه‌رۆك وه‌زیران له مه‌ترسی بارودۆخه‌كه ، ئێمه زانیاریمان هه‌یه و پێویستیمان به هه‌ول و كۆششی ئێوه‌یه و به‌بێ هه‌ماهه‌نگی له‌گه‌ڵ سوپای عێراقی ناتوانین بچینه ناو موسڵ و ئه‌گه‌ر فه‌رمانده‌كانی سه‌ربازی له موسڵ ئاگادار نه‌كرێته‌وه له پێویستی هه‌ماهه‌نگی له‌گه‌ڵ پێشمه‌رگه ئه‌وا باروودۆخه‌كه ده‌بێته هۆی ئالۆزی ئه‌منی و هه‌ماهه‌نگی ناكرێت.
له كاتژمێر دووی سه‌رله‌به‌یانی رۆژی دواتر ، یانی له‌دوای چه‌ند كاتژمێر له داگیركردنی موسڵ ، تاریق نه‌جم په‌یوه‌ندی پێوه كردم و یه‌كه‌م قسه‌م بۆی ئه‌وه بوو كه سویند ده‌خۆم كه موسڵ له‌لایه‌ن داعش داگیر كراوه؟ چی ماوه ؟ بارودۆخ به ته‌واوی تێكچوو .
و روونیكرده‌وه كه (فه‌رمانده‌یی سه‌ربازی عێراقی له موسڵ به ده‌ستی عه‌لی غێدان و و عبود قه‌نبه‌ر بوو ، و له رۆژی دووه‌م ئێمه ژووری ئۆپه‌راسیۆنمان دروست كرد و كۆبوونه‌وه‌ی فه‌رمانده‌كانی ئه‌منی كوردی و سه‌رۆك وه‌زیران و جێگری سه‌رۆكی هه‌رێم هه‌بوو ، جبار یاوه‌ر ئه‌مینداری گشتی وه‌زاره‌تی پێشمه‌رگه په‌یوه‌ندیه‌كی ته‌له‌فۆنی بۆ هات له غێدانه‌وه كه ئه‌و به ئۆتۆمبێله‌كه‌ی به‌ره‌و هه‌ولێر دێت و ده‌یه‌وێ رێگاكه‌ی پێشان بدات و له‌لایه‌ن پێشمه‌رگه پێشوازی بكرێت ، و یاور رێگاكه‌ی پێشاندا و هه‌ماهه‌نگی له‌گه‌ڵدا كرد تا گه‌شتنی بۆ لای هێزه‌كانی پێشمه‌رگه و وه‌كو فه‌رمانده‌یه‌كی سه‌ربازی به رێزه‌وه هه‌لسوكه‌وتی له‌گه‌ڵدا كرا و له رۆژی دواتر به فرۆكه ناردمانه‌وه بۆ به‌غدا . له هه‌مان كاتدا پێشمه‌رگه پێشوازی كرد له هه‌زاران سه‌ربازی عێراقی كه سوپای عێراقی ناردبوویان بۆ شه‌ڕی داعش به‌لام هه‌لاتن و سوپای عێراقی دارووخا ، و پێشمه‌رگه و كورده‌كان هاوكاریان كرد بۆ گه‌رانه‌وه‌یان بۆ ماله‌كانیان به سه‌لامه‌تی.
له‌و نهێنیانه‌ی كه حسێن ئاشكرای كرد ئه‌وه بوو كه (له رۆژی ده‌ی ته‌موز حامد الموسوی ، به‌رێوه‌به‌ری جێبه‌جێكار له نووسینگه‌ی مالكی ، په‌یوه‌ندی پێوه كردم ، و ئه‌وه یه‌كه‌مجار بوو كه پێكه‌وه قسه بكه‌ین به ته‌له‌فۆن ، ووتی من به‌ناوی سه‌رۆك وه‌زیران (مالكی) قسه له‌گه‌لتدا ده‌كه‌م و داواتان لێ ده‌كه‌ین هێزه‌كانی پێشمه‌رگه بنێرنه ناو كه‌ركوك له‌به‌ر ئه‌وه‌ی داعش ده‌ستی به‌سه‌ردا ده‌گرێ ، و منیش ووتم باشه ده‌چین بۆ رزگاركردنی كه‌ركوك ، كه‌واته هێزه‌كانمان له‌سه‌ر داوای مالكی چوونه ناو كه‌ركوك .
