هەرێم - ئێران
"نێچیرڤان بارزانی" سەرۆکی هەرێمی هەرێمی کوردستان گەیشتنە شاری تاران
"نێچیرڤان بارزانی" سەرۆکی هەرێمی کوردستان بە سەرۆکایەتی شاندێکی باڵای گەیشتە تاران و لە لایەن دکتۆر کازمی نێردراویی تایبەتی سەرۆک کۆماری ئێران و موهەندیس "حەسن دانایی فەڕ" باڵیۆزی پێشووی ئێران لە وڵاتی عێراق پێشوازیی لێکرا.
"نێچیرڤان بارزانی" سەرۆکی هەرێمی کوردستان، کاتژمێر 2ی دوانیوەڕۆی ئەمڕۆ پێنجشەمە 5ی ئۆگۆستی 2021 بە سەرۆکایەتی شاندێکی باڵای حکومەتی هەرێمی کوردستان، بۆ بەشداریی لە ڕێوڕەسمی سوێندخواردنی سەید "ئیبڕاهیم ڕەئیسی" هەشتەمین سەرۆک کۆماری ئیسلامی ئێران؛ لەسەر بانگهێشتێکی فەرمی بەرپرسانی ئێرانی لە ڕێگای پاڤیۆنی جومهووری فڕۆکەخانەی مێهرئابادی شاری تاران گەیشتنە پێتەختی وڵاتی ئێران و لە لایەن دکتۆر کازمی نێردراویی تایبەتی سەرۆک کۆماری ئێران و موهەندیس "حەسن دانایی فەڕ" باڵیۆزی پێشووی ئێران لە وڵاتی عێراق پێشوازیی گەرمیان لێکرا.
له ڕێوڕه‌سمی پێشوازیی سەرۆکی هەرێمی کوردستان، هه‌ندێک له به‌رپرسانی ئێرانی و هه‌روه‌ها "فەوزی حەریری" سەرۆکی دیوانی سەرۆکایەتی هەرێمی کوردستان، "نازم دەباغ" نوێنەری حکومەتی هەرێمی کوردستان لە ئێران، "سەلام عارف روشدی" جێگری نوێنەری حکومەتی هەرێمی کوردستان لە تاران و "عەبدوڵڵا ئاکرەیی" بەڕێوەبەریی گشتیی پەیوەندییەکانی نێوان حکومەتی هەرێمی کوردستان و کۆماری ئیسلامی ئێران ئاماده‌بوون.
سەید "ئیبڕاهیم ڕەئیسی" کاتژمێر 5ی دوانیوەڕۆی ئەمڕۆ پێنجشەمە 5ی ئۆگۆستی 202 وەکوو هەشتەمین سەرۆک کۆماری ئیسلامی ئێران، بە ئامادەبوونی 115 بەرپرسی فەرمی لە 73 وڵاتی جۆراوجۆری جیهان ئامادەدەبن کە بریتین لە: 10 کەسایەتی لە سەرۆکی وڵاتان، 20 سەرۆکی پەرلەمان، 11 وەزیری دەرەوە، 10 وەزیری دیکە، نێردراوی سەرۆکی دەوڵەتەکان، نوێنەرانی سەرۆکی پەرلەمانەکان، شاندەکانی پەرلەمان، بەرپرسان و هەورەها نوێنەرانی 11 ڕێکخراوەی نێودەوڵەتی و ناوچەیی.لە پەرلەمانی ئەم وڵاتە سوێندی یاسایی دەخوات.
جام کوردی – شاندێکی باڵای هەرێمی کوردستان بە سەرۆکایەتی نێچیرڤان بارزانی سەردانی ئێران دەکات.
بە پێی ڕاپۆرتی جام کوردی، بڕیارە نێچیرڤان بارزانی سەرۆکی هەرێمی کوردستان بە یاوەری شاندێکی باڵا و بە مەبەستی بەشداریکردن لە ڕێوڕەسمی سوێندخواردن و دەستبەکاربوونی سەید ئیبراهیم ڕەئیسی وەک سەرۆک کۆماری نوێی ئێران سەردانی تاران بکات.
ڕێوڕەسمەکە لە کۆتایی ئەم هەفتەیە و لە پەرلەمانی ئێران بەڕێوە دەچێت.
