سه‌رۆكى هه‌رێمى كوردستان پێشوازى له باڵيۆزى ئه‌مه‌ريكا كرد
پێشنيوه‌ڕۆى ئه‌مڕۆ چوارشه‌ممه 2022/12/14 به‌ڕێز نێچيرڤان بارزانى، سه‌رۆكى هه‌رێمى كوردستان له هه‌ولێر له‌گه‌ڵ خاتوو ئالينا ڕۆمانۆوسكى، باڵيۆزى ئه‌مه‌ريكا له عێراق كۆبووه‌وه.
له كۆبوونه‌وه‌كه‌دا دوا سه‌ردانى سه‌رۆك نێچيرڤان بارزانى بۆ به‌غدا و ديدار و كۆبوونه‌وه‌كانى له‌گه‌ڵ به‌رپرسانى باڵاى وڵات، كارنامه‌ى حكوومه‌تى فيدراڵى عێراق، كاركردن بۆ پته‌وكردنى پهيوهندييهكانى هه‌ولێر ـ به‌غدا و چاره‌سه‌ركردنى كێشه‌كان له‌گه‌ڵ هه‌رێمى كوردستان له‌سه‌ر بنه‌ماى ده‌ستوور و سيستمى فيدراڵى، گفتوگۆ و سه‌ردانە به‌رده‌وامەكانی نێوان هه‌ولێر و به‌غدا بۆ دروستبوونى تێگه‌يشتنى هاوبه‌ش، تاوتوێ كران.
هه‌ردوولا جه‌ختيان له كارى هاوبه‌شى نێوان هه‌ولێر ـ به‌غدا و لايه‌نه سياسييه‌كانى وڵات به‌گشتى كرده‌وه و هاوڕا بوون له‌سه‌ر گرنگيى پشتيوانيكردنى سه‌رۆك وه‌زيران و كابينه‌ى نوێى حكوومه‌تى فيدراڵى عێراق، دۆخه‌كه‌شيان به ده‌رفه‌تيك زانى بۆ چاره‌سه‌ركردنى كێشه‌كانى عێراق و جێبه‌جێكردنى كارنامه‌ى حكوومه‌ت. هه‌روه‌ها گرنگيى جێبه‌جێكردنى ڕيككه‌وتنى حكوومه‌تى هه‌رێمى كوردستان و حكوومه‌تى فيدراڵيى عێراقيان بۆ ئاساييكردنه‌وه‌ى دۆخى شه‌نگال و گه‌رانه‌وه‌ى ئاواره‌كان به پێويست و گرنگ له قه‌ڵه‌م دا.
سه‌رۆك نێچيرڤان بارزانى دووپاتى كرده‌وه كه گرنگه تێگه‌يشتن و ڕوانگه‌يه‌كى هاوبه‌ش هه‌بێت بۆ چۆنيه‌تيى به‌ڕێوه‌بردنى وڵات و به‌ڕێوه‌بردنى سامان و ده‌وڵه‌مه‌ندييه‌كانى عێراق به جۆرێك كار و خزمه‌تگوزاريى باشتر بۆ هاووڵاتيان دابين بكات و ببێته هۆى ئارامى و سه‌قامگيرى و پاراستنى سه‌روه‌ريى وڵات.
گرنگيى پاراستنى ئاراميى سنووره‌كان و كاركردنى هاوبه‌شى هه‌ولێر ـ به‌غدا له‌سه‌ر ئه‌م پرسه، هه‌مه‌جۆركردنى سه‌رچاوه‌كانى وزه، هاندانى سه‌رمايه‌گوزارى و وه‌به‌ره‌هێنانى بيانى له عێراق و هه‌رێمى كوردستان، پرۆسه‌ى ڕێكخستنه‌وه‌ى پێشمه‌رگه و كێشه‌كانى به‌رده‌مى، پهيوهندييهكانى عێراق له‌گه‌ڵ وڵاتانى دراوسێ و ناوچه‌كه، ته‌ورێكى ديكه‌ى كۆبوونه‌وه‌كه بوو.
https://presidency.gov.krd/the-president-of-the-kurdistan-region-receives-the-american-ambassador-2/
سەرۆکی حکومەتی هەرێمی کوردستان پێشوازی لە باڵیۆزی ئەمەریکا لە عێراق دەکات
ئەمڕۆ چوارشەممە 14ی دیسێمبەر، مەسرور بارزانی سەرۆکی حکومەتی هەرێمی کوردستان ، پێشوازی لە ئەلینا رۆمەناوسکی باڵیۆزی ئەمەریکا لە عێراق کرد .
