لە فەڕەنسا كار بۆ دادگایی كردنی ئەو كۆمپانیایانە دەكرێ كە هاوكاری رژێمیان كردووە بۆ بەدەست هێنانی چەكی كیمیاوی
سەر لەبەیانی ئەمڕۆ 20/1/2014 ئارام ئەحمەد محەمەد وەزیری كاروباری شەهیدان و ئەنفال كراوان پێشوازی كرد لە پارێزەری فەرەنسی كابریل میرون، پارێزەری داكۆكی كار لە مافی قوربانیان كە لە ئێستادا لەولاتەكەی كار بۆ دادگایی كردنی ئەو كۆمپانیایانە دەكات كە هاوكاری رژێمی پێشوویان كردوە بۆ بەدەست هێنانی چەكی كیمیاوی.
لە دیدارەكەدا كابریل میرون كورتەیەكی لەبارەی جولاندنی كەیسی دادگایی كردنی ئەو كۆمپانیایانە كرد لە ولاتی فەرەنسا و رایگەیاند كە لە ئیستادا لە رێگای وەزارەتی دادی فەرەنسی ئەم پرسە جولاوە و حكومەتی فەرەنسی رەزامەند بووە بۆ داوایەكی لەم جۆرە و كاری لەسەر دەكرێ و لە ئێستادا لە قوناغی لیكولینەوەدایە و هیوای خواست كە بتوانێ ماف بۆ قوربانیان بگێرێتەوە لە رێگای دادگاكاندا.
لە لایەن خۆیەوە ئارام ئەحمەد محەمەد وەزیری كاروباری شەهیدان و ئەنفالكراوان وێرای دەستخۆشی كردن لەو پارێزەرە هەنگاوێكی لەم جۆرەی بە گرنگ زانی بۆ بەنێو نەتەوەیی كردنی كەیسی جینۆساید و گێرانەوە ماف بۆ قوربانیان بە سزا گەیاندنی ئەو كۆمپانیایانەی كە هاوكاری رژێمی پێشوو عیراقیان كردوە بۆ بەدەست هێنانی چەكی كیمیاوی و بەكار هێنانی بۆ جینوساید كردنی كورد.
هەروەك پشتگیری وەزارەتی كاروباری شەهیدان بۆ ئەو هەوڵانە دوپات كردەوە و هیوای خواست لە ولاتانی تریش هەمان هەنگاو بگیرێتە بەر بۆ ئەوە ئەم كەیسە لەو ولاتانە كاری لەسەر بكرێت
هەروەك بە ئەنجام گەیاندنی كەیسێكی لەم جۆرە گرنگی خۆی دەبێ بۆ بەنێو نەتەوەیی ناساندنی جینوساید و راگەیاند ئەم پرسە قوناغی باشی بریوە لە ئیستادا.
نیوه‌ڕۆى ئه‌مڕۆ 19ى یه‌نایه‌رى 2014، نێچیرڤان بارزانى سه‌رۆك وه‌زیرانى هه‌رێمى كوردستان به سه‌رۆكایه‌تیى شاندێكى باڵاى هه‌رێمى كوردستان گه‌یشته به‌غدا و دواى نیوه‌ڕۆ له‌گه‌ڵ شاندى حكوومه‌تى عیراق به سه‌رۆكایه‌تیى حسێن شه‌هرستانى جێگرى سه‌رۆك وه‌زیران بۆ كاروبارى وزه كۆ بووه‌وه.
كۆبوونه‌وه‌كه له كه‌شێكى ئه‌رێنى و دۆستانه و زۆر ڕاشكاوانه‌دا به ڕێوه چوو و تیایدا هه‌ردوولا تێبینى و دیدى خۆیان له‌سه‌ر پێشنیاره‌كان بۆ چاره‌سه‌ركردنى كێشه‌كان به ڕاشكاوانه پێشكه‌ش كرد و هه‌ردوولا ویستى ته‌واوى خۆیان ده‌ربڕى بۆ ئه‌وه‌ى هه‌وڵى جددى بده‌ن تا بگه‌نه ئه‌نجامێكى گونجاو كه له به‌رژوه‌ندیى هه‌موو خه‌ڵكى عیراقدا بێت و تایبه‌تمه‌ندیى هه‌رێمى كوردستانیش له‌به‌رچاو بگیرێت. هه‌روه‌ها گفتوگۆیه‌كى تێروته‌سه‌ل له‌سه‌ر پێشنیاره‌كانى هه‌ردوولا كرا كه پێشتر له لایه‌ن حكوومه‌تى فیدرال و حكوومه‌تى هه‌رێمى كوردستانه‌وه پێشكه‌ش به یه‌كتر كرابوون.
