سەرۆکی حکومەتی هەرێمی کوردستان پێشوازی لە راوێژکاری ئاسایشی نیشتمانى عێراق دەکات
هەولێر، هەرێمی کوردستان، عێراق (GOV.KRD) - ئەمڕۆ یەکشەممە ٢٠١٩/١٠/٢٧ مەسرور بارزانی سەرۆکی حکومەتی هەرێمی کوردستان پێشوازی لە فالح فەیاز راوێژکاری ئاسایشی نیشتیمانی عێراق کرد.
لە دیدارێکدا کە رێبەر ئەحمەد وەزیری ناوخۆی هەرێمی حکومەتی کوردستان ئامادەی بوو، گفتوگۆ دەربارەی پەیوەندییەکانی نێوان حکومەتی هەرێمی کوردستان و حکومەتی فیدڕاڵی کرا. جەختیش کرایەوە لەسەر چڕکردنەوەی هەوڵەکان بۆ گەیشتن بە چارەسەرێک بۆ کێشەکانی نێوان هەولێر وبەغدا بەپێی دەستوور.
هەروەها باس لە گرنگی هەبوونی هەماهەنگی زیاتری هێزی پێشمەرگە و هێزە عێراقییەکان کرایەوە بۆ رووبەرووبوونەوەی مەترسییەکانی تیرۆریستانی داعش.
هەردوولا جەختیان لەوە کردەوە کە پێویستە رێز لە داواکاریی ئاشتیانەی خۆپیشاندەرانی عێراقی بگیرێت و هەروەها پشتگیرییش لە هەنگاوە چاکسازییەکانی عادل عەبدولمەهدی سەرۆک وەزیرانی عێراق دەکەن.
هەولێر، هەرێمی کوردستان، عێراق (GOV.KRD) - حکومەتی هەرێمی کوردستان لەناوبردنی ئه‌بوبه‌كر بەغدادی، سەرکردەی رێكخراوی تیرۆریستی دەوڵەتی ئیسلامی لە عێراق و شام (داعش)، بە هەنگاوێکی گرنگ دەزانێت بەڵام کۆتایی تیرۆر و توندڕه‌ویی نییە.
هەرێمی کوردستان وەك هاوبەشێكی سەرەکی هاوپەیمانیی نێودەوڵەتی لە دژ داعش، بەردەوامە لە رووبەڕبوونەوەی هزری تووندڕەوی. لەم پێناوەشدا قوربانیەکی زۆری داوە و هەر لە سەر دەستی پێشمەرگە قارەمانەکانیش ئەفسانەی رێکخراوی تیرۆریستی داعش تێکشکێنرا و ئەمەش بووە سەرەتای داڕمانی ئەم رێکخراوە تیرۆریستیە.
بێگومان لەناوبردنی ئەم گه‌وره تیرۆریستە، کۆتایی تیرۆر و توندڕه‌وی نییە. بەڵکو دەبێت هۆكاره‌كانی سەرهەڵدانی بیری تووندڕەوی بنبڕ بکرێن و هەوڵی جددیش بدرێت بۆ چارەسەرکردنی کێشە و لێکەوتەکانی تیرۆر و تووندڕەویی.
جوتیار عادل
گوتەبێژی حکومەتی هەرێمی کوردستان
نازم دەباغ: هەڵوێستی هەرێمی کوردستان سەبارەت بە مەسەلەی کوردەکان لە چوارچێوەی یاساکانی عێراقدایە
کوردپڕێس: گرووپی عێراق و هەرێمی کوردستان ـ "نازم دەباغ" نوێنەری حکوومەتی هەرێمی کوردستان لە ئێران گوتی: هەرێمی کوردستان دەوڵەتێکە لە چوارچێوەی یاسای وڵاتی عێراقدا و هەر بەم هۆیەوە ناتوانێت لە دەرەوەی سیاسەتی دەرەوە و سیاسەتی بەرگریی کە دەوڵەتی عێراق ڕچاویی دەگرێت، کارێک بکات و دەبێت پابەندی یاساکان بێت.
"نازم دەباغ" نوێنەری حکوومەتی هەرێمی کوردستان لە تاران لە وتووێژ لەگەڵ "کوردپڕێس" لە وڵامی ئەم پرسیارەدا کە هەندێک کەس ڕەنگدانەوەی پەڕڵەمان و دەوڵەتی هەرێمی کوردستان سەبارەت بە هێرشی تورکیا بۆ سەر کوردستانی سووریا بە پێویست نزانن، ڕایگەیاند: دەوڵەتی هەرێمی کوردستان نوێنەری بەرژەوەندیی ئەمڕۆ و داهاتووی خەڵکی کورد لە چوارچێوەی یاسای بنەڕەتی عێراقدایە، هەر بەم هۆیەوە ناتوانرێت بە ئیحساسەوە بڕیار بدرێت، بەڵکوو هەوڵ دەدرێت بە ئیستراتژییەکی دروست، پەیوەندییەکانی خۆی لەگەڵ وڵاتانی ناوچەکە بپارێزێت و داکۆکی لە بەرژەوەندیی کوردەکان بکات.
گوتیشی: هەرێمی کوردستان جوگرافیایەکی سەقەتی هەیە و هەر بەم هۆیەوە ناتوانێت لە چوارچێوەی یاساکانی خۆیدا لە نێوان چوار وڵاتی ناوچەکە دەربچێت. بەڵام خەڵکی هەرێمی کوردستان لە نیشاندانی هەستی خۆیاندا سەربەستن.
"نازم دەباغ" لە وڵامی ئەم پرسیارەدا کە مەگەر شارۆمەندانی هەرێمی کوردستان لە دەوڵەت، خزمەتگوزاری و گوزەرانی ژیانیان ناوێت؟ ڕایگەیاند: ئێمە بە چ چێوەیەک دەبێت پێداویستییەکانی خۆمان دابین بکەین؟ مەگەر بێجگە لەوەی کە پێداویستییەکانی خۆمان یا لە ئێران و یا لە تورکیا هاوردە بکەین.
نوێنەری حکوومەتی هەرێمی کوردستان لە تاران سەبارەت بە باروودۆخی هێرشەکانی تورکیا بۆ سەر باکووری سووریا گوتی: دەوڵەتی هەرێمی کوردستان دەبێت سیاسەتێکی هاوسەنگی سەبارەت بە بەرژوەندییەکانی هەرێمی کوردستان هەبێت و هەر بەم هۆیەوە هەرێمی کوردستان داوا لە لایەنەکان دەکات هەر چی زووتر شەڕ و پێکدادانەکان بوەستێت و لە ڕێگای وتووێژەوە و لە چوارچێوەی یاسای بنەڕەتی ئەو وڵاتانەی کە کورد تیایدا ژیان بەسەر دەبات، کوردەکان بتوانن بە مافی خۆیان بگەن و گرفتەکانی خۆیان چارەسەر بکەن.
"نازم دەباغ" بە ئاماژە بە هەندێک ڕخنە لە دەوڵەتی هەرێمی کوردستان گوتی: خەڵکی نابێت وەکوو تڕامپ بیربکەنەوە کە کورد لە شەڕی یەکەم و دووهەمی جیهانیدا یارمەتی ئەمەریکای نەداوە. مەگەر کورد خاوەنی دەوڵەتە و سوپای سەربەخۆی هەیە کە بە ناونیشانی سوپای کورد لە شەڕدا بەشداریی بکات. کوردەکان شارۆمەندی هەر یەک لە وڵاتانی دراوسێن و جلووبەرگی سەربازی هەر کام لەو وڵاتانەیان لەبەردابێت و لە هەر شوێنێک سوپای ئەم وڵاتانە شەڕیی کردبێت، بێگومان کوردەکانیش تیایدا بەشداریان کرووە، هەر بەم هۆیەوە، هەرێمی کوردستان دەبێت سەبارەت بە چوارچێوە سیاسەت و یاساکانی عێڕاق بڕیار بدات.