لە کۆبوونەوەکەدا گفتوگۆ دەربارەی بارودۆخی گشتیی عێراق و پەرەپێدانی پەیوەندییەکانی هەرێمی کوردستان و ئەمەریکا کرا.
هەردوولا هاوڕابوون لە سەر گرنگیی چارەسەرکردنی کێشەکانی نێوان هەرێمی کوردستان و حکومەتی فیدراڵی، بە شێوەیەکی بنەڕەتی و لەسەر بنەمای دەستوور و ڕێککەوتنی لایەنەکان بۆ پێکھێنانی حکومەت و کارنامەی وەزاری.
سەرۆکی حکومەت ئاماژەی بەوەدا کە گفتۆگۆ و دانوستانی نێوان حکومەتی ھەرێم و حکومەتی فیدراڵی بەردەوامە بۆ گەیشتن بە ڕێککەوتنێکی ھەمەلایەنە و دادپەروەرانە لە سەر ھەموو کێشە ھەڵپەسێردراوەکان کە ماف و شایستە دەستوورییەکانی ھەرێمی کوردستان دابین بکات و لە بەرژەوەندی گشت ھاووڵاتییانی عێراقدا بێت.
چاکسازییەکانی وەزارەتی پێشمەرگە و جێبەجێکردنی ڕێککەوتننامەی شنگال و زەمینەسازکردن بۆ ئاساییکردنەوەی بارودخی ناوچەکە و گەڕانەوەی ئاوارەکان بۆ شوێنەکانیان ، تەوەرێکی دیکەی کۆبوونەوەکان بوو .
https://gov.krd/government/the-prime-minister/activities/posts/2022/december/سەرۆکی-حکومەتی-هەرێمی-کوردستان-پێشوازی-لە-باڵیۆزی-ئەمەریکا-لە-عێراق-دەکات/
نوێنەری حكومەتی هەرێمی كوردستان لە ئێران رایگەیاند، لە سەردانەکەی محەممەد شیاع سوودانی سەرۆكوەزیرانی عێراق بۆ تاران، ئێرانییەكان یەك داواكاری سەرەكییان دەبێت، ئەویش پاراستنی سنوورەكانییانە لەگەڵ عێراق، هەروەها سوودانیش ئامانجی خۆی هەیە.
بەشی عێراق و هەرێمی کوردستان- نوێنەری حکوومەتی هەرێمی کوردستان لە ئێران رایگەیاند، ئێران ئەو کارانەی عێراق بە هاوئاهەنگی هەرێمی کوردستان دەیانکات بۆ پاراستنی سنوورەکان پێباشە و بە پێویستی دەزانێت.
بەپێی هەواڵی کوردپرێس، نازم دەباغ، نوێنەری حکومەتی هەرێمی کوردستان لە کۆماری ئیسلامیی ئێران لەبارەی رێوشوێنەکانی عێراق لە پاراستنی سنوور و دامەزراندنی چەند لیوایەک بۆ ئەو مەبەستە بە تۆڕی میدیایی رووداوی راگەیاندووە: "هەر رێوشوێن و هەڵوێستێکی حکوومەتی عێراقی وەریبگرێت پەیوەندیی بە سنووری هاوبەشی نێوان ئێران و عێراق بە هەرێمی کوردستانەوە هەبێت، بەبێ رەزامەندی و هاوئاهەنگی لەگەڵ کۆماری ئیسلامیی ئێران ناکرێت و ئەو کارە سەرناگرێت."
نازم دەباغ دەشڵێت: "بەدڵنیاییەوە ئەو بڕیار و رێوشوێنانەی عێراق دەیانگرێتەبەر بەبێ رەزامەندی ئێران ناکرێت و کۆنتڕۆڵ کردنی سنوورەکان لەلایەن عێراقەوە بەهاوئاهانگی هەرێمی کوردستان لەگەڵ ئێران گەرەنتی دەدات بە ئێران."
نوێنەری حکوومەتی هەرێمی کوردستان لە ئێران لەبارەی راوەستانی ئەو بۆردوومانانەی کە ئێران دەیکردن، گوتی: "بەدڵنیاییەوە ئەگەر کۆماری ئیسلامیی ئێران ئێستا چالاکییەکانی راگرتووە پەیوەندیی بە بەرپەرچدانەوەی ئەو کارانەوە هەیە لە سنوورەکان و لە ناو کۆماری ئیسلامیی ئێران روودەدەن."
