نوێنەری تایبەتی سەرۆكی رووسیا گەیشتە هەرێمى کوردستان
بەمەستی زیاتر پتەوكردنی پەیوەندیەكانی نێوان هەرێمی كوردستان و رووسیای فیدڕاڵ ئێوارەی رۆژی دووشەممە نوێنەری تایبەتی سەرۆكی رووسیای فیدراڵ بۆ كاروباری رۆژهەڵاتی ناوەڕاست و جێگری وەزیری دەرەوەى رووسیا بەرێز میخائیل بۆگدانۆڤ و شاندێكی یاوەری لە رێگەی فڕۆكەخانەی نێودەوڵەتی هەولێر گەیشتە هەرێمی كوردستان و لەلایەن فەلاح مستەفا بەرپرسی پەیوەندیەكانی دەرەوەی حكومەت و کاروان جەمال جێگرى بەرپرسى فەرمانگە پێشوازیان لێكرا.
ئەمەو بڕیارە نوێنەری تایبەتی سەرۆكی رووسیای فیدراڵ لەگەڵ گەورە بەرپرسانى هەرێمى کوردستان دیدارو کۆبوونەوە ئەنجام بدات.
نێچیرڤان بارزانى پێشوازى له نێردراوى تایبه‌تى سه‌رۆك پوتین كرد
سه‌رله‌به‌یانیى ئه‌مڕۆ سێشه‌ممه، 20-1-2015، به‌ڕێز نێچیرڤان بارزانى سه‌رۆك وه‌زیرانى هه‌رێمى كوردستان، پێشوازى له نێردراوى تایبه‌تى سه‌رۆكى ڕووسیا بۆ ڕۆژهه‌ڵاتى ناوه‌ڕاست و ئافریكا و جێگرى وه‌زیرى ده‌ره‌وه به‌ڕێز میخائیل بۆگدانۆڤ و شاندێكى یاوه‌رى كرد كه له ژماره‌یه‌ك له دیپلۆماتكاران و پیاوانى كار و نوێنه‌رانى هه‌ردوو كه‌رتى گشتى و تایبه‌تى ڕووسیا، پێكهاتبوو.
له دیدارێكدا نێردراوى تایبه‌تى سه‌رۆك پوتین ڕایگه‌یاند بۆ ئه‌وه‌ى له نزیكه‌وه ئاگادارى ڕه‌وش و پێشهاته‌كانى عیراق و هه‌رێمى كوردستان بن و له چۆنیه‌تیى په‌ره‌پێدانى هه‌ماهه‌نگیى هاوبه‌ش بۆ به‌ره‌وپێشبردنى زیاترى په‌یوه‌ندییه‌كانى هه‌ولێر و مۆسكۆ بكۆڵنه‌وه، سه‌ردانى هه‌رێمى كوردستانیان كردووه. هه‌روه‌ها باس له په‌یوندییه‌كانى نێوان هه‌ردوو گه‌لى كوردستان و ڕووسیا كرا كه ده‌گه‌ڕینه‌وه ناوه‌ڕاستى سه‌ده‌ى ڕابردوو كاتێك ئه‌و سه‌رده‌مه جه‌نه‌راڵ مسته‌فا بارزانى و هاوه‌ڵانى له ڕووسیا ماونه‌ته‌وه.
