بەیانیى ئەمڕۆ پێنجشەممە 2021/10/21 بەڕێز نێچیرڤان بارزانى، سەرۆکى هەرێمى کوردستان، پێشوازى لە بەڕێز مارک برایسن ڕیچاردسن، باڵیۆزى بەریتانیا لە عیراق کرد.
لە کۆبوونەوەیەکدا پەیوەندییەکانى هەرێمى کوردستان و عیراق لەگەڵ بەریتانیا، دوایین پێشهاتەکانى دۆخى عیراق، هەڵبژاردنى ئەنجومەنى نوێنەران و ئەنجامەکانى، پێشکه‌وتنی پرۆسه‌که له‌چاو جارانی پێشوو و گرنگیی یه‌کلاکردنه‌وه‌ی هه‌ر کێشه‌یه‌ک به ڕێکاره یاسایییه‌کان، پەیوەندییەکانى هەولێر ـ بەغدا، سەردانى مانگى ڕابردووى سەرۆک نێچیرڤان بارزانى بۆ لەندەن، هەنگاوەکانى بەرەنگاربوونەوەى پەتاى کۆڤید_19، شەڕى تیرۆر و بەرەنگاربوونەوەى داعش، تاوتوێ کران.
هەردوولا جەختیان لە برەودان بە پەیوەندییەکان کردەوە و هاوڕا بوون لەوەى حکوومەتى داهاتووى عیراق وەڵامدەرەوەى خواست و چاوەڕوانییەکانى خەڵکى هاووڵاتیان بێت. بۆ ڕووبەڕووبوونەوەى پەتاى کۆڤید_19 و کاریگەرییەکانیشى بەتایبەتى لە بوارى پەروەردە و ئابووریدا، فراوانکردنى پرۆسەى کوتانیان بە ڤاکسینى دژى پەتاکە بە پێویست و گرنگ زانى، هەروەها خۆشحاڵییان بە پرۆسەى هەماهەنگیى پێشمەرگە و سوپاى عیراق بە یارمەتیى هاوپەیمانیى نێودەوڵەتی بۆ بەرەنگاربوونەوەى داعش، نیشان دا.
لە بەشێکى دیکەى کۆبوونەوەکەدا سەرۆک نێچیرڤان بارزانى جەختى لە گرنگیى یەکڕیزیى لایەنە کوردستانییەکان لە بەغدا و هەوڵەکانى سەرۆکایەتیى هەرێمى کوردستان لەم پێناوەدا کردەوە، هەروەها سوپاسى پشتگیری و هاوکارییەکانى بەریتانیاى بۆ عیراق و هەرێمى کوردستان کرد و ئاماژەى بە بەردەوامیى بەدواداچوونى ئەنجامى سەردانیان بۆ لەندەن و دیدار و کۆبوونەوەکانى لەگەڵ بەڕێز سەرۆک وەزیران و بەرپرسانى دیکەى بەریتانیا دا و ستایشى ڕۆڵى باڵیۆزخانە و کونسولخانەى بەریتانیاى لە بەغدا و هەولێر لەمبارەیەوە کرد.
تاوتوێکردنى دۆخى ناوچەکە بەگشتى و چەند پرسێکى جێى بایەخى هاوبەش، تەوەرێکى دیکەى کۆبوونەوەکە بوون کە بەڕێز کونسولى گشتیى بەریتانیاش تیایدا ئامادە بوو.
https://presidency.gov.krd/the-president-of-the-kurdistan-region-meets-with-the-british-ambassador-2/
پێشنیوەڕۆى رۆژی پێنجشەممە 2021/10/21 بەڕێز نێچیرڤان بارزانى، سەرۆکى هەرێمى کوردستان، پێشوازى لە بەڕێز یۆناس لۆڤێن، باڵیۆزى تازەى سوید لە عیراق کرد.
لە دیدارێکدا سەرۆک نێچیرڤان بارزانى پیرۆزباییى دەستبەکاربوونى لە بەڕێز باڵیۆز کرد، هیواى سەرکەوتنى بۆ خواست و هەموو پشتگیرییەکى بۆ سەرکەوتنى ئەرکەکەى دووپات کردەوە، هەروەها ستایشى یارمەتییەكانی سویدى بۆ هەرێمی كوردستان كرد.