و ئه‌گه‌ر داعش ده‌ستی به‌سه‌ر كه‌ركودا گرتبا كاره‌ساتێكی گه‌وره روویده‌دا بۆ خه‌لكی عه‌ره‌ب و كورد و توركمان ، و ده‌ستیان ده‌گرت به‌سه‌ر سه‌رچاوی نه‌وت و بۆڕیه‌كانی ناردن كه رۆژانه به‌م بۆڕیانه‌دا نیو ملیۆن به‌رمیل ره‌وانه‌ی توركیا و 300 هه‌زار به‌رمیل رۆژانه ره‌وانه‌ی بێجی ده‌كرێت ، و ئه‌وه ئامانجه‌كه‌یان بوو ، ده‌ستبه‌سه‌رداگرتنی كه‌ركوك و پالاوگه‌ی بیجی بۆ ئه‌وه‌ی سه‌رچاوی نه‌وت و پالاوگه به‌ده‌ستیانه‌وه بێت ، و هێزه‌كانی پێشمه‌رگه كه‌ركوكیان پاراست .
حسێن ئاماژه‌ی به‌وه دا كه (ئه‌مرۆ لای ئێمه زیاتر له یه‌ك ملیۆن عه‌ره‌ب هه‌یه له ناوچه سوننه‌كانه‌وه و ئێستاش مه‌سیحییه‌كان كه له موسڵ و ده‌شتی نه‌ینه‌وا هه‌لاتوون و ئێزدییه‌كانیش زیاد بوونه ، ئێستا له هه‌رێم زیاتر له یه‌ك ملیۆن و نیو ئاواره هه‌یه له‌گه‌ل په‌نابه‌ره سورییه‌كان كه ژماره‌یان ده‌گاته چوارێه‌كی ملیۆن په‌نابه‌ر)) . سوپاسگوزارین بۆ پشتگیری نێوده‌وله‌تی مرۆیی ، پردێكی ئاسمانی دروست كراوه له‌نێوان وولاتانی ئه‌وروپی و هه‌ولێر بۆ گه‌یاندنی هاوكاری سه‌ره‌ڕای ئه‌وه‌ی به‌غدا له‌مپه‌ر دروست ده‌كات له گه‌یشتنی فرۆكه‌كانی هاوكاری سه‌ربازی بۆ لای ئێمه به‌هۆی ئه‌وه‌ی بواری ئاسمانی (فرۆكه‌وانی مه‌ده‌نی) به ده‌ستی ئه‌وانه .حكومه‌تی عێراقی باسی سه‌روه‌ری ده‌كات له‌كاتێكدا كه هیچی تێیدا نه‌ماوه نه سنوور و نه سه‌روه‌ری له‌دوای ئه‌وه‌ی داعش گه‌نده‌لی و كوشتنی دارشتووه له ناوچه‌كانی فراوانی عێراق ، ئێمه باوه‌رمان به‌وه هه‌یه كه پاراستنی سه‌روه‌ری دروشم نیه به‌لكو سه‌روه‌ری پاراستنی گیانی خه‌لك و ئاسایشه‌كه‌یانه و ئازادكردنی ناوچه‌كانی وولاته له‌ژێر ده‌ستی داعش ،.
و له‌باره‌ی به‌شداری كورد له حكومه‌تی داهاتوو ، سه‌رۆكی دیوانی سه‌رۆكایه‌تی هه‌رێم ووتی (( برایان له به‌غدا پێویسته له ده‌رسه‌كانی حكومه‌تی پێشتر فیر بن بۆ پێكهێنانی حكومه‌ت و به‌شداریكردنی خه‌لكی تر به هێزه‌وه ، پێویسته له به‌رپرسیاره‌تییه‌كه‌یان تێبگه‌ن و بگه‌نه ئه‌و باوه‌ره‌ی كه واقێعی عێراق ته‌واو گۆڕاوه و فیئه‌یه‌ك یان مه‌زهه‌بێك یان نه‌ته‌وه‌یه‌ك ناتوانێ حوكمی هه‌موو عێراق بكات ، سوننه و كورد و شیعه و مه‌سیحی و توركمان هه‌یه ، ئێمه به‌شێك ده‌بین له پرۆسه‌ی سیاسی و حكومه‌تی داهاتوو و شاندی دانوساندن به سه‌رۆكایه‌تی به‌ڕێز هۆشیار زێباری كۆبوونه‌كانی له به‌غدا ده‌ست پێكردووه بۆ ئه‌م مه‌به‌سته، ئێمه گه‌شبینین به ئیراده‌ی خۆمان و به‌وه‌ی به‌شێك ده‌بین له چاره‌سه‌ر وه‌كو هه‌میشه و به‌شیك نین له كێشه .
