نازم دەباغ نوێنه‌ريى حکوومەتی هەرێمی کوردستان له‌گه‌ڵ باڵيۆزى عێراق لە تاران کۆبۆوه

"نازم دەباغ" نوێنەری حکوومەتی هەرێمی کوردستان له وڵاتی ئێران له‌گه‌ڵ "سه‌عد جه‌واد القه‌نديل" باڵيۆزى عێراق لە تاران دیداریی کرد.

شاندیى نوێنه‌رايه‌تى حکوومەتی هەرێمی کوردستان له تاران كه پيكهاتبوون له "نازم عومەر دەباغ" نوێنەری حکوومەتی هەرێمی کوردستان له وڵاتی ئێران و "سەلام عارف روشدی" جێگرى نوێنەریی حکوومەتی هەرێمی کوردستان له تاران و هه‌روه‌ها ئه‌ندامانى نوێنه‌رايه‌تى "ئەمجه‌د بابا حاجی" و "لوقمان له‌تيف محه‌مه‌د" و "هيوا ڕه‌سوڵ ڕه‌شيد" و "فه‌خره‌الدين عه‌زيز ساڵح" و "عه‌لاء غوڵام" ئەمرۆ دووشمە ڕێكه‌وتی ٢٤/٦/٢٠١٩ سه‌ردانى باڵيوزخانەی عێراق له تارانی پێته‌ختی ئێرانيان كرد و له لايه‌ن "سه‌عد جه‌واد القه‌نديل" باڵيۆزى عێراق لە تاران پيشوازيان لێكرا. 

"نازم دەباغ" نوێنەری حکوومەتی هەرێمی کوردستان له تاران، پيرۆزبايی له "سه‌عد جه‌واد القه‌نديل" باڵيۆزى عێراق لە وڵاتی ئێران كرد به بۆنه‌ى وه‌رگرتنی پۆستى تازه‌يانه‌وه و سوپاسی باڵیۆزخانەی عێراق لە تارانی کرد بۆ ئەو هەماهەنگییەی کە له‌گه‌ڵ نوێنه‌رايه‌تى حکوومەتی هەرێمی کوردستان له تاران هەیە و هیوای خواست لە ئایندەدا زیاتر بێت.

لە دانیشتنەکەدا باس لە باروودۆخی عێراق و ناوچەکە و هه‌روه‌ها گیروگرفتی هاوڵاتیانی عێراقی لە ئێران و چۆنییەتی چارەسەرکردنی کێشەکان کرا.

 

باڵیۆزی عێراق لە تاران، سوپاس و ستایشی نوێنه‌رايه‌تى حکوومەتی هەرێمی کوردستان له تارانی کرد بۆ سەردانەکەیان و هەروەها لە ڕووی هەمانگی و پەیوەندیی بەردەوامی لەگەڵ باڵیۆزخانە عێراق لە وڵاتی ئێران و خۆشحاڵی خۆی دەربڕی بەوەی لە نوێنەرایەتی حکوومەتی هەرێمی کوردستان له تارانی هەموو لایەنە کوردستانییەکان بەشدارن و هەماهەنگ و یەک دەنگن. 

 

له کۆتایی ئه‌م کۆبوونه‌وه‌یه‌دا "سه‌عد جه‌واد القه‌نديل" ئامادەیی باڵيۆزخانه‌ى عێراق لە تارانی نیشاندا بۆ زیاتر توندوتۆڵکردنی پەیوەندییەکانی نێوان هەر دوو لایه‌ن.

 

 

 

 

 

 

Read کد خبر: 2221

دوایین هەواڵەکان

بە دوا چوون لە تۆڕە کۆمەڵایەتییە کان

راپۆرتە پڕ بینەرەکان

حالت های رنگی