لاى خۆیەوە بەڕێز باڵیۆزى سوید باسی لە بایەخدانى وڵاتەكە بە پەیوەندییەكانی لەگەڵ عیراق و هەرێمی كوردستان لە هەموو بوارەكاندا کرد بەتایبەتیش هاندانی كۆمپانیا سویدییەكان بۆ وەبەرهێنان لە عیراق و هەرێمی كوردستان.
سەرۆک نێچیرڤان بارزانى هەموو ئامادەیییەکى هەرێمى کوردستانى بۆ پێشوازى لە وەبەرهێنانى سویدى دەربڕى، هەروەها پوختەیەکى دەربارەى یاسای هەڵبژاردن لە عیراق و پرۆسەى دەنگدان و ئەنجامەکانى خستە ڕوو. لەمبارەیەوە سوپاسى هاریکاریى یوونامی، یەكێتیی ئەورووپا و هاوبەشە نێودەوڵەتییەكانى لەگەڵ كۆمسیۆنی باڵای هەڵبژاردنی عیراقدا کرد.
برەودان بە پەیوەندییەکان، تاوتوێکردنى دۆخى ناوچەکە بەگشتى، كاریگەرییەكانی گۆڕانی كەشوهەوا بەتایبەتى لەسەر عیراق، كار و چالاكییەكانی نوێنەرایەتیی حكوومەتی هەرێم و ڕەوەندی كوردستانى لە سوید، تەوەرێکى دیکەى دیدارەکە بوون.
https://presidency.gov.krd/the-president-of-the-kurdistan-region-receives-the-ambassador-of-sweden/
هەولێر، هەرێمی کوردستان، عێراق (GOV.KRD)- ئەمڕۆ پێنجشەممە 21ی ئۆکتۆبەری 2021 ، مەسرور بارزانی سەرۆکی حکومەتی هەرێمی کوردستان، پێشوازی لە یوناس لۆڤێن باڵیۆزی نوێی سوید لە عێراق کرد.
لە کۆبوونەوەکەدا سەرۆکی حکومەت، وێڕای پیرۆزبایی دەستبەکاربوون لە باڵیۆزیی نوێی سوید ، هیوای خواست لە ئەرکەکانیدا سەرکەوتوو بێت لە پێناو برەودانی زیاتر بە پەیوەندییەکانی سوید لە گەڵ عێراق و هەرێمی کوردستان .
باڵیۆزی سوید لە عێراق، سوپاسی هاوکاری و هەماهەنگیی حکومەتی هەرێمی کوردستانی لە گەڵ باڵیۆزخانەی سوید کرد و ئامادەیی وڵاتەکەشی، بۆ پەرەپێدانی هەمەلایەنەی پەیوەندییەکان، لە گەڵ هەرێمی کوردستان دەربڕی .
هەولێر، هەرێمی کوردستان، عێراق (GOV.KRD)- ئەمڕۆ پێنجشەممە 21ی ئۆکتۆبەری 2021 ، مەسرور بارزانی سەرۆکی حکومەتی هەرێمی کوردستان، پێشوازی لە مارک برایسن ریچاردسن باڵیۆزی بەریتانیا لە عێراق کرد.
لە دیدارەکەدا باردۆخی گشتیی عێراق دوای سەرکەوتنی هەڵبژاردنی ئەنجومەنی نوێنەران و پەرەپێدانی پەیوەندییەکانی نێوان هەرێمی کوردستان و بەریتانیا تاووتوێ کرا.
سەرۆکی حکومەت، هیوای خواست ئەنجامی هەڵبژاردنەکان، ببێتە هۆی سەقامگیربوونی دۆخی عێراق و چارەسەرکردنی بنەڕەتی کێشە هەڵپەسێردراوەکانی نێوان هەرێمی کوردستان و حکومەتی فیدراڵی .