لینکی هەواڵ:
http://kurdpress.com/details.aspx?id=165320
"نازم دەباغ" نوێنەری حکوومەتی هەرێمی کوردستان لە ئێران لە وتووێژ لەگەڵ ئاژانسی بوڕنا ڕایگەیاند:کوردەکان تا ئێستا ڕۆڵێکی گرینگیان لە شەڕ دژی داعش بینیوە، چ لە هەرێمی کوردستانی عێراق و چ لە سووریاش، هەر بەم هۆیەوە ئێران پەرۆشی ئەوەی هەیە کە ڕۆژێک دابێت کە داعش لە کەشووهوای شەڕ و پێکدادان و نائارامییەکاندا سەرهەڵبداتەوە و ئەوە لە بەرژەوەندیی ئێراندا نییە و هەر بەم هۆیەوە شەڕ و هێرشەکانی تورکیا بۆ سەر کوردەکان مەحکووم کراوە.
"نازم دەباغ" سەبارەت بە هێرشی تورکیا بۆ سەر کوردەکانی سووریا بە پەیامنێری ئاژانسی بوڕنای ڕاگەیاند: لە هەر باروودۆخێک کە تورکیا هێرش بکاتە سەر کوردەکان، چ کوردەکانی خۆی و چ کوردانی سووریا دەبێتە هۆی نائارامی لە ناوچەکەدا. مەسەلەی هەستیار لەو قۆناغەی ئێمەدا "داعشە".
نوێنەری حکوومەتی هەرێمی کوردستان لە تاران، بە جەختکردنەوە بۆ سەر ڕۆڵی گرینگی کوردەکان لە شەڕ دژ بە داعش گوتی: کوردەکان تاکوو ئێستا ڕۆڵێکی پۆزەتیڤیان لە شەڕ دژ بە داعش بینیوە، چ لە هەرێمی کوردستانی عێراق و چ لە سووریاش، هەر بەم هۆیەوە ئێران پەرۆشی ئەوەی هەیە کە ڕۆژێک دابێت کە داعش لە کەشووهوای شەڕ و پێکدادان و نائارامییەکان سەرهەڵبداتەوە و ئەوە لە بەرژەوەندیی ئێراندا نییە و هەر بەم هۆیەوە شەڕ و هێرشەکانی تورکیا بۆ سەر کوردەکان مەحکووم کراوە.
دەباغ گوتیشی: ئەگەر چاو بە ڕابردوودا بخشێنین، ساڵانە زیاتر لە 30 جار هێرش کراوەتە سەر کوردەکان و بە درێژایی مێژوو هیچ کاتێک ئەو کەسانەی کە هێرشیان کردۆتە سەر کوردەکان سەرکەوتنیان بەدەست نەهێناوە، دیسانەوە بەرخۆدان سەریهەڵداوە و پەرەی سەندووە و دیسانەوە هێرشیان کردووە.
نوێنەری حکوومەتی هەرێمی کوردستان لە تاران سەبارەت بە چوونەدەرێی هێزەکانی ئەمەریکا لە ناوچەکەدا گوتی: لەگەڵ سیاسەتەکانی تڕامپ ڕاهاتووین. لە لایەک گوتوویەتی نایەوێت بچێتە ناو شەڕێکی پیس لە ناوچەکەدا بەڵام دیسانەوە وەزارەتی بەرگریی ئەمەریکا جەختی کردۆتەوە کە کوردەکان لە سووریا بە تەنیا ناهێڵێتەوە. ئەمەریکا بە شوێن سیاسیەتێک بۆ شەڕ دژ بە داعش کەوت و ساپۆڕتی کوردەکانی کرد بەڵام دیسانەوە ئەم سیاسەتە بە پێچەوانەوەی یەکترییە، ئەوانە گوتبوویان کە لەو ناوچانەی کە بوونیان هەیە ئیزن بە هاتنەناوەی تورکیا نادەن، ئێستا دەبینین کە ناوچەکەیان چۆڵکردووە.
"نازم دەباغ" بە ئاماژە بەوەی کە نائارامی لە ناوچەکەدا دەرفەتێک بۆ سەرهەڵدانی داعش دەڕەخسێت، گوتی: شەڕ دەبێتە هۆی ئەوەی کە کوردانی سووریا بە جیاتی ئەوەی کە شەڕ لەگەڵ داعش بکەن، زیاتری کاتی خۆیان بۆ خۆڕاگریی لە بەرانبەر سوپای تورکیا تەرخان دەکەن.
نوێنەری حکوومەتی هەرێمی کوردستان لە ئێران گوتیشی: یەکێک لەو مەسالانەی کە چەندین ساڵە لە ناوچەکەدا گیرۆدەی بووین، شەڕ دژ بە تیرۆڕیسم واتە لەگەڵ داعشە، کاتێک نائارامی پێکبێت بۆشاییەکە بۆ ئەو هێزانە سازدەبێت کە لەگەڵ داعش شەڕ دەکەن، داعش چالاکییەکانی زیاتر دەکات و ئەوە مەتەرسییەکی گەورەیە.
"نازم دەباغ" گوتیشی: کاتێک دەیانگوت ژمارەی هێزەکانی داعش گەیشتۆتە 100 هەزار کەس، کاتێک کە داعش لە شارەکانی عێراق چووە دەرێی، ژمارەی ئەوان گەیشتە 2 تا 3 هەزار کەس، ئەمڕۆ هەواڵێک بوونی هەیە کە دەڵێن ژمارەی هێزەکانی داعش دەگاتە سەرووی 5 هەزار کەس.
نوێنەری حکوومەتی هەرێمی کوردستان لە تاران بە جەختکردنەوە بە خۆڕاگریی لە بەرانبەر هۆیە سەرەکییەکانی تیڕۆریسم لە ناوچەکەدا گوتی: ئێمە هەمیشە گوتوومانە بە جیاتی شەڕ لەگەڵ داعش، دەبێت هۆیە سەرەکی و ئەو ڕێکارانەی کە دەبێتە پێکهێنانی داعش لەناوبەرین. یەکێک لە رێکارەکان، خەبات دژ بە نائارامییە، کاتێک نائارامی بوونی هەبێت، کەشووهەوا بۆ دروستبوونی داعش دەڕەخسێت.
"نازم دەباغ" سەبارەت بە ڕۆڵی کوردەکانی ئێران گوتی: کوردەکانی ئێران لەم کەشووهەوایە دوورن. تەنانەت ناوچەی ژیانیشیان لە شوێنی شەڕ و پێکدادانەکان دوورە و ئەو باروودۆخەیان نییە کە لە شەڕ و نائارامییەکاندا جووڵەیەکیان هەبێت.
پەیامنێر: مەهناز بەراتی
لینکی وتووێژ:
https://www.borna.news/بخش-سیاسی-3/910378-خطر-رشد-داعش-با-حمله-ترکیه-به-کردهای-سوریه-در-طول-تاریخ-هیچ-وقت-حمله-کنندگان-به-کردها-به-پیروزی-نرسیدند
نوێنەرایەتی حکوومەتی هەرێمی کوردستان بەشداری دەستپێکردنی زانکۆی ڕێباز و ئایینەکانی قومی کرد
نوێنەرایەتی حکوومەتی هەرێمی کوردستان لە تاران، بەشداری له مەراسیمی دەستپێکردنی خوێندن بۆ ساڵی نوێی لە زانکۆی ڕێباز و ئایینەکان لە شاری قوم کرد.
دوای بانگهێشتنامەی فەرمی زانکۆی ڕێباز و ئایینەکان (دانشگاە ادیان و مزاهب) لە پارێزگای قوم بۆ نوێنەرایەتی حکومەتی هەرێمی کوردستان لە ئێران، کاتژمێر (8:30) سەر لە بەیانی دوێنێ یەکشەممە 13/10/2019 شاندی نوێنەرایەتی حکوومەتی هەرێمی کوردستان لە ئێران، پێکهاتوو له "عه‌باس عه‌بدواڵڵه" و "عه‌لاء غوڵام" بەشداری مەراسیمی دەستپێکردنی خوێندن بۆ ساڵی نوێی لە زانکۆی ڕێباز و ئایینەکان لە شاری قوم کرد.
مەراسیمەکە بە وتاری سەرۆکی زانکۆی ڕێباز و ئایینەکان دەستی پێکرد و بەخێرهاتنی میوانەکان و بەشداربووانی کرد.
