سەرۆک نێچیرڤان بارزانى لەگەڵ شاندێکى ئەمەریکى کۆبووەوە
نیوەڕۆى رۆژی پێنجشەممە 2021/9/30 بەڕێز نێچیرڤان بارزانى، سەرۆکى هەرێمى کوردستان، پێشوازى لە خاتوو جینیفەر گاڤیتۆ، جێگرى یاریدەدەرى وەزیرى دەرەوەى ئەمەریکا بۆ کاروبارى عیراق و ئیران و شاندێکى یاوەرى کرد.
لە کۆبوونەوەیەکدا پەیوەندییەکانى هەرێمى کوردستان و عیراق لەگەڵ ئەمەریکا تاوتوێ کران و لەمبارەیەوە خاتوو گاڤیتۆ دووپاتى کردەوە کە ئەمەریکا بە بایەخەوە لە عیراق دەڕوانێت و پەیوەندیى ئەمەریکا لەگەڵ عیراق و هەرێمى کوردستان پەیوەندیى دۆستانە و هاوبەشییەکى ستراتیژیى درێژخایەنە کە چەندین بوار دەگرێتەوە، هەروەها سەقامگیریى عیراقى بۆ پاراستنى سەقامگیریى ناوچەکە بە گرنگ و پێویست زانى، هەردوولاش هاوڕا بوون کە سەردانەکە بۆ نیشاندانى بایەخدانى ئەمەریکا بە عیراق و هەرێمى کوردستان، گرنگ و لە کاتى خۆیدایە.
خاتوو گاڤیتۆ پابەندیى ئەمەریکاى بە بەردەوامیى پشتگیرى لە چاکسازییەکانى وەزارەتى پێشمەرگە و ڕێکخستنەوەى هێزەکانى دووپات کردەوە و ئاماژەى بەوە دا کە ئەمەریکا لە بوارەکانى دیکەى ئاسایش، وزە، ئابوورى، کولتوورى پەروەردەییشدا دەتوانێت هاوکار و هاوبەشى هەرێمى کوردستان بێت، هەروەها ئاماژەى بە سەردانێکى بۆ قەڵاى هەولێر و بینینى پرۆسەى نۆژەنکردنەوەى قەڵا کرد، جەختیشى لەوە کردەوە کە هانى وەبەرهێنانى ئەمەریکى لە هەرێمى کوردستان دەدەن، بەتایبەتى لە ڕێگەى دامەزراوەى DFCى ئەمەریکییەوە کە پشتگیریى دارایى دەداتە پرۆژەکانى وەبەرهێنان.
لاى خۆیەوە سەرۆک نێچیرڤان بارزانى، وێڕاى پیرۆزبایى لە خاتوو گاڤیتۆ بۆ دەستبەکاربوونى لە پۆستى تازەیدا، سوپاسى بەردەوامیى پشتگیریى ئەمەریکاى لە عیراق و هەرێمى کوردستان کرد و جەختى لە خواستى هەرێمى کوردستان بۆ برەودان بە پەیوەندییەکانى لەگەڵ ئەمەریکا و فراوانکردنى بوارەکانى هاریکاریى نیوانیان کردەوە، هەروەها ئاماژەى بە دەرفەتى زیاترى کار و سەرمایەگوزارى و وەبەرهێنانى ئەمەریکى لە عیراق و هەرێمى کوردستان کرد.
هەردوولا باسیان لە هەڵبژاردن و ئامادەکارییەکانى کرد و جەختیان لە گرنگیى بەڕێوەچوونێکى سەرکەوتووانەى هەڵبژاردن کردەوە. لەمبارەیەوە سەرۆک نێچیرڤان بارزانى هیواى خواست هەڵبژاردن دەرفەتێکى دیکە بداتە هەموو هێز و لایەنە عیراقییەکان بۆ پێکەوە کارکردن و جێبەجێکردنى دەستوور و سیستمى فیدراڵى.