چاکسازییەکانی وەزارەتی پێشمەرگە و بەرەنگاربوونەوەی مەترسییەکانی تیرۆریستانی داعش و گرنگیی جێبەجێکردنی ڕێککەوتننامەی شنگال و ئاساییکردنەوەی دۆخی ناوچەکە ، چەند تەوەرێکی دیکەی گفتوگۆکانی دیدارەکە بوون .
پێشنيوه‌ڕۆى ئه‌مڕۆ يه‌كشه‌ممه 2021/10/17 له ده‌وحه به‌ڕێز نێچيرڤان بارزانى، سه‌رۆكى ههرێمى كوردستان له‌گه‌ڵ به‌ڕێز خاوه‌نشكۆ شێخ ته‌ميم بن حه‌مه‌د ئال سانى، ميرى قه‌ته‌ر كۆبووه‌وه.
له كۆبوونه‌وه‌كه‌دا خاوه‌نشكۆ ميرى قه‌ته‌ر دووپاتى كرده‌وه كه وڵاته‌كه‌ى به بايه‌خه‌وه له په‌يوه‌ندييه‌كانى له‌گه‌ڵ عيراق ده‌ڕوانێت و ئارامى و سه‌قامگيريى عێراقى به‌لاوه گرنگه، هه‌روه‌ها ئاماده‌ييى وڵاته‌كه‌ى بۆ بره‌ودان به په‌يوه‌ندييه‌كانى له‌گه‌ڵ ههرێمى كوردستان و عيراق به‌تايبه‌تى له بواره‌كانى ئابوورى و بازرگانى و وه‌به‌رهێناندا ده‌ربڕى.
به‌ڕێزيان خۆشحاڵيى خۆى نيشان دا كه هه‌ڵبژاردن له عيراق به ئارامى به ڕێوه چوو و جه‌ختى له خواستى قه‌ته‌ر بۆ فراوانكردنى بواره‌كانى هاريكاريى هاوبه‌ش له‌گه‌ڵ عيراق و ههرێمى كوردستان كرده‌وه، پوخته‌يه‌كيشى ده‌رباره‌ى دوا سه‌ردانى خۆى بۆ به‌غدا باس كرد و هيواى خواست له هاتنى ئه‌مجاره‌يدا بۆ عيراق، سه‌ردانى ههرێمى كوردستان بكات.
لاى خۆيه‌وه سه‌رۆك نێچيرڤان بارزانى وێڕاى ئاماژه‌دان به ڕۆڵ و كاريگه‌ريى قه‌ته‌ر، خواستى ههرێمى كوردستانى بۆ به‌ره‌وپێشبردنى په‌يوه‌ندييه‌كانى له‌گه‌ڵ قه‌ته‌ر له هه‌موو بواره‌كاندا ده‌ربڕى و دووپاتى كرده‌وه كه ههرێمى كوردستان ئاماده‌يه هه‌موو ئاسانكارييه‌ك بۆ سه‌رمايه‌گوزارى و وه‌به‌رهێنانى قه‌ته‌رى بكات، بۆ ئه‌مه‌ش ياساى وه‌به‌رهێنانى له ههرێمى كوردستان به هاريكار و هانده‌ر له قه‌ڵه‌م دا.
به‌ڕێزيان دووپاتى كرده‌وه كه ههرێمى كوردستان به فاكته‌رى ئارامى و سه‌قامگيرى له عيراق و ناوچه‌كه ده‌مێنێته‌وه، پوخته‌يه‌كيشى ده‌رباره‌ى هه‌ڵبژاردنه‌كانى عيراق و ئه‌نجامه به‌رايييه‌كانى خسته ڕوو، هه‌روه‌ها هيواى خواست حكوومه‌تێكى لێ بكه‌وێته‌وه كه ژيان و گوزه‌ران و خزمه‌تگوزاريى باشتر بۆ هه‌موو پێكهاته‌كانى عيراق دابين بكات.
