هەرێمی کوردستان

   هەرێمی کوردستان

سه‌رۆك نێچيرڤان بارزانى پێشوازى له‌ سه‌رۆكى هه‌نگاريا ده‌كات

نيوه‌ڕۆى ئه‌مڕۆ هه‌ينى، 2022/12/9 به‌ڕێز نێچيرڤان بارزانى، سه‌رۆكى هه‌رێمى كوردستان، له‌ فڕۆكه‌خانه‌ى نێوده‌وڵه‌تيى هه‌ولێر، پێشوازى له‌ خاتوو کاتالین نۆڤاک سه‌رۆكى هه‌نگاريا كرد كه‌ به‌ سه‌ردانێكى فه‌رمى بۆ عێراق و هه‌رێمى كوردستان هێزه‌كانى وڵاته‌كه‌ى له‌ چوارچێوه‌ى هاوپه‌يمانيى نێوده‌وڵه‌تيى دژى داعشدا به‌سه‌رده‌كاته‌وه‌.

دواى به‌سه‌ركردنه‌وه‌ى هێزه‌كانى وڵاته‌كه‌ى و ئەو پڕۆژە مرۆییانه‌ى کە بە سەرپەرشتیی بەرنامەی هاریکاريی هەنگاری لە عێراق و هەرێـمی کوردستان جێبەجێ کراون، بڕياره‌ ئێواره‌ى ئه‌مڕۆ سه‌رۆك نێچيرڤان بارزانى له‌گه‌ڵ خاتوو کاتالین نۆڤاک سه‌رۆكى هه‌نگاريا كۆببنه‌وه‌ و په‌يوه‌ندييه‌كانى عێراق و هه‌رێمى كوردستان له‌گه‌ڵ هه‌نگاريا، هاريكاريى هاوبه‌ش و دۆخى عێراق و ناوچه‌كه‌ به‌گشتى تاوتوێ بكه‌ن.

سه‌رۆكی حکومەتی هەرێمی کوردستان له‌گه‌ڵ‌ سه‌رۆكى هه‌نگاريا كۆبووه‌وه‌

ئه‌مڕۆ شەممە 10ی دیسەمبەر، مەسرور بارزانی، سه‌رۆكى حکومەتی هه‌رێمى كوردستان، له‌گەڵ کاتالین نۆڤاک سه‌رۆكى هه‌نگاريا کۆبووەوە.
له‌ كۆبوونه‌وه‌کەدا،گفتوگۆ دەربارەی پەرەپێدانی په‌يوه‌ندييه‌كانى هه‌نگاريا و هه‌رێمى كوردستان و دوایین پێشهات و گۆڕانکارییەکانی عێراق و ناوچەکە و دۆخی بەیەکەوەژیانی ئاشتییانەی نێوان پێکهاتەکان له‌ هه‌رێمى كوردستان كرا.
سەرۆکی حکومەت خۆشحاڵی خۆی بە سەردانی سەرۆکی هەنگاریا دەربڕی و سوپاسی وڵاتی هەنگاریای کرد کە لە چوارچێوەی هاوپەیمانیی نێودەوڵەتی بەردەوامە لە پشتیوانیکردنی هێزی پێشمەرگەی کوردستان . سەرۆکی حکومەت هەروەها خواستی هەرێمی کوردستانی بۆ پتەوکردنی پەیوەندییەکان لەگەڵ هەنگاریا دووپات کردەوە.
سەرۆکی ھەنگاریا وێڕای ستایشکردنی قارەمانیێتی پێشمەرگە لە ڕووبەڕووبوونەوەی تیرۆریستانی داعش ، ئاماژەی بە ئاسایش و سەقامگیریی و پێشکەوتن و ئاوەدانیی شاری ھەولێر و ھەرێمی کوردستان کرد و ئامادەیی وڵاتەکەشی بۆ پەرەپێدانی ھەمەلایەنەی پەیوەندییەکان لەگەڵ ھەرێمی کوردستان دەربڕی . 
چاکسازییەکانی کابینەی نۆیەم و گرنگیی چارەسەرکردنی کێشەکانی ھەرێمی کوردستان و حکومەتی فیدراڵی لەسەر بنەمای دەستوور، تەوەرێکی دیکەی گفتوگۆکانی کۆبوونەوەکە بوون.