نوێنەری دکتۆر "محه‌‌مه‌د جه‌واد زه‌ریف" وه‌زیری ده‌ره‌وه‌ی ئێران وتاری خوێنده‌وه کە بەهۆی هاتنی سەرۆک وەزیرانی وڵاتی پاکستان و پێشوازی لەو نەیتوانی بەشداری ئەم مەراسیمە بێت. دواتر سەرۆکی زانکۆی ئەلمستەفا وتاری پێشکەش کرد.
شایانی باسە شاندی باڵیۆزخانەی عێراق، سەرۆکی کەلیمیەکان، سەرۆکی زەردەشتیەکان، نەتەوە کەمینەکان لە ئێران، نوێنەری سووننەکان لە ئێران و نوێنەری زانکۆکان، رێکخراو و ئۆرگانەکانی دیکه بەشداری مەراسیمەکە بوون.
دوای مەراسیمەکە سەرۆکی زانکۆی ڕێباز و ئایینەکانی قوم بەجیا و لە ژووری تایبەت خۆی دانیشتن و کۆبوونەوەی لەگەڵ میوانەکان کرد و له دیداره‌کاندا باسی زانکۆ و خوێندکارانی بیانی و زانست و پەروەردەی بۆ کردن.
نازم دەباغ: بە شێوەی گشتیی هەرێمی کوردستان پەرۆشی باروودۆخی ئێستای ناوچەکەیە
"نازم دەباغ" نوێنەری حکوومەتی هەرێمی کوردستان لە ئێران لە وتووێژ لەگەڵ پەیامنێری ئابووری ئاژانسی "ئیلنا" سەبارەت بە هێرشە سەربازییەکانی تورکیا بۆ ناوچە کوردییەکانی سووریا ڕایگەیاند: بە شێوەی گشتیی هەرێمی کوردستان پەرۆشی باروودۆخی ئێستای ناوچەکەیە، لەبەرئەوەی کە شەڕ و پێکدادانە سەربازییەکان دەرئەنجامی یەگجار خراپی بۆ خەڵکی و وڵاتانی ناوچەکە بەدواوەیە.
ئەوەیشی خستەوو: هێرشە سەربازیی و نائارامییەکان دەبێتە هۆی تێکچوونی باروودۆخی هێمنی و هەڕەشە ئەمنی و کۆمەڵایەتییەکان کە گرینگترینیان بەهێزبوونی داعشە. کوردەکانی سووریا ڕۆڵێکی گرینگیان لە خۆڕاگریی لەبەرانبەر داعشدا هەبوو و ناوچەی ژێرکۆنتڕۆڵی خۆیان لە بوونی ئەوان پاکسازی کرد و باروودۆخەکەیان بە شێوەیەک بەدیهێنا کە ئەم گرووپە توانای دروستبوونەوەی نەبێت و ئێستاکە بەم باروودۆخەی کە هاتۆتە پێشێ ئێمە پەرۆشی ئەوەین کە ئەم گرووپە دووبارە خۆی نوێبکاتەوە. هەر بۆیە هەندێک هەواڵ بەدەستمان دەگات کە ئەم بابەتە دەردەخات.
دەباغ ڕوونیشیکردەوە: خاڵێکی دیکە باسی ئاوارەکانە، ئێمە ئێستاکە نزیکەی 300 هەزار ئاوارەی کوردمان هەیە کە بە لەبەرچاوگرتنی شەڕ و پێکدادانەکانی ئەو دوایانە ئەو ڕێژەیە زیاددەکات و بە پێی ئەو زانیاریانەی کە هەمانە بەشێک لەم ئاوارانە بەرەو سنوورەکانی هەرێمی کوردستان لە جووڵەکردندان. ئەم مەسەلەیە گوشاری زۆر بۆ هەرێمی کوردستان دێنێت. هەر بۆیە دابین کردنی شوێنی مانەوە و دابەشکردن و ئامادەکردنی پێداویستییە سەرەتاییەکانیانی ئەم کەسانە مەسەلەیەکی گرینگە.
نوێنەری حکوومەتی هەرێمی کوردستان لە تاران گوتیشی: ئێمە بڕوامان بە دیپڵۆماسی و دانووستان هەیە و باوەڕمان بەم کارە هەیە کە شەڕ ناتوانێت گرفتەکە چارەسەر بکات.
"نازم دەباغ" سەبارەت بە ڕاگەیاندنی نەکڕینی شتوومەکە تورکییەکان لە تۆڕە کۆمەڵایەتییەکاندا لە لایەن هەندێک لە کوردەکانەوە گوتی: ئەو کەسانەی کە لە تۆڕە کۆمەڵایەتییەکاندا چالاکی دەکەن کەسانێکن کە کەم دەدۆڕێن و زۆر دەبەنەوە، ئێمە وەکوو حکوومەتێکی ڕەسمی ناتوانین بە ئیحساس و دروشمەوە هەڵسووکەوت لەگەڵ بابەتەکان بکەین. ئێمە کوردین و هەست بە باروودۆخەکە دەکەین بەڵام دەبێت خاڵی زۆر لەبەرچاوبگرین.
نوێنەری حکوومەتی هەرێمی کوردستان لە ئێران سەبارەت بە پەیوەندییە ئابوورییەکانی هەرێمی کوردستان گوتی: بە هۆی گرفتە بانکی و ئاڵووگۆڕیی ئابوورییەوە کە لە ڕێگای بازرگانی لەگەڵ ئێران هەمانە، تورکیا دابینکەرەوەی یەکەمی پێداویستییەکانی هەرێمی کوردستانی عێراقە بە شێوەیەک کە زۆربەی شتوومەک لە کەرەستە کارەباییەکان و کەرەستەی بیناسازی بگرە تاکوو خواردن و پێداویستییەکانی ڕۆژانە لەم وڵاتەوە هاوردە دەکرێت، زۆربەی کۆمپانیاکان و دانیشتوونی بیانی کە لە هەرێمی کوردستان خەڵکی تورکیان و ئێستاکە هیچ مەترسییەک سەبارەت بە ڕەوشی ئەمنی ئەم کەسانە لە هەرێمی کوردستان بوونی نییە.
لینکی وتووێژ:
https://www.ilna.news/بخش-اقتصادی-4/821822-در-مباحث-اقتصادی-احساسی-عمل-نمی-کنیم-ترکیه-تامین-کننده-اول-مایحتاج-اقلیم-کردستان-عراق-است-هیچ-نگرانی-درباره-امنیت-شرکت-های-ترک-در-مناطق-اقلیم-وجود-ندارد
نازم ده‌باغ له وتووێژ له‌گه‌ڵ ئانا: کورده‌کانی سووریا به دوای رێگا چاره‌ی سیاسیدا بن
هه‌واڵده‌ری زانستگای ئازادی ئیسلامی "آنا" (ئانا) به‌شی نێوده‌وڵه‌تی؛ "نازم ده‌باغ" نوێنه‌ری حکوومه‌تی نوێنه‌ری هه‌رێمی کوردستانی عێراق له تاران به ده‌ربڕینی ئه‌وه‌ی که رێگا چاره‌ی سیاسی ده‌بێ له گرژی و ئاڵۆزیی نێوان کورده‌کانی سووریا و تورکیا په‌یڕه‌و بکرێت، سه‌باره‌ت به ئه‌گه‌ری زیندووبوونه‌وه‌ی داعێش به هه‌ڵگیرسانی شه‌ڕ له ناوچه‌که هۆشداری دا.
بڵاڤۆکی "فاریه‌ن پاڵیسی" چاپی ئه‌مه‌ریکا له راپۆڕتێکدا به گێڕانه‌وه له به‌رپرسانی ئه‌م وڵاته نووسی که تورکیا له ماوه‌ی 24 کاتژمێری داهاتودا ئۆپه‌راسیۆنی چه‌کداریی به‌ربڵاوی خۆی له باکووری سووریا ده‌ست پێ ده‌کات. ئه‌مه له حاڵێکدایه که رۆژی یه‌کشه‌مه له دوای وته‌کانی "ره‌جه‌ب ته‌ییب ئه‌ردۆغان" سه‌رۆک کۆماری تورکیا سه‌باره‌ی به ئه‌گه‌ری هێرش بۆ سه‌ر کورده‌کانی سووریا، چه‌ندین وێنه له جێگیربوونی که‌رسته و داموده‌زگای چه‌کداری و هێزه‌کانی ئه‌م وڵاته له سنووری سووریا بڵاو کرایه‌وه و هه‌تا ئه‌وه‌ی که رۆژی رابردوو، هێزه‌کانی تورکیا به فه‌رمی چوونه ناو سنووره‌کانی باکووری دراوسێی به‌شی باشووریی خۆیان.