له كۆبوونه‌وه‌كه‌دا چه‌ندین خاڵى هاوبه‌ش و چه‌ندین خاڵى ناكۆك گفتوگۆیان له‌سه‌ر كرا و هه‌ردوولا پێیان باش بوو كه هه‌رلایه‌نه‌ى لاى خۆیه‌وه دیراسه‌تى خاڵه ناكۆكه‌كان بكه‌ن و ئێواره دواى كۆبوونه‌وه له‌گه‌ڵ نوورى مالیكى سه‌رۆك وه‌زیرانى عیراقى فیدرال، دانیشتنێكى دیكه وه‌ك به‌رده‌وامیى كۆبوونه‌وه‌كه ئه‌نجام بدرێت و به مه‌به‌ستى گه‌یشتن به چاره‌سه‌رێكى گونجاو، ئه‌نجامى دیراسه‌تى خاڵه ناكۆكه‌كان بخه‌نه‌وه به‌ر باس و گفتوگۆ.
شاندى باڵاى هه‌رێمى كوردستان له د. ڕۆژ نوورى شاوه‌یس جێگرى سه‌رۆك وه‌زیرانى عیراق و ئاشتى هه‌ورامى وه‌زیرى سامانه سروشتییه‌كان و چه‌ند به‌رپرسیكى دیكه‌ى هه‌رێم و شاندى عیراقیش له وه‌زیرى نه‌وت و وه‌زیرى دارایى و چه‌ند به‌رپرسێكى دیكه پێك هاتبوو.
ئێواره‌ى ئه‌مڕۆ 19ى یه‌نایه‌رى 2014 له به‌غدا شاندى باڵاى هه‌رێمى كوردستان به سه‌رۆكایه‌تیى نێچیرڤان بارزانى سه‌رۆك وه‌زیرانى هه‌رێمى كوردستان، له‌گه‌ڵ نوورى مالیكى سه‌رۆك وه‌زیرانى عیراق كۆ بووه‌وه. له كۆبوونه‌وه‌كه‌دا ڕه‌وش و پیشهاته سیاسى و ئه‌منییه‌كانى ئێستاى عیراق و كێشه‌كانى هه‌ولێر و به‌غدا و ڕووداو و پێشهاته‌كانى ناوچه‌كه به گشتى و كاریگه‌رییان له‌سه‌ر عیراق و وڵاتانى ده‌وروبه‌ر خرایه به‌ر باس و گفتوگۆ.
له كۆبوونه‌وه‌كه‌دا كه به هه‌مان شێوه‌یه‌ى كۆبوونه‌وه‌ى یه‌كه‌مى هه‌ردوو شاندى هه‌رێمى كوردستان و حكوومه‌تى عیراق، له كه‌شێكى ئه‌رێنى و ڕاشكاوانه‌دا به ڕێوه چوو، گرنگترین خاڵه دیاره‌كانى كێشه و ناكۆكییه‌كانى هه‌ولێر و به‌غدا چۆنیه‌تیى دۆزینه‌ى ڕێگه‌چاره‌ى گونجاو له به‌رژوه‌ندیى هه‌موو عیراقدا تاوتوێ كران و نێچیرڤان بارزانى و نوورى مالیكى ویستى دوولایه‌نه‌یان بۆ چاره‌سه‌ركردنى هه‌موو كێشه‌كان له ڕێگه‌ى دیالۆك و لێكگه‌یشتنه‌وه دووپات كرده‌وه.
دواى ئه‌وه‌ش بۆ جارى دووه‌م هه‌ردوو شاندى هه‌رێمى كوردستان و حكوومه‌تى عیراقى فیدرال كۆ بوونه‌وه و له كه‌شێكى ئه‌رێنیتر و دۆستانه‌تردا، خاڵه ناكۆكه‌كانیان خسته‌وه به‌ر باس و گفتوگۆ و تیشكیان خسته سه‌ر ورده‌كارییه‌كان و چه‌ند هه‌نگاوێك له یه‌كتر نزیك بوونه‌وه. له كۆتاییدا بڕیار درا له‌ژێر ڕۆشناییى ئه‌نجامى كۆبوونه‌وه و گفتوگۆ‌كان، شاندى حكوومه‌تى عیراق ڕه‌شنووسێك ئاماده بكات و له چه‌ند ڕۆژى داهاتوودا بینێرنه هه‌ولێر بۆ ئه‌وه‌ى له وێ دیراسه بكرێت و هه‌ردوولا دانیشتنى دیكه‌ى له‌سه‌ر ساز بكه‌ن.