 

 

https://gov.krd/government/the-prime-minister/activities/posts/2022/december/سه-رۆكی-حکومەتی-هەرێمی-کوردستان-له-گه-ڵ-سه-رۆكى-هه-نگاريا-كۆبووه-وه/

سه‌رۆك نێچيرڤان بارزانى له‌گه‌ڵ‌ سه‌رۆكى هه‌نگاريا كۆبووه‌وه‌

ئێواره‌ى ئه‌مڕۆ هه‌ينى، 2022/12/9 به‌ڕێز نێچيرڤان بارزانى، سه‌رۆكى هه‌رێمى كوردستان، له‌ هه‌ولێر‌ پێشوازى له‌ خاتوو کاتالین نۆڤاک سه‌رۆكى هه‌نگاريا كرد.

له‌ كۆبوونه‌وه‌يه‌كدا په‌يوه‌ندييه‌كانى هه‌نگاريا له‌گه‌ڵ عێراق و هه‌رێمى كوردستان، پرۆسه‌ى سياسى و دۆخى عێراق به‌گشتى، كێشه‌كانى هه‌ولێر ـ به‌غدا و گفتوگۆى چاره‌سه‌ركردنى كێشه‌كانيان، شه‌ڕى دژى تيرۆر و مه‌ترسييه‌كانى داعش، دۆخى ئاواره‌ و په‌نابه‌ران و پێكهاته‌كان له‌ هه‌رێمى كوردستان تاوتوێ كران.

هه‌ردوولا جه‌ختيان له‌ خواستى دوولايه‌نه‌ بۆ بره‌ودان به‌ په‌يوه‌ندييه‌كان و هاريكاريى هاوبه‌ش له‌ هه‌موو بواره‌كاندا كرده‌وه‌، هه‌روه‌ها به‌رده‌واميى هاوكارى و پشتگيريى هاوپه‌يمانيى نێوده‌وڵه‌تييان بۆ عێراق و هه‌رێمى كوردستان به‌ پێويست زانى بۆ به‌ره‌نگاربوونه‌وه‌ى تيرۆر و له‌ناوبردنى يه‌كجاره‌كيى داعش.

سه‌رۆك نێچيرڤان بارزانى، وێڕاى خۆشحاڵى به‌ سه‌ردانى سه‌رۆكى هه‌نگاريا، سه‌ردانه‌كه‌ى به‌ نيشانه‌ى پشتگيرى له‌ هه‌رێمى كوردستان له‌ قه‌ڵه‌م دا و سوپاس و پێزانينى هه‌رێمى كوردستانى بۆ پشتگيريى سه‌ربازيى هه‌نگاريا بۆ عێراق و هه‌رێمى كوردستان له‌ كاتى شه‌ڕى دژى داعشدا، هه‌روه‌ها يارمه‌تيى مرۆيييان به‌تايبه‌تى بۆ مه‌سيحى و ئێزدييان ده‌ربڕى.

لاى خۆيه‌وه‌ خاتوو کاتالین نۆڤاک سه‌رۆكى هه‌نگاريا سوپاس و پێزانينى وڵاته‌كه‌ى بۆ قوربانييه‌كان و ڕۆڵى پێشمه‌رگه‌ له‌ تێكشكاندنى داعشدا ده‌ربڕى و به‌رده‌واميى هاريكاريى هاوبه‌ش و كارى پێكه‌وه‌ى وڵاته‌كه‌ى له‌گه‌ڵ عێراق و هه‌رێمى كوردستان بۆ نه‌هێشتنى تيرۆر دووپات كرده‌وه‌، هه‌روه‌ها داعش و تيرۆرى به‌ مه‌ترسى بۆ سه‌ر ئازادى و ديموكراسى له‌ قه‌ڵه‌م دا و سوپاسى هه‌رێمى كوردستانى كرد بۆ پێكه‌وژيان و لێبورده‌يى و پاراستنى ئاواره‌ و په‌نابه‌ران و پێكهاته‌كان به‌تايبه‌تيش پێكهاته‌ى مه‌سيحى و ئێزدى.