نازم دەباغ پێیوایە، عێراق بڕیارێک نادات ئەگەر دڵنیایی و گەرەنتی لە ئێران وەرنەگرێت، چوونکە ئێران پێیوایە لە بەغدا ئەو سیاسەت و پرەنسیپە هەیە کە رێگە لەو چالاکیانە بگرن کە کاریگەریی لەسەر ئاسایش و سەقامگیریی ناو ئێرانەوە هەیە، بۆیە بە رێوشوێنەکانی عێراق دڵخۆشە و پێیباشە.
https://kurdpress.com/ku/news/7419/ئێران-پێیوایە-لە-بەغدا-سیاسەت-و-پڕەنسیپێک-بۆ-رێگەگرتن-لە-چالاکییەکانی-دژ-بە-ئەو-هەیە/
سەرۆکی حکومەت پێشوازی لە شاندێکی ئاژانسی جایکای ژاپۆنی دەکات
ئه‌مڕۆ سێشه‌ممه 13ی دیسێمبەر، مەسرور بارزانی سه‌رۆكى حکومەتی هه‌رێمى كوردستان، پێشوازى له شاندێکی ئاژانسی هاریکاری نێودەوڵەتیی ژاپۆنی ( جایکا)ی بە سەرۆکایەتی ئاندۆ ناوۆکی جێگری سەرۆکی ئاژانسەکە کرد.
شاندی جایکا کورتەیەکیان دەربارەی کار و چالاکییەکانی ئاژانسەکەیان لە هەرێمی کوردستان خستەڕوو کە بە هاوئاهەنگی لەگەڵ حکومەتی هەرێمی کوردستان چەندین پڕۆژە لە بوارەکانی کارەبا و ئاو و ئاوەڕوو و کشتوکاڵ و هەموارکردنی ماستەرپلانی هەولێر ئەنجام دەدەن.
شاندەکە ئامادەیی کۆمپانیاکانی ژاپۆنیان بۆ وەبەرهێنان کردن لە هەرێمی کوردستان دەربڕی.
سەرۆکی حکومەت سوپاسی حکومەتی ژاپۆن و ئاژانسی جایکای کرد کە لە ڕێگەی ئەنجامدانی پڕۆژەکانیان بە شێوەیەکی باش و پیشەییانە، هاوکاری حکومەتی هەرێمی کوردستان دەکەن لە پرۆسەی ئاوەدانکردنەوە و بنیاتنانی ژێرخانێکی بەهێزی ئابووری لە هەرێم.
https://gov.krd/government/the-prime-minister/activities/posts/2022/december/سەرۆکی-حکومەت-پێشوازی-لە-شاندێکی-ئاژانسی-جایکای-ژاپۆنی-دەکات/سەرۆکی حکومەتی هەرێمی کوردستان پێشوازی لە باڵیۆزی یەکێتیی ئەوروپا لە عێراق دەکات
ئه‌مڕۆ سێشه‌ممه 13ی دیسێمبەر، مەسرور بارزانی سه‌رۆكى حکومەتی هه‌رێمى كوردستان، پێشوازى له ڤيلله ڤاريۆلا باڵیۆزی یەکێتیی ئەوروپا لە عێراق کرد .
لە دیدارەکەدا کە تۆرکیلد بیوک بەرپرسی نوێی نووسینگەی یەکێتیی ئەوروپا لە هەرێمی کوردستان ئامادەی بوو ، سەرۆکی حکومەت پیرۆزبایی دەستبەکاربوونی لێکرد و هیوای سەرکەوتنی بۆ خواست.
تەوەرێکی سەرەکی کۆبوونەوەکە، تایبەت بوو بە پەرەپێدانی هاریکاری و هاوئاهەنگیی لە نێوان هەرێمی کوردستان و یەکێتیی ئەوروپا، بە تایبەتی پشتیوانیکردنی چاکسازییەکانی کابینەی نۆیەم لە بواری هەمەجۆرکردنی ئابووری و پشتگیریکردنی کەرتی کشتوکاڵ و دۆزینەوەی بازاڕی دەرەکی و هەناردەکردنی بەرووبوومی ناوخۆیی کوردستان بۆ بازاڕەکانی ئەوروپا، هەروەها باس لە گرنگیی چاکسازیکردن لە سیستەمی بانکی کوردستان و دەرفەتەکانی هاریکاریکردنی یەکێتیی ئەوروپا لەم بوارەدا کرا.