شه‌ڕى دژى تیرۆرستانى داعش و سه‌ركه‌وتنه به‌رده‌وامه‌كانى پێشمه‌رگه و گرنگى و كاریگه‌ریى هاوپه‌یمانیى نێوده‌وڵه‌تى بۆ ڕووبه‌ڕووبوونه‌وه‌ى تیرۆر كه مه‌ترسییه‌كى جیهانییه، به‌شێكى دیكه‌ى دیداره‌كه بوو، تیایدا باس له گرنگیى هه‌ماهه‌نگى و گۆڕینه‌وه‌ى زانیاریى هه‌واڵگرى له نێوان ده‌زگا په‌یوه‌نداره‌كانى عیراق و هه‌رێمى كوردستان و ڕووسیا بۆ به‌ره‌نگاربوونه‌وه‌ى تیرۆرستان كرا و شانده‌كه پشتگیریى ڕووسیایان بۆ هه‌رێمى كوردستان دووپات كرده‌وه. هه‌روه‌ها تیشك خرایه سه‌ر كۆمه‌ك و هاوكارییه‌كانى ڕووسیا بۆ هه‌رێمى كوردستان و به‌ڕێز سه‌رۆك وه‌زیران سوپاسى ڕووسیاى كرد كه له ڕووى مرۆییه‌وه هاوكاریى هه‌رێمى كوردستانى كردووه و كۆمه‌ك و یارمه‌تیى مرۆیى پێشكه‌ش به ئاواره و په‌نابه‌ران كردووه.
له دیداره‌كه‌دا كارى كۆمپانیا ڕووسییه‌كان له هه‌رێمى كوردستان به‌تایبه‌تیش له بوارى هاریكاریى وزه و سه‌رچاوه سروشتییه‌كاندا، له‌گه‌ڵ كار و چالاكیى كۆمپانیا بارزگانى و وه‌به‌رهێنه‌ره‌كانى ڕووسیا له هه‌رێمى كوردستان تاوتوێ كرا و به‌ڕێز سه‌رۆك وه‌زیران دووپاتى كرده‌وه كه هه‌رێمى كوردستان به چاوى بایه‌خه‌وه ده‌ڕوانێته په‌یوه‌ندییه‌كانى له‌گه‌ڵ ڕووسیا و كۆمپانیا ڕووسییه‌كانیش هه‌موو ده‌رفه‌تێكیان هه‌یه له بواره جیاكاندا له هه‌رێمى كوردستان كار بكه‌ن، هه‌رێمى كوردستانیش ده‌توانێت له زۆر بواردا سوود له ئه‌زموون و پسپۆڕییه‌كانى ڕووسیا وه‌ربگرێت.
له لایه‌نێكى دیكه‌ى دیداره‌كه‌دا، ڕه‌وشى ناوچه‌كه به‌گشتى و بارودۆخى سووریا به‌تایبه‌تى خرایه به‌ر باس و له‌مباره‌یه‌وه به‌ڕێز نێچیرڤان بارزانى گوتى: كێشه‌ى سووریا له ڕێگه‌ى شه‌ڕه‌وه چاره‌سه‌ر ناكرێت و ده‌بێ له ڕێگه‌ى دیالۆگه‌وه چاره‌سه‌رێكى سیاسیانه‌ى بۆ بدۆزرێته‌وه. كار و چالاكییه‌كانى كونسولخانه‌ى گشتیى ڕووسیا له هه‌ولێر و په‌یوه‌ندییه‌كانى هه‌رێمى كوردستان و وڵاتانى دراوسێ، به‌شێكى دیكه‌ى دیداره‌كه بوو. هه‌روه‌ها شاندى ڕووسى خۆشحاڵى و پشتگیریى خۆى بۆ دوایین ڕێككه‌وتنى هه‌ولێر و به‌غدا و هه‌وڵى چاره‌سه‌ركردنى كێشه‌كانى نێوان حكوومه‌تى هه‌رێمى كوردستان و حكوومه‌تى عیراق ده‌ر‌بڕى.
فوئاد حوسێن و فەلاح مستەفا بە ناوى هەرێمى کوردستان بەشدارى لە کۆڕبەندى ئابوورى داڤۆس دەکەن
كۆڕبەندي داڤۆس ئەمڕۆ 21/1/2015 لە وڵاتي سوێسرا دەبەسترێ، بەڵام مەسعود بارزاني، سەرۆكي هەرێمي كوردستان كە وەكو ميوانێكي سەرەكي ئەو كۆڕبەندە داوەتكرابوو، بەشدار نابێ.
