لەسەر داوای فەرمی سەرۆکی پەرلەمانی هۆڵەندا و بۆ باسکردن لە بەجینۆسایدناساندنی کارەساتی شنگال، نیوەڕۆی ئەمڕۆ یەک شەممە سەرۆکی پەرلەمانی کوردستان بەرەو هۆڵەندا بەڕێکەوت، بڕیارە لەو سەردانەیدا بۆ هۆڵەندا لەگەڵ سەرۆکی پەرلەمانی هۆڵەندا و وەزیری دەرەوەو چەند بەرپرسیکی تری ئەو ولاتە کۆببێتەوە.
کامەران سوبحان، سکرتێری رۆژنامەوانیی سەرۆکی پەرلەمانی کوردستان، لەبارەی سەردانەکەی سەرۆکی پەرلەمان، بۆ سایتی فەرمی پەرلەمان ڕایگەیاند و وتی: "سەردانەکە لەسەر بانگهێشتی فەرمی پەرلەمانی هۆڵەندا یە، بەمەبەستی ناساندنی دۆسیەی بە جینۆسایدناساندنی کارەساتی شنگال و پرسی ئاوارەکان و هاوکاری نێوان پەرلەمانی کوردستان و پەرلەمانی هۆڵەندا دەبێت".
لەبارەی ئەو کەسانەی یاوەری سەرۆکی پەرلەمانن، کامەران سوبحان، وتی "لەم سەردانەدا چەند پەرلەمانتارێک یاوەری سەرۆکی پەرلەمانن کە پێکهاتوون لە پەرلەمانتارانی نەتەوە جیاوازەکان، لەوانەش نوێنەری تورکمانەکان، ئێزیدییەکان، مەسیحییەکان و سریانییەکان لەگەڵ سەرۆکی لیژنەی مافی مرۆڤی پەرلەمانی کوردستان و سکرتێری سەرۆکی پەرلەمان و ڕاوێژکارێکی پەیوەندییەکان.".
سکرتێری رۆژنامەوانیی سەرۆکی پەرلەمان لەبارەی ئەجێندای بەرنامەکانی سەرۆکی پەرلەمان، وتی: "بەرنامەی سەردانەکەی بەو شێوەیە دەبێت کە سەرۆکی پەرلەمانی هۆڵەندا بە فەرمی پێشوازی لە سەرۆکی پەرلەمانی کوردستان دەکات، دواتر وەزارەتی دەرەوەی هۆڵەندا میوانداری سەرۆکی پەرلەمان دەکات بۆ قسەکردن لەسەر کەیسی جینۆساید و کوشتن و ئاوارەکردنی مەسیحی و ئێزییدیەکانی شنگال و مووسڵ و ناوچەکانی دیکە و هێرشی چەکدارانی داعش بۆ هەرێمی کوردستان".
د.یوسف محه‌مه‌د سادق، سه‌رۆكی په‌رله‌مانی كوردستان، داوا ده‌كات حكومه‌تی هۆڵه‌ندا هاوكاری هه‌رێمی كوردستان بكات له‌رووبه‌ڕووبوونه‌وه‌ی تیرۆرستانی داعش، چونكه ئه‌مڕۆ پێشمه‌رگه و هه‌رێمی كوردستان به نوێنه‌رایه‌تی دونیا شه‌ڕی دژه تیرۆر ده‌كات له‌پێناو پاراستنی به‌ها مرۆییه‌كان. ئه‌م وتانه‌ی سه‌رۆكی په‌رله‌مان له میانی سه‌ردانێكیدا هات بۆ وه‌زاره‌تی ده‌ره‌وه‌ی هۆڵه‌ندا كه ئه‌مرۆ ١٠ی ئه‌یلول به‌رێوه‌چوو تیایدا به‌یاوه‌ری شاندێك له‌په‌رله‌مانتارانی یه‌زیدی و مه‌سیحی و كه‌مه نه‌ته‌وه‌ییه‌كانی تری په‌رله‌مان سه‌ردانی وه‌زاره‌تی ده‌ره‌وه‌ی هۆڵه‌ندایان كرد و له‌لایه‌ن فرانس تیمه‌رمان وه‌زیری ده‌ره‌وه‌و چه‌ند گه‌وره به‌رپرسێكی وه‌زاره‌تی ده‌ره‌وه پێشوازییان لێكرا.