ئەندامانی شاندەکەی هەرێم بریتین لە پشتیوان سادق وەزیری ئەوقاف و کاروباری ئائینی، محەممەد محەممەد سەعید وەزیری ڕۆشنبیری، کوێستان محەممەد وەزیری کار و کاروباری کۆمەڵایەتی حکومەتی هەرێمی کوردستان و هەروەها فەوزی هەریری سەرۆکی دیوانی سەرۆکایەتی هەرێمی کوردستان./.
https://jamekurdi.ir/2021/08/02/%d9%86%db%8e%da%86%db%8c%d8%b1%da%a4%d8%a7%d9%86-%d8%a8%d8%a7%d8%b1%d8%b2%d8%a7%d9%86%db%8c-%d8%b3%db%95%d8%b1%d8%af%d8%a7%d9%86%db%8c-%d8%a6%db%8e%d8%b1%d8%a7%d9%86-%d8%af%db%95%da%a9%d8%a7%d8%aa/
زه‌مه‌ن – هه‌رێمی كوردستان // بڕیاره کۆتایی ئه‌م ھەفتەیه؛ ئیبراھیم رەئیسی سه‌رۆك كۆماری نوێی ئێران سوێندی یاسایی بخوات و له‌هه‌رێمی كوردستانیش جگه له نێچیرڤان بارزانی، شاندێكی حیزبه‌كانی پێكهێنه‌ری حكومه‌ت به‌شدارده‌بن.
نازم ده‌باخ نوێنه‌ری حكومه‌تی هه‌رێم له تارانی پایته‌ختی ئێران، له لێدوانێكی تایبه‌تدا به "زه‌مه‌ن"ی راگه‌یاند، رۆژی پێنجشەممە ئیبراھیم رەئیسی وەک ھەشتەمین سەرۆک کۆماری نوێی ئێران سوێندی یاسایی ئەخوات.
ده‌باخ وتیشی، له مه‌راسیمی سوێندخواردنی سه‌رۆك كۆماری نوێی ئێران، هه‌ریه‌ك له به‌رهه‌م ساڵح سه‌رۆك كۆماری عێراق، نێچیرڤان بارزانی سه‌رۆكی هه‌رێمی كوردستان و كوێستان محه‌مه‌د وه‌زیری كار و كاروباری كۆمه‌ڵایه‌تی و پشتیوان سادق وه‌زیری ئه‌وقاف و حه‌مه‌ی حه‌مه‌سه‌عید وه‌زیری رۆشنبیری و "منیش" وه‌ك نوێنه‌ری حكومه‌تی هه‌رێم له تاران ئاماده‌ی مه‌راسیمه‌كه ده‌بین.
به‌وته‌ی نازم ده‌باخ، به‌پێی ئه‌و به‌رنامه‌یه‌ی دانراوه، سه‌رۆك كۆماری عێراق به‌یانی رۆژی پێنجشه‌ممه ده‌گاته تاران و وه‌فدی هه‌رێمیش، ئێواره‌ی رۆژی چوارشه‌ممه یاخود به‌یانی رۆژی پێنجشه‌ممه ده‌گه‌نه تاران.
بڕیاره رۆژی سێشەممە عەلی خامنەیی، رێبەری باڵای كۆماری ئیسلامیی ئێران دەسەڵاتەکانی ئیبراھیم رەئیسی پەسەند بکات و رۆژی پێنجشەممە رەئیسی وەک ھەشتەمین سەرۆک کۆماری نوێی ئێران سوێندی یاسایی دەخوات.
https://www.zamenpress.com/Details.aspx?jimare=48438
مه‌نسوور جیهانی ـ "عه‌باس غه‌زالی" که‌سایه‌تی چالاکی فه‌رهه‌نگی و نوێنه‌ری پێشووی په‌ڕله‌مانی هه‌رێمی کوردستان؛ به بۆنه‌ی تۆمارکردنی جیهانی "هەورامان" له یۆنسکۆ په‌یامی پیرۆزبایی نارد.
"عه‌باس غه‌زالی" که‌سایه‌تی چالاکی فه‌رهه‌نگی و ئه‌ندامی به‌رچاو و ڕاوێژکاری فه‌رهه‌نگی و هونه‌ری پارتی دیموکڕاتی کوردستانی عێراق و نوێنه‌ری پێشووی په‌ڕله‌مانی هه‌رێمی کوردستان؛ به بۆنه‌ی تۆمارکردنی "هەورامان" له لیستی میراتی جیهانی یۆنسکۆ، له په‌یامێکدا ئه‌م کاره‌ی به گرینگ و هه‌نگاوێکی سه‌رکه‌وتوو و هه‌روه‌ها به دەستکەوتە جیهانییە ناوبرد و پیرۆزبایی له خه‌ڵکی کوردستان و به‌تایبه‌ت خه‌ڵکی سه‌ر‌بڵندی هه‌ورامان کرد.