فوئاد حوسێن، سەرۆكي ديواني سەرۆكايەتي هەرێمي كوردستان لەسەر هۆكاري بەشدارينەكردني بارزاني لەو كۆڕبەندەدا بە تۆڕي ميديايي رووداوي راگەياند، "سەرۆك بارزاني وەكو ميوانێكي سەرەكي داوەتكرابوو و بڕياربوو لەچەندين پانێڵدا بەشدارببوايە، بەڵام بارزاني دواجار بڕياري دا بەشدار نەبێ".
فوئاد حوسێن ئەوەشي ئاشكراكرد، كە بارزاني "لەبەر شەڕي داعش نەيتواني بەشداربێ و سەرۆك بارزاني گوتي، شەڕێكي قورس هەيە و ناتوانم لەم كات و ساتەدا كوردستان بەجێ بێڵم، بۆيە داواي لێبووردني لە رێكخەراني كۆڕبەندەكە كردووە".
ساڵانە كۆڕبەندي داڤۆس دەبەسترێ، كەتێيدا سەرۆك و كەسايەتي سياسي و بزنسماني گەورە لەسەر ئاستي جيهان بەشداردەبن و باسي دۆخي سياسي و ئابووري جيهان دەكەن. مەسعود بارزاني، سەرۆكي هەرێمي كوردستان لە دووساڵي رابردوو بەشداري لەو كۆڕبەندە كردووە.
سەرۆكي ديواني سەرۆكايەتي هەرێمي كوردستان، كە بەنوێنەرايەتي بارزاني لەو كۆڕبەندە بەشداريدەكات، دەڵێ، "هەموو چاوەكان ئەمجارە لەسەر بارزاني دەبوون، تەنانەت هەموو حكومەتەكاني، كە بڕياربوو لەو كۆڕبەندەدا بەشداربن، داواي بينيني سەرۆك بارزانييان كردبوو، چونكە هەموو دنيا باسي شەڕي داعش دەكات و ئەسڵي شەڕەكەي داعشيش ئێستا لەگەڵ كوردە، بەڵام خودي شەڕەكە وايكرد بارزاني نەتوانێ ئەم ساڵ بەشداربێ".
فوئاد حوسێن گوتيشي "من و فەلاح مستەفا، بەرپرسي فەرمانگەي پەيوەندييەكاني دەرەوەي حكومەتي هەرێمي كوردستان بەناوي هەرێمي كوردستان لەو كۆڕبەندە بەشدار دەبين".
ڕاگەیێندراوی سەرۆكایەتیی هەرێمی كوردستان لەبارەی هەوڵی دابڕاندن و بەكانتۆنكردنی شنگال
لێرەدا بە گشت لایەك ڕادەگەیێنین كە ئەم ڕەفتارە دژی ویستی خەڵكی ئێزیدی و تێكڕای خەڵكی كوردستانە. شنگال بەشێكی دانەبڕاوی كوردستانە و دامودەزگەی فەرمی و ئیداریی تایبەت بەخۆی هەیە. ئەركی بەڕێوەبردن و یارمەتیدانی خەڵك و گەڕاندنەوەی ئاوارەكان و پاراستنی شنگال لەسەر شانی ئەم دامودەزگەیە و، هیچ كەس و لایەنێك بۆی نییە هیچ جۆرە ئیدارەیەكی كارتۆنی و لەدەروەی ویستی خەڵكی شنگال بەسەر ئەم دەڤەرەدا بسەپێنێت و، بە پێچەوانەوە ڕووبەڕووی كاردانەوەی توند دەبنەوە. خەڵكی خۆشەویستی شنگالیش لەوە دڵنیا دەكەینەوە كە شنگال بە شێوەیەكی فەرمی دەگەڕێتەوە سەر هەرێمی كوردستان.