جێى باسه نیوه‌ڕۆى ئه‌مڕۆ نێچیرڤان بارزانى سه‌رۆك وه‌زیرانى هه‌رێمى كوردستان به سه‌رۆكایه‌تیى شاندێكى باڵاى هه‌رێمى كوردستان گه‌یشته به‌غدا و دواى نیوه‌ڕۆ له‌گه‌ڵ شاندى حكوومه‌تى عیراق به سه‌رۆكایه‌تیى حسێن شه‌هرستانى جێگرى سه‌رۆك وه‌زیران بۆ كاروبارى وزه كۆ بووه‌وه.
كۆبوونه‌وه‌كه له كه‌شێكى ئه‌رێنى و دۆستانه و زۆر ڕاشكاوانه‌دا به ڕێوه چوو و تیایدا هه‌ردوولا تێبینى و دیدى خۆیان له‌سه‌ر پێشنیاره‌كان به ڕاشكاوانه پێشكه‌ش كرد و هه‌ردوولا ویستى ته‌واوى خۆیان ده‌ربڕى بۆ ئه‌وه‌ى هه‌وڵى جددى بده‌ن تا بگه‌نه ئه‌نجامێكى گونجاو كه له به‌رژوه‌ندیى هه‌موو خه‌ڵكى عیراقدا بێت و تایبه‌تمه‌ندیى هه‌رێمى كوردستانیش له‌به‌رچاو بگیرێت. هه‌روه‌ها گفتوگۆیه‌كى تێروته‌سه‌ل له‌سه‌ر پێشنیاره‌كانى هه‌ردوولا كرا كه پێشتر له لایه‌ن حكوومه‌تى فیدرال و حكوومه‌تى هه‌رێمى كوردستانه‌وه پێشكه‌ش به یه‌كتر كرابوون.
له كۆبوونه‌وه‌كه‌دا چه‌ندین خاڵى هاوبه‌ش و چه‌ندین خاڵى ناكۆك گفتوگۆیان له‌سه‌ر كرا و هه‌ردوولا پێیان باش بوو كه هه‌رلایه‌نه‌ى لاى خۆیه‌وه دیراسه‌تى خاڵه ناكۆكه‌كان بكه‌ن و ئێواره دواى كۆبوونه‌وه له‌گه‌ڵ نوورى مالیكى سه‌رۆك وه‌زیرانى عیراقى فیدرال، دانیشتنێكى دیكه وه‌ك به‌رده‌وامیى كۆبوونه‌وه‌كه ئه‌نجام بدرێت و به‌مه‌به‌ستى گه‌یشتن به چاره‌سه‌رێكى گونجاو، ئه‌نجامى دیراسه‌تى خاڵه ناكۆكه‌كان بخه‌نه‌وه به‌ر باس و گفتوگۆ.
شاندى باڵاى هه‌رێمى كوردستان له د. ڕۆژ نوورى شاوه‌یس جێگرى سه‌رۆك وه‌زیرانى عیراق و ئاشتى هه‌ورامى وه‌زیرى سامانه سروشتییه‌كان و چه‌ند به‌رپرسیكى دیكه‌ى هه‌رێم و شاندى عیراقیش له وه‌زیرى نه‌وت و وه‌زیرى دارایى و چه‌ند به‌رپرسێكى دیكه پێك هاتبوو.
له لێدوانێكى تایبه‌تدا بۆ ماڵپه‌ڕى فه‌رمیى حكوومه‌ت، سه‌فین دزه‌یى وته‌بێژى فه‌رمیى حكوومه‌تى هه‌رێمى كوردستان ڕایگه‌یاند: سبه‌ى یه‌كشه‌ممه 19ى یه‌نایه‌رى 2014 شاندێكى حكوومه‌تى هه‌رێمى كوردستان به سه‌رۆكایه‌تیى نێچیرڤان بارزانى سه‌رۆك وه‌زیرانى هه‌رێمى كوردستان سه‌ردانى به‌غدا ده‌كات.