دیالۆگى ستراتیژیى عیراق و ئەمەریکا، دوایین پێشهاتە سیاسى و ئەمنییەکانى عیراق، ئاڵنگارییەکانى بەردەم وڵات، مەترسییەکانى تیرۆر، هەڕەشە و کردارەکانى داعش لە عیراق و ناوچەکە، ئەرکى هاوپەیمانیى نێودەوڵەتى لە عیراق، پەیوەندییەکانى هەولێر ـ بەغدا و چەند پرسێکى جێى بایەخى هاوبەش، تەوەرێکى دیکەى کۆبوونەوەکە بوو کە بەڕێز کونسوڵى گشتیى ئەمەریکا لە هەرێمى کوردستان، ئامادەى بوو.
سەرۆکی حکومەتی هەرێمی کوردستان پێشوازی لە کونسوڵی گشتیی نوێی هەنگاریا دەکات
هەولێر، هەرێمی کوردستان، عێراق (GOV.KRD)- ئەمڕۆ یەکشەممە 3ی ئۆکتۆبەری 2021 مەسرور بارزانی سەرۆکی حکومەتی هەرێمی کوردستان، پێشوازی لە ئاتیلا تۆس کونسوڵی گشتیی نوێی هەنگاریا لە هەرێمی کوردستان کرد.
سەرۆکی حکومەت، پیرۆزبایی دەستبەکاربوونی لە کونسوڵی گشتیی نوێی هەنگاریا کرد و هیوای سەرکەوتنی بۆ خواست لە ئەرکی نوێیدا.
کونسوڵی گشتیی هەنگاریا، ئاماژەی بەوەدا کە وڵاتەکەی بە ڕێز و پێزانینەوە، ئەزموونی پێکەوەژیانی ئاشتییانەی نێوان پێکهاتە جیاوازەکان لە هەرێمی کوردستان دەنرخێنێت .خواستی هەنگاریاشی، بۆ برەودانی زیاتر، بە پەیوەندییەکان لە گەڵ هەرێمی کوردستان دەربڕی، بەتایبەتی لە بواری وەبەرهێنان و ئاڵۆگۆڕی بازرگانیدا.
سەرۆک نێچیرڤان بارزانى نامەیەکى لە سەرۆک ماکرۆنەوە پێدەگات
بەیانیى رۆژی پێنجشەممە 2021/9/30 بەڕێز نێچیرڤان بارزانى، سەرۆکى هەرێمى کوردستان، پێشوازى لە بەڕێز ئۆلیڤیێ دیکۆتینى، کونسوڵى گشتیى فەرەنسا لە هەرێمى کوردستان کرد.
لە دیدارێکدا بەڕێز دیکۆتینى نامەیەکى بەڕێز ئیمانوێل ماکرۆن سەرکۆمارى فەرەنساى بە سەرۆک نێچیرڤان بارزانى گەیاند، تیاید هاتووە:
ڕێزدار جەنابى سەرۆک، نێچیرڤانى هێژا
شەرەفمەند و خۆشحاڵم کە بە ناوى فەرەنسا و بە ناوى خۆمەوە سوپاسگوزارى پێشکەش بە جەنابتان بکەم بۆ ئەو پێشوازییە گەرمەى لە هەولێر لە منتان کرد، وەک چۆن لە دیدار و کۆبوونەوەکانى پێشترماندا لە بەغدا و پاریس، بەڵێنى سەردانى هەولێرم بە جەنابتان دابوو.
لە بەشێکى دیکەى نامەکەدا هاتووە:
فەرەنسا و هەرێمى کوردستان پەیوەندییەکى دێرین و بێهاوتایان هەیە کە دەبێت لە ئاستێکى بەرزدا ڕایبگرین. ئەم گیانى دۆستایەتى و متمانە و وەفادارییە لە کۆبوونەوەکەماندا ڕەنگدانەوەى لەسەر دەوڵەمەندیى گۆڕینەوەى بیروبۆچوونەکانمان هەبوو، هەروەها بە دیدارم لەگەڵ سەرۆک مەسعوود بارزانى و خانەوادەى شەهید هوجام سوورچى لە هەولێر، خوازیار بووم ئەم وەفادارى و دۆستایەتییە بەرز ڕابگرم.