له لایه‌کی دیکه‌وه ده‌وڵه‌تی ئه‌مه‌ریکا که له‌م ساڵانه‌ی دواییدا ده‌ورێکی به‌رچاوی له پاڵپشتی کردنی کورده‌کان له ئه‌ستۆدا بووه، له ناکاو پشتی ئه‌وانی خاڵی کرد و له ده‌قی بڵاوکراوه‌یه‌کدا رایگه‌یاند که واشنگتۆن له ئۆپه‌راسیۆنی چه‌کداریی تورکیا له باکوری سووریا پاڵپشتی ناکات و له‌وه‌دا هاوبه‌شی و ده‌ستوه‌ردان ناکات.
له‌م نێوه‌نده‌دا کورده‌کان که له پاڵپشتی نه‌کردنی ئه‌مه‌ریکا په‌شۆکاو و خافڵگیر بوون، داوایان له ده‌وڵه‌تی سووریا کرد بۆ ئه‌وه‌ی که پشتیوانی له‌وان بکات. هه‌روه‌ها هه‌ندێک له‌و راپۆڕتانه‌ی که پشتڕاست نه‌کراونه‌ته‌وه، نیشان ده‌ده‌ن که ئه‌گه‌ری پێکهێنانی به‌ره‌ی هاوپه‌یمانی له نێوان کورده‌کانی عێراق و سووریا له به‌رامبه‌ر تورکیادا بوونی هه‌یه.
"نازم ده‌باغ" نوێنه‌ری حکوومه‌تی نوێنه‌ری هه‌رێمی کوردستانی عێراق له تاران له دیمانه و وتووێژ له‌گه‌ڵ په‌یامنێری به‌شی رۆژئاوای ئاسیا و به‌ره‌ی به‌ره‌ی به‌رخۆدانی به‌شی نێوده‌وڵه‌تیی هه‌واڵده‌ری آنا (ئانا) گوتی: ئه‌و بارودۆخه‌ی که هه‌یه، رووداوێکی تازه نییه، له‌به‌ر ئه‌وه‌ی که ئێمه له رابردوودا باوه‌ڕمان به‌م بابه‌ته هه‌بوو که ئه‌و وڵاته به‌هێزانه‌ی که بیانه‌وێت به بیانووی یارمه‌تیدان، ئاماده بن، ئامانجێکی تایبه‌تیان له بیر و مێشکدا هه‌یه. ئه‌مه‌ریکا به داخوازه و بانگه‌شه‌ی جه‌نگ له‌گه‌ڵ داعێش هاته ناوچه‌که‌وه. بێجگه له‌وه، سوپاکانی ئه‌و وڵاتانه‌ی که له ناوچه جۆراوجۆره‌کانی جیهانه‌وه دێن بۆ ناوچه‌که، کاتێک مه‌به‌ست و ئامانجه‌کانیان هاته دی، ناوچه‌که به‌جێ ده‌هێڵن و ئه‌مه ئه‌رکی ئێمه‌ی کورده‌کانه که ناوچه‌کانی خۆمان له ژێر چنگی داگیرکه‌ران رزگار بکه‌ین و بیگه‌ڕێنینه‌وه باوه‌شی خۆمان.
ئه‌وه‌شی راگه‌یاند: ئه‌مه‌ریکییه‌کان له‌و بارودۆخه‌ی ئێستای سووریا تووشی بارودۆخێک بوون که ده‌بێ له بواری هه‌ڵسوکه‌وت و کرده‌وه‌کانی دوایی خۆیان زیاتر بیرکردنه‌وه و تێڕامان بکه‌ن، له دیپلۆماسییه‌کی تایبه‌ت که‌ڵک وه‌ربگرن و به‌دوای دابین کردنی رێگا چاره‌یه‌کی سیاسیدا بن. کورده‌کان باوه‌ڕ و متمانه‌یان به ئه‌مه‌ریکا و پاڵپشتییه‌که‌ی کرد، به‌ڵام ئه‌م متمانه‌یه نابێ یه‌ک لایه‌نه بێت و پێویستی به باوه‌ڕ و متمانه کردنی به‌رامبه‌ر له لایه‌ن ئه‌مه‌ریکاش هه‌ست پێده‌کرێت. ئه‌وان ده‌بێت وڵامی ئه‌م هه‌ستی متمانه پێکردنه‌وه بده‌نه‌وه، به پێچه‌وانه‌ی ئه‌مه ناتوانین به شێوه‌ی یه‌ک لایه‌نه به‌م باوه‌ڕ و متمانه‌یه درێژه پێبده‌ین.
سه‌رۆکی نووسینگه‌ی هه‌رێمی کوردستانی عێراق له تاران روونیکرده‌وه: کورده‌کانی عێراق له پێناو مسۆگه‌ر کردنی مافه‌کانی خۆیان له‌سه‌ر پاڵپشتی کردن له کورده‌کانی سووریا جه‌خت ده‌که‌نه‌وه. هه‌رێمی کوردستان له کاتی جه‌نگی یه‌که‌می جیهانی سه‌لماندوویه‌تی که له هه‌ر جێگایه‌ک کورده‌کان پێویستیان به پاڵپشتی یه‌کتری هه‌بێت، بۆ خۆی له‌وێ ئاماده ده‌بێت و یارمه‌تی ئه‌وان ده‌دات، به‌ڵام ئه‌مه له چوارچێوه‌ی هه‌ندێک سیاسه‌تی تایبه‌ت دایه، له‌به‌ر ئه‌وه‌ی که ئێمه چ وه‌کوو کورد و چ وه‌کوو یه‌ک دراوسێ نامانه‌وێت له کاروباری ناوخۆیی وڵاتانی دیکه‌دا ده‌ستوه‌ردان بکه‌ین؛ به‌ڵام ناتوانین له لایه‌نی سیاسی و دیپلۆماتیک چاوی خۆمان به ڕووی پاڵپشتی و پشتیوانی کردن له کورده‌کان له هه‌ر جێگایه‌کدا که ببن، ببه‌ستین. ئێمه ده‌بێ کورده‌کانی سووریا تێبگه‌یه‌نین که له توندوتیژی که‌م بکه‌نه‌وه و به شێوه‌گه‌لی سیاسی و دیپلۆماتیک به‌دواداچوون بۆ کاروباره‌کان بکه‌ن و هه‌وڵ بده‌ین له چوارچێوه‌ی یاسای بنه‌ڕه‌تیدا بڕۆینه پێشه‌وه بۆ ئه‌وه‌ی که له‌م رێگایه‌وه مافه‌کانمان بێته دی.
ئه‌گه‌ری کۆبوونه‌وه‌ی کورده‌کان له سنووری تورکیا/ رێگا چاره‌ی سیاسی له جیاتی پشتبه‌ستن به چه‌کی ئه‌مه‌ریکایی
"نازم ده‌باغ" سه‌باره‌ت به بڵاوبوونه‌وه‌ی هه‌ندێک له هه‌واڵه‌کان له‌مه‌ڕ هه‌ڕه‌وه‌زی گشتی و کۆبوونه‌وه‌ی کورده‌کان له شوێنه‌کانی هاوسنوور له‌گه‌ڵ تورکیا گوتی: کورده‌کانی سووریا رایانگه‌یاندووه که تا دوایین هه‌ناسه درێژه به خه‌بات ده‌ده‌ن و له‌وێ پرسی مه‌رگ و ژیان هاتۆته گۆڕێ. له سووریا کاتێک کورده‌کان ده‌یانه‌وێت ژیانی ئاساییان هه‌بێت، لایه‌نێک دێت و ده‌یهه‌وێت ئاسایش و هێمانیه‌تی و ئارامی له‌وان بگرێت که کورده‌کان سه‌رسه‌ختانه له‌گه‌ڵ ئه‌م بارودۆخه به‌ره‌وڕوو ده‌بنه‌وه. ماوه‌یه‌ک له‌وه پێش "خلووسی ئاکار" وه‌زیری به‌رگریی تورکیا گوتبووی "ده‌بێ سه‌نگه‌ری کورده‌کان له باکووری سووریا بکرێته گۆڕستانی ئه‌وان"، هه‌ر به‌م هۆیه کورده‌کان ناچارن به‌رگری له خۆیان بکه‌ن و له‌گه‌ڵ تورکیا بجه‌نگن.