له ته‌وه‌رێكى ديكه‌ى كۆبوونه‌وه‌كه‌دا هه‌ردوولا هه‌ڵسه‌نگاندنيان بۆ بارودۆخ و پێشهاته‌كانى ناوچه‌كه به‌گشتى كرد و جه‌ختيان له گرنگيى هاريكاريى هاوبه‌ش بۆ پاراستنى ئارامى و سه‌قامگيرى كرده‌وه.
به‌يانيى ئه‌مڕۆ يه‌كشه‌ممه 2021/10/17 به‌ڕێز نێچيرڤان بارزانى، سه‌رۆكى ههرێمى كوردستان له چوارچێوه‌ى سه‌ردانه فه‌رمييه‌كه‌يدا بۆ قه‌ته‌ر، له‌گه‌ڵ به‌ڕێز شێخ خالد بن خه‌ليفه بن عه‌بدولعه‌زيز ئال سانى، سه‌رۆك وه‌زيران و وه‌زيرى ناوخۆى قه‌ته‌ر كۆبووه‌وه.
له كۆبوونه‌وه‌كه‌دا هه‌ڵبژاردنه‌كانى ئه‌نجومه‌نى نوێنه‌رانى عيراق و پێشبنييه‌كان بۆ داهاتووى پرۆسه‌ى سياسى له عيراق، بره‌ودان به په‌يوه‌ندييه‌كانى ههرێمى كوردستان و عيراق له‌گه‌ڵ قه‌ته‌ر به‌تايبه‌تى له بوارى ئابوورى و بازرگانى و كشتوكاڵى و گه‌شتياريدا، په‌تاى كۆڤيد_19، لێكه‌وته‌كانى و پرۆسه‌ى كوتان به ڤاكسينى دژى په‌تاكه له عيراق و قه‌ته‌ر، گه‌شته ڕاسته‌وخۆكانى هێڵى ئاسمانيى قه‌ته‌رى بۆ ههرێمى كوردستان و عيراق، تاوتوێ كران.
هه‌ردوولا جه‌ختيان له په‌ره‌پێدان به په‌يوه‌ندييه‌كانى ههرێمى كوردستان و عيراق له‌گه‌ڵ قه‌ته‌ر كرده‌وه و باسيان له ده‌رفه‌تى سه‌رمايه‌گوزارى و وه‌به‌رهێنانى قه‌ته‌رى له ههرێمى كوردستان و له‌وێشه‌وه بۆ ته‌واوى عيراق كرد وه‌ك بازاڕيكى گه‌و‌ره به‌تايبه‌تى له‌و بوارانه‌دا كه بۆ ههرێمى كوردستان و عيراق پێويستن، هه‌روه‌ها هه‌نگاوه‌كانى كردنه‌وه‌ى كونسولخانه‌ى گشتيى قه‌ته‌ريان له هه‌ولێر تاوتوێ كرد.
دوايين پێشهاته‌كانى به‌ره‌نگاربوونه‌ى تيرۆر و هه‌ڕه‌شه و مه‌ترسييه‌كانى داعش، ڕێگه و شێوازه‌كانى به‌ره‌نگاربوونه‌وه‌ى تيرۆر و بيرى توندڕه‌وى، دۆخى ئاواره‌كان له كه‌مپى ئه‌لهۆل له سووريا، دوايين پێشهاته‌كانى ناوچه‌كه به‌گشتى و چه‌ند پرسێكى جێى بايه‌خى هاوبه‌ش، ته‌وه‌رێكى ديكه‌ى كۆبوونه‌وه‌كه بوون.
ئێواره‌ى ئه‌مڕۆ شه‌ممه 2021/10/16 پاش ئه‌وه‌ى به سه‌ردانێكى فه‌رمى گه‌يشته قه‌ته‌ر، به‌ڕێز نێچيرڤان بارزانى، سه‌رۆكى ههرێمى كوردستان له ده‌وحه‌ى پايته‌خت له‌گه‌ڵ به‌ڕێز شێخ محه‌مه‌د بن عه‌بدولڕه‌حمان ئال سانى، جێگرى سه‌رۆك وه‌زيران و وه‌زيرى ده‌ره‌وه‌ى قه‌ته‌ر كۆبووه‌وه.
