نوینەرێ هەرێمێ ل ئیرانێ بۆ گاڤ: سیاسەتا ئیرانێ ل هه‌مبه‌رى هه‌رێمێ یا نەگۆڕە

 گاڤ نیوز – تایبەت // نوینەرێ حکومەتا هەرێما کوردستانێ ل کۆمارا ئیسلامى یا ئیرانێ بۆ گاڤ بەحس ل سیاسەتا نوى یا ئیرانێ پشتى هەلبژارتنا سەرۆککۆمارێ نوى دكه‌ت و رادگەهینیت، سیاسەتا ئیرانێ نەگۆڕە.

هەفتیا بوورى هەلبژارتنێن ئیرانێ هاتنە کرن و ئیبراهیم رەئیسى وەک سەرۆکێ نوى هاتە هەلبژارتن و ب کەسەک نێزیکى رابەرێ شۆڕشا ئیسلامى دهێتە ناسکرن.

نازم دەباغ، نوینەرێ حکومەتا هەرێما کوردستانێ ل ئیرانێ بۆ گاڤ نیوز گۆت: پەیوەندیێن هەرێم و ئیرانێ دیرۆکى نە و د هەر گوهۆڕینەکێ دا بزاڤا باشترکرنا پەیوەندیان دهێتەکرن، بەرنامەیێ ئیرانێ د چارچۆڤێ ئیراقێ دا نەگوهۆڕى یە و د خوازیت ئیراق و هەرێم د چارچۆڤێ ئیراقەکا فیدرال دا بن.

هەروەسا گۆت ژى، گوهۆڕینا سەرۆککۆمار و هەلبژارتنا سەرۆکەکێ نوى بتنێ گوهۆڕینا سەروچاڤانە و ئیرانێ ستراتیژیەتا خۆ یا دوورمەودا هەیە و هەر کى بهێت و ببیتە سەرۆک وێ سیاسەتێ پەیرەو دکەت.

 

ل دۆر سەرەدانێن نێزیک یێن سەرکردەیێن هەرێمێ بۆ ئیرانێ گۆت: هەمى دەمان دەرگەهێن سەرەدانان بۆ هەردو ئالیان ڤەکرینە و هەردەما بهێتە خواستن ل گۆرى پێدڤیێ سەرەدان دهێنە کرن.

https://gavnews.net/2021-06-25-%D9%86%D9%88%DB%8C%D9%86%DB%95%D8%B1%DB%8E_%D9%87%DB%95%D8%B1%DB%8E%D9%85%DB%8E_%D9%84_%D8%A6%DB%8C%D8%B1%D8%A7%D9%86%DB%8E_%D8%A8%DB%86_%DA%AF%D8%A7%DA%A4:_%D8%B3%DB%8C%D8%A7%D8%B3%DB%95%D8%AA%D8%A7_%D8%A6%DB%8C%D8%B1%D8%A7%D9%86%DB%8E_%D9%84_%D9%87%D9%87%E2%80%8C%D9%85%D8%A8%D9%87%E2%80%8C%D8%B1%D9%89_%D9%87%D9%87%E2%80%8C%D8%B1%DB%8E%D9%85%DB%8E_%DB%8C%D8%A7_%D9%86%DB%95%DA%AF%DB%86%DA%95%DB%95/

 

Read کد خبر: 2553

هەواڵی زیاتر لە تویتەر

راپۆرتە پڕ بینەرەکان

حالت های رنگی