سەردانەكەی ڕۆحانی بۆ عیراق كاردانەوەی لێكەوتەوە..بازرگانی زیاد دەكات

 سەردانەكەی سەردانەكەی د.حەسەن ڕۆحانی سەرۆك كۆماری ئێران كاردانەوەی لێدەكەوێتەوە، نوێنەری حكومەتی هەرێمیش لەتاران زانیاری لەسەر سەردانەكە بڵاودەكاتەوەو ڕایدەگەیەنێت، "جموجۆڵی بازرگانی زیاددەبێت و سەرمایەگوزاری دەبوژێتەوە".

نازم دەباغ نوێنەری حكومەتی هەرێم لەتاران بەSNNی ڕاگەیاند، "سەردانەكەی سەرۆكی ئێران بۆ عیراق كاردانەوەو گرنگی خۆی هەیە لەقۆناغی ئێستادا، دڵنیایی بەهاوڵاتیانی هەرێم و عیراق دەدات كە چالاكیە ئابوری و سەرمایەگوزاری بازرگانی نێوان هەردولا بەردەوامدەبێت".
 
بەوتەی نوێنەری حكومەتی هەرێم لەتاران، "عیراق نابێتە بەشێك لەلایەنگری ئەو لایەنانەی شەڕو ململانێ لەگەڵ ئێران دەكەن، بەهەمانشێوەی ئێران، لەئێستادا عیراقیش لەڕوی هاوكاریكردنی دژ بەتیرۆرو دابینكردنی كارەباو گازو ژیان و گوزەرانی مەرزەكان پێویستی بەو وڵاتە هەیە".
 
نازم دەباغ جەختدەكاتەوە، "ئەم سەردانەو ئەو ڕێكەوتنانەی لەنێوان هەردولا ئەنجامدران، بۆ چالاككردنی بواری ئابوریی و زیاتر بەرەو پێشبردنی كەرتی بازرگانی گرنگی تایبەتی خۆی دەبێت".

 

 

Read کد خبر: 2187

دوایین هەواڵەکان

بە دوا چوون لە تۆڕە کۆمەڵایەتییە کان

راپۆرتە پڕ بینەرەکان

حالت های رنگی