چارەسەرکردنی کێشەکانی هەرێمی کوردستان و حکومەتی فیدراڵی لە سەر بنەمای دەستوور ، بەشێکی دیکەی گفتوگۆکانی کۆبوونەوەکە بوو. لەمبارەیەوە سەرۆکی حکومەت خواستی هەرێمی کوردستانی بۆ چارەسەرکردنی کێشەکان دووپات کردەوە و ئاماژەی بەوە دا کە تەرخانکردنی شایستە داراییەکانی هەرێمی کوردستان لە بودجەی فیدراڵی بۆ ساڵی 2023 بە شێوەیەکی دادپەروەرانە و بە پێی ڕێژەی دانیشتووانی هەرێم و لە سەر بنەمای دەستوور، دەکرێ ببێتە دەستپێکێکی باش بە ئاراستەی چارەسەرکردنی بنەڕەتی سەرجەم کێشەکانی نێوان هەرێمی کوردستان و حکومەتی فیدراڵی .
https://gov.krd/government/the-prime-minister/activities/posts/2022/december/سەرۆکی-حکومەتی-هەرێمی-کوردستان-پێشوازی-لە-باڵیۆزی-یەکێتیی-ئەوروپا-لە-عێراق-دەکات/
سه‌رۆكى هه‌رێمى كوردستان پێشوازى له كونسوڵى توركيا كرد
به‌يانيى ئه‌مڕۆ سێشه‌ممه 2022/12/13 به‌ڕێز نێچيرڤان بارزانى، سه‌رۆكى هه‌رێمى كوردستان، له ديدارێكدا له هه‌ولێر، پيرۆزبايى له به‌ڕێز مه‌مه‌ت مه‌ولوود یاكوت كونسوڵى گشتيى نوێى توركيا له هه‌رێمى كوردستان كرد و هيواى سه‌ركه‌وتنى له ئه‌ركه‌كەيدا بۆ خواست، هه‌روه‌ها هه‌موو پشتگيرى و هاوكارييه‌كى بۆ ده‌ربڕى.
لاى خۆيه‌وه به‌ڕێز یاكوت خۆشحاڵيى خۆى نيشان دا كه وه‌ك كونسوڵى گشتيى وڵاته‌كه‌ى له هه‌رێمى كوردستان ده‌ستبه‌كار بووه و هيواى خواست بتوانێت بره‌و به پهيوهندييهكانى وڵاته‌كه‌ى له‌گه‌ڵ هه‌رێمى كوردستان بدات به‌تايبه‌تى له‌و بواره‌نه‌دا كه بۆ هه‌ردوولا گرنگن.
دوايين پێشهاته‌كانى ناوچه‌كه به‌گشتى و چه‌ند پرسێكى ديكه‌ى جێى بايه‌خى هاوبه‌ش، ته‌وه‌رێكى ديكه‌ى ديداره‌كه بوو.
https://presidency.gov.krd/the-president-of-the-kurdistan-region-receives-the-turkish-consul/
سەرۆکی حکومەتی هەرێمی کوردستان پێشوازی لە باڵیۆزی نوێی یۆنان لە عێراق دەکات
ئەمڕۆ یەکشەممە 11 دیسێمبەر ، مەسرور بارزانی سەرۆکی حکومەتی هەرێمی کوردستان پێشوازی لە جۆرجیۆس ئەلەمانۆس باڵیۆزی نوێی یۆنان لە عێراق کرد.
لە دیدارەکەدا کە ستاڤرۆس کریمیس کونسولی گشتیی یۆنان لە هەرێمی کوردستان ئامادەی بوو، سەرۆکی حکومەت پیرۆزبایی دەستبەکاربوونی لە باڵیۆز کرد و هیوای سەرکەوتنی لە ئەرکەکەیدا بۆ خواست لە پێناو بەرەوپێشبردنی پەیوەندییەکانی هەرێمی کوردستان و یۆنان.