لە کۆتاییدا سەرۆک ماکرۆن نووسیویەتى:
دڵنیام هەرێمى کوردستان سوودمەند دەبێت لەو پێشکەوتنانەى لە کۆنفرانسى بەغدا بۆ هەماهەنگى و هاوبەشى بەدەست هاتوون، دڵنیاش بن فەرەنسا لە دژى تیرۆر، هەروەها بۆ پەرەپێدانى پەیوەندیى ئابووری و کۆمەڵایەتى، لە پایەندیى خۆى لەگەڵ ئێوەدا، بەردەوام دەبێت.
بە نوێکردنەوەى وەفادارترین هیوام بە سەرکەوتنان جەنابى سەرۆک، تکایە بفەرموون بۆ قبووڵکردنى ڕێزى بێکۆتاییم.
نازم دەباغ، نوێنەری حكومەتی هەرێم لە ئێران رایگەیاند، ئەو کۆنگرەیەی هەینی رابردوو لەشاری هەولێر بەسترا و تیایدا داوای ئاساییکردنەوەی پەیوەندییەکانی عێراق و ئیسرائیل کرا "نەدەبوو لەم كات و ساتەدا و لە شاری هەولێر بەڕێوەبچێت، چونكە ئەو كۆنگرەیە ڕەنگدانەوەی خراپی هەبوو هەروەها ئێرانییەكانیشی نیگەران كردووە، ئێمەش لای خۆمانەوە ڕوونكردنەوەی پێویستمان داوە."
ئاوێنە: نازم دەباغ بەمیدیای یەکێتی راگەیاندوە، لەسەر ئەو کۆنگرەیەی هەینی رابردو لەلایەن ژمارەیەک سەرۆک عەشیرەتی عەرەب لەهەولێر بەڕێووەچو، "ئێمە لە نوێنەرایەتی حكومەتی هەرێم لەلایەن وەزارەتی دەرەوەی ئێران بانگهێشت نەكراوین چونكە ئەوە كەناڵ و ڕێگای دیكەی هەیە كە دەكرێت لە ڕێگەی كونسوڵخانەی ئێران لە هەولێر بەدواداچوون بۆ ئەو بابەتە بكرێت."
باسی لەوەشکردوە، "بەستنی ئەو كۆنگرەیە لەم كات و ساتەدا و لە شاری هەولێر ڕەنگدانەوەی خراپی بەدوای خۆیدا هێناوە و ئێرانییەكانیشی نیگەران كردووە، بۆیە وروژندنی ئەم بابەتە لەم كاتەدا و لە شاری هەولێر دەبێت لێكۆڵینەوەی زیاتری لەسەر بكرێت و هەروەك بینیشمان لەلایەن سەرۆكایەتی هەرێم و وەزارەتی ناوخۆی حكومەتی هەرێمەوە ئیدانەی ئەم جۆرە كارە كرا بەڵام دەبێت لێكۆڵینەوەی زیاتر و وردتری تیادا بكرێت."
لەبارەی کاردانەوەی کۆنگرەکەش لەسەر ئاستی ناوخۆی ئێران نوێنەرەكەی حكومەتی هەرێم ئەوەی خستوەتەڕو، لەلایەن كەناڵە ڕاگەیاندنەكانی ئێرانەوە پرسیاری زۆریان لەسەر ئەم بابەتە لێكراوە، ئەوانیش ڕوونكردنەوەی پێویستیان داوە و هەڵوێستی فەرمی حكومەتی هەرێمیان بۆ ڕوونكردونەتەوە و بەستنی ئەو كۆنگرەیەیان بە هەڵوێستی فەرمی حكومەتی هەرێم نەزانیوە.
ژمارەیەک کەسایەتیی عەرەب رۆژی هەینی لە شاری هەولێر، کۆبوونەوەیەکیان ئەنجامدا و لەنێو ئەو کۆبوونەوەیدا، پشتگیری خۆیان راگەیاند بۆ ئەوەی عێراق پەیوەندیی فەرمی لەگەڵ ئیسرائیل ببەستێت، ئەمڕۆش جوتیار عادل وتەبێژی حکومەتی هەرێمی کوردستان رایگەیاند، "ئاگادار نەکرابووینەوە لە بەڕێوەچوونی کۆنفرانسەکە و بەبێ زانیاری و رێگەپێدانی ئێمە کراوە."
https://www.awene.com/detail?article=57149
نوێنەری حکومەتی هەرێمی کوردستان لە تاران، ڕایگەیاند کە بەڕێوە چوونی کۆنفڕانسی بانگهێشتی عێراق بۆ سازش لەگەڵ ئیسرائیل، بووەتە هۆی نیگەرانی ئێران.
