لە بەردەوامی بەرەوپێشچوونی پەیوەندیەكان وفراوانبوونی بواری هاوكاری لە نێوان هەرێمی كوردستان و ئیتاڵیا لە گشت بوارەكاندا و ئارەزووی هەردولا بۆ بەرزكردنەوەی ئاستی نوێنەرایەتی ئیتاڵیا لە هەرێمی كوردستان. حكومەتی ئیتاڵیا بریاریدا ئاستی نووسینگەی باڵیۆزخانەی خۆی بەرزبكاتەوە بۆ كونسوڵگەری گشتی لە ساڵی رابردوو.
لەسەر راسپاردەی وەزارەتی دەرەوە، ئەنجومەنی وەزیرانی عێراقی فیدڕاڵ لە كۆبوونەوەی ئاسایی خۆی ژمارە 7 لە ریكەوتی 2014/2/18 ڕەزامەندی لەسەر ئەو داواكاریە نیشاندا بۆ كردنەوەی كونسوڵگەری گشتی ئیتاڵیا لە هەولێر.
فەلاح مستەفا بەرپرسی پەیوەندیەكانی دەرەوە ڕاگەیاند خۆشحاڵین بەو بڕیارە و پێشوازی لێ دەكەین ئەوەش دەبێتە مایەی دەرفەتی زیاتر بۆ بەرەوپێش بردنی پەیوەندیەكان لەگەڵ ئیتاڵیا لە بواری سیاسی و ئابوری و بازرگانی و رۆشنیری و كەلتوری و پێشكەش كردنی خزمەتگوزاری كونسوڵگەری و پێدانی ڤیزە بە هاوڵاتیانی هەرێم وهاوڵاتیانی ئیتاڵیا كە لە هەرێم كاردەن.
شایانی باسە حكومەتی ئیتاڵیا لە ساڵی 2008 نووسینگەی هەماهەنگی لە هەولێر كردەوە لە ساڵێ 2011 ئاستی بەرزكردەوە بۆ نووسینگەی باڵیۆزخانە.