حسێن زۆر دلگران بوو و ووتی (عه‌شیره‌ته عه‌ره‌به‌كان له ناوچه‌كانمان و ده‌روبه‌رمان سه‌ره‌رای ئه‌و هه‌مووه‌ی پێشكه‌شمان كرد پشتگیری داعشیان كرد بۆ كوشتنمان و دزینی ژنه‌كانمان و له‌گه‌ڵ ئه‌وه‌شدا ئێمه مروڤایه‌تیمان له‌بیر ناكه‌ین و دژایه‌تی عه‌ره‌ب ناكه‌ین و رق و كینه‌مان له به‌رانبه‌ریان نیه و ئایدۆلۆجی دژایه‌تی عه‌ره‌ب دروست ناكه‌ین . به‌لكو به‌رده‌وام ده‌بین له ئایدۆلۆجیای خۆمان له‌سه‌ر بنه‌مای لێبورده‌یی و خۆشه‌ویستی .
به‌لی ئێمه بریندارین له عه‌ره‌ب ، ئێمه به‌رگریمان كردووه له هه‌موو عێراق و ئۆردن و كوه‌یت و سعودیه به‌وه‌ی شه‌ری داعشمان كردووه به ته‌نیا و به پشتگیری ئه‌مریكا و سه‌رقالمان كردوون له هێرش و فراوانبوونیان به‌ره‌و وولاتانی دراوسێ ، و له‌گه‌ڵ ئه‌وه‌شدا هیچ وولاتێكی عه‌ره‌بی پشتگیری نه‌كردوین ، جگه له مه‌مله‌كه‌تی ئۆردنی هاشمی كه هاوكاری مرۆیی ناردووه و لوبنان كه وه‌زیری ده‌ره‌وه‌ی ناردووه ، هیچ شتێكیان نه‌ووتووه ، هیچ هه‌لوێستێك ده‌رنه‌چووه ته‌نانه‌ت ئیدانه كردنی تاوانه‌كانی داعش و به‌وه‌ی كه داعش نوێنه‌رایه‌تی ئیسلام و عه‌ره‌ب ناكات ، ویلایه‌ته یه‌كگرتووه‌كانی ئه‌مریكا و ئه‌وروپا كه له رووی جوگرافیا و كۆمه‌لایه‌تی و مێژوویی لێمان دوورن ئه‌وان ده‌ستیان كرده‌وه بۆهاوكاری مرۆیی و سه‌ربازیمان .
پەرلەمانی کوردستان و حکومەتی هەرێم لەسەر پرسی ئاوارەکان و پشتگیریی نێودەوڵەتی بۆ هەرێمی کوردستان و چارەسەرکردنی قەیرانی دارایی هەرێمی کوردستان و پێکهێنانی حکومەتی نوێی عێراق و پرسی بە جینۆسایدناساندنی شەنگال هاو هەڵوێستبوون، بڕیاریشدرا کۆبوونەوەی دەوری لەنێوان پەرلەمان و حکومەتی هەرێمی کوردستان هەبێت بۆ چارەسەرکردنی ئەو ڕوداو و کێشە کتوپرانەی ڕووبەڕووی هەرێمی کوردستان دەبێتەوە، هەردوولاش سوپاسی کۆمەڵگەی نێودەوڵەتییان کرد لەهاوکاری مرۆیی و سەربازیی هەرێمی کوردستان بۆ ڕووبەڕووبوونەوەی تیرۆرستان.
ئەم هەماهەنگییەی نێوان پەرلەمان و حکومەتی هەرێم، لە کۆبوونەوەی ئێوارەی ئەمڕۆ سێشەممە 26 ی ئابدا هات، کە لە نێوان د.یوسف محەمەد سادق، سەرۆکی پەرلەمانی کوردستان و نێچیرڤان بارزانی سەرۆکی حکومەتی هەرێمی کوردستاندا لەتەلاری پەرلەمانی کوردستان سازکرا.
کۆبوونەوەکە بە ئامادەبوونی قوباد تاڵەبانی، جێگیری سەرۆکی حکومەت و فەخرەدین قادر سکرتێری پەرلەمان و مەولود باوە موراد وەزیری هەرێم بۆ کاروباری پەرلەمان به‌رێوه‌چوو.
لەسەرەتای دانیشتنەکەدا سەرۆکی پەرلەمانی کوردستان، باسی کارو چالاکی لیژنەکانی پەرلەمانی کوردستان کرد، بۆ بەدواداچوونی کێشەی ئاوارەکان و هێزی پێشمەرگەی کوردستان و قەیرانی دارایی هەرێمی کوردستان و سەردانە مەیدانییەکانی پەرلەمان بۆ بەسەرکردنەوەی هێزی پێشمەرگەی کوردستان لە بەرەکانی پێشەوەی شەڕی دژ بە تیرۆرستاندا.