په‌يوه‌ندييه‌كانى عێراق و هه‌رێمى كوردستان له‌گه‌ڵ وڵاتانى دراوسێ و ناوچه‌كه‌، گرنگيى پاراستنى سه‌قامگيرى و سه‌روه‌ريى عێراق، شه‌ڕ له‌ ئۆكراينا و لێكه‌وته‌كانى و چه‌ند پرسێكى ديكه‌ى جێى بايه‌خى هاوبه‌ش، ته‌وه‌رێكى ديكه‌ى كۆبوونه‌وه‌كه‌ بوو.

 

https://presidency.gov.krd/president-nechirvan-barzani-meets-with-hungarian-president/

سەرۆکی حکومەتی هەرێمی کوردستان و سەرۆکی ئیمارات پەیوەندییەکی تەلەفۆنیان ئەنجامدا

هەولێر، هەرێمی کوردستان (GOV.KRD)- ئێوارەی ئەمڕۆ چوارشەممە 7ی دیسەمبەر، مەسرور بارزانی سەرۆکی حکومەتی هەرێمی کوردستان، پەیوەندییەکی تەلەفۆنی لەگەڵ سەرۆکی میرنشینی عەرەبیی یەکگرتوو (ئیمارات) شێخ محەمەد بن زاید ئالنەهیان ئەنجامدا.
لە پەیوەندییەکەدا،گفتوگۆ دەربارەی پەرەپێدانی پەیوەندی دوولایەنە بە تایبەتی برەودان بە ئاڵوگۆڕی بازرگانی و وەبەرهێنان کرا.
سەرۆکی حکومەت سوپاسی سەرۆکی ئیماراتی کرد بۆ پشتیوانیی و هاریکاریی و هاوئاهەنگیی بەهێزی بەرپرسانی دەوڵەتی ئیمارات بۆ سەرخستنی پڕۆژەی هەناردەکردنی بەروبوومی کشتوکاڵی هەرێمی کوردستان بەتایبەتی هەنار بۆ ئیمارات و لەوێوەشەوە بۆ وڵاتانی کەنداو. 
سەرۆکی حکومەت جەختی لەوە کردەوە کە هەرێمی کوردستان، دەتوانێت بەهاوکاری ولاتانی ناوچەکە، ڕۆڵێکی گرنگ لە دابینکردنی ئاسایشی خۆراکدا بگێڕێ، ئاماژەی بەوەشدا کە هەناردەکردی هەنار، دەستپێکی هەناردەکردنی چەندین بەروبوومی دیکەی هەرێمی کوردستانە، لەوانە ، سێو و ترێ و هەنگوین. 
هەردوولا هاوڕابوون لە سەر بەهێزکردنی پەیوەندیی دوولایەنە لە هەموو بوارەکاندا .

07 کانونی یەکەم 2022
 
 
https://gov.krd/government/the-prime-minister/activities/posts/2022/december/سەرۆکی-حکومەتی-هەرێمی-کوردستان-و-سەرۆکی-ئیمارات-پەیوەندییەکی-تەلەفۆنیان-ئەنجامدا/

سەرۆکی حکومەت پێشوازی لە شاندێکی ئەڵمانی دەکات

هەولێر، هەرێمی کوردستان (GOV.KRD)- ئەمڕۆ چوارشەممە 7ی دیسەمبەر، مەسرور بارزانی سەرۆکی حکومەتی هەرێمی کوردستان، پێشوازی لە شاندێکی ئەڵمانی کرد کە لە تۆبياس تۆنكل بەڕێوەبەری بەشی ڕۆژهەڵاتی ناوەڕاست و باکووری ئەفریقا لە وەزارەتی دەرەوەی ئەڵمانیا و مارتن یێگەر باڵیۆزی ئەڵمانیا لە عێراق و کلاوس شترایشەر كونسولی گشتی ئەڵمانیا لە هەرێمی كوردستان پێکهاتبوو.
لە کۆبوونەوەکەدا گفتوگۆ دەربارەی بارودۆخی گشتیی عێراق و ناوچەکە و پەرەپێدانی پەیوەندییەکانی هەرێمی کوردستان و ئەڵمانیا کرا.
تەوەرێکی دیکەی کۆبوونەوەکە، تایبەت بوو بە گرنگیی جێبەجێکردنی ڕێککەوتننامەی شنگال و دەرچوونی میلیشیا و هێزە چەکدارە نایاساییەکان و زەمینەسازکردن بۆ ئاساییکردنەوەی بارودۆخی ئەو ناوچەیە و گەڕانەوەی ئاوارەکان بۆ شوێنەکانیان.

