ڕۆژی دووشەممە 4ـی 4ـی 2016 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە ڕیاز حجاب سەرۆكی دەستەی باڵای دانوساندنەكانی ئۆپۆزیسیۆنی سووریا كرد.

لە دیدارەكەدا بیروڕا لەبارەی بارودۆخی سیاسی و دواپێشهاتەكانی سووریا و هەروەها گفتوگۆ و دانوساندنەكانی جێنێڤ لەمەڕ چارەسەركردنی قەیرانی سووریا ئاڵوگۆڕ كرا.

هەر لەم دیدارەدا سەرۆك بارزانی هیوای ئەوەی خواست كە دانوساندنەكانی جێنێڤ بە خێر و لە بەرژەوەندیی خەڵكی سووریا بگاتە ئەنجام و پشتیوانیی خۆیشی دەربڕی بۆ هەر هەوڵێك كە ببێتە هۆی كۆتاییهێنان بە ئێش و ئازارەكانی گەلی سووریا.