دزه‌یى هه‌روه‌ها گوتى: دوابه‌دواى ئه‌و لێكگه‌یشتنه‌ى له سه‌ردانى ڕابردووى شاندى حكوومه‌تى هه‌رێمى كوردستان بۆ به‌غدا له بیست و پێنجى دیسه‌مبه‌رى 2013دا دروست بوو، كه تیایدا هه‌ردوولا چه‌ندین بیروڕا و تێڕوانینیان بۆ چاره‌سه‌ركردنى كێشه‌كان پێشنیار و ئاڵوگۆڕ كرد، له‌م سه‌ردانه‌شدا شاندى حكوومه‌تى هه‌رێم له‌گه‌ڵ حكوومه‌تى به‌غدا گفتوگۆ له‌سه‌ر پرسى بودجه و دۆسیه‌ى نه‌وت و كێشه‌كانى دیكه‌ى نێوان هه‌ولێر و به‌غدا ده‌كات و به‌مه‌به‌ستى گه‌یشتن به ئه‌نجامێك له‌سه‌ر بنه‌ماى به‌رژوه‌ندیى هه‌موو خه‌ڵكى عیراق، دانوستان و ورده‌كاریى زیاتر ده‌خه‌نه ڕوو و تاوتوێ ده‌كه‌ن.
وته‌بێژى فه‌رمیى حكوومه‌ت هه‌روه‌ها گوتى: حكوومه‌تى هه‌رێمى كوردستان له‌سه‌ر بنه‌ما یاسایى و ده‌ستوورییه‌كان؛ كۆمه‌ڵێك پێشنیارى كۆنكریت و پراكتیكى پێشكه‌ش به حكوومه‌تى عیراق كردووه، به‌و ئومێده‌ى له دیداره‌كانى سبه‌یدا ئه‌نجامێكیان لێ بكه‌وێته‌وه. هه‌روه‌ها حكوومه‌تى هه‌رێمى كوردستان هه‌میشه بڕواى به‌وه بووه كه چاره‌سه‌ركردنى كێشه‌كان له ڕێگه‌ى دیالۆگ و گفتوگۆ و لێكگه‌یشتنه‌وه بێت و له دیداره‌كانى بیست و پێنجى دیسه‌مبه‌رى ڕابردووشدا هه‌ر له‌سه‌ر ئه‌م بنه‌مایه هه‌ردوولا گه‌یشتنه لێكگه‌یشتنێك.
سەرۆكی هەرێمی كوردستان لەلایەن سەرۆك كۆماری نەمساوە پێشوازی لێكرا
به‌ڕێز مه‌سعود بارزانی سه‌رۆكی هه‌رێمی كوردستان له‌لایه‌ن هانز فیشێر سه‌رۆك كۆماری نه‌مسا پێشوازیی لێكراو دواتر سه‌رۆكی هه‌رێمی كوردستان و سه‌رۆك كۆماری نه‌مسا له كۆشكی كۆماری له نه‌مسا كۆنگره‌یه‌كی رۆژنامه‌وانیان سازكرد .
له كۆنگره رۆژنامه‌وانیه‌كه‌دا سه‌رۆكی هه‌رێم و هانز فیشێر دووپاتیان له به‌هێزی په‌یوه‌ندیه‌كانی هه‌رێمی كوردستان نه‌مسا كرد_ه‌وه . پاشان سه‌رۆك بارزانی له باره‌ی ره‌وشی عێراق رایگه‌یاند كه له ئێستادا ئێمه خه‌ریكین كه ئه‌م ڕه‌وشه‌ى ئێستا ده‌گوزه‌رێت هێوربكه‌ینه‌وه .
له لایه‌ن خۆشیه‌وه سه‌رۆك كۆماری نه‌مسا خۆشحاڵی خۆی به سه‌ردانه‌كه‌ى سه‌رۆكی هه‌رێمی كوردستان بۆ نه‌مسا نیشاندا.
لەبارەی پەرەسەندنی سیاسی ئەمڕۆی عیراق و پەیوەندیەكانی نێوان بەغدا و هەولێر سەرۆكی هەرێم ئاماژەی بەوەدا دەستوور چۆنیەتی ھەڵسوکەوتی لەگەڵ وزە و نەوت ئاشکرا کردووە و حکومەتی ھەرێمی کوردستان بەپێی ئەو دەستوورە دەجوڵێتەوە، بۆیە ھیچ کات سازش لەسەر مافە دەستوورییەکانمان ناکەین.