له‌میانی دانیشتنێكدا، سه‌رۆكی په‌رله‌مان تیشكی خسته سه‌ر بارودۆخی هه‌رێمی كوردستان و شه‌ڕی تیرۆرو ئاواره‌بوونی سه‌دان خێزانی كورد و یه‌زیدی و مه‌سیحی و عه‌ره‌ب، له ناوچه‌كانی تره‌وه بۆ هه‌رێمی كوردستان. سه‌رۆكی په‌رله‌مان ئاماژه‌ی به‌وه‌دا، له‌گه‌ڵ ئه‌وه‌ی حكومه‌تی عێراق ٨ مانگه موچه‌ی فه‌رمانبه‌رانی هه‌رێمی نه‌ناردووه وقه‌یرانێكی دارایی له هه‌رێمی كوردستاندا درووستبووه، به‌ڵام هه‌رێمی كوردستان بووه‌ته لانه‌ی ئارامی زیاتر له ملێونێك ئاواره، بۆیه پێویسته هۆڵه‌ندا و كۆمه‌ڵگه‌ی نێوده‌وڵه‌تی هاوكارمان بن له‌و بواره‌دا."
له‌به‌شیكی تری وته‌كانیدا سه‌رۆكی په‌رله‌مان داوای له وه‌زیری ده‌ره‌وه‌ی هۆڵه‌ندا كرد، پشتیوانی هه‌رێمی كوردستان بن بۆ هه‌نگاونان به‌ره‌و دیموكراسی و پاراستنی مافه‌كانی مرۆڤ."
وه‌زیری ده‌ره‌وه‌ی هۆڵه‌ندا: سورین له‌سه‌ر پاراستنی كوردستان سه‌قامگیریی كوردستان فاكته‌ری ئارامی ناوچه‌كه‌یه
له‌به‌رامبه‌ر وته‌كانی سه‌رۆكی په‌رله‌مانی كوردستان، دوای به‌خێرهێنان، فرانس تیمه‌رمان وه‌زیری ده‌وه‌ی هۆڵه‌ندا وتی " سورین له‌سه‌ر پاراستنی كوردستان، چونكه سه‌قامگیریی هه‌رێمی كوردستان، فاكته‌ری ئارامی ناوچه‌كه‌یه، ئاماژه‌ی به‌وه‌شدا هه‌رچی به‌وان بكرێت هاوكاری هه‌رێمی كوردستان ده‌كه‌ن و هه‌مو بژارده‌كان له به‌رده‌میاندا كراوه‌یه ته‌نانه‌ت بژارده‌ی سه‌ربازیش بۆ پارێزگاری له هه‌رێمی كوردستان.
پێویسته بوترێت ئه‌م سه‌ردانه‌ی سه‌رۆكی په‌رله‌مان و شاندی یاوه‌ری به‌مه‌به‌ستی گه‌یاندنی بارودۆخی شنگاله به دامه‌زراوه به‌رپرسه‌كانی ولاتی هۆله‌نداو رۆژی 7ی ئه‌یلول ده‌ستی پێكرد.
بەمەبەستى لەنزیکەوە بەئاگابوون لە رەوشى ئێستاى هەرێمى کوردستان و عیراق و ناوچەکەو بەرەوپێشچوونى هاوکارییەکانى حکومەتى کەنەدا بۆ هەرێمى کوردستان،وەزیرى دەرەوەى کەنەدا، جۆن بێر لەگەڵ قوباد تاڵەبانی جێگرى سەرۆکى حکومەتى هەرێمى کوردستان کۆبووەوە.