دواتر نێچیرڤان بارزانی، باسی لەهەوڵەکانی حکومەتی هەرێمی کوردستان کرد بۆ بەدەمەوەچوونی ئاوارەکان بە گشتی و ئاوارە مەسیحی و یەزیدییەکانی ناوچەی شنگال و موسڵ بە تایبەتی، رەخنەشی لە بێ هەڵویستی حکومەتی عێراق گرت لەبارەی پرسی ئاوارەکان، هەدولایان کۆکبوون لەسەر ئەوەی پەرلەمان و حکومەت هەوڵەکانی چڕ بکاتەوە بۆ پەیوەندیکردن لەگەڵ پەرلەمانی وڵاتانی دونیا و ڕێکخراوە نێودەوڵەتی و بۆ ئاگادارکردنەوەی زیاتریان لە کێشە و گرفتی ئاوارە مەسیحییەکان و پرسی جینۆسایدی شه‌نگال .
لەبارەی پرسی پێکهێنانی حکومەتی عێراقیشەوە، پەرلەمان و حکومەت هاوهەڵویست بوون کە پێویستە کورد لە پیکهێنانی حکومەتی نوێی عێراقدا هاوکاری لایەنەکانی تری عێراق بێت بەو مەرجەی مافە ڕەواکانی گەلی کورد پارێزراوبێت، وەک نیازپاکییەک بۆ هەرێمی کوردستان، پێویستە لەسەر حکومەتی کاربەڕێکەری عێراق بە زووترین کات موچەی فەرمانبەرانی هەرێمی کوردستان بنێرێت.
لەبارەی هەمان پرس، سەرۆکی پەرلەمانی کوردستان ئاماژەی بەوەدا لە ئایندەیەکی نزیکدا، پەرلەمانی کوردستان، وەک مەرجەعی خەڵکی کوردستان بانگێشتی لیژنەی دانووسانی هێزە کوردییەکان دەکات بۆ پەرلەمان، بۆ ئاگاداربوون لە ڕەوشی گفوگۆکانی نێوان کاندیدی ڕاسپێراوی سەرۆک وەزیرانی نوێی عێراق و لیژنەی دانووساندکاری هەرێمی کوردستان.
ئەمڕۆ چوارشەممە 30ـی 7ـی 2014 بەڕێز مەسعود بارزانی سەرۆكی هەرێمی كوردستان بە یاوەریی ژمارەیەك بەرپرسی حكوومی و سیاسیی هەرێمی كوردستان بە مەبەستی لەنزیك ئاگاداربوونەوە لە بارودۆخی ئاوارەكانی شاری موسڵ سەردانی كەمپی خازری لە قەزای خەبات كرد.
لەم سەردانەدا سەرۆك بارزانی وتەیەكی پێشكەشی ئاوارەكان كرد و لە وتەكەیدا بەخێرهاتنی ئاوارەكانی كرد و پیرۆزبایی جەژنی ڕەمەزانی لێ كردن و بە ئاوارەكانی ڕاگەیاند كە ئێوە لە وڵاتی خۆتان و لەنێو خوشك و براكانی خۆتانن. سەرۆك بارزانی ئەوەیشی باس كرد كە ئاگاداری كێشە و گرفتەكان و باری گوزەرانی ناخۆشی ئاوارەكانە لەگەڵ ئەوەیشدا داوای لە ئاوارەكان كرد كە خۆڕاگر بن چونكە ئەم دۆخە كاتییە و ئاوارەكان بە سەربەرزی بۆ شاری موسڵ و بۆ سەر ماڵ و حاڵی خۆیان دەگەڕێنەوە.
هەر لە قسەكانیدا سەرۆك بارزانی ئاماژەی بەوەدا كە جێگەی داخە وەك پێویست نەتوانراوە خزمەتتان بكەین بەڵام لەگەڵ گشت لایەك و ڕێكخراوە نێودەوڵەتییەكان لە پەیوەندی و كاركردنداین بۆ ئەوەی هاوكاری و یارمەتیی زیاتر بگەینرێتە خوشك و برا ئاوارەكانی موسڵ. سەرۆك بارزانی ئاوارەكانیشی لەوە دڵنیا كردەوە كە هەتا لە كوردستانن ژیان و ئاساییشیان پارێزراو دەبێت و هیوایشی خواست بەزووترین كات بگەڕێنەوە شاری موسڵ و شاری موسڵ شكۆ و شادیی جارانی خۆی بەدەستبهێنێتەوە.