ده‌باغ له دوایین هه‌نگاوی ئه‌مه‌ریکا له بواری پاڵپشتی کردن له کورده‌کان په‌رده‌ی لادا و روونیکرده‌وه: وه‌زاره‌تی به‌رگریی ئه‌مه‌ریکا رۆژی رابردوو بۆ کورده‌کانی سووریا په‌یامی نارد که واشنگتۆن ئاماده‌یی هه‌یه پاڵپشتی له‌وان بکات، به‌ڵام ئه‌م پاڵپشتی کردنه به جه‌نگ و شه‌ڕ له‌گه‌ڵ داعێش و به‌ره‌نگاربوونه‌وه له‌گه‌ڵ ئه‌م گروپه تیرۆریستییه‌وه به‌ستراوه‌ته‌وه. پرسیارێکی گرینگ که دێته ئاراوه ئه‌مه‌یه که له دوای داعێش چ چاره‌نووسیك له چاوه‌ڕوانی کورده‌کاندا ده‌بێت و ئایا ئه‌م پاڵپشتییانه درێژه‌ی ده‌بێت؟ باشترین رێگا ئه‌مه‌یه که کورده‌کان له جیاتی ئه‌وه‌ی که بیانه‌وێت به چه‌ک و ته‌قه‌مه‌نی ئه‌مه‌ریکییه‌کان و پاڵپشتی کردن له سنووره‌کان پشت ببه‌ستن، به فیکری رێگا چاره‌ی سیاسیدا بن، زۆربه‌ی سیاسه‌تمه‌دارانی ئه‌مه‌ریکایی بێجگه له "نانسی پلۆسی" سه‌رۆکی کۆنگره‌ی نوێنه‌رانی ئه‌مه‌ریکا خوازیاری ئه‌وه‌ن که ئه‌مه‌ریکا به پاڵپشتی کردن له هاوپه‌یمانانی خۆی له ناوچه‌که‌دا درێژه بدات و به ده‌یان جار له‌سه‌ر ئازایه‌تی و جه‌نگاوه‌ربوونی کورده‌کان له به‌رامبه‌ر داعێشدا جه‌ختیان کرده‌وه.
تورکیا به دوای گۆڕینی چین و پێکهاته‌ی جه‌ماوه‌ریی باکووری سووریا
به‌پێی راپۆڕتی ئانا، هه‌ندیک له ده‌زگاکانی راگه‌یاندن و هه‌واڵده‌ریی ناوچه‌که له شرۆڤه و لێکدانه‌وه‌یه‌کدا سه‌باره‌ت به بارودۆخی باکووری سووریا به‌م جۆره‌یان راگه‌یاند که تورکیا ده‌یهه‌وێت به داخوازه و بانگه‌شه‌ی به‌ره‌نگاربوونه‌وه له‌گه‌ڵ تیرۆریسم و به هه‌ڕه‌شه زانینی کورده‌کانی باکووری سووریا، چین و پێکهاته‌ی جه‌ماوه‌ریی ناوچه‌کانی باکووری ئه‌م وڵاته هاوپه‌یوه‌ند له‌گه‌ڵ ناوچه‌کانی باشووری تورکیا بگۆڕێت. له‌م پێناوه‌دا "ئیبڕاهیم کالین"، وته‌بێژی نووسینگه‌ی سه‌رۆک کۆماری تورکیا رۆژی دووشه‌مه سه‌باره‌ت به ئۆپه‌راسیۆنی چه‌کداریی له دژی کورده‌کانی باکووری رۆژهه‌ڵاتی سووریا گوتی: ده‌بێ هێمنایه‌تی سنووریی خۆمان و هه‌روه‌ها هێمنایه‌تی ئاواره‌کانی سووریایی که ده‌یانه‌وێت بگه‌ڕێنه‌وه بۆ وڵاته‌که‌یان، پێک بهێنین.
"نازم ده‌باغ" له‌م باره‌یه‌وه روونیکرده‌وه: له گۆڕینی چین و پێکهاته‌ی جه‌ماوه‌ریدا ته‌نیا قوربانی کردنی کورده‌کان له ئارادا نیه و ئه‌مه بۆ سیاسه‌ت داڕشتنی خوازیاری گه‌شه‌سه‌ندنی ئاتاتورک له تورکیا ده‌گه‌ڕێته‌وه که له سه‌رده‌می "ئه‌حمه‌د داوودئۆغڵوو" وه‌زیری کاروباری ده‌ره‌وه‌ی ئه‌و کاتی تورکیا به‌دواداچوونی بۆ ده‌کرا. ئه‌وان داخوازه و بانگه‌شه‌ی ئه‌وه‌یان دهکرد که به کرده‌وه و هه‌نگاوه‌کانی خۆیان ده‌یانه‌وێت عوسمانی چێتی نوێ زیندوو بکه‌نه‌وه و پاڵپشتی کردن له ئه‌هلی سونه‌تیان کرده ئامرازی ده‌ست و هه‌نگاوه‌کانی خۆیان، به‌ڵام ئه‌م پرۆژه‌یه تا ئێستا شکه‌ستی خواردووه. ئانکاڕا له سه‌رده‌می "ره‌جه‌ب ته‌ییب ئه‌ردۆغان"دا به‌رده‌وام ده‌یهه‌وێت و پێی خۆشه ئیمپڕاتۆری تورکیا به ناونیشانێکی نوێ زیندوو بکاته‌وه.
رێگا چاره‌ی سیاسی له گرژی و ئاڵۆزی نێوان کورده‌کانی سووریا و تورکیا پێڕه‌و بکرێت
نوێنه‌ری حکوومه‌تی نوێنه‌ری هه‌رێمی کوردستانی عێراق له تاران سه‌باره‌ت به شێوازی بیرکردنه‌وه‌ی تورکیا که کورده‌کانی باکووری سووریا به تیرۆریست ده‌زانێت، گوتی: من وه‌کوو یه‌ک کورد، خه‌ڵکی تورکیا به تیرۆریست نازانم. کورده‌کان بۆ دابین کردنی مافه‌کانی خۆیان له‌گه‌ڵ تورکیا شه‌ڕ ده‌که‌ن. ئه‌وان ئێمه به تیرۆریست ده‌زانن و ئه‌مه په‌یوه‌ندیی به خۆیانه‌وه هه‌یه، به‌ڵام به گشتی پرس و بابه‌تی ئه‌وه‌ی که کورده‌کانی سووریا تیرۆرستن، ره‌ت ده‌که‌ینه‌وه. ئێمه له هه‌رێمی کوردستان له‌سه‌ر ئه‌م بابه‌ته جه‌خت ده‌که‌ینه‌وه که ده‌بێ رێگا چاره‌ی سیاسی له گرژی و ئاڵۆزیی نێوان کورده‌کانی سووریا و تورکیا په‌یڕه‌و بکرێت، ئیجازه نه‌ده‌ین له ناوچه‌که‌دا پشێوی و ئاڵۆزی و شه‌ڕ و تێکهه‌ڵچوون دروست بکرێت و ده‌بێ له مافه‌کانی خه‌ڵکی داکۆکی و پشتیوانی بکه‌ین. ئێمه له‌گه‌ڵ کورده‌کانی سووریا هاوپه‌یمانیی پێک ناهێنین که بمانه‌وێت له به‌رامبه‌ر تورکیادا بجه‌نگین، له‌به‌ر ئه‌وه‌ی که له‌و باوه‌ڕه داین که هه‌ر چه‌شنه جه‌نگ و شه‌ڕ و تێکهه‌ڵچوون له ناوچه‌که‌دا ده‌بێته هۆی گه‌شه‌کردن و په‌ره‌سه‌ندنی بیرۆکه‌ی تیرۆریسم و زیندووبوونه‌وه‌ی داعێش.