بە ڕاپۆرتی ئاژانسی هەواڵی مێهر، نازم دەباغ نوێنەری هەرێمی کوردستان لە تاران سەبارەت بە کۆنفڕانسی ئاشتی لە هەولێر لەسەر بابەتی بانگهێشتی عێراق بۆ سازش لەگەڵ ئیسرائیل، وتی کە ناوبراو وەکوو نوێنەری هەرێم لەلایەن وەزارەتی دەرەوەوە بۆ شرۆڤە سەبارەت بە ئەو کۆنفڕانسە بانگهێشت نەکراوە و ئەو کاروبارە و ڕاگەیاندنی ناڕەزایەتی ئێران، لەلایەن سەرکونسوڵگەری ئێرانەوە لە هەولێر، شوێنگیری دەکرێت.
ناوبراو بە ئاماژە بە ئەوەی کە ئەو دەستە کۆنفڕانسگەلە لەلایەن دەوڵەت و وەزارەتی ناوخۆی هەرێمەوە، ئیدانە کراوە؛ زیادی کرد: بەڕێوە چوونی ئەو دەستە کۆنفڕانسگەلە لە ئەم ماوە زەمەنیەدا لە هەولێر، لێکەوتە و کاردانەوەی نالەباری بەدواوە هەبووە و بووەتە هۆی نیگەرانی کۆماری ئیسلامی ئێران و ئەبێ لێکۆڵینەوەی زیاتر سەبارەت بە هێنانە ئارای ئاوەها پرسگەلێک لە ئەم ماوەیە و لە شاری هەولیر، ئەنجام بدرێت.
https://ku.mehrnews.com/news/39356/%DA%A9%DB%86%D9%86%D9%81%DA%95%D8%A7%D9%86%D8%B3%DB%8C-%D9%87%DB%95%D9%88%D9%84%DB%8E%D8%B1-%D8%A8%D9%88%D9%88%DB%95%D8%AA%DB%95-%D9%87%DB%86%DB%8C-%D9%86%DB%8C%DA%AF%DB%95%D8%B1%D8%A7%D9%86%DB%8C-%DA%A9%DB%86%D9%85%D8%A7%D8%B1%DB%8C-%D8%A6%DB%8C%D8%B3%D9%84%D8%A7%D9%85%DB%8C-%D8%A6%DB%8E%D8%B1%D8%A7%D9%86c
نازم دەباغ : هەوڵی شێواندنی ئاسایشی هەرێم دەدرێت
نازم دەباغ نوێنەری هەرێم لە تاران هەڵوێستی ئێرانی بەرامبەر بە كۆنگرەكەی هەولێر بۆ كوردسات نیوز ئاشكرا كرد.
نوێنەری حكومەتی هەرێم لە ئێران ڕایگەیاند ، دەستێك هەیە دەیەوێت ئارامی ئاسایشی هەرێمی كوردستان تێك بدات بە تایبەت دوای ئەوەی وەفدی حكومەتی هەرێم بە سەرۆكایەتی قوباد تاڵەبانی لە بەغداد ئەنجامی گەورەیان بە دەستهێنا، بۆ بەدهێنانی تەبایی و چارەسەركردنی بەشێك لە كێشەكان.
نازم دەباغ، نوێنەری حكومەتی هەرێم لە تاران دەڵێت: نەدەبوو لەم كات و ساتەدا و لە شاری هەولێر وەها كۆنگرەیەك كە داوای ئاسایكردنەوەی پەیوەندییەكانی نێوان عێراق و ئیسرائیل دەكات بەڕێوەبچێت چونكە ئەو كۆنگرەیە ڕەنگدانەوەی خراپی هەبوو هەروەها ئێرانییەكانیش نیگەران كردووە، ئێمەش لای خۆمانەوە ڕوونكردنەوەی پێویستمان داوە.