لەدانیشتنەکەدا کە د.فواد حسین سەرۆکى دیوانى سەرۆکایەتى هەرێم و وەزیری ناوخۆوژمارەیەک لەبەرپرسان ئامادەی بوون،شاندی میوان، سوپاس و پێزانینى خۆى بۆ هەرێمى کوردستان دەربڕى کە لە رووبەروونەوەى تیرۆریستان و پرسە مرۆییەکان رۆلى کاراییان بینیوەو هەروەها ئەو رووداوانەى کە لە ئاکامى شەرانگێزییەکانى تیرۆریستانى داعش دژ بە خەڵک و هەرێمى کوردستان، بە کارەسات وەسف کرد.
هاوکات بەردەوامى پشتیوانى حکومەتى کەنەداى بۆ هەرێمى کوردستان لە شەرى دژ بە تیرۆریستان هاوکارییە مرۆییەکان دوپاتکردەوە.
قوباد تاڵەبانى، سوپاسى هاوکارییە مرۆیى و سەربازییەکانى حکومەتى کەنەداى کردو رۆڵى حکومەتى کەنەداو بالیۆَزى کەنەداى لە عیراق بەرز نرخاند ودووپاتیکردەوە هەرێم لەجیاتى جیهان شەرى دژ بە تیرۆر دەکات .
هەر لەم کۆبوونەوەیەدا، قوباد تاڵەبانى لەبارەى پێکهێنانى کابینەى نوێى عیراق ئاماژەی بەوەدا کە پێویستە حکومەتى نوێى عیراق پێکهاتەى هەموو لایەک بێت و پابەند بێت بەدەستوورو نوێنەرى هەمووان بێت.
ئەمڕۆ بەڕێز فەلاح مستەفا بەرپرسی پەیوەندیەكانی دەرەوەی حكومەت پێشوازی لە بەڕێز تۆماس بایكلاند باڵیۆزی بەلجیكا لە عیراق و نیشتەجێی ئوردەن كرد.
لە دیدارەكەدا بەڕێز بایكلاند خۆشحاڵی خۆی بۆ ئەو سەردانە نیشاندا و گووتی ووڵاتی بەلجیكا لەم ماوەیەدا خەریكی پڕۆسەی پێكهێنانی حكومەتە و پێشبینی دەكرێ لە مانگی داهاتوو حكومەتی نۆێی بەلجیكا پێكبهێنرێت.
بەڕێزیان گووتی ئەمڕۆ لێرەین بۆ ئامادەبوون لە پرۆسەی رادەستكردنی یارمەتیە مرۆییەكانی گەلی بەلجیكا كە 13 تەن كۆمەك و پێداویستی مرۆیی لەخۆ گرتووە بۆ بە هانا هاتنی ئەو پەناهەندانەی روویان لە هەرێمی كوردستان كردووە. هاوكات بەڕێزیان ستایشی قارەمانیەتی پێشمەرگەی كوردستانی كرد لە رووبەڕووبوونەوەیاندا بەرامبەر تیرۆرستانی داعش و هیوای خواست ئارامی و سەقامگیری تەواوی ناوچەكە بگرێتەوە.
دواتر بەڕێز فەلاح مستەفا دەستخۆشی لە سەردانەكەی باڵیۆز بایكلاند كرد و سوپاسی هەڵوێستی مرۆیی خەڵكی بەلجیكا و حكومەتی بەلجیكای كرد لەبەرامبەر گەیاندنی یارمەتیەكان بۆ هەرێمی كوردستان. سوپاسی دۆستانی گەلەكەمانی كرد لە كۆمەڵگای نێودەوڵەتی كە لە ماوەیەكی كورت توانیان پشتگیری لە هەڵوێستی هەرێمی كوردستان بكەن و یارمەتیەكان بگەیەنن.