لینکی وتووێژ:
"نازم ده‌باغ": کورده‌کانی سووریا سزای پشتبه‌ستن به زلهێزه‌کانیاندا/ کورده‌کان بۆ به‌ره‌نگاربوونه‌وه‌ی زیاتربوونی قه‌یران بچنه ناو هاوکاریی دیپلۆماتیکه‌وه
دیمانه‌ی ماڵپه‌ڕی نامه‌نیوز له‌گه‌ڵ نوێنه‌ری هه‌رێمی کوردستانی عێراق له ئێران؛
"نازم ده‌باغ": کورده‌کانی سووریا سزای پشتبه‌ستن به زلهێزه‌کانیاندا/ کورده‌کان بۆ به‌ره‌نگاربوونه‌وه‌ی زیاتربوونی قه‌یران بچنه ناو هاوکاریی دیپلۆماتیکه‌وه
ماڵپه‌ڕی هه‌واڵ و شرۆڤه‌ی "نامه نیوز" (namehnews.com) به‌شی سیاسه‌ت؛ ئه‌م کارناسه‌ی پرس و بابه‌ته سیاسییه‌کانی کورده‌کان به ئاماژه‌دان به‌م خاڵه که "ئه‌م پرسه‌ی ده‌ستوه‌ردان و پشتیوانیی کردنی ده‌ره‌کی و به تایبه‌ت له نێو ئه‌و حیزبانه‌ی که له ناوچه کوردنشینه‌کانی سوووریادا هه‌ن، زیاتر ده‌بیندرێت" رایگه‌یاند: بۆ هه‌مووان روون و ئاشکرا بوو که کاتێک ئه‌م وڵاتانه به‌رژه‌وه‌ندییان له هه‌ندێک گۆڕانکاری دابین بکرێت، ده‌ڕۆن و کورده‌کان به ته‌نیا ده‌هێڵنه‌وه. له ناوچه‌که‌شدا ئه‌مه‌ریکا چاوه‌ڕوانی گه‌ره‌نتی کردنی به‌رژه‌وه‌ندییه‌کانی خۆی بوو، کاتێک بارودۆخه‌که‌ی بینی، له ناوچه‌که چووه ده‌ره‌وه.
له دوای ئه‌وه‌ی که به چوونه ده‌ره‌وه‌ی هاوڕێ له‌گه‌ڵ رێککه‌وتننامه‌ی نه‌نووسراو، هێزه‌کانی ئه‌مه‌ریکا له باکووری سووریا و ناوچه کوردنشینه‌کانی ژێر ده‌سه‌ڵاتی حیزبه کوردییه‌کانی سووریا، ترامپ له حیسانی ئه‌کاونتی توییتری خۆت رایگه‌یاند که ئیدی پێی خۆش نییه، بچێته ناو کێشه و ئاڵۆزییه‌کانی گه‌لانی رۆژهه‌ڵاتی ناوه‌ڕاست، هه‌موو پێشبینییان دهکرد که ئه‌و که‌شوهه‌وایه بۆ ناردنی هێزه‌کانی سوپای تورکیا به فه‌رمانی ئه‌ردۆغان بۆ سه‌ر ئه‌م ناوچانه (به بیانووی خه‌بات له‌گه‌ڵ تیرۆریسم و گروپه سیاسییه چه‌کداره‌کانی کورد) بکرێته‌وه. به فه‌رمانی سه‌رۆک کۆماری تورکیا بۆ هێرش بۆ سه‌ر شوێنی مانه‌وه‌ی کورده‌کان بوو که وه‌زاره‌تی کاروباری ده‌ره‌وه‌ی ئێران به خێرایی به بڵاوکردنه‌وه‌ی راگه‌یه‌ندراوێک، هه‌ر چه‌شنه هێرش کردن بۆ سه‌ر خاکی سووریای مه‌حکووم کرد. له وه‌ها بارودۆخێکدا هه‌مووان په‌رۆش و نیگه‌رانن که چ به‌ڵایه‌ک به سه‌ر خه‌ڵکی کوردی سووریا دێت و هێزه سیاسییه‌کانی کورد و حیزبه‌کانی ئه‌و وڵاته چ هه‌ڵوێست و دژکرده‌وه‌یه‌کیان ده‌بێت. ئه‌وه‌ی که تا دوێنێ باکووری سووریا و هێزه سیاسییه‌کانی کورد له ژێر پاڵپشتی و پشتیوانیی سوپای ئه‌مه‌ریکا بوون، بۆ خۆی یه‌کێک له پرس و بابه‌ته‌کانه که له دیمانه و وتووێژ له‌گه‌ڵ "نازم ده‌باغ" کارناسی پرس و بابه‌ته‌کانی نێوده‌ڵه‌تی و نوێنه‌ری حکومه‌تی هه‌رێمی کوردستانی عێراق له
ئێران ئه‌وه‌مان لێکداوه‌ته‌وه.
ئه‌م کارناسه‌ی پرس و بابه‌ته سیاسییه‌کانی نێوده‌وڵه‌تی له دیمانه له‌گه‌ڵ په‌یامنێری ماڵپه‌ڕی هه‌واڵ و شرۆڤه‌ی "نامه نیوز" گوتی: ئه‌م رووداوانه به درێژایی مێژووی هاوچه‌رخ بۆ کورده‌کان دووپاته‌کراو بۆته‌وه، له‌به‌ر ئه‌وه‌ی که ئێمه له درێژایی مێژووی ئه‌م سه‌د ساڵه‌ی دواییدا بینه‌ر و چاوه‌ری هاوکاری و پشتیوانیی هێزه ده‌رکییه‌کان و زلهێزه‌کانی ئه‌وپه‌ڕی ناوچه‌که له‌گه‌ڵ ره‌وت و هێزه سیاسییه‌کانی کورد بووینه که به نییه‌ت و مه‌به‌ستی جۆراوجۆر هاتنه بواری هاوکارییه‌وه.
ده‌باغ به جه‌خت کردنه‌وه له‌سه‌ر پێداویستی دووباره خوێندنه‌وه و پێداچوونه‌وه‌ی ئه‌زموونی مێژوویی هێزه‌کانی کوردی له‌م یه‌ک سه‌ده‌یه‌ی دواییدا، گوتی: له هه‌ر جێگایه‌ک ئێمه بینه‌ر و چاوه‌ری پێکهێنانی ده‌وڵه‌تێکی کوردی له رۆژهه‌ڵاتی ناوه‌ڕاستدا بووینه، چاوه‌ی ئه‌م قه‌یرانه له هێزه سیاسییه‌کانی کورددا هه‌یه‌ن که هه‌ندێکیان به ده‌ره‌وه‌ی سنووره‌کان و بێگانه‌کان و زلهێزه‌کانی ئه‌په‌ڕی سنوور پشت ده‌به‌ستن و ئه‌نجامی ئه‌و کاره‌ش ده‌بینن. بۆ وێنه له ره‌وتی پێکهێنانی ده‌وڵه‌تی په‌هله‌وی له ئێران یان پێکهێنانی ده‌وڵه‌تی تورکیا و سووریا له دوای رووخانی عوسمانی بینیمان که باوه‌ڕ و متمانه کردن به زلهێزه‌کانی بیانی و پشتبه‌ستن به‌وانه چ ئه‌نجامێکی لێ که‌وته‌وه.
ئه‌م کارناسه‌ی پرس و بابه‌ته سیاسییه‌کانی کورده‌کان به ئاماژه‌دان به‌و خاڵه‌‌ی که "ئه‌م پرسه‌ی ده‌ستوه‌ردان و پشتیوانی کردنی ده‌ره‌کی به تایبه‌ت له نێو ئه‌و حیزبانه‌ی که له ناوچه کوردنشینه‌کانی سوووریادا هه‌ن، زیاتر ده‌بیندرێت" رایگه‌یاند: بۆ هه‌مووان روون و ئاشکرا بوو که کاتێک ئه‌م وڵاتانه به‌رژه‌وه‌ندییان له هه‌ندێک گۆڕانکاریدا دابین بکرێت، ده‌ڕۆن و کورده‌کان به ته‌نیا ده‌هێڵنه‌وه. له ناوچه‌که‌شدا ئه‌مه‌ریکا چاوه‌ڕوانی گه‌ره‌نتی کردنی به‌رژه‌وه‌ندییه‌کانی خۆی بوو، بۆیه کاتێک بارودۆخه‌که‌ی بینی، له ناوچه‌که چووه ده‌ره‌وه.