شیاوى باسه ئه‌و شانده‌ی یاوه‌ریی سه‌رۆك بارزانی ده‌كه‌ن له‌م گه‌شته ئه‌وروپییه‌دا پێكهاتووه له به‌ڕێزان فوئاد حوسێن سه‌رۆكی دیوانی سه‌رۆكایه‌تی هه‌رێمی كوردستان و ئاشتی هه‌ورامی وه‌زیری سامانه سروشتییه‌كانی حكوومه‌تی هه‌رێم و فه‌لاح مسته‌فا به‌رپرسی په‌یوه‌ندییه‌كانی ده‌ره‌وه‌ی حكوومه‌تی هه‌رێم و ژماره‌یه‌ك له راوێژكاران.
بەبۆنەی كۆتایی هاتنی كارەكانی باڵیۆزی ژاپۆن لە عیراق، سەردانی فەرمانگەی پەیوەندیەكانی دەرەوەی كرد
بەبۆنەی كۆتایی هاتنی كارەكانی وەك باڵیۆزی ژاپۆن لە عیراق، ئەمڕۆ بەڕێز ماساتۆ تاكاوكا سەردانی فەرمانگەی پەیوەندیەكانی دەرەوەی كردو لەلایەن فەلاح مستەفا بەرپرسی پەیوەندیەكانی دەرەوەی حكومەت پێشوازی لێكرا.
لە دیدارەكەدا كە خاتوو سوهام جەبەلی یاریدەدەری بەرپرسی فەرماگە ئامادەبوو، فەلاح مستەفا ستایشی رۆلی باڵیۆزی ژاپۆنی كرد كە لە ماوەی كاركردنی لە عیراق رۆلی بەرچاوی هەبووە لە پێشخستنی پەیوەندیەكانی نێوان هەرێمی كوردستان و وڵاتی ژاپۆن. هاوكات ئامادەیی فەرمانگەی پەیوەندیەكانی نیشاندا بۆ هەر هەنگاوێكی تازە بۆ فراوانكردنی بواری پەیوەندیە دوقۆڵیەكان.
هەروا گوتی : حكومەتی هەرێم بایەخی تایبەت بە پەیوەندیەكانی لەگەڵ ژاپۆن دەدات و ئارەزووی تەواوی هەیە بۆ پتەوتر كردنی پەیوەندیەكانی لەگەڵ ئەم وڵاتە و دەمانەوێت سوود لەو ئەزموونە دەوڵەمەندەی ژاپۆن وەرگرین بۆ بونیادنانەوەی وڵاتەكەمان و پێمان وایە ژاپۆن دەتوانێت هاوكارمان بێت لە گشت بوارەكاندا.
فەلاح مستەفا سوپاسی باڵیۆزی ژاپۆن و گەل وحكومەتی ژاپۆنی كرد بۆ هاوكاری كردنی ئاوارەكانی سوریا لە هەرێم، بە تایبەت باڵیۆزی ژاپۆن كە خۆی لە نزیكەوە كەمپەكانی ئاوارەكانی سوریای بەسەركردۆتەوەو ئەمڕۆش سەردانی كەمپی باسرمەی كردووە.
لەبەرامبەردا باڵیۆز ماساتۆ خۆشحاڵی خۆی بەو سەردانە دەربڕی دووپاتیكردەوە حكومەتی ژاپۆن بڕوای وایە حكومەتی هەرێم سەركەوتوانە هەوڵەكانی خستۆتەگەڕ بۆ گەشەپێدانی هەرێم و پەرەدان بە پەیوەندیە دەركیەكان. هەروا سوپاسی فەرمانگەی پەیوەندیەكانی دەرەوەی حكومەتی كرد كە هەمیشە هاوكارو هەمانگكاربوونە لەگەڵ باڵیۆزخانەی وڵاتەكەی بۆ سەرخستنی بەرنامەو چالاكیەكانی ژاپۆن لە هەرێمی كوردستان.
لە كۆتایدا هەردولا بیروڕایان ئاڵوگۆركرد سەبارەت بە رەوشی ئەمنی عێراق و هەڵبژاردنی ئەنجومەنی نوێنەرانی عێراق و ئاڵۆزی رەوشی سوریا و بەردەوامبوونی قەیرانەكە و كاریگەری لەسەر لە ناوچەكە.
دکتۆر جگەرخوێن جێگری نوێنەرایەتی هەرێمی کوردستان لە تاران لە ڕێوڕەسمی پرسەی موزیکزان و ئاوازدانەری ناوداری کورد حوسێن یۆسف زەمانی لە مزگەوتی نووری شاری تاران بەشداری کرد.