 
 
 
 
 
 
 
 

 

 

https://gov.krd/government/the-prime-minister/activities/posts/2022/december/سەرۆکی-حکومەت-پێشوازی-لە-شاندێکی-ئەڵمانی-دەکات/

سه‌رۆك نێچيرڤان بارزانى پێشوازی لە شاندێكی وەزارەتی دەرەوەی ئەڵمانیا كرد

نیوەڕۆی ئەمڕۆ چوارشەممە 7/12/2022 بەڕێز نێچیرڤان بارزانی، سەرۆكی هەرێمی ‏كوردستان، پێشوازی لە بەڕێز تۆبياس تونكێل بەرپرسی دۆسیەی ڕۆژهەڵاتی ‏ناوەڕاست لە وەزارەتی دەرەوەی ئەڵمانیا و شاندێكی یاوەری كرد كە باڵیۆزی ‏ئەڵمانیا لە بەغدا و كونسولی گشتییان لە هەرێمی كوردستان یاوەری بوون.‏

لە كۆبوونه‌وه‌يه‌كدا پەیوەندییەكانی ئەڵمانیا لەگەڵ عێراق و هەرێمی كوردستان، ‏دۆخی ناوچەكە بەگشتی، پەیوەندییەكانی هەولێر ـ بەغدا، پەیوەندییەكانی عێراق و ‏هەرێمی كوردستان لەگەڵ وڵاتانی دراوسێ، خرانەی بەر باس و گفتوگۆ.‏

سەرۆك نێچیرڤان بارزانی سوپاسی هاوكارییە سەربازی و مرۆییيەكانی ئەڵمانیاى بۆ ‏هەرێمی كوردستان لە شەڕی دژی تیرۆردا كرد و پوختەیەكی دەربارەی دوا ‏سەردانی بۆ بەغدا و دیدار و كۆبوونەوەكانی لەگەڵ بەرپرسانی باڵای عێراق خستە ‏ڕوو.‏

بەڕێز تۆبياس تونكێل باسی لە ئامانج و به‌رنامه‌ى سەردانەكەی بۆ هەرێمی ‏كوردستان و ناوچەكە كرد و ویستی وڵاتەكەی لە بەردەوامیی هاوكارى و پشتگيرى ‏بۆ عێراق و هەرێمی كوردستان و چارەسەركردنی كێشە هەڵواسراوەكانی هەولێر ـ ‏بەغدا، نیشان دا.‏

دۆخی ئەمنیی ناوچەكە بە گشتی، دۆخی ئاوارە و پەنابەران و ڕەخساندنی زەمینە ‏بەمەبەستی گەڕانەوەیان بۆ زێدی خۆیان و جێبەجێكردنی ڕێككەوتنی شەنگال، ‏لایەنێكی دیكەی دیدارەكە بوو كه‌ تيايدا جه‌خت له‌ به‌رده‌واميى يارمه‌تيى مرۆييى ‏ئه‌ڵمانيا بۆ ئاواره‌ و په‌نابه‌ران دووپات كرايه‌وه‌.‏

 

https://presidency.gov.krd/president-nechirvan-barzani-receives-a-delegation-from-the-german-foreign-ministry/

پەڕەى 8 لەکۆى 293 پەڕەدا

دوایین هەواڵەکان

هەواڵی زیاتر لە تویتەر

راپۆرتە پڕ بینەرەکان

حالت های رنگی