نوێنه‌ری حکومه‌تی هه‌رێمی کوردستانی عێراق له ئێران، به جه‌خت کردنه‌وه له‌سه‌ر ئه‌وه‌ی که "ئێستاکه ده‌بێ خودی هێزه کوردییه‌کان له ئه‌نجومه‌نه‌کانی خۆیاندا و به هاوکاری له‌گه‌ڵ حیزبه‌کانی هه‌رێمی کوردستانی عێراق هه‌وڵ بده‌ن بۆ ئه‌وه‌ی که له جیاتی به‌ره‌نگاربوونه‌وه‌ی چه‌کداری، رێگا چاره‌ی دیپلۆماتیک په‌یدا بکه‌ن" راشیگه‌یاند: چاوه‌ڕوان ده‌کرێت هێزه کوردییه‌کان و حیزبه‌کانی ئه‌وان زیاتر له‌گه‌ڵ یه‌کتر هاوده‌نگ بن و هاوکارییه‌کی زیاتریان له‌گه‌ڵ دراوسێیه‌کان و هێزه‌کانی دیکه‌ی کوردی له وڵاتانی دیکه‌دا هه‌بێت، تاکوو ئه‌وه‌ی که بۆ خۆیان تاکڕه‌وی بکه‌ن، بۆ ئه‌وه‌ی که له کاره‌سات پیشگیری بکه‌ن و کێشه و گرفته‌کانیان باشتر چاره‌سه‌ر بکرێت.
"نازم ده‌باغ" به جه‌خت کردنه‌وه له‌سه‌ر ئه‌وه‌ی که رووداوه‌کانی ئه‌م دواییه ده‌بێت بۆ کورده‌کان ببێته ئه‌زموون، گوتی: ئه‌مه وانه و ده‌رسێکی گرینگه بۆ ئه‌وه‌ی که گروپه‌کانی سیاسیی کورد فێر بن که باوه‌ر و متمانه کردن به وڵاتانی زلهێزی بیانی و ئه‌و وڵاتانه‌ی که بۆ به‌رژه‌وه‌ندیی خۆیان چه‌ندین کیلۆمه‌تر دوورتر له نیشتمانی خۆیان و له ناوچه‌که‌دا ئاماده‌ن، هه‌ر ساتێک له‌وانه‌یه به ته‌نیا بیانهێڵنه‌وه. ئێستاکه‌ش کورده‌کانی سووریا سزای پشتبه‌ستن به زلهێزه‌کان ئه‌وپه‌ڕی ناوچه‌که ده‌ده‌ن و ته‌نیا رێگا چاره‌سه‌ری به‌رده‌م ئه‌م هێزانه دیپلۆماسییه‌کی چالاکتره بۆ به‌رگری کردن له قه‌یران.
"نازم ده‌باغ" کارناسی پرس و بابه‌ته‌کانی نێوده‌ڵه‌تی و نوێنه‌ری حکومه‌تی هه‌رێمی کوردستانی عێراق له کۆتاییدا به ئاماژه‌دان به پرسی "دوو لایه‌نه بوونی په‌یوه‌ندیی له‌گه‌ڵ دراوسێیه‌کان له دانوستاندنه‌کانی هێزه‌کانی کوردی سووریا" روونیکرده‌وه: ئه‌گه‌ر کورده‌کان له‌گه‌ڵ ده‌وڵه‌تی به‌شار ئه‌سه‌د بیانه‌وێت دانوستان بکه‌ن، ده‌بێ بزانن که ده‌وڵه‌تی سووریا و دراوسێیه‌کانی دیکه‌ش هه‌ندێک چاوه‌ڕوانییان له‌وان هه‌یه، هه‌روه‌ها بڕیار وانیه که ته‌نیا یه‌ک لایه‌ن له دانوستاندن و دیپلۆماسیدا ئیمتیاز بدات. بێجگه له‌وه، یه‌کجار گرینگه که کورده‌کان بزانن ده‌بێ قسه‌کانی خۆیان و حیزبه‌کانیان بکه‌نه یه‌ک و له پاڵ یه‌کتردا هه‌ر یه‌ک گوتار به‌ره‌و لای ئه‌وبه‌ری مێزی دانوستان ده‌بێت بوونی هه‌بێت، هه‌ر بۆیه ئه‌وانه له‌م بارودۆخه هه‌ستیاره‌دا له هه‌ڵوێست گرتن و له کرده‌وه‌دا ده‌بێ یه‌کێتی و یه‌کریزییان هه‌بێت، بۆ ئه‌وه‌ی که ئه‌م قه‌یرانه تێپه‌ڕ بکرێت.
https://namehnews.com/fa/news/557881/ناظم-دباغ-کردهای-سوریه-چوب-تکیه-به-ابرقدرت‌ها-را-خوردند-کردها-برای-مقابله-با-تشدید-بحران-وارد-تعامل-دیپلماتیک-شوند
رۆژنامه‌ی هاودڵی ـ همدلی | نوێنه‌ری حکومه‌تی هه‌رێمی کوردستانی عێراق له ئێران ده‌ڵێت: له ته‌نیشت ناڕه‌زایه‌تی خه‌ڵکی عێراق، ده‌ست و پێوه‌نده‌کانی بیانیش هاتوونه‌ته گۆڕه‌پانه‌که و هه‌وڵیان داوه له خۆپیشاندانه‌کانی جه‌ماوه‌ری له به‌رژه‌وه‌ندیی خۆیان که‌ڵکی خراپ وه‌ربگرن.
"نازم ده‌باغ" نوێنه‌ری حکومه‌تی هه‌رێمی کوردستانی عێراق له ئێران له دیمانه له‌گه‌ڵ رۆژنامه‌ی هه‌مدڵی چاپی تاران سه‌باره‌ت به هه‌ڵسه‌نگاندنی خۆی له رووداوه‌کانی ئه‌م دواییه‌ی عێراق ده‌ڵێت: ئه‌م بارودۆخه‌ی ئه‌مڕۆی عێراق ئه‌نجامی کرده‌وه‌کان و کاره‌کانی رابردوو له‌م وڵاته‌دایه. له راستیدا ئه‌نجامی کاره‌کانی ده‌وڵه‌ت و سیاسه‌تمه‌دارانی عێراقییه. ئه‌و کارانه و کرده‌وانه‌ی که بۆته هۆی زیادبوونی رێژه‌ی بێکاری و هه‌روه‌ها گه‌شه‌کردنی گه‌نده‌ڵی. له ئه‌نجامی ئه‌م کرده‌وه و ره‌فتارانه‌دا گه‌نج و لاوانی عێراقی ناڕازی و تووڕه‌ن.
ده‌باغ له درێژه‌ی قسه‌کانیدا گوتی: له ته‌نیشت ناڕه‌زایه‌تی خه‌ڵکی عێراق، ده‌ست و پێوه‌نده‌کانی بیانیش هاتوونه‌ته گۆڕه‌پانه‌که و هه‌وڵیان داوه له خۆپیشاندانه‌کانی جه‌ماوه‌ری له به‌رژه‌وه‌ندیی خۆیان که‌ڵکی خراپ وه‌ربگرن. ئه‌م ده‌ست و پێوه‌نده ده‌ره‌کی و بیانیانه به چوونه ناو خۆپیشاندانه‌کانی خه‌ڵکی عێراق هه‌وڵیان داوه که هێرش بکه‌نه سه‌ر بینا و شوێنه ده‌وڵه‌تییه‌کان و ئه‌وانه ئاگر تێبه‌ر بده‌ن، یان خه‌ڵکی بکووژن. له راستیدا ئه‌وان ویستوویانه وێنه‌یه‌کی دیکه له دیمه‌نی ناڕه‌زایتییه‌کانی خه‌ڵکی عێراق وێنا بکه‌ن.