سه‌رۆكی هه‌رێمی كوردستان به سه‌ردانێك به‌ره‌و وڵاتانی ئه‌وروپا به‌ڕێكه‌وت
فوئاد حوسێن سه‌رۆكی دیوانی سه‌رۆكایه‌تی هه‌رێم له لێدوانێكدا رایگه‌یاند كه به‌ڕێز مسعود بارزانی سه‌رۆكی هه‌رێمی كوردستان به یاوه‌ریی شاندێك؛ ئێواره‌ی دوێنێ چوارشه‌ممه 15/1/2014 به مه‌به‌ستی سه‌ردانیكردنی چه‌ندین وڵات، به‌ره‌و ئه‌وروپا به‌ڕێكه‌وت.
فوئاد حوسێن هه‌روه‌ها ئاشكرای كرد كه سه‌رۆك بارزانی له‌م گه‌شته‌یدا سه‌ردانی چه‌ندین وڵات ده‌كات و وتووێژ له‌گه‌ڵ زۆر له سه‌رۆك و به‌رپرسانی ئه‌و وڵاتانه ده‌كات وجه‌نابیان له كۆڕبه‌ندی ئابووریی جیهانی داڤۆس به‌شداریی ده‌كات كه له رۆژانی 22- 25ی ئه‌م مانگه له سویسرا به‌ڕێوه ده‌چێ و له په‌راوێزی كۆڕبه‌نده‌كه سه‌رۆكی هه‌رێم كۆمه‌ڵێ دیدار و چاوپێكه‌وتنی له‌گه‌ڵ سه‌ركرده به‌شداربووه‌كاندا ده‌بێت و له چه‌ندین كۆڕێكدا ئاماده ده‌بێت سه‌باره‌ت به دۆخی ئابووریی و سیاسی عێراق و كوردستان و ناوچه‌كه.
شایانی باسه ئه‌مه دووه‌م جاره سه‌رۆك بارزانی به‌شداریی له‌م كۆڕبه‌نده جیهانییه‌دا ده‌كات و بانگهێشتكردنی به‌ڕێزیشیان بۆ ئه‌م كۆڕبه‌نده فراوانه كه ژماره‌یه‌كی زۆر له سه‌ركرده‌كانی وڵاتانی جیهان تێیدا ئاماده ده‌بن؛ پێگه‌ی په‌ره‌سه‌ندووی ئابووریی و سیاسی هه‌رێمی كوردستان به‌دیار ده‌خات كه به جۆرێك چۆته پێشه‌وه بۆته جێبایه‌خی ناوه‌نده گرنگه‌كانی جیهان له‌سه‌ر ئاستی جیاجیادا.
ئه‌و شانده‌ی یاوه‌ریی سه‌رۆك بارزانی ده‌كه‌ن له‌م گه‌شته ئه‌وروپییه‌دا پێكهاتووه له به‌ڕێزان فوئاد حوسێن سه‌رۆكی دیوانی سه‌رۆكایه‌تی هه‌رێمی كوردستان و ئاشتی هه‌ورامی وه‌زیری سامانه سروشتییه‌كانی حكوومه‌تی هه‌رێم و فه‌لاح مسته‌فا به‌رپرسی فه‌رمانگه‌ی په‌یوه‌ندییه‌كانی ده‌ره‌وه‌ی حكوومه‌تی هه‌رێم و ژماره‌یه‌ك له راوێژكاران.
ئەمڕۆ بە شێوەیەكی فەرمی سەنتەری ڤیزای نەمسا و سلۆڤینیا كرایەوە
بەیانی ئەمڕۆ بە شێوەیەكی فەرمی سەنتەری دانی ڤیزای نەمسا و سلۆڤینیا لە هەرێمی كوردستان لە باڵەخانەی ستێر گروپ لە پایتەخت راگەیەندرا.
لە ڕێوڕەسمێكدا كە د.مستەفا رەمەزان نوێنەری حكومەتی هەرێمی كوردستان لە نەمسا و ژمارەیەك لە كونسوڵ و نوێنەرانی دیپلۆماتی و كەرتی تایبەت ئامادەی بوون ، كارل لوكس بەرپرسی بەشی ڤیزا لە وەزارەتی دەرەوەی نەمسا لە لێدوانێكدا بۆ رۆژنامەنووسان خۆشحاڵی خۆی بەم هەنگاوە نیشاندا كە دواجار بە فەرمی راگەیەندرا و بە هەنگاوێكی دیكەی هاوكاریكردنی نێوان گەلی كورد و نەمسا لەقەڵەمدا و ئاماژەی بەوەشدا ئەمە دەرفەتێكی گەورەیە بۆ بەردەوامیدان بە كارەكانمان كە زیاتر لە 10 ساڵە بەڕێوەیان دەبەین.