سەرۆكایەتیی هەرێمی كوردستان
17ـی 1ـی 2015
ڕاگەیێندراوی سەرۆكایەتیی هەرێمی كوردستان لەبارەی هەوڵی دابڕاندن و بەكانتۆنكردنی شنگال
لێرەدا بە گشت لایەك ڕادەگەیێنین كە ئەم ڕەفتارە دژی ویستی خەڵكی ئێزیدی و تێكڕای خەڵكی كوردستانە. شنگال بەشێكی دانەبڕاوی كوردستانە و دامودەزگەی فەرمی و ئیداریی تایبەت بەخۆی هەیە. ئەركی بەڕێوەبردن و یارمەتیدانی خەڵك و گەڕاندنەوەی ئاوارەكان و پاراستنی شنگال لەسەر شانی ئەم دامودەزگەیە و، هیچ كەس و لایەنێك بۆی نییە هیچ جۆرە ئیدارەیەكی كارتۆنی و لەدەروەی ویستی خەڵكی شنگال بەسەر ئەم دەڤەرەدا بسەپێنێت و، بە پێچەوانەوە ڕووبەڕووی كاردانەوەی توند دەبنەوە. خەڵكی خۆشەویستی شنگالیش لەوە دڵنیا دەكەینەوە كە شنگال بە شێوەیەكی فەرمی دەگەڕێتەوە سەر هەرێمی كوردستان.
سەرۆكایەتیی هەرێمی كوردستان
17ـی 1ـی 2015
قوباد تاڵەبانی لەگەڵ شاندێكی فەڕەنسی كۆبوەوە
ئەمرۆ قوباد تاڵەبانی جێگری سەرۆكی حكومەتی هەرێمی كوردستان لە تەلاری ئەنجومەنی وەزیران پێشوازی لە جان مارك جێرمەن ئەندامی پەرلەمانی فەرەنسا و ئالان كیبخات كۆنسۆلی گشتی فەرەنسا لە هەولێر كرد.
لە دیدارەكەدا رەوشی هەرێمی كوردستان و دواهەمین گۆڕانكاری و شەرانگێزییەكانی تیرۆریستانی داعش دژ بە كورد و هەرێمی كوردستان و ناوچەكەو گەلی فەرەنسا تاوتو كرا.
جێگری سەرۆكی حكومەتی هەرێمی كوردستان،نیگەرانی خۆی سەبارەت بە پەلامارە تیرۆریستیەكانی ئەم دوواییە كە دژ بە فەرەنسا و گەلی فەرەنسا ئەنجامدرا، دەربڕی وهاوخەمی و هاوسۆزی خۆی بۆ گەلی فەرەنسا بە وەفدی میوان گەیاند، كە ژمارەیەك لە خەڵكی بێ تاوان بوونەتە قوربانی.
هەروەها، سوپاسگوزاری حكومەتی هەرێمی كوردستانی بە وەفدی فەرەنسا راگەیاند، بۆ تەواوی هاوكارییە سەربازی و مرۆییەكان كە یارمەتی كورد و هەرێمی كوردستانیان داوە.
وەزیری بەرگری ووڵاتی سوید: پێویستە جیهانی پێشكەوتوو هەماهەنگ بن بۆ ڕووبەڕووبوونەوە و ڕێگەگرتن لە توندڕەویی
فەلاح مستەفا بەرپرسی پەیوەندیەكانی دەرەوە لە سەردانێكیدا بۆ وەزارەتی بەرگری سوید لەلایەن پیتەر هولتكڤیست وەزیری بەرگری پێشوازی لێكرا، لە دیدارێكدا كە كاروان جمال جێگری بەرپرسی پەیوەندیەكانی دەرەوە و شۆڕش قادر نوێنەری حكومەتی هەرێم لە سوید و ژمارەیەك لە بەرپرسانی وەزارەتی بەرگری ئامادەبوون، وەزیری بەرگری خۆشحاڵی خۆی دەربڕی و ڕایگەیاند كە ئەم سەردانە گرنگە و دەیەوێت لە نزیكەوە گوێبیستی دوایین پەرەسەندنەكانی هەرێمی كوردستان و پرۆسەی سیاسی بێت بە تایبەتی بارودۆخی پێشمەرگە و ڕووبەڕووبوونەوەی تیرۆریستان.