ده‌قی ته‌واویی په‌یامه‌که‌ی "عه‌باس غه‌زالی" له خواره‌دا هاتووه:
"بە بۆنەی سەرشادی تۆمارکردنی ناوچەی هەورامان لە یۆنسکۆ، وەک میراتێکی فەرهەنگی ڕەسەنی مرۆڤایەتی، کە جێی ژیان و نیشتمانی کوردانە، پیرۆزبایی لە گەلی کوردستان، بە تایبەتی خەڵکی سەربەرزی هەورامان، دەکەین. ئەم دەستکەوتە جیهانییە بەرهەمی هەوڵ و هزری ڕووناکبیرانی ڕاستەقینە بووە و زۆر جێی سوپاس و پێزانینە؛ بە تایبەتی ناولێنانی ئەم دەڤەرە هەر بە زاراوە هەورامییەکەی مننەتی تێدایە. هیوادارین ناوچەکانی دیکەی کوردستانیش، بە تایبەتی بەشی هەورامانی باشووری کوردستان، بەم ڕێگەیەدا بڕۆن.
ئەم شانازییە مەزنە جگە لەوەی لە ڕووی ناساندنی مێژووی کەونارای شارستانییەت و فەرهەنگی دەوڵەمەند و ڕەسەنی کوردیی بە جیهان و نیشاندانی کەرخی مێژوویی پادشایی ماد و ئایینی خۆماڵیی زەردەشت، بەردەوام مۆزەخانەیەکی کراوەیەی مرۆڤایەتی بووە کە ئەوە نیشان دەدات؛ کورد لە هەورامان لە ناو دڵی سروشتێکی سەختیش هەروا ماوە و هەڵیکردووە. بە واتایەک، توخمەکانی ئاشتیخوازی لە ناو کورددا شتێکی سروشتی ناو ناخی خۆیەتی و مادام لەگەڵ ئەم سروشتە سەختەی زاگرۆس، سازگاری هەبووە توانای ئەوەی هەیه لە ناو فەرهەنگی مۆدێرنیشدا ببێتە کۆمەڵگەیەکی دیموکراتیک.
گرینگییەکی دیکەی ئەوەیە کە شێوازی بیناسازی پلیکانی و خۆکردانەی کوردیی لە ناوچەیەکی سەخت لە سەر تابڵۆی وێنەوە چووە ناو مەیدانی شوناسی فەرهەنگی بۆ گشت جیهان. بەجیهانی بوونی ئەم فەرهەنگە، جگە لە متمانەی سیاسی و کۆمەڵایەتی، لە داهاتوودا گرینگایەتی ئابووریی فرەی دەبێت و دەتوانێت ببێتە ڕاکێشەری گەشتیارانی خۆماڵی و بیانی؛ بە جۆرێک کە گەشتیاران جگە لە ناوچەی هەورامان، ناوچەکانی دیکەی کوردستانیش دەبینن و بێگومان خەڵکی ئەم ناوچانە دەزانن چۆن هەڵسووکەوت لەگەڵ گەشتیاران بکەن و چۆن خۆیان پێ بناسێنن.
بەو هیوایەی ئەم ناوچەیە بەرەو گەشە بڕوات و فەرهەنگی ڕەسەنی هەورامان گرینگی زیاتری پێبدرێت."
عەباس غەزالی ـ هەولێر
8 گەلاوێژی 2721 ـ 30/7/2021
دوایین هەواڵەکان
- پهيامى سه‌رۆك نێچيرڤان بارزانى بۆ ساڵى نوێ
- پەیامی سەرۆکی حکومەتی هەرێمی کوردستان بە بۆنەی سەری ساڵی نوێی زایینی2025
- سهرۆكى ههرێمى كوردستان، پێشوازيى له كونسوڵی گشتيى نوێى ئێران كرد
- عەباس غەزالی: کۆچی مامۆستا مه‌نسوور یاقووتی وهک لهدهست چونی یاقووتێکی گرانبههایه
- سهرۆک نێچیرڤان بارزانی لهگهڵ وه‌زیری بهرگریی هۆڵهندا کۆبووهوه
- سه‌رۆك نێچيرڤان بارزانى پێشوازيى له ئيسماعيل بهشيكچى كرد
- سه‌رۆك نێچيرڤان بارزانى و وهزيرى بهرگريى ئيتاڵيا كۆبوونهوه
- سه‌رۆك نێچيرڤان بارزانى لهگهڵ فەرماندەی هێزەکانی هاوپەیمانيی نێودەوڵەتی كۆبووهوه
- سه‌رۆك نێچيرڤان بارزانى پێشوازیی له باڵيۆزى نوێى چيك كرد
- سەرۆک نێچیرڤان بارزانی پێشوازیی لە سوپاسالاری بەریتانیا کرد