بەڕێزیان پوختەیەكی لەسەر دوایین گۆڕانكاریەكانی گۆڕەپانی سیاسی و ئەمنی عیراق و هەرێمی كوردستان پێشكەش كرد و باسی لە هەڕەشەو مەترسیەكانی گروپی تیرۆرستی داعش كرد لەسەر هەرێمی كوردستان و تەواوی كۆمەڵگای نێودەوڵەتی و ئەو تاوانانەی دژی گەلی كوردستان و پێكهاتە ئیتنی و ئایینیەكان ئەنجامیان داوە.
هەردوولا باسیان لە پرۆسەی سیاسی عیراق و پرسی پێكهینانی حكومەت كردو بایەخ و گرینگی زووتر پێكهێنانی حكومەتیان لەم قۆناغە تاوتوێ كرد، لەم بارەیەوە فەلاح مستەفا باسی لە هەوڵەكانی شاندی دانووستانكاری هەرێمی كوردستان لەگەڵ بەغدا كرد بۆ چۆنییەتی بەشداری كردنی كورد لە حكومەتی داهاتوو كە دەخوازین گۆڕانكاری لە سیستەمی حوكمڕانی لە عیراق ئەنجام بدرێت كە لەم قۆناغەدا زۆر پێویستە.
لە تەوەرێكی دیكەی دیدارەكەدا باس لە میكانیزمی زیاتر پتەوكردنی پەیوەندی دووقۆڵی نێوان هەرێمی كوردستان و بەلجیكا كراو لەم بارەیەوە باڵیۆزی بەلجیكا ویستی وڵاتەكەی خستەڕوو بۆ زیاتر پێشخستنی پەیوەندیەكان بە تایبەت لەبواری ئابووری و بازرگانی.
بەمەبەستى کاراکردنى هاوکارى و هەماهەنگییەکان، ئەمرۆ جێگرى سەرۆکى حکومەتى هەرێمى کوردستان، قوباد تاڵەبانى لە شارى هەولێر، پێشوازى لە وەفدێکى باڵاى بەریتانیا کرد.
بۆ زیاتر بەرەوپێشچوونى هاوکارى و یارمەتییە مرۆییەکانى بەریتانیا و چۆنێتى کاراکردن و بەتەنگەوەهاتنەکانى هەرێمى کوردستان و ئاوارەو پەناهەندەکان کە بەهۆى شەرو پەلامارەکانى دەوڵەتى تیرۆریستى (داعش) دروست بوون، قوباد تاڵەبانى پێشوازى لە وەفدێکى باڵاى بەریتانیا کرد کە پێکهاتبوو لە جەستین گرینیک وەزیرى پەرەپێدانى نێودەوڵەتى و تۆبایس ئێک وود وەزیرى کاروبارى رۆژهەلاتى ناوەراست.
لە دانیشتنێکدا باس لە کێشەو ئاستەنگییە پەروەردەیى و تەندروستى و مرۆییەکان کرا، کە رووبەرووى هەرێمى کوردستان و ئاوارەو پەناهەندەکان بوونەتەوە. وەفدى میوان رایگەیاند بەریتانیا هاوکارییە مرۆییەکان زیاد دەکات و راستەوخۆ لەگەل رێکخراوە حکومى و ناحکومییەکانى هەرێمى کوردستان هەماهەنگى دەکات. هەروەها هەوڵ دەدەن لەگەل نەتەوە یەکگرتووەکان کارەکان چالاکتر بکەن.
پاشان جێگرى سەرۆک وەزیران ووتى: ئێمە وەک حکومەتى هەرێمى کوردستان سەربارى گرفتە داراییەکان بەڵام توانیومانە فریاى ئاوارەو پەنابەرەکان بکەوین کە ئێستا لەهەرێمى کوردستاندان. هەروەها ووتى نابێت داعش هیچ پێگەیەکى لە عیراقدا بمێنێت و داواى کرد هەماهەنگى زیاتر لەنێوان هەرێمى کوردستان و بەغدا هەبێت، هەم لە رووبەرووبوونەوەى تیرۆریستان و هەم لە گەیاندنى هاوکارییە مرۆییەکان بۆ هەرێمى کوردستان، کە دەکرێت بەغدا زیاتر رۆلى خۆی ببینێت.
