"نازم دەباغ" نوێنەری حکوومەتی هەرێمی کوردستان له تاران، بە بۆنەی دەست بەکاربوونی "سه‌عد جه‌واد القه‌ندیل" باڵیۆزی تازەی عێراق لە ئێران، ئێوارەخوانێکی ساز کرد.

"نازم عومەر دەباغ" نوێنەری حکوومەتی هەرێمی کوردستان له تاران، رۆژی پێنج شەمە ڕێکەوتی ٢٧/٦/٢٠١٩ بانگهێشتی "سه‌عد جه‌واد القه‌ندیل" باڵیۆزی تازەی عێراق لە تاران و "ئه‌بوو عارف" نوێنەری ئەنجومەنی باڵای ئیسلامی لە ئێران و ستافی باڵیۆزخانەی ئه‌م وڵاته‌ی کرد بۆ ئێوارەخوانێک بە بۆنەی دەست بەکاربوونی باڵیۆزی عێراق بە کارەکەی لە شاری تاران که "سەلام عارف روشدی" جێگری نوێنەری حکوومەتی هەرێمی کوردستان لە تاران و هه‌روه‌ها ئەندامانی نوێنەرایەتی حکوومەتی هەرێمی کوردستان "ئه‌مجه‌د باباحاجی" و "هیوا ڕه‌سووڵ" و "فەخره‌الدین عه‌زیز ساڵح" و "لوقمان لەتیف محه‌مه‌د" و "سۆران عه‌لی ئەمین" و "عه‌باس عه‌بدواڵڵه بایز" و "عه‌لاء غوڵام" تیایدا ئاماده‌بوون. 

نوێنەری حکوومەتی هەرێمی کوردستان له تاران هیوای سەرکەوتنی خواست بۆ باڵیۆزی عێراق لە کارەکەیدا و هه‌روه‌ها باڵیۆزی عێراقیش سوپاس و پێزانینی خۆی پێشکەش بە نوێنەرایەتی حکوومەتی هەرێمی کوردستان کرد و ئامادەیی باڵیۆزخانه‌ی عێراق لە تارانی نیشاندا بۆ زیاتر هەماهەنگی و هاوکاریی کردنی هەر دوولا لە بوارە جیاجیاکاندا.