لە بەرامبەردا بەرپرسی پەیوەندیەكانی دەرەوە سوپاسی ئەو پێشوازیە گەرمەی كردو و پوختەیەكی دەربارەی دوایین بەرەوپێشچوونەكانی هەرێمی كوردستان و پرۆسەی سیاسی كرد ل عێراق و هەرێمی كوردستان بە تایبەتی، هەروەها تیشكی خستە سەر باری ئاسایشی هەرێمی كوردستان و ڕۆڵی هێزی پێشمەرگە لە ڕووبەڕووبوونەوەی تیرۆریستان و كاریگەری هاوكاری هاوپەیمانان لەم جەنگەدا و ڕایگەیاند كە هاوكاریە سەربازیەكان كاریگەرن بەڵام هێزی پێشمەرگە پێویستی زیاتری بە هاوكاری و پشتیوانی نێودەوڵەتی هەیە لە ڕووی پێداویستیەوە. هاوكات پابەندبوونی حكومەتی هەرێم بۆ بەرگری كردن و پاراستنی خەڵكی مەدەنی بە پێكهاتە نەتەوەیی و ئاینیەكان لە بەرامبەر هەڕەشەكانی داعش. هێزەكانی پێشمەرگە لە هێلەكانی پێشەوەی جەنگن دژی داعش و ئەوەیان سەلماندووە كە هاوبەشێكی باوەڕپێكراون بۆ ڕووبەڕووبوونەوەی تیرۆریستان.
لە بەرامبەردا پیتەر هولتكڤیست وەزیری بەرگری سوید ستایشی رۆڵی هەرێمی كوردستان و هێزی پێشمەرگەی كرد لە پاراستنی سەقامگیری هەرێم و تیشكی خستە سەر هەوڵەكانی حكومەتی سوید لە هەڵسەنگاندنی میكانیزمی ناردنی ڕِاهێنەرانی سەربازی بۆ مەشق پێكردنی هێزەكانی پێشمەرگە و ڕایگەیاند كە زۆر گرنگە كە سوید ڕۆڵی هەبێت لە هەوڵە نێودەوڵەتیەكان بۆ ڕووبەڕووبوونەوەی توندەڕەوان لە كاتێكدا كە داعش هەڕەشەیەكە بۆ سەر هەمووان و وەك شێرپەنجەیە بۆ سەر بە هاكانی مرۆڤایەتی و ئازادی و ئەمەی ئێستاش شەڕێكە لەنێوان جیهانی ئازاد و تاریكی.
سوید بەردەوام دەبێت لە پێشكەش كردنی هاوكاری مرۆیی بە هەرێمی كوردستان
فەلاح مستەفا بەرپرسی پەیوەندیەكانی دەرەوەى حکومەت سەردانی وەزارەتی پەرەپێدانی نێودەوڵەتی و هاوكاری سویدیان كرد بۆ گفتوگۆكردن دەربارەی هاوكاری مرۆیی و بارودۆخی ئەو ئاوارە و پەنابەرانەی ڕوویان لە هەرێمی كوردستان كردووە.
لەدیدارەكەدا كە كاروان جەمال جێگری بەرپرسی فەرمانگە و شۆڕش قادر نوێنەری حكومەتی هەرێم لە سوید ئامادەبوون، خاتوو ئیزابێڵا لۆڤین بەخێرهاتنی بەرپرسی پەیوەندیەكانی دەرەوە و شاندی یاوەری كرد و گووتی بوونی ژمارەیەكی زۆر لە ڕەوەندی كوردستانی لە ووڵاتی سوید فاكتەرێكی گرنگ بوون لە بەهێزكردنی پەیوەندیەكانی نێوان هەردوولا و ئێمە هەردوولامان هەموو كات دەتوانین بەیەكەوە كاربكەن ئەویش بەهۆی ئەو پەیوەندیە بەهێزەی لە نێوان گەلی كورد و سوید هەیە.