لەم دانیشتنەدا کەریم سنجارى وەزیرى ناوخۆ و د.على سندى وەزیرى پلاندانان و د. رێکەوت حمە رەشید وەزیرى تەندروستى و فەلاح مستەفا بەرپرسى پەیوەندییەکانى دەرەوەو بەیان سامى عبدالرحمن نوێنەرى حکومەتى هەرێمى کوردستان لە بەریتانیا، تیاییدا ئامادەبوون.
ئەمڕۆ چوارشەممە 27ـی 8ـی 2014 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە شێخەكانی هۆزی شەمەڕ و چەند هۆزێكی عەرەبی ناوچەی ڕەبیعە و دەشتی نەینەوا كرد.
لە دیدارێكدا كەسایەتی و شێخەكانی هۆزی شەمەڕ و چەند هۆزێكی دی ئامادەیی خۆیان بۆ سەرۆك بارزانی نیشاندا بۆ ئەوەی بەگژ تیرۆریستانی داعش بچنەوە و بەشداری شەڕی دژی تیرۆریستانی داعش بن. شاندی میوان دووپاتی ئەوەیان كردەوە كە ئامادەن چەك هەڵبگرن و تیرۆریستان لە ناوچەكە ڕیشەكێش بكەن و دژی هەموو هەوڵێكیش دەوەستن كە بیەوێت پێكەوەژیانی كورد و عەرەب و پێكهاتە ئایینی و نەتەوەییەكانی ناوچەكە تێكبدات. كەسایەتی و شێخەكانی هۆزی شەمەڕ و هۆزە عەرەبەكانی دەڤەری نەینەوا سوپاسی گەلی كوردستان و سەرۆك بارزانیان كرد كە لە مامەڵەكردن لەگەڵ پەنابەر و ئاوارەكان ڕەوشتی بەرز و ڕەسەنی مێژوویی خۆیان بەكار هێناوە و بوونەتە پەناگەی لێقەوماوان. ڕاشیانگەیاند كە ناتوانن دەستەوەستان بن لەوەی مزگەوت و شوێنە پیرۆزەكان تێكدەدرێن و مەسیحی و كوردانی ئێزیدی لە لایەن تیرۆریستان بچەوسێندرێنەوە و ڕێگە نادەن هێزی شەڕ و تاریكی لە ناوچەكانیان دەستەڵات بگرێتە دەست.
هەر لەم دیدارە سەرۆك بارزانی دەستخۆشی لە هەڵوێستی شێخەكانی ئەو هۆزانە كرد و ئاماژەی بەوەدا كە شەرەفێكی گەورەیە گەلی كوردستان شەڕی زوڵم و تاریكی و وەحشیگەریی تیرۆریستان دەكات و ئێستا هاوكێشەكان لە بەرژەوەندیی هێزەكانی پێشمەرگە گۆڕاون و تیرۆریستان لە دۆخی داڕمان و دۆڕانن. سەرۆك بارزانی جەختی لەوە كردەوە كە گەلی كوردستان هەمیشە لەگەڵ پێكەوەژیان و تەبایەتی و برایەتی بووە و خەباتی لەدژی داگیركاری و زوڵمدا كردووە و لە هیچ دۆخێكدا قبووڵی ئەوەی نەكردووە بچێتە ناو شەڕی نەتەوەیی و تاییفی. سەبارەت بە دەركەوتنی تیرۆریستانی داعش سەرۆك بارزانی ئاماژەی بەوەدا كە سیاسەتی هەڵەی حكوومەتی بەغدا ژینگەیەكی وای دروست كرد تیرۆر و داعش گەشە بكات. سەرۆك بارزانی ئەوەیشی دووپات كردەوە كە هێزەكانی پێشمەرگە هەتا تێكشكاندنی تەواوەیی تیرۆریستان ناوەستن و بەسەریان سەردەكەون و ئەو ئامۆژگارییەشی دا كە پێویستە ئەو كەسانەی هاوكاری تیرۆریستان بوونە بە توندترین شێوە سزا بدرێن بەڵام ژیانی هاووڵاتیان و ئەو خەڵكەی پەیوەندییان بە تیرۆریستان نەبووە بپارێزرێت.