نوێنەری حكومەتی هەرێم لە تاران بە SNNی ڕاگەیاند: لەسەر بەستنی ئەو كۆنگرەیەی كە بەر لە دوو ڕۆژ لە لایەن ژمارەیەك لە سەرۆك عەشیرەتە عەرەبەكانەوە لە شاری هەولێر بەڕێوەچوو كە تیایدا داوای ئاسایكردنەوەی پەیوەندییەكانی نێوان عێراق و ئیسرائیل كرا، ئێمە لە نوێنەرایەتی حكومەتی هەرێم لەلایەن وەزارەتی دەرەوەی ئێران بانگهێشت نەكراوین چونكە ئەوە كەناڵ و ڕێگای دیكەی هەیە كە دەكرێت لە ڕێگەی كونسوڵخانەی ئێران لە هەولێر بەدواداچوون بۆ ئەو بابەتە بكرێت.
ئاماژەی بەوەشكرد، بەستنی ئەو كۆنگرەیە لەم كات و ساتەدا و لە شاری هەولێر ڕەنگدانەوەی خراپی بەدوای خۆیدا هێناوە و ئێرانییەكانیشی نیگەران كردووە، بۆیە وروژندنی ئەم بابەتە لەم كاتەدا و لە شاری هەولێر دەبێت لێكۆڵینەوەی زیاری لەسەر بكرێت و هەروەك بینیشمان لەلایەن سەرۆكایەتی هەرێم و وەزارەتی ناوخۆی حكومەتی هەرێمەوە ئیدانەی ئەم جۆرە كارە كرا بەڵام دەبێت لێكۆڵینەوەی زیاتر و وردتری تیادا بكرێت.
نوێنەرەكەی حكومەتی هەرێم لە تاران ئەوەشی خستەڕوو، لەلایەن كەناڵە ڕاگەیاندنەكانی ئێرانەوە پرسیاری زۆرمان لەسەر ئەم بابەتە لێكراوە ئێمەش لەلایەن خۆمانەوە ڕوونكردنەوەی پێویستمان داوە و هەڵوێستی فەرمی حكومەتی هەرێممان بۆ ڕوونكردونەتەوە و بەستنی ئەو كۆنگرەیەمان بە هەڵوێستی فەرمی حكومەتی هەرێم نەزانیوە.
SNN/ عەلی حەمە سەعید
نازم دەباغ ڕایگەیاند: کومیتەی بەدواداچوون بۆ بەڕێوەبەرانی کۆبوونەوەی هەولێر پێک دێت
نوێنەری هەرێمی کوردستان بە وتنی ئەوەی کە سەبارەت بە کۆبوونەوەی دوێنێ لە هەولێر کومیتەی دەرخستنی راستییەکان پێک هاتووە، لەسەر پێداویستی یاساکانی بەڕێوەچوونی کۆنفڕانس و کۆبوونەوەکان لە ئەو ناوچە جەختی کرد.
بە ڕاپۆرتی ئاژانسی هەواڵی مێهر، کۆبوونەوەیەک هەندێک لە ئەو کەسانەی کە خوازیاری ئاسایی کردنەوەی پێوەندی لەگەڵ ئیسرائیلن لە ناوچەی هەرێمی کوردستان لەگەڵ کاردانەوەی توندی کەسایەتی و بەرپرسان و پارتە عێراقییەکان بەرەوڕوو بووەوە. بە پێی راگەیاندنی سەرچاوە عێراقییەکان، زیاتر لە 300 کەس لە ئەو کۆبوونەوە کە لە شاری هەولێر بەڕێوە چوو، خوازیاری ئاسایی کردنەوەی پێوەندی لەگەڵ ئیسرائیل بوون.
نازم دەباغ نوێنەری هەرێمی کوردستان لە تاران سەبارەت بە کۆبوونەوەی عەشایری عەرەبی نیشتەجێی هەولێر سەبارەت بە ئاسایی کردنەوەی پێوەندی لەگەل ئیسرائیل وتی: لە دۆخی ئێستادا تا ڕادەیەک ئازادی و پاڵپشتی لە کەسانێک کە دێنە ناو هەرێمی کوردستان هەیە و مۆڵەتی کۆبوونەوە کۆنفڕانس دەدرێت بەلام لە وردەکارییەکانی کۆنفڕانسەکان ئاگاداریەک نییە.