ئه‌مڕۆ سێشه‌ممه 29/7/2014 له دووه‌م رۆژی جه‌ژنی ره‌مه‌زانی پیرۆزدا به‌ڕێز مسعود بارزانی سه‌رۆكی هه‌رێمی كوردستان هێزه‌كانی پێشمه‌رگه‌ی له به‌ره‌ی موسڵ به‌سه‌ركرده‌وه و خۆڕاگری و گیانفیدایی ئه‌وانی له پاراستن و به‌رگریكردن له سنووره‌كانی كوردستان به‌رزنرخاند و پیرۆزبایی جه‌ژنی ره‌مه‌زانیشی لێكردن، هاوكات هه‌موو پاڵپشتییه‌كی خۆشی بۆ پێشمه‌رگه دووپات كرده‌وه.
له‌م به‌سه‌ركردنه‌وه‌یه‌دا شاندێكی باڵای ئه‌منی و سه‌ربازی یاوه‌ری سه‌رۆك بارزانی بوو، كه پێكهاتبوو له به‌ڕێزان مه‌سرور بارزانی راوێژكاری ئه‌نجوومه‌نی ئاسایشی هه‌رێمی كوردستان و مسته‌فای سه‌ید قادر وه‌زیری پێشمه‌رگه و زه‌عیم عه‌لی و شێخ جه‌عفه‌ر و حه‌مید ئه‌فه‌ندی و ژماره‌یه‌ك فه‌رمانده و به‌رپرسی هێزه‌كانی پێشمه‌رگه‌ی كوردستان.
له وته‌یه‌كیدا سه‌رۆك بارزانی ئاماژه‌ی به‌وه‌دا، كه بۆ جه‌ژنه پیرۆزه و ئه‌حواڵ پرسین و ئاگادار بوون له بارودۆخی مه‌یدانی به‌ره‌كه هاتووه،هه‌ر وه‌ك چۆن دوێنێش سه‌ردانی برا پێشمه‌رگه‌كانی له به‌ره‌ی كه‌ركووك كردووه. هه‌ر له وته‌كه‌یدا سوپاسی خۆراگری و گیانفیدایی له پێشمه‌رگه كرد، كه له رۆژانی ته‌نگانه‌دا ئاماده‌یه به گیانی خۆی به‌رگری له وڵات بكات و ئاماژه‌ی به‌وه‌دا، كه له‌و به‌رگریكردنه‌دا پۆڵێك پێشمه‌رگه شه‌هید و برینداربوونه و گوتی: له خوای گه‌وره داواكارین شه‌هیده‌كان به به‌هه‌شتی به‌رین شاد بكات و شیفای برینداره‌كانیش بدات.
هه‌ر له وته‌كه‌یدا سه‌رۆك بارزانی هه‌موو پاڵپشتییه‌كی بۆ هێزی پێشمه‌رگه دووپات كرده‌وه و ئاماژه‌ی به‌وه‌دا، هه‌رچی له توانامان بێت بۆ پاڵپشتی و هاوكاری پێشمه‌رگه ده‌یكه‌ین و ئه‌وه‌شی دووپاتكرده‌وه، كه له‌سه‌ر ده‌ستی پێشمه‌رگه كوردستان ده‌گاته ئاینده‌یه‌كی گه‌ش. له كۆتاییدا جارێكی دیكه پیرۆزبایی جه‌ژنی لێكردن و سوپاسیشی كردن و هیوای سه‌ركه‌وتنی له ئه‌ركه‌كه‌یاندا بۆ خواستن.
دوایین هەواڵەکان
- سهركۆمارى توركيا بهردهواميى پشتگيريى وڵاتهكهى بۆ عێراق و ههرێمى كوردستان دووپات كرده‌وه
- پەیامی سەرۆک نێچیرڤان بارزانی لە ساڵیادی ڕۆژنامەگەریی کوردیدا
- نێچيرڤان بارزانى: ده‌بێ نيشتمان كۆكهرهوهى ههموومان بێت
- سه‌رۆك نێچيرڤان بارزانى له‌گه‌ڵ باڵيۆزى يهكێتيى ئهورووپا كۆبووهوه
- سهرۆكى ههرێمى كوردستان پێشوازى له باڵيۆزى فهرهنسا كرد
- سه‌رۆك نێچيرڤان بارزانى پێشوازى له باڵيۆزى بهريتانيا كرد
- سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات
- عەباس غەزالی: نووسین و چاپکردنی "فەرھەنگیی زارەکیی موکریان" شانازییەکی بێ پایانە
- پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی نەورۆز
- سهرۆكى ههرێمى كوردستان نامهيهكى پيرۆزبايى له وهزيرى دهرهوەى توركياوه پێدهگات