ئێوارەی ئەمڕۆ چوارشەممە 27ـی 8ـی 2014 لە سەلاحەدین بەڕێز مەسعود بارزانی سەرۆكی هەرێمی كوردستان پێشوازی لە جەنەڕاڵ لوید ئۆستن فەرماندەی فەرماندەیی ناوەندیی هێزەكانی ئەمەریكا و شاندێكی سەربازیی یاوەری كرد.
لە دیدارێكدا كە ژمارەیەك لە بەرپرسە لەشكری و ئەمنیی و ئیدارییەكانی هەرێمی كوردستان ئامادەی بوون، سەرۆك بارزانی بەخێرهاتنی گەرمی جەنەڕاڵ لوید ئۆستنی كرد وەك دۆستێكی دێرین كە ماوەیەكی زۆر لە عێراقدا ماوەتەوە و سوپاسگوزاریی خۆیشی بۆ سەرۆك و گەلی ئەمەریكا و نیشاندا بەهۆی پاڵپشتی و یارمەتیدانی هەرێمی كوردستان و پێزانینشی بۆ ڕۆڵی جەنەڕاڵ لوید ئۆستن هەبوو لە پڕۆسە سەربازییەكانی بەرەنگاربوونەوەی تیرۆریستانی داعش.
لەم كۆبوونەوەیەدا سەرۆك بارزانی ڕۆشنایی خستەسەر سەرهەڵدانی بارودۆخی ئەم دواییە و هەڕەشەی تیرۆریستان و كەوتنی موسڵ و هەروەها پەلاماری تیرۆریستان بۆ سەر كوردستان و ئاماژەیشی بە سەركەوتنەكانی هێزی پێشمەرگەی كوردستان كرد كە بە یارمەتیی دۆستانی گەلی كوردستان لە بەرەكانی جەنگ مسۆگەر كراون. لەبەشێكی دیكەی كۆبوونەوەكەدا سەرۆك بارزانی تیشكی خستە سەر بارودۆخی مرۆیی ئاوارەكان و هەروەها ژمارە و پێویستییەكانی ئەو خەڵكەی باس كرد كە لەدوای پەلاماری داعش ئاوارەی كوردستان بوونە و سوپاسی بەدەنگەوەهاتنی وڵاتانی دۆستی گەلی كوردستانیشی كرد لە پێشكەشكردنی یارمەتییە مرۆییەكان.
لای خۆیەوە جەنەڕاڵ لوید ئۆستن سوپاسی سەرۆك بارزانی كرد بۆ ڕەخساندنی ئەم دیدارە و دەستخۆشی لە سەركەوتنەكانی هێزەكانی پێشمەرگە كرد و ڕۆڵی پێشمەرگەی لە بەرەنگاربوونەوە و تێكشكاندنی تیرۆریستان بەرز نرخاند.
هەر لەم كۆبوونەوەیە هەردوولا لەسەر ئەوە هاوڕابوون كە داعش مەترسییەكی گەورەیە لەسەر ناوچەكە و جیهان و بەرەنگاربوونەوەیشی هەوڵێكی هەمەلایەنە و دەولی پێویستە. هەروەها هەردوولایش جەختیان لە هەماهەنگیی بەردەوامی هێزەكانی ئەمەریكا و پێشمەرگە لەشەڕی دژی تیرۆریستانی داعش كردووە.
