بە بۆنەی کۆچی دوایی هونەرمەندی ناسراوی کوردستان، مامۆستا کەریم کابان، بەڕێز مەسعود بارزانی سەرۆکی هەرێمی کوردستان پەیامێکی هاوخەمیی ئاراستەی خانەوادەی ئەو هونەرمەندە و سەرجەم هونەرمەندانی کوردستان کرد، کە ئەمە دەقەکەیەتی:



بەناوی خوای گەورە و میهرەبان

خانەوادەی بەڕێزی هونەرمەندی کۆچکردوو مامۆستا کەریم کابان

هەواڵی کۆچی دوایی هونەرمەندی ناوداری کوردستان مامۆستا کەریم کابان هەموومانی خەمبار کرد. ئەو هونەرمەندە نیشتیمانپەروەرە هەموو تەمەنی خۆی بۆ خزمەتکردنی هونەری کوردستان تەرخان کرد و بەرهەمێکی زۆری پێشکەشی گەلەکەمان کرد و جێ دەستی دیارە و کۆچی دواییشی کەلێنێکی گەورەیە.

لەم بۆنە خەمناکەدا هاوخەمیی خۆم ئاراستەی خێزان و کەسوکار و هاوڕێ و هەوادارانی ئەم هونەرمەندە گەورەیە و سەرجەم هونەرمەندانی کوردستان دەکەم و له‌ پەروەردگاری مەزن داواكارم سه‌بووریی و دڵنه‌وایی به‌ هه‌موو لایه‌ك ببه‌خشێت و خوالێخۆشبوویش بخاتە به‌ر دلۆڤانیی خۆی.

انا للە وانا الیە راجعون

مسعود بارزانی

سەرۆکی هەرێمی کوردستان

١٤ـی١ـی٢٠١٦