نوێنه‌ری حکومه‌تی هه‌رێمی کوردستانی عێراق له ئێران جه‌خت ده‌کاته‌وه: به‌م پێیه ئێستا هه‌مووی سیاسه‌تمه‌داران و رێبه‌رانی سیاسیی عێراق له‌سه‌ر ئه‌م باوه‌ڕه‌ن که ده‌بێ ده‌نگی خه‌ڵکی عێراق ببیسترێت و ده‌ست بکه‌ن به چاکسازی. به‌ڵام خاڵی سه‌ره‌کی لێره‌دایه که له جێبه‌جێ بوونی ئه‌م چاکسازیانه‌دا، سیاسییه‌کان ده‌بێت سه‌رنج بده‌نه داخوازی و ویستی گشتیی خه‌ڵکی و له هه‌وڵدان بۆ پاراستنی به‌رژه‌وه‌ندییه‌کانی تاکه‌که‌سی و حیزبی خۆیان به‌دوور بگرن بۆ ئه‌وه‌ی که مه‌بادا دیسان گه‌نده‌ڵییه‌کی نوێ بێته ئاراوه.
ده‌باغ سه‌باره‌ت به لێکدانه‌وه‌ی خۆی له داهاتووی ئه‌م ناڕه‌زایه‌تییانه ده‌ڵێت: من له‌سه‌ر ئه‌م باوه‌ڕه‌م که بارودۆخی ئه‌مڕۆی عێراق ئه‌نجامی رابردووه. ئه‌گه‌ر ئه‌مڕۆ خه‌ڵک و لاوانی عێراقی هاتوونه‌ته سه‌ر شه‌قام، به هۆی ره‌فتار و کرده‌وه‌ی ده‌سه‌ڵاتداران له ساڵه‌کانی رابردوو دایه. ئێستا ماوه‌یه‌ک تێده‌په‌ڕێت و له‌وانه‌یه خه‌ڵکیش ئارامتر ده‌بنه‌وه، به‌ڵام خاڵه‌که لێره‌دایه که ئه‌گه‌ر بارودۆخه‌که بگۆڕدرێت و ده‌نگی خه‌ڵکی عێراق بیسترێت و پێڕاگه‌یشتن به خواست و ویستی ئه‌وان بکرێت که ئه‌م باشتربوون و ئارامییه درێژه‌ی ده‌بێت، به‌ڵام ئه‌گه‌ر له بارودۆخی عێراقدا ئاڵوگۆڕێک به‌دی نه‌کرێت، ئه‌گه‌ری دووپات بوونه‌وه‌ی ئه‌م رووداوانه هه‌یه.
"نازم ده‌باغ" نوێنه‌ری حکومه‌تی هه‌رێمی کوردستانی عێراق له ئێران سه‌باره‌ت به کاریگه‌ریی رووداوه‌کانی ئه‌م رۆژانه‌ی عێراق له‌سه‌ر په‌یوه‌ندییه‌کانی ئه‌م وڵاته و دراوسێیه‌کانی دیکه‌ی گوتی: ده‌ست و پێوه‌نده‌کانی بیانی که به کرده‌وه هاتنه ناو جه‌رگه‌ی ئه‌م خۆپیشاندان و ناڕه‌زایه‌تییه‌کانه‌وه، له دوو خاڵ خۆشحاڵ نین و به چڕی هه‌وڵ ده‌ده‌ن که ئه‌مه تێک بده‌ن. ئه‌وان به نیسبه‌ت بێ لایه‌نیی عێراق له کێشه و ته‌نگژه‌کانی رۆژهه‌لاتی ناوه‌ڕاست و ئه‌و گرژی و ئاڵۆزی و تێکهه‌ڵچوونانه‌ی که له رۆژهه‌ڵاتی ناوه‌ڕاستدا بوونی هه‌یه، خۆشحاڵ نین و له راستیدا ده‌یانه‌وێت که لانی که‌م ئه‌گه‌ر عێراق به کرده‌وه نایه‌ته نێو گۆڕه‌پانه‌که، هه‌ڵوێست بگرێت و بێ لایه‌ن نه‌بێت. له لایه‌کی دیکه‌وه ئه‌وان له په‌یوه‌ندیی باشی ئێران و عێراق ناڕه‌حه‌تن. له ئه‌نجامدا هه‌وڵ ده‌ده‌ن که عێراق له‌م دوو هه‌ڵوێستییه‌ی بێ لایه‌ن بوونی و په‌یوه‌ندی باشی له‌گه‌ڵ ئێران بخه‌نه ده‌ره‌وه.
نێچیرڤان بارزانی و لاڤرۆڤ دۆخی عێراق و ناوچه‌که تاوتوێ ده‌که‌ن
سه‌رۆك نێچیرڤان بارزانی وێڕای ده‌ربڕینی نیگه‌رانی له دۆخی كورد له سووریا، داوای له به‌ڕێز سێرگێ لاڤرۆڤ وه‌زیری ده‌ره‌وه‌ی ڕووسیا كرد وڵاته‌كه‌ی له‌گه‌ڵ کۆمه‌ڵگه‌ی نێوده‌وڵه‌تی له ئێستا و داهاتووی سووریادا هاوکاری بکه‌ن بۆ پاراستنی مافه‌کانی کورد له‌و وڵاته، هه‌روه‌ها سوپاسی سه‌رۆك پوتین و ڕووسیای كرد كه له كاته سه‌خته‌كاندا هاوكاری و پشتگیریی هه‌رێمی كوردستانیان کردووه و سوپاسی سه‌ردانی به‌ڕێز لاڤرۆڤی كرد و سه‌ردانه‌كه‌ی به نیشانه‌ی پشتگیری له هه‌رێمی كوردستان له‌قه‌ڵه‌م دا.
ئێواره‌ی ئه‌مڕۆ دووشه‌ممه 7/10/2019 له هه‌ولێر، له كۆبوونه‌وه‌یه‌كدا له‌گه‌ڵ به‌ڕێز نێچیرڤان بارزانی سه‌رۆكی هه‌رێمی كوردستان، به‌ڕێز لاڤرۆڤ به‌رده‌وامیی پشتگیریی ڕووسیای بۆ هه‌رێمی كوردستان دووپات كرده‌وه و خۆشحاڵیی خۆی بۆ به‌ره‌وپێشچوونی په‌یوه‌ندییه‌كانی هه‌ولێر ـ به‌غدا و دیالۆگی چاره‌سه‌ركردنی كێشه‌كان له‌سه‌ر بنه‌مای ده‌ستووری عێراق ده‌ربڕی.
به‌ڕێزیان سوپاسی هه‌رێمی كوردستانی كرد بۆ ئه‌و ده‌رفه‌ته‌ی كه به كه‌رتی تایبه‌ت و كۆمپانیا ڕووسییه‌كان دراوه تا وه‌به‌رهێنان له هه‌رێمی كوردستان بكه‌ن به‌تایبه‌تیش له كه‌رتی وزه‌دا، هه‌روه‌ها به‌رده‌وامیی هاوكاریی وڵاته‌كه‌یشی بۆ هه‌رێمی كوردستان و عێراق له به‌ره‌نگاربوونه‌وه‌ی تیرۆر دووپات كرده‌وه.
له كۆبوونه‌وه‌كه‌دا كه به‌ڕێزان جێگرانی سه‌رۆكی هه‌رێمی كوردستان و ژماره‌یه‌ك له به‌رپرسانی حكوومه‌تی هه‌رێمی كوردستان و شاندی یاوه‌ری به‌ڕێز وه‌زیری ده‌ره‌وه‌ی ڕووسیا ئاماده‌ی بوون، هه‌ردوولا په‌ره‌پێدانی په‌یوه‌ندییه‌كانی هه‌ولێر ـ مۆسكۆ، مه‌ترسیی سه‌رهه‌ڵدانه‌وه‌ی تیرۆر له عێراق و ناوچه‌كه، دوایین پێشهاته‌كانی ناوچه‌كه به‌گشتی، په‌یوه‌ندییه‌كانی هه‌رێمی كوردستان له‌گه‌ڵ وڵاتانی دراوسێ و چه‌ند پرسێكی دیكه‌یان تاوتوێ كرد.
https://president.gov.krd/nechirvan-barzani-and-lavrov-discuss-the-situation-in-iraq-and-the-region/
More...
نازم ده‌باغ: دەبێت کورد لەم کاتەدا وریا بێت
با هه‌موان بۆ هه‌موان و بۆ گه‌لی كوردبین