سەبارەت بە پڕۆسەی سیاسیی عێراقیش ئەوە دووپات كرایەوە كە پێویستە حكوومەتێكی هەمەلایەن دابمەزرێت كە خزمەتی بەرژەوەندیی هەموو پێكهاتەكانی عێراق بكات.
ئەمڕۆ سێشەممە 26ـی 8ـی 2014 محەمەد جەواد زەریف وەزیری دەرەوەی ئێران و شاندێكی یاوەری سەردانی هەرێمی كوردستانیان كرد و لە لایەن نێچیرڤان بارزانی سەرۆكی حكوومەتی هەرێم و ژمارەیەك لە بەرپرسە باڵاكانی هەرێمی كوردستان لە فڕۆكەخانەی نێودەوڵەتیی هەولێر پێشوازی كرا و پاشان لە شاری هەولێر لەگەڵ بەڕێز مەسعود بارزانی سەرۆكی هەرێمی كوردستان كۆبۆوە.
لەم كۆبوونەوەیەدا كە نێچیرڤان بارزانی سەرۆكی حكوومەت و قوباد تاڵەبانی جێگری سەرۆكی حكوومەت و فواد حوسێن سەرۆكی دیوانی سەرۆكایەتیی هەرێم و مستەفای سەید قادر وەزیری پێشمەرگە و فەلاح مستەفا بەرپرسی فەرمانگەی پەیوەندییەكانی دەرەوەی هەرێمی كوردستان ئامادەی بوون، وەزیری دەرەوەی كۆماری ئیسلامیی ئێران سوپاسی پێشوازی و ڕەخساندنی ئەم دیدارەی كرد و خۆشحاڵیی خۆیشی نیشاندا بەو پێشكەوتنەی لە هەولێر و هەرێمی كوردستان هاتووەتە ئاراوە.
لەم دانیشتنەدا وەزیری دەرەوەی ئێران پاڵپشتیی وڵاتەكەی بۆ گەلی كوردستانی عێراق لە شەڕی دژی تیرۆریستانی داعشی ڕاگەیاند و ئاماژەی بەوەدا كە وڵاتەكەی هەمیشە و لە كاتی بوونی هەڕەشەكاندا لەتەك عێراقییەكان و حكوومەت و گەلی كودستان دەمێنێتەوە. وەزیری دەرەوەی كۆماری ئیسلامیی ئێران لە درێژەی قسەكانیدا ئەوەی خستەڕوو كە تیرۆر تەنیا هەڕەشە نییە بۆ سەر عێراق و هەرێمی كوردستان و شیعە و كورد و سووننە بەڵكو هەڕەشەیە بۆ هەموو لایەك و بەرژەوەندیی كۆماری ئیسلامیی ئێران ئەوەیە كە دژایەتیی تیرۆر بكات و ئاماژەیشی بەوەدا كە لە بەرژەوەندیی وڵاتەكەی دایە كە هەرێمی كوردستان ئاوەدان و پێشكەوتوو بێت و عێراقییەكان لەگەڵ یەكتردا بگەنە ئەنجامێكی دروست.
سەبارەت بە پڕۆسەی سیاسیی عێراقیش وەزیری دەرەوەی كۆماری ئیسلامیی ئێران ئەوەی بە سەرۆك بارزانی ڕاگەیاند كە وڵاتەكەی خوازیارە كە حكوومەتی تازە بە بەشداریی هەموو لایەك پێكبهێندرێت و داوایشی كرد كە لایەنی كوردستانی هەموو هەوڵێكی بخاتەگەڕ بۆ ئەوەی حكوومەتی عێراقی پێكبهێندرێت و هەروەها پشتیوانیی وڵاتەكەیشی دووپاتكردەوە بۆ هەر جۆرە ڕێككەوتنێك كە لە نێوان حكوومەتی هەرێمی كوردستان و بەغدا كە بە ئاراستەی چارەسەركردنی كێشەكانی نێوان هەردوولا بێت.
لەبەرانبەردا سەرۆك بارزانی بە گەرمی بەخێرهاتنی وەزیری دەرەوەی كۆماری ئیسلامیی ئێران و شاندی یاوەری كرد و وێڕای ئاماژەدان بە پەیوەندییە دێرینەكانی نێوان كۆماری ئیسلامی و هەرێمی كوردستان سوپاسی كۆماری ئیسلامیی ئێرانی كرد بۆ ئەو هاوكاری و یارمەتییەی لەشەڕی دژی تیرۆریستان پێشكەشی هەرێمی كوردستانی كردووە و هیوایشی خواست كە ئەو پەیوەندییانە بەرەوە پێشەوە بچن. سەرۆك بارزانی لەبارەی هەڕەشەكانی تیرۆر ئەوەی خستەڕوو كە هەرێمی كوردستان بە هەموو توانایەكییەوە دژی تیرۆریستان دەوەستێ و ڕێگە نادات بە هیچ شێوەیەك تیرۆریستان بتوانن لە كوردستان پێگەیان هەبێت و بۆ ئەم مەبەستەیش پێویستی بە یارمەتیی دۆستانی هەیە و شەڕكردن لەدژی تیرۆر هەوڵێكی هەمەلایەنە و هەماهەنگیی نێوان وڵاتانی پێویستە چونكە تیرۆر مەترسییەكە تەنیا كوردستان ناكاتە ئامانج بەڵكو مەترسییە بۆ سەر هەموو وڵاتێك.
پەیوەست بە پڕۆسەی سیاسیی عێراقیش سەرۆك بارزانی ڕایگەیاند كە پشتیوانی هەنگاوەكانی پێكهێنانی حكوومەتێكن كە هەموو پێكهاتەكان بگرێتە خۆ و پێویستیشە بۆ جێبەجێكردنی هەموو جۆرە ڕێككەوتنی نێوان حكوومەتی هەرێم و بەغدا و چارەسەركردنی كێشەكان گەرەنتی هەبێت.سەرۆك بارزانی لەدرێژەی قسەكانیدا نەهێشتنی قەیرانەكانی عێراق و تێكشكاندنی تیرۆریشی بە سەركەوتنی ڕێگەچارەی سیاسیی بەستەوە.
شایانی گوتنە كە لەدوای تەواوبوونی كۆبوونەوەكە پڕێسكۆنفرانسێك بۆ سەرۆك بارزانی و وەزیری دەرەوەی كۆماری ئیسلامیی ئێران ڕێكخرا و تێیدا وەڵامی پرسیاری ڕۆژنامەنووسانیان دایەوە.
دوایین هەواڵەکان
- سهركۆمارى توركيا بهردهواميى پشتگيريى وڵاتهكهى بۆ عێراق و ههرێمى كوردستان دووپات كردهوه
- پەیامی سەرۆک نێچیرڤان بارزانی لە ساڵیادی ڕۆژنامەگەریی کوردیدا
- نێچيرڤان بارزانى: دهبێ نيشتمان كۆكهرهوهى ههموومان بێت
- سهرۆك نێچيرڤان بارزانى له‌گه‌ڵ باڵيۆزى يهكێتيى ئهورووپا كۆبووهوه
- سهرۆكى ههرێمى كوردستان پێشوازى له باڵيۆزى فهرهنسا كرد
- سهرۆك نێچيرڤان بارزانى پێشوازى له باڵيۆزى بهريتانيا كرد
- سەرۆکی حکومەتی هەرێمی کوردستان پێشوازی لە باڵیۆزی بەریتانیا لە عێراق دەکات
- عەباس غەزالی: نووسین و چاپکردنی "فەرھەنگیی زارەکیی موکریان" شانازییەکی بێ پایانە
- پەیامی پیرۆزبایی سەرۆکی حکومەتی هەرێمی کوردستان بەبۆنەی جەژنی نەورۆز
- سهرۆكى ههرێمى كوردستان نامهيهكى پيرۆزبايى له وهزيرى دهرهوەى توركياوه پێدهگات