هەروەها ئاماژەی بەوەشدا ئەگەرچی نەمسا وڵاتێكی بچووكە لەڕووی قەبارەوە بەڵام توانی كارێكی گەورە بكات بەوەی كە بە هاوكاری نێوان كەرتی حكومی و كەرتی تایبەت ئەم كارە بكات و ئەم هاوكاریە بۆ هەموو لایەك نیشانبدات .
ئاماژەی بەوەشدا كردنەوەی ئەم سەنتەرە دەبێتە دەرفەتێك بۆ گەلی كورد بەوەی كە ژمارەیەكی زۆریان لە وڵاتی نەمسا ببیندرێن بۆ گەشتكردن یان ڕاپەڕاندنی كارەكانیان و دواجار پێشخستنی پەیوەندی نێوان گەلان .
راشیگەیاند ڤیزا لەڕێگەی ئەم سەنتەرەوە بە هەموو هاوڵاتیانی خەڵكی كوردستان دەدرێت بەجیاوازی چین و توێژەكانیانەوە بۆ نەمسا و نەك تەنها نەمسا بەڵكو بۆ وڵاتانی دیكەی ئەورووپا بەتایبەتی سلۆڤینیا و ئاماژەی بەوەشدا هەر هاوڵاتیەك بیەوێ گەشت بۆ نەمسا یان سلۆڤینیا بكات لەو سەنتەرەوە ڤیزا وەردەگرێت .
لەلایەكی دیكەشەوە د.مستەفا رەمەزان نوێنەری حكومەتی هەرێمی كوردستان لە نەمسا بەرۆژنامەنووسانی راگەیاند دوای ماوەیەكی دوور و درێژی گفتوگۆ لەگەڵ وڵاتانی نەمسا و سلۆڤینیا ئەمڕۆ نووسینگەیەكی تایبەت بە ڤیزا بۆ ئەم دوو وڵاتە كرایەوە كە جاران دەبوایە هاووڵاتیان بچنە ئەنقەرە یانیش بۆ عەمان چونكە باڵیۆزخانەی نەمسا لە عەممان خۆی سەرپەرشتی ئەو كارانەی دەكرد و هاووڵاتیانی ئاگاداركردەوە بەوەی دەتوانن بێن لەو سەنتەرە فۆرمی ڤیزا وەربگرن.
نیشانیشیدا ئەم كارە بەهاوكاری كەرتی حكومی و كەرتی تایبەت كراوە كە هەرێمی كوردستان 48ـەمین جێگەیە لە جیهان ئەم سەنتەرەی تیادا بكرێتەوە .
هەر لەم ڕێوڕەسمەدا لیوا نزار رەحمەتوڵلا بەڕێوەبەری گشتی رەگەزنامەی هەرێمی كوردستان كردنەوەی ئەم سەنتەرە بەكارێكی شارستانی لە قەڵەمدا و ئاماژەی بەوەشدا ئەم سەنتەرە دەبێتە هۆكارێك بۆ ئاسانكاری هاوڵاتیان بۆ ئەوەی بەشێوەیەكی راستەوخۆ بێن ڤیزای تیادا وەربگرن و ئاشكراشیكرد هەوڵێك هەیە بۆ بەستنەوەی ئەم سەنتەرە بە دەزگاكانی وەزارەتی ناوخۆ وەكو نشینگە و فڕۆكەخانە و بازگە سنووریەكان وهیوایشی خواست كونسوڵگەری دیكەی غەیری ئیسپانیا و نەمسا و سلۆڤینیاش بێنە نێو ئەم سەنتەرە و ببێتە سەنتەرێكی گەورە بۆ سوودی هەموو هاوڵاتیانی هەرێمی كوردستان .