باڵیۆزی یۆنان ئاماژەی بە پەیوەندیی مێژوویی و دۆستانەی نێوان هەرێمی کوردستان و یۆنان کرد و ئامادەیی وڵاتەکەشی بۆ پەرەپێدانی پەیوەندییەکان لە گەڵ هەرێمی کوردستان لە هەموو بوارەکاندا نیشاندا، بەتایبەتی لە بوارەکانی ئاڵوگۆڕی بازرگانی و کشتوکاڵ و گەشتوگوزار و خوێندندا.
https://gov.krd/government/the-prime-minister/activities/posts/2022/december/سەرۆکی-حکومەتی-هەرێمی-کوردستان-پێشوازی-لە-باڵیۆزی-نوێی-یۆنان-لە-عێراق-دەکات/سەرۆك نێچیرڤان بارزانی پێشوازی لە باڵیۆزی نوێی یۆنان دەكات
پێشنیوەڕۆی ئەمڕۆ دووشەممە 12/12/2022 بەڕێز نێچیرڤان بارزانی، سەرۆكی هەرێمی كوردستان، پێشوازی لە بەڕێز جۆرجیۆس ئەلامانۆس باڵیۆزی نوێی یۆنان لە عێراق كرد.
لە دیدارێكدا وێڕای بەخێرهێنان و پیرۆزبایی بۆ دەستبەكاربوونی وەك باڵیۆزی نوێی وڵاتەكەی لە عێراق، سەرۆك نێچیرڤان بارزانی هەموو پشتیوانییەكی خۆی و هەرێمی كوردستانی بۆ سەرخستنی ئەركەكەی نیشان دا.
هەردوولا جەختیان لە برەودان بە پەیوەندییەكانی یۆنان لەگەڵ عێراق و هەرێمی كوردستان كردەوە بەتایبەتی لە بوارەكانی په‌روه‌رده، بازرگانى، ئابوورى، گه‌شتوگوزاريدا.
لای خۆیەوە بەڕێز باڵیۆزی یۆنان سەرسامیی خۆی بە پێشكەوتن و ئاراميى هەرێمی كوردستان نیشان دا و دووپاتی كردەوە كە ڕۆڵی هەرێمی كوردستان بۆ سەقامگیریی عێراق و ناوچەكە، ڕۆڵێكی بەرچاو و مایەی ڕێزە.
چەند بابەتێكی دیكەی جێی بایەخی هەردوولا، تەوەرێكی دیكەی دیدارەكە بوون كە بەڕێز كونسوڵی گشتیی یۆنان لە هەرێمی كوردستان تیایدا ئامادە بوو.
https://presidency.gov.krd/president-nechirvan-barzani-receives-the-new-greek-ambassador/
More...
سەرۆکی حکومەت: لە هەوڵەكانمان بۆ باشتركردنی دۆخی هەرێمی كوردستان بەردەوام دەبین
سەرۆکی حکومەتی هەرێمی کوردستان پێشوازی لە سەرۆکی هاوپەیمانیی نیشتمانیی عێراق دەکات
سەرۆکی حکومەت و وەزیری دەوڵەتی بەریتانیا بۆ کاروباری رۆژهەڵاتی ناوەڕاست پەیوەندییەکی تەلەفۆنیان ئەنجامدا
سەرۆکی حکومەت: گرنگیدان بە پەروەردە باشترین وەبەرهێنانە لە گەنجەکانماندا
دوایین هەواڵەکان
- سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات
- سه‌رۆك نێچيرڤان بارزانى پێشوازى له كونسوڵى گشتيى ئه‌مه‌ريكا كرد
- سه‌رۆك نێچيرڤان بارزانى له‌گه‌ڵ باڵيۆزى بهريتانيا كۆبووه‌وه
- عەباس غەزالی: محەمەدی ماملێ هونەرمەندێکی ڕەسەن و دڵسۆزی نەتەوە و نیشتیمانهکهی بوو
- پهيامێك له سه‌رۆك نێچيرڤان بارزانييهوه دهربارهى بڕيارى دادگهى باڵاى فيدراڵيى عێراق
- سەرۆکی حکومەت پهیوهندییهكی تهلهفۆنی له هاوئاهەنگکاری کۆشکی سپی بۆ کاروباری ڕۆژهەڵاتی ناوەڕاست و باکووری ئافریقا پێگهیشت
- سه‌رۆك نێچيرڤان بارزانى له‌گه‌ڵ سه‌رۆك ئهردۆغان كۆبووه‌وه
- سهرۆكی حکومەتی هەرێمی کوردستان پێشوازی له شاندێكى ئهڵمانى دەکات
- سه‌رۆك نێچیرڤان بارزانى پێشوازى له كونسولى نوێى بهريتانيا كرد
- سهرۆكی حکومەتی هەرێمی کوردستان پێشوازى له كونسولى نوێى بهريتانيا دەکات