لە بەرامبەر فەلاح مستەفا سوپاسی ووڵاتی سویدی كرد بۆ پێشكەش كردنی هاوكاری مرۆیی بە ئاوارەكان و گووتی كە ساڵی 2014 ساڵَێكی پڕ لە تەحەدی بوو بۆ هەرێمی كوردستان و ڕووبەڕووبوونەوەكان لە ڕووی ئابوری و ئاسایش و مرۆیی بەڵام حكومەتی هەرێم سەرەڕای سنورداری سەرچاوە داراییەكانی توانی هەڵسێت بە پاراستنی ژمارەیەك زۆر لە پێكهاتە نەتەوەیی و ئاینیەكان كە قوربانی دەست هەڕەشەكانی ڕێكخراوی تیرۆرستی داعش بوون. ئێستا زیاتر لە دوو ملیۆن ئاوارە لە هەرێمی كوردستانن و بە هۆی هاتنی وەرزی زستان و سەرما پێویستان بە هاوكاری خێرا و بەپەلە هەیە بۆ ئەمەش پێویستی زیاترمان بە هاوكاری نێودەوڵەتی هەیە.
هەروەها هەرێمی كوردستان بەردەوام دەرگای كراوە بووە بە ڕووی ئەو هاوڵاتیانەی لە دەست كارە دڕندانەكانی ڕێكخراوی تیرۆریستی داعش ڕوو لە هەرێمی كوردستان دەكەن. حكومەتی هەرێمی كوردستان بەپێی ئەو سەرچاوانەی كە لە بەردەست دان پێداویستیەكانی بۆ دابین كردوون بەڵام پێویستمان بە هاوكاری دۆستانمان هەیە لەسەر ئاستی نێودەوڵەتی كە بەردەوام بن لە هاوكاریە مرۆییەكانیان بۆ ئاوارەكان.
خاتوو ئیزابێڵا لۆڤین گووتی كە ئێمە نیگەرانیمان هەیە دەربارەی بارودۆخی ئاوارەكان لە هەرێمی كوردستان و ناوچەكەدا و بەردەوام دەبین لە پێشكەش كردنی هاوكاری مرۆیی بۆ ئاوارەكان هاوشێوەی ساڵانی ڕابردوو بە ئامانجی كەمكردنەوە بەشێك لە ئازارەكانیان. سوید دەستخۆشی لە هەوڵەكانی حكومەتی هەرێم دەكات بۆ بەرگری كردن و پاراستنی مافی پێكهاتە نەتەوە و ئاینەكان. هەروەها هاوكاریە مرۆییەكانی حكومەتی هەرێم بۆ ئاوارەكان جێگای پێزانین و سەرنجە.
سەرۆكی هەرێمی كوردستان پێشوازی لە نێردەی تایبەتی سەرۆكی ڕووسیا دەكات
ئەمڕۆ سێشەممە 20ـی 1ـی 2015 بەڕێز مەسعود بارزانی پێشوازی لە میخاییل بوگدانۆڤ نێردەی تایبەتی سەرۆكی ڕووسیا بۆ كاروباری ڕۆژهەڵاتی ناوەڕاست و جێگری وەزیری دەرەوەی ڕووسیا و شاندێكی یاوەری كرد كە لە ژمارەیەك دیپلۆماتكار و بەرپرسی ئابووری و پیاوانی كار و كەرتی تایبەتی ڕووسی پێكهاتبوون.
لە دیدارەكەدا نێردەی تایبەتی سەرۆكی ڕووسیا بۆ كاروباری ڕۆژهەڵاتی ناوەڕاست سڵاوی ڤلادیمیر پووتینی سەرۆك ڕووسیا و وەزیری دەرەوە و كاربەدەستانی حكوومەتی وڵاتەكەی بە سەرۆك بارزانی گەیاند و وێڕای ئاماژەدان بە دۆستاییەتیی مێژوویی گەلی كورد و گەلی ڕووسیا باسی لە ڕۆڵی مەلا مستەفا بارزانی سەركردەی نەمری بزاڤی ڕزگارییخوازی كورد لە دروستكردنی ئەو دۆستایەتییە كرد. جێگری وەزیری دەرەوەی ڕووسیا جەختی لە پاڵپشتیی وڵاتەكەی بۆ سەرۆك بارزانی و گەلی كوردستان لە شەڕی دژی تیرۆریستان كردەوە و ئەوەیشی خستەڕوو كە ڕووبەڕووبوونەوەی تیرۆر پێویستی بە هاوكاری و یەكهەڵوێستیی هەموو لایەك هەیە. هەروەها ئەوەیشی دووپاتكردەوە كە لە بواری ئابووری و كەرتی نەوتدا زەمینەیەكی گونجاو لە ئارادایە بۆ پەرەپێدانی پەیوەندییەكانی نێوان هەردوولا.
لەبەرانبەردا سەرۆك بارزانی بەخێرهاتنی شاندی میوانی كرد و سوپاسی سەرۆك و حكوومەتی ڕووسیایشی كرد و هاتنی ئەو شاندەی وەك هاندەرێكی باش زانی بۆ فراوانكردنی پەیوەندییەكانی نێوان هەرێمی كوردستان و وڵاتی ڕووسیا و لە گوتەیەكدا چۆنییەتیی سەرهەڵدان و هۆكارەكانی گەشەی تیرۆریستانی داعشی لە ڕۆژئاوای عێراق بۆ شاندی میوان شی كردەوە. سەرۆك بارزانی جەختی لەوە كردەوە كە تیرۆریستان بۆیە پەلاماری كوردستانیان دا چونكە كوردستان ئاستەنگێكی مەزن بوو لەبەردەم جێبەجێبوونی پلانی تیرۆریستان و فراوانبوونیان لە ناوچەكەدا و ئەوەیشی دووپاتكردەوە كە تیرۆر هەڕەشەیەكی جدییه بۆ سەر هەموو لایەك و پێویستە بۆ لەناوبردنی تیرۆریستان ئیرادەیەكی بەهێزی دەولی و هاوكاریی هەموو وڵاتان هەبێت. هەروەها ئاماژەیشی بەوەدا كە بۆ سەركەوتن لە شەڕی تیرۆردا لە تەك ڕووبەڕووبوونەوەی سەربازی پێویستە لەڕووی فكری و ئابووریش شەڕیان لەگەڵدا بكرێت و ڕێگە لە هاتوچۆیان بگیرێت. سەرۆك بارزانی لەدرێژەی قسەكانیدا ئەوەیشی خستەڕوو كە هەر لایەنێك بیەوێت تیرۆر وەك كارتێكی سیاسی لە ململانێكاندا بەكار بهێنێت لە ئەنجام خۆی زیان دەبینێت و بەم ئاگرە دەسووتێت.
هەر لەم كۆبوونەوەیەدا بارودۆخی سیاسیی ناوچەكە و سووریا و هەروەها پەیوەندییە سیاسی و ئابوورییەكانی ڕووسیا و هەرێمی كوردستان تاوتوێ كرا.
پەیامێك لە سەرۆكی هەرێمی كوردستان
بەناوی خودای مەزن و دلۆڤان
كۆنگرەی لەندەن كە تایبەتە بەو وڵاتانەی لەگەڵ ڕێكخراوی تیرۆریستیی داعش لەشەڕدان، لەكاتێكدا دەبەسترێت كە كوردستان لەشەڕێكی ڕاستەوخۆ و توند دایە بەرانبەر تیرۆریستانی داعش و ڕۆژانە بە خوێنی گەشی پێشمەرگە قارەمانەكان، شكستی گەورە تووشی تیرۆریستانی داعش دەبێت.
لەدوای پەلاماری تیرۆریستانی داعش، پێشمەرگە بەخوێنی خۆی سەدانهەزار ئاوارە و پێكهاتە نەتەوەیی و ئایینییەكانی پاراستووە و چەندین ناوچەی بەرفراوانی بە بێ ڕەچاوكردنی پێكهاتەی دانیشتوانی ئەم ناوچانە لەدەست تیرۆریستان ڕزگار كردووە.
ئێمە چاوەڕێی ئەوەمان دەكرد هەموو لایەك ڕێز لە قوربانیدانی گەلی كوردستان و قارەمانێتیی پێشمەرگە بگرن و داوای بەشداربوونی نوێنەری كوردستان لەم كۆنگرەیە و كۆنگرە هاوشێوەكان بكەن. هیچ گومانێك لەوەدا نییە كە ئێستا كاریگەرترین هێز كە بەشێوەیەكی ڕاستەوخۆ و كردەیی ڕووبەڕووی تیرۆریزمی جیهانی بووەتەوە هێزی پێشمەرگەی كوردستانە.
لێرەدا ناڕەزایەتی خۆمان و خەڵكی كوردستان ئاراستەی ڕێكخەرانی ئەم كۆنگرەیە دەكەین و جێگەی دڵگرانیی ئێمەیە كە شەهیدبوون و قوربانیدان بەشی خەڵكی كوردستان بێت و ئیعتبارەكەش بۆ خەڵكی تر هەژمار بكرێت. خەڵكی كوردستان شایانی ئەوەیە كە لەمجۆرە دانیشتنە نێودەوڵەتیانەدا نوێنەری خۆی هەبێت كە گوزارشت لە واقع و بیروبۆچوونەكانی گەلی كوردستان و پێشمەرگە قارەمانەكان بكات. قورسایی ئەم بارودۆخە لەسەر شانی گەلی كوردستانە و هیچ كەس و لایەنێك ناتوانێ نوێنەرایەتیی خەڵكی كوردستان بكات و دەنگی ڕاستەقینەی خەڵكی كوردستان لە كۆڕ و كۆبوونەوە نێودەوڵەتییەكان بگەیێنێت.
مسعود بارزانی
سەرۆكی هەرێمی كوردستان
22ـی 1ـی 2015
More...
بروسكەی سەرەخۆشیی سەرۆك بارزانی بۆ كۆچی دوایی شای شانشینی عەرەبی سعودی
سەرۆكی هەرێمی كوردستان پێشوازی لە شاندێكی باڵای یەكێتیی نیشتیمانی كوردستان كرد
سەرۆك بارزانی هێزەكانی پێشمەرگە لە میحوەری گوێڕ بەسەر دەكاتەوە
سەرۆكی هەرێمی كوردستان پێشوازی لە شاندێكی وەزارەتی دەرەوەی شانشینی سعوودیە دەكات
دوایین هەواڵەکان
- پهيامى سه‌رۆك نێچيرڤان بارزانى بۆ ساڵى نوێ
- پەیامی سەرۆکی حکومەتی هەرێمی کوردستان بە بۆنەی سەری ساڵی نوێی زایینی2025
- سه‌رۆكى هه‌رێمى كوردستان، پێشوازيى له كونسوڵی گشتيى نوێى ئێران كرد
- عەباس غەزالی: کۆچی مامۆستا مهنسوور یاقووتی وهک لهدهست چونی یاقووتێکی گرانبههایه
- سهرۆک نێچیرڤان بارزانی له‌گه‌ڵ وهزیری بهرگریی هۆڵهندا کۆبووهوه
- سه‌رۆك نێچيرڤان بارزانى پێشوازيى له ئيسماعيل بهشيكچى كرد
- سه‌رۆك نێچيرڤان بارزانى و وهزيرى بهرگريى ئيتاڵيا كۆبوونهوه
- سه‌رۆك نێچيرڤان بارزانى له‌گه‌ڵ فەرماندەی هێزەکانی هاوپەیمانيی نێودەوڵەتی كۆبووهوه
- سه‌رۆك نێچيرڤان بارزانى پێشوازیی له باڵيۆزى نوێى چيك كرد
- سەرۆک نێچیرڤان بارزانی پێشوازیی لە سوپاسالاری بەریتانیا کرد