له كۆبوونه‌وه‌كه‌دا هه‌ردوولا جه‌ختيان له په‌ره‌پێدان به په‌يوه‌ندييه‌كانى ههرێمى كوردستان و عيراق له‌گه‌ڵ قه‌ته‌ر كرده‌وه و باسيان له ده‌رفه‌تى سه‌رمايه‌گوزارى و وه‌به‌رهێنانى قه‌ته‌رى له ههرێمى كوردستان و له‌وێشه‌وه بۆ ته‌واوى عيراق كرد به‌تايبه‌تى له‌و بوارانه‌دا كه بۆ ههرێمى كوردستان و عيراق پێويستن، هه‌روه‌ها هه‌نگاوه‌كانى كردنه‌وه‌ى كونسولخانه‌ى گشتيى قه‌ته‌ريان له هه‌ولێر تاوتوێ كرد.
دۆخى عيراق و ئه‌نجامه‌كانى هه‌ڵبژاردنى ئه‌نجومه‌نى نوێنه‌ران و پرۆسه‌ى سياسى له وڵات، دوايين پێشهاته‌كانى ناوچه‌كه به‌گشتى و چه‌ند پرسێكى جێى بايه‌خى هاوبه‌ش، ته‌وه‌رێكى ديكه‌ى كۆبوونه‌وه‌كه بوون.
پاشنيوه‌ڕۆى ئه‌مڕۆ شه‌ممه 2021/10/16 به‌ڕێز نێچيرڤان بارزانى، سه‌رۆكى ههرێمى كوردستان، به سه‌ردانێكى فه‌رمى به‌ره‌و ده‌وحه‌ى پايته‌ختى قه‌ته‌ر به‌ڕێكه‌وت.
له سه‌ردانه‌كه‌يدا سه‌رۆك نێچيرڤان بارزانى له‌گه‌ڵ به‌ڕێز خاوه‌نشكۆ شێخ ته‌ميم بن حه‌مه‌د ئال سانى، ميرى قه‌ته‌ر و ژماره‌يه‌ك له به‌رپرسانى ديكه‌ى قه‌ته‌رى كۆده‌بێته‌وه.
له كۆبوونه‌وه‌كاندا بره‌ودان به په‌يوه‌ندييه‌كانى ههرێمى كوردستان و عيراق له‌گه‌ڵ قه‌ته‌ر، دۆخى عيراق و ناوچه‌كه به‌گشتى و چه‌ند پرسێكى جێى بايه‌خى هاوبه‌ش، تاوتوێ ده‌كرێن.
https://presidency.gov.krd/president-nechirvan-barzani-visits-qatar/
دوایین هەواڵەکان
- نوێنەری حکومەتی هەرێم لە ئێران: سەردانەکەی پزیشکیان ئاماژەیە بۆ گرنگیدانی ئێران بە هەرێمی کوردستان
- ههرێمى كوردستان و ئێران جهخت له بره‌ودان به پهيوهندييهكانيان دهكهنهوه
- سهرۆک نێچیرڤان بارزانی: سەردانی سەرۆک کۆماری ئێران مێژوویی بوو
- نازم دەباغ له وتووێژ له‌گه‌ڵ ئاژانسی ئیرنا: مەسعوود پزشکیان سەردانی هەولێر دەکات
- نازم دەباغ: کاتی سەردانی پزیشکیان بۆ عێراق دیار نییە
- «سەلام رشدی» له‌گه‌ڵ شاندی یهکێتی هاورده و ناردنکارانی لقی هه‌ولێر کۆبۆوه
- سه‌رۆك نێچيرڤان بارزانى: ههميشه پشتيوانى و بهرگرى له مافهكانى ئێزدييان دهكهين
- سهرۆک نێچیرڤان بارزانی له‌گه‌ڵ باڵیۆزی یهکێتیی ئهورووپا کۆبووهوه
- سه‌رۆك نێچيرڤان بارزانى له‌گه‌ڵ باڵيۆزى نهمسا كۆبووه‌وه
- سه‌رۆك نێچيرڤان بارزانى سوپاسى جهنهرال ڤاول ده‌كات