ناوبراو درێژەی دا: وەزارەتی ناوخۆی هەرێمی کوردستان لە بەیاننامەی دوێنێ خۆی لە پێکهێنانی کومیتەی دەرخستنی ڕاستییەکان سەبارەت بە ئەو کۆبوونەوە بۆ ناسینەوەی هۆکارەکانی هەواڵی داوە و ئەو کۆبوونەوەیەی ئیدانە کردووە و ئەوەش بە واتای ئەوەیە کە ئاوەها کۆبوونەوەیەک پێچەوانەی سیاسەتەکانی هەرێمی کوردستانە.
https://ku.mehrnews.com/news/39307/%DA%A9%D9%88%D9%85%DB%8C%D8%AA%DB%95%DB%8C-%D8%A8%DB%95%D8%AF%D9%88%D8%A7%D8%AF%D8%A7%DA%86%D9%88%D9%88%D9%86-%D8%A8%DB%86-%D8%A8%DB%95%DA%95%DB%8E%D9%88%DB%95%D8%A8%DB%95%D8%B1%D8%A7%D9%86%DB%8C-%DA%A9%DB%86%D8%A8%D9%88%D9%88%D9%86%DB%95%D9%88%DB%95%DB%8C-%D9%87%DB%95%D9%88%D9%84%DB%8E%D8%B1-%D9%BE%DB%8E%DA%A9-%D8%AF%DB%8E%D8%AA
نازم دەباغ: وەزارەتی ناوخۆی هەرێمی کوردستان خوازیاری ناسینەوەی بەرپرسانی کۆنفڕانسی هەولێرن
"نازم دەباغ" نوێنەری حکومەتی هەرێمی کوردستان لە ئێران گوتی: وەزارەی ناوخۆی هەرێمی کوردستان بەڕێوەچوونی کۆنفڕانسی ئیسڕائیل لە هەولێری بە توندی ئیدانە کرد و خوازیاریی پێکهێنانی هەر چی زووتری لێژنەیەکە بۆ ئەوەی کە لەسەر چۆنییەتی پێدانی ئیزنی بەڕێوەچوونی کۆنفڕانسێکی لەم چەشنە بەدواداچوون بکات.
"نازم دەباغ" نوێنەری حکومەتی هەرێمی کوردستان لە تاران لە وتووێژ لەگەڵ ئاژانسی "دانشجو" SNN ئێرانی سەبارەت بە بەڕێوەچوونی کۆنفڕانسی ئیسڕائیل لە هەولێر بە مەبەستی ئاسایی کردنەوەی پەیوەندییەکانی عێراق لەگەڵ ئیسڕائیل گوتی: وەزارەی ناوخۆی هەرێمی کوردستان بەڕێوەچوونی کۆنفڕانسی ئیسڕائیل لە هەولێری بە توندی ئیدانە کرد و خوازیاریی پێکهێنانی لێژنەیەک بوو بۆ ئەوەی کە لەسەر چۆنییەتی پێدانی ئیزنی بەڕێوەچوونی کۆنفڕانسێکی لەم چەشنە بەدواداچوون بکات.
گوتیشی: ئەو بەرپرسانەی کە پێدانی ئیزنی بەڕێوەچوونی کۆنفڕانسێکی لەم چەشنەیان داوە، شایەد وشیاریی سیاسییان نەبووبێت. بێگومان مەبەست لە بەڕێوەچوونی کۆبوونەوەی لەم چەشنە خراپکردنی پەیوەندییەکانی هەرێمی کوردستان لەگەڵ جیهانی ئیسلام و وڵاتانی ناوچەکەیە.
نوێنەری حکومەتی هەرێمی کوردستان لە ئێران لە وڵامی ئەم پرسیارەدا کە "ئایا مەبەست لە بەڕێوەچوونی کۆنفڕانسی ئیسڕائیل لە عێراق، ئامادەکردنی ڕای گشتی بۆ ئاسایی کردنەوەی پەیوەندییەکانی لەگەڵ ئیسڕائیلە؟" گوتی: یەکێک لە یارییەکان ئەوەیە کە ئەم کەشووهەوایە بڕەخسێنن کە چۆن کۆبوونەوەی لەم چەشنە لە هەرێمی کوردستان بەڕێوەببەن؛ کەوابوو عێراق خوازیاریی چاککردنی پەیوەندییەکانی لەگەڵ ئیسڕائیلە، لەڕاستیدا ئەوان بەشوێن تێکدانی پەیوەندییەکان لە ناوچەکەدان.