وەزیری دەرەوەی عیراق ستایشی رۆڵی حكومەتی هەرێمی كوردستان دەكات بۆ یارمەتیدانی ئاوارەكانی كوردی سوریا
ئەمڕۆ لە میانەی دەستپێكردنی كۆنگرەی وڵاتە كۆمەكبەخشەكان بە سوریا بۆ پاڵپشتیكردنی بارودۆخی مرۆیی ئەم وڵاتە كە بان كی مۆن سكرتێری گشتی نەتەوە یەكگرتووەكان داوای گرێدانی كرد ، هۆشیار زێباری وەزیری دەرەوە كە بە یاوەری شاندێكی هەرێمی كوردستان بە سەرۆكایەتی فەلاح مستەفا بەرپرسی پەیوەندیەكانی دەرەوە و شاندێكی وەزارەتی دەرەوەی عیراق كە بریكارانی وەزارەتی دەرەوە و وەزارەتی كۆچ و كۆچبەران و باڵیۆزی كوێت لە عیراق و سەرۆكی فەرمانگەی عەرەبی لە وەزارەتی دەرەوە بەشداری تیادا دەكات ، لە وتەكەیدا ستایشی رۆڵی حكومەتی هەرێمی كوردستانی كرد بۆ گەیاندنی خزمەتگوزاری و یارمەتی مرۆیی بۆ ئەو پەنابەرانەی لەكامپەكانیدا نیشتەجێن و رێژەی 97%ی پەنابەرانی سوریا لە عیراق پێكدێنن
ئاماژەی بەوەشدا تاوەكو ئێستا كۆمیسیۆنی باڵای پەنابەران 210 هەزار پەنابەری سوری لە عیراق تۆمار كردووە ئەمە جگە لە زیاتر لە 40 هەزاری دیكە كە لە پارێزگاكانی عیراق و هەرێم تۆمار نەكراون و لە دەرەوەی كامپەكانن .
لەو كۆنگرەیەدا كە 68 دەوڵەت و رێكخراوی نێودەوڵەتی بەشداریان تیادا كرد ، زێباری ئەوەی خستەڕوو كە حكومەتی هەرێمی كوردستان نزیكەی 70 ملیۆن دۆلاری بۆ یارمەتیدانی ئەم پەنابەرانە بەخشیوە ئەمە جگە لە دابینكردنی شوێنی حەوانەوە و ئاوی پاك و خۆراك ودروستكردنی خیوەتگە بۆیان ئەمە جگە لە دروستكردنی یەكەمین دەروازەیەكی ئاسمانی مرۆیی نێودەوڵەتی بۆ گواستنەوەی یارمەتی مرۆیی بەهاوكاری كۆمیسیۆنی باڵای پەنابەران لەرێگەی 10 فڕۆكەوە لە هەولێرەوە بۆ قامیشلۆ.
دواتر هەر لە پەراوێزی ئەم كۆنگرەیەدا شاندی عیراقی و شاندی هەرێمی كوردستان چەندین دیداریان لەگەڵ شاندە بەشداربوەكان ئەنجامدا.
More...
لقی ژووری بازرگانی دوبەی لە هەولێر كرایەوە
سەرۆكی هەرێمی كوردستان پێشوازیی لە شاندێكی ڕێكخراوی لاوانی ئاشتیپارێز کرد
دوایین هەواڵەکان
- نوێنەری حکومەتی هەرێم لە ئێران: سەردانەکەی پزیشکیان ئاماژەیە بۆ گرنگیدانی ئێران بە هەرێمی کوردستان
- هه‌رێمى كوردستان و ئێران جهخت له برهودان به پهيوهندييهكانيان دهكهنهوه
- سهرۆک نێچیرڤان بارزانی: سەردانی سەرۆک کۆماری ئێران مێژوویی بوو
- نازم دەباغ له وتووێژ له‌گه‌ڵ ئاژانسی ئیرنا: مەسعوود پزشکیان سەردانی هەولێر دەکات
- نازم دەباغ: کاتی سەردانی پزیشکیان بۆ عێراق دیار نییە
- «سەلام رشدی» له‌گه‌ڵ شاندی یهکێتی هاورده و ناردنکارانی لقی هه‌ولێر کۆبۆوه
- سه‌رۆك نێچيرڤان بارزانى: ههميشه پشتيوانى و بهرگرى له مافهكانى ئێزدييان دهكهين
- سهرۆک نێچیرڤان بارزانی له‌گه‌ڵ باڵیۆزی یهکێتیی ئهورووپا کۆبووهوه
- سه‌رۆك نێچيرڤان بارزانى له‌گه‌ڵ باڵيۆزى نه‌مسا كۆبووهوه
- سه‌رۆك نێچيرڤان بارزانى سوپاسى جهنهرال ڤاول ده‌كات