عەباس غەزالی: نووسین و چاپکردنی "فەرھەنگیی زارەکیی موکریان" شانازییەکی بێ پایانە

مەنسوور جیھانی ـ "عەباس غەزالی" کەسایەتی چالاکی فەرھەنگی ھەرێمی کوردستان، بە بۆنەی جەژنی لێبوونەوە و چاپکردنی "فەرھەنگیی زارەکیی موکریان" لە نووسینی "سەلاح پایانیانی" لە خانەی فەرھەنگیی موکریان لە شاری ھەولێر، جەختی کردەوە: نووسین و چاپی "فەرھەنگیی زارەکیی موکریان" شانازییەکی بێ پایانە، چونکە بناغەیەکی پتەوی فەرھەنگیی و شێوازێکی زانستیانەی فەرھەنگ نووسی ھاتە ناو کتێبخانەی کوردییەوە.

"عەباس غەزالی میرخان" کەسایەتی چالاکی فەرھەنگی و ئەندامی بەرچاو و ڕاوێژکاری فەرھەنگی و ھونەری پارتی دیموکڕاتی کوردستانی عێراق و نوێنەری پێشووی پەڕلەمانی ھەرێمی کوردستان؛ لە پەیامێکدا نووسیوییەتی: "بە بۆنەی جەژنی لێبوونەوە لە "فەرھەنگیی زارەکیی موکریان" بە سەری بەرزەوە پیرۆزبایی لە ھەموو گەلی کوردستان، بە تایبەتی دڵسۆزانی بواری کەلتوور، دەکەم کە بناغەیەکی پتەوی فەرھەنگیی و شێوازێکی زانستیانەی فەرھەنگ نووسی ھاتە ناو کتێبخانەی کوردییەوە. ھەروەھا پیرۆزبایی لە شاری مەھاباد دەکەم کە بووە پێشەنگی ئەو شێوازە فەرھەنگ نووسییە.

فەرھەنگیی زارەکیی موکریان جگە لەوەی لە کاتێکی ھەستیاردا زمانی پاراست و فەرھەنگیی شەفاھی ناوچەیەکی دەوڵەمەندی کوردی ھێنایە ناو کتێب و کتێبخانەی کوردییەوە، بەڵکوو بە شێوازە زانستییەکەی وای کرد کە لە داھاتوودا ناوچەکانی دیکەی کوردستانیش بەو ڕێچکەیەدا بڕۆن و فەرھەنگی ڕەسەنی نەتەوەی کورد دەوڵەمەند بکەن.

ئەم کارە پڕ مشەقەت و کاتگرە، کە لە ڕاستیدا کاری دەزگایەکی دەوڵەتییە، کاری سی ساڵ تێکۆشانی بێ وچانی لاوی لێھاتوو، سەنگین، بەڕەوشت، خاکی و لەخۆبردووی کورد، مامۆستای ڕوح سووک و بیرگران کاکە سەلاحی پایانیانییە کە نموونەی کاری وەک ئەو لە ئاستی جیھاندا دەگمەنن.

وەک کەسێکی خەڵکی دەڤەری بارزان بە پێویستی دەزانم سوپاسی تایبەتی کاک سەلاح بکەم کە شانازیی چاپ کردنی ئەو کارە گرانسەنگەی داوەتە خانەی فەرھەنگیی موکریان لە شاری ھەولێر و ھەروەھا سوپاسی خانەی فەرھەنگیی موکریان دەکەم کە بەپیری پێشنیاری کاک سەلاحەوە ھاتن و ئەو ئەرکە فەرھەنگی و مێژووییەیان بە باشترین شێوە لەئەستۆ گرتووە."

عەباس غەزالی میرخان
ھەولێر
٨ی خاکەلێوەی ٢٧٢٤ی کوردی
٢٧/٣/٢٠٢٤ زایینی

سه‌رۆك نێچيرڤان بارزانى له‌گه‌ڵ خاوه‌نشكۆ شاى ئوردن كۆبووه‌وه‌

پێشنيوه‌ڕۆى ڕۆژی شه‌ممه‌ 2024/2/17 به‌ڕێز نێچيرڤان بارزانى، سه‌رۆكى هه‌رێمى كوردستان له‌ كۆنفرانسى ئاساييشى ميونشن له‌ ئه‌ڵمانيا، له‌گه‌ڵ خاوه‌نشكۆ شا عه‌بدوڵڵاى دووه‌م  بن حوسه‌ين، شاى ئوردن، كۆبووه‌وه‌ و ده‌رباره‌ى په‌يوه‌ندييه‌كانى ئوردن له‌گه‌ڵ عێراق و هه‌رێمى كوردستان و دوا پێشهاته‌كانى ناوچه‌كه‌، گفتوگۆيان كرد.

هه‌ردوولا باسيان له‌ مه‌ترسيى ئه‌گه‌رى په‌ره‌سه‌ندنى زياترى ئاڵۆزييه‌كانى ڕۆژهه‌ڵاتى ناوه‌ڕاست و فراوانبوونى كاريگه‌رى و لێكه‌وته‌كانى كرد كه‌ ئه‌مه‌ش ده‌بێته‌ هه‌ڕه‌شه‌ له‌سه‌ر ئارامى و سه‌قامگيريى ناوچه‌كه‌، بۆيه‌ به‌ پێويستيان زانى له‌ هه‌موو لايه‌كه‌وه‌ هه‌وڵى ئارامكردنه‌وه‌ى دۆخه‌كه‌ بدرێت.

هه‌ردوولا خواستى خۆيان بۆ بره‌ودان به‌ په‌يوه‌ندييه‌كان و فراوانكردنى بواره‌كانى هاريكاريى هاوبه‌ش ده‌ربڕى. له‌مباره‌يه‌وه‌ سه‌رۆك نێچيرڤان بارزانى، ستايشى په‌يوه‌نديی له‌مێژينه‌ى شانشينى ئوردن و خانه‌واده‌ى به‌ڕێزى شاهانه‌ى هاشمى، له‌گه‌ڵ هه‌رێمى كوردستان كرد.

له‌ دوا ته‌وه‌رى كۆبوونه‌وه‌كه‌دا، ڕه‌وشى عێراق و ناوخۆى هه‌رێمى كوردستان و مه‌ترسييه‌كانى تيرۆريان له‌ ناوچه‌كه‌، باس كرد.

 

https://presidency.gov.krd/president-nechirvan-bazzani-met-with-his-majesty-the-king-of-jordan/

 

سه‌رۆك نێچيرڤان بارزانى و سه‌رۆك ئيلهام ئه‌لييێڤ كۆبوونه‌وه‌

له‌ دووه‌م ڕۆژى به‌رنامه‌يدا له‌ كۆنفرانسى ئاساييشى ميونشن له‌ ئه‌ڵمانيا، به‌يانيى ڕۆژی شه‌ممه‌ 2024/2/17 به‌ڕێز نێچيرڤان بارزانى، سه‌رۆكى هه‌رێمى كوردستان، له‌گه‌ڵ به‌ڕێز ئيلهام ئه‌لييێڤ سه‌ركۆمارى ئازه‌ربايجان كۆبووه‌وه‌.

له‌ كۆبوونه‌وه‌كه‌دا سه‌رۆك نێچيرڤان بارزانى دووباره‌ پيرۆزبايى له‌ سه‌رۆك ئه‌لييێڤ كرد بۆ هه‌ڵبژاردنه‌وه‌ى به‌ سه‌رۆكى وڵات، هه‌روه‌ها هه‌ردوولا جه‌ختيان له‌ هه‌ڵنانى هه‌نگاوى پێويست بۆ بره‌ودان به‌ په‌يوه‌ندييه‌كان و هاريكاريى هاوبه‌شى ئازه‌ربايجان له‌گه‌ڵ عێراق و هه‌رێمى كوردستان به‌تايبه‌تى، كرده‌وه‌.

له‌مباره‌يه‌وه‌ باسيان له‌ ڕێكاره‌كانى كردنه‌وه‌ى كونسولخانه‌ى گشتيى ئازه‌ربايجان له‌ هه‌ولێر كرد كه‌ هاوكار و يارمه‌تيده‌ر ده‌بێت بۆ به‌ره‌وپێشبردنى زياترى په‌يوه‌ندييه‌كان. هه‌روه‌ها سه‌رۆك ئه‌لييێڤ سه‌رۆك نێچيرڤان بارزانى بۆ كۆنفرانسى داهاتووى نه‌ته‌وه‌ يه‌كگرتووه‌كان ده‌رباره‌ى گۆڕانى كه‌شوهه‌وا (COP29) بانگهێشت كرد كه‌ بڕياره‌ ئه‌مساڵ له‌ ئازه‌ربايجان ئه‌نجام بدرێت.

دوايين پێشهاته‌كانى دۆخى ئاڵۆزى ڕۆژهه‌ڵاتى ناوه‌ڕاست و هه‌ڕه‌شه‌ و مه‌ترسييه‌كان له‌سه‌ر ئارامى و سه‌قامگيرى، ته‌وه‌رێكى ديكه‌ى كۆبوونه‌وه‌كه‌ بوو. تيايدا هه‌ردوولا داكۆكييان له‌ پاراستنى ئارامى و سه‌قامگيرى و كاركردنى هه‌مه‌لايه‌نه‌ بۆ ئه‌م مه‌به‌سته‌، كرده‌وه‌.

 

 

https://presidency.gov.krd/president-nechirvan-barzani-met-with-president-ilham-aliyev/

سه‌رۆك نێچيرڤان بارزانى له‌گه‌ڵ وه‌زيرى ده‌ره‌وه‌ى ڤاتيكان كۆبووه‌وه‌

پێشنيوه‌ڕۆى ڕۆژی شه‌ممه‌ 2024/2/17 به‌ڕێز نێچيرڤان بارزانى، سه‌رۆكى هه‌رێمى كوردستان، له‌ كۆنفرانسى ئاساييشى ميونشن له‌ ئه‌ڵمانيا، له‌گه‌ڵ به‌ڕێز پۆل گاڵاگه‌ر، وه‌زيرى ده‌ره‌وه‌ى ڤاتيكان، كۆبووه‌وه‌.

له‌ كۆبوونه‌وه‌كه‌دا ده‌ر‌باره‌ى په‌يوه‌ندييه‌كانى ڤاتيكان له‌گه‌ڵ عێراق و هه‌رێمى كوردستان، دۆخى پێكهاته‌كان له‌ عێراق و به‌تايبه‌تى هه‌رێمى كوردستان، ڕه‌وشى سياسى و ئه‌منيى عێراق، په‌يوه‌ندييه‌كانى هه‌ولێر ـ به‌غدا، شه‌ڕ له‌ غه‌ززه و دۆخى ناوچه‌كه‌ به‌گشتى‌، گفتوگۆيان كرد.

به‌ڕێز وه‌زيرى ده‌ره‌وه‌ى ڤاتيكان خواستى وڵاته‌كه‌ى بۆ بره‌ودانى زياترى په‌يوه‌ندييه‌كانى له‌گه‌ڵ عێراق و هه‌رێمى كوردستان نيشاندا و ستايشى دۆخى پێكهاته‌كان و پێكه‌وه‌ژيانى له‌ هه‌رێمى كوردستان كرد و دووپاتى كرده‌وه‌ كه‌ قه‌داسه‌تى پاپا به‌ ڕێز و خۆشه‌ويستييه‌وه‌ له‌ هه‌رێمى كوردستان ده‌ڕوانێت.

لاى خۆيه‌وه‌ سه‌رۆك نێچيرڤان بارزانى سوپاس و پێزانينى بۆ پشتگيريى به‌رده‌وامى ڤاتيكان له‌ عێراق و هه‌رێمى كوردستان ده‌ربڕى و سڵاو و ڕێزى پێشكه‌ش به‌ قه‌داسه‌تى پاپا كرد، هه‌روه‌ها جه‌ختى كرده‌وه‌ كه‌ هه‌رێمى كوردستان وه‌ك هه‌ميشه‌ بۆ هه‌موو پێكهاته‌كانى، وڵاتى پێكه‌وه‌ژيان و يه‌كترقبووڵكردن و لێبورده‌يى ده‌بێت.

 
https://presidency.gov.krd/president-nechirvan-barzani-meets-with-vatican-foreign-minister-2/

 

سه‌رۆك نێچيرڤان بارزانى له‌گه‌ڵ وه‌زيرى ده‌ره‌وه‌ى به‌حرێن، دۆخى ناوچه‌كه‌ تاوتوێ ده‌كات

هه‌ر له‌ كۆنفرانسى ئاساييشى ميونشن له‌ ئه‌ڵمانيا، نيوه‌ڕۆى ڕۆژی شه‌ممه‌ 2024/2/17 به‌ڕێز نێچيرڤان بارزانى، سه‌رۆكى هه‌رێمى كوردستان و به‌ڕێز عه‌بدولله‌تيف بن ڕاشد ئه‌لزه‌ييانى، وه‌زيرى ده‌ره‌وه‌ى به‌حره‌ين، كۆبوونه‌وه‌.

له‌ كۆبوونه‌وه‌كه‌دا مه‌ترسى و ئاڵنگارييه‌كانى به‌رده‌م ئارامى و سه‌قامگيريى ڕۆژهه‌ڵاتى ناوه‌ڕاستيان تاوتوێ كرد كه‌ له‌ ئه‌نجامى شه‌ڕ له‌ غه‌ززه‌ و لێكه‌وته‌كانى هاتووه‌ته‌ ئاراوه‌. له‌مباره‌يه‌وه‌ جه‌ختيان له پێويستيى چڕكردنه‌وه‌ى هه‌وڵه‌كان له‌سه‌ر ئاستى ناوچه‌يى و نێوده‌وڵه‌تى بۆ پاراستنى سه‌قامگيرى كرده‌وه‌.

له‌ ته‌وه‌رێكى ديكه‌ى كۆبوونه‌وه‌كه‌دا خواستى هاوبه‌شيان بۆ بره‌ودان به‌ په‌يوه‌ندييه‌كانى به‌حرێن له‌گه‌ڵ عێراق و هه‌رێمى كوردستان و فراوانكردنى هاريكاريى هاوبه‌شى نێوانيان ده‌ربڕى. له‌مباره‌يه‌وه‌ تيشكيان خسته‌ سه‌ر ئه‌و ده‌رفه‌ت و بوارانه‌ى له‌نێوان هه‌ردوولادا هه‌ن و ده‌كرێ كاريان له‌سه‌ر بكرێت.

دۆخى عێراق و هه‌رێمى كوردستان و هه‌ڕه‌شه‌ و مه‌ترسييه‌كانى تيرۆر له‌ ناوچه‌كه‌، ته‌وه‌رێكى ديكه‌ى كۆبوونه‌وه‌كه‌ بوو.

 

https://presidency.gov.krd/president-nechirvan-barzani-meets-with-bahraini-foreign-minister/

 

سه‌رۆك نێچيرڤان بارزانى پێشوازى له‌ كونسولى گشتیی نوێى به‌ريتانيا كرد

ئێواره‌ى ڕۆژی دووشه‌ممه‌ 2024/2/12 به‌ڕێز نێچيرڤان بارزانى، سه‌رۆكى هه‌رێمى كوردستان، له‌ ديدارێكدا به‌خێرهاتنى به‌ڕێز جه‌يمس گۆڵدمان كونسولى گشتيى نوێى به‌ريتانياى له‌ هه‌رێمى كوردستان كرد و هيواى سه‌ركه‌وتنى بۆ خواست، هه‌روه‌ها هه‌موو پشتگيرييه‌كى بۆ سه‌رخستنى ئه‌ركه‌كه‌ى ده‌ربڕى و خواستى هه‌رێمى كوردستانى بۆ بره‌ودان به‌ په‌يوه‌ندييه‌كان و فراوانكردنى هاريكاريى هاوبه‌ش له‌گه‌ڵ به‌ريتانيادا‌‌، دووپات كرده‌وه‌.

لاى خۆيه‌وه‌ به‌ڕێز گۆڵدمان خۆشحاڵيى خۆى به‌ ده‌ستبه‌كاربوونى وه‌ك كونسولى گشتيى نوێى به‌ريتانيا له‌ هه‌رێمى كوردستان نيشان دا، هه‌روه‌ها دووپاتى كرده‌وه‌ كه‌ وڵاته‌كه‌ى له‌ پشتگيريى هه‌رێمى كوردستان به‌رده‌وام ده‌بێت و خوازياره‌ له‌ هه‌موو بواره‌كاندا په‌يوه‌ندييه‌كانى له‌گه‌ڵ هه‌رێمى كوردستان به‌ره‌وپێشه‌وه‌ ببات.

تاوتوێكردنى دۆخى گشتيى عێراق و هه‌رێمى كوردستان و ناوچه‌كه‌، ته‌وه‌رێكى ديكه‌ى ديداره‌كه‌ بوو.

 

https://presidency.gov.krd/the-president-of-the-kurdistan-region-receives-the-new-british-consul-general/

 

سه‌رۆك نێچيرڤان بارزانى پێشوازى له‌ هه‌ڵسووڕێنه‌رى باڵيۆزخانه‌ى ئه‌مه‌ريكا كرد‌

نيوه‌ڕۆى ڕۆژی چوارشه‌ممه‌ 2024/2/14 به‌ڕێز نێچيرڤان بارزانى، سه‌رۆكى هه‌رێمى كوردستان له‌ هه‌ولێر له‌گه‌ڵ‌ به‌ڕێز ده‌يڤد بێرگه‌ر هه‌ڵسووڕێنه‌رى كاروبارى باڵيۆزخانه‌ى ئه‌مه‌ريكا له‌ عێراق كۆبووه‌وه‌.

له‌ كۆبوونه‌وه‌كه‌دا په‌يوه‌ندييه‌كانى ئه‌مه‌ريكا له‌گه‌ڵ عێراق و هه‌رێمى كوردستان، كێشه‌كانى هه‌ولێر ـ به‌غدا و گفتوگۆى چاره‌سه‌ركردنيان، ڕۆڵ و پێگه‌ى عێراق له‌ ناوچه‌كه‌ و له‌سه‌ر ئاستى نێوده‌وڵه‌تى، به‌ئامانجگرتنى هێزه‌كانى هاوپه‌يمانان له‌ عێراق و دۆخى هه‌رێمى كوردستان، تاوتوێ كران.

هه‌ردوولا ده‌رباره‌ى دۆخى ئه‌منى له‌ عێراق و ناوچه‌كه‌ و ڕۆڵى هێزه‌كانى هاوپه‌يمانان، بيروڕايان ئاڵوگۆڕ كرد و جه‌ختيان له‌ گرنگيى پاراستنى ئارامى و سه‌قامگيرى له‌ عێراق و ناوچه‌كه‌ كرده‌وه، هه‌روه‌ها چه‌ند پرسێكى ديكه‌ى ‌جێى بايه‌خى هاوبه‌شيان، باس كرد.

 

https://presidency.gov.krd/president-nechirvan-barzani-receives-the-us-embassy-in-baghdad/

 

سه‌رۆك نێچيرڤان بارزانى پێشوازى له‌ باڵيۆزى به‌ريتانيا كرد

نيوه‌ڕۆى ڕۆژی چوارشه‌ممه‌ 2024/3/27 به‌ڕێز نێچيرڤان بارزانى، سه‌رۆكى هه‌رێمى كوردستان، له‌ كۆبوونه‌وه‌يه‌كدا له‌گه‌ڵ به‌ڕێز ستيڤن هيچن باڵيۆزى به‌ريتانيا له‌ عێراق، هه‌ڵبژاردنى په‌رله‌مانى كوردستان، دۆخى ناوخۆى هه‌رێمى كوردستان و په‌يوه‌ندييه‌كانى هه‌ولێر ـ به‌غدايان تاوتوێ كرد.

هه‌ردوولا جه‌ختيان له‌ گرنگيى ئه‌نجامدانى هه‌ڵبژاردن كرده‌وه‌ و باسيان له‌ هه‌ستياريى دۆخه‌كه‌ و پێويستيى چاره‌سه‌ركردنى كێشه‌ و ناكۆكييه‌كانى نێوان لايه‌نه‌ سياسييه‌كان كرد بۆ به‌ره‌نگاربوونه‌وه‌ى ئاڵنگارييه‌كان، هه‌روه‌ها هاوڕا بوون كه‌ كێشه‌كانی هه‌ولێر ـ به‌غدا به‌ ديالۆگ و له‌سه‌ر بنه‌ماى ده‌ستوور و پاراستنى مافه‌كانى هه‌مووان چاره‌سه‌ر بكرێن.

دوايين پێشهاته‌كانى دۆخى ناوچه‌كه‌ و چه‌ند پرسێكى ديكه‌ى جێى بايه‌خى هه‌ردوولا، ته‌وه‌رێكى ديكه‌ى كۆبوونه‌وه‌كه‌ بوو.

 

https://presidency.gov.krd/president-nechirvan-barzani-receives-british-ambassador-to-iraq-3/

 

سه‌رۆكى هه‌رێمى كوردستان نامه‌يه‌كى پيرۆزبايى له‌ وه‌زيرى ده‌ره‌وەى توركياوه‌ پێده‌گات

به‌بۆنه‌ى جه‌ژنى نه‌ورۆزه‌وه‌، به‌ڕێز نێچيرڤان بارزانى، سه‌رۆكى هه‌رێمى كوردستان، نامه‌يه‌كى پيرۆزبايى له‌ به‌ڕێز هاكان فيدان، وه‌زيرى ده‌ره‌وه‌ى توركياوه‌ پێگه‌يشت كه‌ تيايدا هيواى ساڵێكى پڕ له‌ خۆشى و ئارامى و ته‌ندروستيى باش بۆ به‌ڕێزيان ده‌خوازێت.

له‌ نامه‌كه‌دا بۆ به‌ڕێز سه‌رۆكى هه‌رێمى كوردستان، به‌ڕێز وه‌زيرى ده‌ره‌وه‌ى توركيا نووسيوويه‌تى: به‌ڕێز سه‌رۆك، دۆستى ئازيزم، له‌ ناخه‌وه‌ پيرۆزباييى جه‌ژنى نه‌ورۆزتان لێده‌كه‌م كه‌ سيمبولى خۆڕاگرى و ئاشتى و ژيانه‌وه‌ى سروشت و ساڵێكى نوێ و نه‌ريتێكى كۆنى هاوبه‌شمانه‌. هه‌روه‌ها هيواى خواستووه‌ هه‌ماهه‌نگى و هاوبه‌شيى نێوان هه‌ردوولا به‌هێزتر بێت له‌پێناو ئارامى و ئاشتى له‌ ناوچه‌كه‌دا.

 

https://presidency.gov.krd/kurdistan-regional-government-president-receives-congratulatory-letter-from-turkish-foreign-minister/

 

كارنامه‌ى سه‌رۆك نێچيرڤان بارزانى له‌ كۆنفرانسى ئاساييشى ميونشن ته‌واو بوو

دواى به‌شدارييه‌كى‌ كاراى سێ ڕۆژی‌ له‌ كۆنفرانسى ئاساييشى ميونشندا و كارنامه‌يه‌كى چڕى ديدار و كۆبوونه‌وه‌ له‌گه‌ڵ سه‌ركرده‌ و به‌رپرسانى وڵاتان و شانده‌كانيان، پاشنيوه‌ڕۆى ئه‌مڕۆ يه‌كشه‌ممه‌ 2024/2/18 به‌ڕێز نێچيرڤان بارزانى، سه‌رۆكى هه‌رێمى كوردستان له‌گه‌ڵ ته‌واوبوونى كۆنفرانسه‌كه‌، كۆتايى به‌ سه‌ردانه‌كه‌ى بۆ ئه‌ڵمانيا هێنا.

سه‌رۆك نێچيرڤان بارزانى له‌گه‌ڵ سه‌ركرده‌ و به‌رپرسانى باڵاى وڵاتان، ده‌رباره‌ى دۆخى ئه‌منى و سياسيى عێراق و هه‌رێمى كوردستان، ئاڵۆزييه‌كانى ڕۆژهه‌ڵاتى ناوه‌ڕاست، هه‌ڕه‌شه‌ و ئاڵنگارييه‌كانى به‌رده‌م ئاساييش و سه‌قامگيرى له‌ ناوچه‌كه‌ و جيهان، هه‌روه‌ها ده‌رباره‌ى بره‌ودان به‌ په‌يوه‌ندييه‌كان و هاريكاريى هاوبه‌ش له‌ بوارى وزه‌ و ئاساييشى وزه‌ و كاريگه‌رييه‌كانى گۆڕانى كه‌شوهه‌وادا، گفتوگۆى كرد و تێڕوانينى هه‌رێمى كوردستانى له‌مباره‌يه‌وه‌‌ خسته‌‌ڕوو.

كارنامه‌ى سێ ڕۆژى كاره‌كانى سه‌رۆك نێچيرڤان بارزانى له‌ كۆنفرانسه‌كه‌دا بريتبوو له‌ كۆبوونه‌وه‌ و ديدار له‌گه‌ڵ به‌ڕێزان: سكرتێرى گشتيى نه‌ته‌وه‌ يه‌كگرتووه‌كان، سه‌ركۆمارى ئازه‌ربايجان، خاوه‌نشكۆ شاى ئوردن، هه‌ريه‌ك له‌ سه‌رۆك وه‌زيرانى يۆنان، قه‌ته‌ر، ئه‌رمه‌نستان، ئيستۆنيا، له‌گه‌ڵ جێگرى سه‌رۆك و به‌رپرسى باڵاى كاروبارى ده‌ره‌وه‌ و سياسه‌تى ئه‌منيى يه‌كێتيى ئه‌ورووپا، وه‌زيرانى ده‌ره‌وه‌ى به‌ريتانيا، فه‌ره‌نسا، نه‌مسا، توركيا، كوێت، ڤاتيكان، به‌حره‌ين و وه‌زيرانى به‌رگريى به‌ريتانيا و ئه‌ڵمانيا.

هه‌روه‌ها له‌گه‌ڵ ژماره‌يه‌ك له‌ شاند و به‌رپرسانى باڵاى ديكه‌ى وڵاتان كۆبووه‌وه‌، له‌وانه‌: شاندى كۆنگرێسى ئه‌مه‌ريكا له‌ هه‌ردوو ئه‌نجومه‌نى نوێنه‌ران و پيران، گه‌وره‌ ڕاوێژكارى سه‌رۆكى ئه‌مه‌ريكا بۆ كاروبارى وزه‌ و وه‌به‌رهێنان، وه‌زيرانى ده‌وڵه‌تى ئه‌ڵمانيا بۆ كاروبارى به‌رگرى، كاروبارى ده‌ره‌وه و بۆ هاريكاريى ئابوورى و په‌ره‌پێدان، ياريده‌ده‌رى وه‌زيرى به‌رگريى ئه‌مه‌ريكا بۆ كاروبارى ئاسايشى نێوده‌وڵه‌تى، سه‌رۆكى تيمى سه‌ربه‌خۆى پێداچوونه‌وه‌ى ستراتيژى به‌ ئه‌ركى نێرده‌ى نه‌ته‌وه‌ يه‌كگرتووه‌كاندا له‌ عێراق، شاندى په‌رله‌مانتارانى هه‌رسێ حزبى SPD و CDU و CSUى ئه‌ڵمانى و ڕاوێژكارانى سه‌رۆكى فه‌ره‌نسا بۆ كاروبارى ديپلۆماسى.

 
https://presidency.gov.krd/president-nechirvan-barzanis-agenda-at-the-munich-security-conference-has-ended/

 

پەڕەى 3 لەکۆى 206 پەڕەدا

دوایین هەواڵەکان

هەواڵی زیاتر لە تویتەر

راپۆرتە پڕ بینەرەکان

حالت های رنگی