لینکی هەواڵ:
snn.ir/0043UU
ئەمیر موسەوی، دیبلۆماتكاری پێشوو و شارەزای بواری ستراتیژی دەڵێت: “تیرۆرستان”ی كورد بە هەماهەنگی لەگەڵ دەزگای مۆسادی ئیسرائیلی و ئەمریكییەكان، دەستیان هەبوو لە كوشتنی موحسین فەخریزادە.
لە بەرامبەر ئەم قسەیەدا نوێنەری حكومەتی هەرێم لە تاران دەڵێت، پێویستە حكومەتی هەرێم هەڕەشە و هۆشدارییەكانی ئێران بە هەند وەربگرێت، چونكە ئەگەر بڕوای تەواوبهێنن بەوەی كورد بەشداربووە بەدڵنیاییەوە رەنگدانەوەی خراپی دەبێت لەسەر كاردانەوەی ئێران بۆ ئەم كارە.
نازم دەباغ، نوێنەری حكومەتی هەرێم لە تاران بە پۆڵەتیك پرێسی راگەیاند: ئەم قسەیەی موسەوی پێم وانییە راستەوخۆ ئاراستەی هێز و لایەنێكی سیاسی كوردی كرابێت لە هەرێمی كوردستان، بەڵام بەپێی ئەو دەنگۆیانەی لە ئێران گوێبیستی بووین، لە هەندێك دەزگای راگەیاندنیش باسی كرابێت ئەو كەسانەی كە بەشداربوون لە “تیرۆركردنی فەخریزادە” پێم وایە ناوی چەند كوردێكیشی تێداهاتووە، ناوەكان لای ئێمە ئاشكرانیە بەڵام باسی ئەو كوردانە كراوە كە خەڵكی رۆژهەڵاتی كوردستانن.
نوێنەری حكومەتی هەرێم لە تاران وتی: گرنگە حكومەتی هەرێمی كوردستان ئەم هەڕەشانە بە هەند وەربگرێت، بۆئەوەی لەخت و خۆڕایی هەرێمی كوردستان یان لایەنێكی سیاسی لە هەرێم تێوەنەگلێت لەم كێشانە، بەدڵنیاییەوە لە ناو ئێران لایەن یان دەزگا هەیە پەنجەی تۆمەت بۆ كورد رادەكێشێت كە هاوكارن لەگەڵ بەرنامە و پیلانەكانی ئیسرائیل لە “تیرۆركردنی فەخریزادە”.
نازم دەباغ وتیشی: لە كاتێكدا بڕوای تەواوبهێنن بەوەی كورد بەشداربووە بەدڵنیاییەوە رەنگدانەوەی خراپی دەبێت لەسەر كاردانەوەی ئێران بۆ ئەم كارە، ئەو كاتە هێرشی زیاتر دەكەنە سەر بنكە و بارەگای ئەو پارتانەی رۆژهەڵات كە لە هەرێمی كوردستانن.بۆیە پێویستە حزبە كوردییەكانی رۆژهەڵاتی كوردستان دڵنیایی بدەن لەوەی دەستیان نەبووە و نابێت لەم كارانە و پابەندی رێككەوتنەكانیانن لە هەرێمی كوردستان بۆئەوەی هێمنی و ئاسایش بەرقەراربێت لە هەرێمی كوردستان.
https://politicpress.com/68131/
More...
سه‌رۆك نێچيرڤان بارزانى: به‌ريتانيا ده‌يه‌وێت له زۆر بواردا هاوكاريى هه‌رێمى كوردستان بكات
سه‌رۆكى هه‌رێمى كوردستان له‌گه‌ڵ جێنشينى ئه‌بوزه‌بى كۆبووه‌وه
سه‌رۆك نێچيرڤان بارزانى سه‌ردانى ئه‌كاديمياى ساندهێرستى سه‌ربازى ده‌كات
سەرۆکی حکومەتی هەرێمی کوردستان پێشوازی لە سەرۆک